رواية الصدفة
الفصل الثالث عشر13
بقلم اسيل
عند جمال فحاله لا يسر ابدا المره دي بقي عليو وجعين فقد امو وفقد حبيبتو وده اكبر حافظ ليو انو يتعالج ويبعد علي المخدرات قصي كان متابعو علاجات وأكل وشراب م كان بخلي اسراء تقرب منو عشان خايف عليها يتعصب ويضر الحمل وجمال كان طول الوقت يصرخ ويكسر والبهدي قميص حق اسيل والدبله كان بنوم بيهم ويحضنهم كأنها حاضنها عدا شهرين وجمال بقي كويس واشتغل مع قصي ف الصيدليه بس م كان بجيب لقصي سيرة اسيل عشان م عايز قصي يفهمو غلط ماف مره م اتذكرها حبه حبه جمال اشتغل ف شركة ادويه وبقي الرئيس التنفيذي واسراء ولدت جابت بنت سموها اسيل وجمال كان مدلعها اكتر من بنتو
ف السنتين ديل اسيل بقت اكبر صيدلانية ف الامارات ومسكت اكبر فرع لصيدليات ابوها
بلسان اسيل؛؛؛؛؛؛
حققت حلم ابوي رغم اني واجهة صعوبه ف التأقلم براي بس استحملت فقدت جمال وقصي واسراء ومروة ومهند ورغد بالجد اللمه خلوه وكمان انبسطت لمن قصي حكي لي بجمال انو اتعالج واشتغل بالجد هو يستاهل كل خير أمكن بعدي عنو هو الأداو الحافز انو ينجح طبعا ولا بلغط اتكلمنا كنت بتصل علي ناس قصي وبسمع صوتو وفرحت لمن اسراء حابت بنوته وفاجئوني لمن سموها اسيل ياخ كل يوم اقلب صورها قطعه من قصي وانا هنا اتعودت علي العيشه براي بس قلبي م قدرت افتحو لزول عمري الان ٢٢ سنه ولسه سنقل ههههههههه جاني اتصال من السودان اول م فتحت الخط لقيتو
اسيل: الووو
اسيل: عمتوووو مشتاقين
اسيل: حبيبة عمتو بالاكتر حبيبه كيف انتي
اسيل: تويسه يا عمتو حايه متين
اسيل: بجي قريب حبيبتي ماما كيف
اسيل:تويسسسه هاكي ليها
اسراء::اسولي اخبارك
اسيل: كويسه يا سرويه وانتي
اسراء: فاقدنك بس اسيل بالرغم انها م شافتك الا ف الصور بس عايزه تموت عليكي
اسيل: م تفقدي غالي
اسراء: يعني لسه م عندك النيه
اسيل: خليها بظروفها
اسراء: طيب خبيبتي خلي بالك من نفسك
اسيل: وانتي كمان
قفلت الخط روحهت اراجع ف صور اسيل الصغنونه وفي صورة تشبه يد جمال واكتشفت انو لابس دبله طيب لي م وروني انو خطب يلا وانا مالي قفلت تلفوني ونمت
عند جمال :::
رجعت البيت ولقيت اسيل زعلانه شلتها وجبت ليها الشوكلت البتحبو
جمال: ممكن اعرف حبيبة خالو ماله
اسيل: زحلانه من عمتو
جمال: وشنو الزحلك
اسيل: عمتو كل مره تقول جايه وم تجي وانا عيد ميلادي بعد ١٠ يوم دايراها تحضرو مش اسمي علي اسمها
جمال: لكن عمتو عندها شغل
اسيل: لا انا عايزاها
جمال: طيب لعيد ميلادك بنحل الموضوع تمام
اسيل: طيب
جمال: يلا بوسة خالو وعلي غرفتك طوالي
اسولي ادتني بوسه وحرت غرفتها مشيت المطبخ لقيت اسراء ف المطبخ
جمال: سرو قيلتي
اسراء : كويسه
جمال: ومالك قالبه وشك انتي زاتك
اسراء : اشتقت لاسيل وقعد ت تبكي حضنتها
اسراء: اششششششش روقي
اسراء: م قادرة يا جمال انا قلت تحي للولاده م حات عيد ميلاد اسيل الاول م جات واسي عيد ميلاد اسيل التاني وشكلها م عندها النيه
جمال: م تقلقي حاتجي
اسراء: ان شاء الله
جمال: انا جعان ياااخ
اسراء: ههههههههه طيب
