رواية همسات معذبة الفصل التاسع9والعاشر10 بقلم فاطمة الزهراء
ماذا يحدثُ لي
" أنطفئُ في لحظة، أرغبُ في أنّ أتلاشى كلياً أو أن أتبدد، أو أن تبتلعَني الأيام، أو أن أعودَ إلى رحم أمي، لقد أختفت في عينيّ الجملتيّنِ نور الحياةِ، وأصبحتُ غير مكترثة 💔🥀🖤."
أصر وليد فى الصباح على الذهاب لإيلاف ليطمئن عليها رغم معارضة الأطباء له وجد غادة تجلس على الأرض وتبكى نظر لوالدته بخوف ليسمعوا صوت بكائها وصراخها فى الداخل .. عادت إليها مره أخرى لتضمها بقوة وتحاول تهدأتها لكى لا تتعرض لغيبوبه أو صدمة عصبية
غادة بدموع :
ـ اهدى كل شئ هيرجع صدقينى خلي عندك ثقه فيا
إيلاف :
ـ أنا خلاص مش هشوف تانى يا ماما حياتى انتهت
غادة بحده وهى ترفع رأسها وتنظر لها :
ـ حياتك لسه مبدأتش علشان تنتهى إيلاف انتى مش ضعيفة لسه قدامك مشوار طويل ولا نسيتى أختك
إيلاف بضعف :
ـ عاوزة أنام خليكى معايا متبعديش إنتى كمان
طلب من الممرضة إحضار حقنه مهدأه أعطتها لها وظلت جوارها حتى نامت خرجت لتجد يونس ونهله ينتظروها ووليد يجلس فى الخارج
وليد :
ـ ليه منعتينى ادخل عندها عاوز أشوفها وأطمن عليها
غادة بحزن :
ـ حالياً حالتها مش مستقرة لازم تستنى فى العناية والزيارة ممنوعه وليد أرجع أوضتك ولما تتحسن هتتنقل أوضة عادية وجودك هنا مش هيغير شئ
وليد :
ـ إنتى مخبيه عنى أيه قولى
غادة بهروب من مواجهته :
ـ مقدرش أفيدك بأى شئ الوقتى صدقنى لما تفوق هقولك كل شئ
نهله بهدوء :
ـ هى هتخرج أمتى من العناية طيب
علم يونس أنها تخفى شئ عنهم ليهتف :
ـ أنا رأيي بلاش ضغط عليها الليلة كانت صعبه علينا كلنا وليد ارجع وأى تطور هبلغك بنفسى إنت كمان محتاج ترتاح
ساعدته نهله للعودة لغرفته وظل يونس برفقة غادة فقط
يونس :
ـ قوليلى أنا طيب حالة إيلاف أيه
غادة بحزن :
ـ بنتى بتضيع منى ومش عارفه أساعدها للأسف مش شايفه بقيت عاميّة
يونس برفض :
ـ انتى بتقولى أيه مستحيل غادة أعملى أى حاجه علشانها
غادة : انا طلبت يتواصلوا مع دكتور سامر
حضرت الممرضة :
ـ الدكتور وصل حضرتك هتقابليه فى المكتب ولا يجي هنا
اتجهت لغرفة المكتب ابتسمت له بحزن وجلست أخبرته بكل شئ طلب عدة إشاعات و تحاليل أولا قبل أن يعطيهم رد وطلب رؤيتها ..
