رواية غموض الحب الفصل التاسع عشر19 والعشرون20 بقلم لولا
عمر بستغراب استني خليكي هنا وفتح الباب ملقاش حد وشاف القله اللي جمب باب اوضته وقعت اتكسرت وجمبها ساعه يد رجالي فاكمل بصدمه زينب كان في حد هنا ومصيبه لو سمعنا وهو مين اصلااا !!!؟
زينب خرجت واكملت بخوف نعم حد مين يعني بتهزر صح
عمر وطى جاب الساعه واكمل اتفضلي ونفخ بضيق شديد وتابع الواحد بجد مش عارف يلاقيها من ايه ولا ايه وراح مشي بسرعه شويه لقدام ملقاش حد على السلم فرجع ورمى الساعه من ايديه بعصبيه وقعد على الكرسي
زينب بخوف عمر ممكن تهدى يحبيبي مش كده
عمر بحده اهدى ايه وزفت ايه انتي ازاي بارده كدده ومش مستوعبه المشاااكل اللي بنقع فيهاا بقولك في حد كان جمب باب الاوووضه وسمعناااا انتي متخييله هيكون مين وسمع ايييه وشوفي بقى لو كان حد من اخواتك ابقي قابليني لو سكتوا
زينب بدموع وخوف مش عارفه بس مش عايزه اوتر نفسي انا مرعوبه لوحدي اصلا ولو حد من اخواتي مكنش نزل وسابنا مستحيل كان بهدلنا ودخل كسر الباب على دماغنا... بتهزر صح اصل هيسمعونا وينزلوا مثلا ؟؟؟!!!! وراحت وطت جابت الساعه وتابعت لالا دي مش ساعه سيف ولا حسام اصلا
عمر بصلها بصدمه واكمل طب ركزي كده ساعه مين؟؟؟؟ يونس مثلا؟؟؟ او احمد او ماازن ماتنطقي
زينب هزت راسها بنفيي واكملت بخوف ودموع مش بتاعت حد محدش معاه ساعه سمارت اصلا غير سيف ولونها اسود مش جملي
عمر بصدمه يانهار اسود ومنيل اومال بتاعت مين ؟؟؟!!!! معقول اسر !!!!!!!
زينب بخوف ايييه لا طبعااا اسر ايه انت بتهزر صح واسر هيطلع السطح ليه واكيد حد هيشوفه يعني
عمر بحده لا ياختي انتوا قافلين باب شقه جدك اللي هما متجمعين فيه يعني لو هو محدش هيشوفه وهو طالع ده كده هيطلع اسر وضرب ايديه على كتف الكرسي اللي قاعد عليه بعصبيه
زينب بخوف ودموع لالا اهدى انشاء الله مش هو انا هتصل اكلمه واشوفه فين وباذن الله مش هيطلع هو لا متقولش كده
عمر بعصبيه تتصلي بمين انتي عبيطه في دماغك ولا اييه متتصليش بيه ولا تكلميه اصلاااا
زينب بخوف ودموع عمر ابوس ايدك مش وقته غيره انا مرعوبه وعايزه اطمن ده لو اسر كده كل حياتنا خربت وللابد خلااص لان سمع اننا مخططين فمفيش امل نضحك عليه وهضطر نكمل الفرح فارجوك سبني وعيطت بانهيار وجسمها اتنفض بخوف
عمر قام بسرعه واكمل بقلق بس بس يحبيبتي اهدي طيب علشان خاطري وبصلها بحزن وتابع مش عارف اخدك في حضني اهديكي من نفض جسمك ده بس ارجوكي هدي نفسك انا مش قادر اشوفك كده وتعالي جوه الجو هوا هنا اوي تعالي
زينب دخلت معاه الاوضه وقعدها على السرير وقعد قدامها وهي لسه بتعيط وخايفه واكملت بتقطع ع عمر ا انا مش .. مش عاا يزه اتجوز اسر ار جو ك
عمر قام جاب شال ولفه عليها وقعد جمبها وباس راسها واكمل بحنان: بس يحبيبتي اهدي والله محدش هيقدر ياخدك مني ولا اسر ولا غيره متخافيش طول مانتي معايا يا زينب اتفقنا
زينب بدموع حاضر بس ارجوك سبني يا عمر اكلمه اطمن انه مش هو علشان خاطري
عمر بتنهيده كلميه يا زينب واخلصي
زينب بحزن مش عايزة يكون غصب عنك
عمر بتنهيده صدقيني كل اللي بيحصل غصب عني بس مضطر مؤقتا استحمل
زينب بحزن حقك عليا يحبيبي هانت والله
عمر تنهد بعمق واكمل يارب بجد اتمنى .. وشغلي الاسبيكر ها
زينب بحب حاضر ومسكت الفون واتصلت بآسر
اسر بانشغال : الو ايه يا حبيبتي قولي بسرعه علشان مش فاضي
عمر اتعصب من الكلمه ورايح يتكلم فزينب فتحت عنيها جامد وحطت ايديها على شفايفه واكملت بستغراب ايه الوش اللي جمبك ده انت فين يا اسر ؟؟؟
اسر بضحك ايه واحشتك ولا ايه ؟؟؟
عمر اتعصب اكتر فزينب بصتله برجاء انه يسكت واكملت بتوتر من نظرات عمر: لا مش للدرجه دي بس كنت هكلم طنط ثريا عايزاها في حاجه هي جمبك ولا ايه
اسر لا انا في الشركه وبص للسكرتيره واكمل اه يا سلمى خدى الورق ده لأمجد يراجعه وتابع لزينب لما اروح هخليها تكلمك يحبيبتي انتي واحشاني اوي اصلا وكان بودي اتكلم معاكي اكتر والله بس بحاول اخلص كل اللي ورايا علشان افضى خالص بقى ل
ولم يكمل كان عمر شد الفون من زينب ورماه على الارض بعصبيه فصل
زينب اتخضت واكملت بصدمه الله يخربييييتك ياعمر ده جدييييد فوني ذمبببه اييييه
عمر بعصبيه هششش اسكتي خالص علشان وربنا ما طايق نفسي ولا طايق حد وقلب االتربيزه اللي قدامه بعصبيه وقعها وقام وقف قدام الشباك واداها ضهره
زينب بخضه عمر والله العظيم كل شويه تكسر في الحاجه وتصرعني مش كده يحبيبي في ايه ماتسيبه يقول اللي يقوله اطمنا انه مش هو ودي اهم حاجه
عمر هز راسه واكمل اه عندك حق وتولع مشاعري ورجولتي وانا سامعه عمال يتغزل فيكي قدامي المفروض اني محسش اصلا بأي حاجه الفتره الجايه علشان يعجبك يا زينب حاضر من عينيا الاتنين
زينب بحزن راحت حطت ايديها على كتفه ولفته ليها وتابعت لا يحبيبي مقصدش كده انا بس مش عايزاك تحط في نفسك منه وتتعصب بلشكل ده انت تعبان وفيك اللي مكفيك واذا كان عليا فانت واثق ومتاكد اني مشوفتش ولا هشوف غيرك فاانت تغير لو انا ببداله مشاعره انما انا بضحك عليه وانت عارف
عمر بوجع لالا متهيالك حتى لو بتضحكي عليه بتتعب اوي بردو انا لو جيت قولتلك فولانه بتحبني بس انا بحبك انتي مش هي ساعتها انتي اه هتفرحي وهيشتغل كيد الحريم لو شوفتيها وهتفضلي تحرقي في دمها اني جوزك بحركات بتاعتكم كده من حبك ليا وغيرتك عليا انما احنا كرجاله مبنحسش كده احنا لما بنشوف اللي حاطط عنيه على اللي يخصنا ده بنبقى عايزين نولع فيه بجاز وسخ ويا نهدى يا منهداش انا كنت شايل هم خطوبه راح البيه خلاها جواز علطول وقدام الدنيا كلها لالا انا في نار يازينب نار مش راضيه تطفي
زينب بحزن عارفه والله ومقدره مشاعرك اوي وكتر الف خيرك عمال تستحمل كل ده بس اكيد مش هقولك اقعد اتعصب وكُل في نفسك كده ياعمر ووطت جابت الفون شغلته وتابعت بضحك كويس متكسرش والله حرام عليك لسه مفرحتش بيه
عمر بتنهيده روحي من وشي يا زينب علشان مش طايق نفسي ودماغي مش سيباني في حالي وانتي رايقه
زينب بحزن وحياتك مش رايقه بس بحاول افكك شويه منا مش قادره اشوفك مهموم كده
عمر بصلها واكمل بتنهيده هرتاح بس لما تبقى معايا غير كده صدقيني صعب ومش هعرف اشوف النوم
زينب الدموع اتجمعت في عينيها واكملت انا بحبك اوي بجد يا عمر
عمر بحب والله وعمر بيموت فيكي وافتكر واكمل اه صحيح مقولتيش ايه اللي عمل في خدك كده ؟؟؟
زينب بتوتر خدي !!! ليه يحبيبي ماله خدي ؟؟؟
عمر اتنفس بصوت عالي واكمل بصي بقي ماهو استعباط مش عايز لما اقولك ايه اللي في خدك ده تتنيلي تردي علطول وبلاش شغل حوارات علشان مبتعرفيش تكدبي عليا اصلا
زينب الدموع اتجمعت في عينيها وبصت للارض واكملت كبر دماغك دي حاجه عاديه عادي ورايحه تمشي عمر مسك ايديها واكمل بحده لما اكون بتكلم معاكي متمشيش وتسبيني اخلصي وقولي ماله خدك علشان قسما بالله هقلب عليكي خلاص
زينب بصتله بدموع فاكمل عمر بحده مش كل ما اقولك كلمتين تعيطي في ايه هو انا بضربك انا بقولك ايه اللي في خدددك ده غلطت في ايييه اناا
زينب بدموع انا بعيط علشان صعبانه عليا نفسي مش بسبب كلامك وتنهدت بعمق وتابعت بدموع اسر ضربني بلقلم يا عمر
عمر اتصدم واكمل بعصبيه نعمممم عملل اييييه ؟؟؟!!!!!!
زينب بعياط ضربني والله منه لله بجد
عمر بعصبيه ضربك ليه ابن الكلب الحيوان ده انا هطلع عين اهل اللي خلفوه بس الصبر انطقيي ضررربك ليييه
زينب اتوترت واكملت بدموع علشان وسكتت شويه وتابعت اصل هو
عمر بعصبيه يا زينب متخرجنيش عن شعوري وتخليني اهزقك قولي هبب ايه علطول كده كده حسااابه تقل بلجااامد معايا
زينب بدموع هو امبارح خدني معاه نجيب طلبات فروحنا نجيب فستان الفرح واجبرت عليا البنت اقيسه فقيسته وطلعت لقيته عايز يبوس جبيني فبعدت عنه كده وزعقت فيه انه ميقربش مني فخلاص الموقف عدى ونزلنا ركبنا العربيه فبقوله يا اسر مش مفروض تاخد رايي في معاد الفرح لان ده مش مناسبني اللي هو تعبانه يعني فاهم
عمر غمض عينيه بحزن واكمل اممم فاهم كملي
زينب بدموع عمر انا قولتله كده قصدي أجل الفرح شويه مش علشان السبب ده اصلا و
عمر بتنهيده عارف يا زينب متبرريش انا اضايقت لان الفكره نفسها انكم اتكلمتوا على انه هو خلاص هيبقى جوزك فمفروض بتحددوا المعاد بين بعض علشان يناسب معاكي دي وجعتني انما انا فاهم نيتك يحبيبتي متخافيش مش هفهمك غلط كملي
زينب بصتله بامتنان شديد واكملت بدموع بس فحط ايديه على خدي الحيوان وقالي اه انتي بتقولي كده علشان قلبك عليا طب عادي انا هستناكي تبقي تمام وبيتريق اللي هو مش مصدقني اصلا فانا بعدت عنه وزعقت فيه تاني ان ميقربش مني فقالي يعني هو حلو للباشا اللي كنتي في حضنه بتعمليله صدره ووحش ليا انا ..وان هو هيلم من وراك علشان الله واعلم انا وانت عملنا ايه من ورا اهلي والجو ده علشان قدامهم كنت ملهوفه عليك مبالك من وراهم فانا اتعصبت وشتمته فضربني بلقلم وتنى دراعي ورا ضهرري
عمر كان بيمسع كلامها ومتعصب جدا وحاسس دمه بيغلي فاكمل بعصبيه ماشي يا ابن الكلب يا حيوان انا هوريه وهعرفه تمن انه يمد ايديه دي عليكي كويس وهوريه اازاي يلم من ورايا حلو اووي ويتكلم عن شرفك كده الزباله بس الصبر وكور ايديه بعصبيه شديده
زينب مسكت ايديه واكملت بحزن انا مكنتش هقولك علشان مضايقكش كده علشان خاطري كفايه ارجوك تعصب في نفسك
عمر بعصبيه انتي شااايفه ان اللي بيحصل يخلي الوااحد اعصاابه تهدى اصلااا ؟؟؟؟ انا مش فاهم ازاي سكتيله ومعرفتيش حد ده انا هموت واديله علقه علشان كل اللي عمله فينا يقوم كمان يمد ايده عليكييي !!! لالا يا زينب ده حسابه تقل اووي قسما بالله ده لو كله عدى ضربه ليكي ده مش هيعدي بلساهل وهياخد مكان القلم عشره بس يجي تحت ايدي الحيوان .. واتعصب اكتر واكمل ازاي يضربك يعني مش قادر استوعب ان الحيوان ده عمل كددده نفسي اشوفه اطلع غلي منه فيه بجد مبقتش قادر استحمل تصرفااته وعايز اضربه ....ده حقي منه وكل اللي عمله فيا ده في كوم ... وصوابعه اللي على خدك دي كوم تاني لوحدها خاالص ...قسما بالله لاكسر صوابعه تحت رجلي ابن الكلب اللي اتجرأت واترفعت عليكي دي
زينب بدموع انا بكرهو اوي ومش بطيقه نفسي نخلص منه يا عمر بجد انا حقيقي تعبت
عمر حط ايديه على خدها بحزن واكمل هانت يحبيبتي باذن الله هتتحل وهنبقى لبعض وهنخلص منه وبص لخدها ومشا ايديه عليه بحنان وتابع بوجع حقك عليا بجد والله هجبلك حقك يا زينب مش هعديها ابدااا
زينب الدموع اتجمعت في عينيها وابتسمت بحب وباست ايديه اللي على خدها واكملت ربنا ميحرمنيش منك يارب ويديمك ليا ينورعيني بس انا مش عايزه غيرك ودي اجمل حاجه في الدنيا فا نخلص منه وسيبه يغور مش عايزة حقي ولا غيره
عمر والله ما هيحصل هو ضربك بينك وبينه بس هيتهان قدام الكل انا مبقولش حاجه وبرجع فيها بس الصبر ده انا دمي محروق وعمال يغلي من ساعه ماقولتلي ومش ههدى غير لو عملت كده انتي بتقولي اايه
زينب ضحكت من بين دموعها واكملت يعني ادعي عليه بلرحمه خلاص
عمر بضحك خساره فيه صدقيني يابنتي ندعيله اصلا وتنهد بحزن وتابع جبتي الفستان ؟؟
زينب دموعها نزلت واكملت اممم جبته
عمر بابتسامه حزينه : اكيد طالعه اميره فيه من غير ما اشوفه
زينب بدموع مفيش اميره من غير امير يا عمر انا حتى لو لبست اجمل فستان طول مانت مش جمبي هبقى مطفيه ووحشه اوي وجودك هو اللي بينورني ويفرحني ولو لابسه ابسط حاجه
عمر باس جبينها واكمل بحب هيغور في داهيه وهنتجوز احنا وهناخد نفس ونرتاح بقى من كل اللي شوفناه ده
زينب بحب ودموع يارب يحبيبي بجد
عمر بحب واصلا فستانك اللي هتلبسيه هيبقى على ذوقي انا لاني مختارلك واحد وهوريهولك ساعتها تقوليلي رايك
زينب بحب من غير ما اشوفه هلبسه خلاص
عمر ابتسم بحب وباس ايديها واكمل همتك معايا في الصلاه انهارده بقى هنصلي قيام الليل زي ما قولتلك
