رواية احببته ولكن
الفصل العاشر10
بقلم ساره محمد
معاذ: غزل والله انا اسف
غزل: معاذ ممكن تطلع
معاذ: سامحيني يا غزل انا بس م عرفت اعمل شي
غزل: ما انت عملت انت شكيت فيني وف تربيتي لا وكمان شكيت اني عملت علاقه مع سامي ياخ سامي ده قدامي من صغري لو حبيتو كان اتزوجتو وقلت ليك اني بعتبرو اخوي بس انت
معاذ: والله كنت حاموت من التفكير
غزل: كنت تجي تسألني كان وريتك ولا انك تسكت وتعاين لي نظرة شك اسمع يا معاذ انا زول شكاك م ينفع في حياتي عشان كده طلقني
معاذ: غزل م تعملي فيني كده انا بحبك
غزل: لو بتحبني م كان شكيت فيني
معاذ: انا اسف يا غزل ومستعد اعمل اي شي بس سامحيني
غزل: اطلع من حياتي يا معاذ ده كلو العاوزاه
معاذ: غزل انا م بقدر ابعد عنك
غزل: معاذ اطلع انا م عايزه اتكلم
معاذ: طيب بس م بخليك وما بطلقلك فاهمه
معاذ طلع وانا راسي من البكا وجعني بلعت مسكن ونمت
بلسان معاذ:::::
انا م صدقت غزل رجعت لي وكنت قريب منها شديد عدينا شهر ويدها بقت كويسه وهي وافقت اخيرا اني أقرب ليها بس لمن قربت ليها رغم الألم الشفتو ف عيونها والبكاء م نزل منها دم وانا زي زي اي راجل خلاص الشك دخل قلبي وم اتكلمت معاها ختي لمن جات المطبخ لقتني مع حنان وقالت ماشه أهلها م منعتها لاني الشك معمي علي عيوني بعد اسبوع انا لا شفتها ولا سمعت صوتها لقاني عمو احمد وأصر علي امشي معاو اتغدا م قدرت أرفض وفعلا مشينا البيت وناده غزل بس سلمت علي بكل برود وواتفاجت لمن شفت معاها سامي لا وكمان بخت معاها ق السفره انا اتعصبت وقلت بيناتهم علاقه وبقيت ماسك اعصابي بالرجاله هو طلع وهي مشت قدمتو وانا خلاص اعصابي نفذت دخلتها غرفتها وهي عرفت اني شاكي فيها وف سامي ضربتي كف بس م وجعني اكتر من التقرير الطبي الشفتو طيب هي لي م ورتني بقيت احنس فيها بس هي م رضت رجعت البيت وانا مضايق من نفسي حتي حنان والعيال م قدرت اشوفهم