رواية عبيري
الفصل العاشر10
بقلم ساره محمد
صحيت الساعه ٩ وكنت جعانه شديد نزلت لقيت البيت صاني شكلهم نايمين دخلت المطبخ لقيت الأكل حاهز ف التلاجه طلعتوا سخنتو وبقيت اكل فتحت تلفوني لقيت ٥٠٠ مكالمه من خالد قلقت وقلت ده مالو اتصلت عليو م رده اتصلت كم مرة ماف رد قلت معاناه نام قفلت التلفون وختيتو جاتني رساله من طارق :::
طارق: [ يا عيون الريل انتي صاحبه]
عبير[ هههههههههه صاااحيه ]
طوالي جاتني مكالمه منو :؛:؛:؛
عبير: هلا بيك
طارق: كيفك
عبير: والله تمام وانت
طارق: بخير الحمدلله
عبير: دوووم يا رب والحاج بقي كيف
طارق: كويس الحمدلله
عبير: الحمدلله
طارق: بتعملي ف شنو
عبير: باكل
طارق: انتي طوالي ف حالة بتاكلي
عبير: ههههههههه انت البتضرب وقت بكون باكل اصلي كنت نايمه وصحيت اسي
طارق: يعني علي الفطور؟؟
عبير: مممم عزموني غدا ومشيت بس من التعب التعبتو مع اللف حق اختي م قدرت اكل
طارق: هههههههههه شكلك تعبانه
عبير: ياخ اسكت دي لففتتنا المحل ٥٠ مرة والله جيت منتهيه
طارق: خهههههههههههههه مسكينه والله
عبير: وانت بتعمل ف شنو؟؟
طارق: ولا شي كنت برة البيت واسي راجع
عبير: ممممم كنت خالط ولا شنو
طارق: ونحن شبه ذلك
عبير: ههههههههههه شاب عشريني ووسيم لافي للساعه ٩ بره البيت معاناها بتعمل ف شنو اكيد م بترمي ف طعميه
طارق: ههههههههههههههههه ياخ والله انتي عسل
عبير: احم احم احترم نفسك
طارق: م انتي اسي اتغزلتي فيني سألتك
عبير: انا ؟؟
طارق: مش قلتي شاب وسيم
عبير: اهااااا هههههههههههه تركيزك عالي
طارق: معاك انتي بس والله م اكون زاعجك بكلامي بس انا صريح
عبير: ههههههه لالا عادي
طارق: طيب اخليك تاخدي راحتك لبكرة
عبير: ان شاء الله تصبح على خير
طارق : وانتي من اهل الخير
قفلت منو وشلت لي كباية عصير وبقيت بدردش ف القروب رسل لي مهند
مهند: خالطه ولا شنو
عبير: هههههههههه الا اكون خالطه يعني
مهند: هههههههه لا ساي صحيتي متين
عبير: قبل شويه
مهند: ممممم بختك انا للان م نمت
عبير: لي ؟؟
مهند: مصدع ومحموم بلعت مسكن وقلت اهبش ف التلفون مسافه ارتاح شويه
عبير: سلامتك والله
مهند: الله يسلمك من كل شر
عبير: طيب التلفون م كويس مع الصداع ممكن يذيد حاول نوم وانت بترتاح
مهند: طيب يا ستي تصبحي علي خير
عبير: وانت من اهل الخير
قفلت التلفون وفتحت لي فلم ورقدت وبقيت افكر ف خالد يكون مالو يا ربي ساهرت للساعه ١٢ ونمت
صباح اليوم التالي ::؛:؛
عملت روتيني الصباحي وصلحت عبي ناس ماما الكانت جايطه عشان اليله سد المال قعدت رتبت معاها شويه وترحيلي جا ومن ركبت رؤي حضتني وبقت تتخجل عرفت انو أمورهم ظبطت ومزمل م فضل الا يحضني بس احترم نفسو قدام رؤي حكو لي الحاصل وانا كنت مبسوطه ليهم وصلنا الشركه وكل زول مشا مكتبو وبديت شغلي اتذكرت مهند قال عيان اتصلت عليو
عبير: الووو حاج موت أصبحت كيف