❈-❈-❈
كانت ملك تتابع والدها سارت خلفه وجدته يدخل أحد الغرف فذهبت للاستعلامات لتعرف من موجود فى هذه الغرفة أخبرتها الموظفه باسم المريضة كادت ان تصرخ بقوة قررت التماسك أولا لكى لا تنتبه والدتها يكفيها قلقها على أخيها .. فتحت باب الغرفة وجدت طفلة تجلس على الفراش ووالدتها جوارها ووالدها يطعمها نظرت بصدمة لهم كانت تريد أن يكون كلام الموظفه غير صحيح
ملك بحزن : قلت أكيد كدب مستحيل تعمل كده مع
ـ ماما طيب قول إنت إن ده مش صح .. سيبت ابنك علشانها مين دى هاه مين دى وبتعمل أيه هنا
طارق بتوتر :
ـ ملك اسمعينى إنتى فاهمه غلط
ملك وهى تشير على لين وهند :
ـ فاهمه غلط طيب فهمنى الصح أيه علاقتك بهم .. يعنى اتخليت عننا وعملت عيله جديده ازاى هقدر اتعامل مع أمى وأنا عارفه إنك بتخونها .. امبارح بس كانت بتبكى لانك بعيد عنها إنت إزاى كده قادر تضحك عليها وعلينا إحنا أيه بالنسبالك
طارق بغضب :
ـ انتى مش فاهمه حاجه أمك كانت ناسيه ان عندها زوج وعيله مفكرتش غير فى الملجأ حياتها كانت مقتصره عليه
ملك برفض :
ـ بس كفاية بتبرر غلطك متتخيلش مصدومه فيك إزاى ماما لو عرفت مش هتتحمل انا بكر.هك أوى
عادت للغرفة لتصطدم بأحدهم سارت دون أن تعتذر له نظر لها بتعجب وغادر لرؤية إيلاف .. جلست تبكى فى الخارج تخشى مواجهة والدتها تمنت أن يكون كابوس مزعج وجدته يقترب منها لتدخل الغرفة لكى لا تتحدث معه
وليد بتعب :
ـ ماما بلاش تعرفى تيته عن الحادثه قولى لها إنى سافرت الاسكندرية
نهله برفض :
ـ مش همشى من غيرك هشوف لو ممكن تخرج الليلة
وليد بعناد :
ـ انا مش هخرج من غير إيلاف
دخل يونس إليهم ليطمئن على وليد ويطلب منه الرحيل للمنزل :
ـ روح ارتاح ولما تتحسن هبلغك انت شايف الزيارة ممنوعه مفيش غير غادة اللى بتدخل لها
وليد :
ـ بس !!
يونس :
ـ كلام والدتك صحيح بلاش عناد
بعد عدة محاولات لإقناعه بالمغادرة وافق ولكن أصر على لقاء إيلاف قبل رحيله .. كانت نائمه لا تشعر بشئ قدمها ملفوفه بالشاش ويدها أيضا ووجهها ملئ بالكدمات نظر لها بحزن وعتاب
غادة باستفهام :
ـ مش هتقولى برضه أيه سبب الحادثة !!
أخبرها بكل شئ سار معهم منذ خروجهم حتى صارت الحادثة
غادة بتعجب :
ـ غريبه ليه رفضت ترفع قضية وخافت بالشكل ده
وليد :
ـ أعتقد ممكن يكون له علاقة بالماضى أنا ممكن أتحمل أى شئ الإ خسارتها
غادة :
ـ للدرجة دى بتحبها يونس لو سمعك هيق.تلك
ابتسم وليد بحزن وهتف :
ـ خلينى هنا معاها مش هقدر أمشى
غادة :
ـ إنت كمان محتاج ترتاح يومين وهسمحلك تشوفها أول واحد بس ده سر بينا اتفقنا
حرك رأسه بإبتسامة لتكمل :
ـ ممكن متقولش لأى شخص عن سبب الحادثة على ما تفوق وأفهم منها
أثناء مغادرتهم كانت نهله تتابع نظرات ملك لوالدها ولا تعلم السر ورائها
طارق :
ـ أنا هروح الشركة علشان فيه اجتماع مهم ويونس مشغول هنا
غادروا من أمامه وظل مكانه لا يعلم هل وصل لمفترق الطرق مع أسرته أبنائه لن يغفروا له وزوجته أيضاً ولكن هى المسؤوله عن تشتت العائله
❈-❈-❈
استيقظت نيرة واتجهت لغرفة مالك وجدته يستعد للخروج وقفت أمامه
