رواية غموض الحب الفصل السابع7والثامن8 بقلم لولا
مازن بصدمه لوحدي ازاي يعني
منصور بتنهيده يعني لوحدك هي فيها صعوبه ??
مازن بصدمه لا طبعاا يا جدي ده مش عدل ولا شرع ربنا
منصور بحده هو انا هستنى منك انت يا مازن اللي تعرفني العدل وشرع ربنا ?? شرع ربنا ده في الميراث اللي بلفعل اتقسم على ابوك وعمك بلتساوي انما دي فلوسي وانا شلتها في الارض وعايز اديهالك وانا حر اديها للي انا عايزه
مازن : انا اسف يا جدي مقصدش اعدل على كلامك بس انا مش هقدر اقبل الاراضي دي سامحني ارجوك وحط الورق على التربيزه ورايح يقوم
منصور بحده اقعد يا مازن
مازن قعد واكمل بتنهيده نعم
منصور اسمع كلامي يابني وخد حتتين الارض دول وشغل ناس فيهم وخد مكسبهم
مازن بستغراب واشمعنا انااا .. انا بصراحه مش قادر افهم وجهه نظرك يا جدي ليه تعمل معايا انا واحمد وعيال عمي مشاكل وتفرق بينا واحنا فيه بينا محبه لو علشاني انا اديني بقولك مش عايزها ارجوك واعفيني عن كل ده
منصور بتنهيده وانت فكرك ان جدك بيفرق بينكم ولا بيحب حد فيكم عن التاني
مازن ماهو ده اللي مجنني انت دي مش طريقتك فا في ايه بقى
منصور انت متجوزتش لحد دلوقتي ليه يا مازن
مازن بستغراب افندم !!! مال ده ب ده بس على العموم انا لسه ملقتش بنت مناسبه وكلكم عارفين كده
منصور امممم ملقتش بنت مناسبه وابتسم واكمل طب ولو لقيت
مازن اتوتر من نظره جده بس مبينش واكمل بردو لسه لما الاقي مش هتجوز دلوقتي
منصور ليه بقى منتا سنك كبر مستني ايه
مازن بتنهيده يا جدي انا لسه مخدتش الكافيه ليا انا شغال فيه وقبضي مش هيفتح بيت ومصاريف وانا مش هجيب بنت الناس ابهدلها معايا فمستني اشوف جمعيه كبيره تخليني اشتري الكافيه واعمل شقتي واتجوز اصل مش سهله هي ده دهب وجهاز وتجهيز شقه وفرح وفستان وليله زرقا
منصور انا عارف ان ده سبب رفضك للجواز مش البنت ابداا و عارف انك اكتر واحد تعبان وشايل الهم في احفادي وعارف انك اكبرهم و اكتر حد شايل مسئوليتهم وبيحبهم كلهم اكتر حد خد من نفسه واداهم وظلم نفسه
مازن بابتسامه انا مبعملش اكتر من المفروض اعمله دول اخواتي ومش معنى ان كنت بقف جمبهم يبقى اكل حقهم في فلوسك زي ما ليا ليهم
منصور انا هسألك سؤال يا مازن
مازن اتفضل يا جدي
منصور بتنهيده هو انت مكملتش تعليمك زي اخواتك وعيال عمك ليه
مازن بتنهيده حزينه حضرتك عارف ان احمد ونور كانوا صغيرين وبابا مكنش قادر على المصاريف وجات عليه فتره سافر فسبت الدراسه واشتغلت علشانهم وابتسم واكمل وتعبي مراحش على الفاضي اهو الحمدلله
منصور منا عارف كل ده بس خليتك تقول بلسانك وعارف كمان انك اتحايلت على عمك معتز ومرات عمك نرمين يدخلوا حسام شرطه وسيف حربيه وعارف انك كنت بتدي زينب مصروف كل يوم وهي رايحه كليتها لحد ماخلصت ولما تقولك معايا تقولها وانا كمان اخوكي وعارف انك كنت بتساعد في مصاريف ياسمين في الثانوي ومش معرف ابوها وبتخليها تقول ان حضرت الحصه من فونها ببلاش علشان توصل لحلمها ولما دخلت حقوق انت اكتر واحد وقفت جمبها وشجعتها وعارف انك وافقت احمد يسافر وانت هتموت من الخوف على اخوك بسبب مرضه بس فرق معاك يبقى احسن منك ويوصل لهدفه واختك اللي كنت ولازلت بتعتبرها بنتك ويونس اللي برغم ان سنكم متقارب قالك اسيب المدرسه واشتغل معاك لان ظروفنا زمان غير دلوقتي انت قولتله لا ومين هيبقى دكتور العيله ومحستش بغيره تجاهو برغم انكم سن بعض انه هو نجح وانت مكملتش ويوم نجاحه كنت بتوزع حاجه ساقعه للناس زيك زيه وعارف ان حتى شهد بتحبها وبتغير عليها وده كان واضح انهارده انت كنت اخو الكل وضحيت علشان الكل وحاربت مع الكل علشان احلامهم وكلهم وصلوا وبقى معاهم فلوس ومبسوطين مش ان الاوان بقى تفوق لنفسك وتعمل حاجه انت كمان حتى لو كانت ابسط منهم بس انا واثق هتعرف تدير فلوسك كويس
مازن بصدمه انت عرفت كل ده منين !!!!??
منصور بضحك لا انا عارف كل حاجه بس سايب كل حاجه لوقتها
مازن بضحك مش سهل انت يا منصور اقسم بالله
منصور بضحك اه اومال انت فاكر ايه ... ها هتشغل الاراضي امتى
مازن بابتسامه بص يا جدي برغم كل ده انا لسه عند موقفي عارف اني الوحيد اللي مستقبلي وقف فيهم بس ده نصيب و ميدنيش الحق اخد الفلوس لوحدي
منصور ده لان الدنيا ارزاق ومحدش بياخد كل حاجه وهما خلاص خدوا نصيبهم
مازن بابتسامه طب حقك عليا انا فعلا مش هقدر وربنا يعيني في حته الجواز دي
منصور بحده انا مش بناقشك يا مازن الامر منتهي بنسبالي وعيال عمك سبهم ليا انا
مازن بتنهيده يا جدي ارجوك طب
منصور بمقاطعه وبحده الكلام خلص خلاص يلا روح شوف شغلك وتدور على ناس تشغلك الاراضي اتفضل
مازن تنهد بقله حيله منه وقام وقف ومشي
فدخلت صافيه واكملت ها كلمتوا
منصور بحده عنيد وراسه ناشفه بس بردو هيعمل اللي انا قولته
صافيه بابتسامه عملت الصح مازن ياحبه عيني الوحيد فيهم اللي اتظلم ايام ماكنا حالنا على ادينا
منصور بتنهيده علشان كده هعوضه لازم يمسك فلوس ويجيب الكافيه ويعيش مبسوط زيه زيهم ومينفعش واحد فيهم اصلا يعترض وهو كان مساعد الكل انه يوصل
صافيه بابتسامه احفادك روحهم في بعض يا منصور متخافش هيوافقوا طبعاا
منصور بحده ما طبيعي يوافقوا انا مش بستأذنهم اصلا انا هقولهم بس علشان اريح مازن
صافيه بابتسامه عارفه والله هدي نفسك بس يا ابو ايمن بأذن الله خير
منصور يارب يا صافيه يارب
-------------------------------------------
في كليه نور في الكافيه
هند بضحك اومال انتي فاكره ايه ده احنا لسه هنتنفخ
نور بضحك لا انا هبطت بدري اوي اوي ودوني على بيت حبيبي
هند بضحك روحي ياختي ومالو
رحيم جيه وشد كرسي وقعد واكمل لسه مطلبتيش اكل يا هند مكلمك وقايلك واقع
نور بصتلها بستغراب فاكملت هند بابتسامه رحيم اخويا يا نور ومعانا في الكليه
نور بستغراب اه منا خدت بالي انه كان في المدرج بس معرفش انه اخوكي
هند بضحك لا ياستي ده اخويا التؤام بس مجتش فرصه اعرفكم ببعض وكمان لانه المره اللي فاتت مشي علطول
نور بابتسامه اه ربنا يخليكم لبعض
رحيم بابتسامه ويخليكي يا قمر
نور بستغراب افندم ???
هند ضربته بلقوع واكملت بضحك اتلم شويه نور صاحبتي ومخطوبه
رحيم بضحك فعلا ??? ده انا حظي وحش اوي بقى
نور بضيق هند انا هقوم امشي ورايحه تقوم
هند بسرعه لالا استني حقك عليا والله ده هو اللي هيقوم يمشي دلوقتي وبصت لاخوها واكملت اتلم وامشي احنا بنات مع بعضنا واكلك اطلبوا وخدوا وامشي
نور قعدت وتنهدت بضيق وسكتت
رحيم ابتسم واكمل بجديه على العموم انا بهزر لان اعجبت بيكي ومكنتش اعرف فعلا انك مخطوبه بس كده زيك زي هند اكيد ومد ايده واكمل اتشرفت بمعرفتك يا انسه نور
نور ابتسمت بتصنع ورايحه تمد ايديها فا اتفاجئت بيونس بيسلم عليه مكانها واكمل ببعض من الحده معلش بس هي مبتسلمش على رجاله
رحيم بتوتر دكتور يونس هي خطيبه حضرتك ???
يونس ضغط على ايديه جامد واكمل اختي الصغيره فهمت ولا اعيدها ???
رحيم شد ايديه واكمل بتوتر اكيد طبعا انا مكنتش اعرف انها اختك والله بعتذر هند انا همشي انا ها عن اذنكم
ومشي
نور اتوترت جدا وبصتله وسكتت فاكمل يونس بحده ورايا على مكتبي
نور بتوتر يا ابيه والله هو
يونس وهو ماشي اكمل بحده انا قولت اللي عندي
ومشي
هند لوت بوقها واكملت بتوتر روحي ياختي روحي شوفي عايزك ليه
نور بخوف ربنا يستر ميعرفش قاسم انا مني لله ياريتني كنت مشيت من الاول ومسمعتش كلامك احنا مفيش عندنا حته اقعد مع حد غريب دي و ابيه يونس ولا حتى اي حد من عيال عمي لو شافني مش هيسكتوا يااربي اعمل ايه
هند بحزن حقك عليا روحي وراه زي ما قالك وانشاء الله خير انا اسفه ليكي بجد من اللي حصل
نور بتوتر لالا متقوليش كده يا هند انتي اختي بس ارجوكي ابعدي اخوكي عني خالص انا مش عايزه مشاكل ولا ليا فيها
هند بحزن حاضر والله حقك عليا انا هبهدله
نور بابتسامه يابت خلاص مفيش حاجه هروح انا بقى ها
هند بحزن تمام خير انشاء الله
في مكتب يونس قاعد بيشرح لسيليا حاجه هي مش فهماها
يونس بس كده بسيطه اهي فهمتي ??
سيليا بابتسامه اه الحمدلله شكرا لحضرتك بجد يا دكتور
يونس بابتسامه الشكر لله معملتش اكتر من واجبي
سيليا بحب طب معلش هو حضرتك هتعمل امتى امتحان الشفوي
يونس متقلقيش قبلها بكتير هنبه عليكم مش هفاجئكم يعني
سيليا بابتسامه خير انشاء الله وصحيح كل سنه وحضرتك طيب
يونس بستغراب وانتي طيبه بس مناسبه ايه
والباب خبط فاكمل يونس ادخل
فكانت نور واكملت طلبتني يا دكتور
يونس بصلها بحده واكمل اقعدي لحد ما اخلص
سيليا بابتسامه زي بكره اليوم اللي حضرتك اتعينت فيه دكتور هنا في الكليه
يونس ضحك واكمل تصدقي وتأمني بالله ان انا فعلا نسيت وانتي طيبه يا سيليا وشكرا جدا
سيليا بابتسامه ولا شكر ولا حاجه ده حضرتك احنا اللي مدينين ليك بلشكر على كل حاجه بتعملها معانا والله
يونس بابتسامه انا بعمل شغلي وتحت امركم كلكم في اي وقت
وفونه رن فرد
واكمل ايه يحبيبتي
-تمام حاضر من عيني
-ضحك واكمل يا قلبي انتي تؤمري بس كده ده انا اجبلك الدنيا كلها
-قلب حبيبك والله ربنا معاكي وخلي بالك من نفسك
-ماشي يحبيبي من عيني يلا باي
وقفل تحت استغراب نور وصدمه سيليا اللي حاولت متبينهاش واكملت بتقطع طب ط ب استأذن انا بقى وابتسمت بوجع واكملت وشكرا تعبتك
يونس بابتسامه تعبك راحه
وطلعت وهي بتحاول تتماسك وقفلت الباب
نور بستغراب حبيبتك مين يا ابيه
يونس بصلها واكمل ده ابيه ده هيطلع عين اهلك انهارده تعالي هنا
نور قامت بتوتر ووقفت قدامه واكملت احم نعم
يونس بشئ من الحده : ايه يخليكي تقعدي مع رحيم زيدان يا نور انتي اتجننتي من امتى وواحده من بنات الرفاعي بتتعامل مع شباب غريبه
نور بحزن والله العظيم هو اللي جيه قعد انا مكنتش اعرف انه اخو هند اصلا انا اتفاجئت بيه
يونس بحده حتى لو حصل كده تقومي تمشي هو يا هانم لو حد شافك قاعده معاه يقول عليكي ايه هاا ??? الواد ده من ساعه ما دخل الكليه وهو مش مظبوط وكل يوم يعمل مشكله مع بنت شكل واحنا اصلا مش متربيين على كده ولا علشان دخلتي الجامعه فاكره نفسك كبرررتي خلاص وملكيش حاكم
نور بدموع انا اسفه يا ابيه بس والله انا كنت فعلا هقوم والله العظيم بس هند زعقتله وقالتله يمشي هنقعد احنا مع بعض بنات بس
يونس برفعه حاجب وهند زعقتله ليه ????
نور بتوتر ها
يونس بحده ايه اطرشتي
نور اتخضت واكملت بدموع علشان قعد معانا يعني وده ميصحش
يونس قعد معاكم بس ولا عملك حاجه ???
