رواية غموض الحب الفصل الثالث عشر13والرابع عشر14 بقلم لولا
زينب تنهدت بعمق واكملت بدموع ووجع انا موافقه اتجوز اسر يا عمر
عمر بصدمه نعم انتي بتقولي ايه انتي اتجننتي صح ؟
زينب بتنهيده حزينه لا للاسف دي الحقيقه و
عمر بمقاطعه وعصبيه حقيقه ايه انتي اتجننتي ده انا ادفنك حيه لو فكرتي تعمليها ومسك دراعها جامد واكمل بحده زييينب اتعدلي احسنلك في ايه مالك اسر ايه اللي تتجوزيه وقعتي على نفوخك ولا ايه
زينب غمضت عينيها بوجع واكملت بدموع انت بتوجعني اوعى ايدي ياعمر
عمر بحده مش هوعى غير لما تقوليلي ايه التخريف اللي انتي بتقوليه ده والدموع اتجمعت في عينيه وتابع : هان عليكي تقوليها ؟؟ يا شيخه ده انا بقولك مليش غيرك بعد امي هو ده تقديرك لمشاعري وحبك ليااا ولا حكم انك ضمنتي اني بحبك بتيجي عليااا زي ما كل حاجه جات علياا
زينب بدموع وحب : مقدرش والله مقدرش انا بعمل كده علشان انت اغلى حاجه عندي يا عمر وحطت ايديها على خده وتابعت بعياط والله يا عمر بحبك ومحبتش غيرك ومش عايزه غيرك ومش انا اللي اجرحك واجي عليك علشان ضمنت مشاعرك وحبك ليا بس ده نصيب مش كل حاجه بنعوزها بناخدها
عمر بوجع: علشاني ااه يعني عايزه تسبيني لوحدي علشاني انتي مقتنعه ???? اصلا ايه يجبرك تتجوزيه ??? بس عادي مجتش عليكي انا متعود على كده وتبقي غلطانه لو فكرتي هقعد اعيط عليكي لالا ده لا عاش ولا كان انا مشاعري كانت كتير عليكي اصلا يا زينب وشاور على الباب واكمل اتفضلي اطلعي برا
زينب بعياط عمر انا مش عايزاك تكون ..
عمر بعصبيه قولت براااا
زينب اتخضت واكملت بدموع للدرجه دي مش طايقني يا عمر طب اسمعني انا مش وحشه كده
عمر بحده اه مش طايقك ومش عايز اشوف وشك تاني ياريت بقى تخلي في دم
زينب عينيها دمعت واكملت مش مهم وابتسمت بحزن وتابعت المهم تكون مصدق اني بحبك بجد
عمر بضحك اه مصدق متقلقيش روحي شوفي بتعملي ايه ياعروسه يلا
زينب بوجع ياااه عادي كده !!! للدرجه دي مش فارقالك مفكرتش حتى تعرف اسبابي ????
عمر نزل رجليه على الارض فزينب جات تساعده يقوم فرفع ايده وتابع بس بس خليكي عندك انا هقوم لوحدي وقام بلفعل وفتح التلاجه جاب ازازه مايه وشرب وبصلها واكمل اه مش فارقالي واديني قومت اتحركت علشان تعرفي اني مش محتاج اشوف وشك تاني .. اللي يطلع حسام ومازن وسيف لما يجي علشان لو عوزت حد يساعدني لحد ما افك الخراا ده واغور انما انتي متطلعيش
زينب بصتله بوجع واكملت : ليه ??? خايف تضعف وحبك ليا يبان في عينيك فكل ماتشوفني قدامك تقول لنفسك انا عمر عزيز الهواري اللي اي بنت تحلم بيه زينب الرفاعي ترفضني ????
عمر ضحك واكمل لا هو عمر عزيز الهواري مبيترفضش يا بنت الرفاعي وشدها ليه وتابع وهو باصص لعنيها بصي لنظرات عينك ليا عامله ازاي وقلبك اللي مجرد ماشديتك سمعت صوته هيخرج من مكانه ... شوفيهم كويس بعد كده اتكلمي
زينب الدموع اتجمعت في عينيها واكملت يعني انت شايف الحب في عيني اهو ليه مش راضي تصدقني لما قولتلك حبيتك بجد
عمر بحده انا معرفش ايه مخوفك بس علشان انتي ضعيفه يا زينب وانا مبخافش من حاجه انتي حتى لو حبتيني فمش ده الحب اللي يخليكي تحاربي حد علشاني يعني قليله اصل وبيتبعي بسهوله في اول محطه
زينب بدموع انا قليله اصل يا عمر !!!!
عمر بحده اه قليله اصل لما اكون شايف الحب ده في عنيكي ومع ذلك تبيعيني اطمنلك ازاي ??? اطمنلك ازاي وانتي بايعه اغلى حاجه عندك زي مابتقولي ???? اومال هتعملي ايه في الناس العاديه بقى اما اغلاهم كسرتيه بكل برود كده
زينب ابتسمت بخبث واكملت تمام يا عمر تمااام اوي بكره بقى تشوف قله الاصل صح لما اتجوز واشيل ابن آ
عمر قاطعها ومسك دراعها جامد واكمل بعصبيه زينننب متعصبنيش ده انا ادفنك وادفنه قبل مايفكر يقربلك انتي عبيطه ولا ايه اتعدلي كده واحترمي نفسك بدل ما اعدلك
زينب ضحكت واكملت منتا بتغير اهو عامل فيها جامد عليا ليه
عمر بحده انا مبهزرش ومش اراجوز قدامك علشان تضحكي
زينب نتكلم جد شويه منا هتجوزه فيها ايه لما يقربلي مكونش مراته ولا مكونش مراته ??? يعني حقه
عمر بعصبيه يا شيخه كسر حوقك انتي وهو ..زينبب انا لحد دلوقتي يعلم ربنا مهدي نفسي عليكي متستعبطيش بجد
زينب بتنهيده انا مش بستعبط يا عمر ودي المشكله
عمر غمض عينيه وتنهد بعمق وقرب منها واتكلم بهدوء: جمله هقولها مره ومش هقررها تاني انتي حقي انا وهتبقي مراتي انا وام عيالي انا قولي مهما تقولي كلامك كله ميشغلنيش
زينب كانت من جواها فرحانه جداا بس خوفها كان اكبر فاكملت بابتسامه واعتبر ده اجباار ???
عمر لا مش عمر الهواري اللي يجبر نفسه على حد وبص لعنيها وتابع بس لاجل النظره اللي شايفها في عنيكي دي ودقات قلبك وانتي جمبي هاخدك يعني هاخدك لان انا ضامن انك بتحبيني وعمرك معايا ماهتبقي مجبوره
زينب عيطت لانه فاهمها اوي ومعرفتش تكدب عليه واكملت بعياط طب ايه انا عايزه احضنك
عمر بضحك اييه انتي سخنه يا زينب ولا ايه ???? لالا انا مش مصدق ده ابو الهول نطق انا الحق اشوف الفون فين واقول لسيف يلحقنا بسرعه بلمأذون وفضل يبص في اركان الاوضه بيدور بعينه على الفون
زينب بضحك من بين دموعها عمر بجد بطل هزار ومسكت ايده واكملت ركز معايا وسيبك من الفون دلوقتي
عمر بابتسامه مش مركز غير معاكي من ساعه ماطلعتي والله
زينب بحب اممم منا لاحظت انك بتاخد بالك من التفاصيل فعلا
عمر بحب اه وبصراحه انا كمان عايز احضنك فنقول لسيف بقى
زينب بضحك لا والله وهتقوله ايه
عمر بحب جوزني اختك علشان احضنها
زينب فضلت تضحك واكملت يخربيتكك يا عمررر هي دي كل اهدافك في الحيااااه وبعدين ده كلام حد بيتقدم ددده ... طب ليه يحبيبي ليه تعمل في نفسك كده وشاورت على السما وتابعت وتوحشني عز ما احنا ممكن نستنى شويه وتتقاله بشكل الطف من كده ولا ايه
عمر بضحك عندك حق اقنعتيني سيف ايديه تقيله اووي
زينب فضلت تضحك واكملت انت جربت ولا ايه
عمر بضحك ااه في التدريب ... يا شيخه والله جسمي وجعني وانا بفتكر بس
زينب فضلت تضحك واكملت لالا هقوله يخفف ايده عليك شويه مقدرش استغنى عنك
عمر بضحك ولا انا اقدر استغنى عنك فعلشان كده اتكتمي واسكتي ومتجبيش سيرتي
زينب بضحك حاضر
عمر قعد وقعدها قدامه واكمل قوليلي بقى ايه موضوع اسر ده
زينب وشها رجع اتغير تاني وتابعت بحزن هوريك وفتحت فونها ورته رساله من رقم غريب
عمر قراها واتصدم واكمل وانتي عرفتي منين انه اسر اللي بيقولك كده ????
زينب بتنهيده كلمني من خط في سنترال وحكالي انه هو اللي عمل فيك كده علشان رفضته وانه لو مبعدتش عنك وااتجوزته هيأذيك تاني والصبح بعتلي رساله بيقولي قدامك يومين والا حبيب القلب هيوحشك وانتي حره وتنهدت بعمق واكملت هاا ايه رايك بقى شوفت عمل فيك ايه ووصلك لايه ?? يعني الظابط كان صح حد قصد يموتك وانا مكنتش قليله اصل يا عمر انا بحبك اكتر من نفسي
عمر بحده رايي في ايه ?? هو ده سبب يخليكي تروحي تتجوزي راجل غيري عاااادي وتسمحيله يبقي ليه حق فيكي انتي اتجننتي يا زينب
زينب بتنهيده اه هو سبب وكافي كمان بنسبالي لان انت و حياتك عندي اهم من اي حاجه واللي زي اسر ده مجرم وطلما جرب مره هيجرب الف مره بس انت مين قالك اني سهل عليا اكون لراجل غيرك يا عمر??? .. يا عمر انا لما كنت بسمع سيره ان جايلي عريس كنت بفضل اعيط علشان بخاف اهلي يجبروني واسر ده انا عيطت لسيف في الفون علشان لو حصل في الامور امور يجي سيف يلحقني يعني انا مش عايزه غيرك ولا قادره اتخيل ان راجل غيرك يقرب مني ويبقى ابو عيالي بس هعمل ايه قولي وعيطت
عمر بعصبيه اللي انتي بتقوليه ده مش حل ومش هيخليني اشوفك ضحيه وعملتي كده علشاااني ارفضيه وملكيش دعوه انا اللي هقف قدامه ويوريني هيعمل ايه .. متستعبطيش انتي مش هتكوني لحد غيري لو السما اطبقت على الارض فوقي كده وبطلي جنااان
زينب بعصبيه ودموع هيموتك انت ليه مبتفهمش والله هيمووتك
عمر بعصبيه يموت مين انتي عبيطه في دماغك ???? زينننب اسر استغل وفاه امي واني في وقت مدمر فيه وعمل فيا كده انما اوعي تنسي ان انا النقيب عمر الهواري لا هو ولا غيره هيعرفوا يعملوا معايا حاجه تاااني خليكي جمبي وسيبك منه علشان والله العظيم عمري ماهشوفك غير انسانه بيااعه انا اللي بقولك اهو متوافقيش
زينب وقفت قدامه واكملت والدموع مغرقه وشها اممم طب وياسياده النقيب عمر الهواري معاك دليل ضده اصلا علشان تقف قدامه ?????
عمر بعصبيه ملكيييش دعووه دي بقيت مشكلتي وانا هتصرف فيها انما مش تروحي وتتجوزيه وتسلمي قلبك وجسمك لحد تاااني انتي عبيطه ولا اايييه
زينب بدموع انا حكيتلك علشان تعرف اني مش بياعه يا عمر وغصب عني ومجبوره وعلى عيني اتجوزه ومجرد ماقعدنا وضحكنا شويه نسيت كل همي ومشكله اسر دي اساسا واتكلمت على اني بحبك انت وهتجوزك انت بس للاسف ده الواقع مهما حاولت اهرب منه وانت فعلا متعرفش اسر كويس
عمر بصلها بسخريه وتابع انتي بقى اللي عارفاه كويس
زينب بحده ااه عاارفاااه اللي يحاول يقتل نقيب في الجيش يا حضره الظابط ده واحد مأمن نفسه ومبيهابش حد ولا حتى هايب سيف وحسام لان ببساطه شديده ملفه نضييف
عمر بحده وانا لاخر مره بقولك ملكيش دعوه وانا هتصرف وارفضيه لما جدك يسألك يا كده يا تنسي ان في حد في حياتك اسمه عمر يا زينب وللابد وهتبقى بجد النهايه
زينب بصت لشكله بوجع وافتكرت تهديد اسر وكلامه واللي عمله وتنهدت بعمق واكملت بقهر في نبره صوتها : يبقى نورت بيت صاحبك يا حضره الظابط وهبلغ الشباب تطلع تشوف احتياجاتك زي ماطلبت وانا مش هطلع تاني .. اقولهم مين من صحاب سيف ??
عمر اتصدم من اختيارها وطريقتها اللي بتقول انا نسيتك من دلوقتي اصلا وابتسم بسخريه واكمل انتي حفظاه كويس اوي ومش هتنسيه .. عمر .. عزيز .. الهواري
زينب كتمت دموعها وتابعت تمام هبلغهم .. مع السلامه ومدت ايديها
عمر بص لايديها وابتسم بسخريه وتجهالها ودخل الحمام وقفل بعصبيه
زينب اتخضت ودموعها نزلت بقهر ورجعت ايديها بحزن شديد
ونزلت
--------------------------------------
في اوضه سيف
نرمين بحب يلا يحبيبي بقالي ساعه ماده الاكل
سيف بتعب ما كفايه خلاص ياست الكل مش قادر صدقيني
نرمين بحب يلا بس علشان خاطري ده انت مكالتش الا معلقتين بلعدد وادي التالته مش راضي تفتح بوقك في ايه يا سيف هو انت صغير هحايلك
سيف بضيق يا امي انا مباكلش شوربه الخضار اصلا ولا بطيق ريحتها ابعديها عني الله يخليكي انا مش عارف عايش معاكي بقالى 26 سنه ومحفظتيش ازاي و كل مره بنتخانق لما تعمليها
نرمين بضحك لا منا عارفه بس علشان صحيه فبعملها بردو وهتاكلها يلاا
سيف بحب طب علشان خاطري حقيقي مش قادر حقك عليا متزعليش
نرمين بضيق بجد بتتعبني يا سيف ده اخوك لما بيتعب مبيغلبنيش كده وبياكل
سيف بضحك طب مش بحبها طيب اجبلك ميكروفون
نرمين بضيق اممم ما لو بيعملوها في الجيش كانت اتكالت كل يوم عادي بس متسبش الشغل
سيف بضحك يادي الجيش اللي بتتعامل معاه على انه ضرتها ده
نرمين بس ياا واد اخرس
سيف بضحك هخرس حاضر ياست الكل مقدرش اتكلم كده كده
نرمين ابتسمت بحب وباست خده واكملت علشان الكلام الحلو ده هاكلك لسان عصفور واقطعلك فيه اللحمه بلاش شوربه خضار خالص وحطتها على الصنيه
سيف بضحك ايوه ماشي كده انتي حبيبتي يمشي لسان عصفور اهون الصراحه
نرمين وهي بتقطع اللحمه اكملت والله يا ابني ده انت اللي مبتفهمش بس يلا اريحك المهم تاكل
سيف بضحك اه هاوديني وبص للساعه واكمل هي بنتك كل ده فوق ??? اطلع اكسر راسها دي ولا اعمل ايه
نرمين بقلق بس يا سيف اقعد واهدى مش هنبتديها خناق انت وهي البت روحها فيك متخوفهاش منك
سيف بحده اه يعني ايه روحها فيا اركب قرون منا مش فاهم ????
نرمين بتفاجئ ياحبيبي بتكبر الامور ليه اختك وعارفين تربيتهاا وعمر ومحترم وابن ناس وصاحب عمرك ودي طلعت تعمل دورها كممرضه ايه العيب بس علشان كلامك ده
سيف بحده خرجي نفسك براها ولما تنزل سيبينا لوحدنا ياما انا مقصدش على اخلاق زينب ولا عمر ده صاحب عمري ودي اختي اللي متربيه قدام عيني بس مش هنعدي الاصول اي ان كان ده شاااب وهي بنت بنوت ميصحش وعيب
نرمين بقلق وانت مين بقى قالك انها لسه فوق تلاقيها نزلت وقاعده تحت معاهم اصلا
سيف ياا امي علياا انا الكلام ده ??? زينب هتنزل وتعرف اني رجعت ومتطلعش ???
