رواية مظاهر خداعه
الفصل الخامس5
بقلم جمانه السعيدي
رشا....بعد الحفله طلعنا للبيت بسيارة ماجد
وصلنا البيت كلش حلو وجبير
انفتح الباب واحد يشتغل بليت مسؤل عن الخدمات بلبيت
دخلنا السياره جوا
ابو آدم.. مبروك استاذ ماجد
ماجد...الله يبارك بيك هاك المفتاح اخذ السياره للكراج
طبعا الكراج داخل البيت بس صاير على جه والحديقه على الجهه الثانيه
دخلنا اني ويااا طلعت وحده عمرها تقرببا ٤٠ ام ايه
هاي تشتغل داخل البيت
ام ايه...مبروك استاذ ماجد
ماجد..الله يبارك بيج
ام ايه...مبروك ست رشا
رشا...شكرا الله يبارك بيج
البيت من جوه تحفه اخر شياكه وجمال وتناسق
صعدنا الغرفتنا فوك
دخلنا للغرفه تخبل غرفة النوم رزان مصري
تحفه
والعطر بيها شي رهيب
ماجد... خل ناخذ صوره داخل الغرفه اريد ادزها الاخواني
وكفنا اني وياا واخذنا صوره
هو خال ايده على كتفي واني خاله ايدي على صدره
ماجد...اساعدج تغيرين ملابسج
رشا...بس افتح البدله واني اكمل وحدي
فتح السحاب اني بقيت لازمه البدله من صدرها
ماجد...راح اسبح بلحمام الي جوه وانتي اذا تردين هنا
هذا حمام موجود بلممر
رشا...تمام
نزل ماجد واني نزعت البدله علكته وأخذت ثوب نوم طويل ودخلت للحمام غسلت جسمي بس لان شعري
مشسور مااريده يخرب من المي
طلعت فتحت شعري وخليت عطر
صعد ماجد لابس روب حمام بيده صينيه الاكل
ماجد...يله نتعشى لان جعت
رشا....مالي نفس على الاكل
ماجد...لا لازم تاكلين حتلو شي قليل
سوالي لفه دجاج شوي اخذته واكلت وهو هم كعد ياكل
من كملنا اجت ام ايه اخذت باقي الاكل
دخلنا الغرفه اني ويااا
ماجد...خوما تعبانه
رشا....يعني شويه
فتح الميز طلع بطل زغير شرب منه ورجعه
اني ماعرفت شنو هذا بس الريحه الي بماجد خلتني
اعرف هذا مشروب كحولي
مرت اليله بينا بسلام كان تعامله وياي هادء
حسيت عنده تجارب سابقه لان كان كلش هادء
هو راسا بس خلص نام واني ماكدرت انام
اخذت ملابسي ودخلت للحمام
بس شغله وحده ضوجتني لان شفته يشرب
بعدين اتوقعت لان اليله عرسه ايجوز حتى يتخطى التوتر
واني هم مااكدر اكعد اناقشه بهيج شغله ليلة عرسنا
ثاني يوم للضهر يله كعدنا من النوم
هو دخل للحمام واني نزلت جوا لكيت ام ايه محضره
الاكل كعدنا نسولف اني وياها على الطبخ
منا لمن نزل كعدنا ناكل سوا
بعد الاكل طلع لابتوب وكعد يشتغل
واني صعدت رتبت غرفتنا
جمانه السعيدي
بليل اجو اهلي
يشوفوني
ماجد سلم عليهم وطلع
ماجد...من رخصتكم اني عندي شغله مهمه نص ساعه وارجع طلع وعافني وحدي
حسيت بلاحراج من اهلي المفروض هو يكعد يتعرف عليهم ويرحب بيهم
حاولت اغطي على الموضوع
بس اهلي مازعلو منه ابد
طلعو اهلي وهو بعدا ماراجع
رجع الساعه ١٢ بليل رجع
اني كنت مبدله ومحضره نفسي
بس هو دخل للحمام سبح وبدل
وكال تصبحين على خير
عافني ونام
رغم احنا طول النهار ماكعدنا نص ساعه سوا
هو لازم تليفونه ويحجي
خلص اني هم تعبانه ونمت اليوم الي بعدا طلع للشغل
كعدت لكيته طالع
اتصلت علي كال اني طلعت للشغل
بقيت انتضره منا لمن رجع العصر حتى مااكلت
كلت بس يجي ناكل سوا
بدلت وتمكيجت وتعطرت ونتضرته
بس وصل اني قربت علي بسته بخده
رشا...اشتاقيتلك
ماجد...اني هم
رشا...مااكلت منتضرتك