نور بتوتر لالا معملش حاجه
يونس تمام انا محبتش اشهد قاسم ومازن عليكي قولت اشوف انا الاول ازاي تقعدي مع غريب في مكان عام كده بس لو اتقررت يا نور قسما بالله انا
نور بمقاطعه ودموع والله العظيم خلاص ده اصلا واد مش محترم وباين عليه بتاع بنات صح وحتى لو محترم انت عارف اختك مش بتاعت الكلام ده انا يوم ماقعدت مع واحد نتكلم شويه كان قاسم غير كده مبيحصلش فحقك عليا يا ابيه مش هتقرر بس مازن وقاسم متقولهمش لا علشان خاطري انا والله كنت هقوم وعيطت
يونس بتنهيده خلاص اهدي وقام وشد مناديل من العلبه اللى على مكتبه واكمل امسكي امسحي دموعك واهدي
نور مسحت دموعها وسكتت فاكمل يونس بتنهيده والله خايف عليكي انتي زيك زي شهد وياسمين ومش هستحمل حد يجيب سيرتك بأي كلمه خصوصا انتي بنت مخطوبه يعني ميصحش كده
نور بدموع عارفه والله ومش هتقرر انا اسفه
يونس بابتسامه خلاص متعتذريش حصل خير انا طلبتك لمكتبي افهم لاني عارف انك مش كده انتي متربيه على ايدي
اهدي بقى وكفايه عياط
نور مسحت دموعها واكملت صح بما اني جيتلك فكنت عايزه افهم حاجه
يونس قعد وشد الكرسي جمبه واكمل تعالي يحبيبتي وريني عايزه ايه
نور قعدت وطلعت حاجتها واكملت ده من الكيمياء الحيويه
يونس بتسغراب كيمياء حيويه !!!! كيمياء حيويه ايه يا غيبوبه دي مش مادتي
نور بضحك منا عارفه بس انت كنت دحيح لما كنت طالب فاكيد عارفها يعني
يونس بضحك طيب ياختي انهي جزء اللي مش فهماه
نور بتوتر اقولك ومتتعصبش عليا ؟؟
يونس بتنهيده اممم يبقى كله ومسك كشكول وقلم واكمل بضحك امري لله لما اشوفه رأفت اما هو مفهمكيش مادته هتفهمي مني انا
نور فضلت تضحك واكملت حافظني وحياه ربنا فعلا كله بس العيب مش من دكتور رأفت تؤ تؤ العيب في مخي انا
يونس بضحك والله كنت عارف بس سكت علشان مشاعرك
نور بضحك تشكر ياعم علشان دحيح بتذلنا
يونس بضحك ده انا عنيا ليكي يا نوري يا سلام يلا
وفضل يشرحلها وهي مركزه معاه لحد ما خلص
يونس بس كده ياستي ها فهمتي ولا جاموسه
نور بضحك لا فهمت زي الفل والله ماتدينا انت كل المواد يا ابيه
يونس بضحك بس كده من عنيا واقعد باقي الدكاتره في البيت حاضر
نور بضحك خلاص هتشرحلي انا كل المواد
يونس بضحك اه ده استغلال اني ابن عمك ومعاكي في البيت وكده .. طيب وهتديني كام
نور بحب اللي انت عايزه يسطا عنيا ليك
يونس بضحك يسطا! !!!! بعد يسطا دي اسحبي ملفك من كليتنا واقعدي في البيت مشوفش وشك تاني
نور بضحك اخص عليك ده انا سكر .. بس صحيح مين حبيبتك دي اللي كنت بتكلمها
يونس بضحك ياستي دي شهد حسام بيوصلها الدرس وهي بتكلمني بتطلب مني قهوه من المطحن ونسكافيه بلاك علشاان لما ترجع تشربه وهي بتذاكر حبيبتي ايه ونيله ايه
نور بحزن والله حسيت طب ماتحاول تدي نفسك فرصه يا ابيه
يونس بتنهيده بصي يا نور انتي لسه صغيره ومتعرفيش حاجه خالص انا اللي حاسه صعب امحيه اوعدك لو ماحيته هحاول بس اكيد مترضيهاش على نفسك ان قاسم يكون بيحب غيرك ومعاكي ولا ايه
نور بحزن اكيد طبعا وانا عارفه انه قد ايه صعب اوي ننسى حد بنحبه وعارفه قد ايه كنت بتحكيلنا عنها وعن حبك ليها وعارفه انها جميله ومختلفه وعمرك ماشوفت زيها بس عارفه بردو انها وجعتك مش هينفع توقف حياتك علشانها
يونس بابتسامه مش بقولك متعرفيش حاجه وبعدين انتي مين قالك موقف حياتي بلعكس عايش طبيعي وبشتغل وبنجح وزي الفل بس فكره الجواز مش في دماغي بس
نور بحزن انت من ساعه ما ماما لبنى مشيت انت غريب يا ابيه بجد ومحدش فاهمك
ابتسم يونس بوجع واكمل يمكن لانها الوحيده اللي كانت بتفهمني
نور بحزن حقك عليا مش قصدي اضايقك بس انت بعدها اتغيرت 180 درجه ممكن تجرب تحكيلي عارفه اني صغيره بس ممكن افهمك والله
يونس ضحك من بين دموعه واكمل لا انتي مش صغييره انتي بقيتي طالبه جامعيه وشويه وتبقي عروسه كمان بس انا اللي مبقتش عارف اعبر استحمليني ولما اعرف هقولك اكيد
نور بابتسامه توعدني
يونس ضحك واكمل اوعدك ياستي
نور فونها رن فاكملت بابتسامه طيب يلا هروح انا قاسم بيكلمني
يونس بحب روحي يا حبيبتي وخلي بالك من نفسك
نور بحب حاضر تسلملي بجد على الشرح
يونس بحب بس يا هبله ده واجبي
وطلعت نور وتنهد يونس بحزن وحط راسه على مكتبه بوجع شديد لتذكره البنت اللي بيحبها وصعوبه اجتماعهم واستحاله نسيانه ليها فتنهد بعمق واكمل حلها من عندك انت يارب ريح قلبي تحت اي وضع انا تعبت
-------------------------------------------
في عربيه قاسم
نور ايوه ما انا بقولك مش هخليك تلف والله هو شميز هجيبه ونرجع
قاسم بتنهيده اممم شميز طيب على الله الشميز ميكونش نص المول
نور ضحكت واكملت لالا الشميز بس عيب عليك
قاسم بضحك لا يا قلبي منا حافظك من غير ماتتكلمي اخرسي خالص
نور ياسيدي انا غلطانه جيباك معايا بدل ما اجيبه لوحدي واحرقلك دمك
قاسم تقدري تعمليها ??
نور بغيظ على فكره بقى انا ..
قاسم بمقاطعه انا بسال تقدري تعمليها ???
نور نفخت بضيق واكملت لا ارتحت
قاسم فضل يضحك على غضبها الطفولي واكمل بضحك جتك الارف وانتي قمر كده لما تتعصبي .. بس عارفه ايه اجمل حاجه فيكي وانتي متعصبه
نور بستغراب ايه ??
قاسم بضحك بتكتمي عصبيتك فا غليانك الداخلي ده بيموتني انا ضحك مبتقدريش تعلي صوتك
نور بحب ده علشان انا بحبك وانت هتبقى جوزي وربنا امرني بطاعتك مش معقول هتقول على حاجه لا وانا اقول اه يعني يا قاسومتي عيب عليك
قاسم بحب طب انا رايي لو عايزه تلفي المول حته حته نلفه انا فاضي انهارده
نور فضلت تضحك واكملت ثبتك والله انا جامده كل مره بعملها وبنجح
قاسم بضحك اخص عليكي يانور يعني مش بتتكلمي بجدد
نور بحب لا طبعا ياروحي بتكلم جد هو انا اقدر
قاسم بحب ايوه كده تعجبيني وبعيدا عن انك فعلا كل مره بتثبتيني بس انا كده كده طلما مش موافق بحاجه مش هتحصل لو اتقلبتي قرد
نور بضيق منا عارفه هو انت هتعرفني عليك قفل يابوووي منك
قاسم عارفه انتي انا نفسي ارنك علقه علشان حورات لسانك الطويل ده كترت الصراحه فاتشوفي القفل صح
نور بتمثيل حزن تهون عليك نوري يا قاسم
قاسم بصلها وضحك واكمل ب البصه دي لا متهونش انما اللي من ثانيتين عايزه تتربى فا اه تهون
نور بابتسامه منا قولت مش هناقشك بقى وهوافق واسكت على اللي هتختاره .. وبعدين انت مش شايف شياكتي بذمتك مش قمر
قاسم بحب قمر طبعا بس لما الحجاب يتلبس تبقي قمرين فيارب في اسرع وقت
نور بحب اللهم امين يارب
قاسم يلا تعالي ونزل وخدها ودخلوا ومجرد مادخلوا مسكت بلوزه حمرا ربع كم واكملت بجد جم
ولم تكمل جميله قاطعها قاسم واكمل مكانها وورايا
نور بغيظ يا قاسم هلبس عليها قميص وافتح الزراير
قاسم طب سيبي بس وتعالي علشان مهزقكيش
نور علقتها مكانها ونفخت بضيق وراحت وراه واكملت جيباك تضايقني هاا
قاسم بضحك اعتبري كده طلما الادب بيضايقك يبقى اضايقك
نور بضيق طب انا مفروض البس ايه منا متحجبتش
قاسم يااه ده انا عيوني ليكي اولا في بلوزات بكم قماشه صيفي عادي وفيه تلت كم وفيه شميزات طويله وكم في هدوم خفيفه كتير للصيف بس محترمه تلبسها البنت المحجبه والغير عادي علشان عارف طوله اللسان
نور غمضت عينيها بغيظ وفتحت واكملت انا عايزه شميز احمر هاته بأي شكل من الاشكال المهم اللون ممكن يا قاسم بيه ؟؟ ولا مينفعش الاحمر لحسن اقابل تور فينطحني ويريحك ويريحني
قاسم فضل يضحك واكمل لالا مش للدرجه دي بس اشمعنا احمر ده هتلعبي بيه في الاهلي ولا ايه
نور فضلت تضحك واكملت مبهزرش انا وصحاب ثانوي هنتجمع علشان عيد ميلاد روفيده صاحبتي فكلنا هنلبس احمر بس
قاسم برفعه حاجب وده فين عيد ميلاد روفيده صاحبتك اللي خططتيله ده ???
نور بضحك لالا متقلقش في كافيه الجامعه هما معايا في الجامعه بس مش الكليه فعلشان كده هنعرف نلاقي بعض كلنا اكيد مش هخطط اني اروح مكان من غير ما اقولك يعني مش للدرجه دي نوري عااقله ولا ايه
قاسم بسخريه وضحك امممم عاقله اوي
نور بضحك والله بايخ ... يلا اختار عايزه اشوفه
قاسم بحب حاضر اهو
وفضلوا يدوروا مع بعض على حاجه تعجبه وتعجب نور
--------------------------------------
عند درس شهد
حسام وصلها واكمل بحب يلا يا شوش اهو وصلنا خلي بالك من نفسك
شهد بحب حاضر تسلملي ياحسام تعبتك
حسام بحب بس يا هبله بطلي عبط وطلع فلوس من جيبه وحطها في ايديها واكمل خلي دول معاكي لو عوزتي حاجه هاتيها
شهد لالالا والله يونس وبابا مديني انا مش محتاجه حاجه لو عايزه مش هتكسف اقولك يا حسام انت اخويا
حسام بحب منا عارف يا قلب اخوكي وعلشان كده بديكي بعشم لان انا زي يونس وانتي زي زوزا واعتبريهم عربون لاول كشف عند دكتورتنا القمر
شهد ابتسمت بحب واكملت ربنا ميحرمنيش منكم يارب ولا من كلامكم الحلو ده
حسام بحب ولا منك يا شوش .. يلا اجري هتتاخري
شهد نزلت واكملت باي
حسام بحب باي ركزي كويس
شهد بحب حاضر
فرح صاحبتها ضربتها كتف بكتف واكملت بضحك مين المز ده يابت يا شهد
شهد برفعه حاجب اخويا الكبير اتلمي هااا
فرح بابتسامه مش قولتي يونس دكتور انما ده لابس لبس ظابط ازاي
شهد بضحك فرح اتلمي هاا انا بغير ده ابن عمي الرائد حسام الرفاعي وزي اخويا
فرح بضحك اوعاااا هو ده و
شهد بمقاطعه وهي بتبتسم وخاطب
فرح اختفت ابتسامتها واكملت الهي يسد نفسك زي ماسديتي نفسي يا بعيده
شهد بضحك يا شيخه اتنيلي وخشي شوفي الكيمياء والهم اللي احنا فيه
فرح بضحك والله على رايك وداخت شويه فمسكت ايد شهد
شهد بخضه مالك يابت فيكي حاجه ??
فرح بدوخه لالا تمام تمام وحطت ايديها علي بوقها واكملت شهد ممكن تجبيلي عصير معلش
شهد قعدتها واكملت بقلق حاضر يحبيبتي حاضر عيني
وخرجت تجبلها وسمحت فرح انها تشيل ايديها وسيل الدم نزل على ايديها فغمضت عينيها بوجع وطلعت منديل مسحت بوقها وايديها وسندت راسها وفضلت تقول ادعيا
شهد جات واكملت بخوف امسكي يا فرح اهو العصير
فرح بصتلها بملامح باهته ومسكت العصير واكملت شكرا تعبتك
شهد بقلق ياحبيبتي ولا حاجه بس انتي بخير
فرح هزت راسها ب اه واكملت زي الفل يلا علشان الامتحان هيبدا وقامت واتسندت وشهد مشيت بتسندها بقلق واضح واكملت متاكده هتعرفي تكملي
ودخلوا
فرح بحب يابنتي انا زي الفل اهو مالك اقعدي يلا
شهد قعدت جمبها واكملت لو تعبتي قوليلي ارجوكي
فرح ابتسمت واكملت تسلميلي ياحبيبتي بجد
-----------------------------------------------
في بيت عمر
عمر بوجع انت بتقنعني بايه ماخلاص هو انا هقعد اعمل ايه هنا يا قائد لا هرجع ومتخافش عليا انا هبقى زي الفل
سيف بحده ياض متعصبنيش عليك انت كنت واقف بتاخد العزا مش قادر تصلب طولك تيجي بكره تعمل ايه ??? انا بعفيك من المهمه لو سمحت يا عمر اقعد ومتجيش ووجه وشه ناحيته واكمل بعدين ايه قائد دي انا سيف يالا اظبط كده مالك متغير ليه
عمر بابتسامه فيها وجع العين متعلاش على الحاجب يا سيف بيه واحنا نفهم في الاصول
سيف بستغراب انت عبيط صح والصدمه اثرت عليك بس عموما يا عمر الكلام ده لا هو وقته ولا اوانه نتكلم فيه لما تبقى كويس بس عايزك تتاكد انك زيك زي حسام عندي فبطل غباء انا معرفش مين عملك غسيل مخ
عمر دموعه اتحجرت وهو باصص على صورته مع امه اللي على الحيط واكمل بوجع عارف لما بتخسر اغلى حاجه في حياتك مش بيفرق معاك بعدها هيحصل ايه وبصله واكمل بدموع ووجع وانا لما خسرت امي مبقتش مستني اي حاجه تاني تقريبا هعيش حياتي لشغلي مستني يومي يجي علشان اروحلها في اقرب وقت فا فكره انك اعلى مني انا متصالح معاها ومتصالح مع حاجات كتير اوي مكنتش ينفع اعشم فيها
سيف برفعه حاجب انا مش غبي انت تقصد ايه بكميه الكلام ده ?? حصل ايه لكل ده يا عمر ??
عمر بتنيهده لو هيريحك اني برا شغلي اناديك سيف زي عادتي فاديني بقولك مفيش يا سيف اخوك بس تعبان ومقهور وخسر اخر حد كان فاضله فاعذرني وحاول تفهمني لان محدش غيرها كان بياخدني في حضنه ويفهمني ودموعه نزلت واكمل تخيل ان طول عمرنا متربين دموعنا دي مبتنزلش على صحابنا اللي بتستشهد قدامنا وقوينا وبص منظري دلوقتي عامل ازاي اظن ده كفيل يوريك ويقنعك اني مش بخير ومدمر
سيف بوجع منا علشان كده قولتلك مش هتيجي انا مقدر وجعك اوي يا عمر وعارف ان كان ملكش غيرها ربنا يرحمها وحضنه جامد وطبطب على ضهره تحت وجع عمر ودموعه اللي بتنزل بغزاره وهو بيكمل مش قادر اصدق لحد دلوقتي يا سيف اني مش هشوفها تاني راجع كل امل حضنها يواسيني ويرجعني زي منا اقف على رجلي جيت اتكسرت اكتر انا حقيقي تعبت اوي ومش عارف بعدها اعيش لمين وعلشان مين
سيف مسح دموعه واكمل بوجع اجمد كده يالا ده انت بيتهزلك شنابات وقوي ربنا بيختبر بس قوتك دي حقيقه ولا بتعملها على العيال في الكتيبه فابتسم عمر من بين دموعه فاكمل سيف بحزن ربنا يصبر قلبك يحبيبي وتعيش علشان نفسك قبل اي حد وعلشان شغلك اللي انت بتحبه وعلشان اسرتك وعيالك فيما بعد متبقاش غبي والشيطان بيعمي عينك متعترضش وتكره حياتك حرام
عمر بوجع مقدرش اعترض بس مقهور اوي يا سيف انا اه قوي بس قدام كل الدنيا وقدام اي جيش الا امي اجي عندها ببقى اضعف من اضعف كائن على الارض دي كانت امي واختي وحبيبتي وصاحبتي ومكان ابويا كمان
سيف بوجع مفيش كلام يتقال لان الم الفقد فردي مهما حد حاول يشاركك فيه ربنا يصبر قلبك على قد غلاوتها ياصاحبي ووحياه غلاوتي عندك يا شيخ لتخليك في بيتك ومتجيش
عمر بوجع بزمتك هقعد اعمل ايه اجلد في نفسي ??
