رواية حب بعد الطلاق
الفصل العاشر10
بقلم ساره محمد
حب بعد الطلاق《10》
بقلم: ساره محمد
جا سالم شغلها لي وانا بقيت قدر السمسمه ومحمد يضحك جا وقف جنمبي ومسك يدي زاد توتري ذيادة الحفله انتهت والضيوف مشو ومشينا شقتي معانا سالم ومرتو قلت ليهم بيتو لان الوقت اتأخر بقينا نتونس للساعه ٣ص ومحمد وسالم مشو غرفة وانا وملاذ مشينا غرفتي ونمت لاني منتهيه صحيت علي تلفون وسامعه بعيد م عاينت للرقم فتحت الخط سامعه صوت زول ببكي قمت مخلوعه عاينت للرقم لقيتو احمد اخوي بقيت اصرخ اقول ليو ف شنو اداني خبر زي الصاقعه انو ابوي اتوفي اناوبقيت اصرخ وكلهم اتلمو فيني وانا اقول ليهم م مات مات يا محمد ابوي ماشه اشوفو كيف يموت يا سالم قول لي الكلام ده غلط بقيت ابكي بهستيريا واغمي علي ادوني حقنه مهدئه ومحمد اتصل علي احمد قال ليو ابوي قال يدفنو ف السودان واحنا بكرة حانسفر الجثمان صحيت لقيتهم كلهم جنمبي مروان ورباب وسالم وملاذ ومحمد جنمبي وماسك يدي اتذكرت الخبر وبقيت ببكي ومحمد حاضني وببكي معاي
محمد: ساره ما تعملي ف نفسك كده الله يرحمو
ساره: يا محمد انا اخدت اجازه عشان اشوفو يقوم يخليني
محمد: امر الله حبيبتي عليك الله اهدي
محمد بقي يهدي فيني لمن رقت وحاب لي مويه شربت
محمد: احنا حجزنا حانرجع السودان بكره تمام
ساره: طيب
محمد: طيب اكلي حاجه
ساره: محمد م عندي نفس عليك الله م تجبرني
محمد: اشششششش اهدي طيب م حاجبرك ارتاحي حبه وانا بره طيب
رقدت وضميت رجولي علي ونمت
مروان: راقت؟؟
محمد: شويه بس م عاوزه تاكل
ملاذ: خلوها براحتها الخبر صعب عليها
محمد : اي
سالم: طيب نحن جانمشي نجهز نفسنا عشان نسافر معكم
مروان: واحنا زاتنا ارح يا رباب
محمد رجع لقا ساره ضامه نفسها ودموعها جاريه رقد جنمبها وحضنها وحس بدموعها الحارة ف صدرو بقي حاصنها شديد لمن نامت المنبه ضرب مواعيد الطياره محمد صحا
محمد: حبيبتي يلا قومي عشان نسافر
ساره كانت ساكته بس هزت راسها محمد ساعدها قامت استحمت وطلع ليها عبايه ولبسها
محمد: حبيبي برضو م عاوزه تاكلي انتي من امس ما اكلتي
ساره: لا م عاوزه حاجه
محمد: طيب خلينا نمشي
مسكها من يدها وطلع الشنط واتلاقو بالباقين ومشو علي المطار ساره م كانت واعيه لأي شي ومحمد بس ماسكه من يدها وصلو السودان ومشو بيتهم والناس من شافتها بقو يعزو فيها لمن وقعت من طولها ومحمد شالها وداها الغرفه فوقوها وقامت عزت امها واخوها وودعت ابوها بس م اتمالكت نفسها واغمي عليها لمن ركبو ليها درب ساره تلاته يوم لا بتاكل لا بتشرب ولا بتتكلم كانو خالنها علي راحتها بس محمد خاف تخش ف اكتئاب شال الاكل ومشا غرفتها ساره كانت قاعده ف نص السرير وسرحانه مشا قعد جنبها
محمد: انتي عارفه كده بتعزبي ابوك يعني انتي زوله مؤمنه وعارفه كلنا حانموت لمتين حاتكوني كده
ساره...........
محمد: ساره م تعزبيني والله م قادر اشوفك بحالتك دي
سارة..........
محمد م اتمالك نفسو وطوالي أداها كف وهي دموعها نزلو حضنها وبقو يبكو لمن ارتاحت شالها الحمام غسل ليها وشها وفتح فيها الدش وطلع جاب ليها غيار وطلع هي استحمت ولبست وحات مارقه بترجف شالها ختاها ف السرير جفف ليها شعرها واكلها وشربها العصير
محمد: احسن ؟؟؟
ساره: امممم
محمد: تحبي نطلع ؟؟
ساره: عاوزه امشي بيتكم
محمد: طيب خليني اكلم امك
ساره : طيب
محمد مشا اقنع ام ساره انو تغير جو ومها وافقت
محمد جا لبسها عبايه وسرح ليها شعرها وطلعو
ساره: محمد ناس سالم وين
محمد: رجعو خبيبتي عشان شغلهم بس بطمنو عليك طوالي
ساره: طيب
محمد ساق ساره بيتهم وكان مكلم اهلو انو زول يبكي معاها ماف دخلو وسلمو عليهم
يوسف: سرور انتي كويسه
ساره: الحمدلله
عباس: شنو يا الهام سارة دي شكلها حعانه واحنا زاتنا
الهام: الاكل جاهز وكمان عاملها ليها الاكل البتحبو
ساره: خالتو والله شبعانه
محمد: بس نحن جعانين وكن م اكلتي م بناكل
يوسف: وتتعلقي زنبنا
عباس: يرضيك يا بتي
ساره: لالا م يرضيني يا ابوي انا قصدي عمو
عباس: لا انا ابوك طيب
ساره: 😢طيب
محمد: م عاوزين دموع يلا نجهز السفره سوا
محمد مسك يدها ودخلو المطبخ جهزو السفره وقعدو ياكلو بس ساره بتهبش ف الاكل بعد خلصو ام محمد عملت القهوه ويوسف جاب شوكولاتات وبقو يتونسو ويحاولو يطلعو ساره من جو الحزن المسا محمد رجعها البيت رقدت جنمب امها
بعد اسبوع احمد قال لازم يرجع عشاان شغلو ولازم امو ترجع معاو امها م كانت عاوزه تخليها بس ساره قالت ليهم يسافرو ودعت أهلها ومشت قعدت مع أهل محمد قعدت معاهم شهر ومحمد ويوسف م كانو بخلوها لحدي م رجعت ساره حقت زمان
يوسف: سرووووووو
ساره: يويو انا ف المطبخ تعال
يوسف: جبت ليك الامانه
ساره: زااابطه زي كل مرة
يوسف: ارح نجرب
مشينا غرفة يوسف كان حايب فلم جديد جاب فشار وشكولاته وقعدنا ناكل محمد طا من الشغل
محمد: السلاك عليكم
الهام: وعليكم السلام قيلت كيف
محمد: ااااه تعبان ومصدع ساره وين
الهام: ف غرفة يوسف
محمد: مجانين تلقيهم بحضرو ف فلم
الهام: ههههههه خليهم م صدقنا ساره رجعت زي زمان اها وانت ناوي ترجعها متين
محمد: قريب يا أمي بس عاوز ابوها يقدم شويه
الهام: م تفرط فيها تاني
محمد: اكيد لا يا أمي م حاكرر غلطي سلا انا ماشي غرفتي ابدل ملابسي وابلع مسكن
الهام : طيب