زينب هزت راسها بحاضر واكملت بقلق بس هنعمل ايه في حوار الشخص اللي سمعنا ده
عمر بتنهيده طول ماهو مش اسر ولا حد من عيلتك يبقى مش مهم يطلع اللي يطلعه مش هتفرق ممكن يكون جيه يسرق ولا حاجه ولما وقع حاجه جري اصل كده اي ان كان هو مين الشخص ده فا اللي سمعه مش مهم بنسباله فمتخافيش
زينب بتنهيده ربنا يستر يارب .. يلا هنزل
عمر بحب هتواحشيني
زينب ابتسمت بحب واكملت وانت اكتر والله ابقى انزل اقعد معانا تحت لما يتجمعوا ها وغمزت
عمر بضحك ده لو مكنتش هنزل هنزل بعد الغمزه القمر دي من عيوني
وزينب ضحكت ونزلت
---------------------------------------------
في شقه عز الدين
عز بعصبيه وهو موطي صوته: انت ايه اللي جاب اهلك هنا هو انا مش قايلك متجيش غير لما اكلمك
صلاح بنفس العصبيه: ومكلمتنيش كنت عايزني افضل قد ايه مشوفش البت يعني هااا وبعدين انتوا ايه المعامله اللي بتعاملوها للبت دي طلما معتبرينها غريبه اوي كده هاتها تعيش معايا وسط اهلها واحنا نعليها ونرفع راسها هي مش عاله على حد
عز بعصبيه ميخصكش يا صلاح واديك شوفتها اتفضل غور ومشوفش وشك تاني
صلاح بعصبيه ده بعينك انا مش هسيب ياسمين تعيش العيشه دي وكأنك بتجبي عليها بعيشتها معاك ده انتوا اكيد جبتوا للبت اكتئاب ومرات اخوك بتقول ملهاش اهل لا ليها اهل وعايشين ومستعد اخدها حالا تعيش وسطهم بدل ما انت مخليها عايشه قليله معاكم كده حقيقي دي غلطتي من البدايه ان سبت لحمي ودمي
عز بعصبيه خلاص الكلام ده فاات اوانه ومعتش ليه لازمه ياسمين بنتي ووسط اهلها غصب عن اي حد وانا مبسمحش لحد يقول عنها نص كلمه وبرد واظن شوفتني مستكتش لعايده فميخصكش هما شايفينها ايه لان هي مبسوطه وسطنا وبتحب اهلها وهما بيحبوها اطلع برا حياتنا علشان اللي انت بتتكلم فيه ده هو فعلا اللي هيتعب نفسيه البت
صلاح بحده قصدك لو عرفت مش هتسامحك على اللي انت عملته فيها ومعيشها 22 سنه في وهم ووجع
عز الدين الدموع اتجمعت في عينه واكمل كان غصب عني واصلا هي مش هتعرف الحقيقه فا كفاياك قرف اديك شوفتها واطمنت عليها سبنا في حالنا بقى
ولقيوا ياسمين داخله بلصنيه فسكتوا وياسمين دخلت وحطتها قدامهم واكملت بابتسامه الشاي اهو زي ما طلبت
صلاح بحب تسلم ايديكي ياست البنات تعبتك
ياسمين بحب العفو يا عمو ولا تعب ولا اي حاجه
ورايحه تمشي فاكمل صلاح بسرعه: لالا رايحه فين اقعدي شويه
ياسمين بتوتر اصل .. انا عندي حاجات عايزه اخلصها قبل فرح بنت عمي وكده فا
صلاح بمقاطعه وحب طب اقعدي شويه وقومي ممكن
ياسمين بحرج تمام ماشي وقعدت وابتسمت
صلاح بحب قوليلي بقى بتدرسي ايه
ياسمين بحب بدرس حقوق جامعه اسيوط وفي اخر سنه خلاص اهو
صلاح بحب وابتسامه: بسم الله مشاء الله ايوه كده اتخرجي بقى وافتحي مكتبك وخلينا نفتخر بيكي يا اجمل محاميه في الدنيا
ياسمين بحب شكرا يا عمو حقيقي مش عارفه اقولك ايه
صلاح بحب متقوليش حاجه يابنتي ربنا يوفقك يارب ويفرحنا بيكي اكتر واكتر ونشوفك اجمل عروسه كمان
ياسمين بحب يارب اللهم امين
وعز الدين فونه رن فتنهد وقام يرد وبص لصلاح بصه ليها مغزى انه ميتكلمش فصلاح هز راسه بتمام
صلاح بحب بصي بقى يا ياسمين انا زي بابا بلظبط تقدري تقوليلي بابا او عمو كل اللي يعجبك واي حاجه تعوزيها كلميني رقم تليفوني اهو وحط قدامها كرت وتابع انا حقيقي بعتبرك زي بنتي حبيبة بلظبط حتى لو عايزه تفضفضي كلميني ووعد مني اي حاجه هنتكلم فيها عز مش هيعرفها خالص
ياسمين حست انه لطيف ومش زي ما مازن شايفه وانه حقيقي بيعتبرها زي بنته فاكملت بحب حاضر يا عمو وحقيقي شكرا اوي تسلملي
صلاح باس جبينها واكمل لا يحبيبتي مفيش شكر انا بتكلم معاكي زيك زي حبيبه قولتلك اعتبريني صاحبك زي ماهي بتعمل معايا
ياسمين بحب يبختها بحضرتك واكيد هعمل كده
صلاح بحب ها كملي بقى عايزة تعملي ايه في حياتك بعد ما تتخرجي
ياسمين بحب بص انا الفتره اللي فاتت كنت بتدرب عند محامي كبير اوي هنا في البلد ومستنيه اتخرج وافتح مكتبي واشتغل وبفكر كمان اكمل ماجستير فعندي حاجات كتير يعني حطاها في دماغي وضحكت وتابعت بس هيجي يوم اتجوز ومش هعرف اعمل كل ده والله ياعمو
صلاح بحب انتي شاطره وطموحه وكلامك كله زي الفل بجد يا ياسمين ربنا يابنتي يحققلك كل اللي بتتمنيه ويفرح قلبك بس فعلا بعد جوازك هيبقى صعب تعملي كل ده فربنا يختارلك الصالح يابنتي ويوفقك
ياسمين بحب يارب يسمع منك بجد اللهم امين
صلاح الدموع اتجمعت في عينيه وابتسم وتابع احنا بقينا صحاب اهو عايزك تعزميني لما تيجي تتجوزي وانا اجيلك جري والله
ياسمين بحب مش بتقول بقينا صحاب يعني تيجي من غير عزومه خلاص انت صاحب فرح مش ضيف
صلاح دموعه نزلت فحط ايديه على راسها وتابع ربنا يبارك فيكي يابنتي ويحفظك ويفرح قلبك يارب
ياسمين استغربت دموعه وحبه ليها بس ابتسمت بامتنان شديد وتابعت يارب امين انا وانت وتشوف بنتك حبيبة زيي واحسن مني يارب
صلاح بحب وهو بيمسح دموعه تابع يارب يابنتي انتوا الاتنين واحد والله
ياسمين بحب تسلم ياعمو والله ربنا يخليك
عز الدين جيه واكمل بابتسامه ها يا ياسمين حبيتي القاعده مع عمو صلاح
ياسمين بابتسامه اه والله جميل جدا
صلاح بحب تسلميلي ياست البنات
ياسمين بحب والله كنت عايزه اقعد مع حضرتك اكتر بس ورايا حاجات كتير علشان الفرح
صلاح بحب روحي ياحبيبتي عقبال فرحتك يارب
ياسمين بحب تسلم يا غالي وخدت الكرت وقامت نزلت وقفلت الباب
عز الدين بتنهيده اظن شوفتها
صلاح بحزن اه شوفتها اسمحلي كل فين وفين اجي اشوفها ومتقلقش مش هقولها اي حاجه خلاص مش هقدر اتعب نفسيتها هي مش هتتقبل بسهوله بعد ما عاشت 22 سنه كده واتعودت على حياتها
عز بتنهيده دي لحمك ودمك بردو يا صلاح فتمام طلما انت كمان فهمت قصدي كده فابقى تعالى شوفها اي وقت وتابع بتحذير بس حسك عينك ت
صلاح بمقاطعه متقلقش فعلا مش هقول حاجه خلاص
---------------------------------------------
في شركه اسر كان قاعد بيراجع ورق والباب خبط
اسر ادخل
سلمى السكرتيره: اسر بيه في واحد اسمه رمزي برا عايز حضرتك
اسر اه دخليه بسرعه ومتدخليش علينا حد
سلمى تمام ماشي وطلعت ورمزي دخل وقفلت
رمزى بابتسامه عم الناس كلها
اسر اتنيل اقعد واخلص سمعت ايه
رمزي قعد واكمل بطمع هقول طبعا بس ايه مش هتوفي وعدك الاول
اسر بصله بقرف وقام جاب رزمه فلوس من الخزنه ورماها في وشه وتابع اخلص بقى وقول اللي عندك وبلتفاصيل
رمزي بص للفلوس بفرح واكمل بص يابااشا انا لما كنت واقف في البلكونه بتاعت بيتنا اللي قدام بيتهم وشوفتها طالعه للشاب اللي قاعد عندهم في البيت ده استغربت لانها خلاص يعتبر مرات حضرتك وانا من رجالتك مرضاش ليك كده ابدااا
اسر بحده اه منا عارف اخلص بس وكمل مش ناقص شغل المثاليه اللي انت عايش فيه ده ..انت اه من رجالتي بس انا وانت عارفين جيت قولت ليه وانا اديتك طلبك فكمل واخلص
رمزي بس يا باشا فكلمتك قولتلك مرات سعدتك طالعه للشاب اللي عندهم ده اوضته فانت طلبت مني اني اروح اسمع بيقولوا ايه من غير ما حد يشوفني وروحت فعلا وسمعتها بتعيط وهو عمال يقولها ان انتي السبب فكل ده قولتلك بلاش الخطه دي اسر هيعرف انك عايزة توقعيه بلكلام وهيقول فرح علطول مش خطوبه وهي كانت بتعيط وبتقوله انها عايزه تتجوزه هو مش حضرتك وان هيتفقوا ويعملوا خطه علشان يوقعوك بلكلام انك السبب في حادثه الراجل ده تقريبا حاجه زي كده وان سيف بيه اخوها كمان اكيد بيدور وراك وهيعملوا اي حاجه علشان متتجوزكش وهو يتجوزها
وفضل رمزي يحكي لاسر كل حاجه سمعها منهم بلتفاصيل واسر متعصب جدا وكاتم عصبيه
رمزي بس كده يا باشا ده كل اللي حصل
اسر بغضب مكتوم: تمااام يا زينب تمااام اوي حسابك انتي والكلب التاني ده تقل جداا بقى انا بتضحكوا علياا وعايزين توقعوني اما ربيتك انتي وهو مبقاش انا اسر الخولي
رمزي بحرج اعذرني يا بيه بس انت لسه عايز تتجوزها
اسر بعصبيه ده انا هربيها مش هتجوزها بس ... اصل انا مش عبيط علشان يضحكوا عليا ميعرفوش بينافسوا مين وكنت متوقع كده منها ان ده تفكيرها انما تستغفلني وتتفق معاه وتطلع وتنزل ويقعدوا في اوضه واحده ده اللي مش هسامح فيه ابدااا ومش هعديهالها على خير
رمزي بستغراب انا قولت انك هتفك معاها بسبب كده يا بيه اصل واحده زي دي بتكرهك كده وبتحب غيرك وتطلعله اوضته وبيتكلموا مع بعض متستاهلش تشيل اسمك ده انت بنات كتير تتمناك
اسر بحده احترم نفسك يا حيوان ولما تيجي تتكلم عن زينب هانم تتكلم بادبك دي هتبقى مراتي وشرفها من شرفي واذا كان على عمر اللي بتكمله فا ده صاحب اخوها ومتربين سوا وعارف انها بتحبه بس عمرها ماعملت حاجه غلط فتتلم كده وانت بتتكلم
زمري بتوتر انا اسف يا بيه حقك عليا مقصدش حاجه وحشه بس اديك قولت بتحبه
اسر بتملك: وانا بحبها ومش هسيبها لحد غيري حتى لو وصلت اني اموته خالص
رمزي كان مستغربه واكمل في سره ده شكله بقى مريض نفسي بيها واتجنن ..اه والله اصل ده كده مش طبيعي فعلا
اسر المهم يا رمزي
رمزي بانتباه هاا ايوه يا باشا معاك
اسر بخبث هطلب منك طلب وعارف انك قده
رمزي رقبتي سداده ياباشا
اسر بخبث اسمع اللي هقولهولك ده ونفذه بلحرف
رمزي بتركيز معاك يا باشا
-------------------------------------------
في شقه منصور ستات وبنات العيله متجمعين وقاعدين بيتكلموا عن التحضيرات وبيعملوا الخبيز بتاع الصباحيه
صافيه بضحك بت يا ياسمين تعالي هنا اقعدي شكلي مع شهد علشان بوظت العجين خالص
شهد بضحك يا تيته والله ما زي القمر اهو انتوا مش بيعجبكم العجب
عايده بضحك ده منظر تشكيل ده اما بنات مش هتشوف جواز صحيح
شهد بضحك ليه كده يا ام مازن ده انا بحبك
عايده بضحك وانا بحبك بس فاشله في المطبخ نكدب يعني
ياسمين بضحك هقعد انا اعمل معاها اهو ونشكل سوا
نور بحماس وانا والنبي خدوني معاكم
نرمين وهي بترص التشكيل على الرف اللي هيدخل الفرن اكملت بضحك قعدوها خلوها تتعلم حاجه في حياتها
نور بضحك والله انا شاطره وهبهركم وريني يا ياسمين اعمل بس ازاي
ياسمين مسكت حته عجين واكملت بحب اهو بصي زي كده جربي
نور بحماس من عيوني هعمل اهو بس امانه عليكي يا تيته اللي انا اعملوه خلوه لينا احنا ونودي لزينب في الصباحيه اللي بيعملوا شهد وياسمين
صافيه بحب ماشي يا قلب ستك احنا كده كده عاملين لينا هناكل اللي انتي هتعمليه
نور باست خدها واكملت بحماس والله بحبك وبموت فيكي يا صفصف
صافيه بضحك وانا والله بحبك وبموت فيكي يا قلب صفصف
شهد وهي بتشكل اكملت اومال بابا وجدو وعمامي فين ؟؟؟
عايده نزلوا على القهوه مع صلاح صاحب ابوكي وابوكي يلعبوا دومنه وجدك راح للعمده يعزمه على الفرح
زينب بتنهيده حسام وسيف فين يا ماما
نرمين رفعت اكتافها بعدم معرفه وتابعت معرفش ياختي حسام اكيد في القسم وسيف تلاقيه هنا ولا هنا هو ده حد بيعرفله طريق عماله اقوله يابني ارتاح رجليك كانت مضروبه بلرصاص ملحقتش تصلب طولك ولا كأني بتكلم
زينب بتنهيده سيف ولا عمره هيتغير صحته اخر حاجه عنده
نور مفيش رجاله في البيت اصلا غير احمد اخويا قاعد فوق ومازن وابيه يونس في شغلهم
صافيه هو يونس بيروح الجامعه يوم الجمعه كمان
نور عنده تصحيح في مكتبه وحاجات بيحضرها يا تيته فبيروح اه علشان يشتغل في هدوء بس مش بيشرح محاضرات
صافيه بحب ربنا يقويه يارب ينورعيني واشوفكم زيه يارب
البنات بحب اللهم امين يارب
نرمين بصت لزينب بضيق واكملت ماتقومي يا شملوله تعملي حاجه في نفسك بدل ما انتي قاعدلنا كده
زينب برفعه حاجب نعم عايزاني اعملك ايه يعني مش فاهمه منا قاعده متنيله اهو انتي عارفاني مليش في الخبيز
نرمين بضيق مقصدش الخبيز ياختي قومي اعمليلك حمام مغربي وخديلك شاور حلو وحطي ماسكات وباديكير لرجليكي وضوافرك وشعرك هببي اي حاجه فاضل يومين
زينب بتنهيده مليش نفس كبري دماغك مني ياماما وسبيني في حالي
شهد بحزن انتي مش عايزاه صح ???
