رواية الخزلان
الفصل الثاني عشر12
بقلم نوسه حمد
قلبي بقا يدق والمعاي كملت لمن هبطتا بت خالتي جابت لي عصير وانا شغاله ارجف من الخوف وختت فيني بطاطين البيت كلو م نفعت قالت لي انتي مالك قلت ليها م مالي شي بس حاسه اني بردانه قالت لي الا اتصل لي عثمان قلت ليها م تتصلي تقولي ليهو شنو قالت لي اوريهو انك مضايقه لو موتي ساي انا اقولو السبب 😭😭😭😭هو راجلك ولازم يعرف انو ولدو جا هنا انا انخلعت وقعدتا ع حيلي قلت ليها ولد منو قالت لي محمد الجا هسي دا قلت ليها انتي مجنونه م تتهابلي انا مرت ابوهو التانيه يعني ضرت امو ٩٩٪اكون جاي يضرني بشي بالاخص هو عرف موضوع حملي بكونو م دايرني ألد حاولت الملم الموضوع بس هي عبيطه شديد مصممه تكلم عثمان قلت ليها ي غبيه م نظهر اننا شفناهو عشان م يصمم يضرني قالت لي برضو لازم ابوهو يعرف عشان م يضروك بي شي اتمغست منها قلت ليها اضرو ليك شطه ياخ فقعتي مرراتي م ممكن العباطه دي قالت لي انا مالي ومالك مخيره معاهو ان شاء الله يكتلك قلت ليها اختيني ياخ وقبلت منها وانا لسه م قادره اتمالك نفسي من الخوف والرجفه جاياني من جوه حاولت انوم بس النوم طار لي م عارفه نمتا متين زاتو اول م فتحت عيوني لقيت بت خالتي واقفه لي ف وشي لمن انخلعت قلت ليها جنيتي مالك ي بت قالت لي شنو الجنيت انتي م شفتي نفسك بتقولي فشنو انا لي مراد اكورك لي ناس الحله الصانه دي انخلعتا قلت ليها مالي انا قلت شنو قالت لي شغاله تتخلعي والحمه تهرس فيك وتقولي محمد محمد انا بقيت افتح ف عيوني قلت ليها محمد شنو وقلت شنو قالت لي م فاهمه شي كلامك م مفهوم بس سمعت كلمه محمد محمد قالت لي الولد دا هلوس بيك ولو م كلمتي راجلك بجننك قلت ليها جن يركبك ياخ خليني ف حالي بتكلم معاها كده عثمان جا داخل مخلوع قال ليها فشنو مالا نوسه عرفتها انها اتصلت عليهو قلت ليهو مالي انا قال لي كيف مالك وبقا اعاين لي بت خالي عرفتها انها هي الكلمتو قلت ليهو ماف شي بس جاتني حمه وقبلت ع بت خالتي شاكلتها شكله عشان تهرش مني لمن عثمان بقا. يعتزر ليها قلت ليها خلعيتهو قال لي والله عندي اجتماع ف الوزاره لغيتو عديل قلت انتي اهم من اي شي قلت ليهو حبيبي انا كويسه ببلع بندول وببقا كويسه قال لي طيب النمش اجيب ليك بندول بعد طلع هرشت بت خالتي قلت ليها اياك توريهو بي محمد قالت لي يختي مالي ومالك انا م عندي فيك شغله تاني ان شالله يكتلوك قلت ليها رضيانه
مرت الايام وانا حملي صعب شديد من السرير م بقدر اقوم وعثمان مدلعني دلع بت خالتي شده م عاجبا الوضع مرات بجيني احساس انها بدت تحبو لانو كلامها كلو عثمان عثمان حاولت أتشجع وأقوم اشتغل. شغلتي واخلي بت خالتي ترجع بيتهم لاني خوفت منها عديل وهو عثمان م شغال بيها بس بحسها بتحبو عديل 😭
عثمان حكا لي انو محمد عندو مشاكل مع مرتو لانها م حملت ووداها الدكتور قالو الا تدخل جراحي عندها مشكلة ف الرحم بي قلبي قلت اللهم لا شماته يستاهل المعفن موش دي الخلاني عشانا قلت ليهو والله الولاده قسمه ونصيب احتمال لو ربنا م رايد ليهو يلد لو عرس ميه بعديها م يلد عشان كده يستحمل وربنا كريم قال لي م عارف لكن حاسي سبب مشاكلو دي حملك قلت ليهو كيف قال لي مره بتناقش معاها سمعتهم قال ليها مرت ابوي العرست بعدينا حامل قلت ليهو دا جهل منو والله دي قسمه م يقارن حياتو بالناس عشان م يتعب والله يحفظ لي الفي بطني دا واكفيني شر عين خلق الله قال لي امين ي رب محصنو ولدي م تخافي عليهو وبقا خاتي يدو ف بطني وبعاين لي ف عيوني قال لي نوسه اقول حاجه قلت ليهو قول قال لي موش انتي مرتي
وهدي حامل مني قلت ليهو اي قال لي انا للان م مصدق جد انتي نعمه وخايف الناس تحسدني عليها م ولدي بس قلت ليهو انا الما مصدقه جد محظوظه بيك لو عرست غيرك كان ح اكون ندمانه اشد الندم ربنا يخليك لي وما يحرمني منك وتبقا لي سند واب واخ وام قال لي انا كل دنيتك وانتي وولدي حياتي كلها قلت ليهو م اتحرم منك ان شاء الله ❤️
مرت الايام وانا عايشه في جنه بس متملكني خوف م طبيعي لو محمد م سافر م ح ابقا طبيعيه يوم عثمان كان مع مرتو الاولي وبت خالتي نايمه انا النوم غلبني ومقلقه قلق م طبيعي غلبني اصحيها لانها تعبانه لانو كانو معاي نسوان الفريق بي قهوه وانا شربت معاهم قهوه كتيره شكلها هي السبب ف سهري بقيت احسب ف النجوم النوم حلف م يجيني سمعت صوت الباب بدق وقلبي بقا ادق معاهو وقبل اصل الباب عرفتو دا محمد عاينت بفتحه الباب لقيتو محمد قلت اكسبها فرصه دي نايمه افتح الباب واحزرو انو تاني م يجيني فتحت الباب هو طوالي دخل وقفلو قال لي نوسه قلت ليهو نوسه منو وانت داير شنو قال لي نوسه م تستهبلي قلت ليهو استهبل فشنو انت داير شنو انا مرت ابوك ي استاذ قال لي نوسه تتزوجي ابوي ليه وانتي عارفاني انا ولدو بحبك وبموت فيك قلت ليهو عاين هنا انا م بعرفك وانت جاي تقل ادبك م احترمت اني مرت ابوك قال لي شنو شنو نسيتي كل شي بينا نسيتي اولادنا النفسنا نجيبهم وكان بتكلم معاي لمن برجف وحسيتو م طبيعي وريحتو م طبيعيه حاول يقرب مني شديد ومسكني من يدي انا طوالي اديتو كف لمن بت خالتي صحت ولقيتا في وشي وبقت تكورك زي المخلوعه محمد جرا وخاف وبت خالتي تكورك لمن قفلت ليها خشمها ودخلتها جوه وطبلت عليها البيت وبسال فيهو م بترد علي بس شغاله تكورك وم عارفاها سمعت شنو ولا شافت محمد لمن حاول يقرب مني وبقيت ف مصيبه م يعلم بيها الا ربنا والله يستر 😭