رواية همسات معذبة الفصل الحادي والعشرون21والثاني والعشرون22 بقلم فاطمة الزهراء
عاد لمصر مره أخرى اتجه فى البداية لرؤية والده وبعد ذلك ذهب للنادي وجدها أمامه تجلس غير منتبه لما يدور حولها كأنها تفكر فى أمر ما بدأ يقترب بهدوء ليقف أمامها ظنت أنها تحلم فى البداية ولكن حرك الكرسي وجلس أمامها ظلت صامته بعض الوقت
ياسين :
ـ مش هتقوليلى أقعد يا ملك أنا جاي من لندن علشانك
ملك بحرج وتوتر من الصدمه :
ـ أه أه أه طبعاً اتفضل اقعد حمدالله على السلامه
ياسين :
ـ طمنيني أخبارك ايه
ملك :
ـ كويسه الحمدلله و إنت
ياسين :
ـ أنا بقيت كويس لما شوفتك
ملك بخجل ومحاوله تغيير الموضوع :
ـ غريبه يعني نزلت مصر ما إنت كنت رافض تنزل و لا جاي لوالدك وراجع تانى
ياسين :
ـ أنا جيت ليكي و مضطر ارجع تاني انتى عارفه انى مسؤول عن الشركة هناك بس فى حاله واحده ممكن أفكر فيها استقر فى مصر
ملك بتعجب :
ـ جاي ليا مش فاهمه معني كلامك !! أيه هي الحاله اللى ممكن بسببها تستقر هنا
ياسين :
ـ أيوه يا ملك رجعت علشانك و الحالة اللى ممكن استقر فيها هنا انى اتجوز البنت اللى بحبها
ملك بتردد :
ـ ومين هي البنت دي !!
ياسين :
ـ انتى يا ملك يعني السنين اللى قضتيها فى لندن ملاحظتيش حبى لكى و لا إعجابي بكى
ملك بخجل وفرحه :
ـ لاحظت بس كنت خايفه أكون بتوهم و أكون بالنسبة لك صديقه و بس
ياسين :
ـ عاوز أعرف شعورك أيه ناحيتي
ملك بخجل :
ـ نفس شعورك
ياسين بغيره وعصبيه :
ـ ولما بتحبيني ازاى وافقتي تربتطي بمالك يا أنسه مش عارف اسيطر يعني عليكي
ملك بضحك :
ـ مش لايق عليك العصبيه على فكره ثم إنى ماوافقتش ارتبط بغيرك ده كان مجرد إتفاق علشان الظروف اللى كنا فيها أظن عندك علم بيها
ياسين ممثلاً الجديه :
ـ اسمعيني يا أنسه حالياً وزوجتي مستقبلاً ممنوع تقعدي مع شباب لوحدك حتى أخوكي وكمان مش عاوز حد يعرف عن علاقتنا الفترة دى مؤقتاً
ملك بصدمة :
ـ إنت بتتكلم بجد ياسين !! وليد أخويا هاه مقعدش معاه ازاى يعنى هنبدأ الغيره من دلوقتى و ليه مش عايز حد يعرف عن علاقتنا
ياسين بجدية :
ـ انتى شايفه الحالة اللى عمى يونس بيمر بها و كمان خلافه مع والدك مستني كل ده يخلص ووقتها هخـ..ـطفك و مفيش أى شخص هيعرف عنك أى معلومه و آه بتكلم بجد عن أخوكى وكفاية كلام عنه علشان عاوز أضـ.ربه بسبب إيلاف
ملك :
ـ تخـ.طفني ومحدش يعرف عنى أي معلومه !! لا ده انت مجنون بجد مستحيل تتغير يا ياسين ..... وحاضر مش هعرف حد و لا حتى وليد و بالنسبة لوليد ف هو كان مجبور زيي بالظبط والله هو بيحب ايلاف و تعبان من بعدها ده هيتجنن عليها أرجوك يا ياسين اتكلم معاها و خليها تسامحه و تكلمه و ترجع له علشان خاطرى
ياسين بمرح و مشاكسه :
ـ لازم نعاقبه الأول ويعتذر منها بطريقة مناسبة و أفكر إذا كانت تسامحه و لا لأ .. عندك اعتراض على جناني يا سنيوريتا
ملك بخجل وغيره :
ـ لأ طبعا ده اكتر حاجه بحبها فيك هى جنانك ده لذيذ كده ..... و بعدين انت مالك ومالهم يا استاذ تفكر ولا ماتفكرش هما أحرار مع بعض إنت ماتفكرش غير فيا أنا و بس مفهوم
ياسين بسعادة بسبب غيرتها :
ـ انتى بتغيري صح اعترفي ومش هعرف حد وبعدين أنا بفكر فيكي بس يا سنيوريتا وبعدين إيلاف زى أختى هاه أختى
ملك بغيره :
ـ أختك لا يا أستاذ أنا و بس ماليش دعوه مفهوم و آه بغير عليك أي عندك اعتراض
ياسين :
ـ لا طبعاً مفيش اعتراض المهم انا جاي يومين بس عاوز أتكلم مع والدتك علشان مفيش أى شخص يفكر يقرب منك تاني و عاوز نقضي اليوم كله بكره سوا
ملك بتعجب :
ـ عايز تكلم ماما ليه مش قولت مش هتعرف حد دلوقتى وبعدين اطمن محدش هيقرب خلاص و اللى يقرب هرجعه و بالنسبة إننا نقضي بكره سوا فهفكر و أبقى أرد عليك
ياسين بجدية :
ـ زيادة تأكيد علشان أكون مطمئن و أنا هناك .. تفكرى فى أيه يا آنسه طيب ارفضي كده علشان أخطـ.ـفك معايا على لندن
ملك :
ـ ماشي يا مجنون أطمن براحتك وبعدين تخـ.طف مين .. أهدي شويه و طمني على إيفا عامله ايه وحالتها أيه بعد اللى حصل ده
ياسين بمرح :
ـ يعني بقت أحسن من الأول مفتقداكي جدا ايوه هخطـ.فك عندك اعتراض
ملك بضحك :
ـ لأ طبعاً معنديش اعتراض ارتحت كده المهم أنا عايزه اكلمها و اطمئن عليها بنفسي أعطيني رقمها الجديد لأنها قافله القديم
ياسين بغيره :
ـ و تكلميها ليه كلميني أنا و بس انسى إيلاف و الكل وا نتى معايا ممكن
ملك :
ـ عايزه بس اطمن عليها دى وحشانى اوى طيب هات رقمها و أبقى اكلمها لما أروح و بعدين ما أنا معاك اهو
ياسين :
ـ تمام هعطيكي رقمها بعدين المهم احكيلي قضيتي الفترة اللى فاتت ازاى
ملك بحزن ودموع :
ـ كانت فترة صعبه أوى عليا يا ياسين كنت مصدومه و مقهوره من اللى حصل ومن بابا مش قادره اصدق إنه ازاى عمل كده فى ماما و فيا أنا و وليد ازاى ممكن الراجل يقدر يأذي اللى بيحبهم أو اللى المفروض بيحبهم طيب ازاى قدر يأذينا إحنا أولاده وازاى قدر يعمل كده فى إيفا انا بجد موجوعه اوى ومش قادره انسي
ياسين :
ـ أهدى أنا معاكى وانسى يا حبيبتي وأكيد كل شئ هيتحل
ملك بحزن :