زينب رايحه تتكلم قاطعتها نرمين واكملت بحده مش عايزاه يعني ايييه هو كلام عيااال ولا اييه ده في رجاااله اتكلمت واتفقنا وخلصنااا هو ايه اللي مش عااايزااه
زينب بحده هو انتي شوفتيني اتكلمت ولا هي حرقه دم وخلاص
ياسمين بس بس اهدوا خلاص مفيش حاجه
نرمين بعصبيه انتي مش شايفه قله ادبها واسلوبها قاعدلنا بلاسدال ومش راضيه تهبب حاجه في خلقتها من اللي بنات الدنيا كلها بتعملها مش معقول يوم فرحك تبقي كده يعني ده انتي عروسه عايزه الراجل يقول عليكي ايه
زينب بحده مش يحمد ربنا اني وافقت بيه اصلا وريحي دماغك يا ام سيف انا مش هعمل حاجه انا مش عايزاها قولتلكم موافقه اه وهتجوز مقولناش حاجه لان دي كلمه طلعت من لساني انما حته اهتمامي بنفسي وجوزي اللي انتي شايله همه اووي ده فا دي حاجه تخصني اهتم امتى واسمح اصلا بكل اللي في دماغك ده امتى ... دي بتاعتي انا
نرمين بصدمه لالا انتي هتجلطيني واتعصبت واكملت انتي عايزه تفضحينا وسط الناس ياابت انتي اتجننتي ولا ايه لا عقل ولا دين بيقولك اقرفيه في عيشته كده وقال لما تسمحي ومتسمحيش وتتكلمي عنه بلاسلوب ده .. انتي وافقتي لوحدك ومحدش اجبرك بس طلما هتتجوزيه يبقى انتي مجبره تعاملي جوزك بما يرضي الله وتديه حقوقه عليكي ده شرع ربنا مش حاجه نقعد نتناقش فيها وبسماح ورفض حضرتك .. قومي اخلصي متقعديش كده هببي اي حاجه واخزي الشيطان ده هيبقى جوزك ميصحش كلامك ده انتي عاقله وكبيره
زينب عيطت بصمت وسكتت مرضيتش ترد عليها
شهد دموعها نزلت بحزن عليها وراحت غسلت ايديها وقعدت جمبها تحضنها واكملت حقك عليا اهدي طيب مرات عمي مش قصدها تضايقك والله هي بتتكلم علشانك
صافيه بحزن استهدي بالله يابنتي واهدي متعيطيش يحبيبتي وبصت لنرمين وتابعت وانتي التانيه شدي بلاستر واسكتي ملناش دعوه بللي بتتكلمي فيه ده.... دي حاجه تخصها هي وجوزها متخوفيش البت دي عروسه ومتوتره وطبيعي لاي واحده مكانها متنسيش هي ملحقتش تعرف اسر اوي لسه هو بشطارته بقى يكسر حاجز كسوفها ده انما انتي متدخليش ولا تضغطي بنتك بلشكل ده
نرمين ياما مقولناش حاجه براحتهم طبعا دي حاجه تخصهم بس تجهز نفسها مش كده ياما توتر ايه اللي يخلي واحده متعملش الحاجات اللي اي عروسه بتعملها ده الطبيعي انما هي حره بعد كده هي وجوزها ...بس ده لو العيد داخل ياما هتقوم تحضر نفسهاا مش فرحهااا وقاعدالنااا كده مش معقول يعني
عايده بتنهيده قومي يابنتي ربنا يهديكي وحضري نفسك امك عندها حق في النقطه دي مش قصدها تضغطك نفسيا انا عارفه انتي متوتره وحقك زي اي عروسه وخدي بنات عمك معاكي يساعدوكي لو عوزتي مساعده
ياسمين بحب استني نخلص الكحك والبسكويت ونطلع نبدا نحضرلك حاجات الحمام المغربي والماسكات ونظبطك
نرمين اه والنبي يا ياسمين خليكي معاها متسبيهاش غير لما تخلص كل حاجتها معتش في وقت ودي هتشلني وتجلطني خليني ساكته
عايده بضحك ربنا يخليهالك يحبيبتي معلش عروسه ومتوتره والفرح جيه فاجاه
نور بضحك طب كنت اتخطف انا الخاطفه بتاعت فرحك دي اه هيبقى وقت قليل الصراحه انما ينهااار فرحه بجددد
عايده بضحك مستعجله على الهم ياختي على اساس هتعرفي تعملي كوبايه شاي انتي
نور بضحك ياست الكل ادينا بنتعلم بس يجي يوم فرحي
عايده بحب يارب يفرحني بيكي ينورعيني انتي واخواتك يارب
نور بحب اللهم امين يارب
زينب بتنهيده طيب هتنيل اطلع بس شويه مش قادره دلوقتي
ياسمين بحب منا قولتلك لما نخلص اهو تعالي يا شهد كملي معايا
شهد بحب متعيطيش تاني هاا
زينب بصتلها بحب وهزت راسها بحاضر
شهد باست خدها واكملت بحب ايوه كده شاطره ياخواتي على حته القشطه بتاعتنا يا ولاد خساره في صنف ادم كله اه والله
زينب ابتسمت واكملت بحب نورعيني انتي والله
شهد بحب حياتي وبعتتلها بوسه في الهوا
ياسمين بضحك طب يلا يا ام لسانين اخلصي همتك معايا عايزين نخلص وبصت لطبق نور واكملت بصدمه يخربيتك ايه الاشكال دي
نور بصدمه ايه ماله
ياسمين فضلت تضحك واكملت ده ايه الاعاقه اللي عملتيها في العجييين دي
صافيه شافته وضحكت واكملت يخراابي وقيلالك يا ياسمين تابعيها
نور بغيظ ايه مالو يا حقودين ماهو قمر اهو
ياسمين بضحك امر بلستر ياختي ده انا سرحت دققتين يا تيته والله ببص لقيت الاشكال اللي هي عملاها دي ياختااي
صافيه بضحك كويس ده لينا احنا كنتي عايزانا نودي للناس كده يعني ثريا تاكل وشنا على الكحك ده
شهد فضلت تضحك واكملت كملي يا قلب اختك كملي شكلهم غريب اه متفهميش هما زومبي ولا مدوره عادي ولا شكل بني ادم بس المهم الطعم عاش يا بت
نور بضحك والله حبيبت قلبي رفعتي معنوياتي
شهد بضحك لا ده جبر خواطر
نور بضحك تصدقي انك حيوانه
ياسمين بضحك بص البت بتعايرها حوش حوش هي اللي مفيش منها
شهد بضحك بس ارحم بكتير من تشكيل نور على الاقل باين عادي انه كحك وبسكويت مش اللي هي عملاه ده مالوش ملامح اصلا
نرمين بضحك المهم طعمه صحيح كملي يا نور يحبيبتي متقفيش مره مع مره هتتعلمي
عايده بضحك لا وعايزه تتجوز امه داعيه عليه والله
نور بضحك الله يرحمها كانت طيبه حماتي متعملش كده ابداا ده داعيلته بلهنا فطلعتله انا
عايده بضحك اممم اممم عارفه طبعا ياقلب امك هو انتي هتقوليلي ويلا انجزوا علشان لسه الفطير بتاع الصباحيه نخلص اللي في ايدينا دول ونعمل الاكل وبعدين نبدا في الفطير بعد العشا لما يناموا وبصت لنرمين وتابعت الا صحيح جبتي لبس وحاجات زينب انهارده
نرمين ااه ده انا رجلي اتكسرت من اللف والله يا عايده بس الحمدلله خلصتلها كل حاجه وحطيتها في شنط السفر علشان ننقلها
زينب بستغراب لبس ايه ده اللي جبتهولي
نرمين انتي كنتي نايمه وصحيتك مرضتيش تصحي فنزلت جبتلك دريسات وبناطيل جيز وبلوزات وطرح وجزم وشنط ولانجيري ودريسات للمناسبات الكبيره ودريسات ستان للمناسبات العاديه وچياب وبچايم قصيره بلشورت وبچايم عاديه وكاشات مايوه وكل حاجه
زينب نفخت بضيق واكملت وهي الحاجه دي انتي اللي تجيبيها ازاي يعني
نرمين بضحك وغمز متخافيش كلهم حاجات حلوه هتعجبك
زينب بحده امي انتي فهمتي ايه انا اقصد هدومي عادي انا كنت اجبها بنفسي وكمان الحاجات التانيه دي مش كل اللي هيعجبك انتي هيعجبني انا اني البسه قدام حد
نرمين بصدمه حد !!!!! حد مين ??? انتي هبله يا بت متلبسي اللي تلبسيه ماهو جوزك لالا انتي هتجننيني انهارده وبعدين ماقولتلك كنتي مخموده ومرضتيش تصحي الله هو هنفضل نهري كتير ليه
زينب بضيق خلاص خلاص كده كده اللي مش هيعجبني هرميه او اجيب غيره
نرمين بحده راميه ترميكي يا بعيده بقى ندفع ونجيب كل ده والف على رجلي من صباحيه ربنا وفي الاخر .. عايزه ترمي بنت معتز هي دي كلمه شكرا يا ماما ولا تعبتك معايا كتر خيرك مش نسياني لالا انتي مشوفتيش ربايه هترجعيلي والفطير سخن
كلهم ضحكوا على كلمتها فاكملت عايده بضحك بس يانرمين فال الله ولا فالك ربنا يسعدها يارب ويهدي سرها معلش يابنتي متاخديش على زينب الفتره دي
زينب مردتش عليها وقعدت ضمت رجليها ليها وعيطت بصمت وتابعت في سرها : ازاي بيقولوا كده ?? ازاي بيجهزوا حاجه صباحيتي علشان فرحي انا واسر ??? ازاي ماما بتتكلم عن حياتنا بعد كده وعماله توصيني وتقولي جوزك جوزك وتقصد اسر ?? انا ايه اللي عملتوا في نفسي ده يارب ياريتني سمعت كلامك يا عمر انا مش قادره وقلبي واجعني من كلامهم ومش فرحانه ولا ليا نفس لأي تحضيرات ...ازاي بجد حياتي ادمرت كده ومفروض اطلع اجهز واتزوق والبس علشان الحيوان ده !!!??? وعياطها زاد واكملت لالا الموت عليا اهون من ان اشيل اسمه او يقرب مني يارب ارجوك ماليش غيرك بدل حالي من حال لحال وغير الاحوال انت قادر يارب انا حقيقي هموت بحسرتي لو ده حصل والله ماهقدر اعيش معاه ثانيه ياللي جمعت بين سيدنا يعقوب وسيدنا يوسف اجمع بيني وبين عمر واقلب كل الموازيين علشاني يارب ارجوك انا فعلا مش هقدر يارب والله مش هقدر وعيطت بشده من غير ماتطلع اي صوت بس جواها صراع ووجع وقلبها قايد ناار
صافيه عزمتوا كل الناس ولا لسه في حد
عايده بتنهيده لا خلاص كده الحمدلله كله زي الفل
نرمين ثريا جاتلي قالتلي عايزين الفرح في انهي قاعه انهارده قولتلها اللي انتوا تعملوا مش هتفرق راحت قالتلي لا ده احنا نعمل احلى قاعه دي زينب الرفاعي هي اي حد دي ست البنات
صافيه بحب والله ناس كويسين اوي ربنا يهينها زينب يارب
نرمين بحب اه والله طمنتني خوفت تعامل البت وحش
صافيه بحب داين تدان يا نرمين وانا من يوم ماشوفتكم ودخلتوا بيتي مشوفتش منك انتي وعايده الا كل خير عاملتوني زيي زي امكم واكتر وشلتوني فوق راسكم فربنا هيقرب من عيالكم كل خير ويبعد عنهم الشر قادر يا كريم
نرمين بحب يارب ياما يسمع من بوقك ربنا ويهدي سرها المجنونه دي ونفرح بيهم كلهم يارب
عايده بضحك اللهم امين يارب
زينب بضيق وعينيها حمرا من الدموع اكلمت انا طالعه فوق تعبانه شويه
نرمين تنهدت بضيق وسكتت
ياسمين قامت وقفت وتابعت استني هغسل ايدي وهنطلع معاكي
زينب طب هطلع وتعالوا ورايا اكون غسلت وشي وطلعت الحاجه
شهد بحب زوزا معلش ممكن تقيسي الفستان لحد مانطلعلك علشان نشوفه عليكي
زينب بتنهيده حاضر يا شهد خلصوا وتعالوا
نور بحب حاضر وراكي علطول
وطلعت زينب ودخلت اوضتها ومسكت الفستان بوجع وقهر وفتحت سوسته الكيس وطلعته وتنهدت بعمق وبدات تلبسه وقفلت السوسته على ضهرها باعجوبه وتابعت بضيق ياختاااي حاجه تقرف بجدد ولبست طرحته وسمعت الباب بيخبط
زينب حاضر حاضر جايه وتابعت بضيق ماشيه بعربيه نص نقل ده ايه كل التقل والقرف ده وفتحت الباب اتفاجئت بللي قدامها
عمر ناديلي سيف علشان ....... وسكت بذهول لما شافها لابسه الفستان وفضل يتفحصها باعجاب من اخر الفستان لحد فوق اخر راسها
زينب بدموع وتوتر: عمر شهد اللي قالتلي اقيسه علشان تشوفه و
عمر قاطعها ودخل ومسك ايديها وتابع بحب بالغ واعجاب شديد زي القمر ... حور من الجنه ... اجمل بنت عيني شافتها في الدنيا كلها
زينب ابتسمت من بين دموعها واكملت عمر انا اسفه بجد يحبيبي مكنتش عايزاك تشوفني و
عمر بمقاطعه ده احسن حاجه عملتها اني نزلت وشوفتك حقيقي مهما تخيلت حلاوتك بلفستان الابيض مكونتش هتخيلك كده.. بجد طالعه اميره ايه ده يا زينب يخربيت حلاوتك
زينب بدموع بس انا مش مبسوطه ومش عاجبني شكلي وقعدت على الارض وعيطت بانهيار وتابعت وكلهم ضاغطين عليا وعايزني اجهز واعمل ماسكات وحمام مغربي ومش عارف ايه زي اي عروسه وانا والله ما طايقه نفسي اصلا ولا شايفه نفسي عروسه وكلهم فرحانين بيخبزوا ويعزموا الناس ومش عارف ايه وانا اصلا حاسه ان ده عزايا اللي جاي مش فرحي وقاعده مهمومه وقلبي واجعني..وامي التانيه حرقت دمي وقال جابتلي هدومي والحاجات بتاعت العرايس كلها وانا والله اذا كان عليا عايزه احضر الفرح ببيجامه اصلا ..انا بجد تعبت يا عمر ومش قادره اكمل
عمر بضحك يخربيتك وصلت لبيجامه يا زينب وراح وطي على ركبته قدامها علشان يبقى في مستواها وتابع بحب وهو بيرفع وشها ليه : حقك على راسي من فوق من كل اللي واجعك وانا والله فاهمك ومقهور زيك بس بصبر نفسي ان ده وضع مؤقت وهيخلص وهما حقهم يفرحوا ميعرفوش ان اسر شخصيه زباله شايفينه شاب مفيش منه اتنين فبنتهم هتتجوزه الطبيعي فعلا ان يفرحوا لانهم ميعرفوش اي حاجه يا زينب بس باذن الله كل حاجه هتتكشف وانا مش عايز اشوف دموعك دي لاي سبب من الاسباب بعد كده علشان قسما بالله مش هستني اي خطط وهروح اكسر عضمه دلوقتي حالا و
زينب بلهفه لالا ياعمر ابوس ايدك اصبر عايزين تعدي على خير ومش هعيط تاني اهو خلاص والله
عمر بحب جدعه ومسح دموعها وباس جبينها وتابع بعدين كل العياط ده علشان جابتلك لبس العرايس وعايزينك تجهزي نفسك وتعملي تحضيراتك زيك زي اي عروسه يا زينب تقومي تعيطي كده طب ما طبيعي عروستي تبقى اجمل واحده في الدنيا وتجيب كل حاجه بتجيبها العروسه ولا انتي بتطفشيني من اولها ولا ايه
زينب بستغراب مش فاهمه قصدك ايه ??? حبيبي هما يقصدوا علشان فرحي انا و
عمر بمقاطعه وحب عارف يقصدوا ايه بس انا مش هخلي فرحك يكمل كده كده يا زينب ده غصب عن الكل وباذن الله هفضحه قدام اهل البلد كلهم واطلبك ساعتها للجواز واقول ان انا اللي استحقك ورفع ايديها باسها وتابع بحب يعني بعد بكره فرحك عليا انا مش اسر يا زينب واللي بتعمليه وهتعمليه دلوقتي من تحضيراتك كعروسه علشاني انا فانتي وضميرك بقى....وضحك
زينب ضحكت بفرح واكملت ايييه انت بتتكلم جدددد يا عمر
عمر بحب اه طبعا يا قلب عمر هو انا ههزر في حاجه زي دي
زينب عيطت بفرح واكملت يعني .. يعني باذن الله لما نوقف الفرح هتكتب عليا انت وتتجوزني في نفس اليوم والله العظيم ???!!!!
