رواية زي ماهي حبها
الفصل الثالث عشر13
بقلم بسمة محمد
طلعنا انا ورحيق لي عمو عبدالله رجعنا البيت وانا الابتسامه مافارقت وشي رحيق قالت لي ان شاء الله دوووم الابتسامه اها قال ليك شنو شغاله توزعي في ابتساماتك كدا قلت ليها ولا حاجه اتغدينا واحمد عندو مسائل في المولاريه شرحتها ليهو ودخلت الغرفه ضرب لي عمر اتونسنا الليل كلو 😂😂 قال لي بكرة تجي الجامعه بدري علشان اشرح ليك ونقراء في المكتبه قلت ليهو طيب ان شاء الله نمت على كدا بكرة مشيت الجامعه لقيت عمر مع ناس من دفعتو شغال يشرح ليهم بعد خلص جاني قال لي نفطر ونبداء قلت ليهو انت كدا مابتضيع وقتك في الشرح قال لي ابدا دي وسيله من وسائل القرايه انا عندي احسن اشرح لي زول ولا اقراء بري مشينا المكتبه لقيت مصطفى سلمت عليهو وقالت ليهو الشله كلها حتجي تقراء هنا قال لي ايون وخاصه مرافئ قالت ماقادرة تقعد في الداخليه من غيرك 😂مشيت مع عمر وبدا يشرح لي جزئيه ويخليني اقراها وهو كمان يقراء وكدا وكل الشله بقت تجي ونقراء سواء في الجامعه عدت الايام وانا وعمر ومابنفترق الا لمن نمشي البيت حرفيا علمني خطوة خطوة يعني شنو حب علمني احب الدنيا دي كيف وماادي اي حاجه اكبر من حجمها مرافئ كل ماتلاقيني تقول لي اللقى احبابو ونسي اصحابو ياكلوبه 😂😂مرت فترة الامتحانات وانا طلعت عيون عمر معاي 😂يصحيني بدري معاهو قبل كل امتحان لازم يتاكد انو كل اموري تمام يوم امتحان المدسن كان كلمة صعب عليهو شويه مرقت من الامتحان بس شغاله ابكي جاء عمر وكل الشله مدبرسه من الامتحان وانا شغاله لي عمر انا ماحانجح فيهو قال لي مش اجتهدي وقريتي وعملتي العليك يلا الباقي دا بي يد ربنا اتوكلي وكلو لي خير وبكرة حتلقي نفسك جايبه فيهو احسن حاجه (دائما بيحصل كدا) واخر يوم في الامتحانات طلعنا المقرن وكانت احلى طلعه لينا قال لي اها اكيد حتكوني راجعه البلد صح قلت ليهو يب قال لي خليك فترة هنا قلت ليهو هو شهر بس وحابه امشي علشان عبدو نازل امتحانات وكدا ودعت الشله ومصطفى كمان كان راجع السعوديه ومرافئ راجعه البلد هي من نهر النيل كانو اكتر ناس زعلانين احمد قال لي ليه ماجبتي معاك رحيق رفعت ليهو حاجي قام ضحك قال لي والله اللمه دي فاقداها قلت ليهو عرفت من متين يااخوي قال لي بعدين بحكي ليك عمر جاب لي شريحه زين علشان شويه شبكتها كويسه في البلد قال لي علشان ماتقولي لي ماعندنا شبكه وانت عارفه يومي مابتم من غيرك ❤️مشيت البيت ورتبت اموري وبكرة مشينا انا ورحيق السوق واشتريت لي ناس البيت حاجات قلت لي رحيق احمد بيسال منك ضحكت قالت لي تسال منو العافيه قلت ليها يابت بينكم شنو قالت لي والله مجرد صحبه يوم مشيت معاك الجامعه شلنا ارقام بعض وبقينا متواصلين من يومها ضرب لي عمر قال لي وين الجوطه دي قلت ليهو احنا في السوق قال لي وصفي لى وين بالضبط انا جاي عليكم انا اصلا قريب منكم وحابي اشوفك وصفت ليهو