رواية غموض الحب الفصل التاسع9 والعاشر10 بقلم لولا
الراجل بحده ياك علشان انت خدت البت وربيتها منبقاش احنا اهلها ولينا حق فيها ولا ايه ؟؟؟؟؟
عز الدين بحده وكنتوا فين انتوا يا اهلها وهي حته لحمه حمرا ومش معتبرينها منكم دلوقتي احلوت ياسمين
الراجل بعصبيه والله دي حاجه متخصكش لينا فيها وعايزين نشوفها دي دمنا ولحمنا
عز الدين بحده انسى مبقتش تخصكم خلاص وانا اللي هيقرب لبنتي هنهي حياته ياسمين بنتي انا وهتفضل معايا انا وشايله اسمي ومحدش منكم هيشوفها
الراجل بسخريه تفتكر رده فعل بنتك حبيبتك ايه لما تعرف الحقيقه وانك معيشها في وهم كبير
عز الدين اتوتر واكمل بحده قولتلك ميخصكش دي مشاكلي انا محدش قالك فكر فيها بدالي
الراجل بسخريه لا يا جدع .. طيب هيجي يوم وساعه هتعرف فيها وابقى قابلني لو سامحتك على اللي انت عملتوا فيها
عز الدين بعصبيه عملت ايه انت عبيط انا معيشها احسن عيشه وبعلمها وبحبها وهي بتحبني اخرج انت بس براها وملكش دعوه يا صالح
صالح بضحك ايوه مننكرش بس كل ده وهم وكدب وهي لما تعرف مش هتسامحك لانها بسببك شافت وسمعت كلام كتير اوي صعب
عز الدين الدموع اتجمعت في عنيه واكمل بحده وقتك خلص مشوفش اسمك في تليفوني تاني وانسى انك تشوفها السر ده هيموت معانا ومحدش هيعرفه وهي مش هتقف على انها تشوفكم هي متعرفش بيكم اصلا
صالح الكدب بيأجل انكشاف الحقيقه يا عز بس مش بيخفيها .. سلام
وقفل وعز الدين كان مضايق جدا وعمال يفكر هيعمل ايه وخايف صالح يعرف عنوان بيته ويجي يعرف ياسمين كل حاجه فاكمل بتوتر لالا ياسمين مينفعش تعرف الحقيقه هتتعب انا ماصدقت رضيت وقبلت بحياتها الجديده
-----------------------------------------------
عند مازن وياسمين
مازن بتنهيده طب ايه هتفضلي ساكته وبتهري في نفسك كده كتير .. اتكلمي وسمعينا الكلمتين اللي محشورين في زورك ونخلص
ياسمين بغيره مازن اسكت علشان والله العظيم نفسي اجيبها من شعرها انت وهي معصبني
مازن بدهشه: انا معصبك ??? ليه هببت ايه انا انتي هتلبسيني مصيبه وخلاص هو اي نكد
ياسمين بحده اه اصل انت شايف انه عادي تحرجني وتقولها وتابعت بسخريه معلقتين سكر ياا رغددد وتبقى ماحرجتنيش ومهببتش حاجه مش كده
مازن بص حواليه يشوف حد بص عليهم من صوتها ولالا بعدين بصلها ومسك دراعها جامد واكمل بحده قسما بالله لولا في الشارع كنت وريتك هعمل فيكي ايه صوتك ده ميعلاش تاني .. انتي عبيطه يابت انتي ولا ايه انا مال اهلي مش هي اللي خدت الزفت منك وقالت هتعمل ودي بنت خالتي ومفيش بينا حاجه فيها ايه لما تعملوا يعني هقولها ايه اناااا
ياسمين الدموع اتجمعت في عينيها واكملت زعق كمان زعق يلا اقولك اضربني قلمين علشان ست زفته بنت خالتك اللي عادي تعملك الشاي
مازن بحده ينعل ام الشاي في الارض هو في ايه ؟؟ مكانتش كوبايه سم عامله عليها كل الحوار ده انا مالي هو انتي كل ما هتغيري هتنكدي عليااا انا مانتي عارفه اني متنيل بحبك انتي ومش شايف غيرك ليه كل شويه النكد ده
ياسمين بحده ودموع وانت عارف ان رغد بتحبك وعايزاك وجايتها هي وامها دي مش بلساهل الهانم حاطه عينيها ترجع وهي ضمناك
مازن بعصبيه ده على اساس ايه بنت بنوت انا وهيجبروني عليهااا ????? هو انتي عايزه تخلقي مشاكل وخلاص يا ياسمين عرفيني ??? بتزعلي طيب لما نكون كويسين مع بعض ???
ياسمين بدموع انا بغير عليك انت مبتفهمش ليه والله العظيم بتحبك وعايزه تتلزق فيك مفروض انت كنت قولتلها انا متعود اشربه من ياسمين ده انا حبيبتك هونت عليك تسيبني بولع منهااا كده وتطاوعها
مازن غمض عينيه بعصبيه واتنفس بصوت عالي واكمل عارف الصعيد كلهااا اتفرجت علينا ولو عرفوا السبب نظرتهم ليا كا كبير عيله الرفاعي هتتهز علشان واحده مش باينه من الارض موقفاني انا كبير عيلتي راجل طول بعرض وبتتخانق معااياا على كوبايه شاااي يا شيخه ينعل ام الشاي على اللي كان عايز يشربه .. هو معلش يعني ياحبيبتي مين يعرف في القاعده دي كلهااا انك حبيبتي غير حساام انا كابن عمك وابن خااالتها مينفعش افرق بينكم ما اللي يعمل يعمل مش هتفرق مين فيكم انما لو مراتي كنت قولتلها بحبه من مراتي ورديت عادي محدش ليه حاجه عندي بس انتي نظرتك سطحيه وهتفضل سطحيه بتغيري قبل مابتفكري وبدليل طريقتك معاها اللي خلت حسام بصلك علشان تفهمي اكبري يا ياسمين واعقلي انا لو وقفولي طوابير مش شايف غيرك وانتي عارفه كده كويس
ياسمين بدموع كبيره وعاقله وفاهمه كل كلامك بس انا تعبت من احساس اني بحبك وبتحبني ومش من حقي قدامهم هفضل لحد امتى مستحمله كلام تيته عن العرايس اللي بتجبهالك وخالتك اللي كل ماتيجي زياره طمعانه فيك لبنتها هو انا ليه محدش بيقدر مشاعري
مازن تنهد بحزن ومسح دموعها واكمل حقك عليا والله العظيم تلاته لو بايدي اكتب عليكي من بكره بس الموضوع مش بلسهوله دي لسه عايز افاتحهم وشقتي مش خلصانه وجهاز وعفش وفستان وليله اصبري شويه
ياسمين بصتله بحب واكملت بدموع انا موافقه ابدء معاك من الصفر بس خد خطوه قدامهم على الاقل خطوبه وانا موافقه اعيش معاك في اي وضع عادي
مازن بحب حاضر ياست البنات وارجوكي خدي بالك من كلامك وطريقتك بعد كده حاسس جدك كاشفنا
ياسمين بتوتر كاشفنا ازاي يعني انت بتهزر ???
مازن بتنهيده لا مبهزرش بتكلم جد بلاحظ انه فاهم حاجات كتير حتى دلوقتي لما قال امشيكي شويه حسيته فهم اللي فيها بس متخافيش دي حاجه حلوه معناها انه في صفنا
ياسمين بقلق يارب يا مازن انا بجد بتوتر لوحدي اصلا
مازن بضحك لا هي دي غلطتي انا اني قولتلك حاجه انتي بتوتري من غير سبب اصلا
حسام جيه عليهم واكمل بضحك مش يلا يا روميو عصرك انت وهي عيب ده انتوا حتى في الصعيد
مازن بضحك انت لسه فاكر ده القوصيه كلها سمعتنا علشان كوبايه شاي
حسام بضحك منا حرقتلكم دمها اهو يخش يطمر
مازن بضحك اه لاحظت جدع ياض ياحسام وربنا
حسام بضحك علشان تعرف بس ليك ضهر وبص لياسمين وتابع سمسمه هاتي رقم امنيه علشان محتاجه ابعتلها الشبكه اللي هتختارها
ياسمين ابتسمت بحب ومسكت فونه كتبت الرقم واكملت بغمز ايوه ياعم حسام محدش قدك
حسام بضحك اهدي انتي بس كده وبطلي نبر
مازن داس على رجله فتأوه بوجع واكمل بضحك اااه حرام عليك وانا اللي بقولك ليك ضهر تعمل كده في ضهرك يا مازن ??
مازن بضحك اه علشان تقول على سمسمتي بتنبر كويس
حسام بضحك يا جدع اقسم بالله ماليك مبدأ مش دي اللي علت ضغطك وسمعت صوتك للقوصيه كلها من شويه دلوقتي بتدافع عنها
ياسمين بضحك ده حبيبي ده متدخلش انت
حسام بضحك يا داخل بين البصله وقشرتها ياستي
مازن بضحك اعمل ايه طيب الناس بتعتزل ما يؤذيها وانا ماسك فيه بايدي وسناني
حسام فضل يضحك على شكل ياسمين لما اتصدمت واكمل بضحك ادي حبيبك اهو ياست ياسمين سامعه
ياسمين بصدمه تصدق بقى متكلمنيش تاني
مازن بضحك بذمتك ههون عليكي ده بيوقع بينا السوسه ده
حسام ضحك فاكملت ياسمين وربعت ايديها قدامها اه تهون
مازن بغمز لحسام خلاص انا هروح اشرب كوبايه قهوه من ايد رغد ابلع بيها وجعي منك اني اهون ده
حسام فضل يضحك ومازن رايح يمشي مسكته ياسمين واكملت بغيره مازن بجد متعصبنيش علشان مروحش امسك البابور اكسره على نفوخها
مازن بدهشه وهو بيضحك اكمل تعملي ايييه ??? تكسري البابور على نفوخها !!!!!! هو البابور هيتكسر من الضربه للدرجه دي ???
حسام بضحك مجرمه وبتعترف قدام ظابط كمان يبجحتها يا جدع
مازن بضحك لالا صدمتيني من امتى ياسمين الرقيقه بتاعتي عنيفه كده وبص لحسام واكمل بضحك لو عملت حاجه لبنت خالتي حبيبتي اقبض عليها انت حالف قسم مفيهاش تطبيل علشان قريبتك انا اللي بقولك اهو
حسام بضحك من عيني
ياسمين مسكته من لياقه القميص واكملت بغيره يا شيخ حبك بورص وعشره خرص مين دي اللي حبيبتك هااا ???
مازن بضحك بهزر يا مجنونه بهزر يخربيت اهلك في ايه
ياسمين بغيره ده انا هنطف شعرها اللي فرحانه بيه ده زي مابنعمل في البط بص يا مازن انا مبهزرش والله هقلب عليهاا كل ده كنت بهزر بس فعليااا رغد هتيجي جمبك تاني متلومش الا نفسها انت ملگ لياسمين وبس
مازن بصلها بحب واكمل وانا قلبي مش مع حد غير ياسمين اقسم بالله
فياسمين ابتسمت بحب وبصتله فا صَفر حسام بصوته وغمز واكمل بضحك عليا الطلاق برنس وثبتها في ثانيه
مازن بضحك عيب عليك دي لعبتي متعود
ياسمين بضحك مازن انا بجد مبهزرش ملهاش دعوه بيك
مازن بحب اصبري عليا شويه وهنتجوز وساعتها براحتك انما دلوقتي تلاشيها خالص حاولي اعتبريها مش موجوده وتاكدي اني فعلا مش شايف ولا هشوف غيرك فتعمل اللي تعملوا
ياسمين بتنهيده حاضر يا مازن وهوت بايديها وتابعت..يلا بقى علشان الناموس هيبتدي يتسلى علينا
حسام بضحك مالازم واقفالي جمب الزرع عايزه ايه انتي
ياسمين بضحك اصل لقينا التجمع وقولنا لا بلا مرار هطلع انا علشان بتحسس من قرص الناموس بجد
مازن بضحك بسكوته والله العظيم بتتحسس من الناموس وعايزه تفتح نافوخ البت
ياسمين بضحك كل شئ مسموح في الحب والحرب فعادي توقع مني اي حاجه لما الموضوع يتعلق بيك وحوطت ايديها علي كتفاها واكملت لالا انا همشي هبرد كمان
حسام بضحك طب ماتطلعوا ياختي بدل مانتي عايشه دور بنات التجمع كده ومش مستحمله الناموس ولا الهوى
ياسمين بضحك انا واقفه لاجل الهوى بس مش اللي يخليني ابرد ده لا هوى المشاعر يعديم الاحساس
حسام بضحك شوف البت بتعاكس الراجل عيني عينك
مازن فضل يضحك واكمل طب يلا تعالي بعيد عن الناموس علشان متتحسسيش وهوى المشاعر قدامك علطول تعالي ومسك ايديها ومشيوا وهما بيضحكوا ويهزروا مع حسام
ووصلوا عند البرنده
صافيه بابتسامه ربنا يديم ضحكتكم ويحميكم من العين وافرح بيكم كلكم يارب
مازن بحب يارب يا صفصف ويديمك لينا يا غاليه .. اومال فين الواد احمد
عايده بحب طلع لشهد عايزاه يشرحلها حاجه
منصور بابتسامه بقيتي احسن يا ياسمين
ياسمين ابتسمت وباست ايده واكملت بحب احسن متشغلش بالك يا غالي انا بخير علشان حسك في الدنيا
منصور بضحك بكاشه طول عمرك بس بحبك انتي وكلامك والله يا ياسمين
ياسمين ضحكت واكملت بحب لا والله ده ربنا يعلم غلاوتك يا حج
حسام بحب طب استاذنكم انا اطلع انام
مازن بضحك وغمز تنام بردو
حسام فضل يضحك واكمل يعني قفشتني خليها في سرك انما تفضحني مش عيب كده
نرمين ضحكت بفرح واكملت بحب يانورعين امك كبرت وبقيت بتحب وعايز تزوغ علشان تكلمها
حسام بضحك شايف بسببك يا عم مازن امي بقيت قدامها شحط طول بعرض وظابط بوقف الناس على رجل واحده وبتعاملني كاني عيل عنده 6 سنين وتقولك كبرت وبتحب
مازن فضل يضحك واكملت نرمين بضحك ياك هتكبر عليااا يا حيوان هتفضل عيل صغير بنسبالي وبصت لمعتز وتابعت بضحك بذمتك حركاته دي بتفكرك بمين
معتز فضل يضحك واكمل اه طالعلي في الحته دي حماس البدايات ده انا عارفه
حسام بغمز وضحك الحقي بيقولك بدايات يا نيرو
نرمين لوت بوقها واكملت ماهو مكدبش بلا مرار
نور بضحك ولعتها يا حقنه
حسام بضحك لالا اقسم بالله هو اللي قاال انا بلفت نظرها بس
معتز بضحك مالك يا نرمين محسساني واكل ورثك ليه كده
نرمين بتنهيده مش واكل ورثي بس فعلا الدنيا غريبه اوي بنبقى هنموت ونملك الحاجه ولما تبقى بين ايدينا تحس قيمتها بتقل
مازن بضحك الله يحرقك يا حسام كبرت الدنيا
حسام بضحك لالا يا ماما في ايه يحبيبتي مش كده
نرمين ابتسمت بحب واكملت يحبيبي انا مش على ابوك انا بحبه وهو بيحبني وواثقه من ده بس تحس فعلا ان بمرور الوقت شغفنا قل ومعتش زي زمان لحد ما بقينا عادي وده مع كل الناس انا بس بستغربه
معتز بحب بس مهما العمر مر انتي بنفسك اهو قولتي بحبك طبيعي بقيتي مراتي وقدامي غير نرمين اللي كانت ساكنه في مركز تاني وكنت اروح اقفلها تحت بلكونه اوضتها علشان اشوفها فا هنا كان في حماس لانك بعيده انما لما قربتي اطمنت انك معايا وهتفضلي معايا انما عمره شغفي قل ناحيتك بلعكس انا لحد انهارده مبسوط لاني اتجوزتك ومتفهمين وزعلنا مش بيطول وده علشان بنحب بعض فكله بيهون متبقيش نكديه كده اومال ... ده انتي ام الغالين وباس راسها وطبطب على كتفها
نرمين بحب ربنا يديمك ليا يارب يا معتز
حسام كان حاطط ايديه على خده واكمل امممم وايه كمان شجره واتنين لمون لعمك ومراته يا ياسمين
ياسمين بضحك ااه منا ملاحظه
كلهم فضلوا يضحكوا فاكمل معتز بضحك انت مالك يا ابن الكلب انت هو مش انت اللي شعللتها من الاول
حسام بضحك لالا سيبك من كل ده يعني ايه بقى بتروحلها مركز تاني وتقفلها تحت البلكونه ايه الشقاوه اللي كنت بتعلمها دي يا معتز ده انا مبعملهاش
معتز بضحك لا وايه مركز ابو تيج كمان بعيد شويه عن القوصيه هنا وكنت بروح ياض يا حسام والله لاجل اشوف ام الغالين
حسام بضحك لا ده احنا اللي مش عايشين اه والله العظيم
نرمين بضحك هيغير مننا اهو
حسام بضحك لا ياست الكل ربنا يديمكم لبعض عيب عليكي وبص لصافيه وتابع الا صحيح يا صفصف مش جوزك امبارح الشاشه كانت شغاله على مسلسل وعاكس الممثله
صافيه بصدمه نعم !!!! وبصت لمنصور واكملت ايه الكلام ده يا حج !!!!