نيرة بحده :
ـ اسمعني كويس مش هسمح لك أو لأى شخص يتدخل فى علاقتى أنا وريان
مالك ببرود :
ـ انا نصحتك كتير أتمنى متندميش بعدين
ذهبت للجامعة وجدت ريان ينتظرها اقتربت منه لتضع يدها على كتفه
نيرة :
ـ بتفكر فى أيه مش على طبيعتك يعنى
ريان بجدية :
ـ تتجوزيني !! انا عارف إن فيه توتر فى علاقة أهلك مع أهلى بس مع الوقت هيتأكدوا إننا بنحب بعض
نيرة بتفكير :
ـ هنتجوز ازاى من غير موافقتهم ولا مأذون انا خايفه لو بابا عرف هيق.تلنى
ريان محاولا إقناعها :
ـ انا معاكى ولا مش واثقه فيا الأول هنتجوز عرفى عند محامى ونوثق القسيمة وبعد الجامعه نعلن ارتبطنا للكل
نيرة بتردد :
ـ إنت مش هتتخلى عنى يا ريان لانك عارف وواثق إنى بحبك بلاش تصدمنى فيك أرجوك
اتجهوا معا لمكتب محامى وكتبوا العقد وذهبوا لشقة خاصة به ليبدوأو معا حياة لا يعلموا شئ غير انهم يريدوا بعضهم بقوة وشغف شديد
❈-❈-❈
وصل وليد للمنزل لتنصدم ماجدة بعد رؤيته كادت أن تصرخ لتضع يدها على فمها اقترب منها ومسح دموعها
وليد بحب :
ـ اهدى انا كويس قدامك بلاش تبكى
ماجدة بحزن لهم جميعاً :
ـ انتم خبيتوا عليا ليه هو مش حفيدي و من حقى اعرف عنه زيكم ولا خلاص بقيت عاجزة ونسيتوا وجودى
نهله وهى تجلس أمامها :
ـ متقوليش كده انا لو قاعده فى البيت ده علشانك إنتي قبل أى حد حتى ولادى لو خبيت عليكى الوقت كان متأخر قلت بلاش أقلقك أطمن عليه الأول وبعدها هحكيلك.. بعدين هو رفض يقعد فى المستشفى صمم يرجع البيت إنتي أمى التانية
ماجدة :
ـ إيفا كويسه ولا كانت معاك
وليد بكدب :
ـ لأ أنا وصلتها الأول كمان رفضت يبلغوها يعنى لما تعرف اكيد هتزعل منى وترفض تكلمنى هطلب وقتها تدخلك تصالحينا سوا
ماجدة :
ـ لأ هرفض أتدخل علشان تبقى تسوق بهدوء هو طارق معرفش ولا أيه
نهله بكدب :
ـ لأ يا ماما رفضت أبلغه كان مسافر خفت انا هكلمه وأبلغه الوقتى .. ملك ساعدى أخوكى يطلع يرتاح ويغير هدومه وهقول ل رباب تجهز لكم الأكل
صعدوا وهم يفكروا فى سبب عدم إخبار والدتهم بوجود والدهم فى البداية كانت ملك خائفه ان تكون علمت والدتها بزواج والدها عليها ساعدت وليد حتى جلس على الفراش ولاحظ توترها
وليد باستفهام :
ـ مش هتحكى مخبيه عنى أيه !!
ملك بهدوء :
ـ اوعدك اول ما تتحسن هقولك كل حاجه
وليد بجدية :
ـ انا هستنى بس مش كتير يا ملك هاه
❈-❈-❈
عادت للمنزل التاسعه مساءا لتجد والدها ينتظرها :
ـ كنتى فين يا هانم للوقتي أخوكى راجع بدرى
نيرة :
ـ كان عندى محاضرات خلصت وخرجت مع أصحابى أعتقد مفيش مشكله
عابد بنظرة حاده :
ـ قصدك كنتى مع ريان مش كده يعنى مصممه تسمعى الكلام .. بكرة معزومين عن طارق صاحبى بمناسبة رجوع ولاده من بره وابنه كان عامل حادثه هنطمن عليه هتحضرى ومفيش رفض .. من هنا و رايح السواق هيوصلك ويرجعك من الجامعه وأى مكان تروحى فيه
نيرة برفض :
ـ انا مش موافقه وبعدين اشمعنا انا اللى بتعاملنى كده مالك هو كمان ماشى مع بنت من ملجأ الافضل تتعامل معاه
عابد :
ـ متقلقيش كلها ساعات و هينتهى كل شئ
