رواية ظننته حبا الفصل الخامس عشر15والسادس عشر16 بقلم سحر السحرتي

رواية ظننته حبا الفصل الخامس عشر15والسادس عشر16 بقلم سحر السحرتي

*تفاجات بجواد الذي يركن سيارته وينزل منها فالتفتت سريعا واصبح ظهرها له واتصلت على سلوى

: انت يا زف-ته نهارك مش معدي هو الدكتور اللي هيقابلني اسمه ايه

:عادل ليه

: اصل لقيت جواد دلوقتي قدامي

:نعم طب استني كده لما اتصل على خطيبي

*وجدت من يضع يده على كتفها

:انسه جودي

*التفت :جواد

:انت بتعملي هنا ايه

:مستنيه حد هيوصلني

: هو انت اللي جايه تشتغلي في المركز الطبي

: اه في مشكله

:انت مستنيه عادل

:اه دكتور عادل ليه بتسال

:طب اتفضلي اركبي هو بيعتذر و بعتني استقبلك بس ما توقعتش انك انت اللي بيتكلم عنها

: لا ما تعطلش نفسك اتفضل انا هركب تاكسي

*قبل ان يرد رن هاتفها

: ثانيه ارد .... ايوه يا سلوى

:دكتور عادل بيعتذر لك و بعت واحد صاحبه بداله

:اه يا فالحه ما انا عرفت

: هو طلع جواد

:هو انت ما كنتيش تعرفي

:و هعرف منين ده دكتور عظام وعادل علاج طبيعي اتصرفي عادي وبكل ثقه ولا يهمك

:ماشي سلام

بقلمي سحر السحرتي

*بعد ان اغلقت امسك جواد بحقائبها وبدا في وضعها داخل السياره دون الرجوع لموافقتها

:ممكن اعرف بتعمل ايه قلت هركب تاكسي

:صاحبي محملني امانه ولازم انفذها و اعتبريني انا التاكسي

:مش عايزه اتعبك معايا

:انا في جميع الاحوال وصلت وراجع على المركز هاخدك في طريقي

: اه حاجه بالمره كده وطبعا لو عرفت انها انا ما كنتش جيت

:لا كنت هاجي عشان ابن اخويا

:ابن اخوك مين ... ايه. .... ااااه .... اذا كان اخوك نفسه مش هيعمل كده مع ابنه ارجوك بعد كده ما تتعبش نفسك

:تعب ابن اخويا راحه

: اعتبره مش موجود

:يعني ايه

:يعني اما يتولد ابقى اعمل معاه اللي انت عايزه

:وانت هتشتغلي ازاي وانت حامل

:يخصك في ايه

:بلغتيهم بحملك

: لا طبعا ومش عايزه حد يعرف اظن ممكن

:هو سر شويه و هيبان عليك

:دي مشكلتي و هعرف احلها *تمتمت: وبعدين في الورطه دي .... انت اكيد القسم بتاعك بعيد عن القسم بتاعي صح

:المركز كله مرتبط ببعضه العظام مع العلاج الطبيعي مع التدريب واعاده التاهيل

:اللي اعرفه انك ممكن تشتغل مع دكتور العلاج الطبيعي انما المدربين ايه علاقه دكتور العظام بيهم

: المركز مختلف الحاله بتمر على كل التخصصات و بنتناقش مع بعضنا ..... بس ما تقلقيش التعامل بينا هيبقى بعيد معايا فريق العمل بتاعي وانت اكيد مش منهم

: كويس كده احسن على ما اشوف مكان ثاني

:المركز ده من احسن المراكز فرصه شغل كويسه بلاش غبائك يوزك و تسيبي فرصه كويسه زي دي

: ايه غبائك دي

: زي ما سبت كليه علاج طبيعي و مسكت في تربيه رياضيه

: كل واحد بياخد نصيبه وانا لقيت نفسي فيها وعملت شغل كويس و بشتغل في اكثر من مجال

: قربنا نوصل لو احتجت حاجه ما تتكسفيش تطلبيها عشان عمي

: متشكره انا ما كنتش اعرف انك هنا و هعتبر نفسي لسه ما اعرفش

:يعني ايه

: يعني هعتبرك مش موجود ويا ريت ما حدش يعرف اننا قرايب او كنا نسايب وكل واحد فينا يكون في حاله