سيف بحزن لا طبعا هتصلي وتكون موجود للناس اللي جايه تعزي خلص براحتك اجازتك مفتوحه وتعالى انت برا المهمه خلاص مش هستنى رايك انت عارفني مبرجعش في قرار خدته وحضنه واكمل شد حيلك يحبيبي الباقيه في حياتك ويارب يصبرك
عمر غمض عينيه بوجع وطبطب على ضهره واكمل حياتك الباقيه يحبيبي تسلملي يا سيف بجد من اول اليوم معايا وحسستني ليا ضهر وسند بجد
سيف بحب ومعاك لاخر العمر يا عبيط روحنا ولا جيناا انا سيف صاحبك عشره عمرك بعيداا عن جو الجيش ده انا في الشغل بخنق ساعات حقك عليا
عمر بابتسامه لالا مبزعلش عارف طبعا ان الضغط عليك كبير ربنا يعينك يحبيبي
سيف بحب يارب يا غالي يلا هنزل انا علشان الحق ارجع عايز حاجه
عمر سلامتك يا غالي
ونزل ركب عربيته وكلم حسام
حسام بضحك لالالالا مين ده اللي اسمه منور الفون القائد بتاعنا لا متقولش
سيف بضحك طب خلص علشان مش وقته هزارك
حسام بحب تحت امرك يا باشا واحشني
سيف بحب قسما بالله وانت اكتر ويعز عليا اكون في اسيوط ومشوفكش هات زينب وتعلالي في الكافيه اللي احنا بنروحه ومتقولش قدام حد لان انت عارف امك هتعيط مش هقدر استحمل وانا بسيبها تاني
حسام بصدمه لالا لحظه بس انت هنا ازاي اصلا وازاي مقولتش
سيف بتنيهده ده حوار كبير يا حسام نحكي فيه بعدين حاليا انا راجع الكتيبه بس على عيني فقولت اشوفكم انتوا وخلاص
حسام بفرح خمس دقايق ياباشا واجبهالك ونيجي طياره
سيف بحب طب يلا بسرعه بس متقولهاش هااا
حسام بضحك فاهم طبعا عيب عليك
سيف بحب طب انا هروح اهو ومستينكم
حسام بحب تمام يا حبيبي باي
سيف بحب باي
وبيحط الفون وقع في العربيه فبيوطي يجيبه ووقف الفرامل فاجاه كانت هتخبط بنت فاكملت بحده ايه ده مش تخلوا بالكم بهايم مبتشوفهوش مبتعرفوش تتنيلوا بتركبوها ليه
سيف سمع صوتها قلبه دق بعنف وفتح عينيه بصدمه
صاحبتها بهمس سمعه سيف : يخربيتك العربيه عليها نسر ده ظابط امشي واتنيلي بسرعه وبتشدها
البنت شافت اللجو اتصدمت فاكلمت بتوتر يالهووي مش تنبهيني يانهاري هروح في داهيه يلا بسرعه مدي ومسكت ايد صاحبتها ومشيوا بيمدوا في خطواتهم قبل ماسيف يرفع وشه
وبلفعل مشيت كتير خوفا من انها تتورط معاه فنزل هو من عربيته وبصلها وهي بتمشي وفضل متابعها بعينيه بيملي اشتياقه وشوقه ليها كل الفتره دي فاهي حبيبت قلبه ورفيقه ايامه عرفها لما سمع صوتها واكتر شخص بيتكلم معاه عن طريق صورتها ويخرج ليه مشاعره بصدق وابعد شخص عن عينه طول الوقت واقرب شخص لقلبه للابد ولكن اهي قدامه فانتهز الفرصه السعيده دي اللي خلت قلبه ينبض زي الطبول لما شافها ففضل يبصلها ولما خدت اتجاه وملامحها وضحت وهي متوتره وبتضحك من الموقف ضحك هو كمان على ملامحها اللي بتخطف قلبه من يوم ما شافها واكمل بصوت هو يسمعه: زي ما انتي فكل حاجه لسه متغيرتيش وبرغم قوتي وجبروتي دي الا انك الوحيده اللي بتخليني متثبت قدامها والوحيده اللي خلتني اخاف .. اخاف عيني تيجي في عينيها فيبان كل اللي داريته سنين انا مش عارف بعمل الصح علشان مربطكيش بيا ولا غلطان لان ممكن تروحي مني بس الاكيد اني فعلا عايزك معايا العمر كله كفايه عليا لو شوفتك قدام عيني بس تعيشني باقي عمري سعيد وابتسم بحب ولسه رايح يمشي لفت انتباهو سلسله بتلمع في الارض فوطى جابها كانت باسمها فابتسم بحب وضحك لما فهم انها لما مشيت بسرعه خوفا منه سلسلتها وقعت ومخدتش بالها فشالها في المحفظه مع الصوره وركب عربيته ووصل المطعم ووقف مستني حسام
عند زينب وحسام
زينب وهي بتتاوب انا مش فاهمه يعني انا دلوقتي ماشيه معاك هطله ولا ايه يابني عندي شيفت ليلي هروح شويه كده فكنت سبني انام شويه وارحمني حرام عليك
حسام بضحك مش هتندمي والله
زينب بسخريه ايه المره دي العريس مين
حسام بضحك لالا عيب عليكي حاجه اجمل من كده بكتير
زينب بسخريه اممم طيب ادينا هنشوف هو عموما طلما فيها مطعم يبقى طبيعي احلى من العرسان و الخولي وعيله الخولي ناقصه قرف
حسام فضل يضحك واكمل طب بصي خلاص قربنا ممكن احط ايدي على عينيكي
زينب بضحك حط اما نشوف اخرتها لولا انك اخويا كنت قولت هتتقدملي ولا حاجه
حسام بضحك اتقدملك !!!! الروايات اثرت على مخك بس استني هوريكي حاجه احلى من التقديم
وحط ايديه على عينيها
زينب بحب وحماس حمستني يا يللاا بقى بسرعه
حسام مشي بيها لحد ما شاف سيف بلفعل ومصدقش عينيه من الفرح وسيف زيه شافهم كان هيموت ويجري يحضنهم فاكمل حسام لزينب مستعده ??
زينب بحماس وضحك كل الاستعداد يخش بس حاجه تستاهل
حسام شال ايديه واكمل بحب تستاهل فعلا
زينب بصدمه ممزوجه بفرح اكملت سسييييف وجريت وهي مش مصدقه وحضنته بشده واتعلقت في رقبته وهو شدد من حضنها اكتر باشتياق وحط راسه على كتفها وهي بتعيط وتنهار جوه حضنه
سيف بوجع حقك عليا كفايه الله يخليكي متخلنيش اندم اني قولتله يجيبك
زينب بعياط دي احلى حاجه في الدنيا كلها اصلا فعلا واحشتني يحبيبي واحشتني اوي ينورعيني شوفت يا سيف شوفت الحيوان اللي كانوا جايبنوا ليا ده
سيف بحده حسام قسما عظما لو اجبرتوها عليه انا ...
حسام بحب والله العظيم محدش اجبرها الموضوع خلص خلاص هي بس كانت عايزاك جمبها حكم الواد كان رخم حبتين بس خد اللي فيه النصيب
سيف بحده ليه عمل ايه وانا اروح اطلع عين اهله
زينب بحب وعياط وهي بتحط ايديها على خده اكملت سيبك منه سيبك من كل الناس طمني عليك انت يحبيبي ايه الاخبار عندك انت اهم .. طمني يا سيف بتاكل كويس والدنيا هناك تمام
سيف مسح دموعها وباس جبنيها واكمل الحمدلله والله و انا لو مكنتش كويس بقيت فل لما شوفتكم
زينب بعياط وحب يحبيبي بقالي 6 شهور مشوفتكش يا سيف كنت هموت واشوفك وبتحط ايديها على كتفه غمض عينيه بالم وكتم وجعه واكمل وانا والله العظيم حقكم كلكم على راسي
زينب بصت على دراعه بشك واكلمت مالك يا سيف
سيف بضحك مالي يا قلب سيف منا فل اهو خدي بالك انتي عماله تحضني واخويا واقف مشاعره فياضه من بعيد مش حرام ??
زينب بعدت واكملت بحب ودموع هحضنك تاني بس حسام شويه
سيف بضحك ايوه قسموني بلعدل وفتح دراعه لاخوه
((وزينب لاحظت ان فاتح دراع اكتر من التاني رافعه سنه بسيطه ))
حسام حضنه واكمل بحب واشتياق شديد واحشتني اوي اوي يا سندي كل دي غيبه يا سيف ده احنا تعبنا من اشتياقنا ليك والله العظيم وشدد من حضنه واكمل بحزن ودموع حقيقي واحشتنا لدرجه محدش يتخيلها
سيف طبطب على ضهره واكمل بحب حقك عليا يا حسام كلكم حقكم عليا وانت اكتر والله العظيم يحبيبي ربنا يعلم كنت ببقى هتمنى اشوفكم ازاي سيبك مني خالص طمني عليك انت عامل ايه
زينب بضحك عامل رومانسي وهيخطب كمان شويه كده
سيف بضحك اه قايلي في بنت بيحبها ربنا يتمملك بخير يا حبيبي
حسام ضحك واكمل اه سيف رجعلك تحفلي معاه عليا بقى
زينب باست خده واكملت بحب ده انت نورعين زوزا يا حسام منتا عارف مقدرش احفل
سيف بضحك ماشي ماشي
زينب باست خد سيف واكملت بحب وانت من غير نقاش نورعين زوزا التانيه هو انا ليا غيركم سندي وفي ضهري
حسام وسيف حضنوها وخلوها في النص وباسوا راسها الاتنين فاكمل سيف بحب وليوم ما اموت هفضل سندك يا زينب
زينب بدموع بالله عليك يا شيخ ورحمه ستك صفاء ماتجيب السيره دي تاني
حسام بضحك ياعم سيف دي بتتلكك ليه السيره دي
سيف بضحك خلاص خلاص والله منا فل قدامك اهو يابت مالك انتي نفسك تندبي وخلاص
زينب ضحكت من بين دموعها وحضنته جامد واكملت بحب ودموع فرح شكرا على الفون شكرا علشان طول الوقت فاكرني حتى في اصعب اوقاتك قولت لو شوفتك هحضنك حضن كبير واديني نفذت بجد تعبت نفسك وجيه في وقته اوي
سيف طبطب على ضهرها واكمل بحب مقدرش انساكم ده انتوا نورعيني يا زوزا وبطلي عبط التعب ليكم انتوا راحه مفيش اي حاجه في الدنيا تغلى عليكم اصلا
زينب بحب ربنا ميحرمني منكم يارب يحبيبي
حسام وسيف بحب اللهم امين
حسام بحب طب تعالوا ندخل نتغدا سوا بعدين تروح كتيبتك
زينب بضيق لا بقى هو جيه في ايه وهيمشي في ايه خليك ياسيف
سيف بحب يحبيبتي هو بمزاج سيف انا جيت صد رد وهرجع تاني ده ربنا يستر سياده العميد مياخدش باله اصلا
زينب برفعه حاجب استنى بس انا اصلا شاكه فيك اقلع كم قميصك ده كده
سيف بضحك اقلع ايه يابت انتي عبيطه ولا ايه بس يحبيبتي ربنا يهديكي
حسام بضحك شاكه فيه بصفتك ايه بقى رئيسه في المخابرات ولا معاون مباحث ومعاكي امر بلتفتيش
زينب بضحك متهزروش انا مبضحكش شاكه فيه بصفتي ممرضه وحركه ايديه الشمال غير اليمين مش انتوا بس ياظباط اللي جامدين في الاشاره ولغه العين
حسام بقلق ليه مال دراعك حركه كده يا سيف
سيف تحامل على المه وحركه بلفعل وهو بيتوجع بس سكت
زينب بقلق سيف بجد ريح قلبي وغلاوتك ماهجيب سيره لامك اني شوفتك ولا لو فيك حاجه بس متتضحكش عليا فيك ايه بس بص ايديه يا حسام
ورفعت اليمين طلعت بكل سهوله غير الشمال
حسام بقلق امانه عليك في ايه صحيح
سيف بتنهيده اصابه بسيطه في مهمه ممكن خلاص اديني عرفتكم
زينب حطت ايديها على بوقها بصدمه واكملت بعياط ايييه اصاااابه انت اتصابت وبتكدب علينااا ياااا سييييف انا حسيت والله العظيم والله العظيم حسيت
حسام بعصبيه انت بتستعبط يا جدع واحنا اهلك ملناش حق فيككك خالص انت ليه صوتك من دماغك كده وعايشها لوحدك
سيف بحده اهدي انتي التانيه منا زي القرد قدامك انا بعمل كده علشان ده شغلي انا متعود على كده وانتوا عارفين كده انا مش رايح العب ومش عيل انا فا كل ماهتحصلي حاجه هكلمكم اقولكم ولو قولت هتجولي مثلا ??? فاهستفيد ايه لما اتكلم غير اقلقكم وخلاص فبلاش احسن منا بخف وزي الفل
زينب بعياط بس مش تصدمنا كده لالا بجد ده انا اتخضيت للحظه قولت كان ممكن ميبقاش قدامي دلوقتي لو جات في مكان خطر
سيف مسح دموعها واكمل بحب وهو بيبوس جبينها انتي مؤمنه بالله العمر بتاع ربك سيبيها عليه هو يرتبها محدش بيموت ناقص عمر
حسام بحزن ونعم بالله بس حافظ على نفسك كويس الله يخليك يا سيف
سيف بحب حاضر والله وحضن الاتنين واكمل ممكن كفايه بقى علشان انتوا عارفين مبحبش اشوفكم زعلانين
زينب ابتسمت من بين دموعها واكملت طول منتا بخير هنبقى بخير بس امانه عليك خليك شويه انت ملحقتش
حسام طب نشرب حاجه وتمشي طيب
سيف بتنهيده طيب نشرب حاجه مفرقتش ودخلوا قعدوا وطلبوا بلفعل
حسام انت قهوه ساده صح
سيف هز راسه ب اه وبص على زينب لقاها سرحانه فاكمل بحب زينه بنات الصعيد كلها سرحانه في ايه
زينب بتنهيده مفيش يحبيبي انا بخير
سيف وجه وشها ليه واكمل عليا انا بردو ??
زينب كانت عايزه تقوله بس اترددت وسكت واكملت مفيش يا سيف لو في حاجه هقولك منتا عارف
سيف بتنهيده قولتلك متخافيش مني واتكلمي معاايا طبيعي في ايه معاكي
حسام الحاجه جات اهي اشربوا
سيف مسك القهوه وزينب العصير وشربت منه بهدوء واكملت بابتسامه بص يا حبيبي اعتراف مني في حااجات كتير عايزين نتكلم فيها بس مش دلوقتي ممكن
حسام بحب سيبها على راحتها يا سيف خلاص
سيف بحب خلاص يحبيبتي لما تحسي انك مرتاحه وعايزه تتكلمي اتكلمي
حسام بحب وانت متتاخرش بقى علشان ماما هتموت عليك
سيف بحزن واحشاني اوي اوي بجد وحاضر والله هحاول
حسام بتنهيده سيف انا عايزك تقنع اللواء يسبني ادخل المهمه الجديده
سيف بتنهيده لا مفيش الكلام ده انا قايلك من يوم ما دخلت طلما في 100 غيرك يعملوا حاجه اخرج برا المقارنه ومتبقاش ال 101 هو مش فرح انما لو انت بس فمش هقدر امنعك وهو مختاركش من ضمن مش علشان كفائتك قليله بلعكس كان عايزك واتكلمنا مره اطمن عليه لما تعب وكان عايزك جدا بس انا قولتله وجهه نظري فوافق لانه عارف انك الراجل الوحيد اللي قاعد مع ابوك وامك وانا مسافر اغلب الوقت
حسام بحده اه يعني طلع كلام حضرتك سبب رفض اللواء
زينب بتوتر حسام صوتك م
سيف رفع ايديه سكتها واكمل سيبيه سيبيه .. سيبي حسام بيه يزعق ويتعصب فاكر نفسه في القسم الباشا المحترم
حسام بحده سيف متبقاش بارد وتعصبني انت رايح تشتغل عارف انك ممكن مترجعش اصلا
بصتله زينب بصدمه فاكمل بنفس العصبيه فمش تبقى انت البطل الخارق اللي بيضحي علشان مصر وانا تحرمني من شغلي ومن مهمه ليها اسمها وتقلها زي دي انت مالك .. انت اصلا شغلك في الجيش
زينب بحده بس يا حسام ايه اللي بتقولوا ده
سيف بتنهيده بس يا زينب متعليش صوتك على اخوكي الكبير وبصله واكمل كمل كمل العرض عايزك تطلع كل حاجه جواك متكتمش انا مالي صح منا رايح اموت انا كمان فا ليه اخاف عليك
حسام بصله بندم واكمل سيف انا مقصدش حاجه بعد الشر عليك يحبيبي يخش انا وانت لا بس انا بصراحه حسيت انك عايز تحرمني من اني اكبر في مجالي ببعدي عن المهمه دي
سيف بتنهيده متقولش على نفسك كده يحيوان بعد الشر و يعني مش علشان انا صح شغلي في الجيش اخر الدنيا ومليش دعوه ومع ذلك اتدخلت وحاولت اطلعك منها بشياكه لاني بخاف عليك من الهوا ??
