رواية عبيري
الفصل الحادي عشر11
بقلم ساره محمد
طارق جرا عليو وحضني وسلمو علي بعض وانا لسه واقفه محلي ومصدومه جو علي وخالد مد لي يدو
خالد: عبير كيفك
عبير: الحمدلله حمدلله علي السلامه
خالد: الله يسلمك
طارق: ولي م قلت انك جاي كان استنيتك ف المطار
خالد: حبيت اعملا مفاجاءة وخصوصا اني شلت حضانة ليندا
طارق: بالجد الف الف مبروك
ليندا: ابي هذه عبير
خالد: قولي خالتي عبير
عبير: لا عبير فقط كيف خالك ليندا
ليندا: انا بخير
خالد: طيب ارح عاوز اسلم علي ناس ابوي
خالد شال ليندا وساق طارق ودخلو وانا لسه مصدومه يعني هو لي بقي بارد معاي فجاءة انا م كنت منتظرة منو حاجه بس هو فجاءة وقف مني واسي بعد شهر جا وسلم برود قطع تفكيري صوت مهند
مهند: عبير سرحانه وين ؟؟
عبير: ولا ولا شي
مهند: مالك اختفيت فجاءة
عبير؛ كنت عاوزه اشم هوا لانو الجوطه م بتنفع معاي
مهند: طيب خالد جا لاقيتيو
عبير: مممم لاقيتو
مهند: عبير انتي كويسه
عبير::مهند والله كويسه
مهند: طيب ارح جوه الناس بتسأل منك
عبير: طيب
مهند مد لي يدو م حبيت احرجو مسكتو ودخلنا الصاله عاينت لخالد لقيتو مع اهلو وبلعب مع ليندا مشيت مع مهند وقعدنا حنمب ناس ماما
عند خالد::؛:؛::
خالد: طارق عبير ومهند
طارق: رجعو اصحاب
خالد: ممممم طيب
الحفله انتهت وانا تاني من جنمب مهند م قمت حو اهل خالد ودعونا ومشو وطارق قال لي عاوزك مشيت ليو
طارق: بكره اخدي راحتك اديتك اجازه
عبير: م قصرت والله م تديني اجازه اسبوع
طارق: ههههههههه م تبقي طماعه انني كمان
عبير: ههههههههه طيب طيب
طارق: ياا بيناتنا تلفونات
عبير: اوكي
طارق مشا وقعدنا ف الصاله لحدي م العرسان مشو وفضلنا انا وماما وبابا ومهند رجعنا البيت وكنت تعبانه بدلت ملابسي ويا السرير جاك زووول
صحيت تاني اليوم الضهر وكنت مصدعه قمت استحميت وصليت وبلعت مسكن ونزلت لقيت ماما فاتحه بيت بكا قالت اشتاقت لروبا
عبير: يا ماما روبا كلها شهر وبتجي
ماما😭😭😭😭
عبير: اهدي عليك الله انا وعصام معاكي لسه
عصام: احم انا زاتي عاوز اعرس
ماما من سمعت كده مسحت دموعها وبقت تزعرد ونحنا نضحك فيها بابا قال امكم جنت بس جرت ليو نور خلتو سكت ونحن نضحك فيهم
ماما: اها يا عصام منو العروس
عصام: رشا اخت خالد
ماما: ماشاء الله ونعم الاختيار اخا نمشي متين
عصام: قلت بكره رايك شنو يا ابوي
بابا: م عندي مانع يا ولدي
ماما: وانتي يا بيرو م ناويه تفاجيئينا
عبير: انتي اسي كنتي بتبكي عشان روبا مشت لمن اعرس انا بتعملي شنو
بابا: تتفشا فيني كلو
ماما: عبدوووو
بابا: سكتت ههههههههه
عصام: ههههههههه خلاص انا حاكلم خالد انو حانتعشي معاهم بكره ونطلبها
بابا : تمام
اتونسنا كداا ومشيت غرفتي فتحت تلفوني لقيت مكالمه من طارق
طارق: النوامه
عبير: ياخ تعبانه والله واسي ناويه انوم
طارق: هههههههه نومي ساي لمن تنزلي الشغل بعزبك
عبير: مالك عاوز تندمني علي الاجازه
طارق: هههههههههههه خوافه طبعا ليندا صحت البيت كلو. من الساعه ٥
عبير: وماله ؟؟
طارق: عاوزه تتونس والسيد خالد قفل الباب عليو وطلعها لينا بره
عبير: عسل يا ناس ربنا يحفظها
طارق: امييين يا رب يلا اخليك تاخدي راحتك مع السلامه
عبير: الله يسلمك
قفلت من طارق وقفلت التلفون ونمت تاني صحيت المغرب نزلت لقيت خالتي مع امي وشكلها كلمتها بموضوع عصام سلمت عليهم ودخلت المطبخ اتغديت وقعدت اشرب عصير جا داخل مهند
مهند: ده كلو نوم
عبير: ههههههههه منتهيه والله
مهند: والله انا صحيت الضهر وامي مشاويرها م خلصت
عبير: مسكيين والله م شفت حاينطبق علي موضوع عصام
مهند : اي قال لي ربنا يتم ليو علي خير
عبير: آميييين يا رب
مهند: احنا ماشين قلت اسلم عليك
عبير: تسلم كتير
مهند : عبير انا مسافر وعاوز اقول ليك حاجه بس ف التلفون تمام
عبير::ولي ف التلفون
مهند::انتي بس ردي علي بعدين يلا مع السلامه
مهند طلع وانا مستغربه ده مالو يا ربي والله الرجال ديل حايجننوني
