رواية غموض الحب الفصل الحادي عشر11والثاني عشر12 بقلم لولا
زينب اتصدمت بشده من كلامه وقلبها وجعها واكملت بتقطع آ سر
اسر بضحك طب كويس يا عروسه لسه فكراني
زينب وهي لسه مصدومه اكملت: انت ازاي يحيوان يا ابن الكل*ب تعمل في عمر
اسر بمقاطعه تؤ تؤ تؤ بلاش قله ادب وطوله لسان اللي يعرف يعملها مره يعملها الف ولا ايه ؟؟
زينب بعصبيه انت مجنون ولا عبيط انا مش عايزاك مش بطيقك انت ايه مبتحسش كنت هتموته علشان رفضتك يا ناااقص
اسر بعصبيه لا ياروح امك علشان مش انا اللي اعوز حاجه ومخدهاش واظن انتي عارفه كويس مين اسر الخولي ويقدر يعمل ايه بس استقليتي بيا ووافقتي تتحديني انا حر بقى اعمل اللي اعملوا واحترمي نفسك تاني مره وانتي بتتكلمي انتي لو قدامي كنت رويتك مقامك صح
زينب سكتت وغمضت عينيها وتابعت بعد ثواني بدموع : وعرفت منين اني بحب عمر
اسر بضحك لا ذكيه .. اقولك انا بصي في جراب فونك وانتي تعرفي .. المهم انا مش متصل ارغي كتير اخرك معايا يومين زي ماقولتي لجدك لا مش عايزاه ترجعي تقولي اه عايزاه ومعنديش كلام تاني اقوله
زينب بعصبيه ودموع ده لما تشوف حلمه ودنك مش زينب الرفاعي اللي تتهدد يا اسر فوق واعرف انت بتتكلم مع مين ده انا اخواتي يطلعوا روحك في ايديهم لو عرفوا الكلام ده ياحيوان
اسر بضحك اهدي بس ليطقلك عرق اخواتك نسايبي وحبايبي وفوق راسي بس ميقدروش من غير دليل يعملوا فيا اي حاجه ولا حكم انك ممرضه القانون معداش عليكي ؟؟؟ انا كل اللي ليهم عندي انك وافقتي وراضيه وانتي هترضي قدامهم وده لو لسه خايفه على حياه سي عمر بتاعك
زينب بعصبيه اتلم ياحيوان ومتجبش سيرته تاني على لسانك القذر
اسر بضحك متخافيش مش هنجيب سيرته تاني مش هيبقى في حياتنا علشان نتكلم عنه وانا هعتبر اني مشوفتش ومعرفتش حاجه افتكري كلامي اخرك يومين تلاته والموافقه تبقى عندي وضحك بسخريه واكمل بااي يا زوزا
وقفل
زينب كانت مصدومه وبتعيط بصمت وبصت للسما واكملت بدموع اعمل ايه يارب ؟؟؟ انا بحب عمر ومستحيل اسيبه ارجوك يارب شورني للصح انا مش عارفه اعمل ايه واجيب دليل ازاي ضد اسر وعيطت واكملت انا لو حصل ايه مش هتجوزه ولا هقدر اكون لحد غير عمر يارب مش هقدر ارجوك ساعدني وعيطت وفتحت الجراب اتصدمت وخبطت علي جبينها واكملت بدموع يا غبيه الصوره وقعت... انا مني لله بجد مني لله .. حقك عليا يا عمر انا السبب حقك عليا يا حبيبي ومسحت دموعها وبصت على الاحتفال وراها محبتش تدخل بلشكل ده فبعتت لمامتها مسدج انها جالها شغل طارئ ونزلت علي المستشفي وهي بتتابع في سرها مينفعش اسيب عمر لوحده تاني ده مجرم اخاف يأذيه
في الخطوبه كانت خلاص الناس مشيت وكلهم بيسلموا ويودعوا بعض
منصور بابتسامه مبروك يا اولاد عقبال الفرح كده يارب
امنيه بابتسامه الله يبارك فيك يا جدو
حسام باس راسه واكمل بحب تعيش يا غالي
معتز بستغراب مالك يا نرمين فيكي ايه من الصبح
نرمين بابتسامه مصطنعه مفيش يا حبيبي مفيش مبسوطه اهو مالي منا زي الفل
حسام مش حاسك بصراحه ... طب في حد ضايقك يا ماما ?
نرمين بسرعه: لالا والله ماحصل ده عروستك واهلها ناس محترمين جداا وطيبين انا بس يحبيبي صعبان عليا اننا من غير اخوك متقلقش مفيش حاجه وحطت ايديها علي صدرها بضيق واضح
حسام ابتسم بحزن ومسك ايديها باسها واكمل حقك عليا اانا فاهم انتي حاسه بايه ربنا يرده لينا سالم يارب
نرمين بدموع يارب يا حسام يارب
حسام حضنها واكمل بحب بالله عليكي ماتعيطي بقى مبحبش اشوف دموعك
صافيه بحزن اهدي يابنتي مش كل شويه تهري في نفسك كده
سميه هو فين ابنها التاني ده يا حجه
امنيه بابتسامه سمعت من حسام انه ظابط جيش يا ماما فمش بيجي كتير
صافيه بابتسامه ايوه هو كده صح ربنا يحميه يابنتي
سميه بتفهم ااه يحبيبتي اتاريكي قلقانه ربنا يحفظهولك يا غاليه
نرمين بوجع يارب يا ام امنيه يارب
محمد بابتسامه طب يلا بينا الغدا هيتحط اهو
منصور بحب لا تسلموا ده يادوب نلحق نروح الواحد تعبان اوي يا ابو امنيه والله اعذرنا المره دي
سميه اخص عليك يا حج يعني اول مره تيجوا وتنزلوا كده لا والله ماينفع
عايده بابتسامه معلش يا حبيبتي تتعوض في الليله الكبيره
امنيه بحب لا والله لهتقعدوا وناكل ده انا اللي طابخه يعني لازم تشوفوا وتقولوا رايكم
حسام بحب ده ايه الشطاره دي كلها
امنيه بابتسامه واسعه : شوفت بتعلم اهو
حسام بحب كفايه تعبك يبقي زي السكر
امنيه ابتسمت بخجل وكلهم ضحكوا علي شكلها فاكملت سميه بضحك ماشافش هو الرز المعجن والبطاطس المحروقه
امنيه بضحك بس بس ياست الكل بتقولي ايه
حسام بضحك عادي عادي طلما بتتعلمي مش مهم جربي براحتك
صافيه بضحك ايوه جدع يا واد يا حسام هتبقي زوج صالح
امنيه بحب الطيبون للطيبات يا تيته
حسام بصلها بحب وابتسم
معتز بضحك والله ده انتي اللي طيبه علشان فاكره ابني طيب
حسام بضحك طب مش قدامي ياحج مش من اولها كده
مازن بضحك يعني يكدب الراجل
حسام بضحك الله حتي انت يا مازن ده انا بشيل عنك كتير يصاحبي عيب وغمز
مازن بضحك هو في اجدع منك يا حسام عيب عليك ده هزار يحبيبي متبقاش قفوش كده
حسام بضحك ايوه جيب ورا بتحتاجني كتير
سميه بحب يلا الاكل حطيته على السفره اهو
نرمين بتعب معلش يحبيبتي مش هقدر حقك عليا
سميه بحب معلش انتي علشان خاطري ناكل لقمتين سوا علشان يبقى عيش وملح وانزلوا
نرمين بصت لمنصور فاكمل بتنهيده خلاص يا نرمين متزعليش حماه ابنك ناكل لقمتين وننزل
ويونس جاتله مكالمه فنزل يتكلم
قاسم بحب طب استأذنكم انا ونور هنتغدا برا روحوا انتوا واتصلوا بيا هتلاقوها عندكم
نور ابتسمت بفرح
فاكلمت ياسمين بغمز ايوه ياست محدش قدك
شهد بتنهيده ماخلصت تالته ثانوي بقى تقعد تعمل ايه مثلا
نور بضحك بس قر يا بايره منك ليها
شهد بضحك بس يحيوانه انا لسه صغيره هما اه بايرين ياسمين وزينب
صافيه بضحك بس بس انتي وهي هتتخانقوا علي ايه جتكم نيله ما كلكم هتتجوزوا بس الصبر
ياسمين بضحك اصل المهزقه مخطوبه صغيره وتقول بايرين قال فينك يا زوزا كانت كالتك
نور بضحك ده علشان انا من صغري يابنتي مبتقاومش فاتقطفت بدري
قاسم بضحك اممم على يدي
نور بصتله واكملت يعني ايه يا قاسم ??
قاسم بضحك يعني انا نازل اخرجك تخترعي نكد وتنكدي عليا هو انتي ايه يابت معجونه من ايه بجددد
ايمن بضحك قولنا مجنونه مردتش تصدق
مازن بضحك انت صاحبي فنصحتك وبردو مسمعتش تستاهل بقى
كلهم فضلوا يضحكوا فاكملت نور ماشي يا قاسم ماشي تضحكهم عليا كده
قاسم بضحك يخربيتك يا شيخه بير نكد هو انا عملت حاجه يلا هروح البس الكوتش اجهزي
حسام بستغراب هي فين زينب صح
نرمين بتنهيده راحت المستشفي عايزينها ضروري قالتلي
معتز بتنهيده البت بتتعب اوي بجد ايه ده ما لسه جايه من هناك هو مفيش غيرهاا
حسام وهو بياكل اكمل ما ده اللي انا قولته من الاول بس كل واحد حر بقي طلما ليها كبار
منصور بتنهيده حرام بردو بعد كل ده يا ابني وتعب اختك انت تشهد عليه نقولها اقعدي
امنيه ابتسمت بفرح ورايحه تتكلم فرفع حسام ايديه واكمل ولا كلمه
امنيه ابتسمت بضيق وسكتت فاكمل حسام ايوه يحبيبتي جدعه ربنا يهديكي اظن واضح موقفي انا اللي هبقي جوزك ايه من ناحيه الموضوع ده
سميه بصتلها بحده واكملت خلصنا يا امنيه ها مش عايزين فضايح
امنيه بتنهيده حاضر يا حسام
حسام بابتسامه يحضرلك الخير يارب ويهديكي وبص للطبق تاني يكمل اكله
قاسم لبس الكوتش واكمل بصوت مسموع طب ايه مش يلا ولا ايه يانوري
منصور بضحك ايوه صح روحي خطيبك مستنيكي
نور بضحك منا بقالي ساعه بشاورلكم امشي ولا لا انتوا مش معاايا خالص
مازن بضحك الله من امتي الادب ده
نور بابتسامه بريئه : لازم في اماكن معينه نفعل الوضع ده
عايده بضحك ربنا يهديكي يابنتي وتفعليه علطول
نور بضحك وهي طالعه انسي الكلام ده
سميه بضحك عسوله والله ربنا يخليهالكم اصلا كل بنات عيلتكم زي القمر ربنا يحميهم
صافيه بحب تسلمي يحبيبتي ربنا يخليكي يارب
نرمين كانت قاعده قلبها واجعها ومضايقه جدا ومش عارفه تجيب تفسير لده وبتحاول تتغاضى عن احساسها
شهد بصت حواليها واكلمت بستغراب يونس فين كان هنا من شويه قبل ما نحط الاكل وفاجاه سحب مع نفسه ونزل علشان جاتله مكالمه بس مجاش لحد دلوقتي
صافيه بصت حواليها واكملت بتنهيده تلاقيه راح يتمشى شويه بعد ما خلص كلام
عز الدين بستغراب من غير مايقول كده ..ماله يونس مش مظبوط الفتره دي
شهد بحزن ملاحظه ومش عارفه اخد منه حق ولا باطل
مازن ركزي انتي في مذاكرتك هو اكيد حتى لو هيحكي مش هيقولك انتي ويشغلك اخوكي كويس يحبيبتي متقلقيش
شهد بحزن مازن انا مش صغيره هو فعلا متغير اوي
ياسمين بتنهيده لا مش متغير الحقيقه ان دي طبيعه يونس بس محدش بياخد باله
صافيه بتنهيده صدقتي يابنتي والله
عايده بتنيهده هو من يوم وفاه والدته وهو كده الله يرحمك يا لبنى يارب
شهد دموعها نزلت وسكتت وحاولت تكتم دموعها علشان متزيدش
حسام شافها واكمل بتنهيده الله يرحمها هما السابقون ونحن اللاحقون يا مرات عمي هي في مكان احسن بلاش نفتح السيره دي كتير علشان خاطري
عايده بتفهم : حاضر يا حبيبي خلاص
نرمين بتنيهده بصوا انتوا كلامكم ده كله مش هيغير حاجه يونس اتعود يشيل همه لوحده وقدامكم يبين انه عادي ويقف جمبكم فكل محاولاتكم ان تعرفوا ماله مش هتفيد بحاجه
عز الدين بتنيهده طول عمره شايف انه الراجل على بنات فمينفعش يبين ضعفه قدامهم علشان يكون قوتهم مش دلوقتي بس
مازن بتنهيده حاسس بيه المسئوليه مش سهله ربنا يعينه بجد
سميه بحب والله شوفته قولت باين عليه ابن حلال وجدع ربنا يريح باله وقلبه يارب
صافيه بحب يارب يا ام امنيه وافرح بيه لحسن ده مغلبني
سميه بضحك بقي ده يغلبك ده بسم الله مشاء الله عليه زي القمر وطول بعرض وهيبه
صافيه بضحك ماهو العيب مش فيه .. العيب منه لانه رافض
سميه بحب بكره تيجي اللي تقلب حاله وتفرحكم
صافيه بحب يارب يسمع منك ربنا
احمد بستغراب مش بتاكلي ليه يا شهد
شهد بابتسامه الحمدلله شبعت
امنيه اخص عليكي هو الاكل معجبكيش ولا ايه
شهد بحب لا والله ده زي العسل تسلم ايدك انا فعلا شبعت
احمد طب كلي بس بلا شبعتي ده مش منظر اكل
شهد هزت راسها برفض واكملت متقلقش كالت فعلا خلاص
احمد طب يلا بس كملي اكلك شايفه ياسمين نسفت الطبق ازاي
ياسمين بضحك الله واكبر في ايه يخربيتك
احمد بضحك خربته من قبل مايتعمر اهو بنت عز الدين
شهد ضحكت واكملت بعد الشر سيبك منها جتها داهيه في الفاظها
ياسمين بضحك لا والنبي شوف البت وبلنسبه لانه طلعني مفجوعه علشان يضحك الاميره ايه ???