حسام بتنيهده سيف العمر في ايد ربنا ده كلامك و
سيف بحده وبمقاطعه بس ربنا مقالكش يبقى شغلك في محيط بلدك وتختار تطلع اخر الدنيا مع ناس تقيله وتحط نفسك في الخطر ويحصلك حاجه نقول ربنا اراد هو بردو ادانا عقل انا شغلي غيرك هو انا مجبر في خطر انما انت مش علطول فاختار بعقل .. انا مقولتش اتنازل عن كل المهمات بس اتحكم بعقلك وشوف اقل الخساير وتنهد بعمق واكمل خليني اتكلم بصراحه بقى يا حسام انا فعلا عمري على كفي ومش ضامن اشوفكم تاني دي حقيقه وانا متعود عليها
زينب بدموع سيف
سيف بتنهيده سبيني اكمل فانا عارف شجاعتك انت شبهي فكل حاجه مش بقلل من قدرتك لما خليت اللواء يرفض بس انا حرمتك منها لان نسبه نجاتك منها صعبه وانا لو مكنتش هحرمك علشان عمرك اللي انت مش عامله حساب ده همنعك علشان مينفعش يبقى احنا الاتنين في خطر بص ل دي وشاور على زينب وتابع هنسيبها لمين ??
زينب بعياط ممكن خلاص كفاياكم بقى
حسام بحزن حقك عليا يا سيف خلاص بص لزينب وتابع بحزن اهدي يا زوزا مفيش حاجه وباس راسها وتابع خلاص يا سيف محصلش حاجه
سيف بتنهيده وضحتلك بس علشان انا مقصدش اني اطلع بطل خارق وانت لا تمام
زينب بدموع حقك عليا انا يحبيبي هو ميقصدش انت عارف حسام
حسام راح باس راسه واكمل بحزن حقك عليا يا عم الناس انا مقصدش ازعلك هو انا ليا غيرك يا سيف
سيف حضنه واكمل بوجع حقك انت عليا اني منعتك من المهمه بس والله العظيم دي صعبه اوي وانت عارف انا روحي فيك يا حسام مقدرش اشوف فيك حاجه وحشه
حسام شدد من حضنه واكمل بدموع والله مقصدش اضايقك كده بجد حقك عليا انا ندمان من طريقتي وكلامي وبعد الشر عنك بجد قطع لساني
سيف بحب بس يا عبيط خلاص محصلش حاجه ده انت اخويا وصاحبي يا حسام ومسح دموعه واكمل انا لو زعلت من الدنيا كلها عمري ما زعل منك انت علشان انت انا
حسام ابتسم واكمل ربنا يديمك في حياتي وميحرمنيش منك ابداا يحبيبي
سيف بحب ويديمك ليا يا غالي وافرح بيك واشوفك اجمل عريس في بدلتك
زينب بحب يارب انتوا الاتنين
سيف بضحك لا انا سيبك مني خالص هقوم انا بقى علشان هتأخر
زينب بحزن لاالا والنبي انت جيت في ايه وماشي في ايه
حسام انت صح قولتلي حوار كبير جيت في ايه بقى
سيف بتنهيده حزينه مامت عمر توفت فجيت اقف جمبه
زينب كوبايه العصير وقعت منها وقلبها اتقبض واكملت مامت عمر مين !!!!!!
حسام بصدمه عمر عزيز ????
سيف هز راسه ب اه بحزن
زينب دموعها نزلت واتصدمت اكتر واكملت بتقطع طب ط ب أ أنا عايزه اروح اعزيه م ممكن يا سيف وعيطت
سيف بصلها بصه هي مفهمتهاش بس لما لاحظت بصته ليها اتوترت اوي وحاولت تبان طبيعيه
حسام بتنهيده حزينه ان الله وان اليه راجعون اكيد رايح اعزيه بس روحي انتي البيت يا زينب مينفعش
زينب بدموع لالا ايه اللي مش هينفعه ده معانا في البلد وصاحب عُمر سيف واحنا صعايده يعني نفهم في الاصول مفيهاش حاجه لما اقدم واجب العزا
سيف بتنهيده خدها يا حسام ده اخوها الكبير بردو ومتربين سوا وياما جالنا بيتنا وشافته وبصلها واكمل ولا ايه
زينب اتوترت واكملت اه اه طبعا اخويا اديك قولت فسبني اعزيه يا حسام ارجوك وعيطت
حسام حضنها واكمل اهدي يحبيبتي الله يرحمها ويصبر قلبه يارب
زينب بعياط وفي سرها اكملت كنت حاسه قلبي كان واجعني ومضايقه والله كنت حاسه
سيف اهدي يحبيبتي انتي كده هتوجعيه مش هتعزيه لو هتروحي تتعبيه بلاش تروحي
زينب مسحت دموعها واكملت لالا والله خلاص اهو انا زي الفل مش هعيط
سيف ابتسم وحضنها واكمل جدعه كده زي القمر وباس جبينها واكمل يلا روحوا انتوا وانا راجع وليا كلام معاكي
زينب اتوترت وحسام حضنه واكمل بحب خلي بالك من نفسك يحبيبي هتواحشني اوي اوي
سيف بحب وانت اكتر ... وبعدين انتوا نفسي فخالوا بالكم من بعض
حسام بحب متقلقش علينا يا غالي ركز انت بس في شغلك
سيف بحب عارف سايب مني ورايا فمش قلقان
زينب بقلق صح تعالى وشمرت اقمام قميصه وشافت الجرح واتاكدت انه قرب يخف فتنهدت بارتياح ورجعت الكم التاني
سيف بضحك طب اتمنى تكوني هديتي يلا همشي انا
زينب بدموع حصنته جامد واكملت سلام هتواحشني
سيف بحب وانتوا اكتر وباس جبينها
ومشي
حسام بتنهيده يلا بينا احنا فا زينب هزت راسها بتمام ومشيت معاه
-------------------------------------------
في بيت عمر الباب خبط
فقام عمر فتح الباب لقى زينب في الوش ومعاها حسام فقلبه دق بعنف لما شافها
زينب دموعها نزلت لما شافت وضعه وحاولت تتماسك
حسام دخل معاها وحضنه واكمل شد حيلك يحبيبي البقاء لله
عمر بوجع ظاهر في صوته اكمل ونعم باالله تسلم يا حسام تعبت نفسك
زينب بدموع ولا تعب ولا حاجه مامتك الله يرحمها زي امنا وانت بنعتبرك واحد مننا فا ده واجبنا كلنا تجاهك
عمر ابتسم واكمل تسلميلي يا زينب بجد
حسام قعد عمر واكمل انا اول مره اشوفك كده وصعبان عليا شكلك عارف انها كل حاجه ليك بس دي مرتاحه عند ربنا وكلنا جنازات مؤجله ورايحين يا صاحبي ده يبخته اللي يروح لربنا صافي والست والدتك كانت ملاك على الارض علشان كده مشيت الله يرحمها ويصبرك يارب
عمر بوجع يارب اللهم امين
زينب بدموع انت كالت يا عمر
عمر هز راسه ب لا واكمل مليش نفس
حسام ازاي يعني انت عبيط ولا ايه لسه بتكلم ان صعبان عليا شكلك كده مينفعش صحتك كل وارتاح وادعي ربنا يصبر قلبك وادعيلها
عمر بوجع لالا مش هاكل ومش عايز اي حاجه غير اروحلها طعم الاكل من غيرها مش هيبقى حلو اصلا ده هي اللي كانت بتحلي كل حياتي
زينب بدموع بعد الشر عليك يا عمر اخص عليك بجد ايه اللي بتقولوا ده .. طب يا سيدي هعملك انا الاكل وكل وشوف واحكم حلو ولالا
حسام بضحك ده انت عمرك هيطول بعد ما تاكل من ايد زوزا مش بتدخل المطبخ نهائي
عمر ابتسم واكمل بحب متتعبيش نفسك اقعدي وارتاحي هطلب من برا
زينب قامت وقفت واكملت ليه وهو اكل برا ده اكل انا هعملك اكل تحلف بيه وهتشوف ودخلت المطبخ
حسام طبطب على رجله واكمل اجمد كده عايزين الباشا عمر عزيز يرجع زي الاول واحسن
عمر ابتسم بوجع واكمل باذن الله
زينب طلعت واكملت عمر التوابل فين ??
عمر بحب في الرف التاني
زينب بحب تمام ودخلت
وفضلت تعمل الاكل بكل حب وبتشوف الواصفات يوتيوب وتدوقه ويطلع فعلا جميل ومظبوط فطفت النار وسمعت الباب خبط فطلعت
حسام فتح لقى بنت فاكمل عمر اتفضلي يا اسماء ادخلي
زينب بصتلها برفعه حاجب واكملت في سرها مين دي وجايه لواحد في بيته لوحدها ليه انشاء الله
اسماءبحب مساء الخير
عمر مساء النور خلاص يحبيبتي متتعبيش نفسك قولتلك من الصبح هجيب من برا بس زينب اخت صاحبي عملت كل حاجه خلاص
اسماء قعدت جمبه واكملت بحزن طب انت كويس دلوقتي طمني عليك يحبيبي
عمر طبطب على ايديها واكمل كويس متخافيش
زينب اتصدمت والدموع اتحجرت في عينيها وسكتت
فاكمل حسام قريبتك ??
عمر بحب اه بنت خالتي
حسام بتفهم اه ربنا يديم المحبه وبص لزينب واكمل مش يلا ولا ايه يا زوزتي
زينب بوجع اه يلا طبعا
عمر لالا متمشوش قبل ماناكل سوا انتوا بتهزروا ولا ايه
زينب بضيق متخافش محطتش فيه سم علشان عايزنا ناكل معاك
عمر ضحك واكمل انا مقدرش اقول كده ده انا اللي حظي من السما ان زينب الرفاعي واخت القائد بتاعي تقف تعملي اكل بنفسها
حسام بحب كلنا واحد يحبيبي مفيهاش حاجه
اسماء بحب طب هغرف انا الاكل وناكل سوا تعبتي نفسك يحبيبتي كنت هاجي اعمله والله
زينب بابتسامه مصتنعه لا ولا اي تعب مفيش حاجه يحبيبتي .. يلا يا حسام علشان نسيبهم على راحتهم
عمر بضحك ايه تسبينا على راحتنا دي اقعدي بس كده واستهدي بالله قولت هناكل سوا
حسام بضحك متقصدش حاجه هو علشان انتوا قرايب بس ومعلش يحبيبي وقت تاني علشان هنتاخر كده
اسماء طلعت واكملت والله ابدا ده انتوا في بيت كرم مينفعش تنزلوا كده اديني بحضرهم اهو وتسلم ايدك يا قمرايه ريحه الاكل تحفه وشكله جميل
حسام بضحك من امتى المواهب دي يا زوزا
زينب بضحك لا والله متفهمش غلط انا جبتهم يوتيوب
عمر بحب وتفاجئ كمان! !!! حقيقي تعبتك
زينب بابتسامه تعبك راحه
اسماء يلا اقعدوا
حسام بص في ساعته واكمل علشاان القسم بس سايبه بقالي كتير والنهار ابتدى ينزل
عمر بحب اقعد بس ناكل وانزل هتكسفني ?