منصور بضحك يا ابن الكلب انت انا بقولك مين الممثله دي علشان مش مركز خلتها عجبتني
حسام بضحك الله انت هتخاف منها ولا ايه ياحج. من امتى بنخاف اه عجبتك وكنت مركز وعاكستها تقدر تنكر
كلهم فضلوا يضحكوا فاكمل منصور بضحك وهي بيبص لصافيه اللي مصدومه يا صافيه سيبك منه ده عايز يوقع بينا الحقنه كل الحكايه بقوله مين البت العسوله دي مش شايفها طلعت بتمثل جديد بس وقد احفادك والله ميبقاش مخك صغير
حسام بضحك اهوووو اهووو اعترف قال عسوووله
كلهم ضحكوا فاكملت صافيه قد احفادي اه فعلا الله يرحمك يا حماتي صدقتي ياختي لما قولتيلي ابني ده مهما يكبر مهيملاش عينيه غير التراب
كلهم ضحكوا بشده فاكمل حسام وعينيه بتدمع من الضحك كلنا ياستي والله مش جدي بس احنا ربنا خالقنا كده
ياسمين وهي بتضحك ده انا هخليها تظبطك امنيه الصبر بس
حسام بضحك الله مش بقول الحقيقه
منصور بضحك عجبك كده يا ابن الكلب بقى بعد العمر ده كله يرجع يتنكد عليا بسببك
كلهم ضحكوا فاكمل حسام بضحك ياخرابي دي ولعت بجد انا بهزر انتوا لسه بتغيروا ياجدي !!! فين الشغف لللي مات عندكم على راي امي
مازن بضحك كله منك يا بوتجاز
حسام بضحك يا جماعه انا عملت ايه الله ماهو صح عاكسها انا بحكي مش اكتر
صافيه يعاكس ولا ميعاكسش انا مالي ياخويا كل واحد هيشيل قفته وربك يحاسب
كلهم فضلوا يضحكوا فاكمل حسام بضحك ايه القسوه دي يا صفصف بدل ماتخدي بايديه للجنه تقولي يشيل قفته
صافيه ياك يعاكس بنات قد احفاده واشد ايديه بعد كل ده
منصور بضحك يا صافيه ده واد ابن كلب انا بقول عسوله علشان كانت غلباويه في الفيلم وبتغلب الكبير والصغير في الكلام ومكنتش لسه شوفتها وبدقق وبقوله مين العسوله دي يعني نظرتي ليها زي ياسمين وشهد ونور وزينب
صافيه بتنهيده طيب ياحج حصل خير
حسام بغمز في الحمام بقى مينامش جمبك
صافيه ضحكت واكملت شوف الواد لا يخويا ميهونش عليا
حسام بضحك وغمز رضيت عليك اهو يا عم منصور محدش قدك مهونتش عليها خربتها وصلحتها اهو علشان تعرف
منصور ضربه بلعصايه اللي بيسند عليها واكمل بضحك ده انا هربيك بس الصبر
نور بضحك ده حقنه والله العظيم
حسام تأوه واكمل بضحك اااه تسلم يا حج حبيبي... واسكتي انتي يا نور علشان قاسم ده عينيه زايغه والواحد ساكت وبيداري عليه
مازن بضحك يخربييت اهلك انت سبتهم كلهم خلاص عايز تخرب بيت اختي من قبل مايتعمر
نور بجد يا حسام ولا بتهزر عاكس حد قدامك قولي ومش هقول انك قولت
حسام بتمثيل جديه بصراحه ??
نور بقلق ودموع عاكس صح ??
حسام بتنهيده مكنتش حابب اقولك بس للاسف
نور بدموع ااه بص لواحده غيري خلاص انا عرفت انا هتصل بيه يجي ياخد شبكته
ومسكت الفون واتصلت وكلهم فضلوا يضحكوا فاكمل حسام وهو بيمسك الفون بضحك انا لسه مكملتش يابنت المجنونه اقصد للاسف معرفتش امسك عليه غلطه بايعه الراجل اوي كده
نور ضربته في كتفه واكملت بدموع ياشيخ جتك الارف خضتني ولقيت صوت قاسم رد: ايه يحبيبتي
حسام بضحك ده رد يخربيتك انتي اتصلتي بجد فمسكت نور الفون منه واكملت وهي بتمسح دموعها مفيش يحبيبي ظلمتك كعادتي منه لله حسام قالي عليك حاجات محصلتش
فرد عليها قاسم فضحكت وطلعت وهي بتتكلم معاه واكملت لا طبعا يعمري مصدقتش انت فكرتك عن نورك كده
كلهم فضلوا يضحكوا عليها فاكمل حسام بضحك لا بس مصدقتش صح
ايمن بضحك مجنونه والله العظيم ربنا يعينه
عز الدين بضحك كله من ابن اخوك وقع الكل في بعضه انهارده
حسام وهو بيشاور على نفسه اكمل انااا! !!!! يا حول الله يارب دايما كده تيجوا عليا حكم انا غلبان
كلهم ضحكوا فاكملت عايده بضحك غلبان طبعا ياقلب مرات عمك الله ده هما اللي مبيفهموش
مازن بضحك اه طبلي حكم انتي وابويا اللي فلتوا من القاعده دي
حسام بضحك وغمز لمازن اخرج انت براهااا يا ميزو وملكش دعوه بينا عايوده دي حبيبتي وهي عارفه
عايده بضحك والله سكر
مازن بضحك بقى كددده طيب يا حسام اللي ميزعلش
ياسمين بضحك ده انا اللي هخلي امنيه تجيب حقنا كلنا و تنيمك في الحمام
حسام بضحك ده عند امك انتي وهي انا اه ربنا ابتلاني بواحده مستفزه ممكن تخليني اروح مشوار لبيتها بس علشان ارنها علقه وارجع بس متقدرش تعمل كده
ياسمين بضحك انا لسه قاعده يا حسااام ترن مين علقه اتصل اقولهااا
حسام بضحك طز فيكي وفيهاا يا ياسمين
نواره لتكون عنيده يا واد يا حسام
حسام بضحك من ناحيه عنيده فاهي عنيده جداا بس بعلي صوتي عليها بتتخرص
ياسمين بضحك ايوه امنيه بتخاف واتلم متزعقش لصاحبتي
حسام بتنهيده صدقيني مش حب في النكد بس صاحبتك اللي مستفزه اوي وبتتعمد تناقشني في حاجات تعصبني
منصور بحب معلش بلهداوه كله بيتحل
ياسمين بحب اه اصل مش بلخناق اسمعها وشوف رايها وحاولوا حلوا مشاكلكم بهدوء
نواره عين العقل يا حج بس عنده حق حسام بردو معندناش واحده تمشي رايها على جوزها يعني ايه يسمعها يا ياسمين هي كلمه الراجل تمشي معروفه لازم تغيري وجهه نظرك شويه ما اهي بنتي رغد مش هتقول غير حاضر ونعم انا مربياها على كده
حسام بتنهيده مع احترامي ليكي يا طنط بس انا مع ياسمين واسمع امنيه قبل اي حاجه لان دي انسانه وليها تفكيرها وقرارتها وفي النهايه لو مقتنعتش كلامي بيمشي عادي
نواره اتحرجت من كلامه واكملت ياسمين برفعه حاجب ومعلش لما رغد تقول حاضر ونعم بس كرامتها وشخصتيها فين ???
نواره بحده انتي قصدك ايه يابت انتي
ياسمين بحده اسمي ياسمين مش بت ومقصدش حاجه انتي اللي بتقولي ومش معنى انك عايزه تعدمي شخصيه بنتك ان كلنا نبقى زيها ولا انتي قاااصده تحليهاا هي بلعافيه
نواره بحده شوف البت وقله ادبها مش كفايه مربينك وسط عيالهم كمان تقومي تعلي صوتك فيا ومتعمليش احترام لكبير ولا صغيرر
ياسمين الدموع اتجمعت في عينيها ورايحه تتكلم فاكمل عز الدين بعصبيه انتي مين سمحلك تتكلمي مع بنتي بلاسلوب ده هو انا بربيها من جيب ابوكي يا نواره
عايده بتوتر معلش يا عز حقك عليا انا انت عارف نواره على نيتها ومتقصدش
منصور بحده مع احترامي لضيوفك يا عايده بس ده بيت ياسمين وانا حفيدتي اتجرحت في بيتها ولاننا بنكرم ضيوفنا محدش هيرد عليها ويجرحها زي ما عملت بس عقلي اختك وخليها تتلم بعيد عن احفادي خالص وكلهم مش ياسمين بس
عايده بحرج حاضر يابويا حقك عليا
نواره بحده يعني انتي مش شايفه ياسمين غلطت يا عايده
عايده بحرج هشش وطي صوتك كفاياكي لا ياسمين مغلطتش هي بتتكلم ويا ابن عمها على صاحبتها اللي هتبقى مراته مالك انتي بكل ده يا نواره
نواره رايحه تتكلم فاكمل منصور بحده خلاص خلص الكلام كفاياكم رغي يلا علشان نطلع
مازن بتنهيده انا بعزك اوي يا خالتي بس فعلا مفيش حاجه تديكي الحق انك تقولي كده محدش بياخد من جيبك ويربيها ودي بنت عمي وحفيده عيله الرفاعي غصب عن اي حد
ياسمين ابتسمت لمازن بحب بس عينيها كانت مليانه دموع
فبصلها مازن وغمض عينيه باسف وهمس حقك عليا فابتسمتله وهزت راسها بتمام فشاورلها تمسح دموعها فمسحتها واكملت عن اذنكم هطلع انام
صافيه بتنهيده نوم العوافي يا قلب ستك
----------------------------------------
عند شهد في البلكونه قاعده بتذاكر واحمد كان قاعد بيشرحلها وقام عملها قهوه
احمد بحب وهو بيحطها قدامها اكمل احلى قهوه لاحلى دكتورة
شهد ابتسمت بحب واكملت تسلملي يارب تعبتك اوي
احمد بحب تعبك راحه يا شوش المهم فهمتي
شهد بحب اه الحمدلله وسابت الكتاب والقلم ورجعت ضهرها لورا واكملت عايزه اطلب منك طلب
احمد بحب اؤمريني بس مش عايز اكون زعلتك لما زعقتلك الصبح حقك عليا انا خايف عليكي كان فيه شاب واقف ومركز معاكي و مينفعش اصلا وقفتك في الشارع دي انا مقولتش متتكلميش بس اطلعي فوق
شهد بحب انا زعلت بس في ساعتها من زعيقك ليا انما انا عارفه انك خايف عليا فخلاص حصل خير
احمد بحب طب الحمدلله قولي طلبك بقى
شهد بص انا ليا صاحبتي اسمها فرح ساكنه قريب من هنا في نفس المركز عادي بس بمشيلها شويه حلوين المهم هي تعبت الصبح وانا قلقانه عليها وخايفه تكون فيها حاجه او مش بتذاكر كويس فهي طلبت مني اروح بكره اشجعها لان معندناش دروس فنذاكر سوا فانا عايزاك تقنع بابا ويونس لان فكره اروح عند حد دي مرفوضه
احمد فرح دي عندها اخوات ??