نرمين يحبيبي تلاقي ستك مقالتش لحدد اصلاا دلوقتي علشان يقعدوا ياكلوا وطبطبت على كتفه وتابعت اهدى يابني ومتخوفش اختك منك وتزعق فيها عرفها قصدك بهدوء مش كل اجااازه يا سيف خناقه بينك وبين زينب وحسام يقف في النص يداافع اهدى يحبيبي وعدي اجازه على خير
سيف انتي عارفه كويس زينب عندي ايه وبحبها ازاي دي بنتي مش اختي بس انا مبعرفش اهاود زي حسام الغلط مبيعديش عليااا لما بتعمل حاجه مبتعجبنيش بطلع عينها مش مجنون انا علشان اتخانق معاها من باب للطاق
نرمين بضحك ده هو والله مثل القط ميحبش الا خناقه ده منطبق عليكم يعني انت اكتر واحد بتتخانق معاها وبتفضل تجري وتستخبى منك في حسام الا انها بردو بتعشقك وبتموت فيك وتفضل تعيط وانت مسافر قد كده
سيف بضحك والله وانا بحبها وعلشان بحبها بغير عليهاا
نرمين ما قالتلي على موقف الميكاب وبعدين يعني صحيح يا سيف تقولك اهلي جايبين عريس بدل ما تعقلها تقولها متحطيش حاجه في وشك وتخليها تقابل الناس بلشكل ده ولا كانها مغصوبه ومدتله الاكل
سيف اكل منها واكمل هو انتي بتتكلمي في ايه ماهي كانت مغصوبه صح وكانت بتكلمني منهااره عياااط وبعدين هو اللي انتوا جايبينه ده يتسمى عريس بس ياما انا مش عايز اتكلم علشان تعبان ومش قادر اتخانق
نرمين بضحك انت شكلك عايز تتخانق مع اي حد وخلاص يا ابن معتز هو مالو اسرر ما زي الفل
سيف بسخريه فل وياسمين مش فل بس
نرمين بضحك بتكلم بجد والله يا سيف فيه ايه اسر ???
سيف بحده قفلي ياما على الموضوع اللي يحرق الدم ده الله يخليكي الخلاصه زينب مش هتتجوز الزفت ده لو اخر واحد في العالم
نرمين لوت بوقها وتابعت على اساس رضيت اوي بلا نيله خليها تفضل ترفض لحد ما هتقعد وسطنا علطول
سيف ومالو تنور في بيتها مش عند حد غريب
نرمين وهي بتاكله تابعت بحب طب سيبك من زينب انت مش ناوي تفرحني زي اخوك
سيف فضل يكح فطبطبت عليه واكملت بخوف مالك يحبيبي في ايه امسك اشرب واديته كوبايه المياه
سيف شرب واكمل بضيق هي السيره الزفت دي وعمايلها لا يا امي مش ناااوي وابوس ايدك انا جاي ارتاح موقفي من الجواز انتي عارفاه كفايه حسام بيفرحك اهو انما انا ظابط حربيه بروح مش ضامن ارجع فمش هتجوز واجيب بنت الناس دي ارملها
نرمين شهقت واكملت بحده جتك داهيه في الفاظك بعد الشر قال ترملها قال
سيف بتنهيده اكدب عليكي يعني ما ده تفكيري فعلا وبصراحه بقى الحياه فرديه اجمل بكتير
نرمين بتنهيده مين قالك كده يحبيبي محدش بيعرف يعيش لوحده
سيف تنهد بعمق واكمل بصي احيانا على قد حبك لشخص لازم تفضلي بعيده بنفس درجه الحب دي وتحبيه من بعيد وبس
نرمين بحزن طب وليه يا ابني ما ممكن تحب وتتحب وتتقدم وتقربها منك وتتجوز وتخلف وتعيش احلامك
سيف بتنهيده عارفه لو بلسهوله دي مكنش حد غلب خالص بس هو كده محدش بياخد كل حاجه وانا خدت منصب كبير فمش شرط اخد الحب وانا راضي صدقيني اصل حصل موقف في اخر مهمه خلاني فعلا راجعت حساباتي .. واحد من جنودي لما وقع وكان هيستشهد اول حاجه قالهالي امي ومراتي طب تخيلي لو انا مكانه هفضل بدل منا شايل همك شايل همها هي كمان وغير لو حامل او معانا طفل فا لالا صدقيني كده اريح
نرمين بدموع الف بعد الشر عليك انت وكتيبتك وكل حماه الوطن يحبيبي متقولش كده ربنا يحفظكم يارب لو كله فكر زيك يا سيف محدش هيتجوز خالص يحبيبي انا عارفه انك حنين اوي رغم قوتك دي وعلشان كده بتفكر في الكل قبل نفسك يعني قطع لساني انت لو في الموقف ده مفكرتش انك هيحصلك حاجه لا فكرت فياا وفي مراتك لو موجوده
سيف بابتسامه علشان مفيش ظابط جيش مصري بيخاف من الموت يا امي ده احنا بنتمناها
نرمين حضنته واكملت بدموع الف بعد الشر عليك وياخد من عمري ويديك ينورعيني متقولش كده اخص عليك يا سيف
سيف طبطب على ضهرها واكمل بحب بعد الشر عليكي يحبيبتي اهدي حقك عليا
نرمين بصتله واكملت بحزن قولي يا سيف انت بتحب يا ابني ??
سيف غمض عينيه بحزن وبص على السما من الشباك اللي جمبه المفتوح واكمل بابتسامه لا مش بحب متخافيش
نرمين وجهت وشه ليها واكملت قولها وعينك في عيني كده ??
سيف بتنهيده حزينه ممكن متضغطيش عليااا يا امي ارجوكي
نرمين بدموع فرح يعني اهو طلعت بتحب والله كنت حاسه باين عليك اصلا يا ابني طب قولي مين هي ونروح نخطبهالك
سيف بتنهيده منا قولتلك بقى اللي حصل في المهمه خلاني راجعت حساباتي ومش هعمل الخطوه دي فارجوكي لو ليا خاطر عندك بلاش السيره دي
نرمين بحزن يحبيبي ليك خاطر عندي وعلشان كده نفسي اشوفك مع اللي بتحبها
سيف غمض عينيه بحزن واكمل مش هينفع انا عمري مش مضمون
نرمين بحده انت عبيط ايه كلامك ده بعد الشر عليك محدش بيفكر زيك كده هو ايه اللي مش هينفع
سيف بحده يعني مش هينفع وارجوكي كفااايه كلام في الموضوع ده انا مش نااقص وغصب عنيي بحبها ااه وبعشقهااا بس مش بايدي اكون معاهااا مش هعرف و هي الحياه كده مش بتدي كل حاجه وانا اصلا معرفش هي بتحبني ولالا هبني احلام وطموحات على ايييه فا قفلي لو سمحتي الكلام
نرمين بحده واقفل كلام ليه انشاء الله عملت ايه انا كل ده علشان عايزه
سيف بمقاطعه وبحده علشان بتوجعييييني
نرمين اتصدمت واكملت بدموع انا بوجعك يا سيف ???
سيف بعصبيه ووجع: اه والله بتوجعيني وبتوريني ضعفي وعجزي وقله حيلتي والدموع اتجمعت في عينيه وتابع لما كلمتيني عليها خلتيني افتكر حاجات مش حابب افكر فيها زي اني هعيش واموت اشوفها من بعيد بس واحلم بيها من غير ما احاول ادخل حياتهاا لان ببساطه مينفعش اللي حصل وراني حاجات كتييير اوي مكنتش عامل ليها حسااب
نرمين بصتله بوجع من حالته واكملت بعياط حقك عليا يا ابني اني سببتلك كل الوجع ده انا مش نيتي كده والله العظيم
سيف بوجع عارف نيتك ومتقوليش حقك عليا انتي اللي حقك علياا اني عليت صوتي وباس راسها وبصلها واكمل بوجع بس والله تعبااان وفيا وجع الدنيا ومكنتش مبطل تفكير اصلا علشاان انتي تيجي تفتحي الموضوع وتزوديها عليا
نرمين بدموع بتحبها للدرجه دي يا سيف
سيف الدموع اتجمعت في عينيه واكمل بتنهيده كلها وجع : بحبها !!?? بحبها دي كلمه قليله على اللي جوايا ليها هي عاشت وهتفضل عايشه جوايا .. جوايا وبس ومسك ايد نرمين وحطها ناحيه قلبه وتابع بوجع في نبره صوته: سيرتها الوحيده اللي بتخلي قلب سيف الرفاعي يعمل كده وبتخلي عيني تلمع وبضعف وابتسم بحزن واكمل متخيله ان سيف الرفاعي يضعف ???? اللي مش بيهمه وبيروح المهمات مش خايف من اي عدو ولا خايف على عمره وواقف على الحدود ماسك سلاحه وبيقتل عادي بدم بارد اهو سيف الرفاعي ده هو هو بيضعف لو حس بس مجرد احساس انها فيها حاجه او مش كويسه
نرمين عيطت وحضنته جامد واكملت يحبيبي ياابني كل ده جواك وساااكت ليه بتوجع قلبي عليك يا سيف ليه يحبيبي ارجوك خد خطوه وسيبها على ربنا انت كده هتموت بلبطئ
سيف بوجع : ماما لو بتحبيني السيره دي متتفحتش تاني سيبيها بظروفها وربنا يسهل من عنده
نرمين باست راسه واكملت حاضر يحبيبي ربنا يريح بالك وقلبك يارب يا ابني ومدت ايديها بلاكل
سيف بضيق لالا خلاص الحمدلله والله
نرمين ياسيف ده الطبق مخلصش
سيف وحياتك عندي كلت فعلا عايز كوبايه قهوه بقى من ايديكي الحلوين
نرمين ابتسمت بحب وتابعت عيوني يحبيبي اغسل المواعين واعملك
وقامت وشالت الحاجه على الصنيه وطلعت وسيف نفخ بضيق شديد وغمض عينه بوجع
استغربت ان اوضه زينب مقفوله فراحت حطت الحاجه في المطبخ ورجعت دخلت اوضتها لقيتها قاعده باصه للفون وبتعيط ولما شافتها قفلت الفون بسرعه
نرمين بستغراب مالك يابت في ايه
زينب بتوتر وهي بتمسح دموعها اكملت بكدب : ابدا يا ماما ده .. ده سيف واحشني فكنت بتفرج على صورنا
نرمين بضحك طب تعالي ياختي شوفيه بنفسه جوه في اوضته
زينب بصدمه ودموع فرح بتهزرييي سيف رجععع
نرمين بحب اه تعالي يلا كان عايزك اصلا
زينب طلعت تجري بسرعه من اوضتها بلهفه فاكملت نرمين بضحك ربنا يستر بس منسمعش حسكم زي كل اجازه وراحت على المطبخ
في اوضه سيف زينب دخلت واكملت بعياط وفرح يحبيبي انت رجعت واتصدمت من شكله واكملت بعياط ايه ده مااالك يا سيف فيك ايه
سيف بحب بس بس اهدي انا كويس تعالي يا جذمه واحشاني وفتح درعاته ووسعلها فنامت جمبه ودخلت في حضنه ونامت على صدره وفضلت تعيط وهو فضل واخدها في حضنه وبيمسح على شعرها
زينب بعياط مالك يحبيبي حصلك كده من ايه ??? طمني ارجوك انت كويس ??? طب حاسس بايه ???
سيف طبطب عليها وباس راسها واكمل بحب ممكن تهدي دي اصابه بسيطه من اخر مهمه وانا اتعالجت وزي الفل وكالت وخدت ادويتي كفايه عياط بقى
زينب بدموع يقلبي سلامتك الف سلامه عليك بجد
سيف بحب الله يسلمك ينورعيني المهم
زينب اتوترت واكملت قول
سيف انتي كل ده كنتي بتعملي ايه عند عمر يا زينب ??
زينب قامت اتعدلت وقعدت جمبه واكملت بخوف لالا والله العظيم انا نزلت من بدري والمصحف وكنت في اوضتي حتى اسال ماما ... يا ماماا
سيف وجه وشها ليه واكمل خلاااص مصدقك مش لازم كل الرعب ده انا بسالك سؤال عادي لان لو كل ده كنتي عنده كنت طلعت عين اهلك
زينب بتوتر لالا وحياتك نزلت بقالي كتير
سيف امم وهو اخباره ايه
زينب بتنهيده كويس الحمدلله
سيف بتنهيده طب انا كنت عايز اتكلم معاكي في كلمتين هتقولي الصراحه ولا هفتضلي هيباني وبتقطعي في الكلام والشغل بتاعك ده
زينب اتوترت واكملت هو لازم دلوقتي
سيف بحده زينب احنا مش في نيابه في ايه
زينب اتخضت واكملت بتوتر عارفه والله بس طريقتك بتحسسني انك بتستجوبني زي النيابه علشان الهيبه بردو فهدي اللعب شويه يا سيف وحياه امك اانا مش قدك متوترنيش
سيف بضحك انا اصلا شغلي مش في النيابه يا زينب التحقيق و الكلام ده مع حسام مش معايا
زينب بتوتر اممم انت مش بتحقق انت بتقتل علطول حسام ميين ده حسام رحيم عنك
سيف بضحك احنا لسه هنحقق مفيش وقت ... المهم
زينب بتوتر اممم ادخل في المهم
سيف على الدوغري كده انتي بتحبي عمر ؟؟
زينب اتصدمت واكملت بخوف عمر مين ؟؟
سيف اه كده هنستعبط وهتبتدي تعصبيني و
زينب بمقاطعه لالا هتكلم جد والله انت ليه حسيت بكده طيب ؟
سيف تؤ انا مبحسش انا بعرف علطول وزي ما انتي بتحبيه هو بيحبك وخايف يفاتحني في الموضوع
زينب افتكرت كلام عمر (( وانا لاخر مره بقولك ملكيش دعوه وانا هتصرف وارفضيه لما جدك يسألك يا كده يا تنسي ان في حد في حياتك اسمه عمر يا زينب وللابد وهتبقى بجد النهايه ))
فتنهدت بحزن واكملت بابتسامه يؤسفني اقولك يا قائد ان اول مره نظرتك تخيب في حد
سيف بعدم تصديق :لا يا شيخه ؟؟؟ دي عمرها ماحصلت اساسا ونظرتي خابت في حد هتخيب دلوقتي
زينب اه بكلمك بجد اخد راحتي في الكلام ولا ...
سيف انا قولتلك بطلي تهابيني اه خدي راحتك في الكلام انا صاحبك دلوقتي وبسمعك وهحاول الغي فكره انك اختي الصغيره دي شويه وابطل اغير
زينب ضحكت واكملت المهم عمر شخص ناجح ووسيم وحقيقي محترم وميترفضش يعني لو انا مثلا هتجوز صالونات وفي واحد زيه جالي مش هقول لا وبما اني بتكلم معاك براحتي فانا مش عايزه اتجوز غير عن حب بصراحه يا سيف فشغل الصالونات والجو ده مش واكل معايا وبلنسبه لعمر حقيقي انا مبحبهوش ومعتقدش هو بيحبني
سيف خلصتي ؟
زينب بابتسامه اه
سيف بضحك والنبي؟؟؟ يعني مفروض اني صدقت بقى وكده كلامك بدائي اوي وغير مقنع بلمره لعيل في حضانه مش ظابط جيش
زينب بتوتر مش فاهمه قصدك هو انا هكدب ليه منتا قولت احنا دلوقتي صحاب
سيف انا اللي مفروض اسال السؤال ده ومش فاهم فعلا بتكدبي ليه بس هفهم ....ونظره عينيكي مكسوره ومش مريحاني
زينب رايحه تتكلم دخلت نرمين بلقهوه واكملت بحب القهوه اهي يحبيبي وقعدت
سيف بحب تسلميلي يا غاليه وبص لزينب وتابع تعالي وفتح ايديه
زينب دمعت ونامت في حضنه فباس راسها وفضل يطبطب عليها وهمس عارف انك مش كويسه بس مش هضغط عليكي دلوقتي
زينب ابتسمت والدموع في عينيها واكملت ربنا ميحرمنيش منك ابدا يارب
سيف فضل يطبطب عليها وهي في حضنه واكمل بحب ولا منك يارب يحبيبتي وباس جبينها
نرمين بحب ربنا يديمكم لبعض وليا يحبايبي يارب
سيف بحب ويديمك لينا ياست الكل
نرمين زينب لو هتنامي يحبيبتي قومي جوه علشان اخوكي تعبان
زينب وهي مغمضه اكملت حاضر ورايحه تقوم
سيف شدها واكمل بحب لالا خليهااا هي مش تعباني في حاجه سيبيها انا هنيمها وهنزل اصلا لاني تعبت من قاعده السرير ومش متعود عليها
نرمين بتفاجئ ياابني ده انت جااي من سفر غمض عينيك شويه
سيف بتنهيده مش عارف والله يا امي علشان كده هنزل شويه واطلع لعمر بردو بدل ما افضل قاعد افكر ومسك القهوه يشربها
نرمين بتنهيده يحبيبي طب ما كده تتعب اكتر لحسن جرحك يفتح
سيف بحب لالا متقلقيش وبص على زينب لقى خدها عليه دموع فمسحها وباس راسها وتنهد بحزن
نرمين هي نامت ???