عمر بضحك يابت اه اومال ههزر في حاجه زي دي وعارف اهلك مش هيرفضوا حتى كنت عايز سيف علشان يجيب معايا شويه طلبات لشقتي اللي هنتجوز فيها لان مفيهاش اي حاجه تتاكل انما طبعا هي مفروشه مودرن كلها حاجات جديده كنت بجيبها واحده في واحده لحد ماخلصتها تشطيب الاجازه اللي قبل دي .....يعنى بيتك على المفتاح حرفيا مستني عروسته بس تخطي فيه وتنوره
زينب بفرح ووالله لو مش مودرن ووالله لو شقه مامتك مش شقتك الجديده او اي مكان تاني عاادي انا بنسبالي اي حته عادي المهم اني هتجوزك انت يا عمر وهفضل معاك يا فرحه قلبي بجد والله حمستني اقوم اعمل كل حاجه واجهز نفسي ده انا هتكتب يوميها على اسم حبيب عمري كله فالازم اكون زي القمر
عمر بضحك ايوه كده هي دي زوزا اللي انا اعرفها عايزك تبهريني بقى
زينب بضحك اتلم واحترم نفسك انا اقول انما انت متقولش
عمر فضل يضحك واكمل ده من عيوني يا ست البنات وابتسم واكمل رغم انك زي القمر وبتحلي كل حاجه تلبسيها بس الفستان اللي انا اختارته ليكي اجمل من ده بكتير اصلا
زينب بحب هاته وهطلع اغير لما نفضح ابن الكلب الحيوان ده
عمر بحب ده كده كده انتي مين قالك كنت هتجوزك بفستان بفلوس اسر مستحيل طبعا
زينب بفرح والله هموت من فرحتي وعايزه ازغرط الكلمه تحفه اووي ...هتجوزك ...يخراابي هيغمى عليا وبعد بكره كمان يخربيت القمرر بجد
عمر فضل يضحك واكمل يابت اتقلي شويه مش قدامي كده
زينب بحب منتا عارف كل حاجه ده انا لولا انك مش حلالي دلوقتي كنت خدتك في حضني وفضلت اعيط من كتر فرحتي
عمر بضحك والله العظيم نفس احساسي ربنا يعلم ماسك نفسي عن اني احضنك ازاي وابتسم وتابع كنت هعملهالك مفاجاه ساعتها لما نوقف الفرح واطلبك قدامهم بس شكلك وعياطك ده خلاني تراجعت وقولتلك دلوقتي وكمان علشان ملاقيش جعفر يوم الفرح فلما اقولك ان انا هتجهزي بقى
زينب ضربته في كتفه وتابعت بضحك ااه ياا قليل الااادب انت عايز سيف يربيك والله فاتلم واتربى شويه بقى علشان والله انكد عليك وحتى الحضن مش هحضنك
عمر بضحك لالا خلاص اهو هتلم حاضر سيف وتنكدي عليا كتير الصراحه وسيف دي لوحدها مضمنش اكمل بعدها معاكي حياتي اصلا فهسكت خالص ده انا عايز نكتب بسرعه علشان كده انتي بتهزري ولا ايه
زينب ضحكت بشد وتابعت بلظبط ف ايوه كده اتلم واتربى
عمر ابتسم بحب وتابع خلاص هنصبر لحد بعد بكره هانت اوي اللي خلانا عدينا بكل ده هنقدر نعدي كل اللي جاي كمان وبردو واحنا مع بعض
زينب بحب ودموع يارب يا عمر يارب بجد ومفوقش على قلم يوجعني انا اتعشمت اوي اننا لبعض خلاص وكمان بعد بكره يعني مش لسه بقى هنستنى
عمر بحب انا واثق في ربنا ان صلاتي ودعائي مش هيروح على الفاضي ابداا ربنا مستحيل ربنا يكسفنا بس اعملي زي ماقولتلك تمام
زينب هزت راسها ب تمام واكملت بحب حاضر والله هعمل كده ويارب يحبيبي يستجيب لينا
عمر بحب يارب ينورعيني ووعد مني هعوضك عن كل اللي مريتي بيه وشوفتيه من اول الموضوع ده لاخره وضربه ليكي ده
زينب بحب ودموع انت عوضي انا عايزاك انت بس يا عمر حقيقي هتبقى انت مسك الختام لان كل ده اساسا حصل علشان بحبك
عمر ابتسم بحب وباس ايديها بعدين مسح دموعها واكمل طب ايه مش يلا تقومي تجهزي بقى ولا لسه مضايقه
زينب بحب وفرح بذمتك اضايق ازاي بعد كلامك ده .. ده انا هقوم اعمل كل حاجه ممكن تتعمل
عمر بضحك ايوه كده برافو وقومها من الارض وتابع بحب همشي انا بقى ها هشوف سيف فين و
سكت لانه لفت نظره لما قام ان نور وياسمين وشهد موجودين وسامعينهم فا زينب شافتهم اتصدمت
« غموض الحب »
البارت العشرين
الكاتبه / Lola
زينب بحب وفرح بذمتك اضايق ازاي بعد كلامك ده .. ده انا هقوم اعمل كل حاجه ممكن تتعمل
عمر بضحك ايوه كده برافو وقومها من الارض وتابع بحب همشي انا بقى ها هشوف سيف فين و
سكت لانه لفت نظره لما قام ان نور وياسمين وشهد موجودين وسامعينهم فا زينب شافتهم اتصدمت
ياسمين بدموع وصدمه ايه ده يا زينب !!!!!
عمر بقلق هششش اسكتي ابوس ايدك خشوا كده ودخلهم وخلى الباب مفتوح حته صغيره وتابع اي ان كان رايكم ايه من اللي سمعتوه فانا مش طالب منكم غير تسكتوا وتحطوا لسانكم جوه بوقكم الفتره دي بس وهتفهموا كل حاجه بعدين
زينب بدموع وخوف ياسمين ..ياسمين انتي اختي وانا وانتي اكبر اتنين وكنا رايحين جايين سوا وعارفه اختك مبتعملش حاجه غلط ارجوكي افهميني واسمعيني الاول قبل ماتفكري تقولي اي حاجه لحد متخربيش حياتي اكتر ماهي مخروبه لوحدها اصلا علشان خاطري
عمر طبطب عليها وتابع بس يحبيبتي بس اهدي متخافيش
ياسمين بحده ودموع انتي اتجننتي ولا بتستعبطي انا علشان اختك وصاحبه عمرك بقولك اللي بتهببيه ده غلط وغلط كبير كمان حتى لو اسر وحش زي ما سمعتكم بتقولوا وبتخططوا عليه ده ميدلكيش الحق ان تلعبي بحياتك وسمعتك بلشكل ده قدام اهل البلد كلهم انك هتتجوزي اسر يا زينب ... انتي اكيد اتجننتي علشان في 100 طريقه تكشفه غير المخاطره بانك تتجوزيه والعندليب ظابط جيش يعني مش هيعصى عليه يدور ورا اسر ويوقعه
عمر تنهد بعمق واكمل ياسمين لو سمحتي طول ما متعرفيش حاجه متتكلميش اللي انتي بتحكي فيه ده انا قولته ومن بدري انا راجل بفهم في الاصول ومعنديش استعداد العب بسمعه اللي هتشيل اسمي وهتبقى مراتي قدام اهل البلد وحذرتها من كل ده وهي خربت الدنيا انا بصلح اللي هي هببته لاني مش هسيبها لغيري ولا هتخلى عنها في المصيبه دي انما انا مش معاها في كل اللي حصل ده اصلا
ياسمين حتي لو كلامك ده صح وانت ابن اصول وجدع وشاريها وهتقف جمبها كل ده تمام بس حضره الرائد يعرف الكلام ده يا باشا ????
زينب بخوف انهي رائد فيهم انتي تقصدي ..
عمر بمقاطعه يعني هي هتفرق معاكي اوي انتي التااانيه وبص لياسمين وتابع بتنهيده قصدك على سيف مش كده ???
ياسمين اه سيف ... اخوك اللي مدخلك بيته ومأمنك على اهله و
عمر بحده وبمقاطعه : ياسمين مش هقولك تاني تخلي بالك من كلامك زينب عندك اهي تقولك انا عمري ما خونت صاحبي ولا قليت باصلي ومحافظ على اخته وبحبها طول عمري بيني وبين نفسي وهي نفس الكلام لماا عملت حادثه بس عرفت انها بتحبني زي ما بحبها وعمري ماتعديت حدودي معاها ومستني تبقى حلالي وبلنسبه لسيف اديكي قولتي ده اخويااا وعارفني وحافظني وكاشفني بس هيبته كا القائد بتاعي خليتني اتراجع كتير في اني افاتحه رسمي بس هو عارف كل حاجه وكمان معرفش كانت زينب هتقبلني ولالا فقولت اسكت لحد ما اتاكد ولما عرفت انها بتبادلني نفس المشاعر كان اسر اتقدم ورفضته وانا عملت حادثه والدنيا كبرت انما انا مش عيل يا ياسمين قولت عايزها وهفضل عايزها وكله هيعرف كده بعد بكره
زينب بصتله بحب ودموعها متجمعه في عينيها
ياسمين بتنهيده عمر انا مقصدش بس حسيت ان لو سيف ميعرفش او انت بقالك كتتير بتكلمها من وراه الموضوع هيبقى حساس شويه بلنسباله لان انت اخوه واكتر وهي كمان اختي وبنت عمي وهتتجوز واحد غيرك قدام الكل فانا خايفه عليها و
عمر بتنهيده عارف يا ياسمين وفاهم قصدك لان انا كمان زيك وكنت رافض علشان خايف نوصل لكده وربنا وحده يعلم قلبي واجعني ازاي من كل اللي بيحصل ده وبص لزينب وشاور عليها وتابع فكرك وانا شايفها لابسه فستان اسر اللي جايبه علشان فرحها على غيري انا مبسوط ومرتاح وعادي??? ده انا بموت كل ثانيه وبفكر لو معرفتش اوقف الفرح هيحصلي وهيحصلها ايه احنا حياتنا هتنتهي بس انا لو هموت مش هسمحلها تتجوزه ولو اخر يوم في عمري هي اه متخلفه ومسمعتش كلامي من الاول بس مستحيل اتخلى عنها مهما حصل وهنصلح كل ده سوا
ياسمين شافت في عينيه الحب الحقيقي لزينب وزينب كمان نظرتها ليه بتشرح كل حاجه فاكملت بتنهيده انا معاك يا عمر ومش هقول لحد حاجه من اللي سمعناها بس سمعه زينب كده هت
عمر بمقاطعه الناس كده كده ملهاش الا الرغي بس انا مرضاش عليها اي حاجه وحشه وهعرف الكل انه شخص زباله وهو اللي هيطلع شكله وحش وميستهلهاش قدام الناس فهي مش هيبقى عليها حاجه ومحدش هيتكلم عنها بنص كلمه متخافيش
زينب بدموع عمر بجد انا اسفه يحبيبي لو كنت سمعت كلامك من الاول مكنش حصل كل ده و
عمر بمقاطعه وحب وهو بيمسح دموعها خلاص يا قلب عمر اللي حصل حصل انا حاليا نازل اقابل سيف وبعده واحد صاحبي واشوف هعمل ايه وابتسم وتابع متعيطيش تاني وغلاوتي عندك ها
زينب هزت راسها ب حاضر وابتسمت بحب وعمر ابتسملها وبص للبنات وتابع ياسمين لو سمحتي م
ياسمين بمقاطعه وابتسامه مش هقول والله خلاص ربنا معاك وتقدر توصل لحاجه انا شوفت في عينكم الحب لبعض وهدعي من قلبي انهارده ان ربنا يجمعكم سوا
عمر بامتنان : شكرا بجد وابتسم ومشي وقفل الباب
نور بدموع بجد انتوا عيطوني وانتوا بتتكلموا لما سمعناكم بيحبك اوي يا زينب حقيقي
شهد بدموع انا كنت واثقه انك مش بتحبي اسر بس ليه تعملي فيكي انتي وعمر كده طلما بتحبوا بعض يا زينب
زينب بدموع عارفه انه بيحبني وانا كمان بموت فيه بس والله كان غصب عني اسر هددني
ياسمين بصدمه هددك! !!!! هددك ازاي يعني
زينب بدموع هو اللي قطع فرامل عربيه عمر وكان سبب في حادثته وهددني لو موافقتش بيه مش هيبطل يأذيه وهيحاول مره واتنين و.........(( فضلت تحكيلهم كل حاجه من اول خناقتها هي وعمر لما صارحته ان اسر االسبب في حادثته لحد ما سابو بعض وخطتهم واللي حصل كله ))....بس كده والحيوان فعلا فاجئني وقال فرح علطول زي ما قاال عمر فوصلنا للمرحله دي
ياسمين بصدمه انا بجد مصدومه بقى اسر يطلع منه كل ده! !!!! مش قادره اصدق ياربي بجد ايه البني ادم ددده هو معندوش دم ولا احساس ????
نور بصدمه لالا ده اكيد مريض مستحيل واحد طبيعي وعند اهله كرامه ودم يعمل كده مصيبه لو عمر معرفش يوقف الفرح هتودي نفسك فين يازينب
زينب بدموع وقلق : ابوس ايدك بلاش تقولي كده قدامي قولي يارب ربنا قادر
شهد بدموع حضنتها واكملت بجد قلبي واجعني عليكي اوي بس متخافيش يحبيبتي انشاء الله عمر هيوقف الفرح و حياتك هتتبدل وهتفرحي
زينب باست جبينها وحضنتها اكتر واكملت بدموع يارب يا شهد يارب بجد يسمع منك
ياسمين بخوف لالا عمر عرف معرفش انا هقولهم ونوقف القرف ده انتي بتهزري ولا ايه دي حياتك مش لعبه ورايحه تفتح الباب مسكتها زينب
زينب بدموع رايحه فين وهتعملي ايه???
ياسمين بدموع رايحه اعدل اللي خربتيه منا مش هسيبك تودي نفسك للهلاك بايدك ده مجرم وقتال قتله
زينب بدموع مين هيصدقك?? وفين الدليل??
ياسمين بحده ودموع دول اهلك دليل ايه وقرف ايه بتهزري صح ده ديتها حسام وسيف بس يعرفوا ويهزقوا اللي خلفوه ويوقفوا الفرح
زينب بابتسامه حزينه : ده انتي اللي بتهزري واهلي لو صدقوا ووقفوا الفرح فين الدليل قدام اهل البلد انه وحش كده خصوصا ان مفيش عليه اي سبقه قدام الناس وكله بيشهد باخلاقه وتفوقه في شغله وهو نفسه مش هيسكت علي الاتهامات دي وسااعتها هيدافع عن نفسه ومش بعيد يقول اني غلطانه مع حد علشان كده بنتبلى عليه خايفين اتجوزه وحقيقيتي تبان
ياسمين بصدمه ودموع انتي بتقولي ايه ازاي يبقي بلحقاره دي و
زينب بمقاطعه ودموع لا هو بلحقاره دي ومريض فعلا انتوا بس اللي متعرفوش عنه اي حاجه ..الراجل اللي يعرف انك عايزه غيره ومش شيفاه ومصمم ياخدك بلعافيه ده ميتقالش عنه راجل ده مريض وحقيير فيعملها عادي
شهد بدموع خصوصا انك بترفضي علطول فهيبان صح انك خايفه تتجوزي بسبب كده
نور بدموع بس طلع عمر سبب الرفض مش كده
ياسمين بحزن ايوه كده وضحت علشان عمر بترفض وفهماكي ومقدره حبكم لبعض جدا ربنا يحميكم بس الناس يازينب م
زينب بمقاطعه الناس متعرفش كده .. انا عارفه هتقولي ايه وعلشان كده بقولكم ملهاش حل غير ان عمر يدور وراه
ياسمين بتنهيده لو كنتي سمعتي كلامه من الاول
شهد بحزن خلاص يا ياسمين زي ما قال عمر اللي حصل حصل احنا لازم نبقي جمبها ونساعدها تعدي الفتره الصعبه دي لحد ما باذن الله ربنا يريح بالها ويجمعهم على خير
ياسمين بحب اكيد طبعا هنعمل كده وراحت حضنتها
زينب طبطبت علي ضهرها بحب واكملت ربنا ميحرمنيش منك ابدا يارب
ياسمين بحب ولا منك يا نورعيني وحطت ايديها على خدها وتابعت حقك عليا انا اتعصبت شويه علشان انا بحبك وخايفه عليكي
زينب بحب عارفه والله مزعلتش منك
نور بحب زي القمر بس مش هعاكسك كتير علشان فستانك هيتغير
زينب رفعت ايديها وتابعت بحب اللهم امين يارب يسمع منك ربنا
ياسمين ضحكت وتابعت يارب يحبيبتي يلا بقي تعالي ندخل نبدا ولا لسه مش عايزة
زينب بحماس لا يلا مستعده اهو ورفعت فستانها علشان تمشي وهما وراها ودخلوا اوضتها
شهد بضحك اتاريكي مكنتيش عايزه تتحركي من مكانك ولا تسمعي كلام امك اما كنتي هتشليها يعني مطلعش توتر اهو
زينب وهي بتفك طرحه الفستان اكملت بضحك توتر مين ياما صلي علي النبي في قلبك كده انا مش طايقه اسر انما لو عمر يخرااابي منا هجهز اهو
البناات ضحكوا واكملت ياسمين يلا طلعتي حاجه الحمام المغربي
زينب شاورت على الكومود واكملت اهي في الدرج هاتيها
ياسمين طلعتها وبدائو في تجهيز الحاجه وبلفعل زينب دخلت الحمام وخدت شاور وعملت الحمام المغربي وبعد شويه خرجت بلبورنص وماسكه فوطه بتنشف شعرها
شهد بضحك ايه الحلاوه دي نورتي
زينب بضحك ليه يا معفنه شيفاني كنت ايه
شهد بضحك علطول حلوه يا قلبي بس بردو بقيتي مزه اكتر
ياسمين بحب طول عمرها سكر بس فعلا نتيجته هايله .. رطبتي جسمك بعد ما نشف بزيت الاركان زي ما قولتلك ???