: يكون احسن برضو اتفضلي انزلي الباب اللي على اليمين ده الاستقبال و الممر اللي على الشمال ده بتاع السكن هتروحي الاستقبال و تستلمي المفتاح وتسلمي ورقك تحبي اطلع الشنط

:لا شكرا تعبتك كفايه عليك كده

*تركته و ذهبت وحملت حقائبها وكادت الدموع ان تخونها ككل مره لكنها تغلبت عليها ورسمت الابتسامه عندما دخلت الاستقبال

*انتهت من الاجراءات اللازمه واستلمت مفتاح شقتها كانت صغيره ولكنها كانت كافيه بالنسبه لها

*رتبت ملابسها و ارتمت فوق السرير تبكي على ما وصلت اليه في علاقتها مع جواد و اكتشافها انها تعمل معه في نفس المكان وان عليها ان تراه كل يوم ولا تتحدث معه كالماضي

*مرت الايام لم تتقابل مع جواد بشكل مستمر واثبتت في فتره قصيره جدارتها .... ونظمت ايضا للعاملين برنامج رياضي للتمرين في وقت الراحه ..... وكانت اوقات تقوم بمساعدتهم

*ذات مره كانت في الجيم الخاص بالمركز دخل جواد وبدا في التمرين شردت في وسامته وهو يتمرن فاقتربت منه

: على فكره يا دكتور انت بتعمل التمرين ده غلط وممكن يضر بالعضله بدل ما يفيدها

:شكرا ممكن توريني الصح

*شرحت له الحركه باحترافيه .... كان سعيد بتقدمها في العمل وهو متابع كل تعاملاتها مع المرضى وزملائها ولم يجد شيء سيء في اخلاقها مثلما اظهرها باسل

*انتهت جودي من شرح طريقه التدريب :لو تحب بعد ما تخلص اساعدك في كام تمرين كمان

:يا ريت اكون شاكر لك

: ما يجيش من بعد خيرك

*كانت جودي تراه مع دكتوره جميله قريبين جدا من بعضهم فتوقعت انها هي خطيبته المستقبليه فتحدثت في نفسها

:ياه يا جواد هو ده الاحساس اللي كنت بتحسه و انا مع باسل اتعذبت قوي كده احساس قاسي على مشاعرنا نشوف اللي بنحبه مع حد ثاني

*بعد عده ايام اعلن جواد خطبته على زميلته وكان يراقب نظرات جودي .... التي لم تستطع السيطره على دموعها وقامت سريعا دون ان يلحظ احد واعتذرت عن العمل ذلك اليوم لشعورها بالتعب

*مرت يومين وجودي اجازه من العمل لمرضها فقلق جواد عليها فذهب للاطمئنان عليها

*طرق الباب فتحت كانت عينها متورمه من البكاء ووجهها شاحب من سوء التغذيه تفاجات بوجوده

:الف سلامه عليك خير

:الله يسلمك دور برد

:كشفتي لا باخد دواء

:انت عارفه ايه الدواء اللي يمشي مع الحمل

:اه سالت الصيدلي

: طب تعالي اخرجك شويه تشمي هوا بدل قعدتك الطويله دي هتتعبك اكثر

:ما لوش لزوم انا كويسه وبكره هروح الشغل

بقلمي سحر السحرتي

: اسمعي الكلام

:هجيب المفتاح

:هتخرجي كده

: ماله كده ده لبس رياضي بخرج بيه عادي

*ذهبت معه لا تدري لما هل لانها تشتاق له ام لانها تحتاج لاستنشاق الهواء

: مالك بقى في ايه

: ولا حاجه

:شكلك زعلان وما تقوليش تعبانه عشان عارفك

*تحدثت بمرارة تخرج من قلبها

: كان عندي حاجه حلوه قوي قوي احلى حاجه في حياتي وضاعت مني .... ولازم حياتي تستمر من غيرها دي كل الحكايه

:ما تجيبي غيرها او يمكن تلاقي حاجه احسن

:ما افتكرش الاقي او تعلقي بالجديد هيبقى زي اللي راحت مني

:طب قولي لي هي ايه وانا ممكن اجيب لك غيرها

:يا ريت تقدر بس للاسف

*ظلت تبكي بحرقه

: الحاجه دي كانت بتعوضني عن حاجات كثير ناقصاني كنت بحبها قوي بس عشان كنت صغيره ما حسيتش انها غاليه عليا غير لما راحت مني ..... هو احنا ليه مش بنحس بقيمه الحاجه غير بعد ما بتروح