ـ يارب اتمنى يا ياسين
ياسين :
ـ اطمنى انا معاكى ومش هتخلى عنك ابداً
ملك بحزن :
ـ ياسين
ياسين :
ـ أيه تاني يا ملك احكى
ملك بتردد :
ـ هو انت ممكن فى يوم تخوني و تتجوز عليا ممكن فى يوم تجرحني و تكسرني بلاش تعمل كده أنا بحبك يا ياسين ومش هقدر اتحمل كده أنا ممكن أموت فيها
ياسين بتعجب :
ـ بلاش جنان وتفكير فى أمور مستحيل تتم انتى واثقه فى حبى ولا لأ
ملك :
ـ أسفه بس غصب عني والله واكيد واثقه فى حبك بس اللى شوفته صعب اتمنى تفهمنى وماتزعلش منى
ياسين بتفهم لخوفها و قلقها :
ـ انتى شايفه انى الشخص اللى ممكن أفكر فى الحكايات دى ' ملك ' أنا عشت حياتي كلها فى لندن لو ده تفكيرى أكيد كنت دلوقتى مرتبط أو على علاقة ببنات كتير لكن أنا محبتش غير واحده بس
ملك :
ـ والواحده دى برده محبتش غيرك ولا هتحب غيرك يا ياسين
ياسين :
ـ يبقي بلاش تفكير فى اللى فات فكرى فى مستقبلنا بس قلتى أيه
ملك :
ـ حاضر .... هات الرقم بقى أحسن تنسي و يلا بينا علشان ماما بترن
ياسين :
ـ تمام يا حبيبتي الاول بلغيها انى عاوز أشوفها
ملك :
ـ ماشي استنى اكلمها و أقولها و أشوف لو تقابلها ف البيت ولا بره
ياسين :
ـ طيب كلميها ولو هتقدر تيجي هنا تمام بس الافضل المقابله تكون فى البيت
ملك :
ـ ماشي استنى اكلمها و أرد عليك
قامت ملك بالرد على والدتها و أخبرتها أنها قادمة برفقة ياسين تعجبت لأنها تعلم أنه فى لندن وقررت الإنتظار لمعرفة سبب وجوده فى مصر وطلبه لقائها وصلوا و استقبلتهم بابتسامة
نهلة :
ـ أهلاً يا ياسين أهلا ياحبيبي اتفضل حمدالله على السلامه
ياسين :
ـ الله يسلمك يا طنط أخبارك أيه
نهلة :
ـ الحمدلله يا حبيبي انت عامل ايه و والدك أخباره أيه و غاده و البنات وحشوني اوى طمني عليهم
ملك :
ـ ماما هى تيته فين !!
نهلة :
ـ فى أوضتها ياحبيبتي ادخلي قوليلها ياسين هنا
ملك :
ـ حاضر عن اذنكم
ياسين :
ـ كلنا كويسين اطمنى اخبار تيته ماجدة أيه أكيد نسيتني
نهلة :
ـ لأ خالص بالعكس دى تعرفك من كلام البنات عنك
ياسين بجدية :
ـ طنط بصراحة كنت عاوز أتكلم معاكي فى موضوع مهم
نهلة بهدوء وترقب لحديثه :
ـ أتكلم يا حبيبي قول
ماجدة :
ـ ياسين أخيرا شوفتك آخر مره كنت فى إعدادى قبل ما تسافر
ياسين وهو يسلم عليها :
ـ تيته وحشتيني طمنيني عليكى
ـ ليكمل حديثه بجدية :
ـ بصراحه يا جماعه و بدون أى مقدمات أنا بحب ملك و عاوز أتجوزها
نهلة بصدمه :
ـ نعم إنت بتقول ايه يا ياسين
ياسين :
ـ أيه يا طنط بقول بحب ' ملك ' وعاوز أتقدم لها
نهلة :
ـ ملك اعملى حاجه ل ' ياسين ' يشربها
ملك :
ـ حاضر يا ماما عن اذنكم
نهلة بعد مغادرة ملك :
ـ ياسين إنت عارف إلى بنمر بيه أظن طلبك دلوقتى صعب لأن انا مقدرش اخد قرار زى ده لوحدى
ياسين :
ـ طنط أنا بس عاوز موافقتك ولا حضرتك رافضه بسبب عمى ' يونس ' صح أنا حبيت اتكلم معاكى بس الأول لغاية الخلافات اللى بين والد ملك وعمى ' يونس ' تتحل
نهلة :
ـ أيه اللى بتقوله ده وهرفض علشان ' يونس ' ليه انا بس علشان التوتر و الخلافات دى مش هقدر اكلم والدها دلوقتى و أبلغه بطلبك
ماجدة :
ـ ياسين فى الحالات اللى زى دى الأفضل كلامك يكون مع والدها أو أخوها لكن إحنا مش فى ايدينا حاجه فاهمني
ياسين بحزن وتردد :
ـ أنا بس كنت .. كنت
نهلة :
ـ بالظبط كده يا ' ياسين ' زى ما ماما بتقول انا لو عليا هسأل بنتى لو موافقه ف مش معترضة على طلبك لكن لازم طلبك يكون من والدها و أخوها
ملك بعد قدومها إليهم بالعصائر :
ـ ماما .. تيته ' ياسين ' بس عاوز ياخد موافقتكم وبعد كده هيتقدم لبابا و ' وليد ' اكيد هو بس نازل علشان خايف حد غيره يتقدم أو يحصل زي اللى حصل قبل كده
ياسين :
ـ حضرتك عارفه موقفهم فى الفترة دى أنا بس كنت عاوز حضرتك تكونى على علم بعلاقتنا علشان مش نكون بنعمل حاجه غلط أو فى السر
نهلة :
ـ ماشي يا ' ياسين ' بس أتمنى إنك تحافظ على بنتى و تخاف عليها لغاية لما تبقى علاقتكم رسمي فاهمنى
ماجدة :
ـ ياسين خطوتك دى أنا احترمتها جداً بس الأصول يا ابني ولو علينا صدقني مش هنلاقي أحسن منك لها
نهلة وهى تنظر لملك :
ـ و انتى يا انسه من امتى الكلام ده وليه ماعرفتنيش ايه آخر من يعلم انا لا ايه
ملك :
ـ ماما انا والله كنت هقولك ياسين لسه معترفلى بحبه النهارده وطلب يقابلك علشان يبلغكوا
نهلة :
ـ تمام يا ملك انتى و ياسين تخلص بس المشاكل دى ونشوف هنعمل ايه
ياسين متدخلا لكى لا يحدث توتر بين ' ملك' و والدتها :
ـ يا طنط أنا لسه متكلم معاها النهارده و طلبت منها أقابل حضرتك علشان أعرف رأيكم
نهلة :
ـ و الوقتي عرفت رأينا يا ' ياسين ' زى ما ماما قالت انا مش هلاقى لبنتى أحسن منك أهم شيء عندى إنك تحافظ عليها و تشيلها فى عينيك بس الأصول أصول يا ابنى تخلص المشاكل دى و كل حاجه ترجع أحسن من الاول وبعدين تاخد خطوه رسمى لوالدها و أخوها
ياسين :
ـ أكيد طبعاً أول العلاقات ما ترجع زى الأول وقتها هاتقدم لها بشكل رسمى
نهلة :
ـ ماشي يا بنى ربنا يسهل ويتممها على خير ونخلص من المشاكل دى على خير
ياسين :