احمد بضحك لا ده بجد اهو هو انا اتبليت عليكي
شهد ضحكت فاكمل مازن بضحك بس ياحيوان الف هنا ما تاكل براحتها احترم نفسك
احمد بضحك خلاص يا كبير علشانك انت بس
عايده بضحك اسكتوا واتلموا انتوا عند الناس
محمد بضحك لا والله دول عسل سبيهم عادي كلهم زي اخوات امنيه وعيالنا بردو
حسام احممم طب متجمعش يا حماياا طيب
كلهم فضلوا يضحكوا فاكمل محمد بضحك الا انت متقلقش
حسام بضحك ايوه كده شكلي كان وحش اوي وانت بتجمع
امنيه بضحك لا متقلقش انت ادبست خلاص متحاولش تخلع
حسام بابتسامه احلى تدبيسه
امنيه بصتله بحب وابتسمت بخجل وكلهم ضحكوا على شكلها
احمد بحب : كلي حلو بقي بجد يا شهد علشان تروحي تذاكري علطول تكوني كالتي .. ومتقلقيش والله يونس كويس متخافيش عليه
شهد ابتسمت واكملت بتنهيده حاضر
وفضلوا ياكلوا ويتكلموا في جو مبهج الا طبعا نرمين اللي واضح عليها جدا القلق وبتحاول تتجاهل
--------------------------------------------
في المستشفي عند عمر
زينب وصلت ونزلت حاسبت التاكسي وطلعت بسرعه وهي بتجري قلقانه على عمر وفضلت تمشي لحد ما وصلت الاوضه ودخلت وشافته نايم بعمق ومتعلقله المحاليل وشكله زي ماهي سابته فابتسمت بحزن ودخلت وقفلت وشدت الكرسي قعدت قدامه ومسحت بايديها على شعره بهدوء واكملت بدموع في سرها: ربنا يحفظك يارب يحبيبي وينتقم منه بجد... حقك عليا يا عمر انا اسفه وعيطت وحطت ايديها التانيه على بوقها
عمر حس بايديها وفتح عينيه براحه واكمل بستغراب ونوم : زينب انتي لحقتي جيتي وبتعيطي ليه في ايه يحبيبتي
وحاول يتعدل فتأوه بوجع فقامت زينب بسرعه واكملت بخوف حاسب حاسب قولتلك 100 مره على مهلك يا عمر
عمر اتعدل في قعدته وابتسم بحب واكمل كويس يحبيبتي متقلقيش بتعيطي ليه بقى وبعدين هو حسام خطوبته خلصت ولا لسه علشان تيجي تاني واصلا انتي مفروض تروحي تنامي
زينب مسحت دموعها واكملت بابتسامه سيبك من كل ده حسام اه خلص يعتبر وانا جيت اخدك وهروح متقلقش
عمر بستغراب تاخديني فين
زينب منا قولتلك هتقعد في اوضتنا بتاعت السطح اانما انسى اسيبك لوحدك
عمر لااا يا زينب مش هينفع قولتلك هفضل في بيتي والصيدلي يغيرلي على الجرح والاكل والبيت خالتي واسماء
زينب اه وهدومك والحمام والشاور خالتك واسماء بردو ؟؟
عمر بضحك يا زينب لمي نفسك
زينب انت اللي بتعصبني واالله العظيم قولتلك تعالى عندنا احنا جيران ومش غرب وهو الجار ليه ايه عند جاره يعني
عمر برفعه حاجب جاره ؟؟؟!!!
زينب ضحكت واكملت حبيبي اه بس بيني وبينك انما قدام اهلي جارنا ولا ايه
عمر بابتسامه انا مش واكل معايا الجو ده عندي خطه احسن
زينب بابتسامه سمعني
عمر بحب افضل هنا لحد ما اجي اتجوزك واخرج من المستشفى على جنتي علطول بلا فوق السطح بلا بيتي بلا كلام فاضي نشوف بيتنا بقى ومراتي تساعدني
زينب بضحك لا يارااااجل تصدق حل حلو وهو اصلا هتفضل تعبان لحد ماتجوز يا عسلل انت
عمر بخبث ده نتعب مخصوص في الوقت ده
زينب بضحك ااه قول كده طب بحيث كده نبقى نجيب سيف يقعد معانا في البيت واهو اخويا وبتعتبره اخوك بردو فيساعدك هو
عمر بصلها بقرف واكمل تجيبي سيف؟
زينب بضحك ايه مالو سيف ؟؟؟ وحش سيف ؟؟؟ اقوله والله
عمر بضحك بس يا خباصه اقعدي ساكته بس مش محروم منه سيف ياختي انا عايز اخت سيف بقى شبعنا منه هو
زينب ابتسمت بخجل واكملت اممم انت ناوي تخليني اسلطه يفرغ فيك طاقته في مره والله
عمر بضحك عيب عليكي يعني يبقى القائد بتاعي سيف الرفاعي وابقى بقع بسهوله مش معقول يعني
زينب بحب ربنا يحميه ويحميك يارب
عمر بحب يارب يحبيبتي ويجمعني بيكي في اقرب وقت بقى
زينب سرحت وبصتله والدموع اتجمعت في عينيها وحاولت تمسك نفسها جواها 100 سؤال ودوشه هتعمل ايه؟ هتتصرف ازاي؟ ايه اللي هيحصل لو وافقت ؟ طب عمر هيفكر فيها ازاي؟ طب ايه اللي هيحصل لو رفضت؟ هيقدر يأذي فعلا عمر؟ وتصارح عمر ولالا؟
كل دي اسئله جواها قاطع شرودها عمر لما اكمل: زينب انا حاسك مش طبيعيه في ايه يحبيبتي حد ضايقك طيب؟؟
زينب بانتباه : هاا لا معاك معاك المهم انا هقوم اكلم حسام يجي ياخدك وهكلم الدكتور مش هنستني لبكره وانا ممرضه ومعاك اهو
عمر بستغراب اهدي يا زينب انتي مصممه ليه انا قولتلك مش هقدر اجي عندكم وبعدين لسه هخرج بكره
زينب بقلق بتحاول تداريه اكملت انا مش عايزه اروح من غيرك ومش هطمن لو سبتك ومشيت وكمان في البيت قولتلك احلى متعاندش انت تعبان
عمر بتنهيده يحبيبتي ما المستشفى ملياانه ناس روحي ونشوف بكره هنعمل ايه
زينب لا لو سمحت ياعمر ريحني وطلعت تتكلم مع حسام وتحكيله وعمر مستغرابها جداا
----------------------------------------------
في المستشفى عند سيف
سيف نايم ساند ضهره ومتعلقله محاليل والجرح متخيط وخرجوا الرصاص من رجليه ولفوا الجروح
والكتيبه حواليه وبيتكلموا معاه وحالته استقرت وبقيت احسن كتير
حسن قسما بالله خلعت قلبي وراك حمدلله على سلامتك يغالي
سيف ابتسم بتعب واكمل ياض ميبقاش قلبك خفيف كده انا زي الفل الله يسلمك يحبيبي
عبدالله بحب حمدلله على سلامتك يا قائد
سيف بصله واكمل بحب الله يسلمك يا عبد الله طمني جرحك اخباره ايه
عبدالله بحب زي الفل يا فندم المهم حضرتك تقوم بخير
سيف بابتسامه متعبه متشغلوش بالكم بيا انا كويس الحمدلله
محمود بابتسامه بعون الله كنت واثق انك اسد وهتعدي منها مليون مبروك المهمه وقومتك لينا بلسلامه يا قاائد
سيف بابتسامه تسلم يا حوده مبروك ليكم كلكم حقيقي فخور بيكم واحد واحد شرفتوني كعادتكم
معاذ بحب تلاميذك يا سيف بيه
سيف بحب ده انا اللي يزيدني شرف اني ماسكم والله مبروك يا رجاله
الجميع بحب وابتسامه الله يبارك فيك
جاسر بمرح مش ناويين ننزل اجازه شويه يا قائد ولا ايه
سيف حاضر هشوف العميد وانزلكم عيني ليكم
امير بفرح ده يبقى تسلم عينك لان مراتي هتولد الاسبوع الجاي وكنت بتمنى اعرف اكون جمبها
سيف ابتسم واكمل بحب ولد ولا بنت
امير بحب نورسين انشاء الله
سيف بحب طب يا ابو نورسين هنزودلك الاجازه ونصرفلك فلوس زياده مني انا لاجل عيون القمر
امير فرح جدا ان هيفضل اكتر مع مراته واكمل بحب وامتنان شديد: تسلم يا سيف بيه حقيقي مش عارف اقولك ايه طول عمره جمايلك مغرقانا والله
سيف بحب احمد ربنا هو اللي بيبعت ويرتب والبنت معروفه برزقها الواسع واهي بنتك رزقها واسع من الاول
مؤمن بضحك طب بحيث كده انا هخلف بنت انا كمان اشمعنا امير
كلهم ضحكوا فاكمل سيف ومؤمن مخصوم ليه وهنقلل اجازته
مؤمن بضحك لالالا خلاص والنبي خليهم زي ماهما ده هما اصلا معدوددين ولا انت هتاخدهم مني تديهم لامير ولا ايه
سيف بضحك علشان تحور كويس
مؤمن باس راسه واكمل بحب ياعم الناس ده انا بهزر معاك بفوقك
سيف ابتسم واكمل بحب تسلم يا غالي والله
محمود بضحك يا قائد ده حيوان بيثبتك
سيف بضحك لا عيب عليك منا مباكلش كلام انت عارفني
مؤمن بضحك قسما بالله ابداا انت عارف بحبك ازاي يا قائد ده بيوقع الواد ده
سيف ضحك واكمل وانا بحبكم كلكم والله وبعتبركم زي حسام
والباب خبط والعميد دخل فكلهم اتوتروا وقاموا وقفوا وعملوا التحيه
العميد بابتسامه : حمدلله على سلامتك يا بطل
حسن بابتسامه احم طب نستأذن احنا يا قائد
سيف بابتسامه الله يسلمك يا سياده العميد تعبت نفسك والله وبص لحسن وهز راسه بتمام وتابع خدوا الباب في ايديكم ولما العميد يطلع دخلولي عبدالله بس
عبدالله بصله بستغرااب بس هز راسه بموافقه انه هيجي وطلع معاهم
العميد شد الكرسي وقعد قدامه واكمل بابتسامه ازاي يعني مكنتش اجي وبعدين تعب ايه اللي بتتكلم فيه يا سيف ده انت ابني وعارف غلاوتك عندي قد ايه وطبطب على رجله واكمل شويه وهتقوم تاني على رجلك يا بطل انا حقيقي فخور بيك فوق ماتتصور طلعت قد كلامك وثقتي فيك كانت في محلها
سيف ابتسم واكمل بحب كلنا تحت امر مصر يا سياده العميد الحمدلله وصلنا لهنا وربنا قدرنا وكسبنا المهمه
العميد بابتسامه حقيقي فخور بيك وبكتيبتك انت قربت على الترقيه قبل معادها بكتير بسبب اجتهادك على فكره ودلوقتي فعلا عرفت انت ازاي بقيت رائد في السن الصغير ده .. محدش غيرك فعلا يستحق يترقى كده
سيف بابتسامه تحت امر معاليك يا فندم اي وقت وانا بنسبالي سواء اترقيت .. رجعت خطوه ... اتقدمت خطوه المهم مصلحه مصر ولو في افضل مني يستحق الترقيه ياخدها عادي طلما دفع تمنها وعمل واجبه وحمى بيها ارضنا وشعبنا انا او غيري مش هتفرق الالقاب والمسميات كلنا مهمتنا واحده وهدفنا واحد وهو ان البلد دي تعيش فأي ان كان مين هيترقى مش مهم ده واجبنا كلنا كضباط حربيه وكلنا هنساند بعض علشان نطلع افضل نتيجه باذن الله
العميد بفخر وابتسامه : حقيقي فخور بيك جدا وبعقليتك يا سيف علشان كده ربنا بيكرمك وبيديك وبتنجح ربنا معاك فكل خطواتك الجايه يا بطل مستني منك اكتر وعارف انت قدها
سيف بابتسامه يارب يديني القدره ابقى قد ثقه حضرتك يا فندم ده شرف كبير ليا
العميد بابتسامه وهو بيطبطب على كتفه اكمل ده شرف كبير ليا انا اني عرفتك انا لما بتمنى اشوف ابني ناجح فانا فعلا بتمناه يكون زيك ظابط كما يجب الكتاب ان يقول واهلك عرفوا يربوا واخلاقك وعقليتك كلك مميز في مكانك وفعلا وجودك وسطنا مكسب كبير لينا
سيف بابتسامه تسلم يافندم بجد كلامك ده بلدنيا وانشاء الله تشوف ابنك زيي واحسن مني كمان
العميد قام وقف واكمل بحب حبيبي يا سيف والله يلا هستأذنك انا وحمدلله على سلامتك يا بطل مره تاني ودي مش اخر قاعده لينا مع بعض هيبقى لينا كلام كتير مع بعض
سيف بحب اكيد يا فندم تحت امرك الله يسلمك تعبناك ومعلش يا فندم هنزل الظباط اجازه شويه يشوفوا اهلهم ويرتاحوا
العميد بحب تعبك راحه يا بطل وكويس صحيح فكرتني كلكم هتنزلوا اجازة ارتاحوا شويه وهقول للمقدم ياسر يقولكم على معاد الرجوع اجازه سعيده بأذن الله يلا السلام عليكم
سيف بابتسامه تسلم يا فندم حقيقي شكراا وعليكم السلام
العميد بابتسامه لا من غير شكر ولا حاجه انتوا تستاهلوا
وخرج وقفل
وثواني وكان الباب بيخبط
سيف رجع ضهره لورا بتعب وارهاق ووجع من رجله واكمل ادخل
عبدالله دخل وعمل التحيه واكمل طلبتني يا فندم
سيف تعالى يا عبدالله اقعد هنا
عبدالله راح قعد قدامه واكمل اتفضل يا قائد سامعك
سيف بابتسامه اولا انا جايبك اتكلم معاك بصفتي اخ كبير ليك مش القائد بتاعك واقولك ان حقك جيه في وقتها وتمن الايد اللي اتمدت عليك كان غالي جداا لان انتوا مش مجرد جنودي لا انتوا اللي يمسكم كانوا مسني انا كمان وحققت وعدي معاك انك هترجع لوالدتك ولمدام مريم وتطمنهم عليك بنفسك وكل اليوم عدى نشكر ربنا كلامي بقى اللي عايز اقوله اي ان كان بعدين اوعى تغلط نفسك قدام حد او تستقل بقدرتك انت ظابط جيش مصري فاهم كام دوله في العالم بتعملك حساب ؟!!! فانت اكبر من ان غلطه تهزمك وتحسسك انك السبب فكل اللي حصل لان ده شئ وارد يحصل في اي وقت وطبيعي
عبدالله بحزن ماهو انا لو كنت ..
سيف بمقاطعه مكنتش هتاخد بالك فمتلومش نفسك هو شافك وغدر بيك من ضهرك ودي بردو غلطه مني اني خليتهم ينقلوا البضاعه في حته تبين مكانكم وهما راجعين بس اي ان كان اللي حصل دي حرب يعني بيحصل غلطات من الطرفين طبيعي لان التاني بيستغلها واللي بيكسب بيكون غلطه اقل فا اللي حصل طبيعي جداا يا عبدالله واحنا اقوى من اننا جوه مهمه نلوم بعض مين كان سبب الغلطه اللي حصلت لا هنكمل وعادي وكلنا جيش بقلب راجل واحد وباس راسه واكمل وحقك عليا ان ابن الكلب ده ضربك وهددنا بيك ياخدك معاهم
عبدالله بعد شويه واكمل بسرعه: لالا يا فندم حضرتك من غير ماتبوس راسي انت مغلطش ده بلعكس انت اللي حقك عليا بجد انا اتاخد مني سلاحي ودي عيب في حق ظابط بصري فانا بردو غلطت
سيف وفيها ايه ياعبيط لو بوست راسك بلاش جو السيد والعبيد ده انا اه بتعصب ساعات وجد ساعات بس ده في الشغل من الضغط بعيدا عن الشغل انتوا زي حسام فمتبعدش كده تاني انا رغم كل قوتي دي صعب عليا مسكته ليك ومكنتش مستحمل فعلشان كده ببوس راسك واطيب بخاطرك لان قولتلك وهقولك تاني انتوا زي حسام وبلنسبه للمسدس كان من ضهرك حتى لو انا كان اتغدر بيا بس الجانب الحلو اننا عرفنا غلطنا فندرب على حته ان الخصم يجي من الضهر دي كتير وطبطب على رجله واكمل خلاص يا بطل مسمعكش شايل الذمب او بتلوم نفسك تاني تمام انا جبتك واتكلمت معاك كل ده علشان اشيل منك الفكره دي تماما
عبدالله بحب وابتسامه تحت امرك يا فندم حقيقي بتعلم منك كتير وليا شرف اني اكون زي اخو حضرتك
سيف بحب تسلم يا غالي خلاص انا خلصت كلامي تقدر تتفضل يلا اجري علشان تلحق تنزل لمراتك وامك
عبدالله بفرح هو خلاص خدت الموافقه من العميد؟
سيف بابتسامه اه يلا روح قولهم وانزلوا وانا هتواصل معاكم في الرجوع
عبدالله بفرح تمام تسلم يا فندم عن اذنك
سيف بحب اذنك معاك وابقى اطمن على باقي الكتيبه المصابه وطمنوني
عبدالله بابتسامه تمام يا فندم وطلع وقفل
ورجع سيف ضهره لورا وغمض عينيه شويه بتعب وبص على فونه جمبه على الكومود فمسكه وفتحه لقى رسايل كتيير جدا من اهله بيرنوا عليه
سيف بتنهيده تقولش قلبهم حاسس يا جدع ومسك كوبايه المايه يشرب وشرب ورجع ضهره لورا بتعب ورايح يحطها شاف عمر باعت مسدج ففتحها اتصدم من اللي فيها والكوبايه وقعت منه اتكسرت كذا حته وفضل يقرا المسدج كذا مره مصدوم ومش مستوعب فرن على عمر
عمر كان في المستشفى مستني الدكتور يجي علشان يخرج وزينب راحت تجيب حسام من برا فشاف انه سيف فرد بسرعه
عمر بقلق الو
سيف بحده انت عرفت منين الكلام ده يا عمر
عمر بتنهيده عرفت وخلاص مش مهم المهم هنتصرف ازاي
سيف بعصبيه انت عايز تجنني هو ايه اللي مش مهم شوفت بعنيك ولا حد حكالك علشان ده كلام ميدخلش العقل وازاي وامتى ده يحصل ومتعرفنيش انت اتجننت
عمر بتنهيده اهدى مش وقته يا سيف ارجوك المهم المصيبه دي هنعمل فيها ايه لازم نشوف حل اللي حصل حصل خلاص انا واثق من كلامي وانت لما وترجع روح اتاكد بنفسك
سيف تنهد بعمق واكمل حل لايه؟!!!!انا مش عارف يا عمر .. مش عارف افكر اصلا انا مكنتش عامل حساب اني هشوف كل المصايب دي ولا مستوعب اصلا اللي انت بتقولوا
عمر بحزن اهدى وهنفكر واحنا سوا ومع بعض متخافش مش هسيبك لوحدك في اي حاجه انت اخويا وانا جمبك
سيف بتنهيده بعدين الكلام ده يا عمر انا فعلا تعبان ومش قادر اتكلم او افكر في اي حاجه و الكلام اللي حصل بينا ده محدش يعرفوا تمام
عمر عارف طبعا من غير ماتقول طب ايه طمني عليك المهمه اخبارها ايه
سيف بتنهيده زي الفل خلاص خلصت
عمر بقلق سيف انت كويس؟
سيف بوجع من رجله تنهد واكمل ااه ااه كويس
عمر بقلق لا انت كداب هو انا معرفكش مالك في ايه حد منكم اتصاب؟
سيف بتنهيده كلام ليك الكتيبه اصابات خفيفه في دراعهم او رجليهم وانا واحد منهم ضربني في جمبي بازازه و3 رصاصات في رجلي
سيف بخوف نعممم وتقولي مفيش حاجه
سيف بتنهيده عمر الله يخليك متزودش همي انا فعلا بخير وبكلمك اهو تعبان اه طبيعي بس كويس مش هموت يعني فخلاص
عمر بقلق حقك عليا يا سيف مش قصدي ازود همك بس خايف عليك ياريتني كنت جمبك
سيف بابتسامه ده الحمدلله انك مكنتش هنا الوضع كان زفت اوي هبقى احكيلك لما اشوفك انا هنزل اجازه
سيف بابتسامه كنت هقولك تعمل كده هتنور البلد كلها ياحبيبي مستنيك
زينب دخلت مع حسام واكملت يلا يا عمر حسام جيه
سيف بستغراب اختي وحسام بيعملوا عندك ايه ؟؟؟
عمر بقلق ايه ااه اصل انا عملت حادثه و
سيف بحده وبمقاطعه نعم ياخويااا عملت حادثه! !!!!
