رواية الخزلان
الفصل الخامس5
بقلم نوسه حمد
بعد اصبت الهدف بقيت مبسوطه بس لازم اتقل عليهو شويه قلت ليهو معليش ي استاذ انا لازم افكر واستخير واشوف راي اهلي لانو انت متزوج قال لي م عندي مشكله استخيري وفكري انا معاك لمن تقرري وعايزك تعرفي حاجه واحده بس انا شاريك ومستعد اخليك اسعد بت ف العالم وعد مني ليك قلت ليهو طيب تمام يا استاذ وبس عاوزه منك حاجه قال لي انتي تامري ي ست البنات قلت ليهو الكلام دا م يطلع منك وححتي لو خطبتني م نكلم زول الا يوم الزواج. قال لي اكيد ح اخلي الكلام سر بيني وبينك ولو وافقتي علي انا م ح انقصك شي ح اعمل ليك زواج زيك وزي اي بت ف السودان واحلي كمان بس م بوعدك اني اعمل حفله زفاف لكن ح اعمل ليك حفله حنه انتي وصاحبتك واهلك رايك شنو قلت ليهو خير ي استاذ ان شاءالله ربنا يهون قال لي ي رب بس عليك الله ي نوسه فكري فيني جد انا حبيتك وحاسي لو م اتزوجتك م ح اكون سعيد قلت ليهو حاضر وقفلت الخط بقيت افكر بين مبسوطه ومقلقه بالذات اخر جمله قالا لي قال انو لو م اتزوجني ح يكون م سعيد واصلا انا م نيتي ف الزواج اني اسعدو واكون ليهو زوجه بقيت متوتره في حاجات م حسبت ليها نهاي خليت الراجل احبني واتعلق بي بس في حاجه تانيه جواي كانت بتقول لي لازم تنتقمي من محمد وزي م دمر مشاعرك تندميهو علي كذبو
بقيت أدردش مع ابو محمد اليوم كلو وطبعا طلع حنين شديد اليوم كلو ارسل لي لو اتاخرت ف الرد بلقاها ميه مكالمه وبكون متوتر بقول لي نوسه م تبعدي مني انا اتعلقت بيك شديد سالتو قلت ليهو معليش ي استاذ انت زوجتك وين قال لي ممكن من غير كلمه استاذ دي قلت ليهو حاضر بس م قادره اقول ليك غير كلمه استاذ دي قلت ليهو م متعوده اقول اسمك بدون كلمه استاذ قال لي لا انا م عاوز الكلمه دي منك قلت ليهو حاضر قال لي نوسه انا عمري م صارحت انسان بس علاقتي مع زوجتي شبه منتهيه والبينا موده ورحمه وعشان اولادنا مكملين قلت ليهو كيف يعني قال لي تقولي شنو بس انا وعايده وصلنا لطريق مسدود والكلام دا قبل ولدي محمد م يدخل الجامعه وهسي م شاءالله محمد ولدي اتزوج ومرتو حامل قلت ليهو م شاء الله والله مبروك ليهو وانت م وريتني بي اولادك قال لي يلا احكي ليك محمد دا الكبير من اتخرج خطبنا ليهو بت خالو اتربت معانا ف البيت قلت ليهو زواج الاهل مشكله انا م بحبو قال لي لا م خطبناها ليهو خطبها براهو كانو بحبو بعض من زمن الجامعه يعني ماف زول جبرو عشان زواجو يفشل وهي بت صغيره ومرحه وبشوشه بعد تشوفيها ح تحبيها طبعا انا جواي بغلي بغلي من الحرقه قلت ليهو معليش بس انت ح تسكني مع زوجتك الاولي قال لي لا طبعا انا داير اعيش حياتي ح اشتري ليك بيت بررراك من غير هم م يعرفو وم ح اكلمهم الا بعد نجي من شهر العسل طبعا انا محمد واعدني بي عمره لو وافقتي ح نمشي شهر العسل السعوديه قلت ليهو يعني ح تكلم محمد بالعرس قال لي لا طبعا بخلي يرسل لي تكاليف العمره بس وبعد نصل السعوديه بختو امام الامر الواقع وهو زاتو م عندو مشكله طوالي بقول لي ابوي نعرس ليك وانا كنت م داير اعرس لانو تعبت من نقه العرس والنسوان بس ربنا جابك لي م معروف احتمال ربنا قاسم لي معاك حياه حلوه واطفال املو علي البيت قلت ليهو ان شاءالله
مرت الايام وقلت لازم احسم الموضوع واديهو الموافقه كلمت امي قلت ليها يمه مدير المدرسه قال عاوزني قالت لي مديررررر يعني كبير قلت ليها اي ومتزوج قعدت تضحك قالت لي انتي الاولاد العلي روحهم رفضتيهم دايره توافقي بمديرك دا قلت ليها اي والمشكله شنو قالت لي انتي جنيتي اصلك م نصيحه مدير شنو المعرس وبي اولادو البتعرسي انتي قلت ليها يمه انا دايراهو زول محترم وملتزم قالت لي مالي ومال احترامو انا داير اعيش معاهو انا فيك انتي الجنيتي علي اخر عمرك دايره تعرسي راجل مره قلت ليها يمه يعني شنو راجل مره انا رضيانه وجيت عشان اكلمكم ابوي سمعنا نتناقش قال لي مالكم امي قالت ليهو تعال شوف بتك اخر م اتوصلت ليهو دايره تعرس راجل مره ابوي قال لي دا منو قلت ليهو المدير قال عاوزني قال لي انتي رايك شنو فيهو وهل هو زول كويس قلت ليهو محترم ي ابوي وم شفت منو الا الخير قال لي يعني موافقه قلت ليهو ان شاءالله قال لي خلاص خلي يقابلني امي قعدت تجوط وتكورك قالت لي ابوي داير الناس اشمتو فينا اقولو مالا ادوها لي راجل مره ابوي نهرا وقال ليها علي الطلاق تفتحي خشمك انتي طالق امي سكت وقالت ليهو بس انا م عندي فيكم شغله وانتي. م تجي تشكي لي بعد تعرسي راجل المره دا ابوي قال لي م تشتغلي بيها واستخيري ي بتي لو موافقه انا لو راجل كويس طوالي بديك ليهو قلت ليهو حاضر يابا وطلعت منو
مرت الايام ولقيت نفسي واقعه في مصيبه م عملت ليها حساب …………تتوقعوالمصيبه شنو