رواية الخزلان الفصل الرابع4بقلم نوسه حمد

دخلت المكتب وكنت برجف وابو محمد اتعامل معاي  علي اساس اني بفتش لشغل وانا من جواي خايفه لانو دي م نيتي الحقيقيه وبقا ظاهر علي اني خايفه لدرجه انو اتحسس قال لي الظاهر عليك انو اول مره تقدمي لشغل بقيت اتمتم ليهو وحرفين ورا بعض م بقدر انطقن لغايه م قال لي شكلك عطشانه  النمشي اجيب ليك مويه مسافه النائبه بتاعتي تجي وتشوف مستواك في التدريس   وطلع انا بقيت مرعوبه تدريس شنو ي بت وانتي م فاهمه شي   والقريتو كلو في لحظه الرعب العايشاها دي نسيتو بس بقيت اهدي في نفسي شويه عشان م اخرب الرصه  حاولت ع قدر م اقدر اكون طبيعيه وبقيت م مركزه معاهو   بعد جات معاهو الاستاذه عرفني بيها وبقت تتكلم معاي قالت لي انتي اشتغلتي قبل كده قلت ليها لا للاسف كنت م عاوزه اشتغل وصراحه زهجت من قعده البيت وبطني طمت قالت لي انتي م متزوجه يعني جرحتني جوه قلبي قلت ليها لا لسه الحمد لله قالت لي ربنا اديك ود الحلال  بي قلبي قلت ليها انتي م عارفه ود الحلال الانا دايراهو قلت ليها امين وابتسمت وجاتني قوه عين من وين م عارفه اديت ابو محمد نظره لقيت ولا مركز لا معاي لا مع كلامي قلت دا ح يتعبني شديد المهم الاستاذه قالت لي نحنا بنعاني من مستوي الانجليزي السيئ  م عارفه المشكله من الطلاب ولا من الاساتذه ولا من الامهات ولا وين المشكله م عارفه وبما انك شابه بتكوني حيويه وبتساعدينا في الانجليزي ف حصص التقويه وح نديك مرتب من المدرسه مع مرور الزمن لو التزمتي معانا اول فرصه تعيين ح نختارك انتي رايك شنو قلت ليها جدااااااا   قالت لي عندنا طلاب سادس ديل ممتحنين  وفي حصه فاضيه ممكن تديها انتي ومنها اشوف مستواك انا واستاذ عثمان قلت ليها استاذ عثمان دا بتاع انجليزي قعدت تضحك قالت لي لا استاذ عثمان هو المدير  انخلعت وبقيت اتزكر في اسم محمد ابوهو منو اكتشفت اني حتي مع اسم محمد الكامل م ركزت بس كنت مركزه في حبي ليهو    وخداعو لي بس ح اخلي يندم وح اسسفو التراب    

انتظرت مواعيد الحصه ودي كانتت اول مره في حياتي ادرس ومقرر سادس م صعب قدرت ادرسهم بطريقه ابهرت الاستاذه والمدير والطلاب كمان حبوني شديد ودي كانت ضربه بدايه حلوه لي بعد طلعت من الحصه طوالي قالو لي من بكره تنزلي ورجعت البيت فرحانه شديد وم فرحانه عشان انا ح اشتغل لا فرحانه عشان انا ح اقرب من ابو محمد واعرسو واكوي محمد بالنار وكنت عارفه انو كلامي غلط  هو لو عرف اني كنت حبيبه ولدو م ح يوافق بي وامي لو عرفت انو هو ابو الولد الخزلني م ح توافق وقررت اني اخطط اني م اتكشف لي محمد الا لمن اتزوج ابوهو    

مرت الايام وانا نزلت ف المدرسه شغل وكل الاستاذات حبوني والطلاب كمان رغم انو دا م هدفي بس كنت مبسوطه اني مقبوله عندهم وم اظهرت لي استاذ عثمان اي شي بس كنت بلبس حلو وبتميز هو زاتو كان معجب بي كاستاذه مشرفه للمدرسه  وفي كل الاجتماعات لو م جيت انا م بعملو ومع الايام حسيت انو بقا يرتاح لي وبقا يتعمد انو يرسل لي وكم مره اتصل علي فقررت اني ارمي شباكي  هو كان بتصل يتحجج بالتدريس بس انا بقيت فاهمه انو عاوز يقرب مره رجعت من المدرسه اتصل علي وم كان عندو موضوع بقا يسال فيني وصلتي كيف  انا طبعا بتكلم معاهو بجديه شديد بعد ضمنت انو اتعلق بي قلت ليهو اتفضل ي استاذ في حاجه قال لي معليش انا مضايقك بي اتصالي ولا حاجه. قلت ليهو لا عادي بس انا م بحب اتكلم مع راجل غريب وكل البيني وبينك شغل عاوز تتصل بخصوص الشغل م عندي مانع خلاف ذالك م بقدر اسفه  قال لي اسف انا م قصدي شي حبيت اطمئن عليك قلت ليهو م قصرت وانت انسان متزوج ربنا اخلي ليك مرتك قال لي الحمد لله مافي داعي للونسات الجانبيه وقفلت الخط بقا ارسل لي في الواتس رسايل اعتزار وانا طبعا مبسوطه اني اصبت الهدف  وف الواتساب م حسستو اني رافضه الدردشه عشان م اخسرو واكون ضيعت اي شي 

