رواية الخزلان
الفصل السابع7
بقلم نوسه حمد
طبعا لبست نقاب عشان م عايزه محمد اعرفني من اول يوم. عثمان قال لي احسن شي اتنقبي عشان انا م نفسي زول يشوفك وكنت مبسوطه شديد اني اتزوجتو م عشان انتقم رغم انو دا هدفي بس حبيتو شديد اكتر انسان دلعني وحسسني اني انسانه قيمني شديد م حسسني انو راجل مره وهو زاتو كان مبسوط شديد كان بقول لي نوسه انا لو وصلت الكعبه بسجد سجده شكر انو اتزوجتك من اول يوم شفتك فيهو اتمنيتك زوجه لي والحمد لله ربنا وفقني واكرمني بيك ووعد ي نوسه م اقصر منك وتكوني انتي كل دنيتي ام اولادي اصلا ليها سنين قاعده معاي عشان الاولاد وم مطلقها فلو حبت انو يوم ليك ويوم عليها انا م عندي مانع بس لو واصلت في انها رافضاني ح اكون ليك بس من غير م اشعر قلت ليهو يوم شنو ويوم شنو قال لي انا بمشي بالشرع معاكم بعد كنت مبسوطه صريت ليهو وشي قال لي الجميل مالو قلت ليهو ماف حاجه وقبلت منو قال لي نوسه شوفي من الان عاوزاك تكوني صريحه معاي م تقولي لي ماف شي قلت ليهو بدلع انا م عاوزاك تمشي مني لاول مره ضماني عليهو وقال لي نوسه انتي بتغيري علي وكنت مواصله في دلعي قلت ليهو عشان خاطري م تمشي ليها قال لي نوسه حبيبتي انا لو علي م أفوتك ولا دقيقه بس كمان الشرع م بقول كده قلت ليهو وبدون وعي انا مالي ومال الشرع انا دايراك انت قعد اضحك قال لي دا الحب والدلع والغيره النفسي فيها قال لي وعد ي نوسه متي م تحتاجيني تلقيني جنبك قلت ليهو طيب انا اقعد براي ف البيت كيف قال لي نوسه احتمال مرتي تصر علي قرارها وترفضني كزوج لو حصل كده اكيد انا بمش ليهم الصباح اودي ليهم احتياجاتهم وبفطر معاهم وانتي بخليك نايمه في نومك بجي من المدرسه العصر قلت ليهو ي رب مرتك تقول ليك م دايراك وطلقني قعد اضحك قال لي نوسه انتي ح تكرهيها هي واولادي ولا ح تعتبريهم زي اولادك قلت ليهو لا م ح اكرهم والله لانهم مهما كان هم اولادك قال لي بس دا العاوزو منك تعتبريهم زي اولادك قلت ليهو ان شاءالله بي قلبي قلت ليهو الا محمد لاني بكرهو موت ونستنا دي كلها ونحنا في الطياره حسيت بتعب وارهاق رقدت وحسيت بنعاس ودقستا ف نومه عثمان صحاني قال لي نوسه انتي تعبانه خليني انومك في حضني م اتكلمت معاهو ضماني عليهو وانا نومتا نومه لمن حلمت بمحمد بشاكل فيني وكلم ابوهو بالحقيقه قومتا مخلوعه عثمان بقا يهدي فيني قال لي بسم الله حبيبتي مالك قلت ليهو كابوس بقا يقرا لي واقول لي معليش حبيبتي انا جنبك حنان الدنيا كلو فيهو واكتشفت فارق السن الكبير الراجل بعتبرك م زوجتو وبس بعتبرك بتو وبدلعك دلع لو كنت مع ولد صغير م ح يدلعني ليهو بخاف علي شديد
وصلنا المطار ومحمد كان منتظرنا هناك وانا قلبي ادق وبقيت متوتره عثمان حسا بي قال لي مالك قلت ليهو خايفه من رده فعل ولدك قال لي نوسه محمد دا البتحديد م ح يزعل بالعكس ح ينبسط شديد لانو طوالي بقول لي ابوي النعرس ليك وانا الكنت رافض عشان كده م تركزي قلت ليهو طيب قال لي اها ح تفتحي وشك قلت ليهو لا طبعا قال لي دا ولدي وزي ولدك قلت ليهو لا قال لي م ح اضغط عليك خليك بي راحتك وانتي زاتك م انصاريه قلت ليهو اي بس دايره احترم النقاب اللابساهو وم اخلي راجل يشوفني قال لي تمام
عثمان جاب ليهو شريحة واتصل علي محمد وهو كان ورانا جا سلم علينا وكان مندهش قال لي ابوهو دي منو قال ليهو دي زوجتي التانيه قال ليهو متين اتزوجت م شاء الله مبروك وامي عرفت قال ليهو دايرها تعرف قبل اعرس عشان م الم في عرس وقعدو اضحكو محمد قال لي مبروك ي
عروس بصوت واطي قلت ليهو الله يبارك فيك قال لي ابوهو اسمها منو مرتك قال ليهو نسيبه حسيتو انخلع بس شكلو استبعدني وم ركزت معاهو مشينا ركبنا العربيه ولقيناهو حاجز لينا في فندق 🏨 نزلنا فيهو ومشا جاب لينا حاجات وودعنا وفات سبحان الله حسيت نفسي بكرهو وم طايقه اعاين ليهو في وشو كاني م حبيتو في يوم من الايام
تاني يوم مشينا عمرنا واخدت لي صوره كتيره وانا ماسكه في عثمان جنب الكعبه عشان لمن ارجع السودان انزلهن ف الفيس واغير حالتي لمتزوجه عشان امغس محمد
وعديت اجمل شهر في حياتي وكنت حريصه جدا اني م اكتر كلامي قدام محمد ولا افتح وشي وهو زاتو كان مشغول بجينا مرات مرات وجا ودعنا لمن مسافرين والرعب الكنت فيهو راح وكلم محمد انو م يكلم امو الا نصل البيت وتشوفنا ونختها امام الامر الواقع
ورجعنا السودان وعثمان اتصل علي زوجتو قال ليها جهزي الاكل انا معاي ضيوف قلت ليهو يعني م ح ننزل في بيتنا قال لي لا ح ننزل في بيتي عشان م تسمع عرسي وتعمل لي مشكله قلت ليهو طيب انا انتهيت من رعبي المع محمد وجاني رعب من مرتو الاولي قلت انا هسي مالي تاعبه نفسي ومعرسه راجل مره بس لمن اتزكر حنيتو علي بقول الحمد لله اني عرستو
بعد ساعات وصلنا البيت وطبعا م شاءالله بيتهم سمح شديد من بره يفتح النفس مسكني من يدي ودخلنا لقيناهم كلهم منتظرننا ف الصاله ومن مسكه يدو لي عرفو اني مرتو ومرتو من شافتني وقال ليها دي مرتي التانيه بقت تكورك وتجوط ودايره تمد يدها علي بس اولادها مسكوها وانا بقيت منططه عيوني م اتوقعت ح اتخت في موقف زي دا وقبلت علي انا قالت لي يا صايعه يا هامله يا خطافت الرجال وتفت لي في وشي وكانت هايجه شديد لمت فينا الجيران كلهم وطردتنا من بيتها ومنظرنا كان شين شديد وانا نهاي دموعي م وقفت