ماجد..اني تغديت مااريد اي شي
رشا...بس اني منتضرتك
ماجد...اريد ادخل اسبح تعبان
دخل للحمام وطلع اجا تليفون كان كل كلامه
هلو حبيبي اي جايك على موعدنا
بدل وتعطر
رشا...ووين
ماجد....هذا صديقي جاي من امريكا ورايح اشوفه
طلع وعافني
جمانه السعيدي
رشا...استغفر الله ولاوعبالك عرسان
رجعت اصبر نفسي واكول اني كنت اعرف هو رجل اعمال ومشغول كل الوقت ليش زعلانه
اكيد عند اعمال مشغول بيها
بس ليش يرد على صديقه كله حبيبي
رجع بليل متاخر
رشا...منتضرتك
ماجد...اكو شي
رشا...لاماكو شي مايصير انتضرتك
ماجد....لا يصير
رشا...مشتاقتلك اعرف عندك اعمال مهمه بس لا تنسى احنا عرسان
ماجد....تعودي على هذا الوضع لان اني على طول مشغول
راسا رن التليفون اني اخذته وكتله لاترد
ماجد...شلون ماارد خل اشوف منو
رشا..اني شفت مكتوب مهند
ماجد...هاا منو باوع هنودي لا يكون تغارين
رشا...وليش مااغار مثلا واني اشوفك مشغول عني كل الوقت
ماجد...هلو هنودي شوف زوجتي تغار هاك سلم عليه
رشا..خله التليفون على اذني
رشا...هلو
مهند..اهلا وسهلا شلونج مبروك الف مبروك
رشا... الله يبارك بيك
مهند....لا تحرمينا من ماجد ترا احنا مانكدر بدونه
رشا...انشاء الله
اخذ التليفون ماجد وطلع برا
صار عندي شك خاف هذا لغز ببنهم اكو وحده بحياة ماجد ومهند هو الي يتصل بيها
حتى يحدد الموعد الي يلتقون بي
بعدين استغفرت ربي
خلص مكالمه واجا شرب من هذا السم ونام
ترا الوضع مو طبيعي مستحيل يكون هذا حال العرسان
كل الوقت هو مشغول عني
ومن يرجع ينام
حتلو كان عندا شركه وإعمال بس اني مجاي احس نفسي زوجته
ياربي مااريد الشيطان يلعب بعقلي اني بعمري مجنت
احلم بهيج حياة
ليش اخلي الشكوك ادمر حياتي
خل اصبر واشوف شنو النهايه وياا ماجد
فات اول شهر بعد زواجنا وهو على نفس الحال
خلال هذا الشهر ماقرب عليه غير مرتين
من يشوفني ضايجه حيل ويعرف نفسه غلطان
يحاول يقرب عليه حتى يراضيني
اتصلت بنهال اسئله هي مزوجه قبلي واكيد عدها خبره
رشا...شلونج صحتج احوالج ليش ماوتسئلين
نهال....ولج ذوله متعبيني لان واحد على الثاني
خرب متت ولج لا تحبلين اتونسي بلاول
اشبعي نوم اشبعي حب
اسبح ماامشط شعري مالحك
رشا...الله يكون بعونج
نهال...انتي شلونج العرس شلونه ماجد شلونه وياج
رشا...الحمد لله اكلج اريد اسئلج
نهال...اي كولي
رشا... ماجد كل الوقت مشغول وحتى العلاقه مومهم عندا
لو بلشغل لو وياا جماعته هذا الشي طبيعي
نهال...اكيد طبيعي ترا هو عندا شغل ومتعود على حياته
القديمه وماصار شهر من ازوجتو
انطي مجال يتعود عليج ليش تخربين على نفسج
رشا....ولج مايحس بمشاعري اني كلش احبه ومتعلقه بي
بس هو ما يحبني
مزوج علمود المجتمع لا بكولن ليش وصل الهذا العمر وما مزوج
يعني روتين اجتماعي راح اتخبل من الاهمال
بعدنا عرسان وهيج بعدين شلون
نهال...اصبري علي لو هو يتعود عليج لو انتي تتعودين على اسلوب حياته
ماجد خوش انسان ليش اضيعي من ايدج
ترا الناس كلها حاستدج على وضعج
رشا...ما تشوفين اني مو سعيده الناس كلها عينه عليه
الله يستر
جمانه السعيدي
الشهر الثاني نفس الشي اني جاي احس بلملل
طول النهار بلبيت
وهو مشغول عني والتليفون ماينزل من ايده
