رواية مظاهر خداعه
الفصل الاول1
بقلم جمانه السعيدي
اني رشا بيضه عيوني جوزي شعري كيرلي لونه تمري
طولي ١٦٠ جسمي حلو مواليد ٩٧
من سكنت محافظة بغداد
من عائله متوسطه الدخل
اني خريجة حاسبات بس تعرفون ماكو تعيينات
التعيينات بس للي عندا فلوس لو واسطه
عندي اخوان ثنيين اكبر مني
حميد ورضا
اثنينهم مزوجين
وضعنا كان شويه احسن لان ابوي يشتغل ويصرف علينا
واخواني هم كانو زينيين
لان يخافون من ابوي ويسمعون كلامه
بعد ما تخرجت من المعهد بسنه وحده ابوي توفا
كانت أول صدمه تمر علينا
ابوي كان الخيمة الي لامتنا وحاميتنا
من بعد وفاة ابوي اتخربطت كل احوالنا
كل واحد من أخواني كان يريد يشمر المسؤليه على الثاني
صحيح هما ماكان وضعهم كلش ممتاز
يعني كل واحد.شغله على كد حاله
وهم عدهم زوجات واطفال
يحسون المصرف هواي عليهم
وهم النسوان ماتكعد راحه
كل وحده من تختلي بزوجه تصير هي وبس الشاطره والنادره
يعني وحده تشمر الصوج على الثانيه بمصرف البيت
مرت الجبير حميد تكول مرت لزغير تخلي هواي زاهي بلغساله
ويخلص بسرعه
وذيج تكول هاي تصرف هواي زيت بلطبخ
لو وحدنا اني وياك والجهال مانصرف هلكد
هاي تكول شني هلكد نطبخ لو اني وجهالي
نكلي طماطه وناكل
كل وحده منهن بس تختلي بزوجها تصير هي الشاطره
وماكو أشطر منها
بس حتى تزرع الفتنه ببن الاخوان وتفرقهم
وفعلا بعد اقل السنه
اخواني عزلو كل واحد وحده
الجبير اخذ الطابق الثاني وعزل اكله وحده
اما زوجة رضا الزغير تخبلت اني هم اريد وحدي
ليش امك واختك يعيشن ويانه
شنو اني اريد وحدي
قابل ابقى خدامه طول عمري
امي من سمعت هذا الحجي هي مره جبيره ومريضه
امي....يمه رضا انت هم اعزل
رضا....وين اعزل ومنيلي ادفع ايجار
امي...لا تدفع ايجار احنا اني واختك ناخذ المطبخ وهاي الغرفه وانت ابني حايط بنص الهول
واخذ باقي البيت
غرفه ونص الهول والا ستقبال وابني صحبات برا
جمانه السعيدي
اما الدرج الي ينزلون منه بيت حميد بقا بصفحتنا اني وامي
وكل شويه نازلين صاعدين
لا يفيد تنضيف ولا اكو راحه وهدوء
الضهر من ينامون حميد وزوجته ينزلون الجهال علينا
يعني اني وامي ماكو راحه
امي كان عدها راتب رعايه
واخواني كل واحد يدزلنا شي بسيط كل يوم
لو طماطه وخضره لو بتيته لوبيه يعني شي بسيط
صدكوني ماعندي ملابس البس مثل البنات
اباوع واتحسر
بس الوضع ما يساعد وامي مريضه ومااريد اضغط عليها
اكثر
تليفون ماعندي عدنا تليفون صرصور لافينه بلاصق
وماعدنا رصيد اذا نحتاج شي
انرمش على اخواني ويتصلون علينا
حياة تعيسه وخاصه بهذا الوقت كان اكو تطور بلعراق
بعد ما دخلت الموبايلات ولاانترنيت
فكرت لازم احصل شغل اني ليش كاعده بلبيت وساكته
هيج لاراح ازوج ولا راح احصل شغل