ـ بإذن الله كنت عاوز استأذن من حضرتك ملك تقضي معايا اليوم بكره قبل السفر
نهلة بقلق وهدوء :
ـ مع أنه صعب بس انا واثقه فيك خلى بالك منها ومش تتأخروا
ياسين بمرح :
ـ اطمنى حضرتك هو ممكن أفكر اخطـ.فها معايا على لندن بس علشان وافقتى هتراجع
نهلة بضحك :
ـ شكلك مجنون فعلا زي ما بيقولوا
ياسين ممثلاً البراءة :
ـ أنا أنا برئ جداً هما ظالميني
نهلة :
ـ انت هتقولي ما واضح
قضوا اليوم معاً وفى اليوم التالي ذهبوا معاً لقضاء يوم مميز بهم اتجهوا فى الصباح للنادي و بعد ذلك ذهبوا للقاء والده رغم خجلها و توترها لكن وجود ' ياسين ' جعلها مطمئنه قليلاً رحب بها والده كثيراً و اكتشفت أنه يمتلك شخصية مرحه مثل ياسين .. اتجهوا لرؤية الخيول بعد ذلك ليقفز على أحدهم وحملها بيده أمامه كانت تشعر بالخجل والخوف من أن تسقط على الأرض وكان والده يشاهدهم من بعيد ليبدأ الخيل بالسير ببطء ولكن شَد السياج ليبدأ بالركض لتنظر للطريق والهواء يحرك شعرها ظلوا هكذا بعض الوقت ليعودوا بعد ذلك لتناول الغذاء معاً ليغادروا بعد ذلك وقام ' ياسين ' بتوصليها للمنزل و عاد لوالده لأنه سيعود للندن اليوم التالي قام ' راشد ' بالاتصال ب ' يونس ' وأخبره ببعض المعلومات الخاصة ب ' جابر ' ليخبره أنه سيعود غداً
❈-❈-❈
فى لندن كان وجود' يونس ' هذان اليومان سبب فى سعادتهم ليطلب من ' إيلاف ' أن تساعده فى الحجز على أحد البواخر ليقوم بعمل حفلة لزوجته بمناسبة عيد زواجهم الذى لم يستطيعوا الإحتفال به بسبب ما حدث معهم فى مصر حينها لتطلب منه أن يكون الإحتفال خاص بهم رغم رفضه لأنه كان يريد مشاركتهم جميعاً و لكن اعترضت و أخبرته أنه من الأفضل أن يكونوا وحدهم لأنه سيعود فى اليوم التالي وهى بحاجه شديدة إليه .. بالفعل استطاعت الحجز حاولت ' غادة ' إقناعهم بالذهاب معهم ولكن رفضوا و اعتذروا بسبب إنشغالهم ليذهبوا نظرت بتعجب وسعادة لليخت لقد كان مزين بطريقة تجذب أى شخص للإعجاب به صعدوا معا وكان يشاهد سعادتها و ابتسامتها التى تجعله ينسى العالم فى حضورها
غادة بسعادة وهى تضمه :
ـ يونس !!
يونس وهو يقبل رأسها :
ـ أيه رأيك فى المفاجأة دى
غادة بحب :
ـ حلوه اوي ياحبيبي بقالى كتير مافرحتش كده و الأحلى وجودك جنبى و معايا
يونس :
ـ كنت مجهز مفاجأة لعيد جوازنا لكن للأسف قررت أستعين ب ' إيلاف ' تساعدني أهم حاجه عندى سعادتك
غادة بسعاده :
ـ حبيبي ربنا يخليك ليا إنت و البنات
يونس وهو يقبل يديها :
ـ ويخليكي ليا يا أحلى حاجه فى حياتى كلها
غادة بحب :
ـ وإنت أجمل وأغلى حاجه ف دنيتى معاك عرفت يعني ايه حب
يونس وهو يضع الخاتم فى إصبعها ويقبل يدها بحب :
ـ كل سنه وانتي حبيبتي كل سنه وانتي احلى حاجه فى حياتي كلها و توأم الروح
غادة بدموع وفرحه :
ـ الله حلو اوي اوي يا ' يونس ' ده ليا
يونس بحب :
ـ أكيد طبعا لأجمل وأحلى واحده فى حياتي كلها
غادة بسعادة :
ـ بحبك اوى يا ' يونس ' إنت حب عمرى كله انا بجد اسعد انسانه فى الكون علشان ربنا رزقني بأحن واجمل راجل فى الدنيا دى
يونس :
ـ وأنا محبتش غيرك انتى الشمس اللى بتنور ليا يومي و كل حياتي والقمر اللى بيحلى معاه السهر
جلسوا معاً يتناولوا الطعاهم فى هدوء وسعادة
غادة بتمنى :
ـ تعرف نفسى المشاكل دى كلها تخلص و اجوز البنات واطمئن عليهم و نهرب سوا لوحدنا وبس
يونس :
ـ نطمئن عليهم بس و هنسافر سوا إجازة لوحدنا
غادة بحماس :
ـ عايزه شهر عسل جديد عايزه اسافر وألف الدنيا معاك نفسي نجدد حياتنا من الاول تانى
يونس :
ـ أكيد طبعا هنروح أى مكان تحبيه اطلبى والتنفيذ عليا يا روحي
غادة بتفكير :
ـ نبقي نشوف وقتها يا حبيبي
يونس :
ـ تحبي نرجع ولا نتمشى شوية فى شوارع لندن
غادة :
ـ لأ خلينا نرجع شكلك تعبان نبقى نتمشي لما نيجي تانى لوحدنا
يونس بمكر وغمزه :
ـ كويس يلا بينا بقى علشان انتى وحشتيني اوي اوي ياحبيبتي
غادة بخجل :
ـ يلا بينا ياحبيبي
قرر أن يسيروا معاً فى شوارع لندن ليأخذوا تذكارات لهم ليعودوا فى وقت متأخر ليناموا سريعاً بسبب إرهاقهم فى الصباح استيقظوا و تناولوا الإفطار فى هدوء ليتجه ' يونس ' للشركة برفقة ' إيلاف '
❈-❈-❈
قبل سفر ' ياسين ' قرر أولاً لقاء ملك كى يودعها اتجه للمنزل و استقبلته ' نهلة ' لتخبر ' ملك ' أن تخرج لرؤيته وجدها تقترب منه وهى حزينة بسبب سفره ولكن لن تستطيع منعه جلست جواره صامته عدة دقائق ليرفع ' ياسين ' وجهها بين يده وينظر فى عينها
ياسين :
ـ حبيبتي ممكن تضحكي مش عاوز أسافر و انتى زعلانه
ملك بحزن :
ـ مش قادره يا ياسين غصب عني والله صعب عليا بُعدك عنى الفتره دى كلها إنت مسافر ومش عارفه هتيجي امتى ولا أشوفك تانى ازاى
ياسين :
ـ صدقيني أول ما تنتهي كل الصراعات دى هنكون سوا مسألة وقت بس وكل فترة هكون هنا علشانك
ملك بعتاب لقد أرادت أن يظلوا معاً عدة أيام :
ـ طيب هو انت ماينفعش تقعد كمان يومين و تسافر يومين بس يا ياسين
ياسين :
ـ لو بايدي أكيد كنت هقعد أكتر من كده و انتى عارفه طيب عندي اقتراح مش عارف والدتك هتوافق عليه أو لأ
ملك بسعادة :
ـ إقتراح ايه ده !!
