رواية احببته ولكن
الفصل الثاني عشر12
بقلم ساره محمد
حنان: خلاص ممكن نتكلم بعد نجي من المقابله
غزل: تمااام
مشينا المقابله وعملنا الفحوصات بس الدكتور كان مقلق انا اتوترت
الدكتور: والله يا حنان انتي كويسه بس الشهور الجايه لازم تعملي حسابك يعني م عايزين اي مجهود وكمان من السرير م تقومي تمام
حنان: تمام في شي بقلق
الدكتور: لا ف حاجه حانقشها مع غزل ممكن تنتظري برا
طلعت حنان بره وانا زاتي كنت متوترة رجعت للدكتور
غزل: طمني ف شي
الدكتور: انتي دكتورة وانا ما بدس عليك لانو لازم تكوني جنمبها الفترة دي
غزل: ف حاجه خطره
الدكتور: لو تابعتيها لي أن شاء الله ماف شي خطير بس الشهور الكبيرة دي احتمال النزيف او القلب يتعب عشان كده بقول ليك تكوني معاها وتكوني متواصله معاي
غزل : خير يا دكتور
شلت الرووشتهه وطلعته يعني انا بين نارين لازم اكون مع حنان وف نفس الوقت م عاوزه اشوف معاذ لكن لازم اكون مع حنان لاني المسؤله عن حالتها الان
حنان: في شي
غزل: م تقلقي ماف شي ارح حامشي بيتنا اشيل شنطتي وارجع معاك
جنان: جد
غزل: م تفرحي راجعه عشانك لاني مسؤله منك فهمتي
حنان: طييييب
طلعنا مشينا البيت كلمت امي استغربت من قراري لاني الصباح قلت م برجع المهم اقنعتهم وشلت شنطتي ومشيت البيت مع حنان دخلنا كده حو العيال من المدرسه وسلمو علي وكاني غايبه منهم سنه
طلعت حنان غرفتها واديتها ادويتها ومشيت غرفتي بدلت ملابسي
عند معاذ؛؛؛؛::
قاعد بفكر في الحصل شنو مع حنان تلقوني دق وطلعت هي
معاذ: الووو
حنان: معاذ كيفك
معاذ: تمام وانتي اها مشيتي المقابله
حنان: أي والدكتور قال الشهور الجايه حاتكون صعبه شويه حتي غزل جات معاي البيت
معاذ: شنو غزل رجعت
حنان: اي
معاذ: طيب انا جاي البيت تمام
حنان: هههههه تمام
بالجد لكن حنان قالت لي رجعت الفرحه الكنت حاسي بيها ما زول عندو ركبت عربيتي وغشيت الماركت جبت حاجات للعيال وحنان وجبت لغزل الشكولاته البتحبها
عند غزل:::"""
ام حنان جات تقعد معانا تخلي بالها من العيال وانا اخلي بالي من حنان قاعدين ف غرفة حنان كلنا وانا كنت شايله علا ف رجليني جا داخل داخل معاذ سلم علينا وانا سلمت عليو بكل برود لاني بالجد م قادرة اشوفو ناده علا الكانت ف طرفي أداها حاجاتها وادا علي حاجاتو وكمان حنان بقي يعاين لي وانا عملت نفسي مشغوله مع التلفون
حنان: معاذ جعان نخت الغدا
معاذ: يا ريت والله جعان
ام حنان: ارح يا غزل نختو
غزل: طيب يا خالتو
جيت طالعه معاذ ناداني
معاذ: احم غزل هاك ده
غزل: شكرا ما عايزه
حنان: يا بت دي الشكولاته البتحبيها
غزل: ما بقيت احبها خليها للعيال
وطوالي طلعت مشيت مع خالتو نجهز الغدا
حنان: معليش بكرة بترضا
معاذ : م اظن راسها قوي
حنان: هههههه خاتتعب شويه
