رواية مظاهر خداعه
الفصل الثاني2
بقلم جمانه السعيدي
رشا....كنت احسب الدقايق واني ما مصدكه راح اشتغل
صار سنتين كاعده بلبيت تحطمت
لا اكله بيه حظ ولا لبسه حلوه
ثاني يوم محد اتصل عليه كلش ضجت
ثالث يوم هم كلشي ماكوووو
رجعت انقهرت امشي واكول يافرحة ما تمت
مايسوه جبت ملابس من نهال
هو اني فكر هي كوه اني وين والشغل بهيج شركه ووين
اني كان لازم من البدايه مااروح
هم اصلا يردون وحده عدها خبره بلعمل امبينه شركه راقيه
بقيت كل النهار ممده حتى مالي خلك اشتغل
لازم ارجع ادور شغل من جديد
اذا بقيت كاعده بلبيت اتخبل
راسا رن التليفون طفرت من مكاني
رقم غريب
رشا....الووو
...انتي رشا محمد عبدالله
رشا...اي تفضلو
...عيوني باجر اجيبين باقي اوراقج وتجين الساعه تسعه للشركه
رشا...حاضر
طبكت التليفون وكمت اكمز
ما مصدكه امي شافتني
امي....ياستار ياستار ياربي شكو
رشا...قبلوني قبلوني بلشغل الحمد لله رب العالمين
امي...يستاهل الحمد
صعدت الزوجة حميد حفت وجهي طلعت الملابس كويتين وحضرتهن ما مصدكه اربد الوقت يمر بسرعه
جمانه السعيدي
بليل اتصلت عليه نهال
نهال....هااا بشري اتصلو عليج
رشا....اي اتصلو الحمد لله
نهال... اني حركت الجوو كل شويه متصله بااحد
حتى زوجي هم اتصل عليهم
رشا....شكر ماانسى فضلج ابد
نهال....حبيبتي تستاهلين
ثاني يوم كعدت من الصبح بدلت وتحضرت من الساعه بلسبعه
لبست تنوره طويله سوده وبدي اسود بي ورده بيضه من
الصدر شعري رفعت نص وعفت نص مفتوح
مكياج هادء ومعطر المعطر من ابو الف ربع ماعندي اشتري غالي
اذا استلمت راتب اشتري معطر طيب وغالي
جهزت كل اوراقي وحضرتهن
الساعه بثمانيه طلعت من البيت
وصلت المكان الشركه بلتسعه اله عشر دقايق
بسبب الازدحامات اتاخرت بلطريق
لكيت الشركه مفتوحه بس عمال النضافه واصلين جاي ينضفون
كعدت بلاستراحه انتضر
بلتسعه ونص يله بدا الموضفين يحضرون
كنت مستعده انتضر اليوم كله
بس حتى اشتغل بهيج مكان
ملابس الموضفات كلها راقيه وماركه
واني اقل لبس كنت لابسه
ميخالف اذا اشتغلت اشتري كلشي ولله الحرمان مو حلو
الساعه عشره اكتملو الموضفين كلهم
قدمت اوارقي للسكرتيره
كالت اكعدي الحد مايجي المدير يوقع الاوراق
الساعه ١١ يله وصل المدير
من يمشي ولا جون ترافلتا بزمانه العطر ترس الدنيا من دخل شكد شكله هيبه وشخصيه
المهم بلاول لازم يشرب الكهوه يله يبدي الشغل
الساعه ١٢ يله طلعن اوراقي موقعات من مكتب المدير
اكو غيري محاسبه ومحاسب قديمين بلشركه
المهم اخذت اوراقي ودخلت عليهم
المحاسبه علياء والمحاسب جبير بلعمر اسمه ابو احمد
علياء...تفضلي هذا هنا هذا المكتب
كعدت جابتلي أوراق وعلمتني على الشغل
اشياء بسيطه بلبدايه
جمانه السعيدي
راح اعرفكم على استاذ ماجد مدير الشركه
العمر ٣٥ عندا اخوان ثنيين عايشين بأمريكا
عدهم شركه بامريكا الاخوان يديرونها
وهاي الشركه فتحوها قبل خمس سنوات وماجد رجع حتى يديرها
يعني هاي الشركه تابعه للشركه الي بأمريكا
وناوين يفتحون بعد شركه شركات استيراد وتصدير
يستوردون من كل العالم
ماجد لسه مامزوج وهذا كان اكثر سؤال شاغل بالي
ليش لسه مامزوج
رشا...اخذت الاوراق وكمت اشتغل بحماس
من خلصت علياء اتعجبت بشغلي سريع ومضبوط
انطتني بعد شغل
عندي شويه أخطاء بسيطه سيطرت عليه بسرعه
كنت فرحانه وما مصدكه نفسي احس اني جاي احلم
طبعا الدوام من الساعه تسعه الصبح للاربعه العصر