:وانت سبتيها ليه تروح

:عشان جرحتني مرتين اول مره لما سابتني هي اروح من ايديها والمره الثانيه لما صدقت كلام ما يوصفنيش

:على فكره انت ممكن تتكلمي مع صاحبتك لو بتحبيها قوي كده و تحلوا الخلاف هي سلوى صح لو تحبي اكلمها لك

*هل جواد لا يفهم تلميحات جودي أم أنه يفهمها جيدا ولكن يظهر العكس

: للاسف مش هتقدر تفهمني ... ولا مش سلوى .... وقف العربيه نقعد في الجنينه دي لو سمحت

*بعد ان توقف خرجت من السياره دون ان تنتبه للطريق فصدمتها سياره ولكن اصابه طفيفه لكن جودي من المفاجاه وقله الاكل فقدت الوعي

*حملها جواد وذهب بها الى المستشفى

*بعد ان خرجت الدكتوره من الغرفه

:خير يا دكتوره فيها ايه

: ابدا شويه ك-دمات بس بقى لها كام يوم مش بتتغذى كويس ده اللي عمل لها هبوط وعلقنالها محاليل

:والحمل اخباره ايه

: الانسه مش حامل

:يعني ايه مش حامل

: احنا عملنا اشعه عشان نطمن ان ما فيش كسر او نزيف داخلي وطلعت سليمه وما فيش حمل لانها لسه انسه

:ازاي انت متاكده

:طبعا تحب تطلع على الاشعه

: يا ريت لو سمحت

*اطلع جواد على الاشعه وتاكد ان جودي لم تكن تحمل فيه احشائها اي جنين .... وهنا بدات التساؤلات لماذا قالت ذلك ؟... ولماذا سكت باسل على هذا الادعاء ؟.... وهل كلامه صحيحا انها كانت تعرف غيره؟ .... ولكن الطبيبه تؤكد انها ما زالت عذراء .... كيف ذلك؟

*عاد جواد للطبيبه كي يتاكد

:دكتوره حضرتك بتقولي انها لسه انسه ازاي عرفتي

:كنت لسه هعمل سونار داخلي عشان اعرف اذا كان في نزيف ولة لا بس اكتشفت انها انسه مش مدام زي ما انت قلت في البيانات

:اه اصلها مطلقه فما اعرفش مطلقه كتب كتاب ولا جواز

:حصل خير المهم خليها تهتم بالاكل علشان ما يحصلش هبوط ثاني

*دخل جواد الغرفه كانت جودي ما زالت نائمه وبعد قليل استيقظت وهي فزعة وتص-رخ

: ما تسيبنيش يا جوري

*فهب جواد واقفا واسرع اليها اخذها بداخل حضنه و طبطب عليها .... تمسكت بحضنه بق-وه كانها ارادت ان تحضنه منذ زمن بعيد

*ارادت ان تختبئ داخله فهو الوحيد من كانت تشعر بالسعاده في قربه و بالراحه في الكلام معه لكن ادركت ذلك بعد ان ضاع منها قال لها بحنيه

:هششش انت كنت بتحلمي ولة ايه

*انتبهت انها داخل حضنه لكنها لم تبالي

:اه حلمت باليوم اللي وقع-نا فيه من على السلم وكنت بحاول امسك جوري من ايد ماما عشان ما تق-عش لكن وقع-نا كلنا وهي كان الد-م نازل من دماغها لكن بصيت لي وضحكت ابتسامتها كانت جميله قوي ... وكل ما تقسى الدنيا عليا افتكر ابتسامتها و تجيلي في الحلم تطبطب عليا وتمشي و اقوم وانا بص-رخ واقول لها ما تسيبنيش

