رواية الخزلان الفصل الخامس عشر15بقلم نوسه حمد

 

دفعت باب المكتب بكل قوتي والقا بت خالتي دايره تاكل راجلي في خشمو  لمن شافتني لمن شهقت وعثمان بقا يتمتم  م ركزت مع عثمان وقفلت الباب واستلمت بت خالتي من شعرا واديتا كف لمن يدي اتلصقت في وشها قلت ليها خاينه انتي دخلتك بيتي واستأمنتك علي حياتي وع راجلي تقومي تخونيني وتخوني الملح والملاح الاكلتي  ف بيتي وهي نهاي م اتكلمت ماسكه لي فكيني قلت ليها ح افكك لكن قسما عظما اشوفك ف وشي تاني المره الجايه اكتلك انتي عاوزه شنو من راجلي دايره تخربي علي بيتي قالت لي عثمان م استاهلك وانتي الخاينه وانا عاوزه انقذو من كذبك ونفاقك انا بقيت مخلوعه بس قلت نهاي م استسلم لازم اكون قويه  وارد عليها  قلت ليها انا م البخون راجلي وردي ليك دا م عشان خايفه منك ولا خايفه منو انا لو م خفتا فيهو الله الناس وهو م بهموني عثمان طوالي ردا ليها قال ليها حدي هنا وكفايه واتفضلي انتي مرفوده بقت تعتزر ليهو وتتبكا ليهو  قلت ليها ي شيخه كلامك دا م بخارج معانا   موش قال ليك اتفضلي حسي ع دمك وشيلي اكلك دا واتخارجي قالت لي ح تدفعي التمن انتي قلت ليها لو ف تمن انا دفعتو ويلا اعملي البريحك وفتحت الباب ودفرتها  عثمان بقا يعتزر لي وقفل الباب قال لي اهدي حبيبتي انا والله عازرك ومن حقك كل العملتي بس ي حبيبتي صحتك وانتي حامل بقيت ابكي قلت ليهو لو صحتي بتهمك ولو انا بهمك م كان خونتني مع بت خالتي ومعقوله انت تخوني انا قصرت معاك فشنو وريني وانا حزرتك منها قبل اليوم كان تخت لي اعتبار كان تخوني مع اي واحده غير بت خالتي وانا عمري م ح اسامحك

 وطلعت دمعتي ف عيني هو جا لاحقني حلفت ابيت اقيف وقفت ركشه وركبت فيها وكنت منهاره ببكي من جوه بت خالتي ح تفرقني انا وراجلي بقيت اتعوذ منها  مشيت لقيت بتي الشغاله مقلقه علي قالت لي مالك فشنو قلقت عليك قلت ليها بت خالتي الحيوانه عاوزه تشلب راجلي باي طريقه قالت لي راجلك م بالساهل يتشلب قلت ليها القال ليك منو الحمد لله ع كل حال وانا لازم امش اهلي  م بقعد دقيقه قالت لي انتي هبله كده اديتيها فرصه وح تخونك وح تشلبو اقعدي مع راجلك قلت ليها بالعكس لو قعدت  هو ح يتهاون بي زعلي وح يخت في بالو اني م بزعل منو لازم اعرف انو زعلي كعب ولميت ملابسي وسقتا البت وقفلت البيت وطلعت امي لمن شافت شنطتي بقت تكورك واول كلمه قالتا لي سجمي طلقوك قلت ليها اتفائلي خير يمه م اتطلقت بس بت اختك الله ينتقم منها قالت لي انا م بخليها وبت اختي الليله دي بجيب اجلها ولبست توبا وطلعت امي طلعت بهنا عثمان جا بهنا وبقا اعتزر لي وبكا لي بي دموعي قال لي والله بت خالتك هي المتلصقه فيني قلت ليهو فلنفترض انها ملصقه فيك انت تستسلم ليها كان تحرجها  كان تخت لي اعتبار كان تراعي لي انا دي بت خالتي ي عثمان معقوله تكسر عيني قدام اهلي كان ع الاقل  تخجل قال لي نوسه اقسم بالله انا م كسرت عينك انتي ام الغالين وانا م ح اسامح نفسي نهاي  بس انتي م تزعلي مني وارح البيت م تكبري الموضوع قلت ليهو لا ي عثمان خليني هنا عاوزه ارتاح شويه  قال لي انا م بكون مرتاح قلت ليهو ح ترتاح امشي لي مرتك الاولي قال لي انتي عارفه مكانتك عندي م بتبدلها اي واحده قلت ليهو لو م جيت ف الزمن المناسب كان مكانتي بدلتها بت خالتي قال لي م لي الدرجه دي ي نوسه  قلت ليهو انا م بعلم بي نواياكم بس ي عثمان لو فكرت تطلقني ولا تعرس فيني اقنع مني ومن اولادك قال لي نوسه انا مستحيل استغني عنك وانا ح امشي واجي اسوقك بكره وطلع قلبي بقا مقطوع ولومتا نفسي شديد ف التصرف دا عثمان برئ  بس بت خالتي ملعونه الله انتقم منها  امي جات لمن عرفت اني احرجت عثمان زعلت مني قالت لي انتي الحا تخربي بيتك بي يدك وي داب م خليتي راجلك يستغني عنك ودا م تصرف ليك قلت ليها خليك من راجلي اها مشيتي لي بت اختك وشاكلتيها قالت لي لا دايراني امش اشاكلها بي ياتو وش وهي عارفه حقيقتك  قلت ليها طيب مشيتي وين قالت لي بتعرفي