شهد بتوتر اه فيها ايه ??
احمد سنهم قد ايه ??
شهد كانت حاسه انه مش هيرضي زيهم بس مينفعش تكدب فاكملت بتوتر ولدين 23 و 20 ليه بردو ??
احمد انسي بقى كل الكلام ده فرح عايزه تيجي تنور وتذاكر معاكي في البلكونه اديها كبيره وشايله تربيزه وكراسي والجو حلو والعيله كلها هتبقى برا انما انتي تروحي لواحده اخواتها شباب انسي ومتفتحيش الموضوع ده تاني
شهد بحزن يا احمد يعني تبقى تعبانه واقولها تعالي انتي هو ده اسمه كلام
احمد بحده لا روحي انتي اقعدي معاها واخواتها شباب شهد متعصبيناش عليكي
شهد بتنهيده خلاص فكرت هتخليهم يوافقوا طلعت زيهم نفس الدماغ والتقفيله الصعيدي بتاعتكم
احمد بحده لا هي مش تقفيله صعيدي هي اصول واللي انتي بتحكي فيه مينفعش فعلاا هي محبتش تيجي براحتها بقى انما انتي مفيش مرواح وخلصنا
شهد بضيق تمام يا احمد خلاص
احمد اصلا خطوبه ابن عمك بكره يعني مش هتفضي تروحي في حته يادوبك الخطوبه وتيجي تكملي مذاكره
شهد بستغراب ابن عمي مين ده اللي هيخطب
احمد بضحك حسام انتي متعرفيش هيخطب صاحبه ياسمين امنيه
شهد بفرح بتتكلم جد
احمد بحب اه والله
شهد بضحك يا عسل مش يقولولي طيب علشان اجهز هلبس ايه ده انا لسه مدخلتش في العميق واخبار العيله بعرفها بلصدفه بسم الله مشاء الله عليا
احمد بضحك انا موجود اهو هقولك الجديد اول باول
شهد بضحك ايوه كده تابعني
احمد بحب من عيوني .... الا صحيح لو مدخلتيش طب ناويه على ايه
شهد والله يااحمد مش عارفه بفكر في بدايل بردو علشان لو حصل اي حاجه اكون محضره البديل
احمد بحب ربنا ينولك سؤل قلبك يارب وياسمين اخر سنه حقوق صح
شهد اه الحمدلله خلاص هتخلص
احمد بضحك ونفرح بيها بقي بعدين بيكي
شهد بضحك انا كده كده هتجوز في كليتي لان مشوارها طويل
احمد بحب تيجي بس بعدين نشوف حوار السنين ده كله بيعدي
شهد بحب بس عارف لما بنتسند في الطريق بيعدي اسهل رغم انه نفس الصعاب بس لو لوحدنا هنتعب الضعف
احمد بحب ده حقيقي
وداقت القهوه واكملت بحب تسلم ايدك جميله
احمد بحب الف هنا يا دكتورتنا وتابع بضحك بس حاسبي تدخلي بيطري علشان هتبقى عيب في حقنا كلنا لان كلنا مستنينك تكشفي علينا
شهد فضلت تضحك واكملت لالا متقلقش مش في بالي خالص الكليه دي
احمد مع ان عارفه يابت يا شهد بتشتغل نار هنا في الصعيد
شهد بضحك قصدك ايه يالهويي وفضلت تضحك
احمد بضحك لا يجاموسه فهمتي ايه اهل الصعيد كلهم فوق راسي طبعا انتي عبيطه انا اقصد ان المواشي هنا والناس اللي بتربي كتير فبتشتغل حلو في الارياف والصعيد
شهد بضحك اااه كده فهمتك بس عارف انا بشوف اللي بيدخلها ده حاله من الحالتين اما هو شخص محب للحيوانات ودي فطره فيه ربنا خالقه بيهاة فدخل المجال لان حته انه يرجع حيوان تعبان بصحته تاني بتفرحه في ناس كده فعلا وضحكت وتابعت اما كان نفسه يبقى دكتور فدخل طمع في اللقب انما مفيش سبب تاني يخليك تستحمل المرار ده
احمد فضل يضحك واكمل يخربيت فقرك بجد
-----------------------------------------------
في اوضه حسام غير هدومه وخد شاور ولبس بنطلون بيتي وتيشرت نص كم وراح نام على سريره وحط ايديه ورا رقابته ومسك الفون ورن على امنيه
امنيه شافت رقم غريب فردت واكملت بتردد الو
حسام بابتسامه مساء الورد
امنيه بستغراب افندم !!! مين معايا ??
حسام اتفاجئ انها معرفتش صوته فحب يعمل فيها مقلب فاكمل حضرتك امنيه محمد مش كده
امنيه بقلق اه انا مين
حسام كتم ضحكه واكمل بجديه انا واحد معجب بيكي وعايز اتقدملك
امنيه بحده معجب بمين انت عبيط طب روح شوفلك حاجه تعملها انا مش فضيالك سلام
حسام لالا استني بس حقيقي هتندمي لو موافقتيش اصلا انتي رفضاني ليه علشان حسام اللي كان عندك انهارده طب ده بيخونك على الاقل انا بحبك بجد وبعرفك اللي مداري عنك
امنيه بصدمه يا نهار ابوك اسود انت بتراقبنييي وبعدين وانت مال اهلك بحسام وتعرفه منين وكل كلامك ده انا مصدقهوش اصلا فريح دماغك وشوفلك حاجه مفيده تعملها
حسام ضحك وكتم ضحكه واكمل بجديه مصتنعه مبهزرش ومعايا اللي يثبتلك انه خاين انا صورته مره
امنيه بوجع انت بتقول ايه انت اكيد بتستعبط انا مستحيل اصدق
حسام طب ولو وريتك الصوره وهو في حضن بنت هتصدقي ??
امنيه بوجع اه هصدق بس وريني لو صادق في كلامك
حسام بضحك اه يحيوانه يامهزقه تصدقي صوره عادي
امنيه بستغراب نعممم انت بتقول ايه
حسام بضحك بقول ايه في ايه بس ده انتي بياعه جداا معرفتيش صوتي واي حد يكلمك كده يقولك حسام بيخونك تصدقي ده انا ربنا يعيني على اختياراتي اللي زي الفل
امنيه بضحك لا متهزرش حسام ده انت ???? بجد حرام عليك كنت هتعيطني تاااني وفضلت تضحك
حسام بضحك اعيطك تاااني وبلنسبه لانك صدقتي اني في حضن بنت دي عاااادي
امنيه فضلت تضحك واكملت اه طبعا حقي اصدق بيقولي صوره هو صح لو بعت صوره هيتبلى عليك ليه
حسام بضحك شوف البت اللي اي حد يضحك عليها بكلمتين هو انتي متسمعيش عن الفوتشوب يا دكتوره امنيه
امنيه بغيره اااه قول كده انت بتمهد عايز تخوني وتلبسها للفوتشوب
حسام بضحك عليا النعمه انتي دماغك شمال انا بتكلم في مبدأ انك عارفه انا معملش كده فيبقى الحيل كتير اللي توقعنا في بعض بس انتي مفروض متصديقهاش
امنيه بحب والله بثق فيك في الاول قولت مستحيل
حسام بضحك منا عارف هو انتي هتقوليلي ... المهم ايه مصحيكي لغايه دلوقتي
امنيه بحب بخلص شيتات عليا علشان افضى لبكره
حسام بحب فرحانه ?
امنيه ضحكت بفرح واكملت هطير والله يا حسام .... وصحيح حقك عليا مقصدش اعاندك واعلي صوتي عليك انهارده انا اسفه حقك عليا
حسام بحب اهو انا كنت هكلمك في الموضوع ده مخصوص بس الكلمتين الحلوين دول لخصوا الكلام خلاص يحبيبتي محصلش حاجه المهم اللي جاي متعتذريش
امنيه بحب ربنا ميحرمنيش منك يارب
حسام بحب ولا منك يحبيبتي يارب .. المهم انا كلمتك علشان هبعتلك الطقمه اللي نزلت عند الراجل اللي بنتعامل معاه في الدهب وشوفيلي انهي عجبك علشان بكره
امنيه فتحت الواتس واكملت تمام ابعت
حسام بعتهم واكمل ها وانتي معايا على الخط قوليلي
امنيه شافتهم واكملت بدهشه: حسام دول باينين غالين اوي
حسام بضحك وانتي مالك انتي بسعرهم اخلصي بس واختاري
امنيه برفض لالا طبعا غالين اوفر ده ايه كل ده ... اقولك حاجه هات دبله ومحبس وشكرا على كده مش لازم الطقم الكامل ده
حسام الله وانتي مالك يا امنيه دي هديه العريس لعروسته وانا عايز اجبلك منهم سالت ابوكي اجيب بكام مرضيش يقولي قالي اللي تجيبه وتقدر عليه فاختاري واسكتي
امنيه لالا يا حسااام لا متهزرش انا اصلا مش من محبين الدهب متكلفش نفسك يحبيبي ووفر لتوضيب الشقه
سميه دخلت واكملت مالك يابت بتتخانقي مع مين
امنيه ده حسام يا ماما
سميه بتنهيده تاااني يا امنيه تاااني
امنيه بضحك لالا ده علشان عايزني اختار من الدهب ده وانا شيفاه كتير
سميه وريني بعتلك ايه
امنيه بصي اهم
سميه بدهشه : ايه صح كل ده يابني لا كتير هو بسم الله مشاء الله حلوين بس غالين اوي مامنوش لازمه كل ده
حسام بحب ياست الكل ماهي هتبقى مراتي وكله في بيتي بعد كده بس دلوقتي الفلوس حاضره يعالم بعدين ايه فانا عايز افرحها واهاديها بواحد منهم فابالله عليكي خليها تختار
امنيه لا يا حسام انا بنسبالي دبلتك هديه لوحدها فكك من كل ده
سميه بحب خلاص يابني ريحها ووفرهم لشقتكم انتوا واحد مش مستاهله كل ده احنا بنشتري راجل وكفايه اوي انك من نفسك قولتلها تجيبلها كده
حسام بحب ووالله ياست الكل انتوا ناس محترمين واصيله بس انا بردو مصمم وبما انها مش عايزه تقول فانا هسأل ياسمين واخد رايها واجيب انا خلاص
امنيه بتنهيده بردو يا حسام ???
حسام بضحك انتي مالك انتي خلاص اخرجي براها بقي
سميه بضحك ربنا يسعدكم يابني وطبطبت علي كتف امنيه وخرجت
امنيه بحب طب سيبك من الدهب هتلبس ايه بكره
حسام بحب انتي عايزاني البس ايه
امنيه ربعت رجليها على السرير واكملت بحماس بصي بقى عايزاك تلبس بنطلون كلاسيك اسود وكوتش ابيض وقميص ابيض وتخليه من برا كده
حسام بضحك اي احلام تانيه ??
امنيه بحب لا كده زي الفل وانا هلبس دريس سماوي لسه طلباه اون لاين جامد اوي
حسام بتحذير اعملي حساب انك محجبه هاا
امنيه بضحك متقلقش والله مفيهاش نكد بكره على ضمنتي
حسام بضحك ياريت والله اتمنى
امنيه ضحكت واكملت بحب قولي بقى اهلك كلهم جايين ولا حد هينقص عايزه اشوفهم واتعرف عليهم كلهم
حسام بتنهيده كلنا معادا سيف اخويا
امنيه بضحك لا ده من كلامك ربنا يعنيه انا هتعود اني مشفهوش علطول
حسام بضحك اه والله على رايك وفضلوا يتكلموا لحد ماحسوا انهم عايزين يناموا وقفلوا
-----------------------------------------------
تاني يوم الصبح في المستشفى
عمر صحي لقي زينب قاعده على الكرسي وحاطه راسها جمبه على السرير فابتسم بحب وحط ايديه على راسها واكمل زوزا. .. انتي يابت وقرب منها شويه واكمل بحب يا زينب
زينب بتعب اممم وفتحت عينيها بتثاقل ورفعت راسها واكملت بابتسامه مرهقه صباح الخير انت كويس ??
عمر ابتسم بتعب واكمل بحب اه كويس بس مش حرام عليكي ضهرك كده
زينب بارهاق والله ياعمر لما انت نمت فضلت اشتغل رايحه جايه اتهديت محستش بنفسي غير وانا قاعده نمت كده
عمر يحبيبتي حقك عليا وحط ايديه على خدها واكمل طب وشغلك عملتي ايه
زينب بابتسامه قولت للمدير احسبه نص يوم وهنام انا اول مره يحصل معايا كده بس علشان منمتش فتره الصبح ونزلت شوفت سيف
عمر بحب المهم شوفتيه كان واحشك انا عارف
زينب بابتسامه حب اه اوي بجد ربنا يحفظه ويحفظك يارب
عمر بحب اللهم امين يحبيبتي
زينب بحب طب هقوم اجبلك تفطر علشان الدوا
عمر سيبك بس انتي مكالتيش ليه من امبارح
زينب مليش نفس والله ياعمر
عمر منا ملاحظ عماله تاكلي فيا وقاعده كده واتهديتي في الشغل لا مينفعش الكلام ده اقعدي وهتصل اخلي حد يجبلنا انا وانتي زينب رايحه تتكلم فاكمل انا مش هاكل لوحدي فمتفضليش تناقشيني ودراعي اليمين في ذمه الله مؤقتا فانتي هتاكليني ممكن مرضاش اكل منك انتي حره
زينب بضحك بتلوي دراعي يعني اكل علشان حضرتك تاكل
عمر بضحك مانتي مش هتيجي الا بكده مش عارف مستنيه ايه انتي ضعيفه جداا عايزه تختفي مثلا وغمز واكمل بضحك لا انا مينفعنيش الكلام ده
زينب ضحكت وضربته في صدره واكملت يا عمر اتلم بجدد
عمر تأوه بوجع واكمل بضحك اااه يخربيت ايدك دي عارفه لو بصحتي كنت وريتك ده انا هدخل اخيطها تاني من كتر الضرب ياللي منك لله
زينب بضحك لا يعمري لو عوزت تخيطها انا موجوده متقلقش
عمر بحب بالله ده احنا نعوز لو مش هنعوز
زينب بضحك اممم انت شكلك عايز يتصلك بسيف
عمر بضحك لالالا خلاص وحياه امك مش ناقص انا اللي فيا مكفيني
زينب تصدق صح انا مقولتش لسيف انك في المستشفى
عمر هشش ولا تقولي حاجه سيبه في اللي هو فيه متقلقيهوش انا بخير كده كده مديني اجازه طويله
زينب بقلق ليه هو فيه ايه يا عمر ??