ياسين :
ـ تيجي معايا لندن و تكوني مع إيلاف وكيان
ملك :
ـ حلو أوي الإقتراح ده بس صعب ماما توافق
ياسين :
ـ ممكن أتكلم معاها أو أتواصل مع طنط غادة تقنعها
ملك :
ـ ياريت يا ياسين بس بلاش انت هترفض على طول ممكن طنط ' غاده ' تكلمها وتقولها أنها محتاجه انى أسافر أقعد معاهم علشان ' إيلاف ' محتاجانى وهى فعلا محتاجانى وأنا عاوزه أكون جنبها و ادعمها
ياسين :
ـ معني كده هسافر و أكلمها أو أكلمها الوقتي لو وافقت نسافر سوا
ملك :
ـ طيب شوف دلوقتى كلم طنط غاده و خليها تكلمها لو وافقت نسافر سوا ولو رفضت يبقى هحاول أقنعها واسافر بعدك
قام ياسين بالإتصال ب ' غادة ' و طلب مساعدتها لتخبره أنها ستتحدث معها فى البداية كانت ' نهلة ' معترضة بسبب خوفها من زوجها أن يغضب بسبب سفر ابنته بدون علمه حاولت معها عدة مرات لتوعدها أنها ستكون بأمان معهم ورغم ترددها لتوافق بعد أن أخبرت ' ماجدة ' لتعد ' ملك ' حقيبتها بسعادة شديدة وغادرت مع ' ياسين ' متجهين للمطار كانت الرحلة هادئة و مرحه ولم تسطيع التحكم فى غضبها حين كانوا يأتوا المضيفات للتحدث مع ' ياسين ' ولكنه كان يطمئنها بابتسامة وصلوا ليجدوا السيارة فى انتظارهم رغم خجلها من رد فعل الجميع بعد رؤيتها خاصة ' كيان ' ولكن أخبرها ' ياسين ' أن كل شئ سيكون بخير وصلوا ليجدوا الجميع بانتظارهم استقبلوهم فى سعادة وكان هناك بعض التحفظ من ' كيان ' ليطلب يونس من ياسين أن يذهب إليه فى الشركة ليذهب إليه وهو يهتف ببعض الكلمات الغير مفهومة صعدت ' ملك ' لغرفتها لترتاح من السفر على أن تتحدث معهم لاحقاً
وصل ياسين في الشركة وذهب إلى مكتب يونس قابله وجلس يمزح معه لفترة وبدأ يتحدث معه عن العمل وماذا سيفعلون ؟؟
يونس بمزاح :
ـ أخر شئ توقعته ترجع وملك معاك يا روميو بالسرعه دى كده
ياسين بمشاكسه :
ـ عيب عليك يا عمى هو انت مش واثق فى قدراتى ولا ايه لولا الظروف كنت أتجوزتها فى مصر كمان
يونس بضحك :
ـ مجنون وتعملها يا ياسين المهم اتصالحتوا يعني ولا لسه
ياسين :
ـ مش بقولك مش واثق فى قدراتى طبعا اتصالحنا وقضينا أحلى يومين مع بعض وهنكمل هنا
يونس :
ـ تكمل ايه يا مجنون انت أهدى هاه وإلا هعرف وليد وقتها تنساها وياتري والدك غير موقفه منها ولا ايه
ياسين بغيظ :
ـ إنت بتهددنى ب ' وليد ' ولا ايه يبقى يعمل حاجه علشان اخليه ينسي ايلاف وبالنسبة لبابا ف اطمن غير موقفه وجدا كمان لدرجة أنه كان قاعد يهزر معاها الأستاذ ونسي انى موجود
يونس بضحك على غيرة ياسين من والده :
ـ أنا قلتلك لازم يتقابلوا ويحكم بنفسه المهم عديت أول المواجهات لسه الأخيرة بالنسبة ل ' وليد ' بقى عاوزه يندم أكيد فاهمني
ياسين :
ـ ماتقلقش هندمه عالاخر بس هو أيده تقيله والله لو فكر يعمل حاجه هو حر هطلعه فى أخته أنا عريس وعايز اتجوز هاه
يونس بجدية :
ـ إيلاف و ملك معاك نتكلم فى الجد بقي علشان أسافر وأنا مطمئن
ياسين :
ـ تمام في جديد ولا ايه
يونس بجدية :
ـ وصلنا معلومات إن جابر شغال مع شركات هنا خاصة بالسلاح عاوز تجمع معلومات عنهم و تتأكد من نشاطهم .. أنا قولت ل ' إيلاف ' إسم شركتين بس علشان تهدى و بصراحه إنت عارف إنها ممكن تعرض حياتها للخطـ.ـر عاوز تتابع معاها و هقولك باقي الشركات تعرف عنها ' ياسين ' بهدوء هاه مش علشان نخلص منه تعرضوا حياتكم لأى خطـ.ر و خليك معاها خطوة بخطوة
ياسين بجديه :
ـ ماتقلقش ياعمى هكون حذر جدا وانا بجمعلك المعلومات دى وبالنسبة لإيلاف اطمن هخليها بعيد تمام عن أي خطر
يونس :
ـ البنات مسؤوليتك وفى حمايتك و أى قلق بلغني هتلاقيني موجود عندك مضطر أرجع النهارده
ياسين :
ـ إن شاء الله مش هيحصل قلق اطمن توصل بالسلامه ابقى بلغنى بكل جديد
يونس :
ـ أكيد أطمن محتاج حاجه ولا أسافر وأنا مطمئن
ياسين بمرح :
ـ ياعمى ماتقلقش انت سايب طفل صغير يعنى البنات في قلبى قبل عنيا لا تقلق
يونس :
ـ قلبك أه خاصة ملك مش صح بلاش جنان هاه وإلا هلغي الموضوع
ياسين :
ـ طيب بقولك ايه ما تخليك جدع وتجوزها ليا وتسافر وأنا اجبلك المعلومات كلها فى خلال أسبوع وتاخد بناتك القمر دول و مراتك وتسيبونى معاها هنا أقولك انسونا خالص ايه رأيك
يونس :
ـ ياسين أهدى هاه ولا تحب أعرف طارق باللى عملته واساعده يرفض الجوازه
ياسين بغيظ :
ـ قلبك ابيض انا بقول تلحق تسلم عليهم وتسافر تكمل حربك تسلم يا عمى
يونس :
ـ مش ناوى توصلني ولا ايه
ياسين :
ـ لأ علشان تبقى تهددنى تانى بأبوها وأخوها يا اللى المفروض عمى
يونس :
