رواية زي ماهي حبها
الفصل الثاني عشر12
بقلم بسمة محمد
اشوف ليك البنات متسابقين علي 😂😂من شافوني وقعو فيني احضان قلت ليهم براحه ياسجمانات عاوزين تقتلوني انتو صح وهم مصرين لسه كل واحدة تقول لي التانيه ابعدي لي انا عاوزه اسلم عليها بعد خلصو سلام سلمت على احمد ومصطفى وعرفتهم بي رحيق بت خالتي طلعنا القاعه كان اخر محاضرة في السيرجري حصلناها والدكتور ورانا طريقه الامتحان وادانا نمازج ليهو بعد خلصنا كل الدفعه جات تقول لي حمدلله على السلامه نزلنا الكافتريا نفطر قلت ليهم دقيقه لحظه استيعاب كيف اخر محاضرة وامتحانات شنو قالو لي السمستر دا تلات شهور بي الامتحانات لو كان بتردي كان عرفتي قلت ليهم ربنا يعدي السمستر دا على خير اها الفطور شنو اتفقو نفطر بوش مشى احمد ومصطفي قالو عاوزين يظبطو لينا البووش قاعدين نتونس كدا وحاسه بي نظراتهم لي كانو شفقانين على قلت ليهم من الاخر ماتعاينو لي كدا والله اقطع علاقتي معاكم ضحكو قالو لي يموت الاحساس حقك دا احنا بنعاين ليك كيف مازي زمان ماف جديد سكت منهم مرافئ معلقه في يدي قالت لي ماقادرة اقعد في الداخليه من غيرك بلييز تعالي ولا بلم حاجاتي واجي اقعد معاك عند ناس خالتك 😂😂رحيق قالت ليها حبااااابك الف والله لكن احلام ماف ليها جيه دي اوامر عليا هي زات نفسها مابتقدر تكسرها قال ليها بس السمستر دا تاني مابخيها ليكم 😂😂جابو الفطور فطرنا قلت ليهم انا غايتو حانوم ليكم في المحاضرة صدقوني 😂😂سرحته كدا شوشو قالت لي هى مشيتي وين انا طبعا كنت بفكر في عمر ليه ماجاء معقوله ماعارف انو انا جايه اليوم المهم طلعنا احمد جاب لينا انا ورحيق قهوة قال لي اها علشان انت عاوزة سبب لي النوم الشله شغاله ليهو احم احم القهوة لي ناس بس 😂قال ليهم العاوز يمشي يجيب بدت المحاضرة وبعد خلصت قالو عاوزين يشرحو قلت ليهم والله مابقدر قالو لي يابت الامتحانات غالبا بعد اسبوعين كيف ماقادرة هو بي كيفك وماتنسي انو انت فوتي محاضرات كتيرة مع كلامنا دا جاء عمر وظاهر كانو كان جاري ماقادر يلقط نفسو قال لي السلام عليكم كنت مدياهو ضهري اتلفت عليهو قلت ليهو وعليكم السلام مصطفى قال ليهو يازول الساكيك منو 😂حمر ليهو قال لي كيفك وكيف صحتك وين الغيبه الطويله دي قلت ليهو واحدة واحدة علشان اقدر اجاوبك نط احمد قال ليهو يازول فك يد بتنا دي سويت ليها شد عضلي 😂😂😂قال ليهو وانت مال امك اتلهي بس بعاين لي كانو بحاول يستوعب انو انا كويسه وواقفه قدامو مرافئ قالت ليهم ياجماعه الشرح ارح يااحلام تعالي اقعدي هنا عاوزة اقعد نط عمر قال ليها اشرحو براكم احلام انا بشرح ليها 😂جراني قال لي تعالي عاوزك في موضوع حياة او موت😂 نزلنا تحت قعدنا في البينشات قال لي والله مامصدق انو انت قاعده قدامي 😂وربي مشتاااااق ليك شوووق قلت ليهو ربنا يكتر الناس البتشتاق لي قال لي كدا زول يتجرا يشتاق ليك غيري 😂قلت ليهو لو صحيح مشتاق لي كان جيت شفتني وبعدين وين الليله روان بتقتلك رفع لي حاجبو وهو ماشاء الله فيهو حواجب ياريت لو عندي نصهم بس 😂قال لي روان مين وبعدين والله ماكنت عارف سالت مصطفى امبارح وقال لي جات من البلد لكن مااظن تجي بكرة لو جات بديك خبر والمعفن ياداب اتذكري بعد قربتي تطلعي قلت ليهو حاول بي اي طريقه مايخليك تطلعي قلت ليهو ايوا طيب روان حبيبتك وين ماظاهرة قال لي والله يابت الناس انا بحبك وماحبيت غيرك روان دي شفت غيرتك ظاااااهرة منها علشان كدا قلت ليك انو انا بحبها ضحكت الصراحه ماعارفه نفسي ليه فرحت وابتسمت ليهو قال لي اها نقول مبروك قلت ليهو على شنو قال لي احلاااااامي انا ياداب عرفت ليه انت مامقتنعه بالحب من شفت حالتك والله انا ماكنت مستقر نفسيا من سافرتي ياداب ردت لي الروح بس انا بوعدك انو مااتخلي عنك لي اخر عمري وكل زول ليهو يومو انت الدنيا دي عيشيها زي ماهي ماتفكري في بكرة زي ماهى حبيها فجاءة قام يغني لي الاغنيه المصريه حق زي ماهي حبها بي حلوها ومرها بص لي حبيبتك حسها صوتو خنفشاااااري عديل بقيت ادندن معاهو بعد ماانتهى قال لي اها قلت ليهو شنو 😂😂قال لي يابت قلت ليهو خلاص خلاص تمام افكر صرخ بي اعلى صوتو قال لي واخيرا الناس كلها بقت تعاين لينا 😂😂تلفوني ضرب لقيتها رحيق قالت لي وين انت بابا منتظرنا بره.....