عمر بابتسامه حط ايديه على خدها واكمل بحب مفيش يحبيبتي ظابط جيش طبيعي حياته صعبه شويتين ايه الجديد فمش ناقص هم فوق همه كفايه قلقان عليا لوحده
زينب بقلق متاكد ولا في مهمه خطيره هيدخلها وبتكدب عليا
عمر ابتسم واكمل بكدب متأكد طبعاا متقلقيش يحبيبتي مفيش حاجه وحاول يتوه فتابع و هاتي الفون بقي نطلب ناكل انا جعان وعندي ادويه ولا انتي نيرس فاشله ولا ايه حكايتك
زينب بضحك لا طبعا شاطره وهوريك بس حبيبي فون ايه هنزل انا اجيب الاكل مين هيجيب اكل صحي لحد هنا ده مش بيتباع
عمر برفعه حاجب شكلك لسه متعرفيش اللي هيبقى جوزك مين يابت يازوزا
زينب بضحك لا عارفه ياخويا بس مفيش محلاات بتبيع الاكل ده انا كنت هجيبه وهعملوا انا في بيت صاحبتي جمب المستشفى
عمر بضحك اخوكي في عينك ياشيخه بس انا بثير الجدل وخلاص معرفش حد اصلا بيبع الكلام ده فعلا ده انا هتصل باسماء
زينب بغيره اسماء في عينك ده انا اطفح السم ولا اكولش من ايديها ريح يا عمر
عمر فضل يضحك واكمل والله العظيم انتي مخك تعبان بقولك اختي
زينب بغيره اعتبر بقى واصلا ..
ولقيو الباب بيخبط فسكتوا وعمر قال اتفضل
دخل ظابط شرطه واكمل الف سلامه عليك يا حضره الظابط
عمر بابتسامه الله يسلمك
الظابط قعد قدامه واكمل ايه اخبار صحتك دلوقتي
عمر بابتسامه بخير الحمدلله على كل حال
الظابط بص لزينب بعدين بص لعمر واكمل ممكن عايزك في كلمتين لوحدنا
زينب بحرج طب استأذن انا
ورايحه تقوم مسك ايديها عمر واكمل للظابط خطيبتي مش حد غريب قول قدامها اللي عايز تقوله وبص لزينب انها تقعد مكانها فقعدت وابتسمتله بحب
الظابط بحرج انا اسف مكنتش اعرف
عمر لا ولا يهمك قول اللي عندك
الظابط بتنهيده تقدر تفتكر الحادثه دي حصلت ازاي
عمر بتنهيده ابدا انا كنت نازل اتمشى عادي ولما لقيت مكان مناسب اقف فيه حاولت اوقفها ملقتش فرامل وبعدين فقدت السيطره عليها من الرهبه والصدمه اللي حصلتلي وعملت حادثه بس الحمدلله يعني عدت على خير نشكر ربنا
الظابط بتنهيده طب يؤسفني اقولك انها مش مجرد فرامل هربت وقضاء وقدر دي خطه لقتلك ومقصوده
الفصل العاشر
الظابط بتنهيده طب يؤسفني اقولك انها مش مجرد فرامل هربت وقضاء وقدر دي خطه لقتلك ومقصوده
زينب بصدمه وعياط نعممم مقصوده ازاي يعني
عمر بحده هششش انتي هتندبي منا زي القرد قدامك اهو ياريتني طلعتك برا
زينب بعياط وصدمه عمر ده بيقولك حد .. حد عايز يقتلك انت ايه مبتحسش
عمر غمض عينيه بغضب واكمل بحده زينب لو سمحتي اطلعي برا
زينب بعياط لالا خلاص والنبي هسكت بس سبني عايزني اعرف كده واطلع ازاي يعني
عمر تنهد بعمق وبص للظابط واكمل وانت عرفت منين الكلام ده
الظابط عرضنا عربيتك على مهندس كهربائي علشان تتصلح وهو قايلنا ان القرامل مقطوعه باداه حاده مش مجرد هربت وخلاص
زينب حطت ايديها على بوقها بصدمه ورايحه تعيط بصلها عمر بحده فسكتت وبص للظابط واكمل بتنهيده اكيد في حاجه غلط انا ماليش اعداء ومفيش مخلوق بيكرهني فاكيد محدش هيقصد يموتني
الظابط بتنهيده طب حاول افتكر انت ظابط جيش وليك مهمات تقيله في البلد مين ممكن يفكر يأذيك لان كنت سبب في فشل مخططه مثلا متقولش ملكش اعداء طبيعي اي حد في مهنتنا خصوصا لو ناجح بيبقى ليه عدو
عمر فكر شويه واكمل لالا والله فعلا ماليش اعداء لو في انا مش هخبي عنك اكيد اه بنتعرض لمجرمين كتير بس انا مش قادر احدد حد معين يعمل كده
الظابط قام وقف واكمل عموما حمدلله على سلامتك يا باشا ولو حصل وافتكرت اي جديد بلغني ادي الكرت بتاعي
عمر خده منهم وابتسم واكمل متشكر جداا الله يسلمك
وطلع وقفل الباب
زينب بدموع عمر وغلاوتي عندك لو ليك عدو قوله انا مش مستغنيه عنك وعيطت واكملت كفايه تعب الاعصاب اللي عيشته لما شوفتك متغرق دم ومدخلتش معاهم العمليات واعتذرت ودي عمرها ماحصلت
عمر تنهد بحزن واكمل حقك عليا ممكن تهدي ومتعيطيش ومسح دموعها بايديه السليمه واكمل بابتسامه انا مبحبش القمر بتاعتي تعيط لاي سبب اتفقنا ولو على الاعداء وغلاوتك يا زينب فعلا مفيش حد في دماغي او على الاقل مفيش حد يقدر يوصل لحد بيتي ويعمل كده لو فيه انا كنت قولت عادي ومش عايزك تخافي انا بقيت زي الفل خلاص
زينب بدموع زي الفل بلعافيه يعني ياعمر زي الفل من انهي اتجاه
عمر بضحك من كل الاتجااهات لا انتي متعرفيش حاجه يحبيبتي انا ظابط جيش يعني بضرب واقوم اكمل مش متعود انا على الدموع من واحده زي القمر كده عليا عند كل تعب والمشاعر المرهفهه دي والدلع ده كله اصلا
زينب ضحكت من بين دموعها واكملت دلع ايه بس يا عمر انت بجد تعبان بس شغلك من كتر ما علمك تبقى قوي نسيت يعني ايه حقك تتعب وتقع وتضعف عادي
عمر حط ايديه على خدها واكمل بحب والله ماتقلقي عليا انا فعلا احسن وهبقى احسن بوجودك
زينب ابتسمت بحب واكملت طب يلا تعالى اغيرلك على جرح راسك وصدرك علشان انزل اجيب الاكل
عمر بتنهيده خليكي يازينب وهخلي اسماء تجيب قولت
زينب بلا اسماء بلا افعال انا هروح انا اعملك الاكل او اتصل بساره تجيبه وتعملوا انما اسماء لا هتيجي تلبد جمبك ومش هتتحرك
عمر بضحك والله انتي مجنونه بس خلاص متتحركيش في حته قولي لساره صاحبتك دي وخلاص
زينب بضحك تمام اتفقنا ورايحه تقوم داخت شويه فقعدت تاني
عمر اتخض عليها واتعدل واكمل بقلق مالك يحبيبتي في ايه تعبانه ??
زينب حطت ايديها على راسها واكملت لالا زي الفل يمكن علشان الدم مع الشغل وقله الاكل تعبت شويه
عمر بعدم فهم: دم ايه ??
زينب بابتسامه متشغلش بالك خلاص انا بخير
عمر دم ايه يا زينب اخلصي
زينب جابت الموضوع بهزار علشان ميزعقلهاش واكملت بمرح متخيل من دلوقتي دمي بقى بيجري جواك بعدين هنتجوز ونجيب بيبي من دمك انت جوايا يبقى عملنا ميكس رهيب فاهم حاجه ؟
عمر اااه قولتيلي فاهم حاجه ده انا هطلع عين اهلك
زينب بتوتر في ايه يحبيبي انا قولت ايه غلط
عمر بحده انتي ايه يخليكي تتبرعيلي بدمك وانتي بيطلع عين اهلك وبتشتغلي وكمان مكالتيش هو انتي هبله ولا بتستعبطي هي صحتك دي مش مهمه
زينب بصتله بحزن وبعيون مليانه دموع واكملت: انا خوفت عليك يا عمر وانت لو فضلت تتخيل انك مكاني عمرك ما خيالك هيحسسك اللي حسيته وقتها ..انا حسيت اني هفقدك وهتروح مني وفيها ايه يعني لما اتبرعلك بدمي هي جريمه
عمر حس بلذمب من نظره عينيها وكلامها فتنهد بحزن ومسح دموعها واكمل بحب حقك عليا والله ما اقصد ازعقلك بس انا بخاف عليكي زي مانتي اللي حركك خوفك عليا انا اللي حركني وخلاني اتعصبت دلوقتي خوفي عليكي انتي ولا كالتي ولا شربتي وطول اليوم شغل ونمتي مهدوده يعني كان ممكن تهبطي يحبيبتي انا عامل عليكي والله
زينب ابتسمت بحب واكملت وانا مش تعبانه المهم انت قدامي بقيت زي الفل
عمر بضحك عارفه لو مراتي دلوقتي بس يخساااره
زينب بضحك الحمدلله مش مراتك دلوقتي لان اي ان كان اللي في دماغك فاهو اكيد حاجه مش سالكه
عمر فضل يضحك واكمل كنت هاخدك في حضني بس حضن بريئ
زينب اتكسفت واكملت بضحك اه وماله واجيب سيف يحضنا احنا الاتنين
عمر بضحك يا مهزقه بقولك لو كنتي مراتي يعني ولا سيف ولا غيره هيشغلني
زينب بضحك لما بقى يا روحي ابقى مراتك نبقى نشوف
عمر بضحك يعني انتي دلوقتي دمك بيجري جوايا
زينب بحب امم شوفت الحب
عمر بضحك اتاري دمي بقى يلطش وانا اقول جايب السماجه دي منين
زينب بضحك بقى كددده طيب هقوم انا بقى وشوف مين هيغيرلك على الجرح
عمر بضحك روحي يحبيبتي هي المستشفى انتي بس ولا ايه
زينب مسكت فونها بعتت لساره تجبلها الاكل وتعلموا وبصتله برفعه حاجب واكملت قصدك ايه يا عمر هاا
عمر بضحك مقصدش يحبيبتي تعالي غيريلي عليه بقى انتي واتلمي
وزينب راحت جابت المعدات والمقص واكملت طب معلش نزلي رجلك واحده واحده على الارض واتعدل
عمر اتحرك بوجع واضح وقعد ونزل رجليه وزينب جابت المقص ورايحه ناحيته فاكمل بضحك ايه هتموتيني ولا اييه
زينب بضحك لا طبعا مقدرش ده انا هشيل الشاش القديم وبلفعل شالته ولما شافت الجرح اكملت بحزن ووجع يعمري حقك عليا بجددد
عمر بابتسامه خلاص يحبيبتي عدت انا بخير وضحك واكمل ده انا لو كنت اعرف ان لماا اعمل حادثه هدخل المستشفى واقعد معاكي وهتدلعيني كل الدلع ده كنت قطعت انا الفرامل
زينب وهي بتعقم الجرح فضلت تضحك بشده واكملت اخص عليك بجد ياعمر ليه يحبيبي بعد الشر عليك ربنا يحفظك من كل شر
عمر بحب اللهم امين يارب بس الفكره كنا هنفضل لسه مش مع بعض فربك بيرتب للخير انا طول عمري معرفش كان ممكن يجمعنا ازاي بس كنت مستني طريقته وواثق هتحصل بس ازاي معرفش والحمدلله
زينب بحب حقيقي اه الحمدلله بجد وحطت بيتادين فعمر غمض عينيه بوجع واكمل بألم واضح في صوته: يا زينب
زينب بحنان حقك عليا انا اسفه بس هو بيحرق شويه وحطت القطن ولفتله الشاش كويس واكلمت بابتسامه خلصنا اول جرح يا بطل فاضل التاني
عمر بص لملامحها وهي بتشجعه وضحك واكمل ابنك الصغير انا وبتحايليني مش كده
زينب فضلت تضحك واكملت طب ما طبعا انت ابني الاول ولا ايه يا ابو يزن
عمر بضحك اختارتي الاسم كمان بس تمام جميل يا ام يزن وابنك الاول طبعا حد يقدر يقول غير كده ورجع ضهره لورا بتعب و فتح على صدره علشان الجرح التاني فغمضت زينب عينيها باحراج واكملت يخربيتك مش تنبهني
عمر بضحك انبهك لاي مانتي عارفه هو احنا هنستعبط
زينب بتوتر عمر هو مينفعش اناديلك الدكتور بدالي
عمر بضحك مالك يا زينب في ايه هو انا هاكلك
زينب بحرج مش كده بس ... اووف خلاص وقربت منه وشالت اللازقه القديمه بحذر بس هو تأوه بوجع فاكلمت بسرعه: اسفه اسفه حقك عليا وشالتها وصعب عليها شكل الجرح وبصتله بأسف واكلمت سلامتك بجد يا عمر منه لله اللي كان السبب
عمر بابتسامه الله يسلمك يحبيبتي
وبدات زينب بتطهير الجرح وهي محرجه جدا من قربها منه ونظرات عمر ليها فاكملت بحرج بطل تركز معايا واتلم هااا
عمر بضحك طب انا راضي ذمتك
زينب وهي مركزه في تعقيم الجرح اكملت اممم قول