ـ قدامي يا أستاذ يلا وبلاش هزار
ياسين بضحك :
ـ والله قلبى الطيب ده هو إلى جايبنى ورا يلا هتنازل و اوصلك
يونس بحده مصطنعه :
ـ الكلام ده ليا يعني
ياسين :
ـ لأ ياكبير ده ليا هو انا اقدر يا بوص ... هتوحشنى والله ياعمى خلى بالك من نفسك كويس
يونس :
ـ يلا قدامي يا واد إنت هتأخر على السفر
ياسين :
ـ يلا بينا
اتجهوا للمنزل ليودعهم قبل سفره رغم حزنهم لكن وعدهم أن يعود إليهم مرة أخرى فى وقت لاحق ليغادر بعد ذلك .. كانت متجهة للقاء أحدهم وأثناء قيادتها السيارة وجدت سيارة تلاحقها وتحاول إيقافها لتشعر بالخوف لتضع يدها على الهاتف وتضغط بأيدي مرتجفه ولكن قبل أن تتحدث دارت السيارة حول نفسها لتصرخ بقوة وتصطدم السيارة بأحد الأعمدة
الفصل الثاني و العشرون
كان ياسين يحاول الاتصال بها و لكن لم يجد أى رد منها ليأخذ سيارته و يغادر للبحث عنها ظل يسير على الطريق و هو ينظر حوله ليجد سيارة محطمه اقترب منها ليجد حولها رجال الشرطة ليحدثهم بالإنجليزية بعد أن تأكد أن السيارة خاصة ب إيلاف
ياسين بقلق :
ـ ماذا حدث ؟ و أين الفتاة التى كانت تقود السيارة
الشرطي :
ـ لقد انتقلت الفتاة للمستشفى و الآن نقوم بفحص السيارة لنتأكد أنها لم تكن حادثة مقصوده
ياسين :
ـ حسناً أريد عنوان المستشفى للذهاب إليها فهى ابنة عمي و أريد الاطمئنان عليها
- What happened ? And where is the girl who was driving the car?
- The girl has been taken to the hospital and now we are examining the car to make sure it was not an accident
- Well, I want the address of the hospital to go to, as she is my cousin, and I want to check on her
اتجه ياسين بعد ذلك للمستشفى لرؤيتها بحث عنها ليتجه لغرفتها بعد ذلك كانت ساقها مغطاة بالجبس و وجهها ملئ بالكدمات اقترب منها بهدوء ليضع يده على يدها نظرت له بصمت و حزن تعلم أنها أخطأت و كانت النتيجة أنها ستفقد حياتها بسبب تهورها لم يتحدث معها
جلس حتى حضرت الطبيبة و أخبرته أنها بخير الآن لكن يجب ألّا تمشي في هذه الفترة حتى لا تشعر بالألم كتبت لها مغادرة و لكن يجب العودة في وقت لاحق لفحصها و الاطمئنان عليها ليأخذها و يغادروا المستشفى كان يقود السيارة و إيلاف تريد التحدث معه لكى لا يخبرهم بالحقيقة بعد عودتهم و أيضاً يونس
إيلاف بخجل :
ـ ياسين ممكن نتكلم بهدوء
لم ينظر لها لتهتف مرة أخري وكادت أن تبكي :
_ ياسين لو سمحت اسمعني أنا
ياسين بعصبية :
ـ أسمع أيه قوليلي فين اتفاقنا و لا حياتك مش مهمه عندك على الأقل فكرى فى أختك و عمى و طنط غادة
إيلاف :
ـ أنا بس كنت عايزه أجيب أي معلومه عنهم و اهو الحمد لله جبت معلومات كتير و مهمه كمان بس مكنتش أعرف إنهم مراقبينى كده و هيحاولوا يقتلوني
ياسين :
ـ اتفقنا نكون سوا خطوة بخطوة مش لوحدك متوقعة هيسكتوا بعد كده استني بقي اللى هنعيشه بسببهم الناس دول مفيش معاهم تفاهم القتل الحل الوحيد الى عندهم بدون تفكير
إيلاف بانفعال :
ـ إنت كنت عايزنى اعمل هاه عايزنى اقف اتفرج أه أنا غلطت لما اتصرفت من نفسي وعارفه أن ده هيجي بأذي بس ده حقي وحق اختى و هاخده و تار أمى و أبويا وباخده منه مكنتش أعرف إنهم مراقبينى كده وهيحاولوا يقتلوني
ياسين :
ـ مفكرتيش فى الناس اللى عاشوا حياتهم علشانك واللى ممكن يتعرضوا له نسيتي اللى أختك عاشته الفترة الأخيرة بسبب جابر و اللى الكل عاشه بسببه برده
إيلاف بغضب :
ـ و أنا اللى عيشت فيه عمرى كله ده أيه لأ يا ياسين أنا مش ناسيه بالعكس أنا فاكره كويس أوى و علشان كده بدفعه تمن اللى عمله و مش هرتاح قبل ما اشوفه فى السجن بياخد جزاءه
ياسين :
ـ إيلاف بلاش تهور لو سمحتي و إلا هضطر أبلغ عمي خافي على نفسك على الأقل
إيلاف :
ـ لأ بلاش تبلغ بابا ارجوك
ياسين :
ـ الملفات اللى معاكي هاتيها و مفيش خروج من الفيلا لوحدك مهما كان السبب
إيلاف بحزن :
ـ ماشي يا ياسين
ياسين :
ـ أتمنى تسمعي الكلام مش تقولي ماشي و أتفاجئ بعدين
إيلاف :
ـ خلاص يا ياسين أطمن المهم ماتبلغش ماما أو بابا أو أي حد عن اللى حصل ممكن
ياسين :
ـ للأسف مش هقدر أبلغهم لكن مره تانية أسف مش هسكت
إيلاف :
ـ أوعدك مش هتتكرر مره تانيه بس قولى هتعمل ايه بالملفات دى
ياسين بتنهيده :
ـ هبعت نسخه لعمي و التانية فى البنك لأنهم أكيد مش هيسكتوا
إيلاف بخوف عليهم :
ـ تفتكر ممكن يعملوا أيه أنا خايفه أوى أحسن يأذوا حد مننا
ياسين :
ـ توقعي منهم أى شئ أنا هزود الحراسة على الفيلا وممنوع تخرجوا لوحدكم
إيلاف :