سيف بحب اه سافرت شكلها كانت عايزه تنام وبتقاوح وتسلم ايدك ياست الكل وشرب من القهوه
نرمين الف هنا يحبيبي وحقها زينب ماهي سهرانه طول الليل من امبارح مبحلقه في السقف واقولها مالك مفيش ودلوقتي دخلت عليها الاوضه لقيتها فاتحه الفون وبتعيط يابت مالك تقولي دي صوره سيف اصله واحشني فلما عرفت انك هنا جاتلك تجري
سيف بحب وابتسامه حبيبت سيف دي اصلا وباس ايديها اللي على صدره وتنهد بحزن وتابع في سره وتقوليلي اول مره نظرتك تخيب في حد ما واضح فعلا انها خابت .. هموت واعرف مالك يا زينب وحصل ايه بس الصبر حلو وهعرف وبص لقاها نامت بعمق فقام ببطئ وسند راسها على المخده وغطاها بمفرش خفيف وشغل التكييف وباس جبينها
نرمين اما الجو حر ومشغل التكييف مغطيها ليه
سيف بضحك هي جديده عليكي زينب يعني يا امي مانتي عارفه مبتعرفش تنام من غير ماتتغطى حتي في عز الحر
نرمين دي بتفقع مرارتي والله انا بدخل اشيله من عليها
سيف ضحك واكمل ده انتي مشكله والله
----------------------------------------
تحت في البرنده بعد الاكل كانوا كلهم قاعدين بيتكلموا
صافيه بتنهيده طب بما انكم كالتوا في خبر مش قد كده
منصور بقلق ايه في ايه يا صافيه ???
صافيه بتنهيده حزينه سيف رجع مصاب وحالته حاله
كلهم اتصدموا فاكمل حسام بصدمه نعممم ولسه فاكره تقولي دلوقتي بتهزروا بجدد
معتز بخوف فينه سيف ياما ..وانا اقول بردو نرمين منزلتش ليه فينهم في شقتنا ولا عندك قولي بسرعه
سيف من وراها وهو بيمشي بلعكاز اكمل بابتسامه متعبه انا جيتلكم بنفسي اهو
حسام شافه اتصدم وسيف فتحله ايديه وابتسم بتعب فحسام راح حضنه جامد وباشتياق واكمل بحزن على اخوه : ايه اللي انت فيه ده ??? حصل ايه يا سيف ايه اللي وصلك تمشي بعكااز كده
سيف متقلقش يحبيبي دي اصابه بسيطه
معتز بدموع : بسيطه ازاي بس انت مش شايف نفسك يا ابني وراح حضنه وطبطب على ضهره باشتياق بالغ وتابع واحشتني اوي يا سيف واحشتني اوي اوي بجد يا ابني سلامتك الف سلامه يحبيبي
سيف حضنه واكمل بحب الله يسلمك يا حج والله بسيطه واديني بقيت احسن وشويه وامشي طبيعي عادي كمان ميبقاش قلبكم خفيف كده
مازن بحزن حقيقي مكنتش اتمنى اشوفك بلشكل ده ابداا قلبي واجعني عليك وكنت حاسس من اول ماشوفت عمر بس حسام قالي دي حادثه لوحدها
سيف حضنه وطبطب على ضهره واكمل بحب ربنا ميحرمنيش منك بجد يحبيبي متخافش والله انا بخير واديني جيتلكم اهو وبص لقى منصور بيعيط فاراح قعد جمبه واكمل لالالا مقدرش على دموعك والله هو انا كل اللي هيشوفني هيعيط بالله انتوا كده بتهزوا هيبتي قدام نفسي وبتحسسوني اني اضربت جامد لا فك كده يا حج وقولي بسيطه ده انت سيف الرفاعي زي مابتعمل كل مره وبتهديهم عليا
منصور بدموع يصعب علياا ياابني اشوفك بعكاز اذا كنت انا مش بمشي بيه اشوف حفيدي في عز شبابه بلمنظر ده??? لا يا سيف المره دي غير كل مره
سيف مسح دموعه وباس راسه واكمل حقك علياا وحفيدك راجل وحق رقدتي وتعبي ده جبته في نفس الدقيقه هو انا جديد عليك يا حج مالك ده انت كنت بتحب تسمع مهمااتي
منصور بحزن مبقتش قادر يا ابني بجد مش عايز اشوف فيك حاجه وحشه
عز الدين بابتسامه بعد الشر عليه يابا ربنا يديمه لينا يارب متقولش كده
سيف بحب حبيبي ياعمي والله وبص لمنصور وتابع شايف ابنك قول زيه وانا والله بخير وبدعواتكم هفضل بخير لا يصيبنا الا ما كتب الله لنا يا حج
منصور ونعم بالله يا ابني ربنا يحفظك يارب
سيف بحب يارب يغالي
احمد بحب بلحضن يا حبيب اخوك
سيف قام حضنه وتابع بحب واحشتني اوي بجد والله ياض يا احمد الغربه خدتك مننا
احمد بضحك انت يعني اللي بايت في حضنهم
سيف بضحك ياعم بس... بس هما سخنين خلقه
نرمين متقلقش انا مش محتاجه حد يسخني انا هولع منك انت وشغلك لوحدي
سيف بضحك منا عارف ضرتك قصدك مش شغلي
نرمين بضحك ماشي يا حيوان صبرك علياا
ايمن بحب نورت يا سيف الف حمدلله علي سلامتك يحبيبي
سيف بحب تسلم يا عمي ربنا يخليك
حسام قعد جمبه واكمل بابتسامه طول معانا شويه بقى عايز اعرفك على مرات اخوك
سيف ابتسم واكمل دي حاجه تشرفني يحبيبي باذن الله نتعرف اقرب وقت وطبطب على رجله وتابع بحب مليون مبروووك يا قلب اخوك ربنا يتمملك بخير
حسام بحب حبيبي ياغالي تسلم وباس راسه فسيف حضنه وطبطب على ضهره وفتح حسام فونه وتابع بص الصور اهي
سيف شاف الصور وابتسم بحب وتابع ايه ده جُمال اوي اوي حقيقي يا زين ما اختارت بسم الله مشاء الله عليها زي القمر ربنا يحفظهالك ويبارك فيها يحبيبي
حسام بحب تسلم يغالي ونفرح بيك يارب
سيف بضحك لا انا محدش يفاتحني في المواضيع دي
مازن بضحك هيحصل يونس اهو
سيف بضحك طب بالله يا جدع اريح هم المتجوزين هياخدوا ايه غير المرار ووجع الدماغ انا مش ناقص
منصور بضحك يعني متاكد هتفضل مصمم على كلامك وقده ??
سيف بضحك عيب عليك ياجدي قده وقدود انت عارف سيف مبيقولش كلمه مش قدهاا
نرمين بضيق سيف ده هيفقع مرارتي ويجبلي الجلللطه
سيف بضحك بعد الشر عليكي يانيرو عايزيك وبعدين حسام وزينب لسه هيتجوزوا اقعدي افرحي بيهم
نرمين ابنك هيشلنييي يا معتز
معتز صحيح وانت ليه لا يعني
سيف بتنهيده جماعه هقوم امشي قسما بالله
صافيه بلهفه لالا خليك يحبيبي خليك وسطنا احنا لحقنا نشبع منك علشان عايز تقوم اخص عليك وبصتلهم وتابعت محدش يضايقه خلوا براحته ده راجل محدش هيفتح بوقه ويقوله متجوزتش ليه هو حر الله
سيف بحب شايفين النسمه يجماعه طب والله انتي اللي مصبراني عليهم يا صفصف
صافيه راحت قعدت وخدته في حضنها وتابعت بحب يحبيبي ربنا ميحرمنيش منك ويحفظك يارب دي اهم حاجه وانت لو حبيت كلنا معاك ونخطبهالك مش عايز محدش هيجبرك يونس اهو محدش بيجبره نفسي ومنى عيني اه افرح بيه بس براحته بردو
سيف بضحك والله يونس ده برنس عرف يلعبها صح من بدري بلا وجع دماغ
حسام بحب على فكره متهيالك لما تحب هتختلف
سيف بضحك اممم حسام بيدينا مواعظ في الحب اهو وابتسم واكمل انت بتحب يحبيبي مش كده ??
حسام بحب اه طبعا وعايز ابقى معاها انهارده قبل بكره فعلا لما تحب مفهومك عن الجواز هيتغير بجد يا سيف جرب ونتكلم بعدها
سيف بحب انا فاهم كلامك على فكره وعارف ان لما بنحب حد بجد بنبقى عايزين نكون معاه انهارده قبل بكره ده حقيقي بس واقع الحياه مش كل اللي بنحبهم هيبقوا لينا او هينفعونا او لايقين علينا او حتى بيحبونا بجد زي مابنحبهم او حياتنا متشابهه وتنفع تدمج لحياه واحده فمش شرط كل اللي حب ياخد اللي حبه ده احيانا اصدق حب في حياتك هو الحب الوحيد اللي بيبقى ابعد حب عنك واحيانا بتقابل شخص تشوف نفسك فيه وترسم حياتك معاه وتقول هو ده فعلا خلاص وتلاقي الدنيا في يوم وليله بتتقلب ..ناس بتنام معاهم بتصحى مفارقهم وناس بتقابلهم صدفه بياخدوا منك حب كبير مكنش في بالك وممكن تعيش تفضل مرتب حياتك على حاجه وتيجي في الاخر وتبوظ وممكن تبقى مش في بالك وتقابل فرصه عمرك فا الحياه غريبه ومش مضمونه وفي لحظه كله بيتغير وحبيبك بيبقى عدوك واللي فاكره سندك يطلع اي كلام وحد شايفه الدنيا كلها يديك قلم يعرفك ان مينفعش تبالغ في مشاعرك لاي حد واقرب ما ليك هو اللي هيتكلم عنك ويخونك ويغدر بيك فكله مش مضمون مش الحب بس
وحبك الحقيقي واللي هيكمل هيجي من ربنا بقى وبترتيبه وفي اي وقت ولو ربنا عايزك ليه هتكون مهما حصل فانا سايبها على الله بقى ومش شاغل بالي امتى وازاي وفين
حسام بحب والله عندك حق فعلا احنا نظرتنا محدوده ومنعرفش بكره في ايه ومفيش حاجه مضمونه بجد
مازن بضحك طب والله يا حسام حاسس سيف بيتكلم صح وهنتغفل لما نعملها ايش ضمنك صح اننا اختارنا الاختيار المناسب للي يخلينا منقعدش قعده ابويا وابوك دي
كلهم فضلوا يضحكوا فاكملت عايده بضحك يلا ياحيوان ياللي عايز تتربى مالو ابوك ما قاعد فرحان اهو
ايمن بضحك ايوه انا فرحان محدش يقدر يعترض
معتز لقى نرمين بصاله فتابع بضحك كلنا يحبيبي فرحانين كلنا
كلهم ضحكوا وياسمين بصتله برفعه حاجب وسكتت فشافها وضحك فتابعت ياسمين بابتسامه خبيثه هبقى اقول لمراتك يا مازن واخليها تنكد عليك وتوريك التغفيله صح
مازن بضحك لا وحياه ابوكي لحسن مش هقدر ساعتها على زعلها دي هتبقى عيوني ودنيتي كلها دي
ياسمين ضحكت من كلامه وتابعت خلاص صعبت عليا المره دي
سيف بضحك بكره تندم يا جميل وغمزله
مازن بضحك والله حاسك مجرب الجواز ومش عايز تقولنا
نرمين بصدمه ايييه مجربه ازاي يعني لا طبعاا
كلهم ضحكوا فاكمل سيف بضحك يا جدع حرام عليك دي بتصدق اي حاجه هو انا ناقص
مازن بضحك اصل انت واثق اويي وانت بتتكلم
سيف بضحك يحبيبي كلكم عارفين بس مينفعش نروح نقول ولا ايه يا رجاله وغمزلهم
ايمن بضحك احمم طب خرجوني انا من الحوار ده انا قولت فرحان
عايده بحب والله طمرت فيك العشره يا ابو مازن
مازن فضل يضحك واكمل انتوا خايفين تقولوا بجد يخربيت الضحك
منصور بضحك مش مسأله خايفين بس مش ناقصين نكد يا ابني اهي سنه الحياه وخلاص
كلهم فضلوا يضحكوا فاكملت صافيه بضيق يعني ايه يا حج مش فاهمه
مازن بضحك انا كده كده هطلقك منه علشان بغير عليكي يا صفصف ولا تزعلي نفسك
منصور بضحك والله انت ابن كلب وبص لصافيه وتابع يا صافيه ده هزار متبقيش قفوشه كده بنهزر مع العيال في ايه
صافيه اممم طيب ياخويا هزر
سيف باس راسها وهي جمبه وتابع بحب ده بالله يبخته بيكي
صافيه باست خده وتابعت بحب وابتسامه ده انا اللي يبختي بيكوا والله ينورعيني ربنا يديم وجودك وكلامك الحلو ده في حياتنا يحبيبي
سيف بحب يارب يغاليه
نور بحب صح يا حمودي
شهد اكملت بغيره في سرها حمودك في عينك يا شيخه
احمد بضحك حمودك اااه يبقى خير اللهم اجعله خيير
نور بحب لا والله طلب صغنون
احمد بحب ايه يحبيبتي قولي
نور بحب مش انت بتحب تروح الجيم وراجل رياضي
احمد قعد جمبها وربع واكمل اه خير يعني
نور بص انا لو قولت لبابا وابيه مازن وقاسم مش هيرضوا انت عارفهم صعايده مقفلين اوووي
احمد امممم خير ايه اللي بعده خشي في الموضوع علطول محسساني اني انا اللي من امريكااا بس مااشي كملي
نور بابتسامه ينفع تخليهم يوافقوا اشترك في النادي معاك علشان اجري واعمل تمارين في الجيم لاني حابه احافظ على جسمي
مازن بحده احمد سيبك منها ولا اكنك سمعت حاجه
احمد بضحك منا شايف كده بردو جسم ايه يا ام جسم ???!! انيميا اقعدي على جمب واسكتي وفضل يضحك
كلهم ضحكوا على كلمته فاكمل ايمن بضحك طب بلذمه دي عايزه تحرق دمنااا وخلاص ?? تروح تجري تحرق ايه تبري نفسهااا اكتر ماهي مبريه
نور بضيق بابا لو سمحت متتريقوش انا عايزه اروح لان هيبقي في كوتش في جيم النادي فيقولي امشي على انهي نظام غذائي مع الجري والتمارين لاني عايزه اتخن فسيبوني اروح
مازن بحده طلعت روحك بت قفلي على الحوار ده مش عايزين وش قال كوتش و تروح تجري قال يعني لو سمعك قاسم وانتي عايزه راجل يمرنك قسما بالله ليقطع خبرك
نور بضيق لو سمحت يا ابيه انا بجد بطلب من حضرتك بكل ادب متقولش رايك لان انت بتسخنهم وكل حاجه عندك متنفعش وانا بجد اتخنقت من الاسلوب ده
مازن بحده افندم قولتي ايه ???