عمر بحب يعني الواحد يلاقي الجمال ده كله وميركزش
زينب ضحكت واكملت ياعمر بجد متحرجنيش علشان مسبكش واطلع وبعدين غض بصرك واتلم عايز تبص اتجوزني
عمر بحب ده ياريت بس انا مش هقدر اتجوز نهائي الفتره دي متنسيش امي اتوفت بس ينزل سيف اجازه واجي اطلبك لوحدي في هدوء من غير مانهيص والجو ده لو مش هتزعلي انما لو عايزه تفرحي وهيصه ممكن نستنى حوالي س
زينب بمقاطعه وحب انت بس تعالى وانا مستعده لو عايز نكتب وبس ونروح هعمل كده .. الفرح شويه ويخلص انما انت هتفضلي العمر كله وانا اكيد مرضهاش انك لما تيجي تتقدملي اهيص وافرح وماما توفت الله يرحمها دي امي بردو يا عمر وانا اللي طلبت منك تيجي فمش انت ترضيني وانا اوجعك
عمر ابتسم بحب وعينيه اتملت بلدموع واكمل ربنا يديمك ليا ويباركلي فيكي يارب ياريتها كانت عاشت وشافتنا سوا
زينب بحب وحزن ويباركلي فيك يارب الله يرحمها يحبيبي
وخلصت تغير على الجرح واكملت بضحك الحمدلله خلصنا استر نفسك بقى
عمر ضحك ولبس واكمل صحيح يا زينب الادويه اللي جبتيها امبارح بكام كل ما افتكر اقولك انسى
زينب بحب ده كلام فاضي انا وانت واحد خلاص
عمر برفعه حاجب الادويه بكام با زينب علشان مقلبش عليكي
زينب بضحك الله في ايه يا عمر هو احنا مش واحد
عمر ده حتى لما نتجوز مش من دلوقتي انا ماليش دعوه بفلوسك ومصرفش منها فا لو سمحتي خلصي وقولي انتي بتستعبطي ولا ايه هو على اخر الزمن واحده هتدفعلي تمن ادويتي ليه شيفاني مش راجل
زينب بهدوء طب انت ليه بتحسبها كده انا حسبتها ان انا وانت مفيش بينا فرق
عمر بتنهيده معلش يا زينب خديني على قد عقلي انا في المواضيع دي بلذات مفيهاش واحد انتي ملزومه مني انما انا ماخدش ادويه بفلوسك والموضوع بنسبالي مشكله شخصيه جداا
زينب بتنهيده ب 155 يا عمر كلام فاضي بس اعملك ايه اديني هاودتك
عمر مسك المحفظه من جمبه وطلع 200 جنيه واكمل طيب امسكي
زينب بتنهيده معيش فكه
عمر بستغراب مين قالك عايز فكه خلاص ده كلام فاضي
زينب برفعه حاجب لا ليك 45 جنيه وهتاخدهم الموضوع ده بنسبالي مشكله شخصيه جداا
عمر بضحك الله انتي بترديها يعني
زينب بضيق اممم اعتبر كده انت اللي عملت فرق من الاول
عمر بضحك شكلك وحش وانتي بتقلديني ومش لايقه عليكي
زينب ضربته في كتفه واكملت اتلم واسكت
عمر مسك فونها حط ال 200 جنيه في الجراب واكمل بحب انا مبفرقش بينا بس دي اصول ومبتتجزأش انا اديكي مخدش منك واحنا عادي واحد .. افرضي وشك بقى
زينب بتنهيده طيب يا عمر خلاص
عمر بضحك طب يارب تعدميني لو مفرضتيش وشك
زينب بضحك لا خلاص انا فل اهو
عمر بضحك ايوه كده
والباب خبط فكانت ساره قامت فتحت زينب وخدت منها الاكل واكملت بحب بجد تعبتك اوي اوي
ساره بحب يحبيبتي تعبك راحه بطلي عبط احنا اخوات والف سلامه
زينب بحب الله يسلمك صرفتي كام بقى
ساره بحب خلاص واحد
زينب لالا متخلنيش اندم اني طلبت منك حاجه
ساره بحب يابنتي دي حاجه بسيطه حاسبيني المره الجايه
زينب لا الله ازعل منك قولي يلا وغلاوه شريف يا شيخه لتقولي
ساره بضحك كل ما تلاقيني مش عايزه اتكلم تقوليلي كده ماشي يازينب 65
زينب بضحك طيب ثواني وبعدين مانتي اللي بتجبريني الله مش الحب بقى وبتضعفي
عمر سامع الحوار فاكمل محفظتي اهي خدي منها وحاسبي صاحبتك
زينب بضحك ياعمر هو انت حد كان بيحاسبلك وانت صغير فكبرت بتفك عقدك ولا ايه
عمر بضحك اتلمي طيب وامسكي طلعي منها علشاان مش قادر
زينب ضحكت وخدت منه وحاسبت ساره ومشيت وقعدوا ياكلوا وفونها رن فكان حسام
زينب بحب ايه يحبيبي صباح الخير
حسام بحب صباح النور يا قلب اخوكي ايه مجتيش كل ده ليه
زينب في ايدي حاله اخلصها وجايه في حاجه ولا ايه
حسام بحب رايح اخطب امنيه انهارده فانجزي علشان تلحقي تجهزي
زينب بفرح انت بتتكلم جددد
حسام بضحك اه والله انجزي بقى علشان منخلصش ونقف عليكي
زينب بدموع فرح يا حبيبي الف مليون مبروك حاضر هجيلك متخافش
حسام بحب الله يبارك فيكي ياقلبي وخلي بالك من نفسك يلا باي
زينب بحب باي
عمر بحب ايه فرحيني معاكي
زينب بفرح ده حسام رايح يخطب امنيه انهارده البنت اللي بيحبها
عمر بستغراب امنيه ?? امنيه مين ??
زينب بحب صاحبه ياسمين دكتوره اسنان انت متعرفهاش
عمر سكت شويه يفكر واكمل بضحك لا للاسف حاولت بس فعلا مفتكرش اني شوفتها قبل كده عندكم او مع ياسمين عموما الف مليون مبروك ربنا يتممله بخير ياحبيبتي وعقبالنا يارب
زينب بفرح يارب ده انا فرحانه اوي وعقبال سيف كمان
عمر بضحك لا سيف ايه ياما انتي بتحلمي ده مش هيشوف جواز خلاص
زينب بضحك اخص عليك يا عمر متقولش كده وابتسمت واكملت بكره يحب ويعرف ان الحياه تستحق تتعاش غير الشغل وفي حاجات كتير لازم يعملها
عمر بتنهيده حزينه زينب انتي متعرفيش سيف اكتر مني ده صاحبي من قبل مانتي تتولدي وبقولهالك حتى لو حب مستحيل يتجوزها
زينب بحزن ليه يعني يا عمر
عمر بحزن اسباب كتير منهم بمزاجه ومنهم غصب عنه وانا بأيده في بعض منهم وبعض منهم لااا بس صدقيني حاولت معاه كتير بيتفتح السيره قدامه بيغيرها 100 مره وسيف مش جديد عليكي لما نكون بنتكلم عن حاجه هو لاغي فيها النقاش
زينب بتنهيده عارفه هو انت هتقولي عليه ربنا يهديه يارب ويريح قلبه وباله ونفرح بيه
عمر اللهم امين يارب
ودخل الدكتور واكمل ها اخبارك ايه يا بطل
عمر بابتسامه الحمدلله احسن يا دكتور نشكر ربنا
زينب بحب دكتور معلش شوفلي هيقعد قد ايه وهيخرج انهارده ولالا
الدكتور وهو بيفحصه اكمل حاضر اهو بشوفه وفضل شويه يكشف عليه واكمل بحب بصي هكتبله خروج بكره انما الجروح محتاجه يتغير عليها كام يوم فا حد يتابع معاه في البيت
عمر تمام مفيش مشكله تحت بيتي في صيدليه هقوله يطلع يغيرلي عليه تسلم يا دكتور تعبتك
الدكتور خلاص كده تمام عن اذنكم
عمر اذنك معاك يا دكتور
زينب بحزن والاكل والشرب ومين يسندك للحمام ويغيرلك انت مينفعش تقعد لوحدك
عمر رجع راسه لورا بتعب وبص للسقف واكمل بنبره فيها وجع: تحسي سابتني والسلام والامان سابني معاها انا بجد تايه اوي ومش عارف هعيش ازاي ودموعه نزلت
زينب عيطت واكملت الله يرحمها حقك عليا يحبيبي استهدى بالله وهنلاقي حل طب انت متعرفش حد من صحابك او قرايبك شباب تقعد عنده الكام يوم دول
عمر بتنهيده محدش هيستحمل حد يا زينب
زينب بحزن طب بص احنا عندنا اوضه فوق السطح متوضبه وفيها حمام ومطبخ صغير وسرير وحلوه مازن ساعات بينام فيها تعالى عندنا واهو انا اغيرلك على الجرح وحسام او مازن يساعدوك في الباقي مش هيقولوا لا
عمر برفض لالا سيبيها على الله وانا هشوف هعمل ايه
زينب بحزن ياعمر علشان خاطري مينفعش تفضل لوحدك
عمر بتنهيده روحي علشان متتاخريش على اخوكي دلوقتي وسيبك مني هنشوف
زينب بحزن طيب تكمل اكلك بس واديك الدوا وامشي
-----------------------------------------------
في بيت الرفاعي كان كلهم على بعضهم رايحين جايين مستعجلين وبيجهزوا علشان يروحوا لامنيه
حسام كام خلص ولبس ونزل واكمل بضحك ها ايه رايكم امشي عريس ولا نص نص
صافيه وعايده ونرمين شافوا زغرطوا بفرح ونرمين حضنته واكملت بدموع فرح زي القمر يا حبيبي الف مليون مبروك
حسام باس راسها واكمل بحب الله يبارك فيكي يا غاليه
نور جات واكلمت بحب سو كيوت يا حسام بجد الف مبروك
حسام بحب الله يبارك فيكي يحبيبتي
قاسم بضحك اخيرا الاميره خلصت ده انا قولت هنروح بكره
نور بحب ناقصلي بس المناكير امسك يا قاسم حطلي
قاسم بضحك بت انتي هبله احطلك ايه روحي اتنيلي بس على جمب في عالم ديزني اللي عايشه فيه ده قال مناكير قال
منصور بضحك شوف البت هو قاسم اللي هيحطلك بصحيح
نور قعدت وبدات تحط واكملت بايخ والله العظيم ده تريند شوفته
مازن وهو داخل اكمل بضحك اهو النت ده هو اللي هيعمل فيكي كده عيشي عيشه اهلك ياحبيبتي مش كل حاجه بنشوفها حقيقه
قاسم بضحك لا سيبك من كل ده والله معنديش مانع لو اعرف بس انا معرفش امسك الفرشه اصلا
مازن بضحك ياعم سيبك منها هما البنات كده عليهم حاجات غريبه
نور بضيق مااشي صبركم عليا وخلصت ايديها الاولى
صافيه ما تيلا يا ولاد كل ده
مازن حضرتك ده زينب لسه مقابلها على السلم فخلوا روحكم طويله شويه
عايده لوت بوقها واكملت معانا لبكره كده
نرمين بحده لا ربع ساعه واخلي معتز يزعقلها مينفعش نتاخر على الناس نروح امتى ونيجي امتى
مازن قعد واكمل باعجاب بس شياكه يا واد يا حسام
حسام بابتسامه تسلملي يا غالي بجد
فوق في شقه عز الدين
ياسمين كانت خلصت ولابسه دريس روز ماسك من عند الصدر وفيه شغل خفيف وواسع لتحت وطرحه نفس اللون وحطت ميكاب خفيف وبصت لشهد واكملت بتفاجئ انتي هتروحي كده ?
شهد بستغراب اه مالي في ايه
((شهد كانت لابسه دريس احمر كم شفاف وسك على جسمها لحد قبل الركبه وسايبه شعرها وحاطه ميكاب خفيف))
ياسمين وهي بتحط مسكره اكلمت لا مفيش يا حبيبتي مفيش خاالص وتابعت بصوت مرتفع نسبيا يا يووونس
يونس من برا ايه يابت عايزه ايه
ياسمين بضحك تعالى ثواني
شهد بقلق ايه هيعملي ايه يعني يونس تصدقي انك حيوانه بجد ماله الدريس جتك الارف ووقفت ورا الستاره
ياسمين بضحك شوف ازااي .. اومال هتنزلي بيه ازاي ياحلوه طلما بتستخبي من يونس هاا
يونس دخل واكمل ايه يا سمسمه
ياسمين بابتسامه اختك المزه شوفها لابسه ايه
يونس بص حواليه بستغراب واكمل فينها
ياسمين شاورتله على الستاره وضحكت
يونس بستغراب مالك يا شهد مستخبيه ليه اطلعي
شهد بتوتر مفيش ده انا عايزه افاجئك يا حبيبي
يونس بضحك طب ياختي يلا اطلعي فاجئيني مخكم تعبان منا كده كده كنت هشوفك
شهد بتوتر مش عارفه انا ياسمين دي بتكبر الدنيا ليه
يونس بضحك طب يلا اطلعي وريني واخلصي
شهد بتوتر غمض عينك طيب
يونس ادينا غمضنا اخلصي فاكره نفسها خطيبتي دي ولا ايه
ياسمين وهي باصه في المرايه بتظبط الطرحه اكملت بضحك ده علشان هتبهرك
شهد خرجت واكملت بتوتر فتح هااا ايه رايك تحفه مش كده ???