حسام قعد واكمل طب اقعدي يا زوزا بس يلا بسرعه
زينب قعدت جمبه وعينيها كانت على اسماء اللي بتحط الاكل قدام عمر ومتعصبه جداا
عمر بحب كلي انتي يحبيبتي خلاص كده حلو ... وداق واكمل حقيقي تسلم ايديكي يا زينب حلو اوي
زينب بحب الف هنا
حسام بضحك منا مستغرب الطعامه والحلاوه دي ده انتي القهوه بتاعت العريس معملتيهاش وخليتي شهد تعملها
زينب بضحك مبعملش قهوات انا هي شهد ظبطت الكلام
حسام ضحك لانه فهم ان كان فيها حاجه وعمر اتضايق جدا وحاول ميبينش ده و اكل وهو ساكت
زينب لاحظت سكوته بس قالت يمكن بيفكر في مامته فتنهدت بحزن واضايقت لوجود اسماء جمبه بس هتقول ايه ملهاش حق تتكلم
------------------------------------------
في سيناء كان وصل سيف بلطياره وراح للمقر ودخل اوضته وخد شاور وغير هدومه وقال يرتاح شويه
الباب خبط فاكمل ادخل
حسن عمل التحيه واكمل نورت يا فندم الف حمدلله على السلامه
سيف بتنهيده الله يسلمك يا حسن حصل اي جديد وانا مش هنا
حسن لا يا فندم كله تمام زي ماحضرتك طلبت ومحدش خد باله
سيف طب الحمدلله تعبتك يا حسن
حسن مفيش تعب يا فندم بس ممكن حضرتك تطمني على عمر
سيف بحزن ادعيله كتير وهيبقى احسن وشويه لما احسه بقى بخير هرجعه وسطنا تاني
حسن بحزن انشاء الله يا فندم وعمل التحيه واكمل عن اذنك
سيف اتفضل
وبلفعل خرج وقفل الباب وسيف قام فتح دولابه وجاب كشكول سلك كبير شكله منظم وجميل كان بيكتب فيه عن حبيبته من يوم ماعرفها لحد اللحظه دي بيكلمها فيه وبيعبر عن مشاعره فمسكه وقعد ورجع ضهره لورا وكتب
(( انهارده شوفتك بعد غياب دام 211 يوم وبص في ساعته واكمل و 3 ساعات تعرفي لما شوفتك وقلبي دق الدقه دي عرفت اني عمري ماهقدر احب حد تاني بعدك حتى ضحكتك مختلفه ومشوفتش زيها
ولو سألتيني لما أنا ؟؟
سأرد واقول لانك استثنائيه لا تشبهين احد
واذا قولتي لكن هناك الكثير افضل واجمل واذكى مني
سأجيبك واقول حسنا ضعيهم جميعا جانبا انا لا اريد سواكي الان وغدا وكل يوم وستظلين انتِ بعيني دوما الافضل والاجمل
واذا سألتيني باندهاش غريب اصراري
سأجيبك بل الغريب من يراكي ولا يتمسك بكي يا حَبِيبَتِيِ ))
وقفل الكشكول ورجع راسه لورا وتنهد بعمق
------------------------------------------
فوق السطح في بيت الرفاعي قاعد مازن وياسمين وقاسم ونور
نور طب ماتوافق يا ابيه فيها ايه يعني
مازن بتنهيده بس يا نور اسكتي انتي مينفعش طبعا اوافق
ياسمين بص يا مازن لو هتاخد رايي كبنت عمك وتعمل بيه انا شايفه ان جدو عنده حق انت الوحيد فعلا اللي حياتك واقفه لحد انهارده خدهم وابدء من جديد
مازن بتنهيده بص التانيه ياعم قاسم
قاسم انا مش عايز افاجئك بس انا معاهم اشمعنا انت الوحيد اللي معندكش مصدر رزق ثابت صح واتظلمت فيهم كلهم ده حقك
مازن بتنهيده لالالا ده كتيير جدا احنا هنهزر حتى لو يديني سلفه وانا اخلص شقتي واتجوز اسددها بعدين انما مش كل الفلوس دي ليا واخويا وعيال عمي لا
قاسم بتنهيده مازن كفاياك بجد انت من يوم ماوعينا يا صاحبي وانت بتفكر في ده و ده فكر وشوف نفسك شويه ولو لمره ووافق وابدء حياتك اخوك وعيال عمك مش محتاجين اصلا الفلوس دي
مازن نفخ بضيق واكمل مش عارف بس مش مرتاح حاسس الدنيا هتتقلب لو وافقت
ياسمين طب جرب شوف ولو لقيت مشاكل صح سيبها ياسيدي وقوله ياجدي بلاش مشاكل
مازن بتنهيده مش عارف يا ياسمين هشوف
نور بابتسامه طب هعملكم شاي طلبتوا من بدري وقامت دخلت الاوضه اللي في السطح
ياسمين بحب وافق بقى عايزه اتجوزك ياجدع الله
قاسم ومازن ضحكوا فاكمل مازن بضحك ده كل اللي فارقلك يا ياسمين
ياسمين بحب اه طبعا اومال هيفرقلي ايه تاني تغور الدنيا كلها بعد كده
مازن بحب سواء بجدي او لا هي هانت والله
ياسمين رفعت ايديها للسما واكملت يارب بجد يااارب
قاسم بحب يارب نفرح بيكم يا حبيبي
مازن وياسمين بحب اللهم امين يارب
تحت بيت الرفاعي
شهد كانت جات من الدرس واقفه بتتكلم في الفون مع فرح صاحبتها
شهد بحزن عارفه والله يحبيبتي الف سلامه عليكي ريحي شويه
_طيب والله من عيني
_حاضر يلا باي
في داخله احمد البيت وشايفها واففه وفي واحد بيبص عليها فبصلها واكمل واقفه كده ليه يابت انتي
شهد اتخضت لما شافته واكملت مفيش يا شيخ حرام عليك خضتني لسه جايه من الدرس وكنت بكلم صاحبتي لحد ماوصلت بيتها بس
احمد بحده طب اتنيلي اطلعي فوق ومشوفش وش اهلك في الشارع كده تاني ارغي فوق
شهد اتخضت من صوته واكملت في ايه يا احمد انا كنت
احمد بمقاطعه وبحده طب انا قولت اطلعي فوق يلاا مش عايز اروقك في الشارع انتي هتقفي ترغي معااايا
شهد طلعت بحزن من طريقته وهو راح للراجل اللي واقف بعيد نسبيا وضربه بلبوكس فوقع
الراجل تأوه بوجع واكمل بعصبيه انت مجنون يعم انت في ايه
احمد بعصبيه المره الجايه هوريك الجنان صح بس عايزك تفكر تحط عينك على حد من بنات الرفاعي وانا اقعلهالك من مكانها جتك الارف
ومشي
----------------------------------------------
في بيت امنيه
امنيه هو خير يعني عماله رايحه جايه في الشقه ليه خير يا ماما
امها بفرح ابن خالتك جاي يتقدملك قومي البسي حاجه عدله
امنيه بصدمه ووجع ابن خالتي ايييه انتي بتقولي اييه بتهزري صح
الاب لا وهي هتهزر معاكي ليه ياعروسه قومي اجهزي يلا زمانه على وصول
امنيه بدموع بابا انا مش عايزاه ومش
الاب بمقاطعه وبحده وانا مباخدش رايك يلا اتفضلي البسي واخلصي
امنيه بعياط ارجوك يا بابا بلاش ده علشان خاطري مترمنيش الراميه دي ارجوك
الاب والله يابنتي مش بأذيكي انا عارف مصحلتك اكتر منك اتخطبي حصل منه اي حاجه قوليلي وهنفك انما متفضليش ترفضيه من باب للطاق كده
امنيه بعياط وعصبيه انا قولت مش عايزاه هو انتوا ايه بجد هو بلعافيه
الام بحده خشي البسي يا امنيه واتقي شر ابوكي عيب قله ادبك وعلو صوتك ده
الاب بحده فاكره نفسها كبرت امنيه علينا خلاص وبقيت تعلي صوتها حلو والله
امنيه بعياط يا بابا مش كده بس
الاب بحده ولا كلمه ادخلي البسي
امينه عيطت وجريت على اوضتها وفضلت تعيط وكتمت عياطها بلمخده واكملت انا يارب في حالي ومبأذيش حد ليه بيحصلي كده مش كفايه التاني بتاع انتي زي زينب ده انا بجد تعبت عارفه مينفعش اعترض بس انا بجد مش قادره افهم حياتي دي بتمشي ازاي حتى اهلي مش فاهمني انا بجد لوحدي وعيطت بشده
بعدين قامت وقفت في المرايه لقيت وشها شاحب وعينيها مورمه فدخلت غسلت وشها ولبست دريس ستان احمر بكم ساده ماسك من عند الصدر وواسع لتحت وبندانه بيضه وطرحه حمرا ومرضيتش تحط اي انواع ميكاب وقفلت الدرج وقعدت حزينه دموعها على خدها وسمعت صوت جرس الباب وابوها بيرحب بيه فتنهدت بحزن واكملت عادي كده كده حياتي باظت
امها خبطت ودخلت واكملت امسكي اطلعي بلحاجه اهو يلا
امنيه مسحت دموعها واكملت هريحكم واقعد بس مش هتجوز حد ومسكت الصنيه وطلعت وبتبص اتفاجئت من اللي قاعد مع والدها فاكملت بضحك ودموع فرح وتفاجئ حسااام !!!!!!! والصنيه وقعت من ايديها
---------------------------------------------
في بيت عمر
اسماء رايح فين ياعمر
عمر بتنهيده هشم شويه هواء وجاي
اسماء بحزن طب خليك وبكره انزل ارتاح انهارده
عمر بحزن لالا حابب اقعد مع نفسي برا دلوقتي
ونزل وهي تنهدت بحزن عليه واكملت ربنا يهدي وجعك ووجعنا يحبيبي يارب
ونزل عمر وركب العربيه ومشي وكان عمال يفتكر كلام سيف عن عريس زينب وكلام حسام بعد كده وكمان فكره ان هي اصلا طلعت بتحب وشكلها وهزارها انهارده يدل انها مكانتش زعلانه ان جايلها عريس زي ما قالت لسيف ووفاه مامته وشغله اللي بيحبه اللي هيأثر فيه كل حاجه فضلت تتردد في دماغه وبص لقى انه وصل في حته هاديه على النيل وجيه يوقف العربيه مرديتش تقف فاستغرب واكمل مالك في ايه انتي التانيه وفضل يدوس على الفرامل مرديتش تقف فاكمل بخوف ايه ده مالها في ايه وفضلت تجري ومش راضيه تقف وتفادى كذا حادثه كان هيعملها واكمل بخوف يانهار مش فايت الفرامل هرربت اقف ازاااااي كده اقققف ازااااي وسمع اصوات زماره العربيات حواليه علشان بيمشي بتهور بس بيحاول يوقفها فمعرفش فغمض عينيه وقال الشهاده وبلفعل خبطت في عمود واتقلبت
الفصل الثامن
تبدأ الاحداث في الشارع عند عمر عربيته مقلوبه والدنيا زحمه والناس حواليه من كل حته بيحولوا يخرجوا منها
احد الظباط بحده اوعى يابني منك ليه اوعى احنا هنطلعه
-اتفضل ياباشا
الظابط للاسعاف بحده انتوا واقفين تتفرجوا يلا منك ليه خدوا الراجل بسرعه هيموت
والاسعاف ابتدت فعلا تشد عمر من العربيه وخرجوا كانت دماغه بتنزف ووشه مليان دم وحطوا على الترولي وركبوا عربيه الاسعاف
الظابط لاحد الاشخاص: شوفت اللي حصل ???
الراجل اه ياباشا هو كان ماشي طبيعي بعدين لقيناه بيمشي بتهور والعربيه اتخبطت في العمود واتقلبت تقريبا الفرامل عملتها معاه
الظابط بتنهيده طيب تمام روح انت
في المستشفى
زينب كانت واقفه تعبانه اوي وقلبها واجعها بسبب وضع عمر علشان وفاه مامته وغيرانه من اسماء وازاي واخده عليه اوي كده فاقت من شرودها على صوت صاحبتها
شيرين بضحك ايه اللي واخد عقلك
زينب بتنهيده ولا حاجه ياختي بس مليش مزاج للشغل انهارده بصراحه
شيرين مالك يا زينب في حاجه مضيقاكي ? عملتي اي صح في العريس اللي كان جايلك
زينب بتنهيده رفضته يا شيرين مش العريس اللي مضايقني هي حاجات كتير والله بس يلا اديني بشتغل وبلهي نفسي من التفكير
نهى دخلت واكملت شيرين استماره المريض الجديد اللي عمل حادثه وديتيها فين ???
شيرين بتذكر : انهي مريض ??? اااه اللي هو الظابط عمر عزيز ده ??
زينب سمعت الاسم الابره وقعت من ايديها اتكسرت فاكملت نهى اه هو فينها وانتي يا زينب تعالي الدكتور عايزك معاه في اوضه العمليات
زينب بدموع وصدمه استني استني بس عمر مين اللي عمل حادثه ????وتابعت بحده وريني .. وريني الاستمااااره اخلصي
شيرين جابتها واكملت باستغراب اهي مالك يا زينب في ايه ??
زينب مسكت الورقه بلهفه وفضلت تبص على البيانات اللي خدوها من بطاقته واتصدمت ودموعها نزلت لما اتاكدت انه هو فعلا فسابت الورقه وطلعت جري على برا وهي بتعيط ومرعوبه عليه
نهى بستغراب هي مالها زينب في ايه
شيرين والله يابنتي مش عارفه من ساعه ماجات مش مظبوطه تلاقيه قريبها ولا حاجه
عند اوضه العمليات الممرضين منيمه عمر على الترولي وكان هيدخل العمليات فشافته زينب فعيطت اكتر وجريت عليه اتصدمت بشكله وحطت ايديها على بوقها وقلبها وجعها واكملت بعياط وهي بتهزه عمر عمر قوم ياحبيبي وخبطت على وشه براحه واكملت بعياط يا عمرر لالالا انت هتبقى بخير والله هتبقى بخير رد عليا يا عمر ومسكت ايديه اتاكدت ان في نبض فتنهدت بارتياح فاكمل الدكتور لما جيه يلا يازينب ورايا
زينب رجعت بضهرها لورا واكملت بعياط ورعشه لالا انا مش هقدر ادخل ارجوك يا دكتور خد حد غيري اعصابي تعبانه اوي
الدكتور بستغراب مالك يا زينب دي اول مره تخافي وتترعشي كده من شكل مريض
زينب عينيها كانت متثبته عليه واكملت بعياط ورعشه ده ... ده قريبي وانا لسه ... لسه سيباه بخير فمخضوضه ومش قادره اتلم على اعصابي ومش هقدر اشوفه كده ارجوك يا دكتور الحقه ابوس ايدك اتصرف وعيطت اكتر وحطت ايديها على بوقها
الدكتور بحزن اهدي يابنتي خير انشاء الله دخلوا يلا يا جماعه
زينب كانت واقفه مش قادره تسند طولها وكانت هتقع لحقتها شيرين وقعدتها واكملت بقلق مالك يابت في اييه زينب وخبطت على وشها
زينب بعياط كويسه كويسه متخافيش عليا
شيرين بخوف مخافش ازاي يابنتي انتي مش شايفه منظرك انتي جسمك بيتنفض ومش قادره تقفي على حيلك مين عمر ده ??? حبيبك صح ??
زينب هزت راسها ب اه بعياط واكملت بوجع واضح في صوتها حبيب عمري واول واخر حب في حياتي
شيرين حضنتها واكملت بحزن يحبيبتي ... ربنا يطمنك عليه يارب
زينب بعياط يارب يا شيرين ورفعت ايديها وتابعت يااارب ارجوك مشوفش فيه حاجه وحشه حقيقي مش هقدر استحمل وعيطت
شيرين بحزن طبطبت عليها واكملت اهدي اهدي يحبيبتي وادعيله باذن الله خير انا هدخل معاهم وهطلع اطمنك
زينب بلفهه اه ياريت يا شيرين ربنا يخليكي ليا ياريت بجد
شيرين طبطبت على كتفها واكملت حاضر ياحبيبتي اهدي
ودخلت وزينب فضلت قاعده قلقانه فمسكت الفون وجابت القرآن وفضلت تقرا وتدعيله وهي بتعيط وايديها بتتنفض
وشويه وطلعت شيرين فقامت زينب بلهفه واكملت بعياط ها يا شيرين طمنيني الله يخليكي هو كويس صح
شيرين بحزن اهدي يحبيبتي هيبقى بخير انا رايحه بس بنك الدم ادور على فصيله O اصله نزف دم ويارب الاقي انتي عارفه دي نادره جدا ومش هلاقيها بس اشوف وخلاص
زينب بعياط ولهفه انا نفس الفصيله خدي مني مش مهم بس يلا بسرعه ارجوكي
شيرين بحزن يحبيبتي اهدي طيب انتي خدتي اي ادويه الكام ساعه اللي فاتوا او حتى عندك اي مرض مزمن ???
زينب بتذكر لالالا مخدتش حاجه ولا عندي حاجه الحمدلله
شيرين بحب طب يلا تعالي كده كده مش هنحتاج كتير
زينب قامت معاها ودخلت الاوضه ونامت على السرير وشيرين ابتدت تسحب منها الدم فا زينب غمضت عينيها بألم ودقايق تنهدت بارتياح لما شيرين خلصت سحب الدم
شيرين بحب اشربي بقى عصير ولا حاجه علشان تسندي نفسك
زينب بتعب وارهاق مش مهم المهم اطمن على عمر
شيرين بقلق لالا مش هينفع يا زينب انا هروح ادي الكيس للدكتور وانتي هجبلك حاجه تشربيها
وبلفعل راحت ادت الكيس للدكتور ورجعت لزينب سندتها وقعدوا جمب اوضه العمليات واديتها العصير واكملت امسكي يحبيبتي
زينب بارهاق مش عايزه يا شيرين بس طمنيني عمر ..
شيرين بمقاطعه عمر زي الفل والله طلما الدم هيتنقل هيبقى بخير انتي بس اشربي ده علشان تسندي نفسك وغلاوته عندك
زينب بدموع يارب بجد ومسكت العصير بارتعاش وشربت منه ورجعت راسها لورا بتعب
شيرين طبطبت عليها واكملت لو مش هتقدري تكملي اخد الشيفت مكانك انا مفروض اروح بس مش مهم
زينب بسرعه: لالالا ده انا هقعد لو مكنتش هقعد علشان عمر مينفعش اسيبه بلوضع ده لوحده مالوش حد
شيرين بحب ربنا يطمنك عليه يحبيبتي
----------------------------------------------
عند امنيه
امنيه بدموع فرح وتفاجئ حساام !!!!! والصنيه وقعت من ايديها
حسام اتخض فاكملت سميه الام بضحك : ينيلك بت كده حته صنيه مش عارفه تمسكيها كويس ووقعتيها قدام الراجل ولا ليلى اللي في مسلسل نسر الصعيد لما اتقدملها زين القناوي
حسام بضحك كان ظابط بردو مش كده
سميه بضحك ايوه متابع بقى
حسام بضحك لا سمعت والله مليش في المسلسلات .. بحيث كده بقى بص للاب واكمل انا كلمتك يا عم محمد واتفقت معاك بس جاي اعيد كلامي قدام العروسه علشان تاخدوا رايها وزي ما ام امنيه قالت ضحك وتابع زين جاي يطلب ايد ليلى قولت ايه
امنيه كانت دموعها بتنزل من الفرح وبتضحك ومش مصدقه فاكمل محمد بضحك لا وانت يابني نسر الصعيد بحق وحقيقي ربنا يحميك لشبابك ولاسيوط يارب .. وانت ميعبكش حاجه يا حسام يابني موافق طبعا بس نشوف رأي عروستنا
امنيه ضحكت بفرح ودموعها في عينها واكملت : اللي تشوفه يا بابا
سميه بضحك طب داري فرحتك طب الاول بعدين قولي اللي يشوفه بابا
محمد بضحك بس يا سميه متكسفيهاش خلاص يبقى على البركه ربنا يتمملكم بخير يا ولاد
حسام ابتسم بفرح واكمل حيث كده ينفع اكلم العروسه في كلمتين
سميه بحب ينفع طبعا يا ابني دخليه البلكونه وادخلي معاه يا امنيه
ودخلت امنيه ودخل حسام وراها واكمل بابتسامه جذابه : واحشتيني
امنيه ابتسمت بخجل واكملت اقعد ساكت خالص علشان انت قطعت خلفي والله العظيم
حسام فضل يضحك واكمل بحب حقك عليا معترف ان مكنش ينفع اجي عليكي بزياده لما قولتلك انك زي زينب بس والله كنت عايز اتاكد بتحبيني زي ما بحبك ولالا
امنيه بصتله برفعه حاجب واكملت بتنهيده طب الحمدلله ان كسره قلبي قدام غرور حضرتك اكدتلك اللي انت عايزه وبصت على الاراضي الزراعيه قدامها
حسام وجه وشها ناحيته واكمل بحب لا عاش ولا كان اللي يكسر قلبك يا امنيه انا لو كنت اعرف ان هيحصلك كل ده وتعيطي بلشكل ده مكنتش عملت كده ابدا
امنيه بدموع انت قهرتني وخلتني احس ان الدنيا اسودت في وشي فاجاه علشان هزار زي ده خلتني حسيت ان الحياه فضيت ومفيش فيها حد رغم ان الناس كلها حواليا بس ده لاني شوفتك كل ناسي
حسام تنهد بحزن واكمل حقك عليا ارجوكي خلاص كفايه عياط وطلع المناديل من جيبه وادهالها واكمل بحب عارفه لو كنتي حلالي كنت خدتك في حضني دلوقتي وسبتك تعيطي براحتك بس معلش نستحمل
امنيه بضحك وهي بتمسح دموعها اكملت طب اتلم واسكت
حسام بضحك حاضر هتلم امسحي دموعك بقى علشان خاطري وسيبك من كل اللي فات خلينا في اللي جاي اديني جيتلك لحد عندك وبقولك شاريكي ياست البنات
امنيه بابتسامه وانا مش موافقه
حسام خلاص السلام عليكم ورايح يطلع مسكته امنيه واكملت بضحك ايه انت ماصدقت
حسام بضحك لا كنت رايح احدد معاد كتب الكتاب مع ابوكي اصل انا مباخدش عليكي
امنيه بضحك لازق بغرا يعني
حسام بضحك اه بلظبط
امنيه بحب سيبك من كتب الكتاب دلوقتي وتعالى بكره اخطبني من اهلي انت واهلك انا فاضيه بكره ومعنديش كليه
حسام والجواز ???