ـ ماشي يا ياسين ربنا يستر يلا بينا نروح اكيد قلقانين علينا
ياسين :
ـ أتمنى مش اتفاجئ إنك عملتي كارثه جديدة
إيلاف :
ـ خلاص يا ياسين اطمن أوعدك مش هعمل حاجه تانيه و هبلغك بكل جديد تماما كده
ياسين :
ـ تمام بس هنقول لهم أيه لما يشوفوكي كده
إيلاف :
ـ عادى حادثة عاديه ما كنتش مركزه وخبطت فى عمود مثلا اتصرف يعني يا ياسين
ياسين بغيظ :
ـ طبعا اعملي المصيبة و اتصرف يا ياسين
قاد ياسين السيارة مرة أخرى وهو يفكر فى هذه الفتاة العنيدة التى ستعرض حياة الجميع للخطر .. كانت تفكر فيما حدث معها و حديث ياسين أيضاً طوال الطريق
❈-❈-❈
نزلت ملك لتجد الفيلا هادئة لتخرج للحديقة وجدت غادة تجلس برفقة كيان لتبتسم لها اقتربت منهم لتقف غادة و تخبرهم أنها ستجري مكالمة هاتفية لتتركهم يتحدثوا معا لينهوا هذه الحالة الذين يمرون بها
ملك :
ـ كيان
كيان :
ـ نعم يا ملك
ملك :
ـ ممكن اقعد معاكى ندردش شويه
كيان :
ـ أكيد طبعا اتفضلى
ملك :
ـ هو انتى زعلانه منى في حاجه
كيان :
ـ لأ هو انتى عملتي حاجه علشان أزعل منك
ملك :
ـ طيب ليه بتتجنبي التعامل معايا و حاسه إنك بتتعاملي بحذر شديد على فكرة مالك بالنسبه ليا مش زي ما انتى فهمتى اللى بينى وبينه كان مجرد اتفاق ليس إلا أنا ماحبتش ولا هحب غير المجنون اللى هنا ده
كيان :
ـ أنا عارفه يا ملك بس موجوعه من اللى عشته و إن أقرب الناس لكي يدمروكي بدل ما يكونوا الأمان والحماية لنا
ملك بحزن :
ـ عارفه و حاسه بكى ما أنا عشت الاحساس ده لما اكتشف خيانة والدى لوالدتي وإجباره لنا و تهديده علشان نسكت احساس صعب اوى بس بجد مالك بيحبك أوى وهينسيكى كل الى فات زي ما ياسين بيحبنى ومعاه هنسي كل الى عشته وشوفته الفتره الاخيره دى
كيان بحزن :
ـ أعتقد انا ومالك قصتنا منتهيه والده مستحيل يقبل علاقتنا والصدمة وقت عرفت الحقيقة لو إيلاف موجوعه مره أنا أكتر منها اللى مريت به فى حياتي مش سهل
ملك :
ـ عارفه ياحبيبتي إن اللى مريتي به مش سهل بس صدقيني مالك مش هيتخلي عنك و هيقف في وش الكل علشانك اهم شيء إنك تساعديه بحبك و ثقتك فيه حاربي معاه علشان نفسكوا اوعي تستسلمى ابدا وانا معاكى وايفا وكلنا وباذن الله هننسي كل اللى فات بحلوه و مُره طول ما إحنا مع بعض
كيان :
ـ الكلام سهل يا ملك كلنا بنتكلم وقت التنفيذ العقبات بتقف فى طريقنا ومهما نحاول نحل نلاقي مفاجأت جديدة والده هددنى قبل كده وقالها مستحيل نكون سوا عارفه رغم إن نيرة اتجوزت ريان ورغم كرهي له و لأهله لكن حتى بنته رفض يسمعها أو يعطيها فرصة تعتقدي هيوافق بعلاقتي ب مالك
ملك :
ـ مالك راجل مش طفل صغير يعني مش محتاج والده علشان يصرف عليكوا سواء تقبل أو لأ اكيد انتو مش هتعيشوا معاه يبقى مفيش عقبه لأن زي ما نيرة اتجوزت إلى بتحبه وسافرت مالك كمان هيتجوزك وتعيشوا بعيد عنه بلاش تشاؤم تفائلي ثقي ف ربنا أنه هيراضيكى و ثقي فى مالك و حبه لكى
كيان بوجع وخوف :
ـ علشان واثقه خايفه من الجاي ومش عارفه إذا كنا هنرجع مصر أو لأ
ملك بثقه :
ـ أكيد هنرجع بس المشاكل دى تتحل و هنرجع و نعيش ونبقى سوا شيلى الخوف ده خالص وعيشي حياتك أظن اللى تعافر العمر ده كله لوحدها دي مش ضعيفه بالعكس دى قويه وجدا كمان ولا ايه يا كوكي
كيان :
ـ أنا مش قوية و لا حاجه أنتم بتتكلموا من غير ما تعرفوا اللى مريت به و حياة الملجأ نفسي أكون بحلم و أرجع بنت صغيرة مستنية والدها ووالدتها يرجعوا و يطمنوها إنهم معاها انتى مش عارفه يعني ايه تعيشي من غير وجود أهلك معاكي
ملك :
ـ صدقيني انتى قويه اللى تتحمل كل ده و هى لسه واقفه على رجلها و محافظه على نفسها و برائتها زيك كده دى أقوي مما تتخيلى ومتاكده انك هتعدي اللى جاي كله ومالك هيساعدك تتخطى الى فات و زي ما قولتلك كلنا معاكى
أثناء حديثهم وجدوا ياسين قادم بالسيارة كانوا ينتظروا أن يتجه إليهم مباشرة و لكن وجدوه يفتح باب السيارة الأخر ليجدوه يحمل إيلاف صرخت كيان و ركضت إليهم لتلحق ملك بها
كيان بخوف :
ـ إيلاف فى أيه اتكلمي .. أتكلم إنت يا ياسين طيب
إيلاف :
ـ اهدي يا حبيبتي انا كويسه حادثه بسيطه بس والحمدلله عدت
ملك بغيره :
ـ وليه مش بلغتونا علشان نكون معاكم
ياسين وهو يحاول تهدأتهم :
ـ ممكن تهدوا هى كويسه بس محتاجة ترتاح ويلا ندخل وإلا هسيبها على الأرض
إيلاف بخوف :
ـ تسيب مين يا مجنون انت دخلني أوضتي يلا و اطمنوا ياجماعه أنا كويسه
ياسين :
ـ أيه يا جميل علشان تبقي تسمع الكلام تاني
كيان :
ـ بصراحه حقك لأنها عنيدة
