رواية مظاهر خداعه
الفصل الرابع4
بقلم جمانه السعيدي
رشا....بقيت واكفه كباله وساكته
مبينه من منضري كلش غبيه وما مصدكه
راسا ابتسم ابتسامه تخبل ابتسامه بيها تعجب
ماجد...هاي شبيج
رشا....لا العفو ما بيه شي
ماجد...تكدرين تتفضلين اخذي رقمي من السكرتيره
واذا اهلج ماعدهم مانع
اتصلي عليه حتى نحدد موعد
رشا.. اريد امشي من كدامه عبالك رجليه لزكن بلكاع
كوه حركت نفسي
وطلعت من الغرفه
مشيت اجيت اصعد الدرج وذكرت مااخذت رقم تليفونه
رجعت للسكرتيره
رشا....الرقم
...اي رقم
رشا...رقم استاذ ماجد
...انطتني كارت بي اسمه ورقمه
رجعت صعدت ودي اكمز مدري اهلهل مدري
مااعرف مشاعري تخربطت
فرح وتعجب اندهاش على صدمه انضربن بالخلاط وتعبن بعقلي بلحظه وحده
كعدت على الكرسي وسكتت
حتى مااعرف اشتغل عقلي توقف عند كلمته الاخيره
اذا اتقدملج توافقين
انتم متخيلين وياي مدير الشركه يريد يزوجني
يعني اني اصير زوجته
عاف كل البنات الي بلشركه والبنات الي عرفهن برا
وصل الهذا العمر ٣٥ مامزوج وهسه يريد يتقدملي
اكيد اني احلم
ليش اختارني مبينه غبيه وماعندي تجارب سابقه
ليش اني معقوله اني حلوه بعينه الهلدرجه
جمانه السعيدي
اني يرادلي احد يحجي وياي بصوت عالي لو يضربني راشدي قوي
حتى استوعب
واصدك
من خلص الدوام وطلعت لكيته منتضرني برا
ماجد....اوصلج
رشا...لا العفو استاذ
ماجد....شنو العفو اني منتضرج يله تعاي
مشا كدامي واني امشي مثل السلحفا ورا على كيف
التفت عليه اشرلي يله
صعدت بلسياره
ماجد...اخذتي رقمي
رشا...اي اخذته
ولله لو ما استحي جان كتله
تعال هسه اخطبني اصلا اهلي بس يشوفونك راح يصير عدهم عطل بلذاكره
كوه لزمت نفسي
من نزلت من السياره ابتسم
ماجد.... انتضر اتصالج
دخلت للبيت واني عيوني مايرمشن صدك جذب
جمانه السعيدي
امي...شبيج تحجين وياا نفسج
رشا....يريد يخطبني
امي... صلاوات منو
رشا...المدير
امي....مدير الشركه
رشا...اي وكال شوفي اهلج ورجعيلي خبر
امي....يااا صلوات بيها الخير خوش خبر هسه يجون اخوانج ونحجي وياهم
رشا...يمه اني ما مصدكه
امي...ليش مامصدكه انتي شنو ناقصج حلوه ومؤدبه
وبت ناس قابل هو يحصل وحده احسن منج
رشا....مو شغلت قلة ثقه بنفسي
بس هو واصل يكدر يحصل اي وحده يريدها
بت تاجر بت مسؤل وحده عايشه بلخارج
ووحده عدها شركات
اني صح حلوه وبت ناس بس مستواي هواي اقل من مستوا فرق السما عن الكاع اني ويااا
امي...كلشي قسمه ونصيب ايجوز هو قسمتج من رب العالمين
رشا....هم هذا شي ما يشيله العقل اني وياا حتى علاقة حب ماكو بينا واكول يحبني انعجب بيه
صح هو يعاملني بحترام ويعامل الكل بحترام
وماكو علي سمعه نسونجي
بس هم اني ما مصدكه ترا هو شاف بيتنا وشاف وضعنا
مرتين وصلني للبيت
امي...انتي ليش مكبره الشغله يايمه كولي يالله ياا مسهل
سهل أمري وقضي حاجتي واجعل هذا الإنسان من نصيبي
رشا....يارب يارب بارب انت ثقتي ورجائي اجعل ماجد
ابن مااعرف اسم امه
ماجد ابن حواء من قسمتي ونصيبي
امي.. يالله
اجو اخواني وامي دزت عليهم
امي...مدير الشركه يريد يخطب رشا
رضا...مدير الشركه المدير نفسه
امي...اي
حميد....تحجين صدك لو تشاقين خاف مساعد محاسب
امي...لا المدير ويريد موعد حتى يجي يتفق وياكم
حميد ...اهلا وسهلا
رضا...اكيد ما يحتاج نسئل عنه
حميد...ولك يا تسئل تكلك المدير خاف هو يعرف وضعنا ويبطل
رشا...لا يعرف وضعنا كلش زين
حميد...باجر خل يجي انت رضا رتب الصاله وطلع الغراض الزايده منها وين نستقبل الرجال حتى مكان بي حظ ماعدنا بيت زغير ومقسمينه عبالك بيت وخمس بيبان
رضا...بسيطه هسه نطلع الغراض منها
حميد... خل نتفق شنو المهر شكد الذهب
