رواية زي ماهي حبها
الفصل الحادي عشر11
بقلم بسمة محمد
الاء بقت تبكي معاي 😂وماعارفه كيف تتصرف جاء احمد مقلع عيونو 👀ماعارف يعمل شنو يجري علي ولا يهدي الاء انا اصلا الدكاترة اتلمو حوالي فهو جرى لي الاء بقى يهدي فيها قال ليها يابت اهدي خلينا نتصرف في شنو حصل شنو احكي لي هدت حبه وحكت ليهو وانا ادوني حقنه مهديه مع دربات بعد ما الاء هدت حبه تلفوني كان بيضرب دا محمد اخوي ردت الاء وحكت ليهو الحصل محمد دا دخل في حاله قلق ماطبيعيه وشغال لي الاء وين هي كويسه قالت ليهو حاليا نايمه وممنوع منها الزياره قال ليها عليك الله ماتخلوها براها انا حاضرب لي خالتي بس خليكم معاها ماتبعدو منها خاالص لحدي ماخالتي تصلكم الدفعه كلها عرفت وحتى السناير الكل جاء عاوز يعرف الحصل مرافي من جات بس تبكي البيشوفها هي والبنات يقولو مت 😂الشله بس الدخلت لي وكلهم في حاله توتى وخوف ماطبيعي وانا كل مااصحى بترجع لي نفس الحاله وعمر عاوز يموت من الخوف الكل بيسال في الاء من الحصل حكت ليهم سالتو مرافى بي حكم انها اقرب لي زول الحاله دي جاتها قبل كدا حصل حكت ليك حاجة امجد دا منو بس مرافى كمان ماكانت عارفه حاجه وقالت ليهم اول مرة اشوفها كدا ومحمد كل دقيقه بيضرب لي الاء بيسال منى وهي بتقول ليهو لسه في حالتها لحدي ماخالتي وصلت وهي عيونها وارمه من البكاء من وصلت كان معاها احمد ورحيق وعمو عبدالله وظاهر في وشهم انو في حاجه كبيرة خالتي طلبت من الكل يطلع فضلت معاي هي بس اول ماصحيت المرة دي بقيت اصرخ وابكي وفي نفس حالتي خالتي منعتهم يدوني حقنه تاني وقالت ليهم خلوها بعد نص ساعه كدا حتى هديت من الصراخ بس دموعي لسه ماوقفت والكل بره مقلق علي خالتي قالت لي الدكتور انو عاوزة تطلعني قال ليها احسن اليوم تعديهو معانا قالت ليهو لا على مسولتي انا تطلع طلعوني وانا مامجمعه زاتو خالتي شكرت الشله وباقي الدفعه على وقفتهم معاي ومرافئ اصرت انو تمشي معاي وماتخليني بعد وصلنا البيت خالتو حاولت تخليني اكل حاجه بس رفضت وقلت ليها عاوزة انوم بس وفعلا حاولت انوم لحدي مانمت مرافى عاوزة تسال وماقادرة رحيق قالت ليها معليش لو خوفتكم اليوم قالت ليها مالها يعني الحاله دي عندها من زمان قالت ليها اي كانت عندها بس ليها فترة قالت ليها طيب امجد دا منو رحيق دموعها جرت قالت ليها دا تؤم احلام كانو مابفترقو خااالص مع انو هم بت وولد لكن روحهم كانت معلقه بي بعض لمن كانو في سابع امجد واحلام مدارسهم بينها شارع بيطلعو مع بعض بعد وصل احلام كان قاطع الشارع وجات عربيه بي سرعه وغلبها تكمل 💔💔مرافى برضو بقت تبكي معاها قالت ليها في لحظتو اتوفى والكلام دا كلو في وش احلام ومن يومها عندها الحاله دي الكل كان بين موت امجد وحاله احلام خالتي قربت تجن عديل كدا وحاله محمد اخوها وابوها كانت ماساويه عديل كدا الا عبدو كان صغير عدت 8 شهور مابتتكلم مع زول اهلها بيخافو عليها من اقل حاجه بتاثر فيها بقت بتخاف تقرب من زول علشان بتخاف تفقدو زي امجد بعد محاولات من اهلها وعلاجات رجعت بس ابدا مارجعت احلام البنعرفها بقت منطويه ماعندها اجتماعيات زي زمان دائما سرحانه كان دفعتها دخلت تامن فدخلوها معاهم طوالي علشان ماياثر عليها تغير الدفعه بس كانت كل ماتشوف مكان الحادث بياثر عليها لي درجه اجرو هنا جنبنا وجات امتحنت تامن هنا واسي بعد رجعو البلد ماسكنو في حلتنا القديمه 💔💔مرافى ماخلت دموع وبكاء اليوم داك باليل الشله والدفعه وكل الناس البعرفها في الجامعه حتى بنات الداخليه