وطبعا محمد عايش قصه حب خرافيه وشكلو مسافر واخر بوستات حزن ووداع ومرتو شكلها متجرسه وهو زاتو متجرس  شكلو م عاوز يفارقها ومن ضمن تعاليقو انو بقول ليها م عاوز اخليك وراي ي قلبي ح اسوقك  انا النار جوه قلبي قايده  بس ح اطفيها بعد اولع النار فيهو  هو 

بعد اسبوعين من سفرو لقيت رقم سعودي متصل علي رديت لقيتو محمد. قلت ليهو خير قال لي نوسه انا م قادر انساك انا بحبك لسه وعاوزك ترجعي لي اشتقت لي ونستك وهظارك وضحكك قلت ليهو ياااااه انت مفتكرني انا هامله عشان تلعب بي كده لا انا بقيت واعيه وبقيت بكرهك موت  وعمري م ح اسامحك ولا ح اتكلم معاك بقا يعتزر لي قفلت الخط في وشو وبلكتو رسل لي برقم سعودي تاني بلكتو  وبي قلبي قلت ليهو لو م بكيتك بدموعك   ابقا م اسمي نسيبه 

 مرت الايام وابو محمد قال لي انا عاوزك في موضوع ممكن بعد ترجعي البيت تتصلي علي واوعدك تاني م اتصل عليك انا خوفت شديد قلت ي ربي في شنو طلعت البيت واول م وصلت اتصلت عليهو قلت ليهو خير  يا استاذ انا عملت شي زعلك قال لي لا والله انتي استاذه مميزه جدا بس انا عاوزك في موضوع م ليهو علاقه بالمدرسه وقبل اتكلم عاوز منك وعد انو يفضل سر بيني وبينك قلت ليهو وعد يا استاذ ح يفضل سر قال لي نسيبه انا معجب بشخصيتك وبقيت بفكر فيك كتير انا قلبي بقا ادق والفرحه دايره تكتلني قلت ليهو كيف ي استاذ قال لي ممكن سؤال قلت ليهو اتفضل قال لي انتي مرتبطه اتزكرت ولدو وغشو لي بكل اسف رديت ليهو لا والله قال لي سؤال تاني ليه لسه م انزوجتي فشنو قلت ليهو سؤال وجيه كل شي قسمه قال لي علي فكره انا سالت منك في الحله وسمعتك سمحه بس حسب السمعتو انتي بترفضي العرسان البتجيك  واكيد في سبب فانا جيت عشان اقول ليك صارحيني بي اي شي ليه انتي بترفضي العرسان قلت ليهو ساي والله قال لي لا م ساي هسي خالد عمر دا في بت بترفضو انتي قالو رفضتيهو بقيت منططه عيوني دا عرف عني اي شي قلت ليهو دقيقه يا استاذ

 معليش انا م عندي مشكله انك تسال مني بس كمان ناس الحله اقولو علي شنو قال لي نوسه انا خايف عليك اكتر من نفسك طبعا اول مره يقول لي نوسه لمن قلبي قال شح قلت ليهم شكرا ليك قال لي يلا انا م عاوز شكر انا عاوزك تصارحيني انتي ف سبب بخليك ترفضي العرسان انا عاوز اعرفو قلت ليهو ماف سبب قال لي نوسه بي امانه انتي غلطتي وخجلانه تنفضحي طبعا انا انخلعت قلت ليهو معليش ي استاذ انا لو غلطت م كان تكون دي شخصيتي والبغلط مره بغلط الف مره وبالذات البت عينها بتنكسر وم بتعاين قدامها وح تواصل في غلطها الا ربنا اهديها وانا الحمد لله عمري م فكرت في ولد لدرجه انو اغلط معاهو وكنت زعلانه في ردي قال لي نوسه م تزعلي والله انا جيت قاصد خير كنت عاوز اقول ليك لو انتي غلطتي قبل كده انا مستعد اتزوجك واسترك لانو انا بقيت افكرك فيك كتير واحتمال خاني التعبير وم قدرت اعبر ليك عن مدي اعجابي بيك ومستعد باي وضع اتقبلك بس م اظن انتي تفكري فيني عشان فارق السن البينا وعشان انا متزوج واصغر لي بت قدرك قلت ليهو م شاء الله انت م كبير قعد اضحك قال لي م تجامليني قلت ليهو جد والله قال لي اها ممكن احظي بيك وتوافقي بي سكت م رديت عليهو وانا بي قلبي دايره اقول ليهو موافقه والله قال لي نوسه م تزعلي مني والله انا زول صريح وبجد اتمنيتك كزوجه والشرع حلل لي اربعه لو موافقه انا ح اعيشك ملكه وح اخليك اسعد انسانه سكت م رديت قال لي اها رايك شنو ممكن تفكري فيني وبديك فرصه شهر تفكري لو وافقتي هسي بجيب اخواني وبجي اعقد عليك وشهر بالكتير بتزوجك رايك شنو …………..اها اوافق عليهو وادمر محمد ولا حرام علي اظلم الراجل دا معاي 😭