امنيه بضحك حسام انت مستعجل على ايه ماهنتجوز مش هنروح من بعض في حته بس انا حابه تبقى خطيبي بسرعه والجواز جاي جاي كده كده
حسام بضحك اه تبقى خطيبي بسرعه بس مش جوزي بسرعه مش كده ?
امنيه بضحك اصل انا في المواقف الجد متلاقينيش اوي
حسام بضحك ليه ياروح امك هو انا جاي اهزر ولا ايه وبعدين مانتي عارفاني وبتحبيني ناخر كتب الكتاب ليه
امنيه بضحك يا حسام اهدى ده انا لسه مش مستوعبه انك جاي تخطبني ونفسي اطير من فرحتي تقوم تسربعني و تفكر في كتب الكتاب من دلوقتي وبعدين اي حوار ابن خالتي ده عرفتوا منين علشان تخليهم يقولوا كده ??
حسام بضحك منا عرفت منين يا غبيه انك بتعيطي ماطبيعي كل ده عرفته من ياسمين لان انا لما قولت اني بحبك وعملت فيكي المقلب ده علشان اتاكد بهدلتني وحكتلي كل حاجه وانا استغليت االنقطه دي ولما كلمت ابوكي قولتله نضايقك شويه علشان افاجئك ونقولك ان العريس ابن خالتك
امنيه اتفاجئت واكملت بضحك يخربيت جحودك بجد .... يابني هو انا مبصعبش عليك مش حرام تخليني اعيط كل العياط ده
حسام بحب لا طبعا بتصعبي عليا بس فكرت اني كده هفرحك وافاجئك اكتر بعدين منا عايز نكتب علشان كده خايف اغلط واحضنك لما تكوني مضايقه وبتعيطي وانتي قمر كده او اخد عليكي اكتر في الكلام فمش حابب ابقى عملت حاجه حرام
امنيه بحب متخافش لما الاقيك هتتجاوز حدودك هفرملك علطول بس سيبني اعيش اجواء اليوم اللي اتمنيته بكل تفاصليه ده بمزاج يعني بكره قرايه الفاتحه والخطوبه وبعد كده كتب الكتاب ونقل العزال والفستان والقاعه سبها واحده واحده
حسام بحب اللي انتي تؤمري بيه انا معاكي
امنيه بصتله بحب واكملت على الله ميطلعش حلم بس واصحى واعيط
حسام ضحك واكمل بحب لا علم ياست البنات واتاريكي مش بتخرجي من بالي عماله تفكري فيا بقى
امنيه بضحك خايفه اقولك اه تاخد مقلب في نفسك فهسكت
حسام بضحك تسكتي بعد ايه منا عرفت الاجابه خلاص
امنيه بابتسامه صحيح مش معنى هنتجوز هنسى الفلوس اللي ليك بس سبني اردها واحده واحده
حسام برفعه حاجب انتي عبيطه صح هترديها لمين ?? لجوزك ???
امنيه بضحك وفيها ايه ماهي فلوسك و
حسام بمقاطعه فلوسنااا مش فلوسي ... وخلاص مش عايز عبط وكلام كتير في الموضوع ده
امنيه بتنهيده تمام يا حسام لما نشوف لما نتجوز الموضوع ده
حسام لا ياحبيبتي هي مفيهاش نقاش خلاص الموضوع خلص اصلا وبعدين هتجيبي فلوس منين انتي
امنيه بستغراب منين ازاي من محل الملابس اللي شغاله فيه
حسام ااااه قولتيلي.... مش لو فضلتي شغاله فيه ??
امنيه برفعه حاجب وبحده يعني ايه بقى هو انت مفكر ان
حسام بمقاطعه رفع صباعه واكمل بحده هشششش صوتك ميعلاش علشان قسما بالله تحصل مره تاني هزعلك
سميه دخلت واكملت بقلق بس بس في ايه يا ولاد من اولها كده صوتكم عالي والجيران
حسام بحده عقلي بنتك يا ام امنيه عن اذنكم وخرج للصالون
امنيه خرجت وراه واكملت انا مش مجنونه علشان تعقلني يا حسام ولا انت ليك علاقه بلموضوع ده انا اتعودت على كده ودي حياتي من زمان
حسام بحده اديكي قولتي من زمااان .. من زمان ده بقى قبل ماعرفك فماليش علاقه ولحد دلوقتي مليش علاقه لانك في بيت راجل وبص لمحمد واكمل انا ليا اني ادخل في امنيه دلوقتي ???
محمد لا طبعا يا ابني بس في ايه لكل ده اهدوا
حسام بحده في ان بنتك مجرد ماتشيل اسمي انا حر اطلعها انزلها تروح هنا ماشي تروح هنا لا مخرجهاش من البيت اصلا انا حر ولا ايه ?????
محمد اكيد طبعا دي الاصول تسمع كلمه جوزها
حسام تمام عرف الاصول للدكتوره بقى
محمد بصلها بحده واكمل عملتي ايه يا امنيه بس
امنيه يا بابا انا مقولتش حاجه لكل ده انا بقوله اني هفضل في شغلي ومش هقصر معاه غلطت في ايه ولو قصرت يا سيدي ابقى قعدني
حسام اشتغلي يحبيبتي براحتك لحد ماتشيلي اسمي بعد الخطوه دي انا حر مع احترامي ليك ياعم محمد بس ساعتها كلام اي حد مش هيغير وجهه نظري انا مش عايز مراتي تشتغل عند حد مش مسأله تقصري ولا متقصريش
محمد عداك العيب يا ابني خلاص يا امنيه عيب لما تتجوزوا متشتغليش تاني وريحي جوزك طلما عايز كده
امنيه بدموع وبلنسبه لاني دكتوره اسنان لما اتخرج هعمل ايه بلشهاده ??
حسام هو مين بيشتغل بشهادته في مصر اساسا ??? بس على العموم لما تتخرجي يحلها الف حلال وبص لمحمد واكمل السلام عليكم يا حج همشي انا و هنيجي بكره نطلب ايد امنيه ونلبس الشبكه وبعد اذنك هاخد الرقم من ياسمين وابعتلها تنقي اللي هي عايزاه ونجيبه واحنا جايين
محمد بابتسامه تمام يابني مفيهاش مشكله تنوروا اي وقت
امنيه بغيظ خد هنا يا حسام متهاودنيش من دلوقتي عرفني اللي فيها مش هستنى نتجوز وتقولي مفيش شغل
سميه بتنهيده يابت كفاياكي عناد معاه ده احنا حتى لسه على البر
حسام بتنهيده لا ازاي متعصبنيش الدكتوره بصي يا امنيه على الدوغري وعلى بلاطه انا معنديش ستات تنزل تشتغل فوفري كلامك لان انا فعلا تعبان وجبتهالك من الاول وقولت اللي فيها مش هستنى نتجوز علشان اعرفك ومبغيرش كلامي
امنيه برفعه حاجب والله اومال لازمته ايه التعليم وطفح الدم اللي شوفته لحد مابقيت دكتوره
حسام بحده ولو سفيره ياستي انا حر انا راجل صعيدي دماغه مقفله ومعنديش تحضر علشان نريح ونقفل السيره دي
امنيه بدموع اشمعنا زينب بتشتغل يا حسام ماهي اختك اهي وانا سمعت من ياسمين انها ممرضه واحيانا بتبات في المستشفى كمان هي دي مش اختك ولا ايه ???
حسام بتنهيده زينب ابوهاا عايش وهو موافق تشتغل انما لما تتجوز لو جوزها مرضيش حقه محدش فينا هيفتح بوقه ولو انا بايدي اختار كنت قولتلها اقعدي لان دي الفطره اللي خلقكم بيها ربنا وده واجبكم الاول بس هي قالتلي انت اخويا الكبير وانا مش بكسر ليك كلمه بس ابويا وجدي كباري قالولي اشتغلي وموافقين فانا اتكتمت خالص لان مش من حقي اتحكم فيها وكبارها عايشين انا بقول رايي وبس وبراحتها انما مرااتي دي تخصني اناا علشان مش كل حاجه هتقارني نفسك بزينب تمام .. انا ماليش حكم غير عليكي انتي اختي دي هيبقى ليها راجل يحكمها لما تتجوز
سميه بابتسامه عداك العيب يا ابني ابن اصول مقولتش حاجه غلط
امنيه بدموع تمام يا حسام خلاص
حسام نفخ بضيق واكمل السلام عليكم يا عم محمد
محمد بابتسامه وعليكم السلام يابني
ونزل
سميه والله انتي بت فقريه بقى ربنا كرمك وعوض تعبك بشاب مفيش منه مال وجمال ومركز وعيله وعايزك اميره في بيتك وتابعت بسخريه تقومي تقولي لا عايزه اشتغل هو حب في المرار
امنيه بدموع مش كده يا ماما بس انا كان نفسي يبقى ليا كاريري الخاص ومفروض لو حسام بيحبني يشجعني على ده مش يهدم طموحي
محمد بتنهيده بعيدا عن كلامك الملعبك ده انا مفهموش بس اللي افهمه ان الراجل بيحبك بجد وشاريكي ودخل البيت من بابه ومسأله شغلك دي كانت متوقعه مفيش راجل صعيدي هيقبل مراته تشتغل حتى لو سفيره زي ماقالك ريحيه واسكتي
امنيه بضيق اومال انا اتعلمت ليه هااا
محمد اتعلمتي لنفسك وعلشان يجيلك واحد قيمه زي ده واتعلمتي لعيالك انما خلينا واقعيين انتي مش هتشيلي بيت وعيال وراجل وشغل يا ام ضغط بيوطى من فرش السرير
سميه ضحكت واكملت صغيره لسه يا حج متعرفش اللي فيها سيبها هي نفسها بعد كده هتشكر حسام ان موافقش تشتغل
محمد بضحك على رايك ربنا يهديكي يابنتي ويتمملك بخير هقوم انا ادخل جوه اريح شويه
سميه بحب روح يا حج على ماحضر العشا
ومشي
امنيه بقلق ماما بابا مشي كلميني شويه ليه هقول لحسام كده يعني هو الجواز صعب للدرجه دي
سميه بحب بصي ياقلب ماما الجواز مسئوليه كبيره اوي صعبه ومتعبه بس التعب كله بيهون لما يكون علشان راجل انتي بتحبيه وده هيبقى جوزك يعني مبقتيش مسئوله من نفسك وتصحيلي الضهر لا ده لازم تقومي الصبح قبل معاد شغله تفطريه وتكملي نوم لما ينزل او تروقي شقتك و ليه حقوق عليكي انتي مبقتيش صغيره وفهماني .. امنيه هزت راسها بفهم فتابعت سميه ولازم يرجع يلاقي البيت نضيف ومراته واخده شاور ولابسه شيك ومستنياه وفي عشا هادي وتهدي اعصابه من كل تعب الشغل والضغط اللي بيبقى فيه ده كل ده الفتره الاولى بعد كده في حمل وترجيع ومرواح ومجي للدكاتره وولاده وسهر بلبيبي مع حقوقه بردو اللي هيطالب بيها طبيعي وسط كل ده عادي اصل دول مبيهمهمش وضحكت لما شافت وش امنيه احمر وتابعت اه مش اكون صريحه معاكي ممكن يبقى طالع عينك طول اليوم من عيالك وشغل البيت ومرار وهيجي بقى يلاقيكي متبهدله مش زي العاده فيروح يقولك خدي شاور ونيمي العيال ونسهر انهارده وانتي طافحه الدم طول اليوم بس هتقدري تقولي لا ...لا طبعا وده من حقه فرفقاً بيكي انتي يحبيبتي خلي اهتمامك الاول بيتك وجوزك ده انتي مش هتلاحقي عليهم لوحدهم يا ام شغل ..... وحاجه كمان اياكي صوتك يعلى عليه تاني احترميه واحترمي كلمته ده هيبقى جوزك قدامنا سكت بعد كده هيقولك مانتي اهلك معرفوش يربوكي فاهو سواء قال حاجه صح او غلط تلاشيه الراجل عايز اللي تسايسه مش تقف قصاده هيعند اكتر
امنيه بتنهيده حاضر يا ماما عندك حق انا عارفه دور الفرعنه وحقوق المرأه ده خدني قدامه وبتخانق على ايه ده انا فعلا هبطت من كلامك بس ... فهسمع كلامه حاضر
سميه بضحك منا عارفه بنتي والله وطبطبت عليها واكملت بحب ربنا يفرح قلبك ويتمملك بخير يابنتي خدي بالك انا عرفت ان حسام هو السبب في رفضك للعرسان الفتره اللي فاتت بس ان جيتي للحق يستاهل وضحكت واكملت يلا روحي بقى ريحي شويه علشان تفوقي لليوم بكره وانا لما احضر العشا هصحيكي
امنيه ضحكت واكملت بحب حاضر هقوم اهو
-----------------------------------------------
في المستشفى
شويه وخرج الدكتور فقامت زينب واكملت بقلق ودموع ها يا دكتور طمني
الدكتور الحمدلله بقى احسن ونقلناه اوضه عاديه حصله كسر في ايديه اليمين ودماغه خدت 6 غرز وفي صدره 10غرز وهيحتاج يغير عليهم من 8 لي 12 ساعه كل شويه
زينب بعياط وخوف يالهوي كل ده وتقولي بقى احسسن !!!!!
