رواية الخزلان
الفصل الثالث عشر13
بقلم نوسه حمد
بقيت اسكت في بت خالتي وهي شغاله تكورك قلت ليها مالك فشنو ياخ وهي م مركزه معاي بقيت اكشح فيها بالمويه واكفت فيها قلت البت جنت وقلبي بقا في يدي وغلبني البعملو وهي شغاله تكورك وترفس حاولت اسكتها ابت تسكت وتلاوي فيني وضربتني ضربه قويه لمن جاني نزيف خليتا هي وبقيت في نفسي 😭😭😭وخليتا وبقيت ابكي وادعي علي محمد وبقيت واقعه ف الارض والدم جاري فيني وم فهمت شي وحسيت اني خلاص ح اموت لحظات كانها فيلم رعب وتوتر وخوف وهلع بكتل الواحد وتاني م وعيت باي شي ولا فهمت شي الا بصوت اجهزه وفتحت عيوني وم شايفه غير مكان هادي وكلو اجهزه بتصفر فجاه جو الدكاتره علي وم خلو درب م ركبو لي وانا كنت بتكلم بس صوتي تقيل هم م فاهمين انا بقول فشنو وانا اتزكرت المنظر الكان حاصل وبت خالتي ومحمد بقيت اكورك عثمان عثمان وهو جا مخلوع ودموعو عشره عشره الدكاتره ف الاول منعوهو بس انا بقيت الاوي فيهم لغايه م خلو يدخل وبقا ضاميني عليهو وببكي بكا وانا حسيت انو ف شي قلت ليهو عثمان انا مالي فشنو وولدي مالو قال لي نوسه بركه الاطمئنين عليك الولد بجي ان شالله قلت ليهو لا هو جاي ان شالله الدكتور قال لي يا اخت احمدي ربنا انك لسه عايشه بعد النزيف النزفتي قلت ليهو ولدي وين كتلتو انت صاح قال لي استغفري وانا حاسس بالماره بيهو الان وكل شي قسمه ونصيب بقيت ابكي وابكي لمن جسمي هبط وامي جات تحنس فيني وابوي احنس فيني وبت خالتي جات اشد من شديده م قادره اقول ليها حاجه قدامهم بس كنت كرهاناها شديد وجاني احساس انها كانت تمثل وعاوزه تموت الفي بطني وبقيت م طايقه اعاين في وشها عديت اسبوع ف المستشفى عثمان قال لي م بقدر اخليك تمشي بيتكم انا اخدت اجازه وبقعد معاك وح نسوق بت خالتك معانا وهي واقفه قلت ليهو لا خلاص بعد دا بت خالتي تتلما علي اهلا وانا بمشي ناس امي كلها ايام وببقا كويسه ردت لي بكل برود نوسه انتي مالك يختي الراجل داير راحتو في بيتو تقولي ليهو ماشه بيتنا قلت ليها اي ماشه بيتنا واسكتي م عندك فيني شغله عثمان خجل بقا يعتزر ليها قال ليها معليش نوسه تعبانه نفسيا وانتي شفتي براك الحاصل عليها كان م هين اتزكرت الحاصل علي قلت ليهو ايواااا انا عاوزه اعرف الكان حاصل شنو قال لي والله انا نايم صحيت بي اتصال من تلفونك ولقيتا بت خالتك وكانت بتقول لي الحق نوسه جاها نزيف عاينت ليها شديد بقت تتهرب مني وم عاينت في وشي نهاي قلت ليها صحي انا مالي والجاب لي النزيف شنو قالت لي انا عارفه كنت نايمه سمعت صوتك بتكوركي م رديت عليها وقلت لازم اسالها ونكون برانا رسلت عثمان اجيب لي باقي العلاجات عشان ح نطلع من المستشفى وهي كانت عاوزة تتهرب تطلع معاهو قلت ليها اسمعي هنا تعالي راجعه جات راجعه قلت ليها انتي لي عملتي فيني كده ليه خليتني افقد جناي قالت لي كان لازم احصل كده قلت ليها شنو انتي فهمك شنو قالت لي نوسه انا عارفه كل حاجه عشان م تعملي فيها بتحبي الراجل المسكين دا انا قلبي قعد ادق وجاني احساس اصعب مما العقل البشري بستوعبو قلت ليها قلت ليها عارفه شنو قالت لي م تستعبطي انا عارفه انو محمد ولدو كان بحبك قلت ليها شنو شنو اوعك تكوني صدقتي كلام السكران الحيران دا شفتي براك المشاكل النفسيه الكان ماري بيها بسبب مرتو م بتلد وجا عشان ارمي بلاهو علي قالت لي معقوله كدي اتزكري معاي ي نوسه لمن جا محمد من