رواية حرب الانتقام الفصل العاشر10 بقلم سحر حسين عزت
في صباح اليوم التالي جاء اليهم أحد و يقول لهم ................
"هو ده منزل الانسه سهر"
تحدث معه أحد الخدم و قال
"ايوه يا فندم اتفضل"
"انا عايز حد من اهلها"
"طيب ثانيه واحده بعض ازنك"
ثم دخل الخادم وقال لهم أنه يوجد احد يريد أن يتحدث معهم بخصوص الانسه 'سهر' ذهبوا جميعا مسرعا الي الباب ثم قالت 'نورهان'
"ايوه اتفضل انا مامتها خير مالها بنتي"
تحدث الرجل وقال
"الانسه 'سهر' عاملت حادثة و هي دلوقتي في المستشفى و كنا محتاجين حد يروح المستشفى عشان الإجراءات"
يتحدث 'انور'
"طيب وانت عرفت منين أنها ساكنة هنا"
"البطاقه الشخصيه بتاعتها كانت موجودة في شنطتها"
"طيب اتفضل انت واحنا هنكون وراك علي طول أن شاءالله"
"تمام يا فندم بعد ازنكو"
تركهم الرجل و ذهب ثم دخلوا جميعا الي الداخل ثم قالت 'سهي'........
"مش عارفه ليه مش مصدقه موضوع الحادثة دي"
تتحدث 'نورهان'
"ليه يعني تفتكري ده حوار منها يعني"
"مش عارفه يا ماما يعني معقوله امبارح كنا بنقول هنخلص منها و انهارده تعمل حادثة طيب ازاي"
يتحدث 'انور'
"تصدقي معاكي يا حق يا سهي"
تتحدث 'نورهان'
"ايوه بس ساعتها مكنش في حد في البيت غيرنا يعتبر"
تتحدث 'سهي'
"مش عارفه يا ماما"
يتحدث 'انور'
"طيب خلاص تعالو نروح المستشفى و يا خبر بفلوس كمان ساعه يبقي ببلاش"
ذهبوا جميعا الي المستشفى سأل 'انور' علي 'سهر' أخذته الممرضه الي غرفتها عندما دخلوا الي الغرفه، وجدوا 'سهر' نائمه علي فراش المستشفى كانت غائبة عن الوعي ولم تشعر بأي شيء، بعد لحظات قليله جاء اليهم الدكتور و قال
"انتو مين"
تحدثت 'نورهان'
"احنا اهلها انا امها هي مالها ايه اللي حصل"
يتحدث 'الدكتور'
"والله في حد شافها وهي مغمي عليها في الشارع و قالوا إنها عملت حادثة بالعربيه وانا كشفت عليها و لزم نعمل اشعه عشان نشوف الضربه ليها اثر عليها ولا لا"
يتحدث 'انور'
"طيب يا دكتور هي ليه مفاقتش لحد دلوقتي"
"للاسف هي تحت تأثير الحادثه"
تتحدث 'سهي'
"هي وصلت امته للمستشفى"
يتحدث 'الدكتور'
"وصلت انهارده الصبح"
"طيب يا دكتور المفروض هنعمل ايه دلوقتي"
"للاسف لزم نستني شويه لما تفوق عشان نعرف نعمل اشاعه لكن لو فضلت كده يبقي ربنا يسترها و متدخلش في غيبوبة"
ثم تركهم الدكتور و خرج من الغرفه، بينما أهل 'سهر' ظلوا جميعا واقفون يتحدثون داخل غرفتها، ثم قالت 'سهي'
"مش عارفه ليه قلبي مش مطمئن"
تتحدث 'نورهان'
"هيكون في ايه تاني يا سهي مهي قدامك اهي نايمه علي سرير في المستشفى"
"انا عارفه يا ماما و مع ذلك حاسه ان في حاجه غلط"
يتحدث 'انور'
"قصدك ايه يا سهي"
"انا قصدي مدام هي عملت حادثة امال فين العربيه بتاعتها"
"بسيطه نعرف مكانها"
"طيب واحنا هنعمل ايه دلوقتي"
تتحدث 'نورهان'
"احنا مش هنعرف نعمل حاجه لزم نمشي دلوقتي و بعدين نفكر ايه اللي هيتم"
خرجوا الجميع من الغرفه وذهبوا إلي المنزل، و بعد لحظات جاء اليهم رجل من الشرطه حتي يخبرهم أنهم يذهبوا اليهم حتي يتم تحقيق في أمر الحادثه، ذهب 'انور' ومعه 'نورهان' حتي يعلمون ماذا حدث معاها و عندما دخلوا الي مكتب ضابط المباحث قالو الضابط
"اتفضلوا أقعدو"
بعد جلوسهم تحدث 'انور'
"خير يا فندم ايه اللي حصل مع بنتنا"
"خير أن شاءالله كنت عايز اعرف هل الاستاذه 'سهر' كان ليها أعداء أو مشاكل مع اي حد"
"لا خالص يا فندم سهر طيبه و كويسه مع الكل و كان الكل بيحبها مفيش مشاكل خالص معاها خير يا فندم"
"والله احنا لما فحصنا مكان الحادث و جدنا أن الفرامل العربيه كان ملعوب فيها يعني تقدر تقول انها بفعل فاعل"
