رواية الخزلان الفصل السادس عشر16بقلم نوسه حمد

 عثمان مدا لي التلفون وكان مشغل فيديو  شكلها بت خالتي صورتني لمن محمد جا  وم صورت غير لمن محمد قرب علي وداير يحضني وقال لي نوسه انا بحبك  انا قلت ليهو عثمان دقيقه افهمك انت م فاهم حاجه قال لي م فاهم حاجه وكل خيانتك لي قصاد عيني وقفل المكتب ودموعو عشره عشره انا لمن جاني هبوط بقيت م قادره اقيف قلت ليهو عثمان اقسم بالله العظيم انا م خاينه ولا خونتك ولا عمري فكرت اخونك من يوم حبيتك واتزوجتك قال لي نسيبه بطلي كذب انا من كلمه نسيبه عرفت انو خلاص عثمان قنع مني  قلت ليهو خليني بس اشرح ليك وافهمك قال  لي بصوت عالي تفهميني شنو تفهميني انو انتي خاينه وخونتيني مع ولدي مع ولدي ي نسيبه عارفه شنو يعني ولدي يعني كسرتي عيني قدامو انا بقيت م قادر اعاين ف عينو وانا جايب لي مرا خاينه وللاسف نفسها بتنفتح لي ولد راجلها ياخ كان تخونيني مع اي راجل غيرو بس ولدي ي نسيبه الشيطان م فكر فيها وانتي طالق ورقتك ح تصلك بعد الولاده وبعد اسمي لي الفي بطنك وم تخافي م ح اشيلهم منك ح اخليهم يتربو ف حضنك لغايه م تتزوجي انتي وبي ضحكه يأس قال لي بس الراجل م اكون محمد ولدي قلت ليهو عثمان اديني فرصه م تطلقني ساي اقسم بالله انا مظلومه دي ما الحقيقه انا مستعده احكي ليك اي شي بس ارح البيت قال لي انتي مجنونه ودفرني قربت اقع قال لي انا مجنون عشان اسمع قصه خيانه مرتي لي مع ولدي اطلعي بره وطردني من المكتب وانا منظري كان شين قدامو ماف زول شافني بس كونو انو عثمان يطردني منظر شين م اتوقعت ف يوم من الايام اني اكون م مقبوله ليهو وغلبني المكان البقبل عليهو ومشيت البيت وكلي يأس لاقيت البت الشغاله معاي ف وشي قالت لي فشنو قلت ليها ماف شي عثمان طلقني وانا ح ارجع بيتنا جيت اشيل شنطتي وبشكرك كتير م قصرتي معاي وطلعت دبلتي من يدي اديتا ليها قلت ليها م معاي قروش عشان اديك قروش الشهر بتاعك شيلي الدبله دي اصرفيها ولو ناقصات قروشك اعفي لي لو زايدات انا عافيه ليك قالت لي نسيبه دا كلام شنو انا مستحيل اعمل كده انتي اختي قبل اكون شغاله عندك اكفي انك عاملتيني زي اختك انا م بنسا ليك انك اعتبرتيني اخت وم حسستيني بي حوجتي وشغلي ف البيوت انا مستحيل اخليك ف ظروف زي دي واستهدي بالله ارقدي حبه اتفاهم معاك قلت ليها لا لا انا م برقد هنا انا كنت برقد هنا برتياح ع اساس انو دا بيتي وبيت اولادي بس انا مطلقه ماشه بيت ابوي م قادره وشلت ملابسي وطلعت البت مشت معاي وصلت البيت امي قالت لي سجمي مالك قلت ليها عثمان طلقني قالت لي سجمي سجمي مالو حكيت ليها بالحاصل لمن ختت يدها في راسها قالت لي بت اختي الفي راسها دايره تعملو لكن م بخليها تنول المراد ولبست التوب وطلعت انا حسيت بي وجع شديد رقدت ف السرير اتزكرت لمن اتألم حتي لو عثمان ما ف البيت بتصل عليهو وبخفف علي بالتلفون كنت عايشه ف نعيم اتحسدت عليهو شديد وغلبني البعملو واتندمتا اني دخلت اقرب الاقربين لي بيتي وصدقت مقوله الاقارب عقارب 🦂😭😭

 

 

 بت خالتي دمرتني وخربت بيتي وهي م عارفه الحقيقه ولا فكرت تسألني  بقيت في حاله لا يعلم بيها الا ربنا

مرت الايام وبت خالتي اتزوجها ولد خالي كان مغترب وجا اتزوجها شكلو امي خطبتها ليهو عشان تزحها من راجلي بس للاسف لحقت خربت علي قبل اي شيء 

بقيت افكر بكل السبل عشان اصل لي عثمان  بس م قدرت  وهو بقا م شغال بي رسلت ليهو كتير وطلبت منو اني عاوزه اتكلم معاهو كان برفض واتحول لي انسان تاني بعاملني بكل جديه وراحت حنيتو علي في لحظه 😭😭😭😭😭

ابوي مرض شديد بسبب الحاصل لي واكتر شي مزعلني انو ابوي م عارف الحقيقه وانا وامي م ح نقدر نقول شي لانو الحاصل م بتقال وابوي لو عرف الحقيقه بمرض اكتر واحتمال انجلط ولا يموت امي بقت مع ابوي من دكتور لي دكتور انا بقيت تقيله الحركه غالباني كل يوم بمر علي ببداهو بي بكا وبنتهيهو بي بكا وعرفت انو محمد قعد في بيتي بعد انا جيت اهلي واكتر حاجه اتندمت عليها كان اقعد لانو بيت اولادي بس ف لحظه حماقه ضيعت اي شي  وبت خالتي عرست وسافرت وف كل لحظه كنت بدعي عليها وكل م اسجد بدعي عليها خربت بيتي وم فهمت الحاصل  فكرت اني اصل لمحمد وارسل ليهو رسايل عشان افهمو الحاصل واترجاهو انو يفهم ابوهو القصه الكانت بيني وبينو مهما كان انا آمّ اولادو ح اكون شينه يشوفني خاينه وم كان عندي غرض اكتر قنعت من اي شي واتحسدتا من اقرب الاقربين لي 😭😭😭😭

فتحت الفيس حقي ورسلت لمحمد رسايل  قلت ليهو ارجع لي محتاجه ليك  فجأه جاني اتصال من رقم غريب قلت دا محمد ورديت عليهو لقيتا دي مرتو قالت لي اسمعي هنا اوعك تتصلي علي راجلي انتي دمرتينا كلنا م بتخجلي معرسه ابوهو وحاباهو هو انتي شيطان والله م انسانه قلت ليها انا م خاينه ولا ح اكون خاينه  قالت لي شنو م خاينه اقسم بالله انتي تستاهلي الرجم عديل انا شفت محادثتك الكلها غزل وحب وصورك الماليه تلفون راجلي انا كنت واثقه فيهو م قاعده افتش وراهو بس فتشت وعرفت خيانتك يا فاجره وم تتصلي هنا وانا شايفه الفي بطنك ديل تحاولي تنزليهم عشان م يسمعو قصص مؤلمه وقفلت الخط ف وشي

          الفصل الخامس عشر من هنا