بديت اوصي صديقاتي معارفي
اي شخص اشوفه
حتلو عامله بكوزمتك اي شي
اربد البس مثل البنات
جمانه السعيدي
بقبت فتره كل شويه اوصي وحده من صديقاتي
اي شغل مستعده اشتغل
الحد مااجتني وحده من صديقاتي
فرحت بيها لان اني مااطلع هواي
رشا...هلو شلونج
...هلو الحمد لله عندي اللج بشاره
رشا...يالله
....اكو شركه اهليه طالبين محاسبه لو محاسب
اكو ولد صديق عماد زوجي يعرف المدير
ماعدهم شرط غير تكون خريجه وحلوه
وانتي ماشاء الله ثنيبنهن بيج
رشا....تحجين صدك
...لعد اتشقى
رشا...يمتى اكدر اروح
...باجر
رشا...بس ماعندي لبس بي حظ ملابس قديمه من ايام المعهد
...اني حامل وعندي هواي ملابس زغرن عليه
اني ادزلج ملابس ترحين بيهن
والمكان ابد مو بعيد بنص بغداد
رشا.. هسه اروح وياج اجيب الملابس وباجر اروح للمقابله
يارب يكون وجهج خير عليه وانقبل
طفرت على امي
رشا...امي اكو شغل باجر اروح اقدم وبختصاصي
راح اروح اجيب ملابس للمقابله اجي
رحت جبت كم لبسه واجيت
بليلته هلكد مافرحانه مانمت ما مصدكه
بقيت ادعي يقبلوني بهاي الوضيفه
حتلو ينطوني راتب قليل ميخالف راح اطلع واغير جو
واحصل فلوس
ثاني يوم كعدت من الصبح بدلت وعدلت نفسي
لبست بنطرون اسود قماش وقميص ساده وردي
رفعت شعري ذيل حصان خليت مكياج هادء
طلبت من حميد يروح وياي اعتذر كال عندي شغل
رجعت على رضا
رشا....روح وياي للمقابله
رضا...ترديني اضيع اليوم علمودج تعرفين هيج مقابلات
٣ ساعات ما تخلص بين انتضار وقبول
روحي وحدج قابل شعليج
رشا...قررت اروح وحدي الشركه بنص بغداد واكيد بيها ناس ليش اني خايفه مثلا
شجعت نفسي وأخذت الكروه من امي ورحت
وصلت شركه حلوه الترتيب الخارجي فخم
دخلت جوا سئلت كالو انتضري
لكيت اكو بنات تنتضر بس مو هواي تقريبا خمسه
بدا الاختبار وواحد يختبرنا ويسئل اذا خريجه
هم مشتغله بمكان قبل
عندج خبره
رشا ...من سمعت الاسئله خفت
لان اني ماعندي خبره
دخلن بنات ثنيبن بعدين اجا المدير
الله يستر على المدير والي خلف المدير
طول وجسم وكشخه وهيبه وكارزمه وطله وشخصيه
اني بقبت فاكه حلكي
يمه مو رجال هذا يمكن جاي من كوكب ثاني
بقيت اباوع علي لحد مااختفى من كدامي
المهم اني هم سئلوني كذا سؤال
بس السكرتيره طمنتني كالت انتي جايه عليج توصيه
من صديق استاذ ماجد
ماجد المدير فرحت حيل اكيد هاي تساهيل رب العالمين
كالت عوفي رقم تليفونج واحنا نتصل
انطبته رقم تليفون امي ورجعت للبيت
طايره من الفرح عبالك حصلت الوضيفه
ما مثدكه نفسي
طول الطريق اخطط شلون راح اصرف الراتب
وشنو راح اشتري بي
منا لمن وصلت للبيت
امي...هااا بشري
رشا....باجر يرجعولي خبر
امي...الله كريم
رشا...ادعيلي
امي....انشاء الله تحصلين الوضيفه
رشا...يارب