ردت كيان بعد أن وجدت مكالمات ورسائل عديدة من مالك كانت متوترة بسبب صوته المرتفع
مالك بغضب :
ـ ممكن أفهم ليه مردتيش من أول مره
كيان بتوتر :
ـ اهدى علشان اقدر اتكلم ولاد صاحب البيت رجعوا وابنهم عمل حادثه كنت مشغولة مع المدام لسه داخله الأوضه الوقتي مالك بلاش تخوفني منك ممكن
هدأ قليلا بعد أن انتبه لصوتها ظلوا يتحدثوا معا فترة ثم اغلقوا وكل منهم يفكر هل ستستمر هذه العلاقة أم لا ؟؟
❈-❈-❈
بدأت تفوق من مفعول المهدأ وتشعر بالألم نظرت حولها فى حزن فهى لا ترى سوى ظلام فقط لتجد أحدهم يقبل رأسها بحب وحزن
يونس :
ـ إيلاف بنتى مش ضعيفة هترجعى زى الأول هى مسألة وقت مش أكتر
دخلت غادة :
ـ وليد كل شوية يكلمنى عاوز يطمن عليكى سمعيه صوتك علشان يهدى والا هيجي المستشفى
أخذت الهاتف بتردد بعد أن اتصلت عليه غادة ليرد سريعا
وليد :
ـ طمنيني عليكى إنتى كويسه كنت عاوز أكون معاكي لكن رفضوا
إيلاف بدموع :
ـ انا أسفه بس غصب عنى وليد إنت انسان كويس و أى بنت تتمنى تربتط بيك هعيش عمرى كله على ذكريتنا سوا ياريت متكلمنيش تانى
اغلقت الهاتف وطلبت من غادة اغلاقه نهائيا رغم صدمتها من كلامها لكنها تعلم أنها حاليا تقع تحت تأثير الحادث ظلت تبكى كثيرا ضمتها غادة حتى هدأت وأصرت على الخروج من المستشفى رغم اعتراضهم لكن رضخوا لطلبها بسبب حالتها النفسية .. بينما حاول وليد الاتصال بها ليجد الهاتف مغلق ليسمع لكلمات هذة الأغنيه |
بتقولى انساك
عشان انساك
انا لازم ابعد عن قلبى
عن روحى
عن اى حاجات بتقول فاكراك
بتقوى انساك
ازاى انساك
ده انا كل مكان وياك روحته
لسه بروحه يمكن الاقيك وان
بستناك
❈-❈-❈
وصل عابد لمنزل طارق فى اليوم التالى مع اولاده استقبله طارق ونهله جلس الشباب مع بعضهم يتحدثوا فى عدة امور وعند تجهيز الغذاء خرجت ماجدة بمساعدة كيان لاحظت ملك نظرتهم وأيضا وليد تناولوا الغذا وجلسوا معاً
عابد بجدية :
ـ عارف الوقت مش مناسب لكن بصراحه قلت أسبق انا الأول أنا طالب أيد ملك لابني مالك أيه رأيكم
طارق :
ـ بصراحه مش هلاقى لبنتى شاب زى مالك محترم وكويس وعلشان كده انا كمان عاوز وليد و نيرة يرتبطوا ببعض
تحولت الجلسه لتوتر وقلق ونظرات بينها الحزين والأخر القلق والحيرة
نهله بجديه :
ـ اعتقد الأول نعرف رأى الأولاد
طارق :
ـ اظن مش هفكر فى شئ ياذيهم او يأثر على مستقبلهم وليد قدامه أسبوع بعدها نعمل حفله ونعلن ارتباطهم بشكل رسمى
بعد مغادرتهم كانت هناك مناقشة حادة بين طارق ووليد حاولت ماجدة ان تهدأهم ولكن فشلت
وليد بغضب :
ـ إنت إزاى بتقرر عنى أنت عارف كويس إنى بحب إيلاف بلغ صاحبك يلغى فكرة جوازى من بنته أنا مش موافق
طارق :
ـ كنت بقول عنك عاقل لكن بنت الملجأ عرفت تأثر عليك جوازك من إيلاف مستحيل يتم والا
وليد :
ـ ايه هتحرمنى من الميراث ولا هتعمل أيه .. أنا مش هتجوز غير إيلاف سواء وافقت أو رفضت
طارق :
ـ بلاش تتحدانى هتخسر ولا عاوز تتجوز بنت بقت عاميّة مش بتشوف
وليد بصدمه :
الفصل العاشر
قبل ان يذهب بك الفراق بعيدا اكثر ... هل لي ان استرد منك احلامي ، ابتسامتي ، قلبي ، ثقتي بالناس..