زينب وهي بترمي الفوطه وتقعد اكملت اه زي الفل متقلقيش
نور دخلت الاوضه وحطت الطبق عند رجلها واكلمت يلا علشان البادكير جهزتلك المايه اهو
زينب بحب بجد تعبتك عقبال ما اتعبلك يوم فرحك يا غاليه
نور بحب تسلميلي يانورعيني
شهد بت يا زينب هاتي اعملك ايدك اثناء ما بتعملي رجلك علشان نخلص
زينب هتعمليها ايه انا عايزاها اللي بتتلزق دي فيك نيلز علشان اشيلها وقت الصلاه مش هارد جيل
شهد بحب اه منا عارفه طبعا هعملك دي
ياسمين طب ماتركبيها يوم الفرح احسن بلمره بدل ماتخلعي وتركبي
شهد علشان حنتها بكره هتحضر بايديها كده
زينب بصت لضوافرها واكملت بضحك يقرفوا بس يمشي الحال هحط بكره في الحنه مانكير اسلامي واشيله بعد الحنه ويوم الفرح نحط الفيك نيلز انما حاليا ابردي ضوافري بس علشان مش متظبطين
شهد مسكت المبرد واكملت بحب خلاص تمام عيوني
ياسمين قامت وفتحت الادراج وبدات تطلع الماسكات اللي هيعوزوها
نور بت يا زينب انتي هتعملي ايه في شعرك صح
زينب ولا حاجه هو طوله حلو وزي الفل هعمله في الكوافير بس
نور بس بعد ما يتغسل عادي ولا ايه
زينب بضحك ااه ااه فهماكي لحسن اكون غوريلا قدامه يعني لا شعري كويس يعني متخافيش
ياسمين بضحك وحياتك ياختي هو اللي مش قاعدلك واجازته هتخلص
زينب بضيق بتفكروني ليه طيب دلوقتي
شهد بضحك الله ولما هو يقعد جمبك مين يحمي مصر يابت
زينب بضيق اممم على رايك ده مصر هي اللي مراته وانا هبقى التانيه وحياتك فعيب اعترض
ياسمين فضلت تضحك واكملت معرفش من كتر حبك للمر اللي موريهولنا سيف رايحه تحبي صاحبه في الجيش يا جبروت قلبك يا شيخه
زينب بتنهيده هو بمزاجنا ياختي ياريت بنختار مكنش حد غلب
شهد بتنهيده علي رايك والله
نور بحب بس بذمتك جوزك وبعيد ولا تفضلي مع غيره
زينب جوزي وبعيد طبعااا اصل مهما يطول مسيره هيجي يترمي في حضني وانا هقاسمه حياته واحلامه واشيل حته منه واشوفه بيترقى قدامي وافضل فخوره بيه انا يمكن فعلا مضايقني شغله وعارفه انه تقيل اوي وصعب وغيابه عني بس كل ده يهون مقابل اشيل اسمه قدام الدنيا يا نور
نور ابتسمت بحب وتابعت يارب يجمعك بيه يا حبيبتي بجد ويسعدك واشوفك فرحانه ومبسوطه
زينب بحب اللهم امين يارب انا وانتي
ياسمين بضحك الجانب الايجابي انك ضامنه مش هيخونك
البنات فضلوا يضحكوا فاكملت زينب بضحك بصي انا بثق فيه بس اي راجل يقدر يبص عادي عينه تروح كده تروح كده ويقولك انا غصب عني ومقصدش وهي البت اللي عامله كده والعيب منها ومش عارف ايه فا فعلا فكره انه مرمي في الصحرا دي بتفرحني مش هيشوف حد غير الرجاله فهنام مرتاحه
شهد بضحك ومالك بتقوليها مرمي في الصحرا ولا كانك بتشمتي فيه يخربيت فقرك يا شيخه
زينب بضحك الله ما دي الحقيقه مش هو اختار حبيبي خليه يلبس بقى
نور بضحك معاكي بجد فعلا كلهم بيعاكسوا ولو مش قدامك من وراكي فاكده تطمني والله مصر بتعمل معاكي واجب اهو
زينب بضحك اه انتي هتقوليلي هي مصر حارقه دمي ومش حارقه دمي
ياسمين بضحك ماهو مش هتاخدي كل حاجه بقى متبقيش طماعه
شهد بضحك هو اهم حاجه مش هيشوف صنف حواء خالص لان فعلا الرجاله دول ميضمنوش
ياسمين بضحك بتتكلمي انتي ونور ولا المطلقين والله
نور بضحك اخرسي بعد الشر عليا ميقدرش يطلقني
ياسمين بضحك ده انا هقوله على جمله لو مش قدامك من وراكي دي
نور بضحك قوليله انا مبقولش حاجه غلط وبعدين بعيدا عن الضحك انا بثق جداا في قاسم اللي هو حرفيا لو عيني شافت عيب فيه هقول العيب في عيني مش فيه هو... بس فعلا دي فطره فيهم كلهم ممكن عينه تروح صح بعدين يهزر ويعديها عادي مش بيموت فيها وعجباه بس واحده مهزقه ماشيه فهيشوفها فانا عارفه عينه هتروح كلهم كده
شهد بغمز وضحك هي دي حقيقه فعلا بس ياسيدي يا سيدي العيب في عينك هاا
نور ضحكت واكملت بابتسامه ممكن تشوفيني اوفر بس حقيقي انا بثق فيه اكتر من نفسي وهو كده جداا ممكن يغير عليا انما واثق فيا وعارف نيتي ومبيفهنيش غلط ابداا وحنين اوي عليا وشايفني اجمل واحده رغم ان بيقولوا عليا رفيعه اوفر ومش قد المسئوليه وعيله مدلعه الا انه يقولي احنا سوا وهتتعلمي كل حاجه ودراستك عندي اهم من ان نتجمع تحت سقف واحد دلوقتي لان انتي مش هتقدري يحبيبتي علي كل الضغط ده.. واحد غيره ميقعدش يستني كل ده ويقول هنتجوز وهسيبها تكمل دراستها عادي ومش مهم انا هعمل كل ده ازاي ومش هيبان غلطان بس هو فكر فيا قبل مايفكر في انه يتيم ومحتاج واحده تكون جمبه وترعاه وشايفني من وانا عيله بضفيرتين وفضل عايزني لحد ما بقى جوزي فصدقيني فعلا قاسم يستاهل لو عيني شافت فيه عيب اقول العيب فيها بس لو عليهم كرجاله فموضوع البنات ده كلهم كده عينهم ممكن تروح بعدين يستغفر ربنا بس بتروح والعيب على اللي بتلبس لبس قاصده بيه كده وانا والله لو اكتشفته بس مره قدامي ولا حاجه والله لانكد عليه
شهد بضحك صح هيبقى حقك والله
ياسمين بحب والله فعلا عندك حق وقاسم حقيقي مفيش منه وجدع وصاحب واخ لمازن بجد وبيحبك وابن اصول ومتربي وسطنا يارب ينورعيني نفرح بيكم بجد بعيدا عن ان فعلا كلهم كده ربنا يهدي البنات قبل الرجاله والله الواحد بيشوف العجب الفتره دي
نور بحب اه والله ويارب ياروحي بس انتي الاول
ياسمين بحب تسلميلي ياروح قلبي
شهد بحب والله فعلا يستاهل ثقتك فيه ربنا يديمكم لبعض يا روح قلبي
نور بحب بعتتلها بوسه في الهوا واكملت يا غاليه ويديمك ليا
زينب بضحك طب لو انتوا متجوزين وشوفتوا جوازتكم بيخونوكم تعملوا ايه سيبكم من البص لان كلهم ممكن يبصوا من بعيد لبعيد
ياسمين بضحك لا ده الكلام ميوفيش اللي يتعمل ساعتها يابنتي اقسم بالله
نور بضحك لالا قاسم ميقدرش يعملها مستحيل مابقولك لو عيني شافت عيب العيب في عيني يقوم يخوني مره واحده ده انا نور الرفاعي الله هو انا اي حد ولا ايه بس لو عملها من غير تفكير هبعته لامه يونسها بجد دي خيانه هنهزر ولا ايه
شهد فضلت تضحك واكملت اول مره تقولي حاجه صح انا معاكي بجد حقيقي هدخل فيه السجن وانتي يا زوزا لو عمر خانك تعملي ايه
زينب بتمثيل لطف هعمل ايه يعني هحققله رغبته وخلاص
ياسمين بصدمه بتهزري هتسيبيه معاها وتطلقي يعني ولا ايه
زينب بضحك لا اصل عمر رغبته يستشهد بعيد الشر عنه فهحققله طلبه واخلي سيف يخليه يستشهد
كلهم فضلوا يضحكوا فاكملت زينب بضحك اه طبعا اومال فاكريني طيبه ولا ايه لا كله الا الخيانه
شهد بحب بلذمه يخون القمر دي ليه هو اتعمى
زينب بحب والله انتي روح قلبي
نور على كده يابت يا زينب هتصبغي شعرك ??
زينب لالا صبغه ايه دي بطلت من زمان انا بحب شعري كده وكمان الصبغه مضره وبتخشن الشعر
نور بضحك يابت علشان يبقى تجديد جتك الارف صح
زينب بضحك لا ياختي ابقي جددي انتي علشان مش محجبه انما انا مغيرش لون شعري كده كده مبيشوفهوش فهيبقى وضع جديد بردو
ياسمين بحب نور شعرها بسم الله مشاء الله ناعم ولونه بني فاتح فاهو زي الفل مفيهوش ولا غلطه متبوظيهوش بلصبغه
نور بحب اه منا بحب التغير بس فعلا مش هصبغه علشان لونه طبيعي حلو
ياسمين بحب طب يلا يا زوزا لو خلصتي ايدك علشان اعملك الماسكات
زينب بحب حاضر اهو
وبلفعل فضلوا معاها يخلصوا كل حاجه وعمالين يتكلموا ويهزروا لحد بعد ساعتين خلصوا كل حاجه
وزينب قامت لبست بيجامه نص كوم وبرموده ورفعت شعرها ديل حصان وقعدت بتعب واكملت بتنهيده ايه ده بجد الواحد اتهد
شهد بضحك قضيها نوم بقى انهارده علشان مش هتشوفي نوم بعد كده هيطلع عينك
زينب بضحك بس يحبيبتي يطلع عين مين هخليه يساعدني طبعا
ياسمين بضحك يا شيخه اتنيلي يساعد نفسه بس ويفك الجبس الاول بعدين يحلها الف حلال قال يساعدك قال
زينب بتنهيده وحياتك انا فعلا داخله على مرار شغل بيت بقى وترويق وغسيل وطبخ ويختااااي بس بس محدش يتكلم قدامي تاني عن الموضوع ده مش متخيله اصلا اني هبقى مسئوله من بيت كامل لوحدي سبوني اتفاجئ
ياسمين بضحك وغمز وعمر نفسه ولا ده مش من ضمن المسئوليات
زينب بضحك يااحيوانه انتي... بس يابت هشش لا مش من ضمن اخرسي خالص
نور بضحك الله مش عايزه تشيلي اسمه ولا هي ببلاش كده
زينب بضحك عايزة وحياتك بس ده طلع التمن غالي اوي ومرمطه بس نعمل ايه بقى نتعب لاجل عيونه
شهد بضحك شوف البت
زينب بضحك الله ارضيكم ازاي طيب
ياسمين بضحك لا انتي كده زي الفل ومتخافيش يابت اي وقت تتعبي اتصلي بيا اجي اساعدك
شهد بضحك وانا هجيلها معاكي بس اهم حاجه اهتمي بعمر ها قرب يرجع شغله الراجل وبيشوف مرار
زينب حدفت عليها المخده واكملت بضحك والله ما اتربيتي قومي يابت قومي ذاكريلك كلمه وحلي عني
شهد بضحك قايمه ياختي عندي امتحان فيزيا شامل اون لاين
نور بضحك اوووه ربنا معاكي يا غاليه روحي
شهد برفعه حاجب اعتبر دي شماته والله لو شماته اديكي علقه
ياسمين بضحك بس بس اتخانقي مع حد قدك دي مش باينه من الارض
نور بضحك بس يابت بلا مش باينه من الارض انا اكبر منها بسنه بس هي جسمها احلى مني مش اكتر انما نفس الطول وبعدين لا يا قلب اختك مش شماته انا بتهان في علوم قسما بالله اشمت ايه بس
شهد بضحك ماهي ياسمين تقصد كده علشان ضعيفه عني فخلاص مش هضربك مبقاش انا وعلوم عليكي ومتعودتش استقوى على البنات الكيوت
نور بضحك حبيبت قلبي تسلميلي
ياسمين بضحك طب ياختي انتي وهي هنزل انا اساعدهم في العشا وانتوا روحوا شوفوا وراكم ايه وبصت لزينب وتابعت ريحي جسمك شويه من كل اللي عملناه ولو مش حابه تنزلي هطلعلك الاكل هنا
زينب بحب تسلميلي ياعمري انا فعلا مش هنزل هاكل هنا وشويه وانام بس اطمن على عمر انه رجع
ياسمين بحب ماشي ينورعيني يلا يا بنات سبوها تريح
شهد بحب يلا
وبلفعل نزلوا وزينب كانت بترن على عمر كان بيكنسل فنفخت بضيق واكملت ماترد ياعمر بتقلقني عليك ليه اووووف وقامت قعدت قدام التسريحه تحط مرطب ودقايق لقيت فونها بيرن فقامت مسكته بسرعه ولهفه لقيته اسر فملامحها اتغيرت وتنهدت بضيق وقعدت وردت بضيق واضح: اممم نعم
اسر بضحك ايه الاسلوب ده مالك في ايه
زينب بتنهيده مفيش يا اسر تعبانه شويه من الصبح مقعدتش
اسر اممم لا الف سلامه عليكي يحبيبتي طب ريحي شويه علشان خلاص فاضل على فرحنا ساعات لازم تبقي مصحصحه
زينب قلبها وجعها وتنهدت بعمق واكملت لا متخافش هبقى كويسه
اسر بحب ماشي ياروحي انا وصلت البيت فكنت بطمن عليكي وبقولك لو عايزة امي اهي جمبي و
زينب بمقاطعه لالا خلاص كنت هسالها عن القاعه بس سمعت انها كلمت ماما وعن اذنك باي علشان تعبانه وعايزه اانام
اسر اممم هتنامي يعني ??
زينب بضيق اه هنام في حاجه ولا ايه ??
اسر لالا ولا حاجه روحي يحبيبتي تصبحي على خير
زينب تمام باي وقفلت بضيق واضح وحطت الفون جمبها وضمت رجليها ليها وعيطت بصمت وقله حيله وخوف من اللي جاي
ودقايق وسمعت صوت باب الشقه اتقفل فمسحت دموعها وقامت فتحت باب اوضتها وطلعت ملقيتش حد في الصالون فبتبص لقيت اوضه سيف مقفوله والنور شغال فتنهدت بحزن وراحت خبطت
سيف وهو بيقلع قميصه اكمل ادخل
زينب دخلت واكملت بحزن ممكن اتكلم معاك شويه
سيف مبصلهاش وفتح دولابه يجيب تيشرت وتابع اه طبعا اتفضلي
زينب دخلت قعدت وهو لبس تيشرت وبصلها وتابع اممم اؤمريني
زينب بدموع سيف انت بتكلمني كده ليه
سيف ليه مال كلامي فيه ايه مش فاهم ??
