رواية الخزلان الفصل الرابع عشر14بقلم نوسه حمد
قويت قلبي وقلت لازم اكلم امي عشان تتصرف معاي وناديتا جوه وقلت ليها يمه تتزكري الولد الكنت بحبو وحكيت ليك بيهو قالت لي مالو سجمي م تكوني بتتكلمي معاهو للان راجلك راجل السرور ي بتي قلت ليها يمه خليني اكمل ياخ قالت لي اها قلت ليها يمه الولد الكنت بحبو هو محمد ولد عثمان قالت لي شنو شنو شنو وشهقت شهقه انا قلت تموت وبقت تولول سجمي سجمي دي فضيحه اوب علي ودي مصيبه قلت ليها يمه الله يرضا عليك خليني اكمل قالت لي تكملي شنو انتي انتهيتي من كل الكلام قلت ليها لا م انتهاء يمه انتي ح تسمعي ولا ح تتأسفي لي قالت لي اها قولي اقلل قلبك زي م قلقلتيني قلت ليها يمه ارحميني م ناقصه دعا قالت لي اها قلت ليها انا م كنت بعرف عثمان وم. كان عندي استعداد اتزوج راجل اظلمو معاي بعد عرفت محمد كان بتسلا بي وهو اصلو خاطب بت خالتو قررت اني اتزوج ابوهو واشتغلت ف المدرسه مخصوص عشان اتزوجو قالت لي سجمي سجمي كان تقولي لي م عارفاهو ابو محمد وعرستو صدفه كان خففتي علي المصيبه دي قلت ليها لا يمه عارفاهو كنت بس ي امي قبل م أوقع عثمان في حبالي هو قال دايرني اي نعم انا كنت عاوزة اوقعو بس هو اعجب بي وانا خشمي يمه م فتحتو معاهو ربنا بشهد اي نيتي كانت اني اعرسو واحرق قلب محمد بس هو اعجب بي وانا ولا اتكلمت معاهو اصلا وحباني شديد واتعلق بي وانتي شايفه براك م مقصر مني من كل النواحي وانا اتندمتا ع اني حبيت ولدو لانو اصلا لو حبيت ولدو ولا م حبيتو انا نصيبي عثمان ومكتوب لي اني اتزوجو انا عمري م اتندمت اني عرستو بس ندمانه وسافه التراب اني عرفت محمد قبليهو قالت لي انا خلاص عقلي انشلا وحيلي مات قلت ليها يمه اموت ليك اقيفي معاي قالت لي اقيف معاك كيف ابوك لو عرف الحقيقة بضبحك وراجلك بطلقك وتكوني خسرتي اي شي قلت ليها يمه النوريك اقسم بالله عثمان صعب انو يخليني لانو اتعلق بي لدرجه تخوف قالت لي سجم خشمك هو لو عرف نيتك شنو والله اطلقك واديك طلقه ف نص راسك دا قلت ليها م بهون عليهو ولدو كان وسيله لتوصيل قسمتي من ابوهو وعثمان بقدر الحته دي قالت لي وسيله شنو ي بت وانتي حابه الولد وابوهو قلت ليها دا من وجهه نظرك بس انا ي امي عمري م حبيت راجل زي عثمان وربنا بشهد ع الحاجه دي بس محمد ولدو ح يدمرني ودا كلو خليهو الشكيه الجاياك بيها غير دي قالت لي اها جاياني بمصيبه شنو تاني قلت ليها بت اختك القزم دي قالت لي اها مالا البت م قصرت منك قلت ليها انتظري شوفيها عملت شنو حكيت ليها انها معجبه بي عثمان وحكيت لي بي طفلي السقطتو وحكيت ليها بمحمد لمن جا بليل مرتين امي بقت مندهشه شديد قالت لي ي بت انتي الاجهاض دا اثر عليك عقليتك ولا شنو قلت ليها لا والله يمه انا كويسه بس البحكي فيهو دا كل الحاصل ودا الحقيقه وبت اختك دايره تشلب عثمان مني تكلمو بالحقيقه وتكون جنبو هناك ف المدرسه ويا عالم بحصل شنو انا خايفه بعد م كانت حارساني ف الحمل البيت يبقا بيتا وانا الامش ليها زياره قالت لي شنو معقوله بت اختي تخرب بيتك قلت ليها والله بتعملا وهددتني يمه ومشت اشتغلت مع عثمان قالت لي التقدر تعمل كده يمين علي اخاصمهم لمن اموت قلت ليها وح