وصلت للمنزل ولا تعرف سبب الألم الذى احتل قلبها وكانه يخبرها أنه حان موعد الفراق .. دخلت غرفتها بمساعدة غادة و بد.لت ثيا.بها طلبت منها ان تظل معها حتى تنام
غادة بعتاب :
ـ ليه قولتي ل وليد الكلام ده ها تقدرى تعيشي من غيره ازاى
إيلاف بحزن :
ـ خايفه يا أمي مع الوقت يمل منى انا هكون عبء عليه وكمان لو الناس عرفوا حقيقتي عاوزة الأول الاقى اختى وأرجع حقنا من عمى
غادة بهدوء وهي تض.مها :
ـ وليد بيحبك والإ كان بعد عنك من زمان بلاش تضيعي منك الحب الحقيقي هتتعبى سامر قال العملية ممكن تتعمل فى أى وقت بلاش اليأس ده مش عارفاكى كده
إيلاف :
ـ خايفة اعيش فى وهم و أفوق على سراب
غادة وهى تدثرها بالفراش :
ـ يلا ارتاحى ونتناقش بعدين لأن أى كلام دلوقتي مش في صالحك انت في وقت غض.ب وعندك دا هياَثر على كل قرار تاخدية ومش عاوزاكي تندمي على حاجة بعدين
ظلت معها حتى ذهبت فى النوم واتجهت لغرفتها وجدت يونس ينتظرها ويبدو عليه القلق الشديد
غادة :
_ المفروض إحنا ندعمها مش نضعف حكايتك ايه بقى فهمنى
يونس :
ـ طارق رافض علاقة وليد ب إيلاف قال ابنه مش هيتج.وز بنت من الملجأ إزاى هتتحمل كل العذاب ده حتى الحب مطلوب مننا نحرمها منه
غادة :
ـ اللى متأكدة منه إن وليد بيحبها أكيد مش هيسكت خلينا نشوف بلاش نتسرع فى الحكم
❈-❈-❈
استمعت وهى فى غرفتها للأصوات المرتفعة فى البداية قررت التجاهل ولكن فضولها جعلها تخرج وتسمع ما يدور فى الخارج
نهله بغضب :
ـ انت ليه مصمم تدمر حياة ولادك ابنك مش صغير علشان تقرر عنه كفاية بقى
طارق :
ـ اسمعنى كويس مش هقبل إن علاقتى بصاحبى تنتهى بسببك جو.ازك إنت وأختك هيكون فى يوم واحد
ملك بهدوء :
ـ بابا أرجوك بلاش تربط الأمور ببعض بعدين أنا شوفت نظرة الرفض فى ع.ين مالك هتقبل إن بنتك تعيش مع واحد مش بيحبها
نهله بتحدي :
ـ يعنى ممكن تخسر يونس ومش هتقبل تخسر عابد صح إنت عاوز أيه هاه فكر فى سعادة ولادك وبلاش انانية
طارق :
ـ انا بلغت يونس إنى رافض أى ارتباط يتم بين وليد و ايفا وهو تق بل بهدوء أتمنى تكونوا زيه
وليد بعناد :
ـ أنا هبلغ عمى عابد إن فيه واحده تانيه فى حياتى وبحبها
طارق بتحدى :
ـ يبقى وقتها تنسى إن عندك أب و عيله
خرجت ماجدة عن صمتها :
ـ كفاية بقى انا قلت هتهدوا وتتكلموا بهدوء لكن شايفه إنكم واخدين الحكاية تحدى .. طارق عاوز يبعد إبنه عن البنت اللى بيحبها مش كفاية ظلم بقى لو وليد خرج من هنا هخرج معاه و زى ماقلت ينسى إن عنده عيله انت كمان تنسى إن عندك أم الج.واز مش بالعافية .. بالنسبه لملك تقعد معاه ويتكلموا بعدها تقرر هى عاوزة أيه لو عاوز تخسر ولادك انا لأ كفاية اللى راحوا .. علشان ننهى الحكاية نستنى شوية بعدها نقول الموضوع انتهى أظن كده خلاص
طارق :
ـ لازم تعرف إن مستحيل أقبل إنك ترتبط بها وانا عايش