يونس فتح اتصدم من شكلها فاكمل بحده ايه الارف ده انتي اتجننتي
شهد اتخضت واكملت ايه في ايه ما تحفه اهو وبكم
يونس بحده كم ايه وزفت ايه ده شفاف وكله عريان ويقرف بت روحي غيري علشان مقلبش عليكي
شهد بدموع يا يونس ده خلاص اتاخرنا وانا خلصت معلش عديها
يونس مسك دراعها واكمل بحده لما اقولك كلمه تسمعيهااا علطول والقرف ده ميتلبسش تااااني مش معنى انك متحجبتيش نستعبط انتي فااااهمه
شهد بدموع فاهمه
يونس بحده اتفضلي يلا
شهد فتحت الدولاب وخدت فستان غيره بكم وواسع ودخلت وهي بتعيط
ياسمين بقلق هي بتعيط ??
يونس بحده ماتعيط ولا تتفلق هو انا ضربتهااا ده انا بعرفها الصح من الغلط
ياسمين بقلق طب اهدى واحده واحده عليها
يونس ياسمين شهد مش صغيره ومفروض عارفه الصح من الغلط انا زعقتلها بس ممدتش ايدي عليها في حياتي فهتعيط ولا تزعل من الصح يبقى تعيط احسن
والباب خبط فنفخ يونس بضيق من الموقف وخرج فتح كان حسام
حسام هي فين ياسمين كل ده
يونس بصوت عالي نسبيا ياسمين تعالي شوفي ابن عمك وقعد يلبس الجزمه
ياسمين خرجت واكملت بمرح ايه يا عررريس عيوني
حسام بضحك تسلملي عيونك تعالى بس العريس محتاس حوسه سودا ومحدش غيرك هيحلها
ياسمين بحب اؤمرني خير
حسام بحب الامر لله وقعد وهي قعدت جمبه وفتح الفون واكمل بصي الطقمه دي واختاري واحد يعجب امنيه بسرعه علشان الحق اجيبه لان هي مصممه مش عايزه منهم
ياسمين اكيد علشان غالين انا عارفه تفكيرها وفضلت تشوفهم بتركيز
حسام اه بلظبط بس ركزيلي بقى وحياه ابوكي وقوليلي
ياسمين شافتهم كلهم كذا مره واكملت بحب ده تحفههه جدا وواثقه زوقها
حسام بحب خلاص يبقى اتفقنا تعبتك يا سمسمه
ياسمين بحب متقولش كده انت اخويا يا حسام
حسام بحب تسلميلي يا حبيبتي نتعبلك يوم فرحك وفتح الباب واكمل يلا اخلصوا في الانجاز هاا
يونس بضيق مستنين الاميره ديانا ونازلين وراك
حسام بضحك مالك بتقولها كده ليه
ياسمين اصل هي لبست فستان معجبهوش فبتغير
حسام بضحك اااه يبقى تستاهل خلصوا ويلا بسرعه
يونس ماشي يا حبيبي
وقفل
يونس بحده يلا يا هانم مش هنفضل لحد الليل بنغير
ياسمين بهمس اهدى عليها يا يونس
شهد وهي خارجه بضيق اكملت يهدى اه بعد ما شعللتيها
ياسمين بضحك على اساس يحيوانه مكنش هيشوفك
شهد بضيق ممكن يلا علشان مش طايقه نفسي بلهدوم دي الجو زفت لوحده
يونس بحده اه فنقلع علشان الجو زفت مش كده
شهد بدموع ممكن بجد خلاص اديني غيرت كفياكم نكد
يونس نكد اه ماشي يا شهد وقام فتح الباب ونزل ونزلوا وراه وقفلوا
في شقه الجد كلهم نزلوا
نرمين بضيق معتز ادي حس لبنتك علشان مهزقهاش
معتز مسك فونه ورن عليها
زينب باستعجال والله نازله قسما بالله خلاص بلبس الشوز
معتز بتنهيده طب يلا يا زينب اخلصي معتش الا انتي
زينب بسرعه: حاضر حاضر والله سلام دلوقتي
معتز سلام وبص لمراته واكمل نازله خلاص
صافيه يا مسهل الحال يارب وبصت ليونس واكملت بحب اعدل اللياقه بتاعه القميص يا حبيبي
يونس حط ايديه يظبطها واكمل كده ?
ياسمين بحب تعالى انا هعملهالك ووقفت قدامه ظبطتها
ومازن واقف متابع الموقف بغيره ومتعصب منها فغمض عينيه بضيق شديد
يونس بحب تسلملي ايديكي يارب وباس جبينها
فمازن اتعصب جدا بس بين الجمود
ياسمين ابتسمتله بحب واكلمت عقبال فرحتي بيك يارب يا غالي
يونس بضحك ربنا يديني ويديكي طوله العمر
قاسم بضحك ليه كده يا كئيب ده انت عندك حته طالبه تحل من على حبل المشنقه
نور داست على رجله بلكعب واكملت بغيره اتلللم
قاسم تأوه بوجع وفضل يضحك واكمل اااه ااه يخربيتك بهزر
يونس فضل يضحك واكمل بقى يا حيوان معاك نور وتقول كده على غيرها مبتفهمش اقسم بالله بس عموما هو مش بلشكل سيليا بنت حلوه شكلا وفعلا واخلاقها مفيش منها بس الحب مفيش سبحانه مالك القلوب يهبها لمن يشاء
صافيه بحزن ربنا يسعد قلبك يابني واشوفك مبسوط
يونس بابتسامه كاذبه امين يارب
شهد بتردد يونس
يونس بصلها واكمل خير
شهد حضنته وعيطت واكملت بليز متزعلش مني انا مبحبش اضايقك ومش هلبس كده تاني والله
يونس تنهد بحزن وباس راسها واكمل وهو بيمشي ايديه على شعرها بحب بس ياهبله خلاص محصلش حاجه المهم عرفتي غلطك وربنا اهم مني ده مكنش يرضي ربنا ابدا
شهد بدموع عارفه عندك حق
يونس مسح دموعها واكمل بحب خلاص بقى مش بحب اشوف دموعك انتي عارفه غلاوتك عندي قد ايه
شهد ابتسمت بحب ومسحت دموعها وحضنته فباس راسها وطبطب عليها واكمل بحب انتي بنتي قبل اي حاجه وده قولتهولك لما اجي بعد كده لو يعني ده اذا حصل واتجوزت هتكوني زيك زيها وياسمين طبعا بس انا اقصد لانك الصغيره
ياسمين ابتسمتله بحب وشهد فرحت انه صالحها جدا واكملت بجد بحبك اوي
يونس بحب وانا اكتر
عز الدين هي هببت ايه بقى الهانم
يونس بحب خلاص يا حج مكاانك واتصرفت متحرجهاش موضوع وخلص وعرفت غلطها
عز الدين بتنيهده طيب يا يونس
احمد ده زينب دي عليها برود محصلش
ياسمين بضحك هي كده علطول انت بس مش متعود
احمد بضحك لا بس الشهااده لله زي القمر يابت يا سمسم
شهد بصتله بضيق وياسمين ابتسمت واكملت ميرسي يا احمد بجد
يونس بضحك هو انت سبت الصغيره عاكست الكبيره ماتحترم نفسك بدل ما اعلقك على الباب البيت
احمد بضحك خلاص يا كبير حصل خير
نرمين شافت حسام ماسك الفون فاكملت هااا الشبكه وصلت
حسام بتركيز في الشاات خلاص بكلموا اهو على وصول
منصور بابتسامه هو سعيد حاجته حلوه ومضمونه وهيجبالك حالا متقلقش مش اول مره نتعامل معاه
عايده بحب اه ده حقيقي حاجته جميله عقبال مانجيبلك يا مازن يابني يارب
مازن بحب تسلمي ياست الكل
وياسمين في خاطرها همست يارب
صافيه جبت الحاجه اللي هناخدها يا حسام
حسام اه علبه الشكولاته والجاتو والبسكويت والكحك اللي انتوا عاملينه ناقص بوكيه الورد هنجيبه واحنا ماشين وصيت عليه
نرمين ياريت يكون جلال علشان بيطلعه حلو زي مانت عايز
حسام اه هو مردتش اهبد واروح لاي حد
عايده ده بنت ساميه اللي في الشارع اللي ورانا جابت من عنده كذا نوع ورد عملت الكوشه في البيت فيها ورد طبيعي كان مطلعه روعه فعلا ونفس الصور والشكل اللي وريتهاله
صافيه ياختي دي بنات فاضيه ماهيدبل كل ده الصناعي احلى للزينه الطبيعي ده هديه قيمه انما مش يتزين بيه
نرمين بضحك اهي كل بنت بتفرح بطريقتها بقى يا ماما وبصت لحسام واكملت اخوك معرفش حاجه عن انك هتخطب
حسام بضحك هو الوزير سيف باشا حد بيعرف يوصله
نرمين بحزن صعبان عليا نفرح من غيره بالله يرضي مين ده يارب الواد اتقطع مننا خالص
صافيه بحب ادعيله يحبيبتي ومتنكديش على نفسك وعلى ابنك
حسام اه والنبي ابوس ايدك مش عايز نكد سيف والله كويس انتي عارفه طبيعه شغله بس
نرمين مسحت دموعها واكملت بحب خلاص يا حبيبي ربنا يتمملك بخير
ونزلت زينب واكملت بلهفه يلا اهو خلصت
نرمين بحده ده انا هطلع عينك بس اصتبري علياا
منصور بس مش وقته خناقاتك انتي وبنتك يلا اتاخرنا
زينب بضيق اعملكم ايه ما شغلي الله
حسام بضحك خلاص حصل خير ممكن يلا كفياكم نقير
صافيه بحب يلا يحبيبي
--------------------------------------------
في المكان الرسمي لمهمه سيف في احدى الصحاري التابعه لحدود مصر ضرب النار رايح جاي من كل حته والوضع صعب وغير مبشر بلمره
حسن وهو بينهج : هنعمل ايه يا فندم طلعوا اكتر من ما نتخيل
((واصوات ضرب النار شغاله مش بتقف))
سيف وهو بيملى الذخيره رصاص وملصم وشه اكمل بحده هتعمل ايه هنكمل اللي بدأناه مينفعش ننسحب وسمع صوت من واحد من جنوده في اللاسلكي
عبدالله بقلق يا قائد في مننا اتصاب والوضع غير مبشر
سيف رفع اللاسلكي واكمل بحده اللي اتصاب خليه ينسحب ويرجع بعيد وانتوا كتف في كتف ولما اقولكم يلا هنطلع محدش يخرج من ورا العمود مفهوم
عبدالله بقلق مفهوم يا فندم بس كده الوضع صعب حضرتك قولتلنا نتحفظ عليهم وعلى شحنه الاسلحه والمخدرات اللي عايزين يهربوها انما احنا مش عارفين نوصلهم ونتمكن منهم اصلا
سيف بحده عبدالله انا شايف ده كويس وعارف ايه اللي حصلل بس مقدمناش حل انت جندي مصر يا حضره الظابط مش هنخاف من شويه مجرمين لما اقولكم اطلعوا وبلنسبه ليهم هما متتحفظوش على حد صفوهم
حسن بصدمه كلهم يا فندم ??
سيف بحده اللي يجي قدامكم سمعتوااا اللي متعرفوش تسيطروا على سلاحه وتوقعوا يبقى سلاحكم انتم في ايديكم يا قاتل يا مقتول الشحنه دي مينفعش تعدي
عبدالله وهو بيمسك سلاحه بتركيز اكمل علم وينفذ يا قائد
ودقايق وصوت ضرب النار ابتدى يهدى وخطوات رجل بتقرب
سيف سمعها وهمس في اللاسلكي لكل جنوده محدش يتحرك ولا ينفذ حاجه غير بأمري
الجميع تمام يا فندم
وبلفعل لما الشخص قرب وكان قائد المجموعه سيف قام وضربه وقع مسدسه وداس عليه برجله ثبته ولف ضهر الشخص ليه وحصره كويس وحط المسدس فوق راسه واكمل بحده لجنود العدو: مسدسك تحت يا حيوان منك ليه يللااااا
القائد بتاعهم لانه متوقعش الحركه اكمل برعب نزلوا المسدسات
وبلفعل عملوا كده
سيف بحده يلا ياروح امك انت وهو حط الحاجه دي كلها هنا وشاورلهم على مكان بعيد واتعصب واكمل يلاااااا نفذ الامر بدل والقسم اللي اقسمته لفرغ المسدس في راسه ومش هيهمني
الجنود خافوا وبلفعل نقلوا الحاجه بس اثناء رجوعهم لمحوا جندي مصري ( عبدالله) واقف ورا صخره مديهم ضهره
فواحد منهم بصله بخبث وراح ضربه من ضهره فصرخ عبدالله بوجع واخد مسدسه ورفعه عليه واكمل بضحكه شامته: سيب القائد بتاعنا اسيب الجندي بتاعك
سيف اتصدم لما شافه ماسك عبدالله فاكمل بعصبيه سيبه يا ابن الكلب مش سيف الرفاعي اللي يتلوي دراعه يحيوان
المهرب بضحك محنا عارفين مين سيف الرفاعي ودارسينه كويس اوي وكنا متوقعين انت اللي تيجي المهمه دي كمان وبص للمهربين صحابه واكمل اسلحتكم زي ماكنتوا يلاااا اخلصوااا وبلفعل راحو مسكوهم تاني
وبص لسيف واكمل عارف يا حضره الظابط احنا كتير والكتره تغلب الشجاعه سيب القائد بتاعنا وانسحب احسنلك بدل ما كده كده هنكسب بس هناخد الحلو ده معانا اسرى حرب
عبدالله بعصبيه عادي سيبهم ياخدوني يا قائد بس متنسحبش عمرنا ماعملناها من يوم ما بدانا نموت بشرفناااا احسن
المهرب ضربه بلرجل فتأوه بوجع شديد
سيف غمض عينيه بوجع وحزن من شكل عبدالله واكمل بعصبيه مش سيف الرفاعي ياروح امك اللي يدخل معركه ويرفع الرايه البيضه مفيش انسحاب وهغلبك وهاخد الجندي بتاعي
عبدالله بوجع وطي راسه واكمل انا اسف يا قائد انا السبب
سيف بعصبيه ارفع راسك يااعبدالله مش جندي مصري يوطي راسه في اي حال من الاحوال دول ضربوك من ضهرك علشان جُبنا مش في وشك علشان تتكسف وتوطي راسك
المهرب بضحك الله وانت عرفت منين بقى
سيف بسخريه لاني عارف جنودي اسود ومستحيل حد يوقعهم من الوش ابداااا
القائد المهرب: لا عندك حق شطور سبني بقى يا عسل وخد جنديك وروحوا
سيف بضحك تصدق ضحكتني انا اروح على ضهري وابقى شهيد بس مرجعش موطي راسي مش قاموسي
المهرب ضرب عبدالله رصاصه في رجليه فوقع وصرخ بوجع واكمل بصوت مسموع وموجوع من الرصاصه : يا قاااائد سبني قولتلك ملكش دعوه بياااا متقفش وخليهم يهاجموا
سيف اتعصب ورايح يتكلم فاقاطعه المهرب واكمل بضحك تؤ تؤ متتعصبش بدل ما
ورفع المسدس على دماغه واكمل بسخريه حافظ الشهاده ???
