رواية زي ماهي حبها
الفصل الرابع عشر14
بقلم بسمة محمد
ختيت ليهم القهوة هم طوالي سكتو وانا طوالي طلعت مشيت غرفتي كملت البكاء ضربت لي محمد اخوي رجع لي قال لي صوتك دا مالو حكيت ليهو كل الحوار الحصل قال لي مهما حصل مستحيل ابوي يجبرك على العرس من زول انت ماعاوزاهو دي ختيها في مخك دا وبطلي بكاء مع انو والله خالد دا راااجل والزول بيامنو عليك وهو مغمض لكن مدام انت ماعاوزه ماتشيلي هم قومي رتبي امور سفرك وانسي القصه دي الصراحه بعد كلامي معاهو نفسيا ارتحت مشيت لميت حاجاتي وشفت عبدو اذا جهز نفسو وحاجاتو ودخلت ليهو كم حاجه كدا وجهزنا انا وامي حاجات ناس خالتي منقه وتمر وخيرات البلد ونمت باقي اليوم دا صحتني امي بدري وصحيت عبدو جهزنا حالنا وجانا خالد طلعنا مع وصايا امي وابوي وعبدو متشوق شديد واحمد اكتر منو 😂😂😂وصلنا الخرطوم وخالد وصلنا لي ناس خالتي وعمو عبدالله حلف عليهو يتعشى ويبيت معانا وفعلا دا الحصل ختيت العشاء مع رحيق وخلينا احمد يشيلها ليهم بكرة لمن صحينا من النوم ضرب لي خالد قال لي لو ماشه الجامعه اطلعي علشان اوصلك في طريقي اصلا احنا جينا من البلد بالعربيه حقتو قلت ليهو طيب جهزت نفسي وشربت الشاي مع خالتو ورحيق قلت لي خالتو خالد شرب الشاي قالت لي اي بدري سالتهم من عبدو قالو لي لسه نايمين والليله ناوين يطلعو مع اصحابهم قلت ليها خلاص انا طالعه معاهو حيوصلني الجامعه وطلعت مشيت ليهو في الصالون واتحركنا قال لي اها باقي ليك سنه واحدة بعديها ناويه على شنو لو ربنا احيانا قلت ليهو مسافرة لي محمد اخوي 😂ضحك وقال لي خلاص نمشي سوا قلت ليهو لا لا ماشه براي قال لي خلاص نشوف وصلني الجامعه وقال لي ان شاء الله يوم حسجل ليك زيارة قلت ليهو طوالي تشرفني في اي وقت دخلت الجامعه وطوالي ماصدقت لاقيت الشله كنت مشتاااااقه ليهم فردا فردا واكترهم مرافئ مصطفى كان لسه ماجاء مرافئ قالت لي الجامعه براهو مسيحه انا اشتقه ليهو قلت ليها ربنا يوصلو بالسلامه اتونسنا وضحكنا مع الشله ضرب لي عمر مشيت ليهو قال لي واخيرا رضيتي علينا وجيتي والله مبااالغه انا كنت مشتااااااااق ليك وحياتي ممله بلا نكدك 😂😂😂قلت ليك مؤؤؤؤؤفن انا نكديه يعني قال لي يعني نص نص 😅😅لبعتو قلت ليهو واتي قال لي عليهو رجعت البيت لقيت عبدو واحمد ياداب داخلين قلت ليهو كنتو وين ياحلوين عاينو لي قالو لي احنا رجال حلوين دي شنو 😂عبدو عدا معانا شهر كل يوم موضوع جديد هو واحمد ورجع البلد تاني مرة الوقت وانا وعمر ولا احلى من كدا وكل الشله امورها تمام وانا وخالد شويه بقينا قريبين لي بعض وبيجيني في الجامعه من فترة لي التانيه بي حكم شغلو قريب على الجامعه وعمر بيكرهو مباااالغه😂😂 ورغم ضغوطات بحث التخرج والمناقشه وامتحانات الفاينل الا انو عمر دائما كان بيلقى لي زمن وهو ساندني في كل خطوة لي درجه يومي مابيعدي من دونو وخلصت السنه التالته لينا وناس عمر كان باقي ليهم المناقشه ضرب لي قال لي لااااازم تلبسي ازرق 😂😂قالت ليهو ليه قال لي علشان حابب اتصور مع خطيبتي😂😂قلت ليهو وانا مالي اضرب ليها هي انا وايش دخلني قال لي يضرب دراسك دا 😂ضربت لي رحيق قلت ليها ضروري تمشي معاي السوق اليوم داك ماخليت محل بالعافيه لقيت طلبي وعملتها مفاجئه ليهو يوم المناقشه ظبط نفسي ومشت معاي رحيق ولاقينا كل الشله في البوابه علشان ندعمهم ونقيف معاهم ونشاركهم اسعد لحظات حياتهم وفعلا كانت احلى لحظات حياتي في ذاك الزمن لمن وصلنا ضربت لي عمر وصف لينا مكانهم وصلنا كان باقي لي قروبهم دقائق مجرد ماوصلت جراني قال لي تعالي عاوزك في حاجه ضروري قلت ليهو بس ماباقي وقت قال لي تعالي مشينا شويه من جنب قروبهم قال لي طااااالعه زي النجمه اللازنها من السماء قلت ليهو كيف دي قال لي زيك كدا بالظبط 😂😂طلع من جيبو علبه وبدل ماانا اجيب لي عمر هديه جاب لي خاتم فضه قال لي تقبلي تكوني شريكة حياتي طول العمر 😍قلت ليهو ياولد كدا الحق المناقشه 😂😂قال لي لا جاوبيني اول قلت ليهو اكييييييد موافقه 😂قال لي بي كدا اخش بي كل ثقه جاء واحد من قروبهم نادانهو ياعمر بتضيعنا راح سرعه 😂😂دخلو ولمن طلعو تعال شوفو الزغاريد والفرح وابشر مبااالغه اتصورنا ماخلينا صور قال لي علشان نوريهم لي عيالنا بعدين كنت راجعه البلد لكن مابقدر اخلي التخريج خالد كان راجع البلد قلت ليهو انتظرني يومين بس احضر التخريج وارجع معاك قال لي بي شرط تعزميