رواية الخزلان الفصل الاول1بقلم نوسه حمد
لقيتو مرسل لي نوسه انتي فاضيه انا عايزك ف موضوع مهم رديت عليهو ببرود لانو م كان بتكلم معاي لانو شغلو صعب او احتمال دي حجه منو كان بتحجج لي بيها قلت ليهو لا م فاضيه مشغوله انا لاني نزلت شغل ردا لي بي ريكورد وكالعاده ريكورد كلو نهير وشكل قال لي انتي غبيه تنزلي شغل وم توريني قلت ليهو محمد هووووس وطي صوتك انا ف مكان شغل وم فاضيه لي نفسياتك دي قال لي انا عندي نفسيات دي نظرتك لي يعني ولا تقصدي انا مجنون قولي ساي م تخجلي قلت ليهو هسي دا كلام شنو انا قلت كده انت شكلك عاوز شكل من غير مشكلة وح تطلعني انا الغلطانه وانا من اسلوبك بعرفك وقفلت الشبكه والتلفون وقعدت ابكي قلبي وجعني محمد اتغير شديد سبب تغيرو شنو انا م قادره افهم نزل السودان عشان يجي يطلب يدي انتظرتو كل السنين دي عشان يبني نفسو وم كده وبس ساعدتو بي افكاري انو يبني نفسو وبيتو وقفت معاهو في اي شي ومن نزل السودان اتغير م عارفه هل فعلا انا السبب بسبب هرموناتي ونكدي ليهو زي م هو بقول ولا ف سبب تاني كنت بمر بأيام صعبه من الانتظار وكلام الناس اكل لحمي كل عريس اجيني ارفضو اطلقو علي لقب شايفه نفسها وم عاجبها اي راجل وسمعت ما سمعت بسبب انتظاري لمحمد كنت م قادره اتخيل اني ح اتزوج راجل غيرو ووعدتو انو لو حصل وغضبوني ع زواج ح اقتل نفسي وهو كمان عاهدني انو م يخزلني ويتزوجني وم يخلي راجل يمسك يدي حب خمسه سنه وانتظار وفي النهايه هو بقا خلقو ضيق رغم انو هو م كده م قادره احكي لي زول كنت ماشه بنظريه داري علي شمعتك تقيد بقيت صابره ومنتظره وحالتي كل يوم تزداد سوء مرت الايام والاسابيع وهو م رسل لي وم وردا علي اخر رساله لي لغايه ما يوم صحيت باسوء خبر نزل علي زي الصاقعه في أثناء م بفتح في الاستوريهات لاقاني اول استوري بتاع محمد عباره عن دعوه زواج جاني فضول واعرف دعوه الزواج بتاعت منو افتكرت انها بتاعت اخوهو او قريبو لغايه م انصدمت بدعوه زواج محمد ……..علي كريمه خاله……… انا عيدتا الاستوري ميه مره وكان في استوري بعدو بس م ركزت معاهو لاني كنت منهاره وم مصدقه عيوني والدنيا بقت لافه بي حسيت بدوار وخنقه رديت عليهو ف الاستوري قلت ليهو مبروك وربنا اتم علي خير بكل برود ردا لي عقبالك يا غاليه 😩😩😩😩😩