بيسالو منى مرافى طمنتهم وقالت ليهم بقت احسن عمر رجع لي مرافى وقال ليها ليه مابتردي قالت ليهو والله تلفوني كان صامت من الصباح وفي الشنطه ياداب شلتو رديت ليكم في الواتس علشان مابقدر ارجع ليكم كلكم قال ليها في شنو الحاصل ليها شنو حكت ليهو كل الحاصل بكرة الصباح بقيت احسن الحمدلله بس لسه كل مااتذكر منظر الولد بتذكر امجد ودموعي بتجري اهلي وصلو من البلد وابوي اصر امشي اعدي اسبوع في البلد وفعلا رجعت معاهم وماشلت تلفوني خليتو مع الاء الشله كانت جاياني بس طلعنا البلد قبل مايصلو عديت اسبوع وزيادة في البلد شويه غيرت مزاجي وهواء البلد والبحر واهلي حوالي وجيرانا واهلنا كلهم ماقصرو معاي وخاصه خالد كل يوم عامل لي موضوع علشان يطلعني من حالتي 🌝🌝ماكنت متواصله مع زول خااالص الشله بتضرب لي امي وبتطمئن علي بس ماكان في تواصل بيناتنا في الايام الاولى ماكان عندي مزاج اتكلم مع زول يوم قاعدين ابوي قال لي يااحلام يابتي انت لازم تكوني قويه امجد دا ماكان تومك بس كان ولدي كمان بس دا يومو وقدرو كدا نعمل شنو اتكلم معاي كتير وانا ابكي وهو يبكي قال لي ربنا يربط على قلبك وقلوبنا يابتي وان شاء الله نجتمع بيهو في الجنه حقيقي المواقف الزي دي ماليك غير اهلك ومحمد دا مش كل يوم بيضرب لا دا كل دقيقه حرفيا بيضرب 😂😂لمن قلت ليهو محمد تاني ماتضرب لينا كرهتنا ياخ قال لي الحمدلله كدا ياداب اطمئنيت انو بقيتي كويسه 😂وعبدو اخوي دا بس حارسني كدا حالف مايفارقني لحظه مابخليني براي 😂ابوي قال لي بعد كدا ترجعي جامعتك وتشدي حيلك انت بتعالجي ارواح منو وبكره مسافرة ابوي عمل لي كرامه في الجناين وكل العيله مجتمعه 😍😍حقيقي غيرو لي نفسياتي قلت ليهو خالد ادينا تلفونك نتصور بيهو علشان صورو واضحة قال لي تدفعي كم قلت ليهو خسميه 😂😂قال لي لا بقيت احنس فيهو قلت ليهو ماتزلني علشان تلفوني مامعاي يعني ياداب اتذكرت تلفوني قلت بيكون عند ناس خالتو خالد قال لي نتصور صورة برانا بديك ليهو قلت ليهو صورة واحدة بس ليك عشرة صور 😂😂اتصورنا كم صورة مع بعض واداني التلفون وماخلينا صورة مااتصورناها انا والبنات قلت ليهو حولهم لي في الواتس قامت ضربت ليهو محمد اخوي فيديو اتكلمنا معاهو قال لي اعوذ بالله مالك بقيتي شينه كدا وعيونك وارمه زي السحار قلت ليهو محمد اتلمه خالد قال ليهو بت عمي ماف اسمح منها 😂قال لي بي المناسبه تلفونك وين ياسجم قلت ليهو والله ماعارفه بيكون عند ناس خالتو ضحك قال لي عند ناس خالتو قلتي لي اضربي لي خالتو ماعندهم وابقي
قلت ليهو والله ماعارفه بيكون عند ناس خالتو ضحك قال لي عند ناس خالتو قلتي لي اضربي لي خالتو ماعندهم وابقي مرة تاني قولي لي محمد انا اختك الوحيدة عاوزة ايفون 😂😂بعد تحانيس قال لي مع الاء بي ضحكه كدا 😂المهم سافرت بكرة مع وصايا الاهل بس رفضو ارجع الداخليه باقي السمستر دا 😴🥹قعدت مع ناس خالتو لاقوني في الموقف احمد وعبدو كانو صغار ماحصل شافو حالتي دي 😂احمد كل دقيقه يجيني يقول لي انت كويسه بقيتي كويسه 😂لقيتو جايب لي طرحه وعطر وجراب هديه اكتر زول بعزني احمد دا 😂الصباح قبل مااطلع ضربت مرافى في تلفون رحيق قالت لي اها جايه اليوم الجامعه قلت ليها لا بقت تحنس فيني قلت ليها خالص جايه ياسجم 😂😂رحيق قالت ماعندها جامعه وحابه تمشي معاي مع انو عارفه انا انو هي وخالتي خايفين علي علشان كدا رحيق ماشه معاي وانا مابحب زول يعاملني كدا بس قلت ليها طوالي ومنها تتعرفي علي دفعتي طلعنا الجامعه وصلنا واحنا في باب الجامعه .....