الدكتور احمدي ربنا انها جات على قد كده الحادثه كانت صعبه اوي يا زينب وكنا ممكن نفقده
زينب بخوف ودموع فال الله ولا فالك يا دكتور الحمدلله الحمدلله نشكر ربنا طب ايه انا عايزه اشوفه واطمن عليه
الدكتور شاورلها على اوضه معينه واكمل نقلناه تقدري تشوفيه
زينب بدموع : تمام شكرا يا دكتور ..وانتي يا شيرين معلش شوفي الدكتور كتب لعمر ادويه ايه وهاتيهم من الصيدليه وطلعت الفيزا وادتهالها واكملت عليها الرقم السري معلش متتاخريش
شيرين حاضر يحبيبتي من عيني
زينب تسلملي عينيكي يارب
ومشيت بخطوات سريعه علشان تروح لعمر واول ماوصلت للاوضه وقفت قبل ماتدخل فاجاه وغمضت عينيها وخدت نفسها بعمق بعدين فتحت الباب ودخلت
لقيته نايم ومتعلق ليه محاليل ودماغه ملفوفه بشاش وايديه اليمين متجبسه فنزلت دموعها بحزن عليه وراحت شدت الكرسي وقعدت جمبه وحطت ايديها على ايديه السليمه واكملت بدموع سلامتك ينورعيني ياريتني كنت انا ولا اشوفك بلشكل ده ابدا ياعمر
عمر ابتدى يرجع لوعيه وفتح عينيه ببطئ وهي كانت عماله تعيط وحاطه ايديها على بوقها فلمحها والصوره ابتدت توضح قدامه فهمس بتعب زينب
زينب اتخضت لما سمعت صوته وشالت ايديها اللي كانت على ايديه بسرعه ومسحت دموعها واكملت وهي بتحاول تبان طبيعيه : نعم يا عمر الف حمدلله على سلامتك
عمر بتعب الله يسلمك مالك بتعيطي ليه وانا فين هنا وازاي انتي معايا
زينب بتوتر ابدا مبعيطش انت البنج شكله خلاك تخرف انت في المستشفى وانا هنا لان ده مكان شغلي طبيعي اكون فيه
عمر بتعب زينب انا تعبان اوي حاسس جسمي كله واجعني وتأوه بوجع لما حاول يتعدل
زينب بخوف على مهلك ..على مهلك يا عمر مش كده وقامت تساعده يتعدل في قعدته وعدلت المخده وراه كويس واكملت بدموع مرتاح كده
عمر قعد ورجع ضهره لورا واكمل بتعب اه الحمدلله بتعيطي ليه اهدي
زينب بتوتر مبعيطش ياعمر انت ليه مصمم
عمر ابتسم بتعب واكمل انا اه اتكسرت خالص بس مش اعمى يعني يا زينب
زينب بتوتر انا هروح اشوف شيرين اتاخرت ليه ورايحه تقوم مسك ايديها واكمل خليكي ارجوكي
زينب قعدت وبصتله بحزن واكملت نعم يا عمر
عمر بتنهيده عملتي ايه في موضوع العريس اللي كان متقدملك
زينب بتنهيده بعدين الكلام ده مش مهم وانت تعبان
عمر هز راسه بنفي واكمل لا بنسبالي مهم
زينب بصتله بتفاجئ واكملت مهم ازاي يعني
عمر بتعب جاوبيني يا زينب ومتتعنبيش
زينب بابتسامه رفضته زيه زي غيره ايه الجديد
عمر فرح جدا من جواه واكمل بضحك اممم بتتنكي حكم انك زينب الرفاعي
زينب بحب لا حكم انه مغلبني ومش راضي ينطق ومش هعرف اشوف حد غيره
عمر برفعه حاجب هو مين ده ??
زينب بهمس اقولك بعدين اصل ده سر وقامت ادته ضهرها ورايحه تمشي وهي بتضحك
وقفها عمر وهو بيقول: قولي اللي تقوليه واعملي اللي تعمليه بس بردو هتجوزك ومش هتشيلي اسم راجل غيري في الاخر
زينب اتسمرت مكانها بصدمه ولفتله واكملت بضحك قولت ايه ???
عمر بابتسامه اللي سمعتيه يا بنت معتز
زينب بضحك لا عمر انا مبهزرش انت قولت ايه بجد
عمر بحب هتجوزك هو مش انا مغلبك والسبب في وقف حالك كل الفتره دي بردو فاديني نطقت
زينب عيطت من الفرح واكملت عمر انت بتتكلم جد هتتجوزني والله
عمر مسك ايديها قعدها قدامه ومسح دموعها بايديه السليمه واكمل اه طبعا هتجوزك وليه العياط ده اهدي انا مبحبكيش تعيطي
زينب بدموع اخص عليك بجد واما انت عارف انك انت اللي انا بحبه سكت كل ده ليه
عمر ورحمه امي ما كانت اعرف انا لسه عارف دلوقتي
زينب بستغراب انت بتستعبط صح
عمر برفعه حاجب زينب اتلمي هو انا هكدب ليه
زينب بتوتر اصل ازاي يعني عرفت دلوقتي ليه حصل ايه يعني علشان تعرف
عمر مسك وشها ووجه ليه واكمل بحب بفهم لغه العيون ولما صحيت ولقيتك بتعيطي شوفت بنت قلقانه ومرعوبه على شخص بتحبه ولما قولتي انه مغلبك ومنطقش ومش هتشوفي غيره عينك كانت بتنطق حرف ال ك وكانها بتقولي زينب بتقول مش هتشوف غيرك مش غيره فتاكدت انه انا علشان كده قولتلك هتجوزك
زينب بحب ودموع يعني انا بعد كل السنين دي ساكته و مخبيه وتيجي حادثه حضرتك تكشفني في دققتين .... وبعدين صح انت عملت حادثه ازاي
عمر الفرامل هربت فمعرفتش اوقفها وضحك واكمل بعدين قولي الحمدلله بذمتك كنتي عايزانا نفضل مستنيين كده لحد امتى انا فاكر انك بتحبي غيري ولو مفيش انتي مش مبينالي حاجه اصلا
زينب بغيره صحيح يا عمر
عمر بحب ايه يا قلب وروح عمر
زينب ضربته في صدره جامد فتأوه بوجع واكمل اااه يابنت الجزمه حراام عليكييي
زينب بغيره مين الهانم دي اللي جيالك تطبخلك وتقعد معاك وانت عازب ولوحدك هااا
عمر بوجع منا قولتلكم بنت خالتي يخربيت امك بجد ايدك تقيله صدري فيه جرح هنا
زينب بصت لقيت الجرح كويس فاكملت بغيره مفتحش فخلاص بطل تمثيل وترد علياا يعني ايه بنت خالتك مش فاهمه مراتك يعني علشاان تقعد معاك ?????
عمر بحب انتي مراتي
زينب ابتسمت بحب .... بعدين كشرت واكملت بقولك ايه متثبتنيش انا مبهزرش دلوقتي علشان اقسم بالله كنت عايزه اولع فيها وفيك وتابعت بسخريه وانت نازل حبيبتي حبيبتي ياااخي حبك بورص وعشره خرص اما هي حبيبتك انا ايييه
عمر فضل يضحك على غيرتها واكمل طب خلاص بجد علشان قسما بالله بتحلوي وانا عامل حادثه لوحدي فمش قد كل ده
زينب بضيق عمر متعصبنيش انا بتكلم جد
عمر مسك ايديها واكمل بحب اسماء اختي في الرضاعه يعني تحرم عليا وجاتلي لانها عارفه اني وحيد زي اي اخت ممكن تعمل اكل لاخوها انما انتي فمش حبيبتي بس ده انتي حبيبتي ونورعيني وكل دنيتي وحلم عشت احلمه من ساعه ماكنت في اعدادي
زينب ابتسمت بحب وسكتت شويه بحرج بعدين اكملت خلاص طلعت ظلمتك حقك عليا
عمر بضحك لا انتي مجنونه بس مش مهم نتعود لاجل سمو الاميره زينب
زينب بغيره بس اي ان كان متقولكش حبيبي ولا انت تقولها حبيبتي اتلم هااا ولو انت محرج انا اقولها متقوليش لجوزي حبيبي دي تاااني
عمر بحب قلب جوزك والله العظيم بصي احنا ننفذ الكلمه دي وبعدين لو عايزاني اقطع علاقتي بسيف شخصيا انا موافق
زينب فضلت تضحك بشده واكملت اخص عليك ده اخويا حبيبي ده... لالا كله الا سيف وبعدين هتبيع صاحبك علشاني ??
عمر بضحك يعني انتي متبعيش صاحبتك علشاني ??
زينب بضحك الفنانه بوسي قالت ايه ?? انا ابيع الدنيا .. الدنيا علشانك انت ياروحي في ثانيه فمعاك يا بااشا
عمر بضحك طب كده تمام اوي بس نطلع سيف من الحسبه علشان ده حبيبي وحبيبك فمش هنعرف نبعد عنه
زينب بضحك الله ورجعت في كلامك ليه
عمر بضحك لا انا مبرجعش في كلامي بس ده لاني محتاج موفقته على جوازنا فناخده في صفنا مؤقتا
زينب بضحك لا يا جدع
عمر بضحك اه اومال انتي فاكره ايه وتنهد وتابع بس بيني وبينك قلقان اوي
زينب بستغراب قلقان !!! قلقان من ايه ؟
عمر بتنهيده من سيف حاسس هيفهمني غلط لما اقوله اني عايزك
زينب بستغراب وهو سيف هيفهمك غلط ليه ده انت عايزني في الحلال وسيف معندوش اعز منك منتا عارف وضحكت وتابعت اصلا هو شك فيا
عمر بستغراب شك فيكي ازاي مش فاهم
زينب بص ياسيدي لما هو قالي ان مامتك الله يرحمها توفت انا اتخضيت كده ووشي اتخطف وعيطت فاهو خد باله وقال لحسام خدها معاك ده عمر زي اخوها مش كده يا زينب ولا ايه فانا قولتله اه فا في اخر القاعده حضني وقالي ليا كلام معاكي فانا حسيت انه قفشني
عمر بضحك لا هو كده قفشك فعلا انا عارف سيف محدش بيعرف يحور قدامه حتى انا بحس انه قافشني بس ولا مره طاوعته وقولت اللي جوايا وتنهد وتابع انا خايف يقولي يعني انا ادخلك وسط اهل بيتي تقوم تبص لاختي وتخون الامانه والعيش والملح والكلام الكبير ده اللي مش هتسحملوا من سيف خصوصا انتي عارفه طبيعتي معاه في الشغل هو مبيهزرش ومش بيطيق حد اصلا فاكلنا بنتجنب اننا نعصبه
زينب بضحك عارفه سيف هو انتي هتقولي عليه بس متخافش مش هيرفضك ولا هيقولك كده انت عارف بيحبك ازاي ولو اعترض هنقول لحسام يساعدنا
عمر حط ايديه على خدها واكمل بحب كده كده هاخدك انا بس مش عايز مشاكل بيني وبين سيف علشان هو اكتر من اخويا وماليش غيره وسند جبينه على جبينها وتابع انما سواء وافق او رفض انتي مش لحد غيري
زينب بصتله بحب ورايحه تتكلم قاطعها دخول شيرين فبعدت عنه باحراج
شيرين بحرج احمم امسكي يا زينب الادويه اهي وحاجته والاكل جبتهملك والفيزا بتاعتك
زينب بتوتر هاتي يا شيرين تعبتك يحبيبتي اوي بجد معلش
شيرين بحب لا ولا يهمك حمدلله على سلامتك يا حضره الظابط
عمر بابتسامه الله يسلمك تسلمي
شيرين بحب يلا همشي اانا عايزه حاجه
زينب بحب سلامتك يحبيبتي
وطلعت وقفلت
زينب بحرج عجبك كده
عمر بضحك هو مش مفروض هي تخلي عندها دم وتخبط قبل ماتدخل ولا ايه
زينب بغيظ مريض وممرضته تخبط قبل ماتدخل ليييه هو انت فاكر نفسك في شهر عسلك
عمر بحب ياريت والله
زينب بضحك عمر انا مبهزرش كسفتني قدام البت
عمر بضحك في ايه هو انا كنت ببوسك ايه كسفتك قدامها دي ده انتي غريبه اوي
زينب وشها احمر واكملت بحرج يخربيتك ايه اللي بتقولوا ده انا هسيبك واطلع احسن
عمر بضحك لالا خلاص ههون عليكي بذمتك
زينب بضحك ليه هو حد قالك يا سي السيد ان انا هنا بشتغل لحضرتك بس
عمر انتي اصلا ايه مقعدك لدلوقتي استني فين الفون اتصلك بحسام يجي ياخدك
زينب بحب لالا متكلموش انا قاعده انهارده عندي شيفت ليلي
عمر نعم وده هتروحيله امتى ده انشاء الله ??
زينب بتنهيده الصبح بس انا كده كده مش هخرج غير لما اطمن عليك
عمر لا طبعا روحي ارتاحي افرض انا قعدت يومين تقعدي ازاي يعني
زينب برفعه حاجب عايزني اروح ليه علشان تيجي الحلوه بنت خالتك تقعد مكاني
عمر بضحك يازينب انا لساني طويل مش عايز اقولك كلمه تغير شكلي قدامك ونظرتك فيا تتهز فاتلمي يحبيبتي واتمسي وقولي يا مسا بقولك تحرم عليااا انتي مبتفهميش
زينب بغيره والله لو اختك شقيقتك بردو لا
عمر بضحك طيب يا مجنونه ربنا يهديكي .. هاتي فوني البت جابته فينه
زينب برفعه حاجب عايزه ليه
عمر بضحك اشوف الساعه كام يا قدري
زينب بصت واكملت 8 وراك معاد يا حضره الظابط
عمر بحب والله ولو ورايا ده انا احب راقده المستشفى دي لاجل انها بتطل على الجمال ده كله
زينب بضحك ياعمر احترم نفسك واتلم ويلا علشان تاكل علشان ادويتك
عمر لالا اكل ايه مليش نفس خالص
زينب جابت الاكل وقعدت جمبه على السرير واكملت بحب طب ولو قولتلك علشان خاطري يا عمر
عمر بحب خاطرك غالي بس والله ماليا نفس
زينب بحب معلش لقمتين يس علشان تاخد الدوا ومدت ايديها
وعمر كل منها بضيق فضحكت زينب على شكله واكملت عمر
عمر وهو بياكل اممم
زينب هتعمل ايه افرض قعدت كتير في المستشفى صح
عمر بتنهيده مش عارف هخلي خالتي واسماء معايا وخلاص
زينب بصتله برفعه حاجب واكملت كل من ايدي يا عمر خليني ساكته
عمر كل منها واكمل بضحك انتي عبيطه يابت اومال هساعد نفسي ازاي
زينب بحب اتجوزني انا وانا هخلي بالي منك
عمر فضل يضحك واكمل الله بقى هو ده الهدف .. بقى بتستغلي مرضي يا زينب
زينب برفعه حاجب نعم على اساس انك مش عايز تتجوزني وانا اللي هموت عليك ؟
عمر بضحك لا ياستي ولا تزعلي انا اللي هموت عليكي
زينب بحب ايوه كده واكلته
عمر اكل منها واكمل بحب عارفه انا اخر حاجه كنت اتخيلها انك تطلعي بتحبيني كده وتنهد بحزن واكمل لما سمعتك بتكلمي سيف وبتحكيله ان جايلك عريس وانتي بتحبي حد كنت حاسس ان نفسي الارض تتشق وتبلعني متخيلتش ربنا يطبطب على قلبي بسرعه اوي كده انا مكنش ليا غير امي واملي كنتي تبقي انتي كمان وتنهد بوجع واكمل كده انتي بس وبصلها بحب وعنيه مليانه دموع واكمل ربنا يدميك ليا
زينب دموعها نزلت واكملت ويديمك ليا يارب حقك عليا من كل الدنيا بجد يا عمر ربنا يرحمها يارب انا بردو فكرت انك مش بتحبني بس الحمدلله اللي جمعنا بجد
وفون عمر رن فطلعته زينب من جيبها لقيت اسماء فبصتله برفعه حاجب
عمر بضحك لو دي اسماء فاكيد قلقت عليا مفيهاش حاجه بلاش البصه دي
زينب بتنهيده طب عموما رد عليها طمنها وياريت متخليهاش تيجي انا قاعده معاك
عمر بصلها وضحك وهز راسه بيأس منها : الو ايه يا حبيبتي
زينب ضربته في صدره فتأوه بوجع وكتم الصوت واكمل بوجع ااه هطلع عين اهلك يا بنت الجزمه الصبر بس ورجع الصوت
اسماء بخوف مالك يا عمر في ايه طمني عليك ابوس ايدك
عمر بوجع مفيش يا اسماء انا بخير هبات برا بس انهارده متقلقيش عليا ونامي انتي لو عايزه انما متنزليش دلوقتي خلاص روحي بيتك بكره
اسماء تنهدت بارتياح واكملت الحمدلله كنت هموت من القلق مش تطنمي يا عمر
عمر بحب حقك عليا غاليه خلاص انا بخير اهو نامي بقى
اسماء بحب تمام تصبح على خير
عمر بحب وانتي من اهله .. باي
اسماء باي
وقفل ولقى زينب بتبصله ومش عاجبها الكلام فضحك
زينب بغيره وايه كمان ؟؟ حبيبتي وغاليه وقلقان تنزل دلوقتي وبتقولها ايه تاني ؟
عمر بضحك لا هما دول بس والله وقلقت لانها اختي مش اكتر
زينب بغيره هو انت قااصد تحرق دميي
عمر بحب الف بعد الشر عليكي من حرقه الدم يا زوزتي
زينب بضيق عمر انا مبهزرش بطل تحب فيها ممكن
عمر بضحك يابنتي بقولك اختي وانا كبيرها انتي عبيطه ولا ايه ربنا يهديكي بجد روحي اعرفي حكم علاقتي بيها من اي شيخ لو متعرفيش قال بحب فيها قال جتك داهيه في الفاظك
زينب بغيره عارفه بس بردو بغير سميها حب سميها جنان سميها مرض سميها زي ماتسميها المهم متحرقش دمي والا انا كمان اشوفلي اخ في الرضاعه و
عمر بحده وبمقاطعه و ايه انشاء الله???