:طب اهدي عشان اللي في بطنك كفايه الح-ادثه

:ح-ادثه ايه

:وانت نازله من العربيه كانت جايه عربيه في اتجاهك وانت ما اخذتيش بالك خبط-تك

:والدكاتره قالوا ايه

:كدم-ات بسيطه بس البيبي كويس

*دفعته للخلف وردت بعصبيه

:يا اما الدكاتره مش بتفهم يا اما انت بتك-ذب عليا وانا مش متعوده منك على كده

: و كذب-تي عليا ليه من الاول وانا كمان مش واخد منك على كده

:كنت بدي درس لباسل

: ليه

:عشان سمعته وهو بيخ-وض في شرفي لما كان بيتكلم معاك ودي كانت اقل حاجه اعملها معاه اوج-عه في اكثر حاجه بيحبها وهي الفلوس لكن كنت ناويه ارجعها اما اسافر بس لسيلا مراته

: وما قلتليش الحقيقه ليه مش متعودين مع بعض على الصراحه

:عشان انت صدقته

:مين قال لك

:جواد عايزنا نتصالح بلاش نك-ذب على بعض عينك و تصرفاتك جاوبت لما سالتك صدقته

: انا كنت مصدوم من الكلام اللي قاله ما قدرتش ارد

:مش عارفه انت بقيت تلف وتدور ليه وكلامك في العربيه وانت بتوصلني برده كان بيدل انك بصمت بالعشره على كلامه

:طب ممكن تسامحيني و تعذريني ده اخويا واكيد ما كنتش اعرف انه هيك-ذب عليا

:ك-ذاب المفروض لمعرفتك للبنت اللي بيتكلم عنها تك-ذبه

:كان صعب اك-ذبه في شيء زي ده خصوصا انه اكتشف عن طريق جوازه منك ما حدش راح قال له

:عموما انتهينا...... انا صلتي بالعيله دي اصلا انتهت ويا ريت التعامل بينا في الشغل يفضل زي ما هو من بعيد لبعيد

: مش هينفع انت اصلا تعبانه وعندك سوء تغذيه ولازم اخذ بالي من اكلك

: ما كنتش ولي امري

:وعشان خاطر عمي

:سيب عمك على جنب لانه جوز ماما اه هو اللي مربيني بس مش عايزاك تاخده حجه عشان تتعامل معايا

:طب قومي عشان اوصلك المحلول خلص

: خلاص مش عايزه منك حاجه

:جودي انا اسف ارجوك انسي الكلام اللي حصل نفسي نرجع نتكلم مع بعض زي زمان وحشتيني

: ايه وحشتك

:اه وحشتني قعدتنا مع بعض

:قعدتنا ...اه ... انا كمان وحشتني بس يمكن خطيبتك يبقى عندها اعتراض

بقلمي سحر السحرتي

: جينا لا دي متفتحه والموضوع ده عندهم عادي في لبنان

: يعني مش هتغير عليك

: هتغير من اختي

: اختك يا ريتني اختك طب يلا بينا

*عادت الى المسكن وهي سعيده انه عرف الحقيقه لكن سبب حزنها لم يكن اتهامه لها وانما خطوبته على تلك اللبنانيه الحسناء

*فاتخذت قرار ان تتعامل معهم بطريقه طبيعيه وتحاول ان تنسى حبه

*عادت الى العمل ومرت الايام هادئه كان جواد يتعامل معها بطيبه واهتمامه المعهود ولكنها كانت تتعلق به اكثر فاكثر الى ان استدعاها مديرها لامر هام

كيف سيكون شكل العلاقه بين جواد وجودي

ظننته حبا

حلقة ١٦

*دخلت جودي للمدير

:خير يا دكتور

: خير عندنا شخصيه مهمه وانت عارفه ان اي شخصيه مهمه بنكون لها فريق طبي من جميع التخصصات يشرف على العلاج

:اه عارفه وانا بشتغل مع فريق دكتور عادل

:بس المره دي هتتنقلي مع فريق دكتور جواد

: ليه هو عنده فريقه وكلهم ممتازين

:هي طلباكي انت بالاسم لانها كانت بتتمرن على فيديوهاتك و متابعاها ولما عرفت انك انت بتشتغلي معانا طلبتك بالاسم

:طب ما فريق دكتور عادل يشرف على علاجها

: هي مريضة الدكتور جواد من زمان انا حاسس انك مش عايزه تشتغلي مع جواد في حاجه

:لا هي مساله تعود على فريقي و مرتاحه معاهم زي ما بيقولوا في كيمياء بنفهم بعض وما حدش بيتدخل في شغل الثاني