السعوديه وكان ماشي بكل ثقه لمن شافك انتي واقفه جنب العروس الحصل شنو وقف وبقا بعاين ليك لدرجه لفتت نظر كل الناس قلت ليها شكلو انخلع م مفتكر انو ابوهو عرس مره صغيره قالت لي طيب تتزكري انك مشيتي السعوديه مع زوجك بنقاب ولمن جيتي قلعتيهو ولا م بتتزكري قلت ليها انا كنت عاوزه اتنقب بس غلبني وبعدين تعالي هنا انا بت خالتك والبمسني بمسك ترضي انك تخربي لي حياتي قالت لي م برضا وبس م بسكت عن الحق طوالي عثمان جا داخل سكتت وانا اتمنيت ف اللحظه ديك اموت ولا بت خالتي تقول القالتو لي دا
طلعوني من المستشفى عثمان وداني البيت وعمل لي كرامه وم قصر مني انا بقيت هامه من بت خالتي اكتر من محمد والاتنين لو الموت في يدي ادي ليهم وبقيت افكر ليل نهار وم فهمت شي والهم كتلني وضعفت شديد عثمان كل يوم اجيب لي اكل جاهز لمن امي تزعل منو اقول ليها نوسه بتحب الحاجه دي عشان كده جبتها ليها دلعني دلع عمري م فكرت في يوم اني احظ بيهو بس بت خالتي حسدتني فيهو واتندمت اني دخلتها بيتي والشي الداير اجنني البت دي مسكينه ليه فيني انا عملت ليها قرون كنت منتظراها تجينا بس نهاي م جاتنا والشي الحيرني وجنني وقطع قلبي عثمان قال لي طبعا بت خالتك جات تفتش لي وظيفه ف المدرسه وعينتها ف الحسابات انا من غير م اشعر قلت ليهو م تشغلا قال لي نوسه عيب الكلام دا البت دي فتره حملك م قصرت فيك وبعدين هي بت خالتك وجاتني هي وابوها فكرك ح ارفض ليها عشان اقولو راجل نسيبه كعب قلت ليهو اي كعب ياخ مالك ومالن قال لي نوسه مالك فشنو دي بت خالتك كيف الكلام دا ودا جزاك ليها بدل تفرحي ليها سكت وم رديت عليهو وقلبي بقا ادق بت خالتي ناويه ع شنو م عارفه وخلاص الدنيا مسخت لي والشي المصبرني عثمان وحبو لي ودلعو لي بس البت دي بت حرام شكلها ناويه علي شر من حركتها دي وح تدمرني انا م هاميني عثمان اعرف قصتي مع محمد ولدو بس خفت منها تبقا لي سبب في طلاقي وتمغسني وتعرسو هي وح تعملا انا فهمت فهما من عملت التمثليه عشان تخليني اجهض الجنين شلت تلفوني ورسلت لي استاذه اسما مني كانت بتريدني شديد واتونست معاها وبقيت متواصله معاها عشان اعرف اخبار البت دي لمن اشوف ليها فهم
كل يوم افكر واتحصن واصلي واقيم الليل عثمان نعمه ولازم احافظ عليها بي كلو بقيت اليوم كلو اتكلم مع نفسي قربت اجن بس دا م حل الحل اني ابقا علي راجلي عشره واتميز وامش علي بيتي في اسبوع وبي عزيمه قويه رجعت احلي من اول وعثمان كان طاير بي في السماء وحمدت الله علي انو هو بحبني شديد وم بقبل فيني اي شي
وقررت اني اكلم امي بالحقيقه والبحصل يحصل عثمان قال لي انا ح اجيك بليل اسوقك بعد البت ترسم ليك قلت ليهو تمام المهم قبل البت تجي ناديت امي جوه الغرفه وطبلتها علينا قالت لي اجي ي بتي مالك سجمي فشنو قلت ليها يمه انا في مصيبه عاوزاك تساعديني وتقيفي جنبي وانا عارفه روحي غلطانه قالت لي كور علي وسجمي مالك عملتي شنو وبقت توحوح وتتكلم براها قلت ليها بتسكتي تسمعيني ولا ح تفضلي كده قالت لي فشنو قولي وقعتي قلبي وانتهيتي مني قعدت استغفر وقويت قلبي قلت ليها يمه تتزكري الولد الكنت بحبو وحكيت ليك بيهو قالت لي اي مالو سجمي جبتي سيرتو تاني مالك م تكوني لسه بتتكلمي معاهو راجلك راجل السرور قلت ليها يمه النبي خليني النكمل والنبي فيك تسكتي قالت لي اها سكتا كملي قلت ليها الولد الكنت بحبو هو محمد ود عثمان قالت لي شنو شنو شنو