زينب بضحك شوفت شوفت اتعصبت ازاي اشمعنااا بقى
عمر بحده ده علشان الهانم قاصده تعصبني انما انتي معندكيش اخوات في الرضاعه قال اشوفلي قال اصل بيتباعوا في السوق
زينب ضحكت واكملت فرحانه اني عصبتك وخلاص ومدت ايديها بلاكل
عمر كل منها بضيق واكمل انسانه معجونه استفزاز والله العظيم
زينب بحب اعيش واستفزك تقدر تقول غير كده
عمر ضحك بغلب واكمل بحب لا ياست البنات مقدرش طبعا ربنا يديمك ليا انتي واستفزازك
----------------------------------------------
في بيت الرفاعي العيله كلها متجمعين بعد العشاء وبيتكلموا وخاله مازن جات من القاهره تقعد كام يوم عند اختها هي وبنتها رغد
مازن دخل واكمل مساء الخير
الجميع مساء النور
مازن بحب عمال اقول ايه النور ده كله اتاري منوارنا احلى نواره في الدنيا
نواره الخاله بضحك قلب خالتك انت طول عمرك تاكل بعقلي حلاوه وحضنته وتابعت بحب واحشني والله يا واد يا مازن ايه الحلاوه دي يا واد بتحلو
مازن بضحك دي عيونك الحلوين يا خالتي والله وباس راسها وتابع نورتي الصعيد يا غاليه
نواره بحب منوره باهلها يا حبيبي
رغد كانت بتبتسمله فاكمل بابتسامه ازيك يا رغد عامله ايه
رغد بحب كويسه الحمدلله
مازن بضحك كبرت امتى رغد ربنا يخليهالك وتفرحي بيها يا خالتي
نواره بضحك هي البنات كده يا مازن بتتغير 100 مره ويارب يسمع منك ربنا
صافيه ياسمين
ياسمين وهي قاعده مش طايقه نفسها اكملت امممم
صافيه معلش يا قلب تيته خدي البسكويت والكحك ده وانتي يا نور وراها بلشاي علشان جدكم حابب نتلم سوا في البرنده تحت
نرمين بحب اه والنبي يابويا لحسن الجو بليل حلو ويرد الروح
منصور بابتسامه منا علشاان كده قولت نقعد شويه تحت انهارده الواحد اتخنق من قعده البيت
احمد اه والله ياجدي انا من ساعه مارجعت حاسس حاجه نقصاني الدنيا هنا هاديه خالص من بعد المغرب عكس دبي بتبدا اصلا من بعد المغرب وضحك
عايده بحده معلشان هناك هيناموا بدري ليه مثلا ناس مرفهه ومعاهم فلوس موراهمش هم واتلم ومتلمحش شركتك عملت مقر هنا مفيش سفر تاني
احمد بضحك لا انتي فاهمه غلط انا مش بلمح انا هسافر فعلا بس لما يحتاجوني متفكريش هفضل هنا علطول
عايده رايحه تتكلم قاطعها ايمن واكمل بس يحبيبتي بس علشان دمك هيتحرق وهتقوم خناقه سيبيه يعمل اللي يعملوا
عايده بحده انا والله ههاوده واسكت بعد كل المرار ده عايز يبعد عني تاني
احمد باس خدها واكمل بحب مقدرش والله ياست الكل بس لو طلبوني هناك هيبقى غصب عني ومتخافيش مش هفضل قاعد هناك زي المره اللي فاتت هفضل رايح جاي
عايده بتنهيده اما نشوف يخش ماتكونش طالع لابوك بتضحك عليا بكلمتين
ايمن ضحك فاكمل احمد بضحك لالا عيب عليكي مقدرش يا عايوده
صافيه هي فينها شهد
ياسمين وهي بتشيل الحاجه اكملت بتذاكر في البلكونه
عز الدين سبوها تذاكر ننزل احنا يلا علشان منعملهاش ازعاج
صافيه بحب طب يلا يلا يابت يا نور
نور بحب شايله الحاجه اهو يا تيته
وبلفعل كلهم نزلوا في البرنده كانت قاعده كبيره قدام البيت فيها كراسي وترابيزة صغيره والزرع حواليها من كل حته وبتطل على الاراضي الزراعيه والجمال الطبيعي والجو هادي جميل وفيه نسمه هواء ساقعه ومريح للاعصاب لاقصى حد
نواره بحب ده الجو هنا فعلا يريح الاعصاب
عايده بحب اه والله الواحد واحشته القاعده هنا
كلهم قعدوا فنزلت ياسمين على الارض وجمبها نور وحطوا الحاجه على التربيزه وقعدوا
حسام كان داخل البيت شافهم قاعدين تحت فاكمل بابتسامه متجمعين عند النبي
الجميع بحب اللهم امين يارب
حسام بضحك ايه مقعدكم هنا بقالكم كتير مبتقعدوش هنا
صافيه بحب تعالى ياقلب ستك اقعد ارتاح ده جدك شاف الجو حلو انهارده وكلنا صاحيين قال ننزل نقعد شويه
حسام قعد واكمل بحب يارب دايما متجمعين يا حبايبي ناقصنا كده سيف وزينب وتكمل اللمه وتابع باستغراب بس فين يونس وشهد
ياسمين يونس بيتكلم في الفون من ساعه ماجيه من برا هناك اهو وشاورت عليه كان واقف بعيد وبيتكلم وتابعت وشهد بتذاكر فوق وزوزا في شغلها انهارده
حسام بحب ربنا معاهم يارب بما اننا كلنا متجمعين حبيت ابشركم واقولكم المجانين هيزيدوا واحد انا كلمت ابو امنيه وهو مستنينا بكره نلبس الشبكه
الستات والبنات كلهم زغرطوا في نفس وااحد
حسام بضحك بس خلاص هتصحوا الناس انتوا في الصعيد في ايه
نرمين بدموع فرح قامت حضنته واكملت يافرحه قلبي بيك يانورعيني اخيراا هتتجوز وهشوفك عريس انا مش قادره اصدق بجد
حسام باس جبينها واكمل بحب ربنا ميحرمنيش منك يارب وضحك وتابع علشان ترحمي زوزا شويه بس اديني هفرحك اهو
نرمين بحب ودموع ده انا مش هيهدالي بالي غير لما اشوفك انت واخوك واختك في بيتكم ومرتاحين
حسام بحب اللهم امين يا ست الكل
صافيه بدموع فرح تعالى في حضني يا قلب ستك وحضنته واكملت بحب مبروك يانورعيني الف الف مليون مبروك
حسام بحب الله يبارك فيكي يا صفصف يا غاليه
مازن قام وقف واكمل بضحك هو انا ياض مش قايل انا بس اللي اقولها كده حسام ضحك فحضنه مازن واكمل بحب متتصورش فرحان ليك قد ايه مبروك يحبيبي
حسام بحب الله يبارك فيك يا غالي وهمس عقبالك انت وسمسمه
مازن ضحك واكمل بحب يارب يحبيبي
منصور بتتهامسوا في ايه يا واد انت وهو
مازن بضحك الله ده تلاقيك عارف هو في حاجه بتعدي من تحت ايدك انت
حسام ضحك فاكمل منصور بضحك ماشي يا حيوان صبرك عليا وبص لحسام واكمل بحب مبروك يابني ربنا يفرح قلبك زي مافرحتنا المهم البت ايه غمز واكمل حلوه كده ولا من بنات اليومين دول ضعفانه
كلهم فضلوا يضحكوا فاكمل حسام بضحك لا ضعفانه بس نعمل ايه بقى الحب يا جدي
منصور بضحك طب على قدك بقى متبقاش انت والدنيا على البت
كلهم ضحكوا فاكمل حسام بضحك والله العظيم ده انت مشكله يا جدي
صافيه بضحك مفيهاش حاجه احنا هناكلها اكل يخليها تطخن وتبقى زي الفل
ياسمين بضحك الله هي امينه للدرجه دي مش عجباك يا سي حسام
حسام بضحك والله مفتحتش بوقي هما اللي بيقولوا انا عجباني وزي الفل اهدي يا حقنه واسكتوا لحسن دي العصفوره اللي هنا
ياسمين بضحك اخص عليك انا حقنه وعصفوره ماشي يا حسام
ايمن بضحك هما بيتكلموا صح الواد مش هيتجوز كل يوم يجيب واحده حلوه كده يفرح بيها والضعيفه دي تروح تعالج الانيميا
كلهم فضلوا يضحكوا فاكملت ياسمين بضحك ده على اساس ايه يعني يا عمو منا وبنتك وشهد وزينب ولا واحده فينا عودها مظبوط وحلوه الحلاوه اللي في دماغكم دي كلنا رفييعين ايه هنقعد جمبكم ??
ايمن بضحك ما ده اللي هيحصل يابنتي هتقعدوا جمبنا واحنا راضيين بقعدتكم عادي لحد ما حد يتص في نظره ويوافق
كلهم ضحكوا فاكملت نور بضحك لا عندكم بقى لحد هنا واستوب انا مخطوبه وعاجبه خطيبي رفعت ايديها اليمين بغرور
عايده بضحك اهو قاسم ده صعبان عليا والله ربنا يعينه معرفش ربنا ابتلاه بيكي علشان هبب ايه في دنيته
كلهم ضحكوا فاكملت نور بضحك بقى كده ماشي يا ماااما انا هتجوزه ومش هاجيلكم هنا تاني
مازن بحب ياخواتي مقدرش على بعدك انا لو عليا اجوزك في بيتي اخص عليكم محدش يضايقلي نوري مش هجوزهالو اصلا
نور بفرح والله انت روح قلبي وقامت حضنته
فباس راسها واكمل بضحك شبه عود القصب المسوس اه بس هو راضي وبيحبها انتوا مالكم انتوا الله
كلهم فضلوا يضحكوا فا نور بصتله بصدمه واكملت بضحك بجد اخص عليك انت كمان معاهم
احمد بضحك ده بيهزر يا قلبي قوليله المهم الجوهر
نور بضحك الله حتى انت يا احمد دي شكلها الحفله عليا
ياسمين بضحك علينا وانتي الصادقه فينها شهد كانت وريتهم دلوقتي بيتكلموا بقلب جامد علشان هي مش هنا
معتز بضحك اه لسانها متبري منها دي
نور بضحك بس جدعه بتجيب حقها مش زينا هطل
ياسمين بضحك والله عندك حق
مازن بحب طب اعمليلي شاي الحاجه قدامك يا سمسمه
ياسمين بحب عيوني حد يشغل البابور بس
رغد بحب اوعي انتي يا ياسمين بعرف اشغله هعملوا انا
ياسمين بضيق شغليه بس يا رغد وانا هعمل
رغد شدت الحاجه عليها واكملت لالا متتعبيش نفسك خلاص
مازن بص لقى ياسمين متعصبه منها فاكمل بحرج معلقتين سكر يا رغد
رغد بحب عارفه عملت كده من نفسي
ياسمين برفعه حاجب والله
حسام بص لياسمين بحده ففهمت قصده انها تسكت علشان ميبانش عليها واكملت بضيق انا هقوم اتمشى شويه مخنوقه
يونس دخل وسمعها واكمل اتلمي واقعدي الساعه 9 والناس نامت تتمشي ازاي دلوقتي يعني
ياسمين بحزن معلش يا يونس بس مش طايقه نفسي
يونس وراها الساعه واكمل يحبيبتي هو انا قاصد اضايقك مثلا بس مينفعش حد يضايقك دلوقتي
منصور بتنهيده سيبها يا يونس متخافش على اختك مشي بنت عمك شويه يا مازن وتعالوا
مازن اتوتر لما كلهم بصوا عليه واكمل بحرج احمم حاضر يا جدي يلا يا ياسمين
ياسمين بصتله بضيق وقامت وقفت
رغد بغيره والشاي اللي عملتوا ده يا مازن
حسام بضحك اشربه انا ولا يهمك ومسك منها الكوبايه وشرب منها واكمل تسلم ايدك يابت يا رغد زي العسل ولا كوبايه الشاي اللي بيعملهالي العسكري محمود في القسم
رغد بحرج الف هنا
نور كتمت ضحكها من حسام وشكل رغد
عز الدين مش الوقت متاخر شويه يا بابا هنا مينفعش ال
منصور بمقاطعه ده ابن عمها مش واحد غريب ومش هيبعدوا هيتمشوا هنا وراجعين قدام البيت عادي يلا يا مازن
مازن بتنهيده حاضر يا جدي يلا يا ياسمين
ايمن متتاخرش يا مازن
مازن حاضر يابا متقلقش والله
ومشيوا
ونواره بصت لبنتها ولوت بوقها بضيق
يونس بتنهيده انا طالع ارتاح
صافيه بحب تعالى يانورعيني اقعد معايا شويه
يونس بتعب معلش يا تيته بس عايز افرد جسمي
صافيه ربعت رجليها واكملت تعالى ياعمري وخبطت على رجليها وتابعت حط راسك هنا على رجلي وافرد جسمك عادي المكان واسع وفاضي بس متقعدش لوحدك فوق
يونس بلفعل عمل كده وكل واحد كان بيتكلم في احاديث مختلفه وقاسم رن على نور فخدت جمب وفضلت تكلموا
صافيه وهي بتمشي ايديها على شعر يونس اكملت بتنهيده مش ناوي ترجع تاني يونس اللي اعرفه
يونس بسخريه يونس اللي تعرفيه راح ورا لبنى هي اخر حد كان فاضل اعيش علشانه
صافيه بحب وانا لسه مموتش واخواتك البنات وابوك انت لسه عندك اللي تعيش علشانه متخليش الشيطان يعمي عينك يا يونس
يونس تنهد بعمق واكمل مبقتش فارقه انا مش عايز غير اختفي بجد لان كل حاجه بقيت تأذيني انا مش مستحمل من دلوقتي متخيله بعدين لما الحياه تمشي اكتر هعمل ايه وبصلها بوجع واكمل قوليلي اكرها ازاي يا تيته
صافيه تنهدت بحزن واكملت المشكله في حبك الصادق ليها اللي نابع من جواك لان هي لا عملت حاجه علشان تكرها ولا عملت حاجه علشان تفضل مش قادر تكرها فمش هتكرها يابني لانها مأذتكش بس ممكن تخليها عاديه جواك لا هو كره ولا هو حب
يونس بوجع تعرفي يا تيته دي غلطتي انا..... اه والله مش هلومها هي يمكن هي مكانتش صادقه او مدركه كفايه يعني اي حب حقيقي انما انا حبيتها بكل صدق ومشوفتش غيرها وطبيعي اي علاقه طرف بيقدم فيها اكتر من التاني العلاقه دي بتنهار وانا هاخد وقتي بس هتعود ولازم اقتنع ان مكنش ينفع احبها من الاول في 100 حاجه كانت بتمنع الحب ده يكمل بس انا اللي كنت غبي ولسه لحد انهارده غبي وبدعي تكون ليا وعارف انه مستحيل
صافيه بحزن ودموع بتمنى يابني والله ربنا يصلح الحال ويجعلكم لبعض
يونس بوجع لالالا ده وهم اتمني ربنا يراضيني ويريح قلبي وابطل احبها احسن
وقام وقف وطلع فتنهدت صافيه بحزن عليه واكملت قلبي قايد نار عليك يا يونس والله لو كان بايدي كنت اكلمها واجوزهالك بس النصيب نقول ايه وقلبك ده تستاهله بنت تعشقه وتقدره وتعوضك المر اللي شوفته في حياتك
وجيه اتصال لعز الدين فلما شاف الرقم اتوتر وقام وقف بعيد ورد واكمل بحده نعمين عايز ايه
الراجل بعصبيه بتتكلم كده ليه هو احنا بنشحت منك
عز الدين بحده قولتلك ملكش علاقه بيا ومتتصلش بلرقم ده تاني انت مبتفهمش
الراجل بحده ياك علشان انت خدت البت وربيتها منبقاش احنا اهلها ولينا حق فيها ولا ايه ؟؟؟؟