رواية الخزلان
الفصل الحادي عشر11
بقلم نوسه حمد
محمد جا ملهوف عشان يحضن اختو وكان في واحد بصور وراها حركات الترندات اللافه دي لمن شافني واقفه جنب العروس لمن بقا منطط عيونو ومرتو ماشه وراهو وشغاله تزغرت وانا خلاص كل الفيني كملت وبقيت م عارفه اودي وشي وين والناس اتفاجو من رده فعل محمد انو بقا اعاين لي هو مخلوع وانا مخلوعه اكتر منو انا م حسبت لليوم دا فجا راسي لفه وم فهمت اي شي تاني وشكلي وقعتا بقيت سامعه اصواتهم بعيده واخر كلمه قلتها عثمان ومسكت ف جلابيتو وم فهمت شي بعد زمن حتي صحصحت عثمان كان شفقان علي وماف زول معانا ف المستشفى فتحت عيوني وبقا اقول لي نوسه حمد لله ع السلامه قلت ليهو في شنو قال لي انتي م اكلتي ليه قلت ليهو ماف زول جاب لينا اكل قال لي انتي ضيفه يعني انتي ست بيت كان تتصلي علي قلت ليهو ي داب قعدنا العروس جات قال لي والله هسي م عارف عنها شي ومحمد ولدي جا انا اتزكرت الحاصل وقلبي بقا يضرب وحالتي بالبلا بقيت ارتب في نفسي قال لي نوسه سحروك والله الناس كلهم م مصدقين انو انتي مرتي قلت ليهو اسحرو لي شنو م اظن قال لي تاني م تطلعي النقاب قلت ليهو حاضر قال لي م عاوز احرمك بس م عاوز يسحروك لي بتكلم معاي كده وخاتي يدو في شعري محمد جا داخل وكان مضايق شديد شكلو عرف انو انا مرت ابوهو وباي طريقه داير يتكلم معاي وانا بقيت ماسكه في عثمان قوي عشان م يمش قال ليهو اختك فاتت قال لي منتظره تطمئن علي مرتك قال ليهو نوسه كويسه وانا ح اوديها بيتا م ح اقدر اجيبا هناك امش طمنن وخلي اختك تسافر وانت ارتاح جيت من سفر قال ليهو طيب بتكلم مع محمد كده الدكتور جا داخل كفر لي وقال لي محتاجه تتغذي اكتر الهبوط وعدم الاكل دا م من صالحك ح يضر الجنين بالذات ف الشهور الاولي محمد بي خلعه قال ليهو شنو وانا بقيت م فاهمه شي وعثمان بقا مبسوط قال ليهو يعني مرتي حامل الدكتور استغرب قال ليهو معقوله م عارفين ولا حسيتي بالحمل دا قلت ليهو لي فتره بحس بي فتور ونعاس طوالي قال لي اي الحمل ف الشهور الاولي بعمل كده انا لا عرفت افرح لا احزن ومحمد اضايق شديد وطلع من دون م يتكلم بقيت ابكي وادلع فيهو قلت ليهو ولدك شكلو م عاجبو الحمل قال لي ان شاءالله م عجبو م تركزي معاهم انا مبسوط ونفسي اجيب منك ولد قلت ليهو ان شاءالله 😍
الدكتور حولني لي دكتور نساء وولادة وقال لي لازم تتابعي كل شهر والاهم من دا تجيبي الحبوب بتاعت الحديد دي وتبديهن فورا والاهم من دا كلو الاكل لازم اكون بي نظام انتو بقيتو اتنين بدل
كنتي بتاكلي عيشه تاكلي عيشتين واضح ولا م واضح قلت ليهو ان شاء الله وطلعنا مشينا البيت وانا الهم داير اكتلني بالذات منظر محمد لمن انخلع لمن شافني والدنيا بقت حنضل وحسيت انو دي حرب ح تبدا علي بس ح تكون كيف م عارفه ونومتا من غير م اشعر
بت خالي مشت كلمت امي وجوني لاول مره في بيتي وعثمان حلف عليهم يتعشو معانا ومشا بيتهم جاب اكل من اكل العرس وجاب التحليه وجاب واحده من اخواتو معاهو قالت لي امي دي عين ساي البت دي من دخلت الشفع جرو عليها قالو دي العروس امي قالت لي انتي زاتك ي بتي بتسوي في نفسك كده ليه المكياج شنو وفك الشعر والعين فلقت الحجر عثمان جا قاطعهم قال ليهم نوسه حامل امي فرحت فرح وباركو لي وابوي جا بارك لي وقال ليهو جيبا لينا الصباح قبل تطلع الشغل قال ليهم لا لا م بقدر نوسه راسها قوي وم بتاكل وانا بكون م مطمئن ليها عشان كده خلوها هنا وادونا بت خالتا دي امي قالت ليهو طوالي انا بكره بكلم اهلا وبجيبا ليكم قال ليها تمام اهلي اتونسو وانبسطو شديد وعثمان دور العربيه ووداهم
تاني يوم عثمان مشا الشغل وامي جابت لي بت خالتي بي شنطتا قعدت معاي وهي م شاء الله النوع المتعلمه اي شي وكانت منبهره من بيتي شديد قالت لي والله اتمنيت راجل زي راجلك دا قلت ليها ان شاء تلقي الاحسن منو قالت لي احسن منو وين م اظن ف احسن منو قلت ليها هوي شنو ماف احسن منو احسن تمشي عديل قعدت تضحك قالت لي بهظر والله وطبعا هي طيبه وحنينه شديد كل دقيقه تمش تخلط لي عصير قلت ليها ي بت بجيني سكري قالت لي يختي دي تعليمات عثمان قلت ليها م قدر دا وبقينا نتونس ونضحك لغايه م عثمان جا وطبعا هو اول م يجي من الشغل طوالي بحضني ولا خجل منها حضني وباسني في راسي قال لي ست البنات قيلت كيف قلت ليهو تمام انا انت كيف قال لي بعد شفتك بقيت كويس وبقا يسال فيني بلعت الحبوب قلت ليهو لا قال لي انتي ح تتعبيني معاك وجاب لي الحبه بلعتها واتغدينا سوا قال لينا اقفلوا الباب عليكم كويس انا بخلي التلفون جنبي اذا في اي شي اتصلو علي وم تخافي شغلي قران ماف شي بجيكم ودعني وفات
بقينا نتونس انا ومياده لغايه م نومنا فجاه سمعنا صوت الجرس والباب بضرب والخوف داير يكتلنا مياده بقت تبكي ومتجرسه قلت ليها انتي مجنونه جابوك عشان تطمنيني ولا تخوفيني قالت لي اصلا م ح نفتح الباب انا جاتني شجاعه وقلت ليها م ح نفتحو نمشي براحه نشوف دا منو بالفتحه الفي الباب ونور الشارع كان شغال بس م فتحنا نور الحوش بقيت اعاين ومخلوعه لقيتو دا محمد قلت ليها ارح ادخلي قالت لي دا منو قلت ليها م بعرفو وهي النوع العندها حب استطلاع بقت تعاين لمن شهقتك قفلت ليها خشمها وكتمتها النفس لغايه م هو قنع وفات قالت لي واي دا ولد عثمان الجا من السعودية جاي زي الوقت دا لشنو وابوهو نايم معاهم ولا ي ربي راجلك دا فات وين اكيد م بايت معاهم شغاله تسال فيني اسئله نكير وانا الخوف داير يكتلني والوحيده العارفه سبب جيتو لي شنو وم عارفه نيتو وربنا يسترررر🥹