عمر سيف اهدى انا مكنتش عايز اشيلك همي والله والحمدلله عدت اهي
زينب بفرح انت بتكلم سيف هاتوا
سيف بتحذير متقولش اني راجع ولا اتصاابت وحسابك معايا بعدين
عمر تمام تمام وادى زينب الفون
زينب بفرح وحب ينورعيني عامل ايه
سيف بحب كويس ياحبيبتي انتي طمنيني عنك
زينب بحب بقيت بخير لما سمعت صوتك يا غالي
عمر بصلها بسخريه فضحك عليه حسام واكمل بضحك هتتشل لو شوفتهم فعلا مع بعض جوزها ده مش اخوها
عمر بضحك اممم منا واخد بالي
سيف بحب تسلميلي يا غاليه بقولك يا زينب
زينب ايه يحبيبي
سيف بتنهيده لما ارجع عايز اتكلم معاكي في حاجه مهمه لو لقيتي اني نسيت فكريني لان دماغي مقلوبه
زينب اتوترت واكملت ماشي يحبيبي عنيا انت بس تيجي بلسلامه
حسام بضحك هاتيه يابت شويه يخربيتك ده انتي لازقه وشد منها الفون واكمل بحب حبيب قلبي اللي واحشني
سيف بحب وانت اكتر والله يحبيبي
حسام بفرح عايز افرحك
سيف بابتسامه قول يحبيبي ده الواحد بيدور على فرحه والله
حسام بحب انا خطبت البنت اللي بحبها انهارده وتابع بحزن كان نفسي اوي تكون معايا بس تتعوض اكيد
سيف بتفاجئ انت بتتكلم جد !!! وتابع بفرح وحب يحبيبي الف الف مليون مبروووك المهم انت فرحت كاني انا فرحت والله يا حسام
حسام بحب الله يبارك فيك يا غالي بجد عقبال ماتنورنا بقى وتيجي
سيف بفرح متتصورش فرحان بيك ازاي وهانت باذن الله واشوفكم وتابع صحيح خد عمر معاك متسبهوش لوحده ده يتيم ومش هيعرف يساعد نفسه طلما عمل حادثه انا حقيقي مكنتش اعرف
حسام بحب يحبيبي متقلقش زينب قالتلي كده وانا جيت اخده فعلا ده اخويا انت عارف
عمر بحب بيقولك تاخدني ?
حسام هز راسه ب اه فابتسم عمر وتابع طول عمره بيفكر فكل اللي حواليه قبل نفسه
سيف بحب تمام يحبيبي الحمدلله فكرتوا صح هات زينب وساعد انت عمر يجهز علشان يخرج
حسام زوزا امسكي كلمي سيف لحد ما اساعد انا عمر يغير
زينب ابتسمت بتوتر وخدت الفون واكملت ايه يحبيبي
سيف بابتسامه قوليلي بقى من امتى الحنيه اللي نزلت عليكي فاجاه لعمر دي
زينب بتوتر عادي يحبيبي علشان جارنا في البلد ويتيم فواجبنا يعني
سيف اممم قولتيلي طب ايه حاله عمر وصلت لفين
زينب بتنهيده الحمدلله بقى احسن عنده كسر في دراعه اليمين وجرح في راسه وصدره بسيط نشكر ربنا
سيف مين قعد معاه في المستشفى
زينب بتوتر محدش جيه من قرايبه انا كنت بفضل رايحه جايه عليه كل شويه
سيف اممم طيب يا زوزا يلا باي وخلي بالك من نفسك ومن عمر انتي ممرضه بقى وكده وعمر زي اخوكي
زينب بتوتر اه اه اكيد طبعا
سيف يلا باي
زينب باي وقفلت وتنهدت بارتياح وتابعت ربنا يستر بجد من سيف وتلميحاته بعدين خرجت من جهات الاتصال شافت صورتها على الشاشه الرئيسيه فابتسمت بحب شديد واكملت يحبيبي يا عمر
---------------------------------------------
في عربيه قاسم ونور
نور بحب تسلملي بجد على اليوم القمر ده
قاسم بحب على الله يطمر مع انك حارقه دمي بس معلش
نور بحب على فكره بتبقى قمر وانت غيران عليا بس 100 مره اقولك مش من يونس ولا عيال عمي عموما
قاسم بصلها واكمل انا بغير من مازن بتهزري ولا ايه ؟؟؟
نور ضحكت واكملت لا انت مجنون بجد ومش هتفهم وجهه نظري فهسكت احسن
قاسم يانور متعصبنيش ده انا مبعملش اللي بيعملوا معاكي عيال عمك والواحد بيبقى واقف دمه بيتحرق من هزارهم
نور بحب يحبيبي علشان دول اخوااتي الكبار وانا بنسبالهم زي شهد احنا اخر العنقود فواخدين كل الدلع طبيعي يهزروا معايا وياخدوا عليا اكتر منك في النهايه انت خطيبي انما لو جوزي تختلف
قاسم اممم قولتيلي منا علشان كده هتجوزك
نور بضحك منا عارفه انك هتتجوزني يا قاسم اومال هنفضل مخطوبين علطول
قاسم وقف العربيه وبصلها واكمل لا انا هكلم مازن وابوكي وجدك عايز اكتب عليكي والفرح مش مهم الوقت اللي يحددوا بس نفسي تبقي من حقي علشان حتى اعرف اخدك في حضني على الاقل وضحك وتابع تعبت من الصيام ده بصراحه
نور بدموع فرح وتفاجئ انت بتهزر صح !!!!!
قاسم بحب مسح دموعها واكمل لا بتكلم جد والله العظيم ها قولتي ايه ؟
نور بحب وفرح موافقه طبعااا ياريت يرضوا يارب بجد
قاسم بحب وفرح يبقى اتفقنا يا مزتي تعالي بقى نجيب حاجات كتب الكتاب
نور بضحك من بين دموعها قاسم متهزرش انت ضمنت انهم هيوافقوا خلاص
قاسم وهو بيشغل العربيه اكمل سيبيها على الله وعليا هيرضوا بأذن الله فا يلا نختار سوا علشان متحرقيش دمي في يوم زي ده
نور ضحكت وهو بصلها وابتسم بحب ومشيوا
-------------------------------------------
في المقابر عند لبنى الرفاعي والده يونس
واقف يونس بيقرا الفاتحه على روح والدته وخلص وتنهد بعمق وتابع بوجع: واحشتيني اوي وسكت ثواني وتابع متخيلتش ابقى كبير كده ولسه سيرتك بتخليني ضعيف ومحتاجك ودموعه نزلت واكمل انا مكنش ليا غيرك يا امي وبعدك حاسس اني بعيش يوم وبيتقرر ..واحشني تاخديني في حضنك وتحطي ايدك على راسي وتدعيلي زي زمان واحشني ابوس ايدك قبل ما نزل الشغل .. انا واحشني يوم كنتي موجوده فيه .. تعرفي انا ساعات بقعد اسرح كده بقول انا عايش بعمل ايه وعلشان ايه وتنهد بوجع واكمل اللي يوجع بقى اني مش عارف حتى اشارك وجعي ده لحد انا بقيت شايف كل المفروض اعملو اني اخلي بالي من شهد وياسمين ويوم ما كل واحده يبقى ليها بيتها انا هحس ان خلاص دوري خلص وحياتي وقفت بس بيجي في بالي ان يمكن ربنا يكون محضرلي حياه تستاهل اعيشها يمكن يجي يوم افرح فعلا ويعوضني عن كل حاجه اتخدت مني حتى حبيبتي ودموعه نزلت واكمل انا بجد تعبان ومتلخبط ومحتاجك اوي مش عارف اشرح جوايا ايه بس انا مش بخير يا امي ومفيش حد في الدنيا ينفع اظهرله الجانب ده او اقوله اني مش بخير انتي اللي كنتي بتفهميني من نظره وبعدك انا سكت وهفضل ساكت لان مهما قولت محدش هيفهمني قدك
بنت من وراه انا فهماك يا يونس ومستعده اسمعك بس اتكلم وسامحني
يونس لف اتصدم لما شافها واكمل ميرنا !!!
ميرنا ابتسمت وراحت حضنته واكملت واحشتني اوي
يونس غمض عينيه بضيق وبعدها عنه واكمل انتي مين سمحلك تقربي مني بلشكل ده هو انا مش قولتلك 100 مره مش عايز اشوف وشك
ميرنا بدموع طب جرب اسمعني والله والله تاني مصطفى ملمسنيش انت فهمت غلط يوميها
يونس مسك دراعها جامد وشدها لبرا المقابر واكمل بحده مش هنتخانق جمب قبر امي انا مش عارف اصلا انتي ايه اللي جاب اهلك هنا المهم انا مش جاي اسمعك ومش عايز تبرير لحاجه انا شوفت بعيني وسكت وحطيت جزمه في بوقي للنهارده فكفياكي قرف وبجاحه
ميرنا بدموع انت فهمت غلط انا روحت معاه علشان قالي ان مامته تعبانه ومامته دي كانت اكتر من صاحبه لماما وانت عارف كده كويس ايش عرفني انا انه مرتب كل ده علشان يوقعني
يونس بسخريه وبلنسبه للبسك ايه ؟ هددك واجبرك تلبسي القرف اللي لبستيه
ميرنا بعصبيه ودموع انت بتقول ايه بقولك سبني اشرحلك وانت تفهم انا كنت رايحه ابات مع طنط سهير علشان تعبانه والست دي ليها فضل عليا بعد ما امي ماتت كانت بتاخد بالها مني لاني بنت صاحبتها المقربه ومصطفى قالي انه هينزل يبات مع صحابه فلبست كاش مايوه وفردت شعري ظننا مني اني مع الست لوحدنا في الشقه وده لبسي في البيت في العادي بس لقيت مصطفى جيه فاجاه وقرب مني واتفاجئت ان مفيش حد في البيت وانت شوفتني وهو حاضني في الصالون
ومسكت ايده وتابعت بعياط انما اقسملك بالله يا يونس ملمسنيش انا مش بلومك انت راجل صعيدي وحقك متسامحش في شرفك لاني كنت خطيبتك بس انا ..