سيف بعصبيه يا حيوان يا زباله ده انا هوريك وضربك لظابط من جنودي ده تمنه حياتك وانا اللي هاخدها
عبدالله بلفعل لما شافه رافع المسدس استجمع شجاعته ونطق الشهاده بالم من وجع رجله
فاكمل المهرب بضحك شطور يا حضره الظابط طلعت حافظها ورفع الزنات واكمل اصل القائد بتاعك بيحب البطوله والشجاعه اكتر من جنوده فاضطرني لكده
عبدالله بألم امي يا قائد ومريم مراتي في عنيك قولهم ان
سيف اتوجع من كلامه واكمل بعصبيه مش هيحصلك حاجه يا عبدالله هتيجي انت وتقولهم كل اللي نفسك فيه بنفسك والله العظيم دول كلاب وحقك انا هجيبه حالا ورجع ايديه لورا وشاور بيها حركه شافها حسن وفاهم معناها بينهم وراح اتهامس مع الجنود وبلغوا بعضهم
المهرب القائد بسخريه : انا نفسي افهم منين الثقه دي كلها ده حتى جنودك مستخبين زي الفيران
سيف بضحك انت شايف كده بس لما بتيجي تشد السهم بتفضل ترجع بيه لورا لورا كتييير لحد ما فاجاه تصيب الهدف فاهو ده جيش مصر مش بنستعد ونوهمك انت واللي زيك اننا بنتراجع بس بتكون لضربه اقوى لاننا مش بنستسلم اصل احنا وسكت ثواني واكمل بابتسامه خير اجناد الارض وضرب نار على رجل المهرب اللي ماسك عبدالله
وكل جنوده فهموا وظهروا فاجاه وضرب النار كان صعب اووي من الطرفين ويخض
فحسن استغل وقوع المهرب وسند عبداالله لحته بعيد ورجع خد المسدس وكمل
وسيف ضرب القائد بتاعهم ووقع وفضل مركز وعمال يضرب فيهم وكانوا بيقعوا واحد ورا التاني
حسن وهو بيضرب زيه اكمل بصوت عالي حاااسب يا قااائد
سيف تفادى رصاص وضرب الشخص اللي كان هيضربه وفضل ضرب النار مستمر لفتره وكان بيتصاب جنود بترجع لورا من مصر وكملوا صمود قصاد المهربين لحد مافعليا اتصفوا كلهم ومتفضلش غير واحد
مؤمن بنهج هنعمل ايه كده يا قائد فاضل واحد معرفش راح فين
سيف بتعب ونهج هنلاقيه كويس فهمتوني من حركه ايدي
حسن بتعب تربيتك يا قائد فهمنا لان الخطه دي بتاعتنا لما مش بنلاقي حل وليها حركه معينه اننا قسمنا نفسنا كل واحد ياخد عدد معين ملزم بيه احنا عديناهم كويس اثناء ماكنا متخبين وعرفنا كل نفر عليه كام كده اتفضل واحد وشاور بتعب على الللي ضرب عبدالله واكمل والكلب ده مموتوش علشان حضرتك متكفل بيه تعمل فيه ما بدالك لان كلمه سيف الرفاعي متنزلش الارض ابداا
سيف راح ناحيته واكمل بسخريه هااا طلعت بحب البطوله والشجاعه بجد ولا كلام ??? حظك من السما ان هينولك الشرف ان نهايتك على ايدي بأي شكل بقى المهم مش هتشوف نور تاني بس خلاص انا طلما كسبت مش هقتلك معركتي معاك خلصت وانا طلعت قد كلامي مش لاني عندي رحمه بقى فمش هموتك لا انا معنديش ذره رحمه بس ممكن الموت يبقى حل سهل ومش متعود اموت ضعيف تحت رجلي انا بموت اللي واقف علي حيله وبيحاربني
المهرب بصله بغضب شديد وقام مد ايديه جاب ازازه حاده واقعه في الارض وغرزها في جمبه فصرخ سيف بوجع وشايفه شالها ورايح يغرزها تاني فضربه بلنار موته واكمل بوجع شديد مالكوش عزيز دي غلطتي لما سبتك من الاول يحيوان
حسن بخوف مالك يا قائد انت كويس
سيف بوجع كويس كويس ركزوا انتوا في الباقي وملكوش دعوه بيااا شوفوا اخواتكم وعبدالله
حسن بخوف يا قائد عبدالله بخير انت ايه الدم ده
سيف حط ايديه على الجرح كان بينزل دم وهو ابتدى يدوخ من الشمس وعينه بتزغل بس لمح الجندي اللي فاضل بيصوب على ضهر حسن فاكمل بصوت عالي حااااسب يا حسن وزقه بقوه وقعه على الارض وضربه بلنار وبلمقابل خد 3 رصاصات في رجله ووقع على الارض ووقع الشخص التاني زيه بس ميت
كل جنوده جريوا عليه لما اتاكدوا ان خلاص معتش فيه خطر
مؤمن بخوف قائد يا قائد انت بخيير رد علينا
سيف قلبه واجعه وداخ جدا وابتدى يغيب عن الوعي وظهرت قدام عينيه صوره البنت اللي بيحبها وغمض عينيه واغمى عليه
حسن بدموع وخوف يا فندم انت بخير يااا فندم رد ابوس ايدك انا السبب كان بيحميني
معاذ بعصبيه مش وقته ندب ده كده هيتصفى يلا بينا وانتوا روحوا حملوا الحاجه دي علشان هتتسلم والجثث دي كمااان اخلصوا لازم نرجع في اسرع وقت
عبدالله ابتسم بألم واكمل متخافوش عليه ده اسد هيعدي منها الخطر في الازازه اللي دخلت جمبه انما رصاص رجله هيعدي قائدنا مش سهل يقع
محمود بابتسامه وهو بيشيل سيف معاهم اكمل عندك حق انا باخده مثل اعلى وواثق فيه ... بس مبااارك يا رجاله بعيدااا عن الخرشمه اللي حصلت دي
حسن بضيق ولاد الكلب طلعوا دارسنا ومستنين واحنا اللي مفكرين اننا ناصحين وفاجئناهم
جاسر بضحك بس على مين بقى ده احنا المصريين يااالا
رؤوف بضحك وكمان كتيبه سيف الرفاعي هو احنا اي حد وطبعا الحمدلله اولا واخيرا
امير بابتسامه الحمدلله اننا بنقدر بعون الله نسد تحت اي وضع بجد
مؤمن تنهد بارتياح وبص للسما وباس ايديه وش وضهر واكمل الحمدلله عدت على خير طول ما فينا نفس خلاص
الجميع بابتسامه الحمدلله
وبلفعل جات الحكومه والاسعاف والمكان كان مزدحم جداا ونقلوا كل المصابين في الاسعاف
----------------------------------------------
في بيت امنيه كان قرايبها رايحين جايين وامها بتقولهم يعملوا ايه وامنيه كانت واقفه قدام مرايتها بتظبط الطرحه بعد ماخلصت
كانت لابسه دريس سماوي بنفشه خفيفه وماسك من عند الصدر وفيه خرز بيلمح ولتحت واسع وطرحه نفس اللون كان حقيقي كانه متفصل عليهاا ووقفت تقايم نفسها كانت جميله اووي بملامحها البريئه والمكياب الهادي وغمزاتها وشكل فستانها وطرحتها كلها كانت بيرفكت وحلوه جدااا
سميه دخلت واكملت بدموع وحب بسم الله مشاء الله زي القمر وزغرطت بفرح وامنيه حضنتها بفرح واكملت ها شكلي حلو
سميه بحب ودموع شكلك زي القمر بجد ربنا يحميكي يابنتي ويسعدك
امنيه بضحك ايه يا ماما ده لسه بدري على العياط متقلقيش قاعده في وشك شويه حلوين
سميه بحب ودموع انا بعيط علشان كبرتي وشوفتك اخيرا عروسه غلبتينا
امنيه بضحك اديني رضيت اهو
سميه بضحك اه ماهو مش اي حد ربنا يحرسه ويديمكم لبعض يارب
امنيه بحب اللهم امين بجد
وسمعوا صوت الباب فاكملت سميه بلهفه يلا بسرعه علشان ابوكي هيجي ياخدك اخلصي
امنيه بصت على نفسها في المرايه واكملت بتوتر خلصت خلاص هلبس الشوز بس
سميه بحب طب يلا انجزي
وطلعت كانت اختها فتحت ليهم والزغاريط والسلامات اشتغلت
سميه بحب تعبتوا نفسكم بجد كل دي حاجات مكنش له لزوم
صافيه بحب نتعبلهم يوم فرحهم يا غاليه دي حاجه بسيطه والله على عروستنا
سميه بحب تسلمي يا حجه ربنا يخليكي
محمد بحب مبروك يابني
حسام وهو بيحضنه اكمل بحب الله يبارك فيك ياعمي تسلم
عايده زغرطت واكملت بفرح اومال فين العروسه يا ام امنيه
سميه بفرح دققتين وجايه اتفضلوا
وبلفعل كلهم دخلوا قعدوا وسلموا على بعض
ياسمين بحب استأذنك هدخلها
سميه بحب من غير استأذان طبعا ادخلي دي اختك
جودي وهي بتنهج من السلم اكملت الحمدلله جيت بدري
ياسمين بضحك مالسه بدري يا بارده
جودي بتعب اعمل اي المواصلات صعبه اوي والله
((والاغاني كانت شغاله والدنيا وش وكل واحد واخد احاديث مع شخص) )
ياسمين طب يلا ندخل لامنيه اخلصي
جودي بحب يلا
وبلفعل خبطوا ودخلوا
امنيه بفرح يا حبايبي واحشتوني وحضنتهم
ياسمين بحب ودموع ايه القمر ده بجد ربنا يحميكي
جودي بحب هتجنن حسام بالله ايه يابت ده بجد بسم الله مشاء الله عليكي
امنيه بحب وفرح والله دي عيونكم تسلمولي
ياسمين باعجاب بجد كله بيرفكت ولا غلطه
امينه ضحكت بفرح واكلمت الحمدلله كنت قلقانه من كتر تنمري على العرايس اطلع زومبي
جودي بضحك لا بنت حلال طلعتي قمر
امنيه بضحك حبيبتي والله يا جوجو واكلمت بتوتر هي الناس كتير برا
ياسمين بضحك طبييعي انتي هبله بس اهلك القريبين بس
امنيه بتوتر محروجه اطلع اوي وبرغم بتكلم مع حسام بعين قويه عادي الا ان انهارده حاسه باختلاف شويه
جودي بحب ده طبيعي علشان عروسه بس خلاص اهو حلمك هيتحقق يلا نطلع بقي الواد استوى
امنيه بحب بجد مش مصدقه بس بجد قولولي ولفت بلفستان واكملت حلو فعلا اوي ولا نص نص
ياسمين بحب تحفه والله العظيم يلا بقى
امنيه بحب حسام لبس زي ماقولتله بنطلون اسود وقميص ابيض ??