مهند: ههههههههه كويس الحمدلله
عبير: الحمدلله مشيت تفحص
مهند: اي وقالو لي ملاريا
عبير: سلامتك والله
مهند: الله يسلمك وانتي كيف
عبير: تمام يلا انا حاقفل عشان مشغوله قلت بس اطمن عليك
مهند: تسلمي كتير والله يلا م اعطلك
قفلت منو ورجعت لشغلي الكنت عاوزه اخلصوا سرعه عشان امشي اساعد ماما بقيت شغاله ومواعيد الفطور جات م لقيت فرصه وبقيت شغاله الباب دقه
عبير: اتفضل
طارق: ما انا م شفتك تحت قلت اكيد شغاله
عبير: اي والله بحاول اخلص بدري عشان البله سد مال الكونتيسه روبا
طارق: طيب كان تاخدي اجازه
عبير: ماف طريقه لكن قربت اخلص
طارق: طيب انا حاطلب فطور وقهوه
عبير: طيب
بقيت مدنقرة شغاله والباب فتح وقفل وانا م جايبه خبر الا حسيت بورقه مكرفسه جاتنني طايره لقيت طارق ضربني بيها
طارق: انتي جاده مركزه قدر ده انا لي ساعه بنادي
عبير: هههههههههههه م مركزه معاك والله
طارق: طيب ارح ناكل انا حاموووت
عبير: هههههههههه طيب طيب
مشيت غسلت يدي واكلت بالجد كنت جعانه
عبير: طارق خالد اتصل عليكم امس؟؟
طارق: مممم اتصل وقال صحبتك ساعدتو وليندا حاتكون معاو
عبير: جد الحمدلله انا لقيت منو مكالمات رجعت ليو م ردة
طارق: يكون نايم
عبير: احتمال برضو
شربت القهوه وطارق مشا مكتبو وانا رجعت خلصت سريع سريع ومشيت سلمتو التقرير
طارق: تمام ماشه بعد ده
عبير: اي والله
طارق: طيب اوصلك
عبير: لا ماف داعي بطلب ترحال
طارق: لالا ياخ معقوله ارح شيلي حاجاتك ونمشي
مشيت مكتبي شلت شنطتي وطلعت مع طارق وطول السكه انا بتصل تلفونات عشان ف حاجات موصيه عليها يجيبوها لي ١٥ مكالمه حتي خلصتةوقفلت التلفون
طارق: اووووف خلصتي
عبير: اخيرا والله
طارق: هههههههههه عاجبني اهتمامك بكل شي
عبير: لازم ياخ دي اختي لازم امورة تكون زابطة عقبال اتعب ليك ف عرسك
طارق: هههههههههههههه عديل كده
عبير: لي م ناوي ولا شنو
طارق: والله م كان ف النيه لكن مدام قلتي كده أنوي خلاص
عبير: هههههههههههه ربنا يديك بت الحلال
طارق: امييييين جمعا
عبير: لا انا م تحسبني ف الدعوه دي
طارق: لي ؟؟
عبير: ماف نيه خاااالص
طارق: معقوله ياخ
عبير: مممم معقول ونص
طارق: طيب نشوووف
وصلنا البيت وودعت طارق ودخلت بدلت ملابسي وبديت شغل بالجد كنت طالعه نازله لمن كرعيني ماتو لحدي المغرب استحميت ولبست فستان اسود تحت الركبه بشويه ومكياج خفيف ونزلت شويه كده والضيوف حو وم سلمت من التعليقات اختك الصغيرة تتزوج وانتي لسه بس كنت م شغاله بزول ناس خالتي جو وجابو الشيله وحدوو العرس بعد شهر الشفقه تطير غايتو امي قالت لي طلعي الضيافه للرجال بره شلت الضيافه وعاينت لعصام م لقيتو لقيت مهند ومن شافني بقي مسهي فيني قريب ال٥ دقائق حتي شال الضيافه دخلت بقيت اتونس معا بنات خالتي ومشيت اجيب مويه من المطبخ واقفه ف التلاجه حسيت بزول وراي قبلت لقيتو مهند