نور خافت فتراجعت في كلامها واكملت مقولتش حاجه
مازن بحده لا سمعيني لو بنت ابوكي صح سمعيني تاني قولتي ايه
ورايح يقوم مسكته ياسمين واكملت بتوتر علشان خاطري خلاص يا مازن حقك عليا انا .. نور مبقيتش صغيره متحرجهاش قدامنا
مازن بحده واما خرا مبقيتش صغيرره يبقى بتتكلم في كلام معروف انه منتهي فيه النقاش ليه هو حب في حرقه الدددم
ياسمين بتوتر معلش حقك علياا انا والله دي اختك الصغيره بردو فهمها
مازن بحده ولا افهم ولا ليا دعوه بيهااا ابوكي اهو واحمد عندك طلعوني منها انا مش ناقص قرف
احمد بحده ولا انا ليا دعوه حلو شكلي اصله وانا رايح اوديها لكوتش يمرنها عبيطه دي ولا ايه
سيف بحب نور بلاش الكلام ده يحبيبتي عيب وميصحش انتي مبقتيش صغيره انتي خلاص على وش جواز مينفعش اللي بتقوليه مش تقفيل زي مابتقولي بس دين واصول قبل اي حاجه لو ست وبنات لوحدكم كان ممكن ماشي هتعدي
نور بضيق الستات بتبقى مش قد كده صحابي معاهم ولا الهوا مفيش حاجه اتغيرت
مازن بحده يا ياسمين سبيني عليهااا
ياسمين بضحك لالا والنبي خلاص علشان خاطري انا اعمل نفسك مش سامعها
سيف بضحك طب يحبيبتي تسمحي تخرسي خالص ومتتكلميش تاني ?? علشان نيلتيها اكتررر
نور بضيق كلكم بجد اووف
احمد بحده لا سيبك من كلنا ولما يجي الحلو خطيبك نشوف رايه هو كمان
نور بخوف لالا تشوف راي مين انا قولتلك انت اول واحد علشان مكلمش قاسم واسيبها عليك
احمد شاور على عنيه الاتنين وتابع عنيااا .. عنيا الاتنين حاضر يحبيبتي هروح اقوله وافق يا قاسم ان اختي تروح تجري في النادي وتتمرن عند كوتش علشان انت راجل وهترفض وانا لمؤاخذه .. عنياااا حاااضر
نور بصت لابوها بضيق فتابع ايمن: بصي انا ساكت وسايب اخواتك يتكلموا لان مقالوش حاجه غلط فشدي بلاستر مش عايز اهزقك
نور بضيق تمام تمام اصلا انتوا كل حاجه كده
ياسمين بتنيهده لمازن لانه كان مضايق من كلامها وباين عليه : طب اهدى طيب
مازن بابتسامه عادي يا ياسمين محصلش حاجه انا هادي كبري دماغك وقومي اعمليلي كوبايه قهوه عايز اغور اتخنقت ورجع ضهره لورا ونفخ بضيق
ياسمين طبطبت على كتفه بحزن وتابعت بحب حاضر من عينيا هعملك وقامت تعملوا
نور بحزن لمازن: انا اس
مازن بمقاطعه هشش مش عايز منك اعتذار ولا كلام كبري دماغك مني دلوقتي
واحمد حط ايديه ناحيه قلبه وغمض عينيه بتعب وشهد خدت بالها واكلمت بقلق مالك يا احمد في ايه
احمد وهو مغمض كويس كويس متخافيش
عايده بخوف في ايه يحبيبي خدت ادويتك ??
احمد بابتسامه اه متقلقيش والله واخدها
مازن بقلق طب حاسس بايه نروح للدكتور ??
شهد بخوف اه يا مازن خده بلاش استهتار في الحاجات دي
احمد بحب يابت والله كويس متقلقوش بقى انا بحس كده ساعات اني تعبان وبرجع زي الفل وبص لنور وتابع قولي لياسمين تعملي قهوه مع مازن عايز افوق
نور رايحه تقوم قعدتها شهد واكملت بخوف لا طبعا متستعبطش بلاش قهوه غلط عليك
احمد بابتسامه كوبايه كل فين وفين مش هياثر متخافيش
مازن بحده لا طبعاا شهد صح متشربش قهوه انت ولا كل فين وفين ولا غيره
احمد بضحك خلاص انت هطلع غلك فياا انا ليه
مازن بحده اصل بقيتوا تعصبوا بكل معنى الكلمه صحتك دي مش لاقينها في كيس شيبسي وشوف هنروح لانهي دكتور انا مش فاهملك نظام ادويه اساسا
شهد والله حفظاهم يا مازن وكل ما ينسى بنبهوا وطنط عايده بردو بتقولوا معرفش بياخدهم بقى ولا ايه
احمد بتنهيده ساعات بنسى الصراحه بس قليل اوي متقلقوش يعني
عايده بحده منقلقش ازاي يعني انت مهزق صح هتخليني ادخل اشوفك وانت بتاخد ادويتك زي العيال الصغيره يعني
احمد بضيق يا امي ارجوكي انا مش ناقص هاخده حاضر اي اوامر تانيه
مازن بحده يابني احنا خايفين عليك انت مبتفهمش ليه
احمد بتنهيده وانا مانكرتش ده يا مازن وعارف والله بس انا مش بنسى قصد يعني
شهد خلاص هفكر انا مرات عمي حتى لو نسيت وهي تدخل تقولك
احمد خلاص تمام
وسرح بحزن ونفخ بضيق
وشهد خدت بالها وعينيها اتجمعت فيها الدموع
قاسم جيه بابتسامه واكمل صباح الفل متجمعين عند النبي
منصور بحب صباح الخير تسلم يا ابني ادخل اقعد
قاسم بحب لا ده انا يادوب اقولكم كلمتين والحق امشي
فدخل شاف سيف فاكمل بفرحه سيف ايه ياعم الغيبه دي واحشتنااا
سيف بحب وانت اكتر يغالي ايه الاخبار
قاسم قعد واكمل بحب الحمدلله نشكر ربنا و نحمد فضله
مازن قاسم عايزك بكره معايا كام مشوار علشان الارض فضيلي نفسك
قاسم بحب خدتها خلاص ??
مازن اه الحمدلله
قاسم بفرح مبارك يا غالي تمام معاك
سيف بستغراب ارض ايه ??
منصور بتنهيده الارض بتاعتي ياسيف انا اديتها لمازن علشان يبدأ بيها مشروعه وتعوضه شويه عن اللي شافه
سيف بحب الف مليون مبروووك يحبيبي والله يجدي زين ما عملت وطبطب على كتف مازن وتابع ربنا يجعلها فتحه خير عليك يارب وتفرحنا بقى
مازن بحب تسلملي يا غالي بجد الله يبارك فيك
ياسمين بحب القهوه يا مازن
مازن بصلها بحب واكمل تسلم الايادي يا سمسم تعبتك
ياسمين بحب تعبك راحه متقولش كده وقعدت جمب شهد
قاسم بحب بما انكم كلكم متجمعين بقى فانا عايز اخد رايكم في حاجه
ايمن بحب قول يحبيبي معاك
قاسم بستغراب مالك يا نور في ايه يحبيبتي حاجه مضيقاكي
احمد بضحك اصل
نور حطت ايديها على بوقه وتابعت بتوتر مفيش حاجه يحبيبي مفيش اي حاجه تاتش عادي بيبني وبين احمد
قاسم بستغراب اومال وقفتيه عن الكلام ليه
نور بتوتر اصل انت مش شايف بيضحك ازاي الموضوع محرج يعني شويه بلاش نتكلم فيه تاني هقولك لوحدنا
مازن تنهد وتابع قول في ايه يا صاحبي ومتخافش نور كويسه ده موقف عبيط وراح لحاله
قاسم بضحك مش حاسس بس تمام وابتسم وتابع انا من زمان بحب نور زي مانتوا عارفين ومحبتش نتكلم او كده ولما لقيتها دخلت تانيه ثانوي جيت اتقدمتلها رسمي مع انها صغيره فعلا بس كنت عايز ابقى عارف راسي من رجلي في مشاعري ناحيتها وانتوا خدتوا رايها ووافقت وبقالنا سنتين اهو وداخلين في التالته مخطوبين لا حصل مني موقف وحش ولا زعلتكم في حاجه ولا ايه
ايمن بحب ياابني انت زيك زي مازن من زمان اكيد طبعا عارفين الكلام ده والا مكناش ادنهالك في سن صغير كده
قاسم بحب والله دي حاجه تشرفني حقيقي يا عم ايمن
مازن بحب يغالي احنا عارفينك كويس ولو الخطوبه اقل بردو عارفين ميطلعش منك غير الاصول مش مدتها اللي عرفتنا بيك انت عشره عُمر يا قاسم
قاسم بحب تسلم بجد يا صاحبي ربنا ميحرمنيش منك ...طب بما انه كده انا كنت طالب نكتب الكتاب انا ونور الخميس الجاي يعني اللي هو بعد يومين ده وده بعد اذن حضرتكم طبعاا والفرح عادي الوقت اللي تحددوا لما نور تحس انها هتقدر تفتح بيت وتشيل مسئوليه
ايمن بستغراب وده اشمعنا طلما الفرح لسه شويه
قاسم بحب بص يا عم ايمن انا مش هكدب عليك نور انا بحبها من وهي صغيره خالص ولما جيت طلبتها جيت طلبتها حبا في الحلال لان مش حابب احبها من بعيد او نتكلم شويه بس علشان اكون صادق بغازلها وبحبها وده مش حابب اقوله غير وهي مراتي هيبقى اجمل وانتوا كمان مرتاحين ليا وانا مرتاح ليكم فا ليه نفضل مأجلين خطوه زي دي على الاقل
منصور بضحك كلام بس يا قاسم ولا نيتك في حاجه تانيه
مازن لااا حاجه تانيه اييه وربنا اقتله لو وافقنا بكتب كتاب تمام انما مش فرررح هااا مش فررح يا قاسم علشان قسما بالله اقتلك
قاسم فضل يضحك واكمل والله العظيم ياض يا مازن انت مش سالك انا عارف قصدك واكيد نيتي مجتش لكده لالا والله ابدااا وبص لمنصور واكمل بحب يشهد عليا ربنا فعلا نيتي مش كده هتبقى مراتي بس مفيش حاجه من اللي في دماغكم دي وعموما كتب الكتاب هيبقى في المسجد وهنشهره عادي بردو
ايمن بحب طب رايك ايه يا مازن انت واخوك
مازن بحب انا معنديش اعز من قاسم اديله نور فخلاص ريحه واكتب الكتاب علشان على الاقل يكون حاسس برتياح نفسي وهو معاها وانه مبيعملش حاجه غلط
احمد بحب وانا اكيد مقدرش اعترض ربنا يتمملكم بخير يارب يحبيبتي وباس راس نور اللي كانت طايره من الفرح
مازن بضحك تمام اتفقنا وغمز وتابع ولو اني عارف ان كتب الكتاب ده وراه غرض تاني
قاسم بضحك بطل حركاتك دي والله هيشكوا فيااا
مازن بضحك لالا اقصد حاجه عاديه وهمس بضحك جمب ودنه يعني مش علشان عايز تحضنها ياروح امك
قاسم بضحك ياجدع ده مش عشره عمري من فراغ اه هو ده احد اسبابي بصراحه
مازن اممم ومش خايف على عمرك وانت بتقولهالي
قاسم بضحك ياباشا هتبقى مراتي وهشهر ده انا زي الفل اني هسيبها معاكم للفرح
مازن بضحك اااه ده لسه مكتبش وبيقول كده طب انا رجعت في كلامي حاسس هيخليني اطق مجرد مايكتب
قاسم بضحك لالا علشان خاطري مترجعش في كلامك حقك عليا
شهد بفرح والنبي وافق يلا يا مازن بطل رخامه عايزه ازغرط
مازن بضحك طب والله علشان دكتوره العيله بس هقول انا كنت ناوي احرق دمه شويه بس يلا موافق وخلاص يا حيوان مش هرجع في كلامي
شهد ونور زغرطوا واكملت نور بفرح ياااخرابيي اخيراااا
شهد حضنتها وتابعت بفرح مليون مبروك يعمررري
نور بفرح يحبيبتييي عقبالك ياااارب وسقفت بفرح وتابعت يس يس بجد وافقوا مكنتش متوقعه
كلهم ضحكوا عليهاا فاكمل احمد بضحك يخربيتك ايه ده طب مش قدامه طيببب
نور بضحك وفرح هو عارف كل حاجه اصلااا عاادي
قاسم بضحك عارف طبعاا مفيش بينا التقل ده اصلا
نور بصتله بحب وتابعت بفرح انا هروح اظبط الفستان اللي هلبسوااا بااااي وطلعت تجري على فوق
كلهم ضحكوا فاكمل مازن بضحك يابني مجنونه راااجع نفسك
قاسم بضحك بحبها طيب اعمل ايه
سيف بضحك اهو ده بقى هيبقى من الامثله اللي لسه كنت بتكلم فيها مفيش بينهم توافق عقلي والحب موديه في داهيه
كلهم فضلوا يضحكوا فاكمل ايمن بضحك يخربيت فقرك يا سيف لو سمعتك دلوقتي
قاسم بضحك كانت عيطت وربنا
سيف بضحك اه منا عارف بس بهزر طبعاا وتابع بحب والله ده انت هتاخد اطيب قلب في عيله الرفاعي ربنا يتمملكم بخير يحبيبي
قاسم بحب تسلم يا غالي والله يلا همشي انا وعلى تواصل معاكم باذن الله علشان التحضيرات
مازن بحب تمام يا غالي ربنا معاك
ومشي
شهد برفعه حاجب اطيب قلب ممم اممم تمام
سيف بضحك لا انتي حبيبت سيف مانتي عارفه غلاوتك
شهد بضيق ماواضح نور بس اطيب قلب هاا
احمد بضحك اومال انتي اللي طيبه هينافقك يعني ولا ايه
شهد بضحك اسكت انت ومتفتحش بوقك
سيف بضحك ماهو عنده حق انتي قادره فعلا يا شهد هنكدب على بعض انما نور دي عبيطه وطيبه بس ميمنعش اننا منقدرش نستغنى عنك عيب عليكي
شهد بحب اسمها عاقله وبعرف اخد حقي
حسام بضحك بتاخدي حقك اه ده حقيقي عاقله دي معتقدش
شهد بضحك ياخراابي ده على راي البحراوي بقى كلها من البابا مغلوله للدرجه دي سمعتي سبقاني
حسام بضحك يا شيخه اتنيلي واقعدي على جمب هنغل منك على ايه
شهد بضحك والله مغلولين انا عارفه مش لازم تقولوا
مازن بضحك طبعا يحبيبتي كلهم بيغلوا منك سيبك من الكلام ده بس واستمري ربنا يحميكي لعيله الرفاعي بطمن وانتي مع البنات لما ينزلوا
شهد بابتسامه شايفين الكلام انشاالله ميحرمنيش منك
سيف بضحك طب منا قولت قادره هي نفس المعنى بس مازن بيجملها تصدقي خساره فيكي الشكولاته
شهد راحت قعدت جمب سيف وتابعت لحسام وسع شويه متبقاش لازق الراجل تعبان وعايزه اصالحه
حسام وسع واكمل بضحك اتنيلي جتك الارف
شهد بحب يسطا اانا بهزر انت عارف اني بحبك يا قائدنا وعلى فكره انت ويونس بس في العيله دي مبتغلوش مني
عز الدين بضحك مهزقه نقول ايه
ياسمين بضحك هي شهد كده علطول لسانها متبري منها
سيف فضل يضحك واكمل اممم وده علشان الشكولاته بتاعت الاجازه اللي جايه مش كده
شهد بضحك يخواتي اسم الله عليك منتا ناصح اهو اتاااريك ظابط في الجيش
سيف بضحك نادله بس معلش هستحملك
شهد بضحك حبيبي والله يا قائد
ومسكت فونها تكلم صاحبتها فرح وتتفرج على الاستوريهات وجات استوري لامنيه فقراتها شهد وحسام كان جمبها فلفت نظره الصوره فاستغرب وفتح فونه يشوفها ملقهاش فاستغرب واكمل شهد هي دي استوري امنيه اللي كانت عندك ??