قاطعها يونس بحده واكمل كنتي هتبقي خطيبتي مش خطيبتي وريحي نفسك يا ميرنا انتي لو اخر واحده في الدنيا انا مش عايزك خلاص
ميرنا بدموع ووجع : يونس انت محبتنيش؟
يونس اه محبتكيش انما في النهايه انتي زي ياسمين وشهد وانا موجود في اي وقت تحتاجيني
ميرنا بدموع يعني انت صدقت اني وحشه؟
يونس بتنهيده بصي يا ميرنا احنا مكناش ننفع لبعض اصلا وهي جات من عند ربنا انتي وحشه او كويسه ده لنفسك ولحياتك نظرتي مش هتفرقلك كتير بس لو مصممه تعرفيها فانا صدقتك ومش شايفك مذنبه بس انا فعليااا مش هقدر اكون ليكي ولا لغيرك انا مرتاح كده
ومشي بس وقفته ميرنا وهي بتقول مصطفى عايز يتجوزني يا يونس وبيقولي انه عمل كل ده علشان بيحبني ومستعد يصلح غلطه انه قرب مني بلشكل ده
يونس وهو مديها ضهره اكمل عين العقل وانا موجود يحبيبتي لما تعوزي وكيل اتصلي بيا واسلمك بايدي لعريسك وبصلها واكمل علشان انتي زي شهد وياسمين وابتسم ومشي
وهي بصتله بحزن وصدمه ومشيت
----------------------------------------------
فوق السطح
ياسمين مدت كوبايه القهوه لمازن واكملت بحب امسك يعمري
مازن بصلها وتنهد وخدها منها واكمل وبعدين يعني منا عمال اهري في نفسي وانتي سمعاني وساكته واخره جايه تديني كوبايه القهوه كتر خيرك
ياسمين بابتسامه الحق عليا سيباك تخلص كلامك
مازن بحده ياسمين متبقيش مستفزززه
ياسمين اتفزعت وقعدت جمبه واكملت بس بس واطي صوتك في ايه
مازن بحده اقسم بالله تاني مره الاقيكي قريبه من يونس بلشكل ده هفتح دماغك قدامهم وماهيفرقلي خلصت خلاص علشان مس كل شويه نتخانق لنفس السبب
ياسمين بخوف خلاص حاضر يا مازن بس اهدى علشان خاطري وواطي صوتك الناس تسمعنا مش كده
جودي فتحت الشباك واكملت هو انا كل يوم مش هعرف اتخمد بسببك انتي والبيه
ياسمين اتخضت واكملت بضحك يخربيتك سرعتيني شايف جبتلنا الكلام
مازن بت خشي اتخمدي مش ناقص قرفك على المسا
جودي بضحك طب هدوا اللعب شويه بدل ما والله اجيب انا يونس واقوله ابوس ايدك ملكش دعوه بياسمين عايزه انام
ياسمين فضلت تضحك فاكمل مازن بضحك اممم انتي مركزه كمان
جودي بضحك ده الصعيد كلها عرفت الخناقه عن ايه وبعدين دي تاني مره معرفش انام بسبب يوميات دكتور يونس والسندريلا بتاعتك
ياسمين بضحك تعالي اتجوزيه يابت يا جودي وخديه بعيد عن مازن علشان بيغير منه
مازن بضحك بس يحيوانه ده اخويا انا بغير عليكي انتي من اي حد مش بعاند فيه هو بس يعني
جودي بضحك ياريت ياختي ده اخوكي ده مز بس معقد للاسف مش انا اللي هعرف افك العقده دي
ياسمين بضحك ولا عقده عمتك الصغيره دي كوم لوحدها يالهوي هتوريكي الويل
مازن فضل يضحك واكمل ده هي دي اللي هتوقف حال يونس
جودي بضحك اه شهد يالهوي عليها انا بشفق على مرات يونس من دلوقتي بسببها
ياسمين فضلت تضحك واكملت عندك حق الصراحه
جودي جااايه يا ماما يلا هقفل انا واروح اشوف ست الكل بتنادي ليه متسهريش يا هانم علشان الكليه الصبح هاا هدي اللعب يا ميزو
مازن انا اديني اتخرصت خالص اهو
جودي بضحك ايوه جدع
ودخلت وقفلت
ياسمين بحب طب هنزل انام انا علشان الكليه تصبح على خير
مازن بحب وانتي من اهلي يارب
ياسمين بحب يااارب اللهم امين ومش عايزاك تزعل مني حقك عليا
مازن ابتسم بحب واكمل خلاص محصلش حاجه وتابع بتحذير بس لو اتقررت يا ياسمين
ياسمين بحب وبمقاطعه لا والله خلاص فعلا مش هتقرر يلا بااي
مازن بحب باي
وقامت نزلت ومازن رجع ضهره لورا وبص للسما وشويه لقى حسام طالع وساند عمر فقام جري عليه واكمل بخوف ايه ماله عمر في ايه وسيف حصله حاااجه ?????
حسام بتنهيده سيف مش هنا انما عمر كان في اجازه وعمل حادثه ومامته تعيش انت فهيقعد هنا لحد مايتحسن
مازن بصدمه لا حول ولا قوه الا بالله شد حيلك يحبيبي البقاء الله
عمر بتنهيده حزينه حياتك الباقيه تسلم
زينب دخلت الاوضه رتبتها وهما جم نيموا على السرير فتأوه بوجع
زينب بخوف حاسبوا براحه علشان جسمه واجعه
مازن عدله في قعدته واكمل بس كده تمام حمدلله على سلامتك يا غالي
عمر بتعب الله يسلمك تسلم يارب
زينب بحزن امسك يا حسام الاكل اهو خليكم معاه لحد ما ياكل وياخد الادويه وبكره انشاء الله هطلع اغيرله على الجرح سلامتك يا عمر
عمر بابتسامه الله يسلمك يارب
وبصتله بحب نزلت بلفعل وهي مرعوبه من اللي جاي وهما قعدوا معاه
----------------------------------------------
تاني يوم الصبح بدري الكل كان صحي ومتجمع في البيت الجد الا يونس
منصور بستغراب اومال يونس فين لحد دلوقتي من امبارح مظهرش
ياسمين لا جيه يا جدي ونام ولما سالتو كان فين قالي كان بيزور ماما لبنى الله يرحمها
الجميع الله يرحمها
منصور بتنهيده اطلعي يا شهد صحيه وقوليله ينزل البرنده عايزه هو وابوه وعمامه وعيال عمو في حوار
حسام بستغراب ده في حاجه ولا ايه؟
منصور بتنهيده كل خير باذن الله وشوفولي احمد فين بردو نتكلم لحد ما الفطار يجهز وبعدين كله يروح على اشغاله
صافيه بحب طب يلا يا نرمين انتي وعايده نبدأ نحضر احنا
عايده بحب خليكي يا ماما هنحضر احنا يلا نرمين وهزتها واكملت يابنتي
نرمين بانتباه هاا معاكي يا عايده
عايده بحزن معاايا ايه بس ربنا يطمنك عليه يحبيبتي خليكي انتي هعمل انا
حسام بحزن مش راضيه تصدقيني ليه والله كلمتوا وكويس
نرمين بدموع لما اكلموا انا واطمن عليه هبقى اهدى شويه انما انت مهما قولت مش هتحس بيا
معتز بحزن اهدي يحبيبتي خير انشاء الله
نرمين بحزن يارب يارب بقى تعبت والله
منصور بت يا شهد اطلعي صحيلي اخوكي واخلصي
شهد وهي بتكتب اخر حته في الاجابه ومركزة في الكتاب اكملت حاضر يا جدي
وطلعت تصحي يونس قابلت احمد على السلم فاكملت بستغراب كنت بتعمل ايه فوق
احمد بطمن على عمر ورايح ينزل اكملت شهد صح جدك عايزك معاهم في البرنده
احمد اوبااا يبقى في حوار بس انا معملتش حاجه وربنااا
شهد بضحك اكيد في حوار بس مش معاك يا اس المصايب عايز كل الرجاله عادي
احمد بضحك ماشي يا عسل ربنا يطمنك يلا هنزل انا
شهد بابتسامه تمام ودخلت شقتهم وخبطت على اوضه يونس ودخلت لقيته نايم فراحت هزته براحه وتابعت يونس .. يحبيبي
يونس بنوم امممم في ايه يا شهد
شهد بابتسامه قوم جدو عايزك تحت
يونس فتح عينيه بتثاقل واكمل جدك !!!! ده ليه ؟؟
شهد بضحك معرفش هو ليه كل اللي اقوله يقلق كده
يونس وهو بيقوم من السرير اكمل اصل جدك مبيعوزش حد غير لو في حاجه مهمه ربنا يستر
شهد بحب خير باذن الله يلا هنزل انا وتعالى ورايا
يونس باس راسها واكمل بحب ماشي روحي يحبيبتي
ووقف هو ياخد لبس من دولابه ودخل خد شاور وجهز ونزل
يونس بتنهيده هاا فينهم يا تيته
صافيه بحب تحت يا قلب ستك في البرنده كلهم
يونس بحب ماشي يحبيبتي ونزل قعد معاهم
عز الدين اهو يونس جيه يابا خير بقى جمعتنا كلنا ليه
منصور بتنهيده انا كتبت حتتين الارض بتوعي باسم مازن وجمعتكم كلكم علشان اعرفكم
فوق في البيت الباب خبط
صافيه افتحي يا نرمين
نرمين حاضر حاضر جايه ياللي بتخبط وفتحت الباب اتصدمت من المنظر اللي ابنها فيه واكملت بدموع وصدمه سيف !!!!!
الفصل الثاني عشر
منصور بتنهيده انا كتبت حتتين الارض بتوعي بأسم مازن وجمعتكم كلكم علشان اعرفكم
ايمن بصدمه عملت ايه يابا !!!!
معتز بصدمه لا هو انا مش مستوعب وده اشمعنا ده ????
عز الدين بتنهيده ماله وهو حر فيه ميخصناش وانا عارف يابا انك طلما قررت ونفذت راينا مش هيفرق معاك في حاجه انت جاي بس تقولنا انا عملت انما مش بتاخد راينا فمش هتكلم كتير لان كلامي مش هيعجك انت كده بتقولنا ان مازن ابن البطه البيضه وعيالنا كلهم عيال السودا ومقرر فمفيش كلام يتقال
معتز بحده ماشي يا عز بس بردو يشورنا انا مش هسكت زيك واقول طلما قرر خلاص وكلامي مش هيفيد لا هتكلم هو مع احترامي ليك يا ايمن بس مازن راجل علينا كلنا يعني ولا ايه
مازن : عمي اناا قولتله ان
منصور رفع ايديه سكته واكمل بحده ولا كلمه متفتحش بوقك انا قايلك انا قررت وانتهى الموضوع انا فعلا بعرفكم انما مش باخد رايكم ومحدش فيكم ليه حق يتكلم اصلااا انا بس بريح مازن علشان مش حابب يكون واخد حاجه غصب عن اخوه وعيال عمو
مازن باس ايد جده واكمل ابوس ايدك مش عايز حاجه انا عايز اهلي الموضوع ده هيخسرني انتوا ارجوك يا جدي اهلي اهم من كل ده علشان خاطري تراجع في قرارك
يونس بتنهيده لو عليا فانا مع جدي في القرار اللي خده وفاهم عمل كده ليه انا اكتر واحد فيهم معاشرك وفاكر كويس اليوم اللي كنا في نفس المدرسه والفصل وانت طلعت علشان اخواتك وانا كملت وقولتلي مين هيبقى دكتور العيله الحقيقه ان كلنا مستقبلنا اتضمن الا مازن
حسام بابتسامه ولو عليا فانا عمري ماهشيل منك علشان الفلوس انت عارف ان الفلوس اخر همي ومش هنسى ابدا لما اقنعت امي وابويا ادخل شرطه علشان احقق حلمي فحقك انت كمان تشوف حياتك انا بردو مستحيل اعترض ربنا يوفقك يحبيبي
احمد بحب وبلنسبالي اكيد انا اخر حد يفكر انه يعترض قصاد حاجه علشانك انت خيرك سابق يا كبير وربنا يوفقك في خطوتك الجايه جدك مغلطش محدش فينا هيحتاج الفلوس دي قدك
منصور بابتسامه والله كنت واثق وعارف احفادي كويس وتربيتهم واصلهم عينيهم شبعانه
مازن بصلهم بامتنان شديد واكمل بحب بجد ربنا ميحرمنيش منكم ابداا يارب
حسام بحب ولا منك يا غالي