نستفيد من الخصام شنو يمه فكري فكره نزح بت اختك من عثمان قالت لي دي يحلوها كيف. ي بتي وقعتي نفسك براك ف القصص دي اريتك قعدتي بايره ولا اقولو بتحب الولد وابوهو دي خيانه قلت ليها يمه ولد شنو الولد انا نسيتو من حبيت عثمان ممكن عادي انكرو حطب ولو اتكلم اسكتو بس انتي زحي بت اختك دي من وشي قالت لي بت اختي هينه انا بعرف اتصرف معاها كيف ولا تشغلي بالك بيها ركزي في راجلك والدايراهو منك ولدو لو شفتي تنزلي عينك ف الارض م تعايني ليهو ولا تجعلي الحاله واحده وتبقي علي راجلك عشره قلت ليها ابشرك الاتنين ح اعملهم بس انتي اضمني لي بت اختك قالت لي ان شاءالله وادفني السر دا هنا وانا بدعي ليك ف كل صلاه قلت ليها تمام وودعتها ومشيت قلت ليها يمه خليك واثقه من اي كلمه قلتها قبل كل شي قالت لي ي بتي مصدقاك انتي جيتي صارحتيني كيف م اصدقك
مشيت بيتي وعثمان كان مبسوط قلت ليهو عاوزه انزل معاك شغل عشان ابعد بت خالتي منو حلف علي طلاق اني م اشتغل ومستعد حتي لو عاوزه اساعد اهلي هو م يقصر قلت ليهو لا لا بس قعده البيت حاره قال لي بكره تلدي اولاد يشغلوك قلت ليهو ان شاء الله
م عديت شهرين ظهر لي حمل ووحمي اكعب من القبلو وظهر لي تؤام وعثمان كان مبسوط والمره دي جاب لي بت تشتغل لي بت ناس محترمه وكايسه لقمه العيش بقت لي اخت قبل تكون خدامه تخدمني مرات انا بستحي اطلب منها خدمه وهي كانت مبسوطه مني وشايله البيت كلو في راسها وكانت محترمه لابعد الحدود لو عثمان في م بتقرب من المكان الهو فيها وكانت بتقول لي م تدخلي الناس بيتك بحسدوك في راجلك البحبك دا حكيت ليها بي بت خالتي قالت لي دي واحده حاسده وم تشتغلي بيها راجلك الشايفاهو دا مستحيل يتزوج فيك قلت ليها ان شاء الله وكنت متابعه مع زميلتي الاستاذه الكانت قريبه لي لمن أسألها تقول لي بت الحسابات دي عينا من راجلك بس م شاء الله راجلك م مديها فرصه نهاي قلت ليها الله يخرب بيتا زي م عاوزه تخرب بيتي قالت لي انتي ابقي عليهو عشره بس م بتجيك عوجه قلت ليها إن شاء الله
محمد م رجع السعودية تاني وبقا اسكر وكل يوم شكله مع مرتو وابوهو بقا يصرف عليهو ومضايق منو شديدوزهجان اكتر من مرتو قال مفترض تمنعو بس ولا شغاله بيهو لمن اتكلمت معاها قالت لي مالو اليسكر السكر حق الرجال وهو مضايق عشان مرتو م ولدت والناس بتسالو كتير وقلت ليهو اتزوج بس رفض م عارف خايف منها ولا مالو 😭😭😭
يوم اتصلت علي الاستاذه قالت لي يختي بت الحسابات دي اتطورت الليله جايبه ليها اكل مخصوص لي راجلك وجابو ليها ابوها ف عمود انا انحرقت منها واتصلت لي امي قالت لي اتصرف ليك كيف انا في حاجه زي دي اتصرفي انتي امشي المدرسه هسي واكشحي ليها الاكل ف وشها واعملي نفسك جيتي صدفه قلت ليها فكره والله قفلت الخط ولبست فيني عبايه وطلعت قلت لي بتي الشغاله م بتاخر ماشه المدرسه مشيت من بعيد الطلبه اتلمو فيني م مصدقين اني جيت المدرسه وانا م ركزت معاهم همي ف الفطور قلت ليهم بجيكم ف الفصل وجريت لاقتني زميلتي قالت لي الحقيهو سريع قافلين المكتب جريت جري ولا طقيت الباب فتحتو ولقيتا قاعده جنبو ودايره تاكلو في خشمو بس هو رافض شكلو لمن شافتني لمن شهقت وعثمان بقا يتمتم