نظر 'انور' الي 'نورهان' بستغراب شديد ثم قال
"و مين من مصلحته أن يحصل حاجه وحشه مع سهر ازاي تكون بفعل فاعل يا فندم اكيد في حاجه غلط"
"والله يا استاذ هو ده اللي قدرنا نوصل له لحد دلوقتي هو حضرتك تبقي والدها"
"لا انا جوز مامتها وكنت صديق والدها الله يرحمه يعني كنت صديق العائله"
"طيب العلاقه ما بين حضرتك و الانسه سهر كانت كويسه"
"اه طبعا كويس جدا كمان انا بعملها زي بنتي هي واختها دول بناتي و مفيش اي حاجه وحشه بنا خالص"
"انا اسف اني بسأل حضرتك السؤال ده بس انا دلوقتي الكل اللي قدامي متهم لحد ما نفهم ايه اللي حصل بضبط أو علي الاقل الانسه سهر تفوق"
تتحدث 'نورهان'
"اه و انا عايزه اعرف ايه اللي حصل بالظبط و معني كلامك ده ان احنا كلنا متهمين"
يتحدث الضابط
"والله يا فندم انا اسف بس ده شغلي و لزم حضرتك تقدري أن ده شغلي"
يتحدث 'انور'
"اكيد يا فندم احنا مقدرين شغل حضرتك بس هي والدتها برضوا و عايزه تطمن عليها و تعرف ايه اللي حصل مع بنتها"
"اكيد يا فندم .... طيب اتفضلوا دلوقتي و لو وصلنا لاي حاجه تانيه هنبلغكوا بكل حاجه اول باول"
"تمام متشكرين جدا يا فندم بعد اذن حضرتك"
تركه الضابط و خرجوا من قسم الشرطه و ذهبي الي المنزل، أثناء الطريق كانوا يجلسون داخل السياره بدون أن يتحدثون مع بعضهم، لكن يتبادلون النظرات الشك و كأن كل واحد منهم يشك في الاخر، بعد وصولهم الي المنزل صاعدو الي غرفتهم مباشره، ثم قالت 'نورهان'
"تفتكر مين اللي عمل كده مع سهر يا انور"
يتحدث 'انور'
"مش عارف .... هو كان في حد بيكره سهر"
"سهر متعرفش حد غيرنا يا انور"
" طيب هيكون مين اللي عمل كده فيها"
"انور لو انت اللي عملت كده عرفني خلينا نكون عارفين كل حاجه عن بعض"
"انتي بتهزري والله معملتش حاجه وبعدين هو احنا لحقنا نعمل حاجه ده احنا اتفقنا مع بعض و تاني يوم جانا خبر الحادثه"
"مهو ده اللي هيجنني"
"طيب مش يمكن سهي أو حتي انتي"
"انا لا والله معملتش حاجه انا اه كنت عايزه اخلص منها بس مش انا"
"خلاص تبقي سهي"
"معقوله"
"ليه لا هي كانت اكتر واحده فينا عايزه تخلص منها مش بس عشان الورث و البيت لا وكمان عشان خاطر فارس"
"تفتكر سهي ممكن تعمل كده"
"فكري انت كده مين ليه مصلحه ف أن يخلص منهم"
"ايوه سهي بس......"
"بس ايه روحي و اسأليها ده لو لقتيها موجوده اكيد هتكون عند فارس"
ظلت تفكر 'نورهان' بحديث 'انور' ثم قامت بالاتصال 'بسهي'، وأثناء اتصالها وجدتها مع 'فارس'، هنا تأكدت أن 'سهي' ممكن أن تفعل أمرتها انها تذهب الي المنزل الان، بعد فتره طويله رجعت الي المنزل ثم قالت والدتها
"اتأخرتي ليه سهي كده"
"معلش يا ماما كنا قاعدين انا وفارس و مخدتش بالي من الوقت"
"شكلك نسيتي أن فارس يكون خطيب اختك"
"دلوقتي بقي خطيب اختي و بعدين انتي عارفه ان انا بحبه و هو كمان بيحبني و كمان عارفه إن سهر هي اللي خده مني"
"ايوه بس هو دلوقتي مهما كان خطيب اختك و مينفعش تخرجي معاه علي طول كده"
"ماشي يا ماما كده كده فارس قالي أن هو هيسبها"
"هو يعرف اللي حصل معاها"
"اه انا قولتله"
"و ايه رأيه في اللي حصل"
"والله يا ماما مش عارفه بس هو سألني ازاي حصل"
"طيب تعرفي أن اللي حصل ده بفعل فاعل"
"ازاي يعني"
"يعني في حد عمل حاجه في الفرامل بتاعت العربيه سهر"
"معقوله مين ممكن يعمل كده"
"مش عارفين بنحاول نفكر مين اللي عمل كده"
"و احنا ندور ليه علي اللي عمل كده مش احنا كنا عايزين نخلص منها فا مش مهم بقي مين اللي عمل كده"
"ايوه بس ......"
تقطع حديث 'احلام' حتي تخبرهم بأن يوجد احد يريد الاستاذ 'انور' أو 'نورهان' ثم أمرت له بدخول وعندما دخل الرجل كان ...........