زينب بدموع انا وانت عارفين انك زعلان مني يا سيف
سيف بتنهيده تمام دي ملهاش علاقه باني اخوكي الكبير وانتي عايزة تتكلمي فا لازم اسمعك
زينب بدموع بس انا عايزه اخويا نفسه مش عايزة حاجه تاني ومش عايزاك تكون زعلان مني انت عارف غلاوتك عندي قد ايه
سيف بتنهيده اظن ان سبق وخليتك تختاري قدام الكل يانا يا اسر وانتي اختارتي فخلاص يا زينب مالوش لازمه الكلام ده واكيد ده مالوش علاقه بانك اختي الصغيره واني هفضل جمبك وفي ضهرك طول العمر
زينب بدموع هونت عليك تقول كده ???
سيف بص للارض زعلان من دموعها وتنهد بعمق وتابع مانتي هونت عليكي تكسري كلمتي وتمشي بدماغك قولتلك ده مينفعكيش مش راضيه تقتنعي وبتدمري حياتك
زينب بدموع وحياتك عندي الموضوع مش زي ما انت فاهم
سيف فكر يضغط عليها يمكن تتكلم فاكمل هو مفيهوش حاجه تتفهم اصلااا كل حاجه واضحه طلبت منك توضيح مره واتنين سكتي قولتلك مهددك قولتي لا فخلاص بقى اعملك ايه
زينب كانت قلقانه على عمر وعايزة تطمن عليه فاكملت بتردد هتفهم يا سيف بس مش وقته حقيقي انا مش قادره اتكلم وتعبانه اوي وبعدين صحيح هو فين عمر انت قابلته ???
سيف برفعه حاجب اه قابلته مالك بيه ??
زينب بتوتر من نظرته لا اصل استغربت انه لسه مجاش و
سيف بمقاطعه لا متقلقيش خليكي في حالك وعمر زي الفل في مشوار مع صاحبه وجاي واصلا عرفتي منين اني قابلته ??
زينب لعنت نفسها انها اتكلمت واكملت بتوتر هاا
سيف بحده بقول عرفتي منين اني قابلته ايه صعبه ???
زينب بتوتر ايه ااه اصل هو كان نازل فماما بتساله رايح فين قالها هشوف سيف رايح معاه مشوار بس
سيف اممم طيب علشان عايز انام خلصتي اللي جايه تقوليه ولا لسه
زينب بحزن هتحضر الفرح ولا لا يا سيف
سيف وهو بيستفزها علشان تتكلم وتدرك انها خسرته فعلا اكمل بتنهيده: على حسب والله.... الله واعلم سيبيها لوقتها
زينب بحزن للدرجه دي ??!!! حتي لو ضد جوازي وصلت بيك تخليني من غيرك في يوم زي ده وانت في البلد !!!!
سيف بتنهيده بصي يا زينب انا مبعرفش اكون منافق وانتي عارفه حاجه زي كده فمقدرش اقف اشارك في حاجه انا مش عايزها ورافضها وشايف فشلها من بعيد وانا مكاني هنا مقدرش اقف اطبل زيهم واشجعك على الغلط
زينب بوجع ودموع تمام تمام عادي ولا يهمك يا حضره الرائد كأنك جيت
سيف بحده انتي ليه مصممه تكملي رغم انا وانتي عارفين بتحبي مين كويس اوي
زينب بدموع لا انا مبحبش حد ولو انت فاكر اني بحب حد تاني غير اللي هيبقى جوزي تبقى غلطان
سيف بحده هسالك لتاني مره واخر مره بتحبي عمر يا زينب ????
زينب بصتله بتوتر واكملت لا مبحبوش و
سيف بمقاطعه وبحده متاكده ???
زينب بتوتر اه متاكده
سيف مسك دراعها ووجه وشها ليه وتابع عينك في عيني كده وقوليلي انك مبتحبيهوش
زينب الدموع اتجمعت في عينيها وغمضتها فعيطت وتابعت مش بحبه يا سيف ارجوك متضغطش عليا كفايه
سيف بحده بطلي كدب انا مش عبيط ومش مصدقك وعارف انك بتحبيه زي ماهو بيحبك ومتاكد ان اسر اجبرك تتجوزيه والسبب عمر بس ازاي كل ده حصل انا مش قادر اجمع ففهميني في ايه
زينب اتصدمت من تفكير اخوها وذكائه بس خافت تتكلم عمر يبهدلها فقالت تاخد رايه الاول فتنهدت بحزن واكملت انا مش فاهمه انت بتجيب الكلام ده منين كل ده علشان وافقت بواحد انت مش عايزه عموما يا سيف .... دموعها نزلت وتابعت انا بقول عنك ابويا واخويا وصاحبي وكل دنيتي فمتوقعتش مهما انا وانت نختلف في الراي انك تسبني لوحدي في يوم زي ده بس انت وضميرك لو زينب هانت عليك متجيش
سيف بحده متقلبيش الترابيزه يازينب انا سبق وخيارتك وانتي اختارتي وانا اللي زعلان اصلا فبلاش الكلام ده احسن وشغل انك تمسكيني من ايدي اللي واجعاني علشان عمرك ماهونتي عليا لان انا فعلا مش هحضر فرحك انتي واسر مستحيل
زينب بعياط بس انا لا مقدرش اخسرك يا سيف انت عارف معزتك عندي قد ايه بس والله
سيف بمقاطعه لا انتي قدرتي تخسريني وانا معرفش حاجه يا زينب وطلبت منك تفهميني صممتي تسكتي فخلاص... انا كل اللي اعرفه وسمعته وشوفته بعيني انك اختارتي اسر عليا قدام الكل فسيبك من الكلام ده مبيأكلش عيش
زينب اتوجعت اوي من كلامه ازاي خسرت اخوها اللي بتشوفه كل حاجه ليها صعبان عليها كلامه وانها حسسته بكده وكسرته وكسرت كلمته هو وحسام قدام الكل بس هي بردو غصب عنها وخايفه تتكلم وتحكيله لازم تاخد راي عمر الاول فاكملت بدموع تمام يا سيف عن اذنك وخرجت وقفلت الباب
سيف ضرب الكرسي برجله وقعه واكمل بحده انسانه متخلفه اضغط عليها ايه اكتر من كده علشان تقولي ابن الكلب ده عمل ايه ..ماشي يا زينب ماشي انا كده مش هستفيد منك بحاجه الحل عمر يجي واكلمه دوغري كفايه بقى سكوت وهروب لازم فرحك انتي واسر ميتمش حتى لو على موتي
---------------------------------------------
في القسم عند حسام
حسام قاعد بيراجع ورق في القضيه اللي شغال عليها وفونها رن فمسكه ورد
حسام ايه يحبيبتي معاكي وحط الفون تحت ودنه وكمل تقليب في الورق
امنيه انت مالك مختفي ليه بقالك فتره يا حسام
حسام بتنهيده والله يا امنيه غصب عني الشغل هادد حيلي والواحد مخنوق اوي وجايب اخره
امنيه طب شاركني بدل ما انت ساكت كده اصل احنا مخطوبين وبتكلمني بلعافيه لما نتجوز هيحصل ايه
حسام بتنهيده امنيه انتي بتتلككي وعايزة نكد يعني ولا ايه ???
امنيه بتنهيده لا مبنكدش بس حاسه ان الخطوبه زيها زي قلتها انا ليا حق عليك زي شغلك مش معقول هفضل انا اطمن عليك وانت متكلفش خاطرك تكملني
حسام بحده بقولك مضغوط والشغل هادد حيلي وفي حورات في البيت وحاجه اخر قرف قدري ده شويه مش مهم مين فينا يتكلم المهم بنطمن على بعض انا بجد مش فايق للهرمونات دي
امنيه هرمونات ااه طب سلام يا حسام
حسام نفخ بضيق واكمل امنيه والله غصب عني ومضغوط قدري ده شويه بس يحبيبتي غير زينب اللي هتتجوز دي واحد مش داخل دماغي بجنيه وحاجه بجد اخر قرف
امنيه بستغراب هي زينب هتتجوز اصلا
حسام بتنهيده اه ووقفت قصادها وبردو مهمهاش وهتتجوزه براحتها انا حقيقي تعبت وهي مش عامله لكلمتي انا واخوها احترام
امنيه طب يحبيبي ما يمكن انت معترض عليه انما هو كويس وبيحبها متقفش قدام سعادتها
حسام لا يا امنيه مش كويس وهي كانت رافضه بعدين رضيت وصممت وفي حاجه مش مظبوطه في الحوار ده مش عارف افهمها بس انا نبهتها وعملت اللي عليا وخلاص
امنيه والله لو مكنش بابا تعب زي مانت عارف ومحجوز هنا في المستشفى كنت جيتلكم وقعدت معاها افهم دماغها واصله لفين ناحيه العريس ده بس غصب عني والله
حسام لا وانتي مين قالك اصلا اني هوافق ادخلك في الموضوع ده لا ملناش دعوه علشان متطلعيش انتي وحشه وبتخربي الدنيا واذا كنت انا مش رايح افراح حد انتي تتكلمي ليه
امنيه بصدمه حد مين يا حسام !!! دي اختك انت بتهزر صح اكيد مش خلافك على رايها يخليك متكونش معاها في يوم زي ده
حسام لا انا فعلا مش رايح ورايا قضيه صعبه بشتغل عليها وبكره وبعده عندي اليوم كله تحقيق علشان عايز اخلص فانا مش رايح ولا جاي كبري دماغك وسيف نفس الكلام
امنيه بصدمه لاالا يحبيبي مينفعش روح انت واخوك و اقفوا جمب اختكم مينفعش تسبوها في يوم زي ده لوحدها اه نبهتوها بس هي مصممه خلاص براحتها انما مينفعش متروحوش الناس تقول ايه يعني اخواتها ماجوش ميصحش خالص بجد
حسام بتنهيده حزينه : امنيه انا قولت مش رايح يعني مش رايح ومش هغير رايي فعلشان خاطري قفلي على الموضوع ده لان لما بتكلم فيه بحس بلعجز
امنيه بحزن ليه بتقول كده
حسام بتنهيده اختي الوحيده بتدمر حياتها ومش عارف افهم ليه بتعمل كده ولا بايدي اوقفها وكله ضددي انا وسيف ففكره اني عارف هيحصلها ايه وهتشوف ايه بعدين مع اسر دي بتوجعني لما بلاقي اني مش هعرف اوقف الفرح وتنهد بعمق وتابع انا واخوها ملناش غيرها هي البنت اللي في بيتنا ومحلياه وعملاله حس ومبنقدرش نشوف فيها حاجه وحشه ومدلعينها .... زينب والله هتطفي وهتموت نفسها بلجوازة دي ومش راضيه تسمع كلامنا فمستحيل اشاركها في اللي بتعملوا ده علشان متفكرش اني رضيت 1% بجوازها
امنيه بحزن حقك عليا بجد يحبيبي يارب الفرح يقف وترجع لصوابها وتعرف انها غلطانه بجد
حسام بتنهيده اتمنى حقيقي ..المهم حقك عليا متزعليش مني اني اتعصبت عليكي انا اعصابي تعبانه شويه بجد يا امنيه بس انتي ملكيش ذمب
امنيه بحب لا يحبيبي خلاص ولا يهمك مقدره ده وكنت عارفه اني هواجهه في اي وقت كتر الف خيرك شغلك صعب لوحده وكمان والوضع في البيت مش سهل
حسام بحب تسلميلي ياعمري وبلنسبه لانك بتتصلي علطول وانا بتلهي في الشغل فحقيقي مقصدش عارف مقصر معاكي جامد استحملي بس معايا اخلص القضيه دي حقك عليا هانت خلاص
امنيه بحب خلاص يحبيبي محصلش حاجه فعلا انا لو بعاتبك فعلشان والله مش عايزه ابقي شايله منك انما فهمت قصدك ومش زعلانه والله خلاص
حسام بحب عارف والله المهم ها هتيجي امتى كده وعمو اخباره ايه
امنيه بحب الحمدلله احسن هنرجع بس بابا يتحسن شويه
حسام بحب تيجي بالف سلامه يارب .. واحشاني اوي بجد
امنيه ابتسمت واكملت بحب وانت اكتر والله
حسام بحب يلا بقي انجزي علشان اخرجك حته خروجه تحلفي بيها هخلي اليوم كله ليكي مش هروح القسم يوميها
امنيه بضحك بتصالحني بقى وكده
حسام بضحك اه حاجه زي كده اعتذار مني عن الاهمال الفتره اللي فاتت دي كلها
امنيه بحب خلاص ماشي اتفقنا
حسام بحب ماشي ياعمري هخلص انا شغل واكلمك بليل ها
امنيه بحب ماشي مستنيه ربنا معاك
حسام بحب تسلميلي يا غاليه وسلميلي على عمو وماما سميه وقوليله الف سلامه عليه وربنا يطمنا عليه باذن الله
امنيه بحب يوصل من عيني يلا يحبيبي باي
حسام بحب باي
ورجع يشوف شغله تاني بتعب واضح واجهاد شديد
----------------------------------------------
في العياده مازن مع احمد علشان يكشف عليه
مازن بقلق ها طمني يا دكتور
الدكتور وهو بيقعد على مكتبه اكمل بتنهيده هو بقاله قد ايه ماشي على الدوا الجديد ده
احمد قام من على السرير وقعد على الكرسي اللي قدام مازن واكمل يعني حوالي شهرين
مازن بقلق ليه يا دكتور هو في حاجه ولا ايه ??
الدكتور لالا مفيش حاجه بس ده دوا ضعيف شويه في احسن منه بكتير علشان كده مستغرب الدكتور اللي كتبه وده بيفسر تعبه الفتره اللي فاتت بلشكل ده
مازن بتنهيده طب بلنسبه للكشف ايه الدنيا حضرتك انا بردو مش فاهم
الدكتور بتنهيده بص يا مازن انا مش هكدب عليك وهتكلم قدامك وقدامه علشان تبقوا عاملين حسابكم ان اهم حاجه الفتره الجايه راحته بلاش مجهود كبير مش هيتسحمله ومنعرفش المضعافات هتوصل لحد فين وبلاش ضغط نفسي عليه او اي زعل وبلاش اكل من برا البيت والمشروبات الغازيه والاملاح والسكريات خلينا في الحاجات المفيده بس زي الفواكه والخضروات والكلام ده لان الادويه اللي كان بياخدها دي زي مسكنات ضعيفه فعلشان كده كان بيتعب فاحنا يعتبر هنعيد من الاول ادويه واكل وباذن الله هيبقى زي الفل و اي تطور في الحاله تكلموني
مازن بحزن تمام يا دكتور تعبنا حضرتك وقام وقف سلم عليه
الدكتور لا ولا اي حاجه ده شغلي سلامتك يا احمد
احمد بتنهيده الله يسلمك وخرج
مازن تنهد بعمق فاكمل الدكتور بلاش تسيبه لدماغه لان هيفضل يفكر في حاجات تتعبه اكتر وانا قولتلك اهم حاجه نفسيته وميعملش مجهود علشان منضمنش ممكن نوصل لفين وحالته تدهور ازاي ... حقيقي مش عارف اقول ايه ربنا يسامح الدكتور اللي قبلي بوظ كل حاجه عملناها وخلانا في وضع ان اي ضغط عليه من اي نوع خطر وهنضطر نعيد من الاول ونشوف الحاله بتستجيب للادويه الجديده اللي كتبتهاله ازاي بس عموما تجنب اي حاجه تتعب نفسيته ده مهم جدا يا مازن
مازن بحزن ربنا يتدخل حاضر يا دكتور هعمل كل اللي اقدر عليه والله علشان مخليهوش تعبان نفسيا ولا جسديا
الدكتور انا واثق من حاجه زي كده وعارف انت بتحب اخوك قد ايه ربنا ميحرمكوش من بعض
مازن بتنهيده حزينه احمد ابني مش اخويا بس وقلبي واجعني وانا شايفه كده انا مستعد اعمل علشانه اي حاجه حتي لو هديله قلبي يعيش بيه بس حقيقي مقدرش اشوف فيه حاجه وحشه بتعب لتعبه اوي وحاسس بعجز بيموتني بلبطيئ وانا مش عارف اعمله حاجه تخليه بخير علطول
الدكتور بحزن بعد الشر عليكم انتوا الاتنين يابني ربنا يديمكم سند لبعض واحنا بنعمل اللي علينا والباقي بتاع ربنا خلي املك في ربنا كبير
مازن بابتسامه ونعم بالله يلا همشي انا عايز حاجه
الدكتور بحب سلامتك يا ابني اي جديد بلغني
مازن بحب تمام يا دكتور تسلم
ونزل فتح باب عربيته وركب علشان يسوق واحمد جمبه بس كان باصص للشباك وسرحان
مازن بنكش علشان عايز يضحكه ويخرجه من المود اكمل : ايه قالتلك خلينا اخوات ولا ايه
احمد بتنهيده مفيش حد اصلا علشان يقولي كده ريح دماغك
مازن بحب طيب ماتجرب يبقى فيه واهو تفرفش شويه بدل الحزن اللي انت فيه ده يا فقري
احمد بسخريه وهما البنات اللي هيخلوني نفسيتي تمام والنبي اسكت انا مش ناقص قرف ونكد
مازن بضحك انت من كتر ما خربتها زمان وانت صغير جاتلك عقده دلوقتي فاكر ياض يا احمد لما كنت بتكلم بلتلاته والاربعه واعرف ابهدلك واهددك اعرف جدك وابوك
احمد ضحك غصب عنه واكمل بابتسامه ااه يالهوي على اللي كنت بعمله بس كنا عيال بقى دلوقتي كبرنا يا مازن
مازن بضحك عيال مين ياعم صلي على النبي في قلبك ده انت كنت راجل بس على صغير وعندك 14 و 15 سنه وواعدهم كلهم بلجواز يا قادر
احمد فضل يضحك واكمل يعلم ربنا يابني ببقي قاعد في حالي الاقي دي بعتتلي ودي بعتتلي اقول للنعمه لا يعني
مازن بضحك مانت حيوان متربتش ابقي انا طالع عين اهلي في الشغل واجي ادخل اوضتك على اساس بتذاكر الاقيك حاطط الكتاب قدام الفون وتشوفني تسيب الفون بسرعه على اساس مخدتش بالي وكنت بشد الفون منك اشوف المعاكسات والكلام اللي بينكم وابهدلك لالا عقلت فعلا كنت بتاع بنات اوي بجد وفضل يضحك
احمد بضحك ماخلاص بقى يا عم مازن هي ذله ولا ايه وبعدين ده انت رغم كل ده متعرفش حاجه ده البت شهد عارفاهم واحده واحده بقصتها
مازن فضل يضحك واكمل والله انت متربتش وهي زيك علشان بتداري عليك
احمد بضحك جدعه مش زيك
مازن بضحك لا انا ميعديش عليا الغلط يا حيوان وانت كنت عاملنا فيها توم كروز عصرك وكل شويه الاقي بنت شكل منزله استيت رومانسي وحاطه منشن باسمك وحاجه اخر قله ادب لالا مكناش عيال احنا على اللي انت والبنات بتوعك ورتهوني ده ...ده انا يا كبير اتكسف اعمل كده
احمد فضل يضحك واكمل منهم لله بنات بجد كنت بقولهم محدش يحط اسمي علشان كل ما واحده فيكم تعملي منشن باخد علقه من مازن بس بردو كانوا بيعملوا وتنهد بعمق وهو بيبتسم واكمل بضحك والله يا جدع كنت شقي ومشوفتش ربايه اه بس مكنتش شايل هم حاجه زي دلوقتي تقدم العمر ده طلع ابشع حاجه بجد لان مفيش احلى من الوقت اللي بتعيشه مش فاهم حاجه من غير اي ضغوط او مسئوليات
مازن بضحك بس لو سمعت كلام اخوك وشوفت حته طريه كله هيهون والله
احمد بضحك على ضمانتك يعني ??