رشا...بكيفه هو ماعتقد راح يناقشكم بهيج أمور
حميد...تمام
جمانه السعيدي
رشا طلعت رقم تليفونه واتصلت علي طلع مشغول
تقريبا عشر دقايق ورجع اتصل عليه
رشا....الوووو
كبل كال هلو رشا شلونج
رشا...تمام
ماجد...هاا الاهل وافقو
رشا...اي الموعد باجر
ماجد...خلاص انتي باجر مجازه حضري نفسج للعقد
رشا...نعقد باجر
ماحد...ليش عندج مانع
رشا...لا ماعندي مانع
ماجد...تحبون اجيب ناس هواي لان اني اهلي بلخارج
لو اجيب كم صديق كافي
رشا....لا عادي حتلو كم واحد
الصراحه كنت محرجه خاف يجيب هواي ناس وهو اقاربه كلهم واصلين واحنا بيتنا مايساعد
ماجد...خلاص باجر بليل كلشي لا تخسرون اني راح ادزلكم كيك وعصير واذا تردين اي شي
اتصلي عليه واذا تردين حفله جبيره بمكان راقي ماعندي مانع
رشا...لا خليه للزواج هلمره حفله بسيطه
ماجد...تمام اتفقنا الف مبروك مقدما
رشا...الله يبارك بيك
ثاني يوم طلعت للصالون حتى ارتب شكلي اجرت فستان
لان مااكدر اشتري الفساتين غاليه
فستان اسود اكتافه مفتوحه ضيك وطويل طلع عليه يخبل
وشعري تسريحه مرتبه ومكياج طلعت وحده ثانيه
من رجعت من الصالون
لكيت كيكه جبيره تخبل عليها صورة عرسان
وداز كيك قطع وأربع انواع عصاير كلها من هاي الفاخره
جمانه السعيدي
مراح يموتن من الغيض بهاي المناسبه بس زوجات اخواني
شلون يخطبها مدير الشركه
شكد حظها كاعد منيين اجيب هذا الحظ
اجا بليل ماجد هو وياا اربعه من أصدقائه تقريبا نفس عمره
ووياا شيخ جايب محبس الماس للخطوبه وسيت ذهب كامل وعطر راقي هديه وساعه ذهب
اول اني عقدت بعدين هو من عقد كان فاتح بث هو واخوانه حتى يشوفون العقد مالته
دخل عليه لبسني الذهب باسني براسي وكال الف مبروك
لبسني الذهب والخاتم والساعه
بعدين طلع تليفون حديث انطاني
قطعنا الكيكه اكلنا اني ويااا
كعد شويه ويانا بعدين انطاني ضرف بي فلوس
كال هذا المهر واي شي تحتاجينه اني حاضر
بس اتصلي عليه
وبعد لاتجين للشركه اعتبري نفسج مجازه
رشا...تمام
طلع واني كلي فخر هذا زوجي
احس نفسي طايره سابع سما وين البخت جان ضامه اليه
بديت اجهز نفسي اشتريت كلشي راقي بنفسي
مكياج كله ماركات الجنط الاحذيه الملابس شي للطلعه
وشي للنوم وشي تراكات
كريمات عنايه للشعر والجسم
اشتريت شغلات عمري ماشايفته ولا اعرفها
الوحيده الي اتصلت تباركي من الشركه هي علياء
وابواحمد بس البقيه محد كلف نفسه يتصل يباركلي
اكيد مصدومين من خبر الخطوبه
جمانه السعيدي
كل يوم اتصل ب ماجد لو هو يتصل يطمن عليه
لو يسئلني شنو محتاجه
لو استشيره بشي اشتريته
الكلام بينا كان عن تفاصيل الزواج
بس كلام غزل وحب وشتياق ماكووو
كنت عاذرته اكول مشغول بلشغل ليش اخلق مشاكل
من البدايه
اريد اكون خفيفه ومريحه بلنسبه اله
لان اعرف ضغط الشغل الي علي اكيد مو فارغ بعد يغازلني كنت اقنع نفسي بهذا الكلام
ومنطيته الف عذر مااريد اخرب على نفسي من البدايه
اني ماصدكت خطبني
اشتريت ملابس راقيه الإخواني وزوجاتهم واطفالهم
مااريد يطلعون اقل من احد بلعرس
ذوله اهلي لازم اتباها بيهم
الحمد لله فلوس المهر خير من الله
كملت تجهيز كلشي وانطيته خبر حتى يحجز القاعه
طبعا فستان العرس إخوانه دزو من الخارج
ما شايفه هيج فستان بكل عمري
والحذاء متناسقه ويااا وجنطه زغيره عليها نفس تفاصيل
البدله
حجزلي بارقى صالون بغداد طلعت وحده ثانيه
اني ماعرفت نفسي
هو يعتبر نفسه انسان معروف وكل الناس الي عزمها للعرس ناس واصله ومعروفه
لازم يطلع بااحلى شكل وعرسه يكون احلى عرس
وخاصه هو اتأخر يله قرر يزوج
فعلاةعرس مثالي وماكو مثله حتى بلاحلام
الزفه كانت زفه ملكيه
هذا الي يسمو عرس العمر