:فريق جواد كمان كده واكثر يمكن تقولي خليني معاه على طول

:حاضر يا دكتور هنبدا من امتى

:جواد هيجتمع بفريقه بعد ساعه عشان يتناقش معاهم في المطلوب

بقلمي سحر السحرتي

:طب هبلغ دكتور عادل

:خلاص انا بلغته

*دخلت جودي الاجتماع و باقي الفريق بالتوالي كانت اخرهم جينا خطيبه جواد التي قبلته من خده عند دخولها وقالت

:صباح الخير يا حبيبي

:صباح النور قلنا بلاش كده في الشغل اتفضلي

*شرح جواد مهام كل فريق وحاله المريضه وعند انصراف الجميع قال

: كابتن جودي خليكي عشان اعرف ناويه تعملي ايه ونوع التمارين العلاجيه اللي ناويه تنفذيها بما اننا اول مره نشتغل مع بعض

*جلست جودي معه وشرحت التمارين وطريقه عملها

*اعجب جواد بعملها

: لا انا على كده هطلب من عادل يسيبك تكملي معايا

: لا انا الحاله دي و هرجع للفريق بتاعي

:مش عايزه تشتغلي معايا

:لا مش كده بس اتعودت على الفريق وفي واحده اصلا معاك ما احبش اخذ مكانها

:ممكن اخليكم انتم الاثنين لو ده المشكله

:ارجوك خليني هناك هستريح اكثر

*كانت ترفض لانها لا تريد ان تتعلق به اكثر من ذلك

: نخلص الحاله دي ونشوف يمكن تستريحي في الشغل معايا و تطلبيها بنفسك

:اتمنى نخلصها بسرعه

: ده انت مش طيقانا بقى

:ما تفهمنيش غلط اصلا ......

*ودخلت جينا

:حبيبي لسه ما خلصت

:دقيقه..... خلاص يا جودي هنبدا اول ما توصل المريضه

*انصرفت سريعا قبل ان ترتمي جينا في حضن جواد ولكنها نسيت هاتفها فعادت واستمعت الى حديثهم

:جينا انا سمعت كلامك في لعبتك عشان عادل يتحرك ويغير مش معنى كده تزوديها قدام الفريق

: انا عملت كده عشان جودي من فريقه و هتروح تبلغه

:مين قال لك ان جودي بتنقل الكلام

*دخلت جودي لاخذ هاتفها بعد ان استكفت وسمعت ما سرها واعاد لها روحها

: اسفه يا دكتور نسيت تليفوني قاطعتكم عن حاجه

*وجد لمعه في عينيها وابتسامه مخفيه فهو يقرا ما بداخلها فخمن انها من الممكن قد تكون استمعت للحوار بينه وبين جينا

*بعد عده ايام من العمل سويا حضر عادل يتحدث مع جواد

: ايه يا دكتره هترجع جودي امتى

:لا انسى احتمال تكمل معايا

: لا طبعا ده بعدك دي سابتني كام يوم حسيت الدنيا اسودت في عيني

: نعم انت هتغني

:بتكلم بجد انا حتى بفكر اتقدم لها

: انت اللي مقضيها من هنا لهنا عايز تتجوز وتستقر ومع مين جودي

:الحقيقه حاولت معاها كثير صدت-ني واخر مره هددت-ني انها هتسيب الشغل ومن ساعتها وانا محترم نفسي

*لمعه عين جواد من اخلاق محبوبته

:انت عارف انها مش هتوافق عليك

:ليه كده بتقاطع اسالها او لمح لها وهي معاك

:ما ليش دعوه

:هو انت مش قلت لي انكم قرايب

:اه بس ما اقدرش اتدخل في حاجه زي كده خصوصا اني عارف اخلاقك وهي كمان اكيد عرفتها

:ما انت هتقول اني توبت

:ما اضمنكش وبلاش تعمل مشاكل مع عمي

:خلاص مش عايز منك حاجه اهي جايه هناك هكلمها

*وصلت ووقفت امامهم وقبل ان تتحدث رن هاتفها و استاذنت لترد

: الو ازيك يا طنط ....مال صوتك خير .... ايه ماله فارس .....بالراحه عشان افهم ..... طب ابعتي لي التحاليل المطلوبه وانا هعملها واشوف اقدر انزل امتى ..... اه طبعا هعمل اي حاجه عشانه مع السلامه