اكثر من مره من يشوفني اشك بي
راسا يكول هذا صديقي فلان هاج سلمي علي
اخذ التليفون فعلا ولد ويسلم عليه
مره صرت عصبيه وهو يحجي بلتليفون
ماجد...هاج هذا مهند سلمي علي
رشا...مااريد اسلم على احد أريدك تنتبهلي شويه
ماجد....مهند اليوم رشا زعلانه اني مراح اكدر اجي
نحجي وقت ثاني اني وياك
حتى الموعد الغي مراح اكدر اجي قفل التليفون
والتفت عليه
ماجد ...شتريدين بلضبط الغي حياتي علمودج
رشا...اني مجاي احس بطعم الحياة وياك انت كل الوقت مشغول عندك أصدقائك اهم مني
اني تعبت واني انتضر منك كلمه حلوه
ماجد...انتي تعرفين هاي حياتي من البدايه
رشا...حياتك الشغل داخل الشركه
بس من توصل للبيت اريد من وقتك شويه
ماجد...انتي ناقصج شي محتاجه شي كاعده بيت شكبره
وخدم وحشم وكلشي تطلبي يصير
رشا...الحياة مو خدم وحشم وبيت الحياة حب لهفه
اشتياق
ماجد...باعي اني اختاريتج لان حسيت انتي عاقله
وتفتهمين وراح تقدرين وضعي وتتحملين
والا اني كنت عايش حياتي بلطول والعرض ليش ازوج واجيب النفسي دوخت الراس
رشا....بس هم لازم تكول هاي المسكينه شنو ذنبه تنتضرني كل النهار واني من اجي اكون مشغول عنها
ماجد....تعودي على وضعي هذا لان اني ما مستعد اغير حياتي علمودج
رشا...زعلت ورحت نمت الضاهر اني عمت عيني الفلوس والمنصب
بس ماكنت مقدره هذا الوضع لا اني مزوجه ولا مامزوجه
ياربي المفروض واحد وصل الهذا العمر بدون زواج
يكون عندا لهفه على الزواج
هذا انسان موطبيعي عايفني مثل المزهريه بحياته
كدام الناس هو مزوج
وزوجته حلوه وصاينته هاي هي
الوجه الاجتماعي كمل
اني مو مهم مشاعري مو مهمه زعلانه راضيه
اجا يصالحني ماقبلت عافني ونام
ثاني يوم كعدت مالكيته اتصلت بي
رشا...اني راح اروح الاهلي من تطلع من الشغل
مر عليه ارجع وياك
رحت خلصت النهار وياا اهلي
زوجة حميد....اكلج رشا شتاكلون
رشا...عادي يعني اكل حالنا حال الناس
....شنو حالكم حال الناس احنا اللحمه والدجاجه
نطبخ شويه شويه لازم الاكل مكوم عدكم
والحلويات والكرزات
زوجت رضا....اكلج هاي الخدامه كلشي تسوي
يعني انتي كلشي ما تسوين كاعده وساكته
رشا..هذا شغله متعوده علي وتأخذ علي أجور
زوجت رضا....جاشماله حظنا لا بيت بي حظ لا خدم وحشم
كمت من يمهن ورجعت يم امي
امي الوحيده الي كانت حاسه اني ضايجه مو سعيده
امي...ليش هيج ضايجه
رشا....لا ما ضايجه
امي...اني اعرفج زين انتي ضايجه
رشا....ماجد مو فارغ لي كل الوقت مشغول
امي....عندا شغل المفروض تفرحين جاي يشتغل علمودج
رشا....ماعنده وقت اليه من يرجع من الشغل يطلع الجماعته
كبل يرجع تعبان ينام
امي...ليش ما ترجعين للشغل
رشا....اي اني يرادلي ارجع للشغل حتى التهي شويه
امي...الله يهديج
رشا...الي قهرني قبل ماله شغل بلنسوان وهسه مااشوف
اي خيانه منه بس أصدقائه ماخذين كل وقته
مجاي يكدر يبتعد عنهم وينتبهلي
.امي....ارجعي للشغل حتى لاتركزين على تصرفاته
اذا تبقين هيج تتخبلين
رشا....خل اشوف يقبل يرجعني للشغل لان اذا ابقى هيج اتخبل شوفي شكد اني عايشه بخير
بس مو سعيده ابد قبل من جنت اشتغل حياتي احلى
امي...الله يهدي اللج بلكت تحبلين ويبطل سوالفه
رشا...منيين احبل هو حتى العلاقه مايريدها
شارد مني