رواية زي ماهي حبها
الفصل العاشر10
بقلم بسمة محمد
حاولت ادارك الموقف ندمت علشان من البدايه ماكلمتها كان ممكن الصدمه تكون اخف عليها قلت ليها احتمال صديقه مااكتر البت قالت لينا ابدا والله سناء دي صاحبتي الولد دا كرهها حرفيا شوشو نزلت طوالي ولا انتظرتني وانا بنادي فيها جات الاء قالت لي شوشو مالها قبا مااحكي ليها الدكتور جاء لي المحاضرة قلت لي الاء تشيل ليها الحضور وبحكي ليها بعدين وشلت حاجاتها وشنطتي وطلعت وراها لقيتها في الاستراحة منهارة رسمي قعدت جنبها ماعرفت كيف اواسيها حنستها قامت غسلت وشها وقعدت سرحانه قلت ليها عرفتي ليه انا دائما بقول ليك ماتثقي في زول علشان صدقيني ماف حاجه اسمها حب بس هي تبكي سقتها ومشينا الداخليه وضربت لي خالتو امها وقلت ليها انو شيراز اليوم عندنا شرح وحتعدي اليوم دا معانا في الداخليه واسي هي بتصلي المهم العصر كدا جات مرافئ وريتها الحاصل قالت لي الكريه الخسيس واسي هي كيف قلت ليها نايمه بعد صحت كان المغرب اذن صلينا جماعه في المصلى بتاع الداخليه قلت ليها ارح نطلع السطوح الاجواء بتكون حلوة فوق بعد طلعنا قلت ليها خليك هنا حاضرب لي ناس البيت قعدت في مصطبه عااليه كدا وانا عملت كدا قاصدة اخليها مع نفسها حبه تفكر ضربت لي ناس البيت واتكلمت مع عبدو وسالتو كيف ماشي في قرايتو كان ممتحن علمي هندسيه قلت ليهو اول مااخلص السمستر حاجي البلد ان شاء الله وبشرح ليك اسي ركز واقراء كويس بعد قفلت من ناس البيت رجعت ليها ظاهر انو كانت بتبكي قالت لي انا جعاااانه ياكلوبات ماناوين تعشوني صح ضحكت عليها وقلت ليها اهم شي عندك الطقة صح انجري قدامي نزلنا وعملت ليهم مكرونه بي الصوص قالت لي اسي دا اكل ليكم البشوفكم كلكم مجتهدين كدا يقول عاملين صينيه فراخ 😂😂 قلت ليها احلى منو يابت لمن قعدنا لي الاكل فرشنا المصالي وجبنا الملاعق وقلت ليها اكلي وانت ساكته بعد العشاء قلت ليها اكليني انا بعد دا ضحكت قالت لي والله طلعت ظابطه علشان مرافئ دقت التوم وقطعت ليك السلطه 😂😂 عاينت ليها كدا 🤨🤨جرت طوالي مشت مع مرافى المغاسل وغسلو العدة وجو راجعين حاولنا مانفتح معاها الموضوع نهائي حاولنا نطلعها من حالتها دي بي اجواء الداخليه ومواضيها المابتنتهي ضحكنا ولعبنا ونومنا بكرة صحيتها بدري قلت ليها قومي قالت لي اقوم من خمسه صباح امشي وين ضحكت عليها قلت ليها في قوانين الداخليه الكل بصلي الصبح حاااااضر وثانيا عندنا صف ظريف خفيف لازم تمري بيهو وثالثا حاجة افتحي دولابي شوفي حاجه مقاسك ادخلي فيها (في الداخليه بي دواليبنا والله 😂) صحت زهجانه قالت لي غلطانه انا البنوم معاكم زاتو سبحان الله صحت متصالحه مع نفسها تماما كانو ماف حاجه لبسنا وطلعنا الكليه حضرنا المحاضرة الاولى وطلعنا الكافتريا نفطر جاء ماهر سلم علينا كان مستعجل قال عندو محاضرة سهى قالت لينا كمان بي كل بجاحه جاي يسلم علينا بس اتفاجأنا بي ردت فعل شوشو وهي بتقول لينا بنات ماتظلموهو ماليهو ذنب هو قلت ليها نعم كيف يعني قالت لينا دي غلطتي انا الحبيتو هو ولا مرة فتح معاي الموضوع دا كان دائما بعاملني زي اختو وصاحبتو بس انا الفهمتو غلط يعني هو ماليهو ذنب فهمتو وتاني الموضوع دا مايتفتح خالص 😑😑استغربت طبعا فيها حضرنا باقي محاضراتنا ديك وكل زول رجع البيت بالليل الليدر بتاع الدفعه رسل لينا الجدول بتاع العملي السمستر دا احنا والسناير نازلين في نفس المستشفى هم اطفال واحنا جراحه وباطنيه عندنا يومين في الاسبوع انا وعمر علاقتنا بقت حلوه شديد يوم نكون شغالين عملي بيضرب لي بمشي بدري من زمن العملي بيجي يشرح لي ويعلمني كل حاجه خطوة خطوة بدا يحببني في التمريض ❤️❤️يوريني كيف مساعده الناس عندها راحه نفسيه ودخلني معاهم في مبادره اسمها شارع الحوادث انا فعلا حبيت التمريض وبدت نظرتي تتغير عنو ماحصل جاب لي سيرة روان ولا انا سالتو منها يوم قاعدين في الداخليه قلت ليها مرافى اليوم ماماشه المكتبه قالت لي ماشه خير مالك قلت ليها ماشه معاك قالت لي اليوم مالك حاسه بي شنو قلت ليها اجي الزول اقراء تقولي لي مالك مااقراء كل يوم تنقي في راسي اها اعمل ليك شنو ضحكت قال لي خلاص قومي اعملي لينا كوفي بريك وارح قمت عملتو وشلنا كبابينا وطلعنا بتذكر اليوم داك اول مرة اقراء علشان انا حابه اعرف ماعلشان امتحانات او ارضى ضميري او غيرو يوم كنا شغالين قروبنا انا والاء واحمد في حوادث الجراحه ومرافي ومصطفى في حوادث الباطنيه وسهى وشوشو في عنابر الجراحه ونفس اليوم داك عمر وماهر شغالين كانو في حوداث الاطفال المهم كل زول القسم حقو بعيد كل البعد عن التانين كنت بتكلم مع محمد اخوي وداخلين انا والاء محمد قال لي دقيقه وبرجع ليك دخلنا انا والاء واحمد لسه ماجاء واحنا لافين كدا جابو ولد يكون عمرو 15 سنه كدا عامل حادث بقينا كلنا نجري من دكاترة لي ممرضين دخلنا معاهم انا والاء كانت حالتو خطيرة قامو فجاءة كدا بقو شغالين ليهو CPR(انعاش قلبي رائوي) بعد نص ساعة كدا الدكتور قال ليهم ساعه الوفاة الساعه 9:15ص انا انهرت تماما بقيت اقول ليهم لا مامات يادكتور والله مامات امجد مامات وببكي واصرخ بطول حسي دخلت في حاله بتاعه تشنج والناس كلها بقت مركزه معاي انا..