مشيت غرفتي غيرت ملابسي وطلعت الدبله والقميص سلمت عليهم وبستهم جاني اتصال من الشركه اني امشي أمريكا احضر مؤتمر تبع الشركه وافقت لاني محتاج اغير جو السفر بعد يومين فتحت تلفوني بسمع تسجيلات المكالمات حقت اسيل وصورها وبتفرج ف صورها البسرقها من تلفون اسراء
لحدي م انوم اختها ف حضني
صباح اليوم التاني عند اسيل؛؛؛؛؛
صحيت الصباح عملت روتيني الصباحي وشربت النسكافيه وركبت عربيتي ومشيت الصيدليه اتصل علي قصي ؛؛؛؛؛
اسيل: قصي صباحو
قصي: صباح الفل اخبارك
اسيل: تمام الحمدلله وانت
قصي: كويس اسمعيني ف مؤتمر ف أميركا لازم تمثلي صيدلياتنا
اسيل: وانت مالك م مسافر
قصي: انا عندي شغل كتير لو خلصت بدري بحصلك هناك
اسيل: تمام السفر متين
قصي : مفروض بكره
اسيل: تمام حاحجز واوريك
قصي: تمام برجع ليك بعدين
قفلت من قصي واتصلت علي شركه الطيران وحجزت عندي حسابات انتهيت منها ومشيت البيت اتغديت وجهزت شنطتي لان الطياره الساعه ١٢ واسي الساعه ٨ اخد لي نومه اخير
عند جمال:
صحيت بدري استحميت وصليت ونزلت صبحت علي اسولي قلبي واسراء وطلعت الشركه وهناك حجزت الطيارة الساعه ٢ص
رجعت البيت اتغديت واسراء جهزت لي شنطتي ولبست وطبعا دبلة اسيل بختها ف جيبي لأنها م بتفارقني وودعتهم ومشيت المطار ٦ ساعات واصل
عند اسيل: صحيت استحميت وصليت وجاتني العربيه وصلت المطار والطيارة اقلعت ٣ ساعات واصل
بعد تلاته ساعات وصلت ولقيت موظف من المنظمين المؤتمر ساقني ومشيت المطار والاجتماع بعد ساعتين مشيت الغرفه استحميت وفطرت وصليت الضهر ولبست بدله باللون الأبيض وكويت شعري ولبست اكسسوار بسيط وميكب بسيط وجاتني العربيه وطلعت علي المؤتمر
عند جمال:
بعد ٦ ساعات وصلت ومشيت الفندق المؤتمر باقي ليه ساعه دخلت استحميت وصليت وشربت عصير ولبست بدله بالأبيض والساعه الرولكس ولبست دبلة اسيل ف رقبتي عشان تكون قريبه لقلبي وانسي التوتر جاتني العربيه وطلعت المؤتمر
عند.اسيل؛؛؛؛؛؛
وصلت لقيت المؤتمر بادي قعدت ف مقعدي شويه كده وندهو اسمي عشان اطلع واناقش الدواء الجديد طلعت المنصه وبديت اتكلم انجلش طبعا بعد خلصت وعايزه انزل مدير الشركه طلب مني انتظر بقيت واقفه فجاءة قال اسم الدكتور. جمال محجوب جمال انا بقيت واقفه وبعاين ياهو ولا لا
بلسان جمال:
وصلت المؤتمر وبدأ كمان مع دخلتي قالو اسمي بقيت ماشي علي المنصه شفت اسيل بالجد الخطوه بقت بالنسبه لي ميه خطوة لحدي وصلت المنصه وسلمت عليهم وجا دور اسيل الكانت بت ف غاية الجمال لابسه ابيض شكلها واستايلها اتغير سلمت عليها ويدها كانت كالعاده مويه بس ابتسمت ليها ووصلت الميكروفون واتكلمت بطلاقه كأني روبورت وانا قلبي شغال يدق لمن نفسي قايم
بلسان اسيل:
بقيت بعاين ياهو سيد الاسم بعد شويه جا شاب لابس بدله بالأبيض عاينت ياهو زاتو جمال شكلو اتغير شويه قرب علي المنصه وسلم علي المعاي ولمن حا دوري مد يدو معاها بسمه جانبيه وريحة عطرو البحبها سلم علي ووقف يتكلم بطلاقه ولا غلطة
انتهي من الكلام ونزلنا وكل واحد قعد ف كرسيو المخصص وانا بقيت بس مدنقره راسي متين ينتهي المؤتمر عشان امشي