رواية مظاهر خداعه
الفصل الثالث3
بقلم جمانه السعيدي
رشا....رجعت للبيت امي استغربت ليش رجعت من وكت
...مريضه صار عندي تسمم
امي...اخذج للدكتور ترحين للمستشفى
رشا...لا استاذ ماجد اخذني
امي...منو استاذ ماجد
رشا...مدير الشركه
امي...الله يطول عمره ويرزقه
رشا...لا تخافين الله رازقه من أوسع الأبواب
لليل صرت احسن اخواني سمعو مريضه اجو بليل يطمنون عليه همه ونسوانهم
اني صايره عزيزه لان اشتغل احصل فلوس
هليام اي واحد منهم يحتاج فلوس
يجيني قرضبني ٢٥ لو عشره بس مايرجعوهن
ميخالف يبقون اخواني
ونسوانهم خالاتني كدام عينهن
ميتات لان توصفت وكمت البس اكشخ
واطلع من البيت ماكو على السانهن غير كلمة
اي توضفت وكامت تلعب بلفلوس لعب
لايرحمون ولا يعوفون رحمة الله تنزل
من جنت وياهم حسره الفلس وهسه لا التعامل تغير
لان عندي راتب
المهم الحمد لله على كل حال رب العالمين ما ينسى عبده
جمانه السعيدي
بليل تعشيت زبادي ونمت
كعدت الصبح كلشي تمام
بدلت ورحت للدوام علياء ابو احمد بس شافوني
علياء...الحمد لله على السلامه
ابو احمد...ليش اجيتي
رشا...الحمد لله صرت احسن
الساعه ١١ نزلت جوا سئلت السكرتيره المدير موجود
...اي موجود
رشا...ممكن ادخل علي
...بس خل اسئله
دخلت ورجعت طلعت كالت تفضلي
دخلت جوا جان مدنك
ماجد...اهلا وسهلا
رشا... اهلا استاذ شكرا لان البارحه تعبت وياي
ماجد...شنو اسمج لان نسيت
رشا....اسمي رشا
...ماجد...ماكو داعي للشكر اذا تحسين نفسج تعبانه
ممكن اليوم ترتاحبن
رشا....لا كلشي تمام الحمد لله حبيت اقدم شكري
على موقفك وياي
ماجد....ماكو داعي احنا هنا اسره واني سئلت البارحه
على شغلج ابو احمد حيل يشكر بيج
اريدج تشدين حيلج احتمال انقلج للفرع الثاني
لو انتي تستلمين الحسابات هنا لان شغلج ممتاز
رشا...انشاء الله
ماجد...تفضلي
رشا...من رخصتك طلعت وطبكت الباب وراي
رشا....شكد جنت معجبه بي طلعت من بعد هذا الحديث معجبه اكثر
شخصيته كلش حلوه
رزن وثكيل وما حسيته ينضرلي نضره مو زينه
رجعت الشغلي وفعلاةاجتهدت اكثر اكثر
كل يوم اشوفه ابتسم وانزل راسي بمعنى سلام
وهو هم يبتسملي ويرفع ايده
كانت اللقاءات بينا سريعه
اما سلام او يصافدني من اطلع ويبتسلمي
يعني شغلات سريعه ما نحجي كلمتين على بعض
واغلب الأحيان يكون سلام وبس
بس هو كام يعرفني مو مثل قبل
جمانه السعيدي
بعد سنه من دوامي بهاي الشركه انفتح الفرع الثاني
للشركه جديده
ماجد نقل ابو احمد هناك لان قديم وعندا خبره
وحتى علياء هم كانت اداوم يومين هناك
وباقي الاسبوع هنا
اني وكع عليه اكثر الشغل هنا
بس اني صارت عندي خبره وكنت كد المسؤليه
لان اشتغل وحدي كنت التقي باستاذ ماجد اكثر
من قبل
وكنت اسمع منه كلمات الإعجاب وخاصه على شغلي
ماجد....يعجبني ادائج تستحقين مكافئه
رشا...شكرا استاذ
وهنا اجتني مكافئه هلمره جاي اجمع اريد ادز امي للعمره
خطيه امي تعبت هواي تستحق هيج هديه
بعد خبرة سنه بلعمل كمت البس ملابس حلوه
واعرف ارتب شكلي
صرت افوق باقي الموضفات جمال وترتيب
بعد ما كانن يستهزئن من ملابسي وشكلي
وكمت اطلع اكل بلمطعم لان الراتب زاد احسن من قبل
احس وضعي المادي استقر اكثر
جمانه السعيدي
بيوم طلعت من الشركه امشي راسا سمعت هورن سياره
التفتت استاذ ماجد
اشرلي تعاي
دنكت وكتله هلو استاذ
ماجد...اصعدي اوصلج بطريقي
رشا...لا استاذ مااريد اخذ من وقتك
ماجد....اصعدي يله
صعدت بلسياره
ماجد....خوما تعبتي من الشغل
رشا...لا بلعكس اني اشتغل واني مرتاحه
ماجد....طبعا انتي حيل جديه بلشغل
رشا....لازم اكون جديه هذا شغلي
ماجد....عفيه اربدج بعد احسن
رشا... تدلل
نزلني وراح واني طرت صدك جذب اني المدير يوصلني
ويمدح بشغلي
اني اكيد امي دعتلي بليلة القدر