:خير يا جودي في حد من اهلك حصل له حاجه

: لا ده فارس اخويا بعدين احكي لك .... المريضه اعتذرت مش هتقدر تيجي النهارده و بتطلب مني اروح لها البيت

بقلمي سحر السحرتي

: بس احنا مش بنروح بيوت

:عارفه بس المدير قال انها من الشخصيات المهمه فهل هيطبق عليها الكلام

: اكيد زيها زي اي حد

: انا من رايي تروح تساله عشان ما نقعش في مشكله

: انا المشرف عليك وبقول لك لا وانت بقى عندك استعداد تروحي

: لو المكان محترم ايه المشكله ده تدريب علاجي زي الدكتور ما بيكشف في البيت

عادل: لو متضايق انا ممكن اروح معاها انا خلصت شغل

:عادل انا المشرف على الحاله لو حد هيروح هيبقى انا اتفضلي تعالي لما نسال المدير

عادل: جودي كنت عايزك في موضوع

:معلش ناجله عندي مشوار مهم بعد الشغل

:طب بكره نتقابل في الكافيه اللي جنب المركز

:وكافيه ليه الاستراحه بتاعه المركز قصرت معاك في حاجه

:اصل موضوع شخصي شويه

:طب يا دكتور بعدين نتفق عشان المريضه مستنيه الرد

*جذبها جواد من يدها بق-وه وسحبها خلفه

:ايه ده بالراحه يا دكتور انت ساحب جاموسه

:انت ناويه تقابليه في كافيه بره الشغل

:لسه ما وافقتش وبعدين بيقول موضوع شخصي

: تفتكري هو عايزك ليه

: وانا هعرف منين

:حاولي تخمني

:ما فيش حاجه مشتركه عشان اخمن بكره هعرف هتعب نفسي ليه في التخمين

:امشي قدامي على المدير و حسك عينك تقابليه بره

:ازاي ده الدكتور المسؤول عن الفريق بتاعي

: مسؤول في المستشفى مش في الكافيه ادخلي قبل ما ارتكب جري-مه

*شعرت بغيرة جواد فاخفت ابتسامتها لكن عينيها كشفت كل شيء له

*وافق المدير على طلب المريضه رغم معارضه جواد

: احنا ما نقدرش نخسر مريضه زي دي انت عارف قيمتها هنا في البلد ولو خايف على جودي لكن اشك ان المكان يقلق روح معاها

:مش مساله خايف بس هنا بقدر اشرف على قدره المريضه وهي بتادي التمارين وبعدين احنا متعودين ان ما فيش استثناء لحد

:انما دي ما اقدرش وانت عارف ومقدر انا هكلم عربيه المستشفى توصل جودي و تستناها ترجعها هتروح معاها

:اه طبعا لازم اشرف على الحاله بنفسي

:خلاص شوف لو احتجت حد كمان من فريقك

:لا النهارده شغل جودي بس

*خرج و الغ-ضب في عينيه وتوجه لجودي بح-ده

:هتروحي تتعاملي مع المريضه بس سامعه

: ليه هو في ايه

: لها اخ ما بيسيبش ناموسه الا و بيعاكسها

*ابتسمت بخبث

:هو انت خايف يعاكسني

*فادرك ما يفعل

: اكيد انت امانه في رقبتي

: ما حدش حملك الامانه دي انا جيت اشتغل هنا واكتشفت بالصدفه انك كمان بتشتغل هنا

:عمي موصيني عليك من وانت صغيره ولا ناسيه سيلا لما كانت بتض-ربك مين اللي كان بيدافع عنك

*قالت بمكر اكبر

:زمان كنت صغيره دلوقتي بعرف اخذ حقي و اوقف كل واحد عند حده بعدين مش ممكن اعجب اخوها ويطلب يتجوزني

:ده مش بتاع جواز

:عموما ما تقلقش عليا انا جدعه قوي

بقلمي سحر السحرتي

:عارف بس بلاش تهزري و تضحكي قدامه عشان ما اعملش مشكله

:حاضر يا دكتور

*ذهبت معه والتزمت بما قال فقد رات اخو المريضه ونظراته الوقح-ه لها

*كانت تريد ان تلهب غيره جواد لكنها شعرت انها سوف تخطئ في حق نفسها اذا اشعلتها عن طريق ذلك الو-قح