وعزمنا بيتزا 🍕 وماخلينا ضحك عمر دا انسان دمو خفيف شديد لكن لمن يقوم ماف اصعب منو حرفيا 🥺رحيق جاتها مكالمه طلعت برة خلتنا برانا قال لي اووووف يعني خلاص ناوي الرحيل 🤥قلت ليهو مع ضحكه كدا بطل اوووفر كلو شهر بس بكره الصباح ضرب لي قال لي فيها شنو لو جيت وصلتك الموقف انا 😂😂قلت ليهو طوالي ماف اي مشكله تعال قال لي والله اجي قلت ليهو يامجنون تجي وين موصلني عمو عبدالله وخالتو ويلا علشان بينادو على وصلت الموقف وضرب لي انا في البص قال لي خلي بالك من نفسي علشان هي متعلقه فيك ❤️قلت ليهو شجرة انا قال لي ياعديمه الرومااانسيه 😂😂وصلت البلد سلمت على ناس البيت ونمت طوالي من تعبي ولا رجعت لي عمر مع انو مؤكد علي انو لمن اصل اطمنو وتلفوني خلص شحن 😶بكرة الصباح كان باقي يومين على امتحانات عبدو ختيت التلفون في الشاحن وشربت شاي الصباح بي زلابيه من يدين امي الحبيبه ❤️في حوش بيتنا في الصباح والجو ولا احلى منو ضرب محمد اخوي في تلفون امي قال لي تلفونك مغلق مالو قلت ليهو خالص شاحن شغاله ليهو مغارز بي الشاي والجو الحلو وبدايات الشتاء قفل لي الخط في وشي قال لي عولاق انا البسال من هبله زيك 😂😂وبرضو ماخليت ليهو صورة مارسلتها ليهو قمت نضفت البيت ورتبتو بعد خلصت من النضافه ناديت عبدو وقعدنا في ضل النيمه وبدينا شرح لي العصر كدا مافتحت تلفوني العصريه مرقت سلمت على بنات الحله كنت مشتاقه ليهم شديد وكل تفاصيل البلد بليل كدا فتحت تلفوني والصدمه كانت مكالمات من عمر 35 مكالمه غير الرسائل قلت الليلة حيقتلني رجعت ليهو من اول جرس فتح قال لي انت كويسه قلت ليها انا فله 😂😂قامت عليهو عصبيتو ماخلى لي جنبه ارقد عليها خليتو لمن خلص قلت ليهو انا مشتاااااقه ليك سكت مسااافه وتاني قال لي ماهو واااضح جدا قلت ليهو والله كنت مشتاقه لي تفاضيل البلد علشان كدا ماانتبهت مع التلفون قال لي يعني بالواضح كدا بعتيني😂😂 قلت ليهو ولا يمكن ضحك علي 🙂عدت الايام واحنا مع امتحانات عبدو وشغاله مع احمد بالتلفون حرفيا تعبت وتعبتهم هم كمان لكن واااثقه انهم حيجيبو نسب تشرفني وتشرفهم هم كمان يوم ضرب لي عمر وهو مبسوط قال لي مبرووووك النتيجه ظهرت وعملتي جيد جدا ومرافى شغاله تضرب لي في الانتظار والمدسن قال لي جبتي فيهو Aوهو يحاكي فيني انا ماحانجح ياعمر 😂😂 رجعت لي مرافي وباقي الشله وباركت ليهم بدت الايام في العد التنازلي للرجعه لي الخرطوم باقي يومين عبدو اخوي مسافر معاي المرة دي والمفاجاة انو خالد كمان مسافر معانا قال حول شغلو هناك عندو شركه بتاعه اسبيرات وماادراك زي الليله وبكرة مسافرة جاء خالد لي ابوي العصر وقعدو في الديوان ابوي ناداني قال لي اعملني لينا جبنه مشيت عملتها ليهم وانا مودياها ليهم سمعت ابوي بيقول لي خالد كدا خليها تخلص السنتين الباقين ليها ديل انا ماعاوز حاجه تشغلها عند قرايتها في الوقت الحالي وانت كمان تكون ظبطت امورك.....