عبير: عاوز حاجه ؟؟؟
مهند: مممم عاوز اقول ليك اليله حلوة عديل
عبير: شكرا ده من ذوقك
مهند: انا لو عندي ذوق م كان خليتك
قال كلمتو دي وطلع حسيت بيو مضايق وانا زاتي اضايقت بس قلت م بخرب مزاجي رجعت بره وخلاص سد المال انتهي والضيوف بدو يمشو والبيت فضي بقينا نتونس للساعه ١١ وكل زول مشي غرفتو مشيت غرفتي استحميت ورقدت اتءمرت خالد انو م رجع لي رسلت ليو رساله
[ شنو يعني لقيت جيسي وليندا ونسيتني ]
قرأ الرساله وم ردة قلت ده يكون مالو يا ربي بقيت منتظرة زمن م ردة قفلت تلفوني ونمت
عدينا الشهر وانا مع جري عرس روبا والتجهيزات ومعظم وقتي ف الشركه مع طارق وبره الشركه بجهز ف الحاجات مع مهند وخالد تاني م رسل لي نهائي واسأل منو طارق يقول لي كويس م كنت شغاله بالموضوع لانو طارق كان ف كل تفاصيل حياتي ومهند برضو بحاول ينسيني الحصل اليله عرس روبا الصغنونه مشيت الكوفير معاها لبست فستان بالكحلي وشعري قصيت اطرافو كان نازل ف كتفي مع المكياج طلعت زابطة جاني العريس جا وباركنا ليو استلم عروسو وانا ومعاي صحبات روبا ركبنا نع مهند وكان طول السكه يعاين لي لمن وصلنا الصاله وجيت انزل مسك يدي وقال لي اصبري
عبير: مالك؟؟
مهند: خليني احصنك
عبير: مهند بطل يسحرو لي شنو
مهند: لا ده كلو ويسحرو ليك شنو عليك الله اصبري
خته يدو ف راسي وبقي يقرا لي وانا بحاول اشتت نظري منو لحدي م خلص وقال لي يلا ننزل نزلنا ودخلنا الصاله وطبعا التعليقات علينا انو رجعنا لبعض مشيت سلمت علي ناس ماما وبابا شاغلوني زييين وجاني عصومي باركت ليو وبقينا نبكي آختنا الصغيره الربيناها اتزوجت انتهينا وبقيت مشعلقه ف يد عصام قال لي ارح نسلم علي اهل خالد ومشينا سلمنا عليهم وعصام م شال عينو من اخت خالد اسمها رشا المهم سقتها معاي وعصام ساق طارق وبقينا واقفين سقت طارق قلت ليو تعال معاي بره كنت عاوزه اخلي الجو لعصام ورشا
طارق: شنو يعني ناويه تكتلي زول اليله
عبير: ههههههههه ليى
طارق: سماحتك فايته الحد
عبير: ههههههههه احترم نفسك
طارق: هههههههههههه ما بقدر الصراحه
عبير: خههههههه مجنون
طارق: عبير انا معجب بيك
عبير: يا ريت اكون إعجاب وبس لاني م بفكر ف شي تاني
طارق: السبب ؟؟
عبير: قصه قديمه وقفلت قلبي بعديها
طارق: مهند صاح
عبير: انت عرفت يعني؟
طارق: ممم حكي لي خالد طول وقدر شنو عانيتي
عبير: مممم بس كل شي تمام ونحن اصحاب
طارق: بس عيونو م بتقول كده
عبير: كيف
طارق: نظراتو ليك وهو داخل معاك الصاله توضح ندمو عشان خلاك
عبير: ده الحصل يا طارق فأنا م بقدر انجرح تاني
طارق: وانا مقدر الحته دي م تخافي
عبير: انت صديقي المقرب
طارق: وانا اتشرف بذلك ليندا؟؟؟
عبير: ماالك؟؟
طارق: عبير دي ليندا
قبلت لقيت ليندا بت خالد جايه علينا وحضنت طارق
طارق: ليندا مع من اتيتي
ليندا: مع أبي
فجاءة ظهر خالد وهو بيضحك