طلعت لقيت خالتي مرقت وماما قالت لي زعلانه عشان مهند مسافر اتونست مع ماما واتصلنا علي روبا اتونسنا معاها وكل زول مشا غرفتو ينوم بالجد البيت من غير روبا مسيخ مشيت غرفتي ورقدت بتصفح ف التلفون جاتني رساله من مهند
مهند[ عبير انا حبيتك وبحبك وعمري م حانساك بس عارف انو قلبك م حايلين لي تاني وانا ندمي لو قعدت اتحسر عليو عمري كلو م بخلص انا مسافر وتاني ما حاجي اتمني اسمع عنك كل خير بحبك يا عبير ]
قريت رساله مهند وبقيت ابكي بهستيريا لمن ارتحت اتصلت عليو رد لي طوالي
مهند: معاناها قريتي الرساله واسف علي اي دمعه نزلت منك بسببي
عبير: ربنا بوفقك يا مهند وتلقي بت الحلال الحاتسعدك
مهند: ههههه م اظن لكن امين وجمعا مع السلامه انا ف الطياره
عبير: تصل بالسلامه وما تنقطع مننا
مهند : ان شاء الله
قفلت التلفون ورجعت ابكي لمن نمت
الصباح اليوم التاني🌄🌄
صحيت استحميت وصليت ولبست لي بدله البني وعملت ميكب خفيف ونزلت صبحت علي ناس ماما وعرفت انو عصام كلهم اهل رشا اننا ماشين ليهم المسا اتونست معاهم وطلعت الترحيل وصلنا الشركه ومشيت مكتبي طوالي ولقيت ملفات مردمومه كالعاده كأني غبت شهر م يوم بقيت شغاله لحدي مواعيد الفطور طلعت مشيت الكافتيريا طلبت ساندوتش وعصير وقعدت مع مزمل ورؤي جاتني مكالمه من طارق
طارق: وين اليله فاتحه لي
عبير: م جيت علي ف المكتب قلت معاناها م جيت
طارق: جيت قبل شويه وانشغلت انتي وين
عبير: ف الكافتيريا بفطر
طارق: يا خاينه
عبير: ههههههههه تعال افطر معانا
طارق: انا معاي خالد وقلنا نفطر سوا بس م مشكله افطري وتعالي اشربي القهوه
عبير: اووكي
فطرت واتونست مع ناس مزمل تاني طارق اتصل
عبير: جايه جايه جايه
قفلت منو ومشيت المكتب دقيت الباب
طارق: اتفضلي يا عبير من متين الأدب
عبير: ههههههههه كيفكم
طارق: تمام الحمدلله فقدتك امس ياخ تاني ماف اجازه
عبير: حاتزلني صاااح كيفك يا خالد
خالد: تمام الحمدلله
طارق: اتفضلي قهوتك بحليب ومن غير سكر
عبير: تسلم ياااخ اها الشغل كيف
طارق: والله تمام تتذكري المشروع القلت ليك عليو
عبير: بتاع عفراء
طارق. : اممم اليله حانتهي منو اخيرا
عبير: اووووف اخيرا راسي حايروق منك
طارق: م حزرتي يا اخت تاني ف مشروع
عبير: طارق انا حاستقيل والله
طارق: هههههههههههه بالسهوله دي كن انا فكيتك ابوي ما بفكك
عبير : ههههههههههه
طارق.: شنو با خالد ساكت مالك
خالد: احم بسمع فيكم
طارق: بالجد با خالد الشركه دي لو م عبير م بقعد ليك فيها ولا ثانيه هي الهونت علي للشغل
خالد: كويس والله
حسيت بخالد م مبسوط بقعدتي معاهم لقي اتونس مع طارق لحدي م خلصت قهوتي
عبير: انا حامشي عندي أوراق لازم اراجعها
طارق: اليله العشاء معانا صاح
غبير: ان شاء الله
طلعت وانا ف راسي مية سؤال لي التغير المفاجئ من ناحية خالد دخلت مكتبي ورجعت اشتغل تاني عندي ورق مفروض اودي الطابق التالت مشيت عاينت لللسلم صعب علي الموضوع فتحت الاصانصير وعاوز اطلع دخل خالد الاداني ضهرو وخاتي يدينو ف جيبو
عبير: احم خالد ف حاجه
خالد: لا ف حاجه انتي
عبير: يعني انقطعت فجاءة وكمان من جيت بتتعامل معاي ولا كأننا كنا اصحاب قبل كده
خالد: ماف حاجه زي دي واسف لو تصرفاتي خلتك تضايقي
عبير: اصايقت بصراحه انا من يوم رسلت ليم وم رديت وانا للان براجع ف نفسي اني عملت حاجه غلط خلتك تقيف مني
عاوز يرد جاتو مكالمه وبقي يتكلم وتجاهلني لحدي م طلعنا من الاصانصير وطوالي مشيت منو وديت الورق ورجعت بالسلم وانا مضايقه من تعاملو ودخلت مكتبي بقيت شغاله لحدي م دوامي خلص قفلت ملفاتي وطلعت وقفت مع مزمل ورؤي مستنين الترحيل جو مارقين خالد وطارق
طارق. : عبير ارح نوصلك او اقول ليم ارح معانا البيت استني اهلك هناك
عبير: لا يا طارق مستنيه الترحيل نتلاقه المسا
طارق: انتي كويسه
عبير: مممم مصدعه شويه لكن بلعت مسكن
طارق: طيب امشي اخدي راحتك والمسا نتلاقي
عبير : تمام
خالد كان واقف بسمع ف كلامي مع طارق ولا اتكلم مشو عربيتهم واتحركو وانا الترحيل جا ووصلت البيت سلمت علي ماما وبابا ودخلت غرفتي نمت بملابسي