معاذ: انا ماشي ابدل ملابسي واجي انزلك
حنان: لا انا اكلت غزل اكلتني رجاله عشان الحبوب
معاذ: طيب
مشيت غرفتي وانا زهجان يعني هي حتي لمن سلمت عليها م عاينت لي وم شالت الحاجه الجبتها ليها اووووف بالجد شكلي حاتعب
دخلت استحميت ونزلت تحت لقيتهم رصو الاكل ف السفره بس ما لقيت غزل
معاذ: خالتي وين غزل
ام حنان: قالت شبعانه وعندها قرايه
معاذ: طيب
اكلنا انا وأم حنان والأولاد وبعد خلصت عملت لي قهوه ومشيت لحنان لقيت غزل قاعده ف الكرسي الجنبها من شافتني قامت
معاذ: اقعدي انا بس حيت اطمن علي حنان
غزل: حنان لو احتجتي شي اتصلي بي
وطلعت طوالي مشيت غرفتي وقفلت الباب بالمفتاح
حنان: معليش استحمل
معاذ: انتي عارفه م عندي طولة بال
حنان: انت غلطان وكمان داير يصالحوك بسرعه
معاذ: حنان م تزيديها علي
حنان: طيب طيب اها شغلك كيف
معاذ: تمام عندي سفريه قريب
حنان: تمام
معاذ: انا حامشي غرفتي عاوزه حاجه
حنان: لالا حبيبي
بست حنان ف راسها وطلعت جيت ماري بغرفة غزل النور كان مولع دقيت الباب
غزل: منوو
معاذ: احم انا
غزل: لو سمحت عندي قرايه
معاذ: غزل بس دقائق
غزل: لا
وقفلت النور يعني خلاص ماف امل اتكلم معاها مشيت غرفتي وبقيت افكر لحدي م نمت
الصباح :::::"
قمت استحميت وصليت ومشيت علي حنان صبحت عليها واطمانيت عليها ونزلت لخالتوو لقيتها بتشرب ف الشاي قعدت أشرب معاها لحدي م سامي يجيني لان عربيتي لسه ف التصليح سويه كده وجا معاذ نازل
معاذ: صباح الخير
ام حنان: صباح النور
ام حنان مشت المطبخ تجيب ليو الشاي هو قعد جنمبي
معاذ: حتي الرد مستخسره فيني
غزل: م اظن تستاهل وبعدين م تفتكر رجعتي عشانك رجعتي دي عشان صحه حنان وانا حاكون معاها لحدي م تلد بالسلامه وبعدها كل زول ف طريقو
معاذ: غزل والله انا اسف سامحيني
تلفوني اتصل :؛؛؛
غزل: اي يا سامي
سامي: غزل انا بره يلا
غزل: طيب انا جايه
شلت شنطتي وقمت
معاذ: احم ده سامي
غزل: ايوا ده اخووي سامي ف مانع
معاذ: لا طيب اجيك بعدين ارجعك
غزل: لا بطلب ترحال
وطلعت طوالي مشيت لقيت سامي بره
سامي: اووو دكتورتنا
غزل: هلا هلا
سامي: وضعك كيف بلاي
غزل: ههههههه اسكت عايشه علي اعصابي
دايرين نتحرك مرق معاذ
معاذ: سامي ممكن دقائق
غزل: سامي اتاخرت انا
سامي: طيب دقيقه اشوفو ونتحرك تمام
سامي نزل وانا بقيت ف العربيه شكلو اعتزر ليو لانو ف النهايه حضنو بعض وسامي ركب واتحركنا
سامي: هههههههه عارف الشمار حارقك
غزل: لا شمار لا شي عارفاو اعتزر ليك
سامي: هههههههههه والله انتي
سامي وصلني المستشفي زمن دخلت الاخصائي استلمني من حاله لحاله لحدي الساعه ٥ انا م خلصت اتصلت علي حنان
غزل: حنونه
حنان: غزل اتاخرتي مالك
غزل: اليله حالات ولادات كتيره عقبالك
حنان: ههههه امين اها وعليك. بدري
غزل: والله م عارفه بتصل عليك لمن اكون طالعه