ياسمين بضحك اه ياختي هي اوامرك
امينه بضحك اه اومال انتي فاكره ايه يابنتي مسيطره
جودي بضحك شيلي ال ي بس انتي مسطررره وبتمشي عليها بلظبط كمان
ياسمين فضلت تضحك واكملت يابنتي سيبيها تعيش الدور شويه
امنيه بضحك مهزقين اقول ايه مفيش كلام يتقال
والباب خبط وابوها دخل واكمل بحب وابتسامه زي القمر بسم الله مشاء الله وباس جبينها
امنيه ابتسمت بفرح واكملت بحب تسلملي يارب
ابوها مسك ايديها في ايديه وطلع وياسمين وجودي وراها بيزغرطوا وكلهم مجرد ماشافوها زغرطوا بفرح وسقفوا وهي كانت محرجه جدا وبتهرب من عين الكل وحسام شافها ثبت عينيه عليها وابتسم وابوها راح وقفها قدام الكوشه اللي اتعملت مخصوص علشان اليوم ده فقعدت في الكرسي اللي جمب حسام فاكمل بابتسامه ايه القمر ده حور من الجنه
امنيه ابتسمت بفرح واكملت بحب والله دي عينيك تسلملي بجد
حسام بضحك طبعا نفذت كلامك بلحرف
امنيه بصتله وابتسمت واكملت بحب اه ده حقيقي وبجد انت كمان زي القمر
حسام بضحك منا عارف
امنيه ضحكت واكملت ايه الغرور ده بايخ والله العظيم
حسام بضحك لا ياحبيبتي واثق في انك شيفاني كده بس عيب عليكي
امنيه بضحك اه انتي هتقولي ما البركه في ياسمين فضحتني
حسام فضل يضحك واكمل والله ومن قبل ياسمين انا حاسس
« ووطوا الاغاني علشان الاتفاق »
صافيه بحب واعجاب بسم الله مشاء الله يا زين ما اختارت
امنيه بابتسامه ربنا يخليكي يارب يا تيته
منصور بضحك لا عسل يا واد يا حسام البت زينه بسم الله مشاء الله ليك حق مش مهم انها ضعفانه حبتين
كلهم ضحكوا فاتكسفت امنيه وبصت للارض بخجل واكمل حسام بضحك ياجدي حرام عليك ايه اللي بتقولوا ده
سميه بضحك هي صحيح يا حج ضعيفه حبتين بس متخافش هنحاول نتخنها قبل الفرح
نرمين بحب ولا متتخنش ده هي زي القمر ربنا يحميها
امنيه بابتسامه تسلميلي يا ماما ربنا يخليكي
زينب بحب بصي بقى انا معنديش اخوات بنات بس بعتبر سمسم وشهد ونور اخواتي فانتي زيهم بلظبط من انهارده
امنيه بضحك انتي زينب صح
زينب بحب اه انا سمعتي بيا ولا ايه
حسام كتم ضحكه بس معرفش وفضل يضحك
فاكملت امنيه بضحك اه اضحك ليك حق هقولك بعدين يا زوزا بينا وبين بعض
زينب بضحك خلاص اشطا اتفقنا
ياسمين بضحك حرق دمها بيكي بس مش اكتر
امنيه بضحك ماتمسكي مايك يا ياسمين يا حبيبتي مش كده قولتلها هنقول بين بعض خلاص
حسام فضل يضحك فاكملت امنيه بضحك ما كله منك بطل تضحك وتستفزني
حسام بضحك خلاص خلاص اتكتمت
زينب بضحك هبقى اعرف منك بقى هاا
امنيه بحب ماشي ياروحي
منصور بابتسامه طب بما اننا اتعرفنا فاحنا جايين نطلب ايد الانسه امنيه لابننا واللي تطلبوا تحت امركم
محمد بحب الامر لله مش عايز اكتر من انه يعيشها مبسوطه ومرتاحه دي بلدنيا
حسام بحب في عيوني والله يا ابو امنيه
محمد بحب تسلم عينيك يا ابني وانا من اول يوم شوفتك فيه عارف انك ابن حلال وهتتقي الله فيها
معتز بحب وشقته في بيتنا واقفه بس على التوضيب ودي على حسب رأي العروسه
وفضلوا يتكلموا في تفاصيل الشقه والعفش والقايمه وكل ما هو معروف بيه في تفاصيل الزواج ولما اتفقوا الستات زغرطت ورجعوا الاغاني تاني وصحاب امنيه كانوا بيحاولوا يخلوها تقوم ترقص بس حسام كان بيبصلها فماكنتش بتقوم
ونرمين كانت قاعده مخنوقه اوي وقلبها واجعها وبتقاوم احساسها علشاان حسام ميحسش بحاجه ويزعل
عايده بستغراب مالك يا نرمين ماتقومي تسقفي وتهيصي لابنك الناس كلها ملمومه بتفرح وانتي قاعده في ايه ماكنتي ملهوفه على اي فرحه بيهم حصل ايه
نرمين بدموع ونغزه في قلبها : معرفش يا عايده حاسه مش قادره اخد نفسي والدنيا ضايقه بيا وقلبي قايد نار مش مرتاحه
عايده بدهشه من ايه بس دي البت زي السكر
نرمين وهي حاطه ايديها على قلبها اكملت مش امنيه وحسام خالص انا مش مطمنه على سيف يا عايده حاسه ابني فيه حاجه
عايده طبطبت عليها واكملت بحزن ياحبيبتي ده علشان انتي يا حبه عيني مفقتده وجوده انما سيف زي الفل دي طبيعته يقفل الفون
نرمين بدموع لالا يا عايده انا ام وبقولك ابني مش كويس ده انا قلبي قايد نار وعيطت واكملت استرها يارب ويطلع احساسي غلط
عايده طبطبت عليها واكملت بحزن اهدي الناس هتاخد بالها ميصحش يقولوا ايه انشاء الله هيطمنك يا حبيبتي عليه يارب ادعيله
نرمين بدموع يارب يارب بجد ارجوك
معتز بقلق مالك يا نرمين
عايده بتوتر مفيش يا معتز مالها فرحانه ان شايفه ابنها عريس مفيش حاجه
معتز تنهد بارتياح واكمل يا شيخه والله خضتيني وحط ايديه على كتافها واكمل بحب تعالي بس سقفي وافرحي لابنك بدل العياط ده
ومشي بيها
عايده بحزن ربنا يطمنك عليه يارب ويحميك يا سيف
مازن استغل ان الدنيا وش من الاغاني وقف جمب ياسمين وهمس ده انا هطلع عين اهلك انهارده
ياسمين اتصدمت وفتحت عينينها جامد وبصتله واكملت ليه عملت ايه
مازن لا يااا شيخه متعرفيش يعني طيب يا ياسمين عموما كلامنا مش هنااا علشان متعصبش عليكي وحد ياخد باله
ياسمين مازن في ايه بجد
مازن قولت مش هنا خلااص
يونس كان قاعد مضايق شويه فخرج في الطرقه واتنفس بصوت عالي وبص للسما لان امنيه اخر دور
صافيه خرجت وراه واكملت بحزن هتفضل لحد امتى بتنسحب من وسطنا وتفضل لوحدك كده
يونس معلش يا تيته سبيني على راحتي وادخلي علشان حسام ميزعلش
صافيه بحزن طب تعالى معايا هو مش اخوك بردو
يونس بحب اخويا طبعا شويه وجاي سبيني معلش
صافيه بحزن ربنا يهدي وجع قلبك يانورعيني ودخلت
يونس بص للسما واكمل بوجع طب ايه هفضل لحد امتى كده يارب هفضل لحد امتى شايل الوجع والهم ده هرتاح امتى ?? ارجوك يارب يا تمحيها من قلبي يا تعدل الحال انما انا فعلا مش قادر اتعايش وتنهد بوجع واكمل ياريتك هنا يا امي كنتي اكتر حد يفهم وجعي انما دلوقتي انا ساكت ومش قادر حتى اعبر عن مشاعري بس حقيقي شايف الشاعر عمرو حسن بيوصفني اوي لما قال
(( انا بتعاقب ليه على حبك دي حاجه الواحد مختارهاش ...ملعون ابو قلبي اللي ندالك واختار من دنيته وادالك .. ملعون تركيزي في تفاصيلك والظن اللي بيجي في بالك.... ده انا اكبر احلامي وجودك والنبي شوفتي غباء في غبائي ؟؟ ... اكبر احلامي افتح عيني على حضورك .... يا اخي ده ابوه الحب اللي يخلي حضورك كل آمالي ))
سمعته نور لانها كانت خارجه ترمي علب الجاتو في الباسكت فاكملت بدموع مكنتش اعرف انك بتحبها اوي كده انا شكلي فعلا معرفش حاجات كتير
اتفاجئ يونس انها سمعته فبصلها واكمل بابتسامه حزينه لا ده كلكم مش انتي بس
ورايح يدخل مسكت ايده واكملت ممكن تقولي وانا اكلمهالك ممكن اساعدك انا حاسه انك بتكدب علينا وهي متجوزتش ولا حاجه وفي حاجه تانيه غامضه اوي
يونس ابتسم على كلامها لان ابتدت تعقل واكمل هسالك سؤال يا نور
نور اتفضل سمعاك
يونس بابتسامه انتي كلامك صح بس ده سر ليكي انتي محدش يعرف بيه المهم بقى السؤال هو تفتكري لما يكون راجل متعلم ومتخرج ودكتور وناضج وجاهز كمان بيحب كل الحب ده لبنت تفتكري انه هيحتاج لأي وسيط علشان يجمعه بلبنت اللي بيحبها
نور اكيد لا هياخدها هو غصب عن اي حد وهيتحرك انت بجد بتشعقها بس انت حتى محاولتش
يونس بتنهيده لان مش كل الناس ينفع يتحاول معاهم اوقات المحاوله مش هتفيد بأي حاجه
نور بستغراب اومال ازاي بتحبها طلما مش عايز تحاول
يونس بابتسامه لان في ناس يا نور لازم تفضلي تحبيهم من بعيد لان القرب مش بايديكي وممكن يأذيكي فبنختار اننا نبعد علشان نفضل محافظين على شكلهم اللي عرفناه وحبناه من غير مايتغير
نور بدموع وحزن انت بجد زعلتني عليك يا ابيه طب ولو اتجوزت بجد
يونس ضحك بوجع واكمل الف مبروك هعمل ايه يعني
نور بصدمه بتهزر بجد هتسيبها
يونس بوجع هي مش معايا دلوقتي خلاص اصلا هي بعييد اوي انما لو كانت جمبي وحبتني ربع حبي ليها وبايدي اعمل حاجه كنت مسكت فيها بس في بينا الف حاجه وحاجه تمنعنا نجتمع وجدك ولا ابويا كمان مستحيل يوافقوا الوضع اصعب من ما تتخيلي بجد
نور بحزن طب وسبتوا بعض ليه
يونس غمض عينيه بوجع واكمل ممكن مجاوبش
نور بحزن انت وعدتني انك هتحكيلي
يونس اه هحكيلك كل حاجه بس فاكر اني قولتلك لما استعد ولا ايه
نور بابتسامه يبقى اتفقنا هستناك بس هتحكي
يونس بضحك هحكي يا زقرده يلا بقى ادخلي علشان حسام ميزعلش
نور بابتسامه حاضر
ودخلت لقيت قاسم واقف في وشها فابتسمت واكملت ايه يحبيبي كنت رايح فين
قاسم بحده لا متحركتش من مكاني محبتش اقطع الكلام اللي اكيد مهم اللي كنتي بتحكي فيه مع يونس
نور بضيق انت هتغير من يونس تااني بتهززر بجد
قاسم بحده نور خلصي واسكتي علشاان منكدش عليكي قدام الناس
نور قاسم متكبرش الموضوع ابيه كان بيحكي معايا عن حاجه شخصيه جدا في حياته وانت عارف انا بنسباله ايه وهو عندي ايه
قاسم بحده وانا 100 اقولك متنيلتش قولت عكس كده يونس اخويا وواثق فيه وفيكي بس قدري مشاااعر اهللي شووويه مش كده مش كل اما عيني تغيب ابص مره في حضنه ومره واقفه معاه تتكلموا دي بقيت حاجه تقرف
نور بحزن قاسم انا مقصدش اضايقك او اخليك تغير حقك عليا
قاسم بضيق خلاص يا نور مش وقته علشان الناس بعدين الرغي ده
نور بحزن بطل بواخه بقى مش بحبك تزعل مني اي لف يو
قاسم ابتسم من شكلها واكمل اي لف يو تو بس مش متصالح بردو
نور بضحك يا قاسم بطل بواخه وضربته في كتفه
قاسم بضحك مبهزرش رديت عليكي علشان مشاعرك بس متهونيش عليا انما مش مصالح
نور بضحك والله انت بارد
وسمعوا صوت الناس بتقول انهم هيبلسوا الشبكه فاتقدموا لقدام وبلفعل سميه خدتها من صافيه وزغرطت بفرح وورتها لقرايبها وبعدين مدتها قدام حسام وامنيه
وحسام مسك الدبله وابتسم بحب ومسك ايديها ولبسها وفوقها المحبس والاسوره والخاتم واكمل لسميه لبسيها الكوليه
وبلفعل سميه لبسته ليها
امنيه بفرح وحب حقيقي تحفه بردو كلفت نفسك وجبت منهم فعلا ده اكتر واحد عجبني بس مقولتش
حسام بضحك طب الحمدلله سمسم طلع عندها حق في اختيارها وبعدين الغالي يرخص لعيونك يا منون
امنيه ابتسمت بفرح واكملت بجد ربنا يديمك ليا وتابعت وهي بتمسك الدبله جيه دوري بقى ومسكت ايديه ولبستها وكلهم سقفوا وحسام بصلها وابتسم بفرح واكمل احلى تدبيسه في الحياه
والناس كانت بتصورهم فاكملت امنيه بضحك ده انا هوريك التدبيسه صح بس اصبر
حسام بضحك انا عايز اشوف
امنيه بضحك ماشي ماشي اصبر على رزقك
وفضلوا يتصوروا صور حلوه اوي وزينب اتصورت معاهم واكملت بفرح مبروك يانورعين زوزااا
حسام بحب الله يبارك فيكي ياروح قلبي وباس جبينها
زينب حضنت امنيه وباركتلها واكملت بحب عقبال ماتنورينا في بيت الرفاعي يارب
امنيه بحب يارب يا حبيبتي ونفرح بيكي
نرمين حضنته واكملت بحب مبروك يا قلب امك وعقبال الفرح
حسام بستغراب الله يبارك فيكي بس مالك فيكي ايه
نرمين بتوتر ها مفيش يا حبيبي ده الضغط بس وطي شويه
حسام بحب طب ارتاحي شويه يحبيبتي
نرمين حضنت امنيه وباركتلها واكملت بحب مبروك يحبيبتي زي القمر بجد
امنيه ابتسمت بحب واكملت والله دي عيونك يا ماما تسلميلي يا غاليه
وكلهم فضلوا يسلموا عليهم ويصوروا فيهم
ورقم غريب رن على زينب فاستغربت وطلعت برا الوش ده واكملت الو
المجهول الو
زينب بستغراب مين معايا
المجهول بضحك يعني استنيتك كتير تجاوبي بس فضلتي ساكته قولت اشوفك انا يمكن احرك العطله من عندي اصل انا عرفت مين العطله
زينب بستغراب اي الكلام ده هتقول مين ولا اقفل
المجهول بضحك لا حيلك حيلك هقولك انا واحد اتحداكي تحدي وانتي وافقتيه وكل ما اسال جدك ايه الدنيا يقولي رافضه مردتش بغير كده فقرصت ودنك قولت ممكن تفهمي ان انا مش سهل وكل شئ متاح في الحب والحرب فا فكينا فرامل العربيه بتاعت حبيب القلب
بس ان الاميره زينب تتعظ وتعرف مين بينافسها ابدااا بردو مصممه
زينب اتصدمت بشده من كلامه وقلبها واجعها واكملت بتقطع آ سر