*قامت بعملها وفي اخر الجلسه قالت

:ارجوك شرفينا في المركز لان هناك اجهزه هنتمرني عليها هتفيدك اكثر

: اي اجهزه محتاجه لها نشتريها

:انت زعلانه مننا .... دى منها تغيري جو و تخرجي المكان عندنا كويس و هترتاحي نفسيا اكثر هناك

*لم تعطيها فرصه للتفكير

:هنستناك في ميعادك المره الجايه ارجوكي ما تتاخريش

*رات ابتسامه رضا وسعاده على وجه جواد لحسن تصرفها فحدثت نفسها

:مسيري اخليك تنطق بس مش عن طريق الس-افل ده

*في طريق العوده اعطت هاتفها لجواد

:ممكن تشوف التحاليل دي اقدر اعملها فين

:التحاليل دي لايه

:فارس اخويا محتاج متبرع بالنخاع الشوكي ولازم حد قريبه قوي يفضل صغير في السن

:وانت هتعملي عمليه زي دي

: اه ده اخويا وما اقدرش اتاخر عنه

: بس دي ممكن تكون خطر عليك

:مش مهم

*رد بعص-بيه : يعني ايه مش مهم

:في ايه وطي صوتك السواق يقول ايه وبعدين انا مش باخد رايك انا بسالك اعملها فين .... كمان عايزه اسال هنخلص كورس العلاج للمريضه امتى

: ليه

: عشان اسافر

:مش هيوافقوا يدوا لك اجازه

:خلاص همشي نهائي اخويا اهم

:هو ابوكي كان عمل لك ايه عشان عايزة تخاطري بحياتك

:شكرا انك بتعاي-رني بابويا زي اخوك ما قصرتش

: انا ما اقصدش انا خايف عليك وانت عارفه كده

: عشان عمك عارفه

: لا مش عشان عمي وبس

*لمعه عيناها و همست

:ها قول

*تحدثت بجديه :امال عشان ايه

:بعدين المهم بلاش العمليه دي في طريقه علاج ثانيه تجيب نتيجه

: لا دي احسن طريقه يبقى انتهينا ما اقدرش اتاخر عنه مهما عمل بابا في الاخر ده اخويا

*ورفعت سباباتها و اوعى تجيب سيره لعمك او ماما ما تخلينيش اندم اني سالتك

:يعني هتنزلي مصر من غير ما تعرفيها

:هقول لفريد ولما ابقى كويسه هبقى اقول لانها هتعمل زيك و تمنعني

: حاضر يا جودي لما تشوفي هيوافقوا على الاجازه ولة لا

:قلت حتى لو ما وافقوش هنزل بس لازم المريضه اللي معانا تخلص كورس العلاج مش هقدر اخلي شكل المركز وحش قدامها

:طب اتفضلي روحي على طول انت كده خلصتي

: ايه هروح اعمل التحاليل

:لازم تبقي صايمه اعمليها بكره

:ماشي اطلع اغير اليونيفورم وانزل ادندن كده في الهدايا اللي هاخدها

:خلاص هقابلك بعد نص ساعه

:عشان ايه

:هوصلك وناكل مع بعض زهقت من الاكل لوحدي

:ما تكلم جينا تاكل معاك

: عندها شغل

:طب ايه رايك اكلم دكتور عادل يقابلنا و اشوفه كان عايز ايه

:جودي اطلعي خلصي وتعالي نخرج سوا لوحدنا

:خلاص ما تزقش

:صعدت وهي في منتهى السعاده وقالت

:كان نفسي اتصل على عادل واشكره قدم لي خدمه غير من غير ما يعرف مش عارفه ابو الهول هينطق امتى

*اثناء تواجدهم معا في المول اتصلت عليها سيلا مكالمه فيديو

:ازيك يا سوسو عامله ايه

:كويسه انت عامله ايه

: تمام خدي سلمي

:ابن عمي العزيز ازيك

:كويس عامله ايه في الجواز من اخويا

:اهو ملج-ماه و مشياه على العجين و بخلص حق الغلبانه اللي عندك

: قصدك ايه

:قصدي انها كانت طيبه وهو مستض-عفها و مست-قوي عليها بس ربك بينتقم منه في صورتي هههههه اوعى تقول له