الساعه وحده اكو استراحه للغده
اكو مطعم كبال الشركه كل الموضفين راحو يتغدون
بس اني مارحت
امبين مطعم راقي واني ماشايله فلوس كفايه
ليش افشل نفسي
اتحمل بدون اكل وباجر اجيب وياي بسكت او اي شي اكل
من اشوف الموضفين استحقر نفسي
ذوله من اي عالم
ليش قبلو يشغلوني وياهم
ذوله وين واني وين لازم اصير شاطره وأثبت نفسي
بقيت كاعده على المكتب واشتغل
منا لمن رجعو الموضفين
علياء...ليش ماجيتي تتغدين
رشا....مو جوعانه اني مااتغدا
،( بطني تتكطع من الجوع واني اكله مو جوعانه )
بقيت كل النهار اشرب ماي كلما اجوع اشرب ماي
منا لمن رجعت للبيت اسحل برجليه سحل
بس وصلت لكيت امي طابخه الغدا وخالته على الطباخ
كمت اكل وهو بارد لان ميته جوع
قررت لازم ارتب نفسي اكثر واكثر وما أبين اني اقل منهم
ثاني يوم طلعت بنطرون قماش اسود وقميص ابيض
رفعت شعري حلو ورتبت المكياج
اخذت وياي بسكت ونستله حتى لا اجوع مثل امس
وصلت للدوام قبل الساعه تسعه بشويه
لكيت بس عمال النضافه
دخلت على غرفتي وبديت ارتب الميز
مبينه مو راقيه اني لان ما مصدكه بلشغل جاي اوصل قبل ااموضفين
المهم رتبت مكتبي ومكتب علياء واستاذ احمد
وصلت علياء شافتني ارتب
علياء... عاشت ايدج ليش اتعبين نفسج
رشا....ماكو تعب بس حماس الشغل
جمانه السعيدي
بديت اشتغل واحاول اطلع احسن شي عندي حتى اعجبهم ومايطردوني
كل يوم وقت الغدا اروح للصحيات
الحد ما يطلعون كل الموضفين يتغدون
اطلع ارجع للمكتب
اكل اي شي جايبه وياي واشرب ماي
اني حتى ماشفت شكد الراتب لان العقد بقا يم السكرتيره
على العموم اي شي اني قابله
اني اصلا ما مصدكه اشتغلت وياهم
هاي عالم طاكه الحمد لله أهم شي انتبه الشغلي
حتى اثبت نفسي بهذا المكان
فات اول شهر على خير
واني اوصل اول وحده للمكان
واطلع اخير وحده
ذبحت نفسي على الشغل لان حيل عاجبني المكان
وعجبتني هاي الوضيفه
ومااريد اقصر خاف يطردوني من المكان
واني الحد هاي اللحظه ما مصدكه نفسي
الراتب كان ٥٠٠ من أنطوني الراتب ماصدكت نفسي
اني اخذ ٥٠٠ رغم اني اخذ اقل راتب
بس طرت من السعاده
اني عندي ٥٠٠ الف
من رجعت للبيت لازمه الجنطه بثنتين اديه اخاف الراتب يروح مني
بس دخلت للبيت كمت اكمز
رشا...استلمت راتب استلمت راتب
امي...بلعافيه يايمه ولله اتعبين كل النهار بلشغل
رشا...ادعي كون ابقى بلشغل
واستلم راتب احسن ماا اكعد بلبيت
ثاني يوم رحت اشتريت كم قطعة ملابس جديده
وحذاء وجنطه ومعطر ومكياج صرفت ١٠٠ الف
وانطيت الامي ١٠٠
اني يوميه اصرف خمسه اربع مواصلات والف اشتري بي شي اكل
يعني ١٥٠ يطرين من الراتب مصاريف
و١٠٠ اشتريت شغلات
١٠٠ انطيته الامي
بقن عندي ١٥٠ هم نعمه وخير
بعد دوام ٣ اشهر بلشركه واني الكل راضي عليه
اشتغل وبس
لا ادخل باي احد ولا انافق على احد ولا الي شغل بكل واحد
وشكد ما ينطوني شغل اشتغل شعله مال نشاط
لان الحجي بيني وبينكم ما مصدكه اني اشتغل بهيج مكان
يوميه ادعي النهال
لو ما هي مجان حصلت هيج وضيفه
واكيد دعاء امي اليه اكبر سبب اني حصلت هيج شغل
بعد ٣ اشهر من العمل بلشركه كنت مجمعه مبلغ ٤٠٠
رحت اشتريت تليفون لان على طول البنات يسئلني
نريد رقم تليفونج
كل شويه اطلع حجه شكل
لان حتى الجهال عدها تليفونات
بس اني عبالك جايه من العصر القديم
اكو موضفات دائما من يشوفني يبسبسن ويضحكن
عليه
لان اني لا اختلط ولا اسوي علاقات