حنان: تمام
قفلت من حنان وانا لسه جاريه الساعه بقت ٩ اخيرا خلصت اتصلت علي ترحال شويه كده وقال لي اطلعي طلعت بس لقيت معاذ واقف بعربيتو ومن شافني حا علي
معاذ: قلت م ترجعي براك باليل
غزل: بس انا طلبت ترحال
معاذ: ما ينفع اركبي العربيه وانا حاحاسبو
ركبت العربيه من سكات لاني ما فيني حيل اجادلو هو حاسب الترحال وجا ركب وانا من التعب تكيت الكرسي وغمضت م حسيت الا معاذ بصحي فيني
معاذ: غزل نحن وصلنا
نزلت من سكات مشيت غرفتي دخلت ادوشت ومشيت لحنان سلمت عليها وفحصتها واتصلت علي عمو اديتو التقرير
حنان: غزل شكلك تعبانه
غزل :والله يا حنون م قعدت اليله
حنان: كر علي اكلتي
غزل: م عندي نفس حامشي انوم
حنان: اكلي بعدين نومي
غزل: طيب طيب
طلعت من حنان بعد م ماشه المطبخ كسلت مشيت غرفتي طوالي نمت
عند معاذ::::؛
بالجد مشتاق ليها مشتاق لونستها وضحكها حتي شكلها معاي طلعت من غرفتي ومشيت ليها فتحت الباب براحه لقيتها نايمه علي بطنها شكلها تعبانه قربت منها زحيت شعرها الكان ف وشها وبستها ف خدها وبقيت سرحان فيها فجاءة انقلبت بس ما صحت رقدت جنبها وبقيت سرحان ف وشها لحدي م نمت
قمت الصباح لقيت نفسي ف حضن معاذ ده شنو ده حا متين وانا كيف ف خضنو قمت منو هو صحا بي
غزل: انت شنو الجابك هنا
معاذ: جيت اطمن عليك وم حسيت بنفسي لمن نمت
غزل : ممكن م تقرب علي تاني
معاذ: غزل حرام عليك انا م متحمل والله
غزل: معاذ اطلع بره
معاذ: طيب طالع اهدي
هو طلع وانا بزهجتي ديك دخلت استحميت وصليت ولبست لي عبايه ونزلت لقيتو بشرب ف الشاي قعدت اتونس مع ام حنان واتصلت علي سامي
غزل: سامو صبااحو
سامي: صباااحو
غزل: اها استناك ولا كيف
سامي: والله يا غزل انا سافرت فجاءة وكنت عاوز اتصل علبك اسي اوريك
غزل: تمام وحاتجي متين
سامي: بعد يومين
غزل: تمام اتصل علي الميكانيكي شوف لي العربيه ماله اتاخرت
سامي: طيب
قفلت من سامي وطلبت ترحال بس قال بياخد زمن وناس المستشفي بقو يتصلو علي عشان اتاخرت
معاذ: غزل ارح اوصلك
غزل: ماف داعي الترحال قريب
معاذ: غزل الترحال عليو بدري وانتي ناس المستشفي اتصلو عليك يلا
طلعت معاو لاني م عندي حلل ركبنا العربيه وانا ساكته لحدي م وصلنا جيت نازله مسك يدي
معاذ: حني علي
غزل: اسفه والله
فكيت يدي ونزلت طوالي مشيت علي الشعل الما بخلص
عدا شهر وانا تعاملي مع معاذ ف حدود بوصلني ويرجعني بس كلام كتير م بنتكلم
اليله الجمعه اجازه:؛؛؛:
صحيت استحميت وصليت ونزلت شربت الشاي مع ام حنان وساعدتها ومشيت قعدت مع حنان للساعه ١٠ معاذ م جا
حنان: اليله معاذ قريبه نايم
غزل: مش راجلك افقدي برااك
حنان: يخسي عليك يا غزل
حنان رسلت علي قالت ليو امشي شوف ابوك
علي جا بعد شويه وقال ليها يا ماما بابا واقع ف الارض