:هقول له يا سيلا

:ما تقول له هو انا هخاف انا بس حبيت اعمل له وضع قدامك بس انت اللي جريت شكلي اديني جودي عايزه اسالها على حاجه

: خير يا قلبي

:الاستاذ باسل طلع له كرش اعمل له ايه عشان ينزل

: هههههه وانت عايزه تنزليه ليه دي علامه مميزه للرجل المصري

:نعم طول ما انا واخدة بالي من جسمي هو كمان ياخد باله هو كان هيسكت لي لو تخنت

:ما تسيبيه مزعلك كرشه قوي كده

:طبعا هو انا متجوزاه ليه الميزه الوحيده فيه انه شكله حلو ده كمان عايزاه يروح هتقولي لي ولا اروح اول-ع في كرشه ده

بقلمي سحر السحرتي

: هههههه هقول بس اهدي وديه الجيم اللي جنبك و هكلم الكابتن اللي هناك يظبطه لك

:خليه يطحنه اسبوع ويكون الكرش ده نازل

:يا مفتريه اسبوع ايه هو كان طلع في اسبوع

: ده انا هبيته في الجيم على ما ينزلوا و هجوعه يستنى بس عليا

جواد :سيلا انت قادره قوي

:وهو يستاهل يلا اسيبكم انجوي

:سلام يا مفتريه

*ظلت جودي تضحك هي وجواد

:انا مستغرب انك بتضحكي

:غريبه ليه ما انت كمان بتضحك

:هو اخويا بس كان جوزك

:كان وسيلا اختي و بتمنى لها الخير

:مش زعلانه

:اكيد زعلانه اني ضيعت من عمري سنين في وهم اني اني بحبه سيبنا بقى من السيره دي تعالى ناكل رجلي وجعتني من اللف عشان الحق اصوم للتحاليل

*كانت سعيده بهذه النزهه معه و تعمدت وهي في السياره ان تستمع لاغنيه يا ريتك فاهمني لانغام

$يا ريتك فهمني بجد زي ما بفهمك $ وتقرا اللي جوايا اما عيني تبص لك

$ يا حلمي اللي متاجل وانا هم-وت و احلمك $يا عمري اللي ناقص عمر نفسي اكمله

$ يا كل الكلام اللي بشفايفي بهمسه $يا املى اللي بتمنى اطوله او المسه

$ يا هوا من زمان عايشه عشان اتنفسه$ يا ريت ابقى اخرك في الحياه دي و اولك

$لو اختار ما بين نفسي وما بينك بعترف $بان انت اغلى واولى وكمان اولا

$بحبك سنين في السر وما حدش عرف &وانا ادفع سنين تانيين واحبك في العلن

*كانت تغني معها وهي شارده بكل احاسيسها

*شعر جواد انها تقصده بهذه الكلمات ولكن هل يجوز فقد كانت زوجه اخيه ظل يفكر

: لغايه امتى هتفضل تضيعها من ايدك قبل كده سبقك باسل ودلوقتي ممكن عادل يسبقك

*قرر انه سوف يتحرك ويقوم و يفاتحها بشان ارتباطهم لكن عليه التاكد اولا من حبها له وانها ليست مجرد نزوه او انه بديل لحب اخيه

: جودي لو سمحت بلاش تقابلي عادل بره

:حاضر انا ما كنتش ناويه اصلا

:هقابلك الصبح نروح المستشفى نعمل التحاليل

:ما فيش داعي تتعب نفسك و تصحى بدري قبل شغلك

:هو ينفع تسمعي الكلام من غير ما تعارضيني واكيد لو فيها تعب عليا مش هطلب اوصلك

: حاضر وشكرا على الخروجه الجميله دي بجد اتبسطت قوي

:انا اتبسطت اكثر منك

*في اليوم التالي اصر عادل التحدث مع جودي لكن جواد راهم وظل يتابع رد فعلها

ما هي اجابتها على عادل وكيف سيكون رد فعلها

يتبع

الفصل السابع عشر من هنا

لقراءة باقي الفصول من هنا

كرنفال الروايات

رواية ظننته حبا الفصل الخامس عشر15والسادس عشر16 بقلم سحر السحرتي

مقالات قد تهمك

أقسام الوصول السريع (مربع البحث)

رواية ظننته حبا الفصل الخامس عشر15والسادس عشر16 بقلم سحر السحرتي

مقالات قد تهمك