من بعدها كلما ادخل علي للمكتب يسمعني
اطراء على شغلي
لو يبتسملي هو يمكن هاي الاشياء عنده بسيطه
بس اني عندي شي حلو افرح من اشوفه يحجي وياي
مره نزلت اريد اروح للمطعم وقت الاستراحه
نزلت اخير وحده
راسا طلع من المكتب
ماجد...هلو رشا
رشا...هلو استاذ
ماجد...شلون الشغل
رشا....كلشي تمام
ماجد...رايحه تتغدين
رشا...اي
ماجد...متاخره
رشا...عندي شغل كملته
طبعا نمشي ونحجي منا لمن وصلنا للباب الخارجي
ماجد...تعاي اني عازمج
رشا...وكفت بمكاني وهو مشى كدامي
ماجد...ليش وكفتي
رشا...بس
ماجد....يله تعاي نتغدا ونرجع للشغل سوا
رشا....للحظه حسيت نفسي احلم اني اتغدا وياا استاذ ماجد
فتح السياره واشرلي يله
مشيت وصلت يمه واني بعدني ما مستوعبه
صعدت بلسياره
ومشينا بس مارحنا الهذا المطعم القريب
اخذني مطعم كلش راقي
مطعم حلو عبالك داخله الجنه امشي واني فاكه حلكي
كعدنا راسا اجا الكرسون
....اهلا استاذ ماجد
ماجد.. اهلا وسهلا اني نفس طلبي بس شوف الانسه شنو تريد
رشا...بقيت صافنه ياربي هاي شلون ورطه
شطلب مااعرف اني يوميه اكل لفة فلافل لو ردت ادلع نفسي اكل همبركر لو كص
ماجد...اطلبي اي شي تحبي
رشا...انت اطلب ماكو مشكله
ماجد...جيبله نفس طلبي
رشا الي مثلي هسه ادك وتركص على هاي الكعده
واني بعد شويه ويوكف كلبي ما مصدكه نفسي
ماجد...اي حجيلي شنو طموحج
رشا....ماعندي اي طموح اريد بس انجح بحياتي وهاي هي
راسا رن التليفون كعد يحجي يمكن اكو شحنه جايه
للميناء بلبصره
بلغو وصلت وجاي ينزلوها
بعدين قبل لا يكمل المكالمه اجا الاكل يخبل اشياء ما شايفته
كنت اباوع علي شلون ياكل حتى اكل مثله
ياربي اني عاتبه علي
اني مال هيج اكل
لفة فلافل كافيه عليه اكلت ويااا بس ما شبعت
رغم الاكل حلو وطمعه يخبل
بس استحي اكل كدامه
كملنا وطلب جاي رجع اجا تليفون
اشرلي كومي وهو يحجي بلتليفون طلعنا فتحلي الباب
دخلت بلسياره
وهو بقه يحجي بلتليفون
ترا اني مبينه مطفيه وكلشي مااعرف
كل موقف اصير بي اتعس من الثاني و انحسد علي
رجعنا للمكتب كل الموضفات من شافني داخله ويااا
بقن يخزن بيه السكرتيره تهز بايدها
مايدرن اني كوه امشي ويااا شكد خجلانه
جمانه السعيدي
صعدت من تأثير الموقف عليه ماكدرت اركز بلشغل
بعد
ليش الضروف اجيبه كدامي
ليش جاي تخلق فرص حتى نكون سوا
المشكله هو كلش محترم نفسه ومجاي يحاول لا بلكلام
ولا باي تصرف يتقرب مني
حتى اكول يريد مني شي موزين
بلعكس يعاملني بمنتهى الاحترام
رجعت احجي وياا نفسي ليش مستغربه اكيد اني مبينه انسانه محترمه
وهو بهذا العمر لازم شايف نسوان بكد شعر راسه
مو معقوله يتحرش بيه
كانت الصدفه تجمعنا سوا دائما بدون جهد مني
لو محاولة تقرب منه
بحكم عملنا بنفس المكان
كل ماانزل للأكل يصادفني هاي اكثر من مره
يمكن هو يخلق هاي الفرصه
ايجوز معجب بيه ترا اني حلوه ما ناقصني شي
وخاصه بهاي الفتره كمت اعرف البس وارتب نفسي
مو مثل قبل
جمانه السعيدي
الحد مايوم عندي اوارق بيهن غلط
اخذتهن ودخلت علي
كان لازم التليفون اشرلي ادخلي اكعدي كعدت كباله
بقيت منتضرته
لمن خلص مكالمته
رشا.. استاذ اسفه ازعجتك بس هاي الاوراق بيها غلط
اشرتله على الغلط
اخذ الاوراق دقق ببهن
ماجد....عفيه عليج زين انتبهتي هيج غلط راح يكلفنا
هوواي
رشا....اني ادقق بلاوراق اكثر من مره لان اعرف الغالط
بالحسابات راح يكلفنا هواي
اتفقنا اني وياا على التصحيح
ردت اطلع صاح رشا
التفتت علي
رشا.. نعم استاذ
ماجد...انتي مرتبطه
رشا....مدري سمعت صح مدري اذاني توش بقيت ساكته
ماجد.. مجاي اشوف بايدج حلقه
اعتقد ما مرتبطه صح
رشا....هااا
ماجد...شنو هاااا ما فهمتي كلامي
رشا...لا طبعا فهمت
ماجد...مرتبطه لو لا
رشا....لا
ماجد....عندج مانع اذا اتقدملج