معتز بحده يابا انا مش معترض على كلامهم عندهم حق مازن فعلا اكتر حد اتظلم بس على الاقل يكون ليهم نسبه بسيطه انما اللي انت بتقوله ده ميرضيش ربنا
منصور بحده دي فلوسي يا معتز وانا حر يخش اولع فيها اعمل فيها اللي يعجبني وتاني مره صوتك يوطى وانت بتتكلم ومتخلنيش اعرفك مقامك قدام ابنك وعيال اخواتك وبعدين اذا كان صحاب الشأن اللي ممكن كانوا يزعلوا موافقين انت ياللي واخد فلوسك انت واخواتك وورثتوني بلحيااا جاي تتكلم
عز الدين بتنهيده يابا هو كل قصده ان على الاقل تعدل بينهم ويجيلهم نسبه من الارباح ماهما بردو احفادك
ايمن بتنهيده خلاص يابا وافق بكده وبلاش مشاكل انا مش عايز اتكلم هيتقال علشان بطبل لابني وكلام يوقعنا ويشيلنا من بعض اكتر فا احكم انت زي ماهما عايزين وراضي كل الاطراف
يونس بحده يراضي مين معلش ابويا وعمي وانت واخدين حقكم تالت ومتلت واحنا بنقول مش عايزين هو اي مشاكل وخلاص بتخترعوها وانتوا قاعدين
مازن بتنهيده والله علشان كده رفضت وقولت بعيد عن كل المشاكل دي ونفضل زي ما احنا احسن انا مش فارقلي الفلوس بس عايز اهلي ومش عايز حد يفكرني وحش للدرجه دي
منصور بحده بس يا مازن اللي يفكر يفكر محدش ليه عندك حاجه وانا قولت اللي عندي ومبغيرش رايي ومظلمتش حد فيهم وملهمش فيها حاجه علشان يتكلموا كل واحد من عيالكم مازن وقف جمبه لحد ما بقيوا رجاله وليهم شغلهم وحياتهم ده يبقى اخص عليهم ومشافوش ربايه اصلا لو قبلوا ياخدوا فلوس بعرق اخوهم اللي وقف جمبهم كلهم من اصغرهم لاكبرهم
يونس بحده لا ياجدي ودي مش تربيتك لينا انا مقبلش جنيه من مازن ومش عايز حاجه ربنا يوفقه ده بلعكس مهما اديتوا فلوس مفيش حاجه هتعوض اللي خسروا سيبك من ابويا وعمي معتز مع احترامي ليهم بس احنا مش هنخسر بعض علشان الكلام ده
حسام بحب وانا معاك جدا يا يونس وانت بنفسك قولت يا جدي ان ده اللي توقعته من احفادك فمش احنا اللي نبص للحتتين الارض بتوع مازن اللي هيبدا بيهم حياته واحنا خلاص رتبنا حياتنا
احمد بحب ياجدي هي بنسبالنا خلصانه والله فاطمن من ناحيتنا احنا مش هنبص لرزق مازن
معتز بحده قصدك ايه يعني يا احمد
احمد بتنهيده والله انا مقصدش انت ياعمي اللي دمك حمي حبتين وواخد الكلام على نفسك
ايمن بحده بس يا احمد عيب ده عمك مهما كان احترم فرق السن
احمد قام وقف واكمل بتنهيده بلا عيب بلا مش عيب انا مقولتش حاجه اصلاا بس هو كده على رأي المثل الكحكه في ايد اليتيم عجبه
معتز بحده تصدق انك عيل قليل الادب ومتربتش
مازن بص لاحمد بحده واكمل خلاص يا احمد احترم نفسك واسكت وحط لسانك جوه بوقك
حسام بتنهيده يا جماعه متكبروش الدنيا بالله عليكم خلاص موضوع وخلص وجدي كده كده مقرر واحنا ريحناه وقولنا راينا فخلاص خلصت
احمد بحده طب قول لابوك كده يا حسام علشان انا كل ده عامل احترام لجدي وابويا ومش بوجهله كلام انا بس مستغرب انه مستكتر على اخويا حتتين الارض في عز ما هو عياله ظباط ومرتاحين وواخد ورثه ودي مش فلوسه اصلا ولا من حقه علشان يعترض ويعلي صوته والواحد حط جزمه في بوقه وسكت انما هيزعل من الحق ولا ايه منا فعلا مغلطش هو مستكتر على اخويا الفلوس مع انه مرتاح بس هي كده الحقيقه بتوجع وشكله اتعود على انه ياخد بس
مازن بحده قولتلك خلاص عيب ده عمك مش عيل صغير معاك يا احمد اتلم
معتز بحده لا يتلم ازاي هو عمل اعتبار لحدد اصلااا
احمد بعصبيه انا بتكلم علشانك انت ...انت سكت كتير وعلشان كده حقك بيتاكل ومخليهم مستكترين عليك تكون معاك فلوس ومرتاح زي عيالهم متعودين انك تتمرمط وبس للكل
مازن غمض عينيه بحزن واكمل انا الكبير يا احمد وكل اللي عملتوا معاهم عملتوا من باب المحبه وكان واجبي تجاه اخواتي مليش دعوه عمك يفكر فيا ازاي لان حقيقي نيتي غير كده وقولت لجدك بلاش من الاول
احمد بعصبيه لا مش بلاش طلما هي فلوس جدك وهو قالك تاخدها يبقى يضربوا دماغهم في اتخن حيطه محدش هيقدر يفتح بوقه ولا يعمل حاجه اقف بجح واتكلم محدش كاسر عينك انت خيرك على الكل واللي اتثبتلي دلوقتي فعلا ان كله بيتنسي ومحدش بيطمر فيه
معتز بحده والله العظيم انت عيل ماشوفتش ربايه ولا عامل احترام لحد يا حيوان
احمد بعصبيه انا مغلطش والله شوف نفسك بتقول ايه لو كانت الفلوس لحسام او سيف مكنتش عملت كل ده انما هي علشان لمازن اللي مكتوبله يتمرمط بس مع العيله دي مش عاجبكم
مازن بتنهيده حزينه : خلاص يا احمد كفايه علشان خاطري متكبروش الدنيا اكبر من كده
احمد بحده انت مش شايف الحقد اللي في دمهم ???? هي اصلا كبرت يا مازن بس انت بردو بتلم الدنيا وبتسكت عن حقك وبتيجي على نفسك كعادتك مش جديده يعني
حسام بتنهيده يا احمد خلاص لم لسانك جوه بوقك وبلاش مشاكل اكتر من كده علشان خاطري انا .. وحقكم على راسي من كلام ابويا هو حقيقي غلط
معتز رايح يتكلم قاطعوا يونس واكمل عمي ..عمي خلاص قفلوا على الحوار احمد محموق لاخوه وقال كلمتين بيخرجهم من زعله مش هتلزق يعني
منصور بعصبيه على اساس ان عمك وابوك اللي فعلا احترموا رايي يا يونس ولا اني كبيرهم علشان احمد يحترم
عز الدين بتنهيده بص ياابا انا من البدايه قولت مالك وانت حر فيه معترض عليك بس مليش اني احكم انت حكمت وخلصت فمتدخلنيش في حورات انا اللي فيا مكفيني
مازن بتنهيده وانا خلاصه الكلام يا جدي مش هاخد حاجه في حد معترض عليها عن اذنكم
ورايح يمشي وقفه جده واكمل بحده استنى يا مازن تعالى هنا
مازن وقف واكمل بتنهيده نعم يا جدي
منصور بحده اقعد مكانك ولما اخلص كلامي هتمشي
مازن قعد وتنهد بحزن
منصور بحده قولي بقى يا بيه منك ليه هو انتوا لما جيتوا عايزين تاخدوا فلوسكم وتعملوا مشاريع علشان تتنيلوا تبدائو حياتكم وتتجوزوا انا اعترضت ???
عز الدين بتنهيده لا
منصور بحده ماترد يا بيه ولا القط كل لسانك
معتز بتنهيده لا هتفرق ايه يعني مش فاهم
منصور بحده لا تفرق كتير لان كل واحد منكم بقى ليه فلوسه ومشروعه وانا جبت الاراضي دي شيلت بيها فلوسي وقولت اعيش منها يعني اصبح انا بعتها او خليتها كده كده اربااحها ليااا انا ...ومحدش فيكم ليه فيهاا طب انا اختارت اديها لواحد شايفه حقه يفتح بيت ويبدا حياته بيها زي اي شاب وزي ماحضراتكم عملتوا عايزه هو كمان يعمل اييه الغلط علشان كل المهرجان اللي حصل ده وبأي حق اصلا تعترضوا وهي مش فلوسكم ولا حقكم
معتز بتنهيده يابا انا كل قصدي علشان مازن مش حفيدك الوحيد انت لو اديتها لحد غريب هنقول صدقه وانت حر في فلوسك انما انت منقي حفيد من احفادك ومديهالو
احمد ابتسم بسخريه وهز راسه بيأس
منصور اه يعني عادي نديها لاي عابر سبيل مش هتزعل انما لابن اخوك اللي حته منك وزي عيالك المفروض ووقف جمبهم تزعل وتغل وتحقد لان الفلوس راحت لحد قريب فاللي هو اشمعناااا مازن بس ... انما متحسبهاش انها راحت لابن اخويا يعني كويس القريب اولى واهو الغلبان ده يستفيد بيهااا لانه شاب وحقه يبدا حياته زي ما انتوا عملتوا زمان ويبقى معاه زي عيالكم بس لا ازاي تحسبها كده
معتز بتنهيده انا مش قصدي كده انا كل نيتي ان متفرقش بينهم كااحفادك بس
منصور بحده اذا كان احفادي نفسهم مش معترضين واهم رجاله طول بعرض مش عيال ... انتوا اللي هتطلع منكم الوحاشه وتخلوا العيال تاكل بعض بسبب كلامكم يا كباار ياللي واخدين حقكم ??? وبعدين هو لو حسام او سيف مكان مازن يا معتز وانا عملت كده مع حد فيهم كنت هتعترض ???
معتز بتنهيده بص هي مش كده انا
منصور بحده وبمقاطعه انا كلامي واضح كنت هتعترض ????
احمد بسخريه لا طبعا علشان لواحد من عياله هي دي فيها كلام
مازن غمض عينيه واكمل تسمح تسكت ???
احمد : هسكت هسكت منا لو اتكلمت اكتر من كده هتقوم حريقه فعلا فخليني ساكت احسن وقام وقف واكمل عن اذنك يا جدي انا قولت رايي
منصور بحده اقعد واتنيل لما اقول تمشوا امشوا مش كل شويه واحد يقوملي عايز يمشي احترموا وجودي وبص لابنه واكمل بحده: ماترد يا معتز
معتز بحرج : اه مكنتش هعترض بس
منصور بحده مفيهاش بس هي خلصت خلاص يا معتز انا بجد مصدوم فيك ومتوقعتش منك كده يعني لابنك وللغريب عادي ولمازن اللي شايلكم كلكم على كتفه لا !!!! بدل ما انتوا تقولوا من نفسكم يابا اكتبهم لمازن علشان يبدا حياته حرام الوحيد اللي اتظلم ???? انتوا فعلا انانيين محدش فكر هو هيعيش ازاي وهيعمل ايه اصلا كله بيفكر في نفسه فعلا وبينسى
عز الدين بتنهيده خلاص يا ابويا محصلش حاجه مازن زي يونس مفرقتش كتير ربنا يوفقه كده كده انت اللي من حقك تقرر في الموضوع ده وقررت واذا كان على موافقتي قدام مازن فانا موافق عادي والله خلاص
منصور بحده وانت يا بيه ؟؟
معتز بتنهيده خلاص حصل خير حقك عليا يابا ياخدهم مازن مش مهم
حسام ابتسم واكمل طب الحمدلله اتحلت وربنا يهدي يارب
احمد اهم حاجه بس ان النفوس متشيلش يا حسام
يونس بلظبط كده لان صح ممكن يفضلوا شايلين فخلكيم دوغري في الحته دي
عز الدين بتنهيده لا يا ابني انا فعلا مش فارقلي كتير جدك بردو عنده حق احنا جينا على مازن اكتر واحد وهو استحمل ومقالش لا لأي حد فينا حقه يعيش حياته كفايه عليه كده من ناحيتي وغلاوتك انت واخواتك خلاص فعلا
احمد كده انت تمام ياعمي عقبال عمي معتز
معتز بحده ياض مش عايز اضربك
احمد بضحك وسخريه تضربني !!!!