مازن بضحك عيب عليك متراجعش ورايا
احمد بضحك بالله انا نفسي اتسدت خلاص خلصت طاقتي وانا صغير بس وماله نشوف يمكن تهون صح زي مابتقول
مازن بصله ومد ايديه قرب راسه منه وباسها وتابع بحب يارب يفرحني بيك واشوفك سعيد ومرتاح البال يحبيبي
احمد بحب ربنا ميحرمنيش منك ابدا يا غالي دايما تاعبك معايا كده
مازن بحب بس يعبيط ده انت عيني متغلاش عليك ده انت ابني الاول يا احمد وعارف غلاوتك عندي وضحك وتابع وبسبب خلفتك السودا دي دخلتني الجيش وبردو بحبك هتهزر ولا ايه متقوليش تعبتك دي تاني انا بتعب من زمان علشانكم ولسه مستعد اتعب االعمر كله بس اشوفك انت واختك بخير ودي بنسبالي بلدنيا كلها
احمد بحب ربنا يديمك ليا بجد يا غالي حقيقي طول مانت في الدنيا احنا قد الدنيا عمرك ماسبتني انا ونور في اي حاجه ودايما اول حد يدعمنا
مازن بحب ويديمكم ليا يحبيبي وده واجبي تجاهكم مش انجاز يذكر وهفضل كده العمر كله .. وصحيح قدام اي حد انت زي الفل والادويه بس هنزود حاجات انما مفيش اي حاجه هااا مش عايزين قلق
احمد بتنهيده تمام متقلقش
مازن بحب انت اللي متقلقش مفيش اي حاجه تخوفك ناس كتير عايشه كده انت مش تعبان ولا حاجه اعتبرها فيتامينات هتاخدها علشان تدعم صحتك مش اكتر
احمد بابتسامه ماشي يحبيبي حاضر والله
مازن بحب وعايز اهتمام يا احمد لو هتنسي انا هف
احمد بمقاطعه لالا متقلقش والله هفتكر وههتم متخافش
مازن بحب تمام يحبيبي وربنا يطمني عليك يارب ومشوفش فيك الا كل خير واي حاجه تضايقك او تفكر فيها قولي علطول متسبش دماغك تسوحك وتتعبك
احمد بابتسامه حاضر وبص شويه لقدام وتابع مش ده قاسم اللي قاعد على القهوه
مازن بتركيز بص واكمل بابتسامه اه هو تعالى نركن ونقعد شويه معاه مخنوق مش عايز اروح
احمد بابتسامه ده اشطا جدا يلا
وبلفعل ركنوا ونزلوا
قاسم بضحك ايه ده نسايبي الغالين ايه كنتوا فين
مازن شد الكرسي وقعد واكمل مش قايلك هنروح للدكتور انهارده
قاسم اه صحيح حقك عليا دماغي مقلوبه ومن الصبح بعمل حاجات في الشقه مع الشركه خلاص دماغي بجد هتنفجر المهم الدكتور قالكم ايه
احمد الحمدلله زود بس شويه ادويه مفيش حاجه يعني بس شقه ايه اللي بتعملها شقتك ???
قاسم اه شويه حاجات نور بعتتهالي فقولت اخلص منها اول باول
مازن من دلوقتي يابني ما لسه بدري على فرحكم
قاسم بتنهيده والنبي تسكت لحسن انت مش عارف حاجه خالص ده انا كده وندمان اني مبدائتش تجهيز شقتي من تالته ابتدائي
احمد فضل يضحك واكمل يخربيت اهلك مش للدرجه دي يعني
مازن ايه الحاجه غاليه صح ??
قاسم بتنهيده غاليه ??? والنبي تقعد ساكت دي مولعه الواحد عايز اثار علشان يعرف يتجوز اه والله
احمد بتنهيده معلش هتعمل ايه يا قاسم هو فعلا الزمن اللي احنا عايشين فيه ده الحلال صعب وغالي
قاسم بتنهيده اه والله الحمدلله على كل حال
مازن بتنهيده بتشيلو الواحد الهم والله اكتر ماهو شايله
قاسم بابتسامه سيبها لربك هيدبرها انت بس تبدا تاخد خطوه وهو بيبارك ويكمل
مازن بتنهيده يارب يابني والله
احمد ده حقيقي فعلا الموضوع مش سهل الله المستعان بجد
قاسم يارب يابني بجد انا عايز اقولك انا مبختارش دماغي بجد مش فيا اللي نور بتبعته حاضر يحبيبتي هعملهولك واقوم اشوف هيكلف كام لومعايا بخلص علطول اول باول مش معايا بجمع فلوسه واعمله كده كده هي اللي هتقعد فيها اكتر مني وتروق وتطبخ فتعملها بمزاجها
احمد ايوة عندك حق وعلى كده قربت تخلص ولا لسه
قاسم بضحك بس يااحمد علشان مضيعش كاريزمتي كاراجل محترم وليه شخصيته واقعد اعيط دلوقتي
مازن فضل يضحك واكمل مش عايز تتجوز البس هو الدلع بلساهل كده
قاسم بضحك طب اعمل ايه بحبها طيب مفيش طريقه غير كده للاسف
مازن بضحك ده كده كده يحيوان
قاسم بضحك ياعم هو انا نطقت منا بتهان في التجهيز اهو وساكت بعدين بص قدامه وتابع بضحك ياض يا احمد
احمد بضحك شوفتها
مازن بستغراب هي مين
قاسم بضحك هشش اركن انت خلاص مانت مشوفتش استغفر الله العظيم يارب بجد
احمد بضحك يا جدع بس اسكت ماصدقنا توبنا الى الله وعقلنا استغفر الله
مازن انتوا بتتكلموا عن بنت يحيوان منك ليه ???
قاسم بضحك بنت ايه بس دي يتقال عنها ايه ياض يا احمد دي ????
احمد بضحك لا مش عارف بس كلمه بنت دي ظلمااها فعلا حاسس انها كلمه رقيقه على اللي عدت دي ممكن تتسمى دبابه
قاسم فضل يضحك بشده فاكمل مازن بضحك والله انت وهو مشوفتوش ربااايه اسااسا
قاسم بضحك هشش هتعملنا فيها مفيش من اخلاقك اتنين علشان مشوفتش ومديها ضهرك
مازن بضحك لا طبعا مش علشان كده علشان بلفعل انتوا متربتوش وانا هعرف نور وبص لاحمد وتابع بضحك يحيوان بدل ما تديه علقه تطاوعه في الكلام ده جوز اختك ده
احمد بضحك متظلمش الراجل هي اللي عدت فعلا احنا قولنالها امشي كده ولا ايه
قاسم بضحك طب والله فعلا مش حكايه بصينا انت مدي الشارع ضهرك انما لو قاعد عادي زينا كنت شوفتها واحده معديه قدامنا لابسه لبس مينفعش يتلبس هنا وماشيه عادي الطبيعي ان لفتت النظر بس مستغرابينها ازاي ماشيه كده مش اكتر مش بنعاكسها يعني
احمد بضحك اه ده حقيقي بيتكلم جد انما لو مثلا هو باصص قصد دي فيها كلام تاني انما بنقولك البت عدت قدامنا يعني اجباري شوفناها
مازن بضحك لا ياجدع المفروض اني كده اقتنعت يعني ده لو معرفتش نور بحق
قاسم بضحك قسما بالله ورحمه امي البت اللي عدت فعلا قدام القهوه واستغربتها مش اكتر وبعد كده لو حد عدى هعمي عيني خالص بس اسكت الله يرضي عنك
احمد بضحك بعدين صحيح يا حيوان اختي احلى منها 100 مره اه انيميا وضعيفه ودي دبابه بس بردو اختي احلى فانت قاصد مش قاصد ليله اهلك سودا
مازن فضل يضحك هو وقاسم بشده فاكمل مازن من بين ضحكه : لا ياااراجل دلوقتي استوعبت انه جوز اختك
احمد بضحك تركيزي كان ضايع معلش
قاسم فضل يضحك وضرب كفه في كف مازن اللي عمال يضحك زيه وهز راسه بيأس واكمل بضحك والله العظيم حقيقي ما اتربيتوا اساسا ده انا هعرف الانيميا لما اروح
احمد بضحك ياعم اسكت دي بتعيط لوحدها اساسا تعرفها ايه بس اسكت حفاظا على نفسيه البت لان هي لو شافتها معانا هتدفن نفسها بلحيا
قاسم بضحك بس يحيوان نور ست البنات بعدين يا مازن عيب عليك انت عارف صاحبك انا بغض بصري بس اقسم بالله هي اللي عدت صحيح وصدمتنا بلفستان مش اكتر انما نور مفيش ولا هيكون في منها اسااسا
مازن بضحك مثل مثل علشان تثبتني ومقولهاش
قاسم بضحك لا عيب عليك ده انا صاحبك عشره عمرك ولو انا كده اكيد مكونتش هتوافق تجوزهاني
مازن بضحك عارف طبعا بس بعيظك ياض عيب عليك هو اانا عارفك امبارح
قاسم بضحك ايوه خليك سالك كده مش ناقص نكد
احمد بضحك هي ال 155 سم دي بتعمل نكد
قاسم بضحك يوووه اسكت يا احمد والنبي رغم انك مقطع السمكه وديلها زمان بس بردو محفظتش البنات
احمد بضحك يابا انا تعبان وصحتي على قدي اللي تنكد نشوف غيرها هو انا ناقص
مازن بضحك متهيالك لو بتحبها هتعمل اي حاجه علشان تراضيها وهتستحمل نكدها ده
احمد منا علشان كده هخطب صالونات منا مايبقي في حب يبقى قربنا نتجوز وفتره الخطوبه كلها تبقى هاديه كده وبتعرفني اكتر
قاسم بضحك ده مش عايز وجع دماغ لعبها صح
مازن بضحك ان جيتو للحق يونس وسيف هما اللي لعبوها صح فينا كلنا اسااسا
قاسم بضحك كارفين للصنف
احمد بضحك او الحب مبهدلهم ايهما اقرب
مازن بضحك تصدق ياض يا احمد اول مره تقول حاجه صح والله هو محدش هيتقفل كده غير لما يكون اتبهدل منهم ده حقيقي
قاسم بضحك طب والله الواحد يحمد ربنا على ام 155 سم دي غلبانه والله وطيبه لسانها مترين اه بس بتعصب عليها بتعيط في ثانيه
مازن بضحك هو انت كده كده لازم تحمد ربنا على اختي بس بتعمل ايه يحيوان بتتعصب علي مين ???
قاسم بضحك لما بتبقي غلطانه وبردو بصالحها في الاخر اقسم بالله متقلقش يعني مبتهونش عليا
مازن بضحك ايوه كده اظبط
قاسم يعني كلمتني انهارده عايزه تلبس دريس وحش اوي يوم فرح زينب قولتلها نور انا مش عايز اتعصب عليكي و ... لسه مكملتش قالتلي خلاص خلاص هغيره يا قاسم سلام قولتلها سلام ياحبيبتي قطمت علطول مبقيتش زي الاول
احمد بضحك اتعودت بقى وحفظتك خلاص
قاسم بضحك بلظبط كده ودي اكتر حاجه بتعجبني فيها
مازن ياعم قاسم انت مربي نور على ايدك بردو فخلاص بقي عارفين دماغ بعض
قاسم اه حرفيا دي احسن حاجه انك تاخد واحده كبرت قدامك فانت عارفها وحافظها اكتر من نفسها وبتعرف تحتوي اي موقف بينكم فا الزعل مش بيطول
مازن بحب ربنا يديمكم لبعض يا غالي ونفرح بيكم
قاسم بحب يارب يحبيبي تسلم
وفون احمد رن
احمد ثواني يجماعه وقام وقف قدام شويه ورد وتابع ايه يا شهوده عامله ايه
شهد بفرح الحمدلله انا اتصلت اقولك درجه شامل الفيزيا زي ما طلبت مني
احمد اه طمنيني جبتي كام
شهد بفرح 58 من 60 والمستر هيكرمني
احمد بفرح ايه الشطاره دي برافو عليكي عااش بجد يا دكتورتنا
شهد بحب ميرسي يا احمد تشجيعك ليا انت ويونس وسيف حقيقي فرق معايا جدا بجد
احمد بحب يحبيبتي احنا جمبك علطول للاخر لحد ما باذن الله تفرحينا بمجموعك وليكي عندي الشكولاتيه اللي بتحبيها هجبهالك وانا جاي علشان الخبر الحلو ده
شهد بفرح وحماس يحبيبي يخليك ليا يارب ثم ادركت كلامها فضربت ايديها علي دماغها وتابعت بحرج حقيقي شكرا تسلملي يا احمد
احمد ضحك واكمل بحب العفو ياست البنات يلا هقفل معاكي انا قاعد مع الشباب على القهوه و وانا راجع هجبهالك
شهد بحب تمام ماشي بس طمني الدكتور قالك ايه
احمد بتنهيده كل خير الحمدلله كويس هيزود بس شويه ادويه
شهد بقلق ليه في ايه مالها ادويتك الاولى
احمد بجب مملهاش متقلقيش بس علشان كنت بحس بشويه ارهاق دي فيتامينات تمنع الاحساس ده انا كويس الحمدلله
شهد تنهدت بارتياح واكملت الحمدلله يارب ماشي خلي بالك من نفسك
احمد بحب حاضر يلا عايزه حاجه
شهد بحب سلامتك وضحكت وتابعت والشكولاته طبعا
احمد بضحك عيوني حاضر يلا باي
شهد بحب باي
وراح قعد مع الرجاله واكمل كنا بنقول ايه
مازن روح اطلبلي قهوه بس الله يخليك علشان مصدع اوي وليك انت وقاسم شاي وتعالى نقول
احمد بضحك استغلال ده بس اشطا عيوني
مازن بضحك تسلملي عيونك يا غالي
----------------------------------------------
في اوضه يونس قاعد في البلكونه وقدامه ترابيزه حاطط عليها اللاب وشغال وسمع باب اوضته بيخبط فاكمل ادخل
نور دخلت واكملت بحماس ابيه فاضي اوريك حاجه
يونس ابتسم وتابع تعالي يحبيبتي اقعدي وريني
نور قعدت جمبه وحطت الورق قدامه واكملت البحث بتاعي اهو صورته لدكتور رافت واعتذرتله وقولتله اني هسلمه بكره وهو قراه واعجب بيه جداا بص قالي ايه ووريته المسدج وكان مضمونها (( عاش بجد يا نور هايل متوقعتش منك كده استمري ))
يونس ابتسم بفرح واكمل ايه الشطاره دي كلها وريني كده البحث
نور بفرح اهو امسك
يونس مسكه وشغل الاباجوره اللي جمبه وبدا يقراه بتركيز وبيجي عند نقط معينه يبتسم باعجاب بللي كتباه
ونور قاعده جمبه ساكته ومتوتره من رايه واستنيته لحد ماخلص
نور بابتسامه وتوتر ها ايه رايك
يونس سقفلها بفخر واكمل بفرح ده ايه الشطاره والحلاوه دي كلها اهو هو ده الكلام اللي يفتح النفس بجد
نور بفرح بجد عجبك ???