ياسين :
ـ يلا ندخل طنط غادة فين مش هنا قولوا صح
إيلاف :
ـ بقى كده يا كيان و إنت يا أستاذ ماشي حسابي معاك بعدين
ملك بغيره :
ـ طنط فوق هروح انادي عليها
ياسين :
ـ تروحي فين يا ملك أهدى يا ماما أنا رأيي بلاش تشوفها النهارده
إيلاف :
ـ أيوه بلاش تنادي ماما هتقلق اوي عليا
ياسين :
ـ أختك شريرة يا كيان خلينا ساكتين وإلا ممكن تقول انى سبب الحادثة
ملك :
ـ خلاص تمام مش هبلغها سلامتك يا إيلاف ارتاحى دلوقتى تحبى اعملك حاجه
إيلاف :
ـ والله بقى كده طيب اي رأيكم أنه هو فعلا سبب الحادثه وكان عايز يموتني ... شكرا ياحبيبتي
كيان بمرح :
ـ طيب ادخلوا بسرعة طيب وبعدين نفكر فى حل هو بابا عرف
إيلاف :
ـ لأ بابا ماعرفش ومش عايزاه يعرف حاجه ممكن على الأقل دلوقتى
ياسين بصدمه :
ـ أيه كمان تحبي أقولهم الحقيقة
إيلاف وهى تضع يدها على فمه :
ـ اسكت يخربيت جنانك
ياسين :
ـ طيب ارتاحي الوقتي ونتكلم بعدين كيان حاولي تمنعي طنط غادة تشوفها بشكل البلياتشو ده
كيان بقلق :
ـ أنتم مخبين أيه احكوا أو هكلم بابا
إيلاف :
ـ لأ يا كيان بلاش تبلغي بابا بحاجة دلوقتى ارجوكي
ياسين :
ـ كيان اهدي انا معاكم بس ادخلي عند طنط غادة و حاولى تمنعيها تشوف إيلاف الوقتي هى أخدت مسكن و هتنام الوقتي
غادروا الغرفة بعد أن اطمئنوا عليها ليقفوا فى الخارج
لتهتف كيان :
ـ ماشي يا ياسين بس أنا برده عايزه افهم في ايه وانتو مخبين أيه
ياسين :
ـ أوعدك هحكيلك بعدين بس حالياً ضروري أرجع الشركة لو سمحتم مفيش واحده منكم تخرج بدون حرس أو لوحدها
كيان :
ـ حاضر يا ياسين هستناك تيجي تحكيلى واطمئن مش هنخرج
ياسين :
ـ تمام اشوفكم بعدين عاوزين حاجه تاني
ملك بعصبية :
ـ عاوزة نتكلم سوا شوية
كيان :
ـ لأ شكرا عن اذنكم هشوف ماما
ياسين :
ـ راجع يا ملك و هنتكلم محتاجين حاجه
ملك بغيرة :
ـ ماشي يا ياسين وماله هستناك أتمنى ماتتأخرش
كانت غادة تحدث يونس فى الهاتف لترى ياسين وهو يغادر بسيارته من نافذة غرفتها لتجد كيان تدق الباب وتدخل لها
غادة :
ـ هو ياسين و إيلاف رجعوا ولا ايه
كيان بتوتر :
ـ أه يا ماما رجعوا من شويه
غادة : راجعين بدرى ليه هما كويسين صح
كيان بهروب :
ـ أه ياحبيبتي كويسين اطمنى ياسين راح الشركه و إيلاف راجعه تعبانه نامت شوية علشان ترتاح
غادة بقلق :
ـ فى ايه يا كيان اتكلمى
كيان :
ـ مفيش يا ماما اطمنى
غادة :
ـ أول مره ترجع و مش تعرفني ولا تحكي ليا عن يومها
كيان :
ـ معلش أحسن رجعت تعبانه ف قالت تريح شويه وبعدين تجيلك
غادة :
ـ متأكده انك مش مخبيه عليا حاجه خليني اطمن عليها طيب
كيان وهى تمنعها من الذهاب :
ـ استنى بس يا ماما رايحه فين
غادة بقلق أكبر :
ـ اتكلمي وقولي الحقيقة ليه رافضه أشوفها في أيه
كيان بحزن :
ـ بصراحه إيلاف عملت حادثه و ياسين جابها و أخدت مسكن ونامت كنا مش عاوزين نعرفك علشان متقلقيش عليها
غادة بصدمه :
ـ نعم بتقولي أيه وكنتم ناوين تخبوا عليا صح تعالي أشوفها واطمئن عليها بنفسي هى كويسه صح كويسه
كيان :
ـ لأ والله ابدا بس خوفنا عليكى تشوفيها و هى كده وكمان هى أصرت على أننا نخبي حضرتك عارفه عندها و اطمنى هى كويسه والله
ذهبت غادة لرؤية إيلاف والاطمئنان عليها وجدتها نائمة تتألم بصمت لتضع يدها على رأسها لتنصدم حين رأتها بهذه الحالة
غادة بدموع :
ـ إيلاف حبيبتي انتى كويسه كده كنتى عاوزة تخبي عليا
إيلاف :
ـ ماما اهدي ياحبيبتي انا كويسه والله
غادة :
ـ ممكن أفهم ازاى ده تم ومين عمل فيكي كده
إيلاف :
ـ مفيش ياحبيبتي بس ماخدش بالى وانا بسوق ف خبطت ف عمود و الحمد لله عدت
غادة :
ـ مجنونه يا إيلاف من هنا ورايح مش هتسوقي تاني العربيه مهما كانت الظروف وحساب ياسين معايا علشان خبى عليا
إيلاف :
ـ حاضر يا ماما ممكن تهدى وياسين مالهوش علاقة انا الى طلبت منه
غادة ببكاء وهى تضمها بخوف من فقدانها :
ـ انتى عارفه لو اتاذيتي مش هقدر أتحمل إيلاف انتى بنتى أه مش أنا اللى منحتك الحياة لكن انتى بالنسبالي الحياة كلها بلاش توجعيني عليكي لو بتحبيني بجد
إيلاف بدموع وندم :
ـ حاضر يا حبيبتي أنا أسفه كنت انانيه و مفكرتش غير فى نفسي و تاري ونسيت اللى حواليا نسيت أن ممكن تتأذوا بسببي
غادة : لو بتحبيني بلاش تخوفيني عليكي بلاش أتوجع فيكي
إيلاف :
ـ حاضر يا ماما اطمنى والله ما هعمل حاجه تانيه اقلقكوا عليا فيها
غادة :
ـ ارتاحي الوقتي وهجهز لكي الأكل أخدتي علاج صح
إيلاف :
ـ اه اخدت ياحبيبتي اطمنى
غادة :
ـ طيب نامي ونتكلم بعدين