مازن شد اخوه واكمل وغلاوتي عندك يا شيخ خلاص
احمد بضحك استنى بس ده فاكرني لسه عيل ولا ايه انا ابويا مبيقولهاش الكلمه دي
ايمن بحده بس يا احمد عيب مش دي تربيتي ليك انك ترد كلمه بكلمه على عمك
احمد بتنهيده انا اسف لحضرتك يا بابا اني عملت كده في وجود كبار عيلتي بس هو بردو محترمش حد منكم وانا مغلطش فيه انا مش عايزه شايل من اخويا علشان الرزق بلذات لو اتبص فيه بتخرب
يونس ضحك واكمل يخربيت فقرك يا جدع
مازن كتم ضحكه واكمل يحبيبي اسكت .. اسكت ابوس ايدك علشان كلامك بيعمل مشاكل
احمد بضحك علشان صريح ودوغري في زمن فيه لف ودوران هي الصراحه بقيت تعمل مشاكل اليومين دول فعلا
معتز بحده ريح نفسك يا احمد لا باصص ولا عايز من اخوك حاجه خلاص انا فهمت وجهه نظر جدك فبلاش قله ادب وطوله لسان
منصور بحده خلاص انت وهو ده اللي ناقص تمسكوا في بعض
احمد بتنهيده انا اسف يا جدي اديني سكت اهو
معتز بتنهيده حقك عليا يابا خلاص حصل خير مش هنقف لبعض على حاجه زي دي انت وجهه نظرك صح وربنا يوفقك يا مازن خلاص يا حبيبي انا مفيش في نيتي حاجه
مازن والله العظيم لو شايل انا مش عايزها عمي انت بنسبالي اهم انتوا اهلي مش ههدم كل السنين اللي بينا دي علشان الفلوس
معتز ابتسم واكمل لا يحبيبي خلاص انا فعلا مش زعلان ولا شايل انت زي حسام وسيف بردو انا حقيقي غلطت جدك عنده حق حقك عليا
مازن لا متقولش كده خلاص حصل خير
منصور بتنهيده طيب كده تمام وانت يا احمد روح لعمك وراضيه خلاص الموضوع خلص متشيلوش من بعض
احمد بص لجده بضيق فاكمل منصور بحده يلا يا احمد مش هتكبر على عمك اسمع الكلام
معتز بتنهيده خلاص يابا احمد عيل مش هناخد على كلامه
احمد بتنهيده لا انا مبقتش عيل انا راجل وعارف كلامي كويس وفعلا يا عمي انا متبلتش عليك انت حقيقي مكنتش عايز الفلوس تبقى لمازن وباصصله في رزقه وده اخويا يعني انا اقف قدام اي حد علشانه مش انت بس ومش قله ادب مني لاني مكدبتش ولا قولت كلام محصلش وعموما حصل خير متزعلش
معتز بتنهيده انا اه كنت معترض بس خلاص يا احمد فعلا مفيش في نيتي حاجه دلوقتي وحياه ولادي مش زعلان من حاجه
منصور بتنهيده طيب كده تمام وبص لمازن وتابع تجيب الناس اللي هتشتغل فيها وتبتدي تشوف حالك علشان تشتري الكافيه بلمكسب
مازن ابتسم واكمل حاضر يا جدي وباس راسه
يونس بحب مبرووك يا غالي وقام وقف واكمل يلا هروح انا الكليه عندي شويه حاجات لازم تتعمل
مازن بحب الله يبارك فيك يحبيبي .. بس ايه مش هتفطر ??
يونس لا هجيب اي حاجه من هناك كفايه صحيت متاخر انهارده يلا عايزين حاجه
منصور بتنهيده سلامتك يا ابني
عز الدين بابتسامه مش يلا نطلع ولا تفطروا هنا
معتز خلينا الجو حلو انا هتصل بنرمين اقولها تنزلنا الفطار
احمد قعد وربع رجله واكمل متتصلش لتكون في حاجه في ايديها هبعت انا رساله لامي فاتحه واتساب اهي واقولها لحسن الواحد واقع الصراحه
حسام فونه رن فاكمل بابتسامه طب استأذنكم انا لحد ما الاكل يجهز وقام يتمشى ويتكلم
مازن بغمز والعه معاه
احمد بضحك عقبالنا
مازن بحب يارب ياخويا هقولك لا
احمد بحب قلب اخوك
مازن ابتسم وباس راسه واكمل بحب طمرت فيك التربيه ياض يا احمد ربنا يديمك ليا يارب
احمد طبطب على رجله واكمل بحب في ضهرك يا برو
----------------------------------------------
فوق في الشقه
نرمين بصدمه وعياط سيف !!!!
سيف ابتسم بتعب واكمل انا كويس الله يخليكي مش عايز عياط
حسن وهو سانده اكمل نقعده فين يا امي ??
نرمين وسعت بسرعه واكملت بعياط وخوف هنا هنا قعده اهو
حسن قعده قدامها وهي حضنته وفضلت تعيط واكملت يحبيبي يا ابني يحبيبي يا سيف عملوا فيك ايه ينورعيني عملوا فيك ايه ... ايه كل ده ??? ده انت مش قادر تصلب طولك ياابني ااه يا وجع قلبي عليك كنت حاسه والله كنت حااسه وانهارت عياط وهي بتضمه لحضنها اكتر
خرجت صافيه وعايده وياسمين ونور وشهد على الصوت واتصدموا من شكل سيف وحطوا ايديهم على بوقهم
صافيه بعياط ايه ده يابني مالك يا سيف وجريت عليه بلهفه
سيف بتعب يجماعه قسما بالله كويس اهدوا مش كده وباس راس امه واكمل بحب اهدي يحبيبتي حقك على راسي على لهفتك ودموعك دي بس انا بخير والله
نرمين خدته في حضنها جامد واكملت بانيهار بخير ايه بس بخير ايه قلبي كان مقهور عليك يا ابني واقولهم ابني مش كويس ابني مش بخير محدش مصدقني وطلع عندي حق طلع فيك حاجه كنت تعبان ينورعيني وانا مش جمبك ارعاك ولا اعرف بتاكل كويس ولا مبتاكلش اصلااا وعيطت وبصت للسما واكملت الحمدلله انك قدام عيني يحبيبي الحمدلله اشكرك يارب ده انا كنت هروح وراك لو حصلك حاجه يا سيف قولتلك يا ابني قولتلك بلاش الشغل ده عندت راسك وصممت وخليت مازن يقنعنا بس انا مني لله ياريتني ما وافقت ياريتني مارضيت اوديك للتعب ده بايدي وعيطت
سيف بحزن يحبيبتي ايه الكلام ده منا بخير قدامك اهو ماما ارجوكي بلاش تتعبيني زياده انتي عارفه انا بحب شغلي قد ايه وده طبيعي
نرمين بعياط وعصبيه كفاياكم بقى كفاياكم انتوا مش حاسين بيااا هاجي في يوم اخسر حد فيكم علشان تحسوا بيااا يعني ????? في ايه ام وقلبها قايد نار على عيالهااا من حقي انت شايف وشك عامل ازاي ومنظرك تعبان ازاي انا مفروض عليا احس بايه لما اشوفك كده انا قلبي بيتقطع عليك يا ابني انا مكنتش بنام الليل من شوقي ليك انا مش عارفه اعيش اصلااا حس بيااا وارحمني حرام عليك حرام عليك مش هقدر اشوف فيكم حاجه مش هقددرر وانهااارت عياط
فقام سيف اتسند وخدها في حضنه بحزن وهي عماله تضمه ليها اكتر وتعيط مش قادره تصدق انه بقى قدام عينيها
سيف باس راسها واكمل بحزن واحشتيني والله واحشتيني اوي وبصلها والدموع اتجمعت في عينيه واكمل تعبت من تمثيل القوه انا فعلا محتاجك يا امي محتاج حضنك ودعمك علشان اقدر ارجع كويس تاني زي الاول تعبت واتهديت بجد
نرمين حطت ايديها على خده واكملت بعياط وحب : يا قلب ونورعين امك انا جمبك يخش لو عايز قلبي وعيني ..مش حضني وداعمي ليك بس عنيا ليك اديلك اللي عايزه بس مشوفش في عنيك النظره دي يا سيف مالك يا ابني
سيف تنهد بعمق واكمل بتعب ووجع في نبره صوته: تعبان يا امي ..تعبان وفيا تعب الدنيا كله .. هلكان ومش قادر لاي حاجه
نرمين حضنته جامد وعيطت واكملت يحبيبي حقك عليا ياابني بعدك عني كان على عيني والله مش بايدي ولا ايدك ياريتك هنا علطول وانا مخرجكش من حضني خالص .. عارف يا سيف انا مش عارفه اعيش من يوم قبولك في الحربيه لحد انهارده كل ليله بتمشي فيها بيمشي قلبي وياك وبخاف تكون اخر مره اشوفك فيهاا .. قلبي بيفضل يترجا ربنا انه يرجعك ليا تاني بالف سلامه وبتيجي اجازتك بحس ان الجنه نزلت على الارض وبطمن وانا حاليا وانا حضناك كده مطمنه ومبسوطه ومش مصدقه انك قدامي طولت الغيبه اوي يا ابني اوي اوي بجد ووجعتني ووحشتني وتعبتني معاك
سيف غمض عينيه بوجع من كلامها وطبطب على ضهرها واكمل بابتسامه وهو بيبوس جبينها حقك عليا ينورعيني كل ما تيجي تخافي اعرفي اني تحت عين ربنا اللي لا بيغفل ولا بينام وبعدين محدش هيروح ناقص عمر ياست الكل انتي ست مؤمنه بالله وفاهمه كويس الكلام ده وهو اصلا حد يطول يموت ش
قاطعته نرمين وحطت ايديها على بوقه واكملت بانهيار لالالالا ابوس ايدك متقولش كده انا اتحرمت منك كتير عايز تحرمني منك للابد كمااان! !!!!! ده انا روح وراك يا سيف .. لا يا ابني متقولش كده ابوس ايدك يا سيف وحضنته وفضلت تعيط وهو يطبطب عليها بحزن واكمل حقك عليا خلاص والله واحشتيني بكل حاجه فيكي والله يا امي حتى خوفك عليا ده ..تعرفي اقولك حاجه اول مره اعرفهالك .. انا كمان بشيل هم الرجوع للشغل وابتسم وتابع مبعرفش افارقك بسهوله وبيعز عليا اسيبك وابعد عنك بسبب دموعك االلي بتضعفني دي والله يا نيرو بس نعمل ايه بقى
نرمين ضحكت من بين دموعها واكملت ياقلب وروح نيرو واحشتني الكلمه دي منك اوي وانا والله بيعز عليا كل ثانيه انت بعيد عني فيها يا سيف ربنا يحميك ويحفظك ليا ياحبيبي واشوفك عريس واشيل عيالك وباست خده وتابعت اقعد يحبيبي متقفش انت مش قادر وماسك عكاز
وقعدته وقعدت جمبه وحضنته
صافيه بدموع وحب باست جبينه وخدته في حضنها واكملت سلامتك ينورعيني سلامتك يحبيبي بجد وعيطت
سيف باس ايديها وراسها واكمل بحب والنبي ماتعيطي انا زي الفل اهو قدامك دي حاجات بسيطه والله
صافيه بعياط بسيطه ازاي يعني يا ابني بس انت مش شايف حالك
سيف طبطب عليها واكمل بحب اديني قاعد معاكم شويه اهو وهتشوفي هرجع احسن من الاول
صافيه بدموع وحب يارب يحبيبي يارب
عايده بدموع سلامتك يا ابني الف مليون سلامه عليك ربنا يطمنا عليك يارب
سيف بحب تسلميلي يا مرات عمي الله يسلمك
نور بدموع حمدلله على سلامتك يا سيف
سيف بحب طب القمر ده يعيط ليه لالا هتزعليني ورفع ايديه وتابع تعالي كده يابت عايزك
نور راحتله فحط ايديه على كتفها وقربها ليه وباس جبينها واكمل بحب انا كويس يحبيبتي متعيطيش مش عيب يبقى اخوكي الكبير ظابط في الجيش كده وكلكم قلبينها مناحه قدام واحد من كتيبتي طب يقول ايه عيله الرفاعي قلبها خفيف وبتعيط كده