عادت كيان لغرفتها وهى تبكى بعد ان علمت أن مالك قرر الارتباط بغيرها وكأن وعوده طارت فى الهواء حاولت الاتصال به لكن الهاتف مغلق
❈-❈-❈
وصل المنزل برفقة أولاده لتهتف نيرة بعد دخولهم
نيرة بغضب :
ـ أنا مش موافقه وكمان مش من حقك تقرر عنى ماما لو كانت معانا مكنتش هتعاملنا كده
عابد :
ـ دى أفضل طريقة علشان ترجعوا لعقولكم إنتم متخليين إنى مش عارف خطواتكم تبقوا متعرفوش كويس مين هو عابد حماد الرفض مش موجود عندى جهزوا نفسكم للخطوبه بعد أسبوع
نيرة لمالك :
ـ ساكت ليه هتقبل ترتبط ببنت مش بتحبها قولت مره إنك هتقف قصاد الكل أيه هتستسلم بسهوله
مالك بجدية :
ـ القرار ده مش قرارك يا عابد بيه انا هتج.وز البنت اللى بحبها
غادر وتركهم وهو يفكر فى الأمر وطريقة للتخلص من هذه الورطة ولكن لا يعلم ما سبيل الخروج منه؟
فتح هاتفه ليجد اتصالات كثيرة من كيان ورسائل أيضا كان يريد الهروب بعيدا عن هذا العالم الذى شعر أنه يضيق عليه ليرد عليها
كيان بدموع :
ـ حبيت أقولك مبروك أول واحده تخيل بكرة لما الكل يعرف فى الجامعة .. عارف هيقولوا أيه علينا ولا أقولك أنا إنت وعدتنى لكن محافظتش على وعدك أتمنى تكون سعيد فى حياتك
مالك بتعب وإرهاق :
ـ بلاش غباء إنتى عارفه كويس إنى بحبك ومش هرتبط بغيرك
كيان بدموع :
ـ بتحبنى بلاش بقى تقول الكلمة دى أرجوك ملك بنت كويسة بلاش تضيعها منك ياريت تمسح رقمى من عندك
أغلقت معه وظلت تبكى بينما هو يدور فى غرفته كالأسد المج.روح
❈-❈-❈
فى غرفة وليد جلس بهدوء اقتربت منه ملك
وليد بحزن :
ـ بتقول كل شئ بينا انتهى الغبيه متخيله إن علشان مش ها تشوف تانى هبعد عنها إزاى قالتها بالسهولة دى
ملك :
ـ بابا طلب منها تبعد عنك وكمان قال لعمو يونس إنه مش ها يقبل ان يكون فيه علاقه بينكم
وليد :
ـ انا هتجو.زها ونسافر لندن تانى نعيش هناك
ملك بحزن :
ـ وانا هعيش ازاى لوحدى هنا .. وليد بابا اتج.وز على ماما وعنده بنت من مراته
وليد بصدمه : بتقولى أيه !!
ملك :
ـ دى الحقيقة للأسف لازم نقبل على مانلاقى حل عارفه إنه صعب عليك بس أنا خايفه على ماما ساعدنى
وليد :
ـ يعنى مطلوب اضحى بسعادتى علشان هو يرتاح ازاى هجيب عي.نى فى عي.نها واقولها إنى هتج.وز واحده تانيه
دخل طارق عليهم نظروا له بغضب :
ـ اختار بين سعادتك و سعادة والدتك لو رفضت مراتى هتيجى تقعد هنا واعتقد ده حقها وتظهر للنور هى وأختكم
وليد بسخرية :
ـ أختنا .. انا مليش غير أخت واحدة أما التانية دى تنسى إننا نقبلها فى يوم من الأيام
طارق :
ـ حفلة خطوبتكم بعد أسبوع ياريت تجهزوا نفسكم وتبلغوا جدتكم ووالدتكم بموافقتكم
غادر وتركهم ينظروا لبعض بصدمه وحزن
حاولت الاقت.راب من وليد ليمنعها :
ـ بس ابعدى عنى كفاية صدمات النهاردة
ملك بدموع :
ـ وليد !!
