رواية احببته ولكن
الفصل الحادي عشر11
بقلم ساره محمد
الصباح؛؛؛؛؛
قمت استحميت وصليت ودعيت انو الله يساعدني ادبر اموري وطلعت صبحت علي امي وابوي وقعدت اشرب ف الشاي
ابوي: غزل انتي ومعاذ متناقشين
غزل: اي يا ابوي
ابوي: في شنو
غزل: معليش يا ابوي بس مشاكلي الخاصه ما بحكيها
امي: انتي قولي عشان نقدر نحلها
غزل: يا أمي أنا كبيره بما فيو الكفايه عشان احل مشاكلي ولو انتو مضايقين من قعدتي بمشي م مشكله
ابوي: كيف يعني نضايق منك بس انتي من جيتي م بتتكلمي كتير وامس مع معاذ كنتي بتتعامل ببرود
غزل: معليش يا ابوي خلوني براحتي ممكن
ابوي: كويس يا بتي بس ان شاء الله م اندم واكون سلمتك للراجل للغلط
كلمة ابوي دي أثرت فيني شديد يعني هو شايل هم اختيارو لمعاذ بس انا مهما حصل م بحكي ليو
غزل: م تقلق يا ابوي الموضوع بسيط بس انا حابه اريح اعصابي معاكم
ابوي: طيب يا بتي
غزل: يلا انا طالعه
ابوي: امشي بعربيتي انا اليله م طالع
غزل: طيب مع السلامه
طلعت مشيت الجامعه كان عندي محاضره وبعدها بمشي المستشفي
عند معاذ::::؛
صحيت مصدع من كترة التفكير استحميت وصليت ونزلت لقيت حنان بتشرب ف الشاي
معاذ: صباح الخير
حنان: صباح النور مالك مصدع؟
معاذ: اممم شديد
حنان: اجيب ليك مسكن
معاذ: بلعت بس جيبي لي قهوه تقيله
جنان مشت سوت القهوه وجابتها
حنان: اها م عايز تحكي لي الحصل شنو معاك انت وغزل
معاذ: انت غلطت في حقها يا حنان
حنان: حصل شنو
معاذ: طبعا حكيت ليك انها اخيرا وافقت أقرب منها وفي اليوم داك حصل شي قريب لكن قربت منها م نزل منها دم وانا قلبي خشاو الشك فما قدرت اسألها وخلاص راسي بقي شاطب وامس لقاني عم احمد وقال الا امشي معاو البيت وفعلا مشيت وهناك لقيت سامي مع غزل اخر ونسه وضحك وبخت معاها ف الغدا فما استحملت واجهت غزل انو هي عملت علاقه قبل كده لا والاكعب اتهمتها هي وسامي
حنان: لا حوله ولا قوه الا بالله ده شنو با معاذ بالغت والله
معاذ: م كنت قادر افكر يا حنان الشك عماني
حنان: اها ولمن واجتها حصل شنو
معاذ: جابت لي تقرير انو كان عندها مشكله ف الدورة وعملو ليها عمليه فبكده فقدت عزريتها
حنان: انا عرفت حاجه زي دي هي حكت لي
معاذ: بس واسي هي طالبه الطلاق قالت لي م بقدر اعيش مع زول شكاك
حنان: بصراحه انت غلطان
معاذ: عارف والله عارف بس اها اعمل شنو
حنان: طيب انت اسي ارتاح عشان الصداع م يذيد وانا بتصل عليها اصلا عندي مقابله مفروض تمشي معاي هي
معاذ: طيب اوديك انا
حنان:لا بخليها تجيني عشان اتكلم معاها براحتي
معاذ: طيب انا ماشي ابدل ملابسي وطالع لو ف شي اتصلي علي
حنان: تمام
حنان شالت التلفون اتصلت علي غزل
حنان: ألوو غزل مشتاقين
غزل: بلااكتر يا حنون اخبارك
حنان: والله يا غزل تعبانه شويه اها اليله المقابله
غزل: م ناسياك بجيك الساعه ٢ تمام
جنان: تمام وانا بنتظرك
حنان قفلت الخط ومعاذ حا نازل وهو جاهز
حنان: معاذ غزل حاتجيني الساعه ٢
معاذ: طيب اتصلي علي لو ف شي
حنان: تمام
عند غزل ؛؛::::
انتهيت من محاضراتي وجاني سامي ف الحامعه مشينا الكافي
سامي: غزل امبارح معاذ مالو
عزل: معاذ واحد شكاك
سامي: يعني هو شاكي فيني م فهمت
غزل: طيب حاحكي ليك بس اوعدني م تجيب سيرة لزول
سامي: اوعدك
حكيت لسامي القصه كلها طبعا انصدم
سامي: انا بالجد م متوقع ف عقليه زي دي
غزل: ولا انا يا سامي
سامي: بس يا غزل هو ليو حق يعني اي راجل ف عقليتو بعمل العملو
غزل: سامي كان ممكن يواجهني ما يمشيورا تخيالاتو صاح
سامي: صاح بس برضو معزور اها وانتي قررتي شنو
غزل: والله يا سامي كنت عاوزه اطلق بس كلام ابوي اليله اثرني قال لي م داير اندم اني سلمتك للراجل الغلط وانا كلمتو دي وقفت لي ف قلبي
سامي: صعبه والله يعني ابوك لو واثق انو راجل بصونك ما كان فرضو ليك يعني م ححاتطلقي
غزل: م عارفه راسي جايط
سامي: طيب ادي فرصه
غزل: لو اديتو فرصه ممكن لقدام تاني يشك
سامي: طيب انتي فكري برواقه وخليها علي الله
غزل: ونعم بالله انا اتاخرت لازم امشي مع حنان المقابله
سامي: تمام انا خاتصل عليك المسا اطمن عليك
غزل: طيب مع السلامه
ودعت سامي وبالجد الكلام معاو ريحني شديد طلعت مشيت قدام اللبيت اتصلت علي حنان جاتني ماده كرشها
غزل: ام كرشولا
حنان: امشي يا وسخه بكره تعمليها واضحك فيك
غزل: يلا نمشي
حنان: عاوزه اتكلم معاك
غزل: حنون م تعكري مزاجي عليك الله