شهد اه بعدين استوعبت وبصتله وتابعت بضحك انت بتبص في فونييي يا حسااام ????
حسام بضحك انتي اللي قاعده جمبي اخلصي وريني
شهد بستغراب ماتشوفها من عندك
حسام نفخ بضيق وشد منها الفون
شهد بصراخ: مااالو ده ماتجيب الفوون بتاعييي يا سيييف قوله يجيبببوا
حسام ماتتهدي اشوف حاااجه
سيف بحده ماتديهولها يا زفت متضيقهاش بتاخد حاجتها ليه
حسام بحده حاضر اصبري في ايه
شهد شايف بيزعقلي ازاي يا سيف
سيف بضحك حقك عليا هربيهولك
حسام شاف الاستوري كانت لشاب كتباله معايده لعيد ميلاده فرفع حاجبه وهز راسه بالايجاب واكمل ماشي ماااشي يا امنيه وساب لشهد الفون
شهد بضيق بااارد صحيح في ايه
حسام مفيش حاجه وقام وسابهم
سيف استغرب طريقته واكمل وريني يا شهد استوري امنيه خطيبته
شهد وريتهاله واكملت مالها عادي تلاقيه قريبها في ايه هو كبر الدنيا اوي بعدين مايشوفها من عنده ده بارد صحيح وشافت فرح صاحبتها جايه فاكملت انا هروح اذاكر صاحبتي جات سلام
سيف تنهد وتابع في سره ده علشان اكيد هي عملتله هايد من الاستوري وشافها من عند شهد يخربيت حركات البنات
احمد ركزي يا شهد متقعدوش ترغوااا
شهد بحب حاضر والله
وراحت تشوف صاحبتها
عند حسام بيرن على امنيه للمره التالته وكانت مش بترد
امنيه بنوم اممم ايه يحبيبي واتاوبت واكملت صباح الخير
حسام بحده صباح اسود على دماغك ساعه علشان تردييي
امنيه بستغراب في ايه ياحسام واتعدلت ورجعت شعرها لورا وتابعت كنت نايمه هو انا هسمعك ومش هرد ليه
حسام بحده لما تيجي بعد كده عايزه تخبي حاجه عليا متقفليش البيت كله وتسيبي شباك المطبخ مفتوح
امنيه بستغراب ايه كلامك ده مش فاهمه حاجه بجد اهدى وفهمني في ايه
حسام بعصبيه ايه خلاكي تعمليلي هايد يا امنيه ???
امنيه بخوف هايد ازاي يعني ومن ايه مش فاهمه
حسام بعصبيه لا متعصبنيش علشان قسما بالله انا مخي صغير واجيلك البيت مش عايز استعبااااط
امنيه بخوف لالا خلاص طب .. طب انت عرفت ازاي وانا هفهمك
حسام بحده ملكيش دعووه عرفت ازااي مين اصلا الحيواان ده
امنيه بتوتر ده جارنا متربيين سوا وزي اخويا وكل سنه بعيد عليه يا حسام انا معملتش حاجه غلط
حسام بعصبيه انتي لو معملتيش حاجه غلط مكنتيش خلتيني مشوفش الاستوري بس انتي عارفه اني هبهدلك ومع ذلك مفرقش عملتي هايد ونزلتي وعااادي يغور منظر خطيبك قدام النااس
امنيه بدموع يا حسام والله انا متعوده على كده اصلا بيقول لامي يا ماما زيي ده بجد اخويا
حسام بعصبيه يا امنيه انتي لو سكتي هيبقى بجد احسنلك لان كلامك مستفززز هو ايه اللي بيقول لامك ماما انتي بتستعبطي ولا اييه بني ادمه تحرق الدم بجد يااارب ...مين ده اصلااا يقربلك اييه ده مجرد جااركم وبعدين المفروض ان بعد مادخلت حياتك كل حاجه تتغير بس انتي مش عامله احترام اصلااا لاي حاجه وحتت انك تعملي هايد من الاستوري دي قسما بالله ماهعديها اللي هو يلا منوريش الحيوان اللي مالوش كلمه حاجه وننزل بردو
امنيه بدموع طب حقك عليا خلاص همسحه والله انا عملت كده علشان متضايقش مقصدش كل ده
حسام بعصبيه لا انتي عملتي كده علشان عارفه اني ممكن اقطع خبرك لو كنت شوفتك منزله استوري لراجل بتعيدي عليه بس عموما تمام
امنيه بدموع طب بقولك حقك علياا يا حسام خلاص علشان خاطري متزعلش
حسام بحده سلام يا امنيه انا في القسم مش فاضي اتكلم تاني وقفل ومرضيش يرجع يقعد معاهم فركب عربيه ومشي على شغله
عند يونس في مكتبه كان مشغول جدااا فتعب ورجع ضهره لورا يستريح شويه ومسك فونه فضل يجيب صور يتفرج عليها بحزن واضح وقاطع شروده خبط على باب مكتبه فاكمل ادخل
دخل شاب واكمل مساء الخير يا دكتور يونس ممكن اخد من وقت حضرتك خمس دقايق
يونس بستغراب مصطفى !!!!!
«غموض الحب »
البارت الرابع عشر
يونس بستغراب مصطفى !!!!!
مصطفى بتنهيده اه انا ها ممكن اقعد ولا في مشاكل
يونس بحده انت عبيط يالا صح ؟؟؟ تقعد فين ؟؟ اتفضل امشي غور برا مكتبي علشان مناديش الامن يخرجك
مصطفى بتنهيده دكتور يونس انا مش هطول عليك كل اللي عايزه منك مواففتك وهمشي علطول
يونس بستغراب موفقتي !!! موفقتي على ايه انشاء الله ؟؟
مصطفى رايح يتكلم ميرنا دخلت واكملت على جوازه مني
يونس بصلها بصدمه واكمل بسخريه ده انتي كمان جيتي معااه حلو والله ..وتنهد بعمق وتابع بصي يا ميرنا تتجوزيه او متتجوزيهوش دي حاجه متخصنيش اعملي اللي تعمليه وشاور على الباب وتابع برا بقى علشان مش فاضي
ميرنا راحت وقفت قدامه واكملت ازاي بقى هو انا ليا غيرك يا يونس ؟؟ يعني مفروض طلما مبقتش جوزي انت في الاول والاخر ابن خالتي ولا ايه ؟؟
يونس بتنهيده لا منا ابن خالتك اه بس متنسيش ان اهل ابوكي اعداء جدي وامك كسرت كلام عمها اللي رباها اللي هو جدي وهربت مع ابوكي فعلاقتنا بيكم متنهيه من زمان وعلشان امي فضلت تحت طوعه جوزها ابويا ده انا مش عارف حقيقي ازاي كنت هفاتح اهلي اني عايز اخطبك وبص للسما وباس ايديه وتابع الحمدلله هي جات من عند ربنا
ميرنا بضحك ياااه للدرجه دي كنت هم على قلبك
يونس رجع ضهره لورا وتابع مش مسأله هم انا مبعملش حاجه غصب عني بس كده مريح ومش شايل مسئوليه حد انما انتي بنت ناس ومحترمه في النهايه احنا اهل وفي بينا دم فمتخافيش انا اخوكي بردو
مصطفى بحرج انا حقيقي بعتذر على الموقف السخيف اللي عملتوا زمان بس حقيقي انا مأذتش بنت خالتك وشرف عيلتكم محفوظ وجيت اطلبها منك في الحلال زي اي حد لان والله العظيم بحبها وحبي ليها خلاني مشيت ورا شيطاني وعملت فيكم كده وكمان اطلب تسامحني على اللي حصل ده
يونس بصلها بسخريه بعدين بصله واكمل اممم وهي بقى اللي قالتلك تيجي تطلبها مني انا ؟
ميرنا بحده متعصبنيش هو انا ليا حد غيررك اصلااا
يونس بحده احترمي نفسك وصوتك ميعلاش انا بكلمه هو انتي متفتحيش بوقك خالص
مصطفى شد ميرنا لورا واكمل بس انتي دلوقتي اسكتي وبص ليونس وتابع اه يا دكتور هي قالتلي انك فاهمها غلط وظلمتها وكمان هي ملهاش غيرك فطلبت مني اجي اوضحلك الصوره واطلبها منك ولازم موافقتك
يونس بابتسامه تمام عادي بلنسبه لاني فهمتها غلط فانا ميرنا قطعت علاقتي بيها من زمان ومتفرقليش ولما شافتني ووضحتلي الصوره صدقتها عادي فمتفكرش اني هرفض سبق وقالتلي انك عايز تتجوزها وتصلح اللي عملتوا وانا قولتلها هكون جمبها واسلمها لعريسها وخلاص الشخص اللي حصل معاه المشكله هو الشخص اللي هيتجوزها فا ده هيبقى شرفك انت في النهايه وانا مش عايز غير سعاده بنت خالتي وطلما معاك وهي وافقت انا مقدرش اعترض
ميرنا بصتله بذهول من بروده ومصطفى فرح جداا وتابع انا بجد مش عارف اقولك ايه شكرا جدا يا دكتور واوعدك فعلا هعيشها مبسوطه
ميرنا بابتسامه تمام يا يونس نحدد معاد كتب الكتاب وتيجي تسلمني
يونس شاور على عنيه الاتنين وتابع من عنيا يحبيبتي شدوا حيلكم بس
مصطفى بحب اكيد قريب باذن الله بس انت ايه مسامحني
يونس بابتسامه انا مفيش حاجه ناحيتي حقيقي خلاص
مصطفى جاله فون فاكمل طب عن اذنك هعمل مكالمه وبص لميرنا وتابع حبيبتي انا برا سلمي عليه ويلا مستنيكي
وطلع
يونس قام وقف وراح قدامها واكمل بتنهيده جيباه وجايه فكراني هقولك لا متتجوزيهوش ؟
ميرنا بصتله بكرهه واكملت انت مش حبتني وقسيت تؤ انت محبتنيش اصلااا
يونس بتنهيده بلاش نتكلم في اللي فات احسن ليا وليكي يا ميرنا
ميرنا بسخريه لا متخافش انا مش هتكلم فعلا انسى يا يونس ان ميرنا تعيط ولا تضعف قدام اي جنس مخلوق تاني انا مبقتش عايشه غير علشاني وبس
يونس بتنهيده سيبك من كل الهري ده اوعي تكوني بتعاندي فياا فعلشان كده جيباه وجااايه انا بجد مش هضر مكانك فشوفي نفسك مره والف انتي عايزاه فعلا ????? لان مهما كان انتي بنت خالتي ومن دمي ولحمي
ميرنا بسخريه ده انت اللي عايز تتاكد اني ازاي اتحولت كده وبقيت عايزاه ....انا معتقدش هيفرق معاك بس هريحك يا يونس اه عايزاه متقلقش ... عايزاه علشان على الاقل حبني بجد من قلبه والمثل يقول خد اللي يحبك ومتاخدش اللي انت تحبه ومصطفى مهندس ووسيم ومبسوط وبيحبني هعوز ايه تاني مثلا
يونس بصلها بسخريه واكمل بجديه مصتنعه لا تصدقي عندك حق معاكي فكل ده بس مش معاكي في المثل لان انتي هتظلمي حد مالوش ذمب معاكي بعدم تبدال المشاعر بينكم وبلوقت هيتقفل منك لان لكل انساااان طاقه مهما حب حقيقي هيجي عليه وقت يقفل ويبطل يبقى عليكي
ميرنا قصدك ايه يا يونس ????
يونس بتنهيده قصدي عقلك في راسك تعرفي خلاصك يا بنت خالتي طلعيني من كل حوراتك دي انا اللي فيا مكفيني واللي انتي جايه تعرفيه عرفتيه خلاص فا دي حياتك وانتي حره
ميرنا برفعه حاجب وهو ايه انشاء الله اللي جايه اعرفه وعرفتوا
يونس بحده انك متهمنيش
ميرنا بابتسامه لالا متخافش انا عارفه كده من زمان بس حبيت اكد لنفسي المعلومه مش اكتر ولعلمك انا اه كان بيوحشني ايام ما كنا سوا بس في بدايه انفصالنا وبس علشان محدش بيموت من الحب وقدرت اقسى واتخطى لان انت صح ... مهما الانسان حب بجد ليه طاقه وانا شوفت من مصطفى اللي يخليني احبه واسامحه وانه فعلا بيعشقني مش بيحبني وبس .. وانا جيتلك لان كان يصعب عليا تفكرني بنت مش محترمه وحقك متسامحش في شرفك ففضلت مصممه اقابلك لحد مااثبتلك اني بنت ناس انما مشاعري ناحيتك حاليا مشاعر اخويه وبس
يونس بابتسامه الشعور متبادل ودي حاجه كويسه جداا وعلى فكره انا مصدقك اوي
ميرنا بستغراب اشمعنا بقى
يونس بتنهيده لان عينيكي مبقتش فيها لهفه ليا ولا حب ولا اي معنى زي زمان لانك ادركتي فعلا نهايه علاقتنا وان مفيش امل فمبقتيش مستنيه مني حاجه ولا انا مستني منك حاجه زي ما قال
محمود درويش: ((ماتَ الترقب بيننا، لا أنت تَتوقع مجيئي، ولا أنا اِنتظرتك ))
ميرنا بابتسامه اه ده حقيقي انا بقيت احس اني عايشه فعلا لما حبك خرج من جوايا يا يونس انت ظلمتني وصدقت عليا اللي محصلش وانا وريتك اني شريفه بس مش علشان ارجعلك لا انا حقيقي خلاص فوقت وهختار نفسي المره دي وكل المرات الجايه
يونس بتنهيده ودي مش حاجه تزعلني طبعا المهم راحتك يا ميرنا اكيد مكنتش هفرح وانتي بتحبيني وانا بعيد عنك حقيقي كده اريحلك واريحلي
ميرنا بابتسامه لا تحمل اي معنى اكملت : تمام هحدد مع مصطفى وابلغك بلمعاد عن اذنك
وطلعت وقفلت الباب وغمض يونس عينيه بضيق شديد واتصل بسيف يتكمل معاه
-------------------------------------------
بعد شويه في اوضه نور واقفه بتقيس دريس وياسمين وجودي معاها في الاوضه
ياسمين انتي يااابت ماتخلصي وتطلعي ده ايه البرود ده
نور بحماس غمضوا عينيكم
جودي لا انا مرارتي هتتفقع من نور والله منا ماتخلص قيس فساتينها
نور خرجت واكملت بضحك خلاص اهو جيتلكم بسرعه المره دي ايه رااايكم
ياسمين بصدمه بصي هو وسكتت شويه وتابعت هو حلو بس مش عريان شويه ??
جودي بصدمه مش عريان شويه ايه ده قاسم هيطلقها من قبل مايتجوزهاا
ياسمين بضحك ده لانجيري وطلعتيه بلغلط صح ??