 مشيت وين قلت ليها انتي قلتي ماشه تنظميها لي قالت لي اي بس اصبري م تشفقي قلت ليها يمه اوعك تكوني مشيتي ل شيخ انتي عارفه اني بكره الحركات دي قعدت تضحك قالت لي انا امك ي نسيبه ع اخر عمري اقعد لي شيخ اكتب لي لا والله م بخرب صلاتي وصيامي  وحجتي بالحاجات دي قلت ليها سمح شنو قالت لي بتعرفي بس انتي اصبري م تستعجلي قلت ليها انا م عندي مشكله بس المهم البت دي تزح من راجلي باي فهم قالت لي ان شاءالله 

 انا قلبي بقا مقطوع علي حركتي العملتها واتندمت اني اتصرفت تصرف زي دا واديت مرتو الاولي فرصه وهي النوع البتغتنم الفرص وبقيت م قادره اعمل اي شي بس اتزكرت عثمان قال لي بجي بكره اسوقك قلت لو جا لازم ارجع معاهو وم اتحجج تاني بتي الشغاله قالت لي عثمان بكون م مرتاح لانو خايف علي الفي بطنك انتي كان تراعي للحته دي قلت ليها ح نرجع بكره ارح نتونس مع امي ونودعها عشان بكره نحنا ح نمش قالت لي ارح 

تاني يوم ختيت حنتي قلت لمن عثمان اجي القاني جاهزه انتظرتو م جا للعصر قلبي اكلني شديد بقيت م قادره اتصل ولا هو اتصل وم من عوايدو احترت شديد وانتظرت لي بليل هو م جا وتاني يوم م جا وتالت يوم م جا واسبوع م جا وانا بقيت ابكي ليل نهار بتصل م برد علي هنا عرفت انو حياتي في خطر  وعثمان م براهو رجعت بيتي ورسلت ليهو رساله قلت ليهو عثمان حبيبي انا جيت بيتنا تعال برضو م جا قلبي أكلني شديد وبقيت دايره اموت عديل مشيت ليهو ف المدرسه ودخلت ليهو ف المكتب لقيتو شكلو م بطمن وحالتو بالبلا  لمن لونو بقا اسود خوفت شديد قفلت الباب وجريت اترميت ف حضنو بس كانو م عثمان بقيت ابكي قلت ليهو عثمان فشنو انا حبيتك نوسه ام الغالين قال لي كنتي زمان  قلبي قعد ادق وروحي طلعت عديل استغربت منو قلت ليهو فشنو م تجننني قال لي الفي كتير مسك تلفونو وفتح لي مقطع فيديو ومداهو لي بت خالتي بت الحرام صورتنا انا ومحمد ولدو …