عاد ياسين من الشركة ليجد ملك تجلس فى الحديقة ويبدو عليها الحزن والغضب
ياسين :
ـ ملك انتى قاعدة لوحدك ليه فين كيان و طنط غادة
ملك :
ـ فوق مع إيلاف
ياسين :
ـ مش معاهم ليه طيب وليه زعلانه كده حد ضايقك
ملك :
ـ عادي يا ياسين حابه اقعد لوحدي شويه مفيش حاجه و لأ محدش ضايقني
ياسين :
ـ طيب تعالي نشوف إيلاف و مش تقعدي لوحدك تاني
ملك بغيره :
ـ لأ مش هطلع اطلع إنت اطمن واقعد براحتك أنا كنت عندها من شويه
ياسين بتعجب :
ـ فى ايه يا ملك مخبيه ايه
ملك بحزن :
ـ مفيش حاجه يا ياسين لو سمحت سيبني لوحدى
ياسين بحده :
ـ ملك اتكلمي انتى عارفه مش بحب الأسلوب ده
ملك بانفعال ووجع وغيره :
ـ عايزنى أتكلم أقول أيه أقول انى غيرانه عليك حتى من أقرب الناس عارفه علاقتك بإيلاف بس غصب عني ماتحملتش منظركم سوا وانت شايلها بين ايديك كده عادى وهى متعلقه فى رقبتك مشهد بجد كفيل يقهرني و يوجعني و يخليني عايزه أتصرف تصرفات غلط بس مش قادره لا قادره أتكلم ولا قادره أسكت غصب عني الغيره وجعانى و بتقتلني
ياسين بتفهم وحب :
ـ ملك حبيبي انتى شايفه إيلاف كانت هتقدر تمشي بحالتها دى بعدين حبيبي واثق فى حبي له وإلا مش كنت هسافر علشانه واعترف بحبي صح ولا ايه
ملك بحزن :
ـ عارفه كل ده بس غصب عني غصب عني بغير عليك ما هى اختى و صاحبتي و بنت عمتي بس غصب عني أعمل أيه فى غيرتي عليك
ياسين :
ـ فكرى فينا ومستقبلنا سوا بس انسي الكل ممكن ملك الفترة الجاية صعبة على الكل و محتاج دعمك ليا أكتر من أى شخص تانى ممكن
ملك بتنهيدة حزن وهى تغادر :
ـ ماشي يا ياسين ربنا يعدي الفتره دى على خير عن اذنك
ياسين وهو يمسكها ويمنعها من الذهاب :
ـ ممكن تضحكي بقي مش عاوز أشوفك زعلانه بسبب أى شخص حتى لو أنا
ملك بغيظ :
ـ ربنا يسهل بس بقولك اهو من دلوقتى لو شوفتك شايل واحده تانيه غيري أو بتلمسها حتى لو ايديها ماتلومش الا نفسك مفهوم
ياسين بضحك :
ـ اهدي يا مجنونه بعدين مفيش واحده غيرك فى حياتي وقلبي
ملك :
ـ ماشي يا أستاذ لما نشوف
ياسين بحب :
ـ يلا ندخل يا قلب الأستاذ لو حد شافنا كده هيقول علينا ايه
ملك :
ـ هيقولوا أيه يعني عادي يلا بينا
اتجهوا معاً للداخل و صعدوا لرؤيه إيلاف والاطمئنان عليها ليمزحوا معاً واعتذر من غادة ووعدها أنه لن يسمح ل إيلاف أن تقود السيارة مره أخرى وحدها تركهم وهبط لأسفل للتحدث مع يونس عبر الهاتف
يونس بقلق :
ـ ياسين طمنى أيه الأخبار و موبايلك إنت و إيلاف ليه مقفول أنتم كويسين
ياسين :
ـ أيوه يا عمى كويسين اطمن تلاقيها شبكه بس
يونس بشك :
ـ شبكة أيه فى لندن يا ياسين أتكلم و فهمني أيه الحكاية
ياسين بهروب :
ـ مفيش حاجه اطمن كل حاجه تمام المهم عندي ليك أخبار كويسه
يونس :
ـ ماشي أهرب أكيد هعرف مخبى أيه إنت وهي قولي أيه الجديد
ياسين بجديه :
ـ في معلومات مهمه جدا وصلنا ليها هبعتلك نسخه دلوقتى بيتهيألى المعلومات دى كفيله أنها تنهي جابر وأعوانه سواء هنا في لندن أو فى مصر
يونس بقلق اكبر :
ـ أنتم كويسين صح المعلومات دى وصلت لها ازاى طيب
ياسين :
ـ اه كويسين اطمن وصلتلها عادي عن طريق حد ساعدني
يونس :
ـ ماشي يا ياسين أهرب كالعادة المهم ابعت نسخة على الإيميل ونتكلم بعدين
ياسين :
ـ هبعتها دلوقتى حاضر المهم اخبارك ايه انت واخبار الدنيا عندك ايه ف مصر و هتعمل أيه بالمعلومات دى
يونس :
ـ هشوف المعلومات الأول وبعدين نقرر
ياسين :
ـ ماشي يا عمى تمام ابقى بلغني بكل جديد
يونس :
ـ وأخبار الشركات اللى قولتلك عنها أيه
ياسين :
ـ هتلاقي كل المعلومات عنهم عندك ف الملف ده
يونس بقلق :
ـ إيلاف معرفتش حاجه عنهم صح
ياسين بكدب :
ـ هاه اه اه طبعا معرفتش ماتقلقش ياعمى كل حاجه ماشيه تمام
يونس بشك :
ـ ياسين أتكلم وقول الحقيقة
ياسين بكذب ورجاء :
ـ مفيش ياعمى اطمن المهم بس تتحرك بسرعة وتقدم الملفات دي ف اسرع وقت
يونس :
ـ تمام يا ياسين المهم خلي بالك من الكل ومن نفسك
ياسين بقلق :
ـ حاضر يا عمى ف عيونى ماتقلقش ربنا يستر و يعديها على خير
يونس :
ـ زود الحراسة الفترة دى
ياسين بهروب :
ـ الصبح هضاعفهم تانى لغاية لما نخلص ونش .... ماشي يا عمى سلام دلوقتى هبقى ارجع اكلمك تانى سلام
أغلق معه واتجه للحديقة ليسمع أصوات مرتفعه فى الأعلى صعد ليقف مصدوم حين رأى بعض الأشخاص معهم أسلحه و يصوبها على الفتيات وغادة لم ينتبه للشخص القادم من الخلف ليضربه برصاصة فى قدمه وأخرى فى كتفه ليأخذوا ملك معهم التى كانت تصرخ بخوف وتنادي على ياسين بدموع الذى بدأ يفقد الوعي