نور بضيق لانجيري ايه انتوا مبتفهموش حاجه في اللبس
جودي اممم انتي اللي بتفهمي لابسه كب وقصير ومفروض اننا مبنفهمش
نور جماعه بجد متعقدونيش هو عاجبني اووي
ياسمين بقلق بجد هتتهزقي بلاش علشان خاطري طب ماتشوفي اللي جابه معاكي قاسم
نور بضحك ياما اللي جابه قاسم ده ميتلبسش انا مرضتش ازعله بس يخنق اوي بجد وبعدين انا بكويه من كام يوم لسعته فمش هينفع نهاائي
جودي ماهو بصراحه يعني يا نور الدريس ده اخرك تخرجي بيه من باب اوضتك اه والله
ياسمين بضحك ده اذا نفع لان مازن واحمد لو شافوها كده هيكسروها
نور بضحك يحبيبتي انا هبقى ملزومه من راجل هما مالهمش دعوه بعد كده بلبسي انا حره البس اللي البسه
جودي بضحك انا مش عايزه ابوظ حماسك والثقه اللي بتتكلمي بيها بس قاسم هيكمل معاهم بالله بللي انتي لابساه ده
نور بتبص في المرايه على نفسها وتابعت يجماعه بجد متأفوروش هو حلو يعني مش عريان اوفر
ياسمين بضحك انا نصحتك وانتي براحتك يحبيبتي عايزه يتنكد عليكي يوم كتب كتابك البسيه
جودي بضحك انا مش فاهمه متكسفتش وهي بتشتريه ده
نور بضيق اومال يتلبس فين بجد اما مينفعش انزل بيه اشتريتوا ليه انا
ياسمين بضحك ده احنا اللي نسال السؤال ده اشترتيه ليه وازاي بجد ده اخرك لما تتجوزي تلبسيه بينك وبين قاسم في عيد جوازكم
نور بتنهيده انتوا عقدتوني كده مش فاضل الا واحد بس من الجداد وحقيقي ده كان بنسبالي اجمل واحد
جودي بحب قيسي الاخير واحنا معاكي اهو معجبناش حاجه ننزل نشتري سوا اخواتك موجودين
نور بحب ربنا يخليكم ليا يارب يا جوجتي
جودي بحب ويخليكي لينا يا حبيبت قلبي
نور بحب طب عندي فكره
ياسمين ايه قولي
نور بحب انا هتصل بقاسم واوريه لو عجبه خلاص هلبسه
جودي بضحك لالالا بلاش علشان خاطري
ياسمين بضحك ايييه بنت انتي اتجننتي متفكريش تااني احسن اوعي تعملي كده ميصحش يشوفك كده اصلا
الباب خبط فاكملت نور بضيق منهم: ادخل
يونس دخل وتابع ياسمين فين القميص الاسود بتاعي اللي وسكت مصدوم من منظر نور واكمل بحده وهو باصص للارض يخربيت اهلك ازاي تقولي ادخل يعني
جودي وياسمين فضلوا يضحكوا بشده فاكملت ياسمين بضحك انت بتوطي عينك ليه يحبيبي دي عايزه تتصل بقاسم توريه علشان تلبسه في كتب كتابهم
يونس بصدمه نعمم بتهزروا صح
نور بضيق هو مش عاجبك انت كمان يا ابيه
يونس وهو عينيه في الارض شاور على الحمام واكمل بحده اتنيلي روحيي غيري القرف ده واياكي تتصلي بقاسم توريه منظرك كده انتي اتجننتي ولا ايه
نور اتخضت من صوته وتابعت بدموع طب منا مش معايا غيره هو وواحد تاني خلاص بس ده احلى هو فيه ايه بجد ماهو حلو اهو
يونس تنهد بعمق واكمل نور ادخلي غيري علشان متغباش عليكي واناديلك اخواتك وابوكي وايااكي اديني حذرتك حد يشوفك كده متتصليش بقاااسم انا اتحرجت اني شوفتك كده واسمي ابن عمك وزي اخوكي توري واحد غريب منظرك كدده انتي اكيد اتجننتي ده لا ينفع قاسم يشوفه ولا حد يشوفه اصلاااا
جودي بتنهيده والله قولنالها كده يا يونس
يونس بحده انا قولت اللي عندي تبقى توريني كده وتلبسه وبص لياسمين وتابع بحده وانتي اطلعي هاتيلي قميصي علشان غاير مشوار انا لو اعرف ان هي لابسه القرف ده مكنتش فكرت اجي اصلا
ياسمين بضحك حاضر هجبهولك بتشيط عليا ليه انا مالي انا
يونس لمح نور بطرف عينيه فاكمل بحده انتي لسه وااقفه ليه ماتخشي تتنيلي وتغيري القرررف ده
نور بضيق اوووف ودخلت وقفلت باب الحمام
جودي بضحك روحي انتي هاتي ليونس قميصه وانا قاعده مع المجنونه دي نشوف حل الفستان
ياسمين بضحك تعالى هطلع اجبهولك انت مين قالك صح اني هنا
يونس بتنهيده ستك ياختي وتاني مره ابوس ايدك رصي الحاجه زي منا حاططها متغيريش حاجه
ياسمين بضحك حاضر من عيني حقك عليا وطلعت معاه
جودي بحب يلا يانوري مستنياكي اهو
نور خرجت واكملت بضيق جودي اقفليلي السوسته معلش
جودي قامت قفلتها واكملت باعجاب طب والله تحفه اوي احسن من التاني بكتير ستان طويل واوف شوردر يعني مش مقفول اوي بردو بس محترم او بطبيعه لبسك المعتاد وشكل الخرز من فوق حاجه بجد سيمبل وقمر
نور بضيق مش عارفه مش حساه حاسه التاني اجمل
جودي بحب حبيبتي التاني كان كب وقصير بس بردو ستان ده طويل واوف شوردر مقفول اكتر وشكله جميل حقيقي مش بجمالك
نور بابتسامه يعني نعتمد ده ؟
جودي بحب واعجاب اه جميل عليكي بجد
نور حضنتها وتابعت بحب بجد بحبك اوي وضحكت وتابعت معلش بقى صاحبه عمري فغصب عنك هتعبك معايا
جودي حضنتها اكتر واكملت بحب ده تعبي ليكي انتي راحه تعرفي انتي يمكن اصغر مني بكام سنه بس والله بحبك اوي كانك نفس سني وفرحانه ليكي حاسه هشوف بنتي عروسه مش صاحبتي حقيقي الايام جريت فاكره لما كنا بنلعب تحت في الشارع كلنا
نور بضحك يالهوي دي كانت ايام بجد ياريت ترجع ولا لعب الكوره
جودي بضحك مازن وسيف ويونس علطول كانوا بيغلبونا
نور بضحك اه عمرنا ما كسبنا اصلا يابنتي هما بردو كانوا اكبر دول كانوا بيلعبوا بينا بدل الكوره
جودي بضحك اه والله على رايك وابتسمت بحب وحطت ايديها على خدها وتابعت وادي اول واحده في شلتنا بقيت عروسه وعروسه زي القمر كمان
نور بابتسامه عقبالك ينورعيني وافرحلك والبسك فستانك واشيل عوضك كمان
جودي بضحك ياااه جريتي بياا اوي ده انا لسه بدري عليا
نور بدري من عمرك يا جودي انتي خلاص ياحبيبتي السنه دي وتتخرجي مستنيه ايه
جودي بتنهيده قعدت واكملت مستنيه اعرف اعيش الاول بعدين افكر في راجل وبيت ومسئوليه
نور قعدت وقعدتها قدامها وتابعت بقلق مالك يا جودي??? انتي صاحبه عمري مش عارفاكي من يوم ولا يومين فيكي ايه??? حد زعلك ??
جودي ابتسمت بحزن واكملت مفيش يا نور بلاش نكد عايزين نهيص ونفرح بيكي شويه ده الدنيا كلها لازم تفرح وتعرف ان نور الرفاعي اجمل عروسه فيكي يا قوصيه وباست خدها
نور ضحكت وحضنتها واكملت بحب بجد بموت فيكي بس قوليلي بردو فيكي ايه بتحبي ???
جودي بتوتر ايه لا مش كده هو
نور وجهت وشها لعنيها واكملت بابتسامه بتحبي وواضح مين بقى
جودي بتنهيده ممكن علشان خاطري بلاش نتكلم في الموضوع ده
نور بحزن ليه كده انا قصدي اسمعك ونحكي ونهون على بعض
جودي تنهدت بعمق واكملت اصل ده حب مستحيل يكمل وانا تقبلت الفكره دي خلاص وبحاول اتعايش عادي
نور بستغراب مش فاهمه كان في ارتباط وسبتوا بعض يعني ??
جودي بضحك لا ياختي الحوار مش كده ...في الف مشكله ومشكله تمنعه يحبني اصلا
نور شهقت واكملت نعمم ياختي وميحبكيش ليه فيكي ايه ده انتي ست البنات
جودي ابتسمت بحزن واكملت مش هينفع اقولك اسباب دلوقتي بس ادعيلي ربنا يربط على قلبي ممكن؟
نور حضنتها واكملت بحزن صعبه انا عارفه وعارفه ان كلامي كله مش هيهون عنك وجعك بس انا هدعيلك ولو اقدر اعمل اكتر هعمل
جودي بحب طبطبت على ضهرها واكملت يكفي الدعا قادر يهون كل حاجه صدقيني
نور بحب يارب يحبيبتي يسمع مني ويستجيب
جودي بحب يااارب يا عروستي
نور بضحك والله انتي قلب عروستك
جودي بحب طب يلا غيري علشان عايزين نشغل السماعات ونهيص شويه امك من ساعه ماعرفت ماشيه تقول لاهل البلد كلهم والستات هتتجمع في البرنده
نور بحب حاضر هغير والبس دريس عادي وانزل معاكي
وسمعت صوت مازن من الصالون : احمد شهد بنت عمك تحت مع صاحبتها خلي حد يعملهم قهوه علشان انا نازل الشغل وورايا لف كتير على موضوع الارض
احمد بحب هعملهالها انا عادي خلاص روح انت ربنا معاك
مازن بحب ماشي يحبيبي عايز حاجه
احمد بحب سلامتك يا كبير
نور بحزن طب يا جودي هشوف مازن وجيالك وخرجت واكملت بتوتر ابيه ممكن ثواني؟
مازن كان ماسك الاكوره بصلها باعجاب بشكلها في الفستان والدموع اتجمعت في عينيه واكمل بحب تعالي يا نور
نور راحت حضنته وعيطت فحاوطها بايديه وباس راسها واكمل بتنهيده بس يحبيبتي متعيطيش اهدي
نور رفعت وشها وهي في حضنه واكملت بعياط وحياتك عندي مقصدش اضايقك وابينلك ان مينفعش تدخل في حاجه تخصني انا بس علشان كنت عايزه اروح جداا فطلعت مني كده وبعترف انا غلطانه انما انت .. انت ابويا مش اخويا بس ... وانا مقدرش اعيش من غيرك ولا اكسرلك كلمه ولا تزعل مني كده والله مقدرش
مازن الدموع اتجمعت في عينيه واكمل وانا كنت وهفضل مستعد اضحي بلدنيا كلها علشانك انتي واخوكي فمتخيله مني افضل شايل منك يا نور ده انتي بنتي قبل ماتبقي اختي ورفع ايديها باسها واكمل بحب مش زعلان يحبيبتي انا يمكن اه حسيت ان ادي نور اللي كنت مربيها على ايدك كبرت ومش عايزاك تدخل في حياتها تاني وانت اللي عشت بتضحي علشانهم وبترضيهم بصراحه صعبت عليا نفسي اوي لما قولتي قدام الكل انك مش عايزاني اتكلم علشان بخليهم يرفضوا مع ان الكل رايه زيي .... بس انا فعلا مقدرش اشيل منك ولما قاسم جيه يتكلم على كتب الكتاب اتكلمت طبيعي وكأن مفيش حاجه لان مهما حصل انتي بنتي يا عبيطه
نور حضنته واكملت بدموع وحب ربنا ميحرمنيش منك ابداا ينورعيني بجد ويديمك ليا انا بحبك اووي
مازن باس راسها واكمل بابتسامه وانا بحبك اكتر بكتير
احمد وهو حاطط ايديه على خده وساند على رخامه المطبخ المطل على الصالون اكمل امممم طب انا موقعي ايه من الاعراب مش فاهم
نور ضحكت وراحت باست خده واكلمت بحب انت حبيب نور التاني
احمد حضنها واكمل بحب يارب ميحرمنيش منك ابداا يا نورعيني
مازن بضحك الله وقاسم فين من الحوار ده
نور بضحك التالت بس محدش يقول قدامه
احمد بضحك لا ماهو واضح من التنطيط اللي حصل تحت لما وافقنا بكتب الكتاب انه التالت الصراحه
نور بضحك اومال اقول قدامكم انه الاول مثلا عييب اخواتي الكبار مهما حصل
مازن بضحك لا يابنت الجزمه متقوليش كلي بعقلنا حلاوه
نور بضحك وهو ده اللي بيحصل ومسكت فستانها لفت حوالين نفسها وتابعت بحماس بس ايه رايكم فياا
مازن عمل بايديه برفكت واكمل بحب جميل جداا جداا بجد يحبيبتي عقبال ما اشوفك بلفستان الابيض وبالحجاب يارب
نور بحب يارب يحبيبي
احمد بحب واعجاب جميله اوي بجد وضحك تابع والله خساره في الواد قاسم المزة بتاعتنا دي
مازن بضحك بس يا حيوان ده صاحبي وعشره عمري وماله يعني ماهو كمان وسيم ومحترم
نور برفعه حاجب يعني ايه مش فاهمه هو اللي خساره فيا مثلا ????
مازن بضحك والله انا بشفق عليه على المجنونه اللي حبها بس يلا نصيبه واختياره
نور بضحك ماشي يا ابيه تشكر
مازن بضحك العفو يحبيبتي وبصلها بحب وتابع كبرت نور يا احمد وبقيت عروسه واالله الواحد مش مستوعب انها واقفه قدامنا بفستان كتب كتابها خلاص
احمد الدموع اتجمعت في عينيه واكمل بضحك طب بلاش تقول كلام يعيط الواحد لسه قاعده وسطنا اهي ده كتب كتاب بس
مازن الدموع اتجمعت في عينه واكمل بضحك والله انت صح بلاش نفكر في الموضوع دلوقتي احسن وبصلها بحب والدموع في عينينه وتابع المشكله الحيوان ده مش هيقعد قريب من هنا بس يلا هعمل ايه دي سنه الحياه وتنهد بعمق
نور شاورت لاحمد جالها وحضنته هو ومازن واكملت بدموع وحب انا بحبكم اووي بجد عارفين انا عمري ماحسيت احساس اني بنت على اتنين رجاله ده ... اه ياسمين وزينب وشهد وجودي اخواتي البنات الصراحه وجمبي علطول بس بيقولوا الاخت اخت بردو بس تعرفوا انا بحمد ربنا ان انتوا اخواتي وحقيقي مكتفيه بيكم جدا ومش حاسه الاحساس ده انتوا مالين جوايا كل الادوار ومتعيطوش وتعيطوني معاكم انا لسه على قلبكم على فكره وضحكت من بين دموعها
مازن ابتسم بحب من بين دموعه وحضنها واكمل ربنا يتمملك بخير يحبيبتي ويفرحنا بيكي ياست البنات واحنا بنحبك اكتر
احمد باس راسها واكمل بحب ربنا يسعدك ينورعيني ونشوفك اجمل عروسه في الدنيا احنا عشنا نحلم بليوم ده كتير وهانت اهو
نور بحب ربنا ميحرمنيش منكم ابدا يارب
مازن واحمد بحب ولا منك يحبيبتي وتابع مازن بحب يلا هروح انا ورايا مشاير وباس جبينها وبص لاحمد وتابع متنساش ادويتك هاا
احمد بحب من عيني حاضر متقلقش
ونزل
نور بحب هروح اانا اغير علشان ستات البلد جايين يباركوا ويقعدوا شويه في البرنده
احمد بضحك اه ما امك مش ساكته من الصبح روحي يحبيبي وانا هعمل قهوه لبنت عمك وصاحبتها
نور بحب ماشي يحبيبي
ودخلت اوضتها تغير
----------------------------------------------
عند عمر كان قاعد بيشرب قهوه فوق السطح الساعه 12 الضهر وباصص على الاراضي الزراعيه قدامه والجو فيه نسمه هوا فتنهد بعمق ورجع راسه لورا وبص للسما واكمل بوجع مكنش ليا حد غيرك يا امي روحتي سبتيني في اصعب وقت انا محتاجلك فيه .. حقيقي مش عارف انا عايش ليه وبعمل ايه وايه اللي هيحصل انا تايه اوي ومحتاج حضنك يخلي افكاري تهدى زي زمان بجد الواحد حس فعلا يعني ايه معنى اليتم لما مشيتي كنتي قايمه بدور الاب والام هان عليكي عمر يا ست الكل تسيبيه لوحده كده ؟؟? ودموعه نزلت
ولقى حد بيحط ايديه على كتفه فمسح دموعه بسرعه
سيف وهو بيتنسد بلعكاز وبيقعد قدامه اكمل بتنهيده على اساس مسمعتكش وشوفتك ؟؟بتخبي دموعك مني انا يا عمر
عمر بلهفه سيبك مني ايه كل ده انت كويس ????