اتجه للفراش لينام لتتركه وهى خائفه من القادم .. فى الصباح أخبر والدته بالموافقه على الزو.اج من نيرة أشارت له ماجدة بالاقتراب منها
ماجدة بحزن :
ـ النهاردة خسرت حفيدي للأسف اكتشفت إنى كنت عايشه فى كدبه كبيرة مبروك
وليد وهو ينظر بعيداً :
ـ تيته أرجوكى بلاش كلامك ده إنتى مش عارفه انا حاسس بإيه
ماجدة :
ـ للأسف رجوعك كسرني
اشارت ل كيان ان تأخذها لغرفتها انتظر ان تتحدث معه والدته لتترك المنزل وتغادر
❈-❈-❈
فى الجامعة لاحظ ريان قلق نيرة وعلم أنها تخفى عنه شئ
ريان بهدوء :
ـ طمش هتحكى
نيرة بتهرب وقلق :
ـ انا تعبانه النهاردة عاوزة أمشى من هنا ممكن
ريان :
ـ إنتى مخبيه عنى أيه
نيرة :
ـ فيه عريس اتقدم ليا وبابا وافق
ريان بغضب :
ـ نعم انتى عارفه معنى كلامك ده أيه إنتى مراتى
نيرة بخوف :
ـ هدى صوتك إحنا فى الجامعه كفاية فضايح
ريان بسخرية :
ـ هو بعد كلامك ده المفروض أعمل أيه يا هانم
نيرة بتردد :
ـ انا هتصرف بس بلاش عصبية ممكن
❈-❈-❈
اتجه وليد لرؤية إيلاف ويفكر فى رد فعلها حين تعلم بارتباطه باخرى .. طلبت ان تخرج لحديقة المنزل ساعدتها غادة وذهبت لتحضر لها مشروب دافئ لتجد أحدهم يضع يده على ي.دها انتفضت فى البداية لكن ابتسمت بحزن حين شمت رائحة عطره المميز
إيلاف بكدب :
ـ اعتقد امبارح قلتلك كل شئ بينا انتهى
وليد باستفهام :
ـ ليه ؟! ازاى تخيلتى انى ممكن ابعد عنك بسهوله
إيلاف :
ـ انا مش هقدر أسعدك هكون مسؤولية عليك وليد افهمنى
وليد برفض :
ـ مش عاوز أسمع كلامك ده اتفقنا بعدين انا كنت جاى أتخانق معاكى على مكالمتك ليا عارف ان كل الكلام الي قولتيه كله كذب انا هنا يايفا ' وأشار ب.ده على قل.بها ' وعدم ثقتك فيا دي إلى مش لاقي لها مبرر .. ازززاي تفكري ان مع أول موقف ممكن اتخلى عنك انا بحبك بكل حالاتك والي حصل ماهو الا اختبار ليا قبل ليكي انا متمسك بيكي اكتر من الاول انتي هتعملي العملية وها ترجعيلي تاني
ايلاف بخوف :
ـ خايفة تندم
وليد :
ـ الندم هو لو بعدت عنك
إيلاف بقلق وخوف :
ـ بكره ميعاد العملية ممكن تكون معايا متبعدش عني
وليد:
ُـ متخافيش أكيد هتنجح انا واثق
يونس بمرح :
ـ تانى أعمل معاك أيه
وليد :
ـ اتصل بالمأذون
ظلوا يمزحوا معا طوال اليوم ليخففوا عن بعضهم .. فى المستشفى تهيأت للدخول ولكنها تشعر بأمان رغم توترها أجريت الجراحه لها وظلوا ينتظروا فك الشاش من على عي.نها توتر وترقب .. كانت تضغط بقوة على ي.د غادة عندما تشعر بالخوف نظروا لها بخوف منتظرين أن تخبرهم أنها ترى لتسقط الدموع على وج.هها .. اقترب وليد منها ليض.مها بقوة
وليد بمزاح :
ـ ولا يهمك متبكيش بقى اضحكى وقولى شايفه إيه والا عمى هيبلغ عنى بوليس الأداب
إيلاف بدموع :
ـ متبعدش عنى تانى
ابتسموا جميعا وقرر يونس عمل حفلة بمناسبة شفائها وأيضا قرار سيكون مفاجأة للجميع
❈-❈-❈
طلب مالك أن يتحدث مع ملك لكى ينهى هذه الحاله
مالك :
ـ أسف إنى طلبت أشوفك بعيد عن البيت بس الموضوع مهم
ملك بحرج :
ـ اتكلم انا سامعه
مالك :
ـ بصراحه انا بحب بنت تانية و
ملك بمقاطعة :
ـ انا مقدرة صراحتك دى بس ممكن نمثل فترة إننا مرتبطين وأوعدك فى أول فرصة هنهى العلاقة
مالك :
ـ أيوة بس
ملك بجدية :
ـ شهر واحد بس
مالك :