يونس باعجاب وهو بيبص للفايل وبيقفله اكمل بجد كلمه هايل بتاعت دكتور رافت قليله اوي على المجهود اللي انتي عملاه ده كله ..... حقيقي يجي منك و اوي كمان كنت صح لما وثقت فيكي وقولتلك خليني افتخر بيكي يانور انتي شاطره وفعلا عندي حق
نور حضنته واكملت بفرح بجد بحبك اوي يا ابيه شكرا انك واقف جمبي كده وبتدعمني وحقيقي كلامك خلاني راجعت نفسي كتير وروحت عيدت البحث وزودت عليها مصادر تانيه وتعبت فيه جداا ولما خلصته بعته لدكتور رافت وجيت وريتهولك
يونس طبطب عليها وابتسم واكمل وانا بحبك اكتر ولما اتعصبت عليكي كان علشاان خايف عليكي انتي عارفه انا بعزك ازاي ويعصب عليا ان الاقي رافت ولا غيره يعدل على نور لا انا عارف نور شاطره ازااي فا اقولها كلمتين يفوقوها
نور بحب حقيقي فعلا خدت كلامك ليا حافز اني اوريك اني فعلا شاطره والحمدلله عجبكم نشكر ربنا
يونس بحب الحمدلله وانا والله عارف انك شاطره عايزه استمراريه بقى
نور بفرح ده من عيوني
يونس بحب تسلملي عيونك
نور بتاخد الفايل لمحت انه جايب من فوق في اللاب اغنيه على عيني لاحمد كامل فاكملت بابتسامه ده يبختها بقى
يونس بستغراب هي مين
نور بغمز اللي مشغل بسببها اغنيه معناها ان صعبان عليك انكم مش سوا وان كل ماتحاول تنساها تحبها تاني من اول وجديد ووجعك مش راضي يروح زي ماقال احمد كامل فيها غيابك مش وجع هيروح ده شوك ماشي في شراييني حقيقي نادر ان حد يحب بلشكل ده دلوقتي
يونس بتنهيده بس صدقيني مش كل الناس تستحق الحب ده او بيكون للشخص الصح احيانا الصح انك ترمي كل حاجه ورا ضهرك ومتحاوليش تاني اه مشاعري دي غصب عني فانا كاتمها جواايا وساكت انما مش هعمل حاجه تحسسني قدام نفسي اني قليل ابداا ودي اقدر اتحكم فيها انما مقدرش اتحكم في مشاعري بس تأديب اظهارها عادي بعرف واتعودت
نور بحزن طب ماتحاول ترجعوا لبعض يا ابيه
يونس تنهد بعمق وتابع مبقاش ينفع خلاص هي اختارت حد تاني تقدري تقولي قربت تتجوز وهحضر كتب كتابها كمان علشان عزمتني
نور بصدمه هتتجوز !!!!
يونس بتنهيده امممم ربنا يسعدها ويهنيها ده مش موضوعي
نور دموعها نزلت علشانه واكملت طب وانت! !??? قلبك ده م
يونس بمقاطعه انا متحبتش يا نور وقلبي مات متشيليش همي انا فعلا بقيت عايش كده نفس طالع داخل ولشغلي وبس انما حب انا تقبلت النصيب والواقع اللي وراني انها مش ليا
نور بدموع لا الكلام سهل انت اكيد من جوه مش كويس يا ابيه هي ازاي محبتكش بجد هي تطول
يونس بتنهيده علشان الحب مش بايدينا ومش معنى اني صادق في حبي فا ده يخلي الطرف التاني يبادلني
نور بدموع بس ده ظلم ليك بجد الحياه مش عادله و
يونس رفع ايديه سكتها واكمل لا منقولش كده لان الحب بيجي من عند ربنا سبحان الله يهب القلوب لمن يشاء فاهو اراد ان يونس يمر بكل ده وانا راضي وقابل وبدعي يصبرني ويقويني على ابتلائي مش هقول ظلم لان ربنا اللي فوق الكل اراد كده فانا مين علشان اعترض
نور بدموع ماشي كلامك حلو والحمدلله ان ايمانك لسه متهزش بس بجد صعبه اوي يا ابيه تشوف بنت بتحبها في حضن غيرك انا مش عايزاك تعيش كده ومش عارفه اساعدك ازاي و
يونس غمض عينيه بوجع واكمل نور كفايه علشان خاطري
نور بدموع مش قصدي اجرحك حقك عليا والله
يونس وهو لسه مغمض اكمل عارف بس مش قادر حقيقي اتكلم
نور حضنته واكملت بدموع حقك عليا بجد انا اسفه مقصدش اضايقك مني لله
يونس ابتسم غصب عنه واكمل وهو بيطبطب عليها بس يعبيطه بعد الشر عليكي والله خلاص انا كويس متخافيش على اخوكي انا طول عمري بطولي في مشاكلي وقدها
نور بحب عارفه والله وفخوره بيك اوي يارب يطبطب على قلبك ويعمل اي حاجه ويجمعكم ويعوضك هدعيلك بكده
يونس بتنهيده عميقه صعب اوي بجد صعب لدرجه مبقتش مستني حاجه زي كده
نور بابتسامه مش صعبه على ربنا ولا ايمانك قل هنا
يونس افتكر كلام مامته لما قالتله انه يدعي ومش صعب على ربنا فا الدموع اتجمعت في عينيه وتابع بصوت موجوع لا اكيد ربنا يقدر بس انا ايماني متقبل اللي بيحصل مش بيطلب بأن يجمعني بيها لاني استبعدت الامر
نور بخوف مالك يا ابيه انت عايز تعيط انا قولتلك حاجه تاني حقك عليا
يونس ابتسم واكمل لا بلعكس انتي فكرتيني باغلى حد في حياتي الله يرحمها امي كانت تقولي كلامك ده
نور بدموع حقك عليا الله يرحمها يارب
يونس مسح دموعها واكمل خلاص بقى متبقيش عبيطه مش كل شويه حقك عليا انا مبزعلش منك وابتسم وتابع ادعيلي زي ماقولتي يمكن حاجه تتغير وزي ما الايه بتقول
{ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا }
نور بحب وانا رايي كده ووالله هدعيلك
يونس بحب تسلميلي يا نوري بجد
نور بحب ياغالي ده واجبي ..يلا هروح انا علشان انام عايز حاجه
يونس بحب سلامتك يحبيبتي تصبحي على خير
نور بحب وانت من اهله
وخرجت نور ورجع يونس يكمل شغله وبص للسما وتنهد بحزن وتابع واحشتيني اوي بجد يا امي
----------------------------------------------
بليل خالص قرب الفجر عند زينب كان الكل نام وهي واقفه في بلكونه اوضتها متوتره ان عمر لسه مجاش وماسكه الفون بترن ورايحه جايه في البلكونه واكملت بخوف: ياعمر رد بقى حرام عليك قلبي هيقف وبتبص من البلكونه لقيت تاكسي بيقف وهو بينزل منه فا رنت عليه تاني حاسب التاكسي ومسك فونه رد
عمر ايه يحبيبتي
زينب يا شيخ حبيبتك ايه ونيله ايه فينك كل ده الفجر قرب ياذن خلعت قلبي عليك
عمر بضحك اهدي طيب اهدي هفهمك كل حاجه بس حاليا حقيقي خلصان هطلع اتوضى ونصلي قيام الليل وهفهمك كل حاجه
زينب بقلق انا الحمدلله صليت طب ايه طمني دلوقتي علشان خاطري لقيت عليه حاجه ??
عمر بحب والله عارفك مش هتصبري بصي ياستي هفرحك خالد صاحبي نقيب في الداخليه ساعدني كتيير واصلا طلع ليه قرابه من بعيد مع سلمى سكرتيره اسر فاالدنيا خلاص شبه زي الفل معايا حاليا فلاشه عليها دليل انه تاجر في السلاح ودي كفايه اوي تسجنه ولما يتنيل يتقبض عليه خالد بقي يخليه يعترف على اللي عمله معايا بصي نهايه اسر قربت بجد خلاص ده طلع اوسخ من توقعاتنا ونحمد ربنا ان سلمى قريبه خالد لان لولاها مكناش فعلا وصلنا لحاجه الواد ده مش سهل فعلا ومش سايب وراه اي حاجه
زينب بفرح ودموع يا فرحه قلبي انت بتتكلم جد يا عمر ازغرط طيب ولا اعمل ايه ... ايه الحلاوه دييي صلاتي بتستجيب بسرعه اهوو الحمدلله يارب اشكرك
عمر بضحك طبعا بتكلم جد اجلي الزغروطه لبكره بقى وحقيقي لازم صلاتك تستجيب ايمانك كفيل يخليها تستجيب الحمدلله بجد يارب تكمل على خير
زينب بفرح والله حاسه هطير من فرحتي وان الكون كله مش سايعني من الفرح طب وسلمى دي مخافتش على نفسها منه ... واطلع فوق متقفش في الشارع مش ناقصين حد يشوفك ولا يسمعك
عمر وهو طالع على السلالم اكمل حاضر طالع اهو وبلنسبه لسلمى فاهي عايزة تسيب الشغل معاه من لما عرفت بلكلام ده كله وخافت منه جدا بس هو طبعا رفض وهددها لان عرف انها كشفته فلما عرفت من خالد انه بيجبر بنت على الجواز منه وبيهددها وعايزين نحبسه قالتله هجبلك الدليل واحبسه وريحنا كلنا منه بس لو متحبسش تضمن سلامتي قالها افديكي برقبتي فانا رديت وقولتلها بصي سلمى انا لو وصلت بيا ادخل فيه السجن مش هخليه يتعرضلك ولا يأذيكي فعلا هنحبسه بس تجيبلنا الدليل فقالت تمام ماشي هعمل كده وقابلوني فاستنيت بقى تاخد الدليل وتقابلنا واتكملنا وادتهولي وجيت
وطلع فتح الاوضه ورمى نفسه باجهاد على السرير
زينب اممم وانت بقى مش بترد عليا علشان قاعد بتتدلع مع سلمى هانم وعايز تدخل فيه السجن بس ميتعرضلهاش
عمر بضحك اممم بدأنا الفقره المحببه لقلبك بس مش معادها اتاخر شويه ??
زينب بغيره عمر انا مبهزرش بجد انت بتتكلم معاها بلاسلوب ده ليه هو ايه اللي تتحبس بس ميأذيهاش للدرجه دي خايف عليها يعني
عمر بضحك صبرني ياارب علشان جبت اخري من بنت معتز يابنت الناس البت هتخاطر بحياتها مع مجرم علشان تديني انا دليل لو هدفع عمري واخده علشان نكون سوا مش هتاخر وهعملها فمش قليل ابداا عليها ان اوريها انها في امان وفعلا لو وصلت لكده هعملها دي بنت مهما كان وعمري ما سيبها وهي مدت ايديها ليا ساعدتني ف ارد الخير بلشر اكيد مستحيل اسمحله يأذيها ده طبيعي مفيهاش نقاش انتي مخك تعبان ولا ايه
زينب اممم طيب يا حنين يلا روح صلي ونام
عمر بضحك زينب بالله عليكي متخلنيش اشتمك خليني محترم وهقوم اصلي فعايزينها تكمل بلستر كده
زينب تمام بجد خلاص فعلا
عمر وغلاوتي عندك مش زعلانه
زينب بتنهيده لا زعلانه لان بجد اي ان كان ماترد عليا تطمني يا عمر مش سايبني اليوم كله كده هموت من قلقي ومعرفتش تغمضلي عين
عمر بحب حقك عليا والله غصب عني ببقي مركز في الكلام مش هعرف اتكلم معاكي وخصوصا عارف انك قلقاانه فقولت افهم واوصل لحاجه بعدين احكيلك كل حاجه زي كده
زينب بتنهيده طيب يحبيبي خلاص ولا يهمك
عمر بحب يعني مش زعلانه ??
زينب بحب لا مش زعلانه هنفضحه بكره في الحنه صح ??
عمر بحب وحماس صح الصح يا ست البنات هانت خلاص
زينب بفرح حقيقي الحمدلله كنت هموت فيها نحمد ربنا بجد لانه فعلا احن من ان يوقعني في حيوان زي ده... ياريتني سبتك اتصرفت من الاول بجد
عمر بحب مش هنندب على اللي فات خلاص بلعكس انا كنت هبلغ مش هدور كده ولما باظت بلطريقه دي مبقاش ينفع ابلغ ففكرت في الطريقه دي كله للخير يا حبيبتي متقوليش كده فكل الاحوال هي هتخلص بكره خلاص
زينب بدموع فرح الحمدلله بجد نشكر ربنا وصحيح عرف سيف قبل ماتفضح اسر لان هو عارف كل حاجه اصلا وكل شويه يواجهني ومرضتش اقول قولت بلاش اتصرف من دماغي واخد رايك
عمر بحب سيف هيعرف اول واحد الصبح باذن الله خلاص وساعات وتبقي حرم عمر الهواري كمان
زينب ابتسمت بفرح والدموع متجمعه في عينيها وتابعت يارب ينورعيني يسمع منك ربنا بجد
عمر بحب ياارب يحبيبتي طب هقفل معاكي علشان اصلي يسمع مني بجد بقى
زينب بحب تمام خلص ورن عليا
عمر بحب من عيوني بس مش هتنامي
زينب بفرح لا هقعد شويه النوم طار من الفرح
عمر بضحك والله عندك حق وانا كمان تمام هخلص وارجعلك يا عروستي
زينب بحب ماشي يا عريس
عمر بحب قلب العريس
زينب بضحك خلاص اتلم بقى الله
عمر بضحك موعدكيش بعد كده يلا باي
زينب بحب باي
وقفل معاها وقام اتوضى وصلى قيام الليل ودعى من كل قلبه بايمان ان ربنا يجعله زينب نصيبه ويجمعهم في حلاله ويساعدهم في خطتهم انها تتم على خير وبعد شويه خلص صلاه وقام يعمل كوبايه قهوه ومسك البرطمان تابع لنفسه حوار ان بستعمل ايدي الشمال ده متعب اوي بجد بس هانت يومين وزوزتي تعملي احلى كوبايه قهوه وتابع وهو بيحطها على النار :دي اخر مره اعملها لنفسي والله ما اشربها غير منها بعد كده وابتسم بحب وتابع وكام يوم وافك القرف ده كمان واعيش طبيعي مع البنت اللي اتمنيتها عمري كله ياااه الواحد حقيقي مش مصدق وعمل القهوه وحطها في الكوبايه وراح فتح اللاب وحط الفلاشه فيه وقعد قدامه وتابع وهو بيركز فيها ااه يحيوان حقيقي زباله زباله يعني ومسك فونه رايح يرن على زينب لقى الباب بيخبط فاكمل بابتسامه ملحقتش ارن هي طلعتلي وقام فتح الباب ملقاش حد استغرب فاكمل بهمس بت يا زينب واتمشى لقدام شويه واتصدم لما حس بابره بتتغرز في رقبته