سيف بتنهيده متخافش انا كويس اديني قاعد فل قدامك اهو ايه في ايه هو انت اول مره تشوفني مصاب
عمر بقلق لا بس اول مره اشوف بعكاز
سيف رجع ضهره لورا على الكنبه وحط العكاز جمبه واكمل طبيعي يعني علشان 3 رصاصات ده لما بقف كتير بحس ان رجلي هتتكسر
عمر بحزن سلامتك يحبيبي ربنا يتمم شفاك على خير يارب
سيف بحب يارب يا غالي هاا مالك في ايه
عمر بتنهيده عمرك ما هتتغير ابدا
سيف بستغراب على ايه مش فاهم
عمر بتنهيده حزينه : سيف انت على اللي عرفته مني عايز اللي يقف جمبك ويقويك مش تطلع انت بتعبك ده وتعبك النفسي علشان تقف جمبي انا
سيف يضحك ياض انت عبيط تعب نفسي ايه وكلام فاضي ايه انا زي الفل بطل عبط يا عمر وقول اللي جواك انا سيف الرفاعي مش جديد عليك مفيش حاجه بتكسرني
عمر بتنهيده وعلشان انت سيف الرفاعي وانا حافظك اكتر من نفسك بقولك كفاياك تمثيل القوه في وقت ضعفك انت عامل بلظبط زي واحد جايب كوبايه متكسره 100 حته وفضل يلصم فيها لحد مارجعت كوبايه بس منظرها مشوه ومع اقل حاجه هترجع تاني زي الاول فمتضغطش على نفسك وتكتم مشاعرك علشان والله هتنفجر على اتفه سبب
سيف رجع ضهره لورا و تنهد بعمق واكمل عايزني اقول ايه يا عمر؟ اذا كنت انا مش مستوعب اي حاجه من اللي بتحصل حاسس ان في نار ماسكه فياا في صحرا ومش قادر اطفيها ومفيش حتى كوبايه مايه حواليا ادلقها تهدي ناري ولو 1% انا مش قادر افهم انا حاسس بايه وموجوع ازاي من كل حاجه حاسس اللي جوايا بقى اصعب من انه يتشرح بكلام واللي يوجع اكتر ان حتى مينفعش اطلب من حد يساعدني اطفيها مينفعش اشارك حد وجعي مينفعش اصلا افتح بوقي في اي حاجه انا تعبان اوي بجد بس اتعودت على كده من زمان مشاكلي هي مشاكلي لوحدي عارف انا داخل حربيه مش شايل هم حاجه ليه؟
عمر بحزن ليه ؟؟
سيف بتنهيده حزينه : علشان الطبيعي في حربيه بتعيش لوحدك بعيد عن افراح اهلك والمناسبات والاحزان انت بتغيب عن مشاعر كتيره اوي ممكن تتعاش وسط اهلك بس انا مترددش احقق حلمي لاني من زمان بلفعل لوحدي ومش حاسس بأي حاجه من المشاعر دي كلهم حبوني اوي بس لما اختفيت معادا امي لانها عمرها ماقصرت معايا عارف يا عمر ولا مره حد حسسني بلاهتمام ده قبل الحربيه وابتسم بسخريه وتابع تحس ان الناس مبتعرفش قيمه الحاجه غير لما تروح بس عموما مفرقش معايا كتير انا كنت وبكون وهكون السند لنفسي بعد ربنا بحبهم كلهم وبهتم بلكل بس احساس اني مبقتش مستني اي حاجه من اي حد مريحني اوي فبطلت اتعشم في ده وده علشان ميحصلش العكس اضايق فانا سند للكل ومش مستني حد يسندني فصدقني مفرقتش اللي حصل دلوقتي كله محصل بعضه انا كده كده بسحل نفسي في الشغل من زمان علشان اهرب من كل مشاكلي فهكمل في كده بس انا متعود اصلا ان مشاكلي جوايا ومش بحكيها
عمر بتنهيده فاهمك لان في حاجات كتير لو مجتش في وقتها بيبقى ملهاش لازمه بعدين وبعيدا عن انك كده كده مش هتحكيلهم بس هما جايين يهتموا لما انت اتعودت تبقى ساكت وبتشيل همك لوحدك وبلنسبه للهروب ده مش حل ده مسكن للايام علشان تعدي فبلاش نصيحه مني يا صاحبي
سيف بتنهيده بلظبط كده وصدقني في وضعي ده مش قدامي غير الهروب وانا كده كده قدام الكل فاهمين اني زي الفل وبارد ومبيأثرش فيا حاجه فطلما حزني محدش غيري هيعرفه يبقى اهرب من مشاكلي واريح نفسي لحد ما اشوف حل ... المهم سيبك مني واخلص في ايه معاك ؟
عمر تنهد بعمق واكمل مفيش حاجه يا سيف انا نفسيتي تعبانه بس من موت امي
سيف بحزن ربنا يرحمها يحبيبي بس انت متاكد ان ده بس اللي مضايقك
عمر بتنهيده اه متقلقش لو في حاجه انا مش هخبي عنك اكيد
سيف بتنهيده لا مخبي لان مش سيف اللي يتقاله الكلام ده بس عموما براحتك هسيبك لحد مابنفسك تقرر تتكلم
عمر تنهد بوجع لما افتكر كلام زينب واكمل بضحك مصتنع: احنا اتنين متدمرين كل واحد بتعب شكل وقاعدين نهون على بعض شايف الكوميديا السوداء
سيف ابتسم واكمل هعمل نفسي مخدتش بالي انك بتهرب من الكلام وغمز
عمر بضحك انت والله فظيع متقعدش معايا تاني غير لما اكون ناوي افضفض بصراحه لان كل مره شكلي بيبقى وحش
سيف بتذكر : اه صحيح الحادثه دي حصلت ازاي
عمر بتنهيده مفيش عادي كنت نازل اتمشى علشان مخنوق الفرامل هربت
سيف بتنهيده الحمدلله جات على كده بجد انا مش عارف ايه المصايب دي اللي بتيجي ورا بعدها
عمر بابتسامه الحمدلله على كل حال اديني بقيت زي الفل متخافش
سيف اممم ما هي زينب طمنتني عليك
عمر حاول ميبينش توتره واكمل اممم تعبتها معايا حقيقي ابقى اشكرها عني كتير
سيف واخد باله من نظراته فاكمل بابتسامه لا يحبيبي ده انت في مقام اخوها مفيش شكر بينكم متقولش كده
عمر نظرته اتحولت واكمل بنبره حزينه وابتسامه مصتنعه اه طبعا انا لو عندي اخت مش هعزها قد زينب ربنا يخليهالكم يارب
سيف بابتسامه تسلم يا غالي ويخليك
يونس طلع واكمل بحب ابقى اخر من يعلم يعني يا قائد
سيف جيه يقوم فاكمل يونس بس بس خليك انت تعبان وحضنه فسيف ابتسم وطبطب على ضهره واكمل بحب واحشتني والله يا يونس
يونس قعد جمبه واكمل بحب والله انت اكتر ايه اخبارك دلوقتي وبص لعمر وتابع وانت كمان ايه اخبار صحتك
عمر بابتسامه الحمدلله يحبيبي احسن
سيف بحب الحمدلله يا غالي انا زي الفل وتنهد وتابع طمني عليك دلوقتي
يونس بابتسامه متشغلش بالك بيا انا كويس خلاص المهم انت
سيف ابتسم بحزن واكمل عارفين بستغرب سؤالكم ده وحط راسه مابين ايديه وتابع انا تايه ومش لاقي وصف اكتر من كده حاسس اني عايز اختفي مشاكل فوق مشاكل مبقتش مستحمل انا انسان بردو
يونس تنهد بوجع واكمل طب ايه انا مش بحب اشوفك كده على فكره انا حاسس بيك وفاهم وجعك وحيرتك وكتير عليك كل اللي بيحصل ده بس بايدينا ايه نعملوا
سيف بتنهيده مليانه وجع اكمل متخافش عليا يا يونس انت ربنا اللي يعلم بيك يحبيبي متضغطش نفسك بانك تحاول تهون عني وانت اصلا مش بخير
يونس بابتسامه مش فرق بينا سنتين وانا الكبير بس بالله بحسك اخويا الكبير انت بتاخد بالك من وجع الكل وتركن وجعك اخر حاجه
سيف بص قدامه بشرود واكمل اتعودت على كده وحقيقي مش عارف اعمل ايه بس انت وعمر بس اللي تعرفوا عني كل حاجه لولا كده لولا بكلمكم بس متخافوش دي مشكلتي وانا هحلها وهبقى بخير انتوا عارفيني مش بقع بسهوله
يونس بحزن اكيد لازم نخاف عليك الوضع مش سهل بس عموما انا وعمر جمبك
عمر بحب ده من غير نقاش هو عارف غلاوته عندي
سيف بابتسامه الكلام الحلو ده علشان متدربش عليك في الكتيبه مش كده؟
يونس وعمر فضلوا يضحكوا فاكمل عمر بضحك يسطا عيب عليك انت عارف غلاوتك من غير اي حاجه ارجع بس بلسلامه ونتدرب براحتك
سيف بحب تسلملي يا غالي وبص ليونس وتابع بتنهيده حزينه يونس انا عايز اقولك ان
يونس بمقاطعه متقولش حاجه انت تعبان ومفكش حيل تهون ومتقلقش عليا انا بخير
عمر بتنهيده حزينه : الكلام مش هيشفي حاجه اصلا يا يونس ربنا وحده اللي قادر يطبطب
يونس بتنهيده مليانه وجع اكمل ونعم بالله وبص لسيف واكمل انا كنت هنزل بس لما ياسمين قالتلي انك جيت ومصاب طلعت اسلم عليك واطمن بس استغربت لاني لما كلمتك فون من شويه مقولتليش انك هنا ولا انك اتصابت
سيف بحب كنت عايز اعملهالك مفاجاه فمرضتش اقولك وتنهد بحزن وتابع بعدين مكنتش فايق وانت بتكلمني علشان اقطع كلامك واقولك انا في البيت ومصاب
يونس بحب حصل خير وباس راسه واكمل هنزل انا بقى شويه هاا
عمر بتنهيده متنزلش مضايق يا يونس خليك و
سيف بمقاطعه لا يا عمر سيبه وبص ليونس وابتسم وتابع روح يحبيبي بس متطولش وسوق على مهلك
يونس بابتسامه تمام
وقام نزل
عمر يعني بذمتك ينفع ينزل بلوضع ده !!!!
سيف بتنهيده سيبه يا عمر لازم يقعد مع نفسه احسن ما كل اللي رايح واللي جاي يشوف ضعفه .. يونس كل اماله اتحطمت خلاص واي امل في عينه اطفى دي هتتجوز خلاص
عمر بوجع حاسس بيه اوي بجد بس مش قادر اصدق الصراحه شايف لسه في امل يا عالم بكره مخبي ايه
سيف ابتسم بحزن واكمل ده احنا اللي بنقول كده علشان نعرف نعيش هي خلصت خلاص ربنا يعينه ويهدي نار قلبه
عمر تنهد بعمق وبص للسما وتابع قادر بلمسه منه يشفي اوجاع الكل ربنا يطبطب على قلوب كل مجروح وتعبان ومش شايف في الدنيا اي امل وكل حاجه راحت منه فاجاه
سيف برفعه حاجب وانت مين اللي عامله فيك كده ياعمر
عمر بضحك احنا مش في الكتيبه علشان تستجوبني يا قائد هاا
سيف مش في الكتيبه وليا حق عليك لانك اخوياا فانطق وكفاياك هروب
عمر بتنهيده حزينه: سيب كل حاجه لوقتها انا حقيقي مش قادر اتكلم ولا انت فيك حيل تتكلم وحرفيا انا وانت ويونس لو قعدنا مع بعض تاني هننتحر
سيف بضحك يخربيت فقرك بس ده حصل بجد وابتسم وتابع بس فكك من الجو ده وقول مين ولا خايف
عمر بقلق وانا هخاف ليه
سيف بخبث مش عارف انا بسالك ؟
عمر بتوتر لالا مفيش حاجه حقيقي انا هقولك هي مين بس مش دلوقتي واهو نكون فوقنا شويه من كل اللي احنا فيه ده ولقينا حل لمشكلتك
سيف بتنهيده : انا مش عايز اجبرك بس خلي في علمك ان كلامك كله مش جاي معايا سكه فشوف الوقت اللي يريحك وتعالى قولي الحقيقه وسيبك من مشكلتي انا خالص
عمر بابتسامه حزينه : متقولش كده انا مقدرش اسيبك في حاجه لوحدك ... وحاضر يا سيف هقولك لما احس اني قادر اتكلم
سيف بابتسامه وانا مستني اسمعك
----------------------------------------------
عند شهد وفرح كانوا قاعدين بيذاكرو
شهد بحيره مش عارفه بس تقريبا ( ب ) هي اقرب حاجه للاجابات
فرح اه منا شيفاها كده بردو هشوف الفهرس ونشوف حليناها صح ولالا
شهد استني نخلص الصفحه بعدين نصحح بلمره
فرح بتعب تمام وحطت ايديها على بوقها بتعب واضح
شهد بقلق مالك في ايه
فرح بابتسامه متعبه مفيش كويسه كويسه وفتحت شنطتها خدت دوا ومسكت كوبايه المايه بايد مرتعشه وشربت
شهد بخوف فرح انتي مش عجباني بقالك فتره فيكي ايه يحبيبتي طب بتجهدي نفسك في الدراسه زياده ???
فرح بابتسامه متخافيش يحبيبتي انا بخير وبلنسبه للدراسه انا مش براكم وماشيه فل فمش بضغط نفسي ولما براكم بعمل جدوال وبنفذها براحه فمش باجي على صحتي متخافيش
شهد بقلق مش عارفه بس انتي مش طبيعيه بقالك فتره طب ايه الدوا اللي خدتيه ده
فرح بحزن وكدب: ده علشان مستفرغش فخدته لان بطني تعبتني
شهد بحزن يحبيبتي الف سلامه عليكي طب ايه نريح شويه ???
فرح بحب لا هكمل معاكي اهو علشان الحق نخلص واروح وتابعت باستغراب ده ايه صوت الاغاني اللي تحت ده
شهد بحب ده بيهيصوا لنور بنت عمي كتب كتابها بعد بكره
فرح بحب ااه الف مليون مبروك ليها عقبالك بقى وغمزت
شهد بتنهيده حزينه ياريت
فرح سابت القلم واكملت مالك يا شهد في ايه
شهد بتنهيده حزينه مفيش بس حاسه نفسي مستنيه امل مش هيجي اصلا
فرح بحزن هو عمره ما قالك انه بيحبك ???
شهد بسخريه بيحبني !!! لا مقالش طبعا احمد ومازن ويونس وسيف وحسام الكل بيدلعني وبيحبني علشان انا الصغيره يعني مبيعملش معايا حاجه مميزه
فرح بحزن انتي مش قولتيلي انه غار عليكي لما كنتي بتكلميني وبهدلك
شهد اممم بس ده لاني بنت عمو يعني مش شرط يكون بيحبني
فرح بحزن طب وبعدين هتعملي ايه
شهد بابتسامه حزينه: هعمل ايه يعني العمل عمل ربنا .. صدقيني الحب مش بايدينا ولا احنا بنحب نجيب الوجع لنفسنا ولا احنا اصلا بنختار اللي نحبه ده سبحان الله ربك يهب القلوب لمن يشاء فانا مختارتش فا اللي حط حبه في قلبي يتصرف
فرح بتنهيده فهماكي والله بس ليه عمرك مثلا مافكرتي تتكلمي مع يونس يمكن يساعدك
شهد بخوف بتهزري يونس مين انتي عبيطه ده يقتلني لو قولتله بحب احمد وكلام سم قد كده هسمعه
فرح بستغراب وده ليه انشاء الله انتي مبقتيش صغيره ده خلاص شويه وتبقي في جامعه
شهد حبيبتي يونس لحد ما اخلف مش هيشوفني كبيره وانا في سنه مينفعش افاتحه فيها في الكلام ده محدش هيحس بيا وكله هيلومني كاني حابه المرمطه ومختاراها وفوق ده وده معنديش الجرأه اصلا
فرح بحزن ربنا يطبطب عليكي يحبيبتي واهو والله المذاكره بتخليكي تهربي
شهد بحزن ده حقيقي اصل انا لو فاضيه كنت جلدت نفسي انما الضغط ده مخليني مبفكرش في وجعي نهائي ولا فاضيه افكر
فرح بحزن ومن غير ماتفكري هو قدامك
شهد بدموع ولما مكنش قدامي ومسافر بردو مغيرش من جوايا حاجه ليه مش فاهمه امتى وازاي حبيته لانه طول الوقت قدامي ومتربي معايا بس زي ماقولتلك بقى سبحانه يهب القلوب لمن يشاء وفي الوقت اللي هو بيختاره
فرح بتوتر هو لما احمد خطب هتعرفي تنسيه ???