نور ضحكت من بين دموعها واكملت بحب : بنضعف من حبنا ليك وخوفنا عليك والله يا سيف انما انت لوحدك قلبك اقوى من الحديد متتحكمش في مشاعرنا معاك لو سحمت
سيف بضحك شوف البت ام لسان طويل
حسن بضحك ماحقها بردو يا قائد هو حقيقي انت اللي قلبك جامد انما هما معروفين انهم ارق واضعف مننا بكتير
نرمين بدموع لا عايزنا كلنا نموت مشاعرنا ابن معتز علشان يعجبه
حسن بحب ربنا يديمه ليكم يا امي انا عايز اقولك والله الكبار قبل الصغيرين كله بيشكر فيه وفي تربيتكم ليه
نرمين بحب تسلم يحبيبي ويحفظكم ويحميكم كلكم يارب
حسن بحب اللهم امين يارب وعمل التحيه واكمل هنزل انا بقى يا قائد
سيف اقعد كل لقمتين وريح من السفر وامشي
حسن بضحك وغمز لا انا حاجز معاد برا تتعوض مره تاني
سيف ضحك واكمل اه يحيوان وبتقولها قدامي كده ده انت خدت عليااا خالص طيب ابقى فكرني اقلل اجازتك وانكد عليك انت وصاحب المعاد بقى وغمزله
حسن بضحك لا انت حبيبي يا قائد متعملهاش يلا ياباشا السلام عليكم
سيف بابتسامه وعليكم السلام ربنا معاك يحبيبي
ونزل بلفعل
شهد مسحت دموعها واكملت بضحك لا بس مسيطر عليهم عااجبني
سيف بضحك لا انا اعجبك اوي عيب عليكي
شهد راحت جمبه واكملت يابرو طول عمرك عاجبني اصلا وبصت لنور واكملت وسعي شويه ايه ددده
نور بضيق ما المكان واسع حبكت جمبي يعني
شهد اكيد مش هقول لمرات عمي اوعي دي تاكلنا كلنا
ياسمين بضحك محدش يجي جمبها هي في حاله من حالات السعاده دلوقتي
نرمين بحب انه جيه اه بصراحه هموت من فرحتي انما صعبان عليا تعبه ده
ياسمين بحزن ربنا يطمنا عليه يارب حقك.. سلامتك يا سيف بجد
سيف بابتسامه الله يسلمك يسمسم تسلميلي
نور كانت هتقع من زق شهد ليها فاكملت بضحك بالله انتي عيله بارده اقعدي ياختي اقعدي وابردي
شهد بابتسامه هبرد يحبيبتي وبصت لسيف وربعت رجليهاوقعدت جمبه واكملت قولي بقى يا برو
سيف بحب اؤمريني يا دكتوره العيله
شهد بحب من بوقك لباب السما يارب يا غالي. ... ها فين الشكولاته بتاعتي اللي بتجبهالي كل مره وانت راجع من السفر
عايده بضحك شوف البت يجبلك شكولاته وهو راجع بلمنظر ده بردو
سيف بضحك هو انا عارف هخلص من لسانها بنت عز جبتهالك ياختي وشاور على السوسته واكمل في الشنطه خديها بس قدام زينب اكتمي هاا مش عايز وش كنت هجبلها والله بس هي اخر واحده حسن دخل جابها وطلعلي وانا الصراحه تعبان مقدرتش اسأل عند حد تاني فجيت
شهد بفرح يحبيبي انا قولت انت متنساش عادتك ابدااا وراحت فتحت السوسته وخدتها واتنططت بيها واكملت تحفه بجد اي لاڤ يو سوماتش يا سيف بجد
سيف بضحك اي لاڤ يو مور يا قلب اخوكي .. يخش نذاكر كويس بقي
صافيه بضحك دي مجنونه والله كل الفرحه دي علشان ااشكولاته
شهد بفرح يا صفصف انتي مش شااايفه كبيره ازاي لا ومن النوع النضيف مش مسترخص يا قائد كده هنذاكر بضمير
سيف بضحك على الله يطمر بس
شهد بضحك هيطمر متقلقش .... بت ياااا زينببب شوفتي سيف جابلييي ايه
سيف بضحك يابنت الجزمه يا شهددد مااشي مااشي ما هي دي غلطتي
ياسمين بضحك دي سوسه دي
نور حربااايه مش سوسه بس
شهد بضحك اهو هما دول اعداء النجاح اللي بنسمع عنهم
نور بضحك يا شيخه اتنيلي بس وشوفيلك كتاب حليه واعملي حاجه مفيده
ياسمين ضحكت واكملت هطله بجد سيبك منها محدش بياخد كلام شهد جد اصللا
سيف بضحك نجاح ايه بس يا شهد انتي بان لمستقبل اهلك ملامح لحد دلوقتي ??
شهد بضحك بس يا سيف اسمع واسكت متحرجنيش قدام العيال الصفرا دي هيبان باذن الله بس اتك على الصبر
سيف بضحك حاضر هنصبر يارب تفلحي في الاخر
شهد بضحك طب لو فلحت هتجبلي ايه
نور بضحك ماديه حقيررره
ياسمين بضحك انتي لسه واخده بالك
سيف بضحك بس يابت انتي وهي لو فلحت وجابت كليه طب صح يبقى حقها هجبلك ايفون
شهد اتفاجئت واكملت ايييه ايفووون !!!! وبصت حواليها وتابعت الكتاااااب فيييينن
وبقيت تلف في الصالون تدور عليه
كلهم ضحكوا عليها بشده فاكملت شهد بفرح بس اهو لاقيته وقعدت وربعت واكملت بضحك سيف انت قائد وليك هيبتك مبتكدبش صح ???
سيف من بين ضحكه لا يا مجنونه مبكدبش وعد لو جبتي طب هجبهولك
شهد بحماس اتفقناااا وسقفت بفرح
صافيه بحب يارب تكسبي التليفون شدي حيلك بقى
سيف بحب يارب انا عن نفسي عايز اغرم
شهد بحب يارب يارب بجد يسمع منكم يحبايبي
سيف بحب يارب اللهم امين بص حواليه واكمل بستغراب الا صحيح فين الباقي وزينب
نرمين بحب زينب طلعت تودي فطار لعمر
والباقي تحت في البرنده
عايده اه صحيح هيفطروا تحت احمد بعتلي رساله بيقولي فيها كده
نرمين طب نزلوا وكلوا انا هطلع اعمل اكل لابني واكله
سيف بحب لا ولا اي حاجه انا هطلع انام روحي افطري معاهم
نرمين بس يحبيبي اقعد ساكت انت تسمع كلامي وبس قال هتطلع تنام قال
سيف بضحك تحت امرك يا فندم علشان تعبتك الفتره اللي فاتت بس
نرمين بحب ايوه كده تعالى يا قلب امك اتسند علياا وخدته تطلع بيه
صافيه بحب يلا عايده ننزل احنا بلاكل واتكتموا لحد ما ياكلوا علشان ميقلقوش ويطلعوا يشوفوا سيف
عايده حاضر ياما يلا اهو يلا يا ياسمين ساعديني وانتي ياهانم شهد هنقطع علاقتك الغراميه بلشكولاته مؤقتا اللي مسكاها معجبه بيهاا كانها خطيبك علشان تساعدينا
شهد بضحك حاضر جايه وراكم اهو بس اخبيها في الفريزر الاول
نور بضحك يخربيت اهلك مين هيااكلها منك يعني
شهد بضحك اي حد يحبيبتي احنا في زمن ميضمنش ياما حطيت حاجات بصحى الاقيها اختفت فاشيل حاجتي وجيالكم
صافيه بضحك يخيبك بت انتي لو هتخبي سر التحنيط مش هتعملي كده
ياسمين بضحك دي مجنونه وربنا متاخدوش عليها قولتلكم وشالت الصنيه واكلمت يلا احنا
---------------------------------------------
عند عمر
عمر بستغراب وبعدين هتفضلي سرحانه كده كتير
زينب بانتباه ها اسفه يا عمر معلش مخدتش بالي والله
وملت المعلقه شوربه واكملت يلا كل
عمر بتنهيده زينب انا مش على الاكل انا شبعت اصلا بس بتكلم عليكي انتي .. انتي مالك فيكي ايه مش طبيعيه من امبارح صارحيني يحبيبتي حصل حاجه
زينب بدموع لالا مفيش حاجه ياعمر
عمر انتي بتعيطي وتقوليلي مفيش حاجه يا عمر انتي عبيطه ولا ايه
زينب مسحت دموعها واكملت سيبك من كل ده يلا علشان اغيرلك على جرحك افتح قميصك
عمر بعصبيه زينب متجننيش انا من امبارح بقولك فيكي ايه وانتي مش طبيعيه ومش عايزه تتكلمي ده مش اسلوب وانا مش عبيط ولا برياله علشان اعدي كل طريقتك دي وافضل زي الاطرش في الزفه
زينب اتخضت واكملت بتوتر طب اهدى اهدى واشرب مايه ومسكت الكوبايه تديهاله
عمر زق الكوبايه وقعها بعصبيه واكمل مش عااايز زفت انا عايز اعرف فيكي ايه انتي مش مظبوطه من امبارح ومش عارف اخد معاكي حق ولا بااااطل
زينب بدموع ممكن متضغطش عليا ??
عمر غمض عينيه بعصبيه ومسك دراعها جامد بايديه السليمه واكمل انا لو مضغطش عليكي هتسكتي للسنه الجايه وانا مبحبش افضل مغفل وقاعد مش فاهم اللي بيحصل حواليا فانطقي واخلصي
زينب بدموع طب ارجوك سبني اغيرلك على الجرح وهقولك وعد
عمر انتي طبيعيه ????
زينب بستغراب مش فاهمه
عمر بحده ما لما اكون انا متعصب وعلى اخري وانتي بتعيطي وفي حاجه مش مفهومه بتحصل وتسيبي كل ده وتركزي على تغيير الجرح تبقي بجد مش طبيعيه فانا بسالك
زينب بتنهيده عادي لان انت ممكن تضايق مني ومتخلنيش اغيرلك عليه فانا عايزه اغيره الاول
عمر بستغراب نعم هو للدرجه دي ???
زينب قامت جابت الادوات وقعدت قدامه وفتحت اول كام زرار من قميصه وقطعت الشاش القديم واكملت وهي بتعقم الجرح امممم وانا عارفاك دماغك لما بتقفل مش بيهمك صحتك ولا غيره
عمر بصلها بستغراب شديد وتنهد بعمق وسكت
زينب دموعها نزلت وعقمت الجرح وهو تأوه بوجع فاكلمت بسرعه وخوف اسفه اسفه حقك عليا والله
عمر بتعب محصلش حاجه خلاص متعتذريش
زينب قفلت القميص وغيرتله على جرح راسه وشالت الحاجه
ومسكت الدوا ومدته ليه وهي بتبتسم
عمر خده منها وشرب ورجع ضهره لورا بتعب وارهاق واكمل خير بقى قوليلي ايه هي الحاجه اللي كانت هتخليني ازعل منك لدرجه اقولك متجيش جمبي ولا تغيريلي على الجرح
زينب تنهدت بعمق وكانت بتلعب في صوابعها بتوتر
عمر نزل بعينيه على ايديها ورجع بص لعنيها واكمل امممم مفروض اني فاهم لغه جسدك دلوقتي بتقول ايه بس بردو دماغي مش راضيه تجيب سبب يخليكي متوتره كده
زينب بصت على جروحه بقهر واحساس انها السبب فيها واكملت بدموع ووجع بص يا عمر انا مش هلف ولا هدور عليك انا اه بحبك وانت عارف بس
عمر بمقاطعه وقلق بس ايه ???? هي فيها بس ????!!!
زينب بصت للارض واكملت بدموع ووجع انا عارفه ان كل حكايه وليها نهايه وابتسمت وتابعت بس النهايه جات بدري اوي.... بدري اكتر من ما توقعت جات من قبل ما تبدا اصلاا وبصتله شافت نظرات صدمه في عنيه وسكوت تام فاستجمعت شجاعتها واكملت انا وانت عارفين ان الجواز قسمه ونصيب وانا والله العظيم حبيتك من كل قلبي بس قسمتي مش معاك
عمر الدموع اتجمعت في عنيه وقلبه وجعه واكمل بصدمه وذهول يعني ايه يا زينب ??? انتي مستوعبه انتي بتقولي ايه ??? انتي اكيد بتهزري صح ???!!!!!
زينب تنهدت بعمق واكملت بدموع ووجع انا موافقه اتجوز اسر يا عمر