ولا لبسي احدث موديل
كلش بسيطه وعاديه
اشوف الموضفين كلهم يرحون للمطعم يوميه
ردت اشوف الأسعار هناك شكد
عود اصير مثلهم
سئلت علياء بطريقه مو مباشره
طلعت لفة الهمبرجر وكوب جاي وبطل مي بخمسه
واذا لفت فلافل وجاي وماي باربعه
لا عيوني ابقى اكل بسكت واسكت هيج مراح اكدر اجمع
فلوس
ليش هلتبذير ارجع للبيت واكل
جمانه السعيدي
بعد مرور ٣ اشهر على عملي بهاي الشركه واني ابد ما ملتقيه المدير وجه الوجه ولا حاجيه وياا كلمه وحده
بس اشوفه من يدخل للشركه ومرات من يطلع
اكيد مراح يباوع الوحده مثلي
بيوم صار وقت الاكل كل الموضفين طلعو
اني اصلا معدتي توجعني من الصبح يمكن مستبرده
واني مثل كل مره اروح ادخل للصحيات منا لمن يطلعون
بعدين ارجع اكل بسكت واشرب ماي
اذا ابقه بلغرفه كل الي يفوت يصيح بله ليش ماتجين
ابد ما يعوفوني بحالي
بيومها جان البسكت شويه مثل المعفن بس اكلته بطني كامت توجعني توجعني كلش
رحت للصحيات زاد الالم عليه يمكن صار تسمم
خلال عشر دقايق دخلت للصحيات مرتين
مصاريني عبالك واحد يقطع بيهن
طلعت من الصحيات لازمه بطني ومااكدر اصعد الغرفتي مره ثانيه
طلع المدير من المكتب وشافني
كاعده على الكرسي ولازمه بطني
ماجد....شكو بيج شي
رشا....مابيه شي حاولت اعدل كعدتي ماكدرت الالم موتني
ماجد...انتي موضفه عدنا هنا
رشا...اي اخ راح اموت
ماجد... شبيج مبينه مريضه ترحين للمستشفى
رشا...لا اخ هسه اصير احسن
ماجد.....امشي اخذج للمستشفى ماكله شي اليوم
رشا...لا شكرا استاذ
ماجد...شنو شكرا كومي يله
رشا... كمت مااكدر امشي كوه طلعت برا
شغل سيارته وفتحلي الباب
صعدت شغل السياره ومشينا
ماجد...شنو اكلتي
رشا...بسكت
المدير...ليش ما طلعتي للمطعم وياا الموضفين على الاقل الاكل هناك نضيف
رشا... سكتت لان مابيه احجي وماعندي شي احجي
وصلنا للمستشفى
دخلنا هو يمشي كدامي واني ورا
استاذ ماجد راح حجا وياا الدكتور
اجا الدكتور قاس النبض وسئلني كم سوال
شنو اكلتي ...... بسكت
صار شكد من حسيتي بلالم.....نص ساعم تقرببا
بس اني معدتي توجعني من الصبح
هاي الحاله تجيج دائما....لا هاي اول مره
جاب ابره فلاجين والممرضه خلتلي كانونه
خلولي مغذي وضربو بي الابره
استاذ ماجد طلع برا لان تليفونه رن الضاهر عندا مكالمه مهمه
خلص نص المغذي وهو بعده يحجي بلتليفون
كنت اشوفه من شباك الغرفه واكف بلحديقه ويحجي
رغم اني الالم موتني
بس اجا ابالي سوال ياترى ليش لسه مامزوج
واحد مثله شخصيه ومال وحلال
ما ناقصه شي ليش مامزوج
بقا يحجي بلتليغون منا لمن خلص اامغذي
اجاني الدكتور
...هااا صرتي احسن
رشا...اي خف الالم شويه احسن
الدكتور...اليوم لاتاكلبن اكل دسم ولا بقوليات
الحد ما تتحسن حالتج
جمانه السعيدي
نزلت وطلعت برا شافني استاذ ماجد
راسا نها المكالمه واجاني
ماجد....هااا صرتي احسن
رشا...شكرا استاذ تعبتك وياي
ماجد....لا ماكو اي تعب ترجعين للبيت
رشا...لا اكمل شغلي
ماجد....لا ماكو شغل اليوم اوصلج للبيت استراحه
وباجر اذا صرتي احسن ارجعي للشغل
صعدت بلسياره ويااا
ماحجينا اي شي
بس سئلني وين تشتغلين بلشركه باي قسم
رشا....بلمحاسبه
ماجد....تمام موجود ابو احمد وعلياء يسدون بمكانج
بعد ماججينا اي كلمه
وصلني للبيت وراح
حسيته كلش جدي ماعندا كلام منا منا
يعرف شلون يتصرف
ويمتى يحجي
شخصيه قويه ويفرض هيبته على اي مكان يكون بي