شهد اتصدمت من السؤال وقلبها وجعها اوي واكملت والدموع متحجره في عينيها : ايه السؤال ده !!!؟؟؟ انا عايزه اقولك عايشه طول حياتي بهرب من السؤال ده وخايفه اعيشه وانتي حطتيه قدامي فاجاه
فرح بحزن حقك عليا خلاص خلاص متعيطيش وانسي خالص اني سالتك
شهد فكرت في سؤالها واكملت بوجع ودموع متحجره : لا هجاوبك وتنهدت بعمق واكملت في الاول السؤال خضني اوي حطني قدام حاجه انا بهرب منها وخايفه اعيشها فحسيت ان قلبي وجعني جداا وبصتلها واكملت بدموع اصل ازاي يا فرح انا اللي حبيته من قلبي وصونته في غيايه ووجوده وسيره اي راجل غيره بتقفلني وانتي تشهدي كام حد حاول يكلمني او يقولي هكلم ابوكي وكنت بصده ازاي بعد كل ده يبقى لواحده تانيه ??? طب ازاي انا اللي صليت بيه ودعيتله ومش بنساه في صلاتي ابدا وبعيط بلدموع لربنا علشان يجعله نصيبي فااجاه يبقي ملگ وحق واحده تانيه ??? ازاي وانا شيفاه بنسبالي حلم نفسي احققه ??? ازاي وانا مجرد ماعرفت انه تعبان في دبي فضلت اعيط وانهارت وقلبي قبل ما اعرف انه تعبان الليل كله معرفتش انام بسببه كأنه حاسس ان احمد مش بخير ازاي تيجي واحده معملتش ومحستش بكل ده وتاخده هي ??? ازاي بجد لاني معتقدش حد هيحبه قدي في الدنياا اصلاا .. تعرفي يا فرح انا لما ببقي نفسي اتكلم معاه وهو بعيد بفتح صورته وبتكلم معاها ولما يتعب بتعب ولما يحزن بحزن ولما يفرح بفرح انا حتى بخاف عليه اكتر من نفسي وقلبي بيبقى قايد نار وهو مسافر بخاف يجراله حاجه لوحده ومحدش يعرف يرعاه فمش متخيله ان ربنا بعد ما حط كل ده جوايا ليه انه ياخده مني ويديه لبنت تانيه محستش تجاهو ربع احساسي ولا حبيته قدي ده يارب اموت ولا اني اشوف يوم زي ده وغمضت عينيها واكملت بدموع مش متخيله يا فرح مش متخيله انه يقف جمب غيري ويدي غيري ورد ويلبس غيري دبله عشت احلم بيها لالا ده احساس ميتوصفش بكلام اصلا انا حاسه قلبي وجعني وقايد نار وجوايا كلام صعب يتوصف.. حقيقي وجع مالوش كلام يتقال يوصف عمقه
فرح حضنتها واكملت بحزن حقك عليا يا شهد انا مقصدش كل ده انا كنت عايزه اطمن عليكي علشان لو بعد الشر خد خطوه انك هتقدري تتخطي او لا
شهد بدموع لو هقدر اتخطى فانا اتخطى من دلوقتي مش مستاهله استنى اتوجع
فرح بحزن انتي دلوقتي مستنيه امل انما بعدين هتحسي بلعكس
شهد بوجع متهيالك كان يونس اخويا نسي حبيبته اللي قالي اتجوزت دي اللي حب بجد مبيعرفش يكرهه يا فرح لانه في النهايه مش بايدينا دي بتاعت ربنا بجد لانه مهما حاولتي القفله دي بتيجي من ربنا انا مفيش حد سالته اتخطيت ازاي قالي خطوات لان الخطوات هي اكبر دليل للحب انك قاعده تفكري تلاقي حل تنسي بيه انما كلهم اجمعوا ان بتصحي فاجااه مش طيقاه وقاسيه عليه بعد عياط ايام كتير وبمرور الايام تتقفلي اكتر حد ماتتقفلي خالص ودي من ربنا بجد لان الحب عامل زي الموت بيجي في وقت ماتتوقعيهوش ومش بايديك توقفيه الوحيد اللي ليه سلطان عليه ربنا لان محدش هيحب يوجع نفسه
فرح بابتسامه حزينه فهماكي وعندك حق وعمري ما الومك اصلا .. الومك على ايه انك مشاعرك صادقه انا حاسه بيكي يحبيبتي وبدعيلك يكون نصيبك والله
شهد بحب امين يارب
دخل احمد بلصنيه واكمل بقلق ايه ده مالك في ايه يا شهد ???
شهد مسحت دموعها واكملت بتوتر لالا يا احمد مفيش ده مسأله صعبه بس في العضويه مش فاهمه منها حاجه
احمد بستغراب انتوا بدائتو بلعضويه ???
شهد هزت راسها ب اه
فضحك احمد وقعد جمبها واكمل بتعيطي علشان العضويه ده انتي بجد دماغك تعبانه هي اه صعبه بس مش كل حاجه نعيط كده وتتعبي نفسيتك اهدي كده علشان خاطري يا شهد كله هيعدي ونصيبك مكتوب
شهد بابتسامه حاضر والله
احمد بحب طيب القهوه اهي وريني بقى مش فاهمه ايه ولو اعرف افيدك هفيدك
شهد بحب تسلم ايدك تعبتك وفتحت الكتاب بتوتر وفضلت تدور وجابت مسأله كانت مش فهماها اوي واكملت اهي
احمد شافها فمسك الكشكول والقلم واكمل بحب بصي بقى
فرح وانا كمان وريني معاكم
احمد قربي على شهد يلا
وبلفعل قربت وبدا يشرحلهم وفهموا منه حلو جدا
شهد بحب حقيقي تعبتك تسلملي
احمد بحب تعبك راحه يا شهوده يلا هنزل انا لحسن اختك عماله تتصل قرفتني
شهد بستغراب ده اشمعنا
احمد بضحك حسام في القسم ومازن ويونس مشيوا وسيف متكسر طبعاا فمفيش غيري اوديها تدريب الكليه فاضل نص ساعه ويبدا
شهد بستغراب ده الساعه 1 ونص دلوقتي
احمد بحب اه عادي ما على حسب كل دكتور يلا هنزلها اناا وركزي انتي هاا
شهد بحب حاضر
ياسمين من الشارع ماتخلص ياا بارد جودي عماله تستعجلني على التاخير
احمد بضحك من البلكونه لمي نفسك طيب بدل ما قسما عظما احلف ما انزل خالص
ياسمين بضحك لا حقك عليا يلا انزل
احمد بضحك ايوه كده وبص لشهد واكمل بحب يلا يحبيبتي ربنا معاكي
شهد فرحت من الكلمه بس مبينتش وتابعت بحب ماشي خلي بالك من نفسك وخد دواك قبل الغدا لما ترجع
احمد بحب حاضر اجبلك اي حاجه وانا جاي ??
شهد بحب سلامتك اهم حاجه
احمد بابتسامه تسلميلي يا ست البنات
ونزل
فرح بضحك وغمز :حبيبتي وست البنات هاا
شهد ضحكت بخجل واكملت بس يابت اسكتي يلا ضيعنا وقت كتير
فرح بضحك اه ماهو رفع هرمون السعاده
شهد بضحك بلظبط كده يلا بقى علشان الحق اخلص وانزل اخربها معاهم تحت
فرح بحب طيب يلا علشان تلحقي
ورجعوا يذاكرو ويشربوا القهوه
----------------------------------------------
في القسم عند حسام
العسكري خبط ودخل عمل التحيه واكمل تمام يا فندم في واحده عايزه حضرتك برا
حسام بستغراب واحده !!! واحده مين ؟؟
العسكري بتقول اسمها امنيه محمد
حسام اتصدم واكمل امنييه !!! دخلها ومتخبطش تاني لحد ماتخرج
العسكري عمل التحيه واكمل تمام يا فندم وخرج
وامنيه دخلت بتوتر واكملت بابتسامه حبيبي ياناس واحشتني
حسام بحده انتي ايه اللي جاب اهلك هنا انتي اتجننتي ????
امنيه اتخضت واكملت بحزن الحق عليا يعني جايه اصالحك وخرجت ايديها من وراها وتابعت وجيبالك ورد حقيقي خساره فيك تعبي
حسام بعصبيه امنيه متجننيش انتي جيالي الشغل علشان تصالحيني هو خلاص فاضت بيكي الدنيااا فجايه القسم ولا رجلك خدت على هنا ولا اييه
امنيه بحده ماهو لو البيه يرد على مكالماتي مكنتش جيت قال رجلك خدت على هنا قال محسسني جنه
حسام بعصبيه احترمي نفسك ووطي صوتك متبقيش غلطانه وبجحه انا طول منا في شغلي بعمل الفون سيلند علشان اركز مش بعاند في الدكتوره
امنيه بتنهيده عموما يا حسام حقك عليا انا فعلا مقصدش ازعلك
حسام بحده وهنا لا هو وقته ولا مكانه نتكلم بعدين اتفضلي اروحك بيتك علشان ارجع اكمل شغلي علشان الحركه اللي هببتيها دي هتعطل اهلي اهو
ومسك ايديها وخرج واكمل للعسكري رايح مشوار وجاي بسرعه محدش يدخل مكتبي اثناء غيابي
العسكري امرك يا فندم
امنيه بقلق حسام خلاص انا هرجع لوحدي متسيبش شغلك
حسام بحده وهو خارج بيها اكمل ده حسام لو يطول يولع فيكي هيعملها على حرقه الدم اللي بتعمليها دي
امنيه بضحك اخص عليك ههون كده عادي
حسام وصل لعربيته وفتح وقعدها ولف قعد جمبها واكمل بحده صوتك مسمعوش علشان انتي بارده وكلامك بيعصبني
امنيه بحزن وحياتك جيت اصالحك بس انت كل حاجه بتتعصب عليا
حسام بحده يا امنيه متجننيش مش معنى اني خطيبك تجيلي الشغل ده لما جيتي ساعه الوصولات كنت مش قادر استحمل وجودك جوه ده قسم فاهمه يعني ايه قسم ??? يعني مجرمين داخله ومجرمين طالعه وخناقات وبنات مش كويسه وحاجه اخرر قررف
امنيه برفعه حاجب بنات ايه ??? يعني انت بتعمل فونك سيلند وبتقعدلي في الشغل تركز علشان المرقعه دي ??
حسام ضرب كف في كف واكمل بحده لا حول ولا قوه الا بالله يارب يا تهديها يا تهدها علشان انا جبت اخري خلاص .. سابت كله ومسكت في الخرااا
امنيه بغيره بعد الشر علياا يخش اللي يكرهوني انت بس اللي زعلان علشان قفشتك يا بتاع البنات
حسام بحده قفشتي ايه وزفت ايه يابنتي هو انتي مخك تعبان ??? طبيعي انا زفت ظااابط بيجيلي قضايا وبتبقي شقق مشبوهه وبنات مش كويسه ده شغلي هو انا قاااعد بختارر
امنيه بغيره نعم نعم نعم ايه الاستعباط ده ??? ده مش منظر شغللل ده .... قولي كده بيبقوا لابسين ايه البنات دي ????
حسام بضحك اه دي مخها تعبان فعلا .....تصدقي بالله ???
امنيه بابتسامه لا اله الا الله
حسام بحده انا نفسي اشوف اللي اداكي شهاده الثانويه العامه
96 % ده وكان سبب انك تخشي طب اسنان علشاان اهين كرامته
امنيه بضحك اه يا غيووور حقك منتا فاشل داخل شرطه ب
65 %
حسام بضحك لا حلوه تعالي ندخل مكان عام وطلعي كارنيهك واطلع الكارنيه بتاعي ونشوف مين هيتعملوا حساب يا دكتوره وغمز
امنيه بضحك ماهي بلد مهزقه نقول ايه بقى
حسام بضحك مش خدتي المجموع ?? انا خدت المنصب ومش هشغلك بردو وهشتغل انا فكده 2-0 لابو 65% اللي مش عاجبك
امنيه فضلت تضحك واكملت والله انت بارد ... بس بتكلم صح يا حسام بالله عليك بيبقوا لابسين ايه هدوم وحشه اوي ???
حسام بضحك يابنتي مش ناقص غباء بقولك شقق مشبوهه هيجوا لابسين ايه يعني .. بيجوا مش متنيلين خالص غير ملايه يا امنيه ريحتي جبتهالك على بلاطه اهو
امنيه شهقت بصدمه واكملت اييييه ??? وانت بتشوفهم كده ????
حسام بضحك لا طبعا بغمض عيني
امنيه ابتسمت بحب واكملت كنت واثقه اني عرفت اختار صح
حسام بصلها بذهول واكمل لا لو العيال فعلا بياخدوا ذكاء امهم انا هعيد تفكيري في موضوع جوازنا ده تاني
امنيه فضلت تضحك واكملت اخص عليك بجد يا حسااام بقى كده
حسام بضحك اصل ازاي بتصدقي كل حاجه واي حاجه كده هو طبيعي اغمض عيني وانا بحقق
امنيه بغيره يانهارك منيل لا مش طبيعي اصله الطبيعي انك تفضل تبص على البنات وهي ملفوف عليها ملايات ازاي يعني تغمض
حسام بضحك اه دي مجنونه وتابع بمهاوده : بهزر يحبيبتي انا بغمض فعلا
امنيه ابتسمت واكملت بضحك طب سيبك من كل ده متزعلش مني وحقك عليا
حسام وقف العربيه وبصلها واكمل بصي يا امنيه اللي انتي علمتيه بنسبالي مش هين نهائي لانك مش بس معملتيش ليا احترام قدام كل اللي شاف الاستوري لان ده واحد غريب انتي حتى محترمتنيش انا وعملتي هايد يعني بتضحكي عليا وفارقلك اوي جاركم ميزعلش علشان عيد ميلاده بس طز في خطيبك تعملي هايد وتنزلي وتعيدي ومتورينيش ولا اكني ليا لازمه في حياتك اللي هو هعمل اللي انا عايزاه وهو مش شايف كده كده فين احترامك لغيابي ???
امنيه بصت لتحت وتابعت بحزن انا مش هعاند زي كل مره واقف قصادك انت المره دي صح جدا وانا لما قعدت فكرت مع نفسي لقيت ان حقك تزعل وانا لو مكانك هضايق طبعاا فانا بجد مقصدش حقك عليا غلطه ومش هتقرر
حسام بابتسامه كلامك دلوقتي منطقي ومقاوحتيش في الغلط واعترفتي انك غلطانه واعتذرتي عكس الصبح كنت معصبااني اووي فمش همسكلك السكينه يعني خلاص حصل خير يحبيبتي ومتقررش
امنيه بحب وفرح اكيد والله واديته الورد
حسام ابتسم بحب واكمل تعبتي نفسك يحبيبتي والله تسلم ايدك جميل
امنيه بحب تعبك راحه يا غالي المهم عايزه اقولك صح ان بابا حجزلنا مصيف انهارده وهسافر معاه بكره
حسام ده هتروحي فين ??
امنيه بابتسامه الساحل مع اهلي كلهم
حسام بابتسامه خلي بالك من نفسك تروحي وترجعي بالف سلامه
امنيه بحب الله يسلمك يحبيبي
حسام وهو بيرجع يسوق اكمل ااه صحيح وتاني مره اي ان كان يحصل ايه متجيليش القسم نهائي مفهوم ??
امنيه بحب حاضر والله خلاص
قدام بيت الرفاعي وصل صلاح ونزل من عربيته واكمل بتنهيده الواحد تعب منا ما عرف يوصل للعنوان ده اخيرا هشوفك يا ياسمين ومسك فونه واكمل الو يا عز
عز الدين خرج وقف في البلكونه واكمل بحده انا مش قولت لاهلك متتصلش بيا تاني انت مبتفهمش
صلاح رفع ايديه من بعيد نسبيا واكمل بضحك طب انزل نتفاهم بدل ما انت واقف فوق كده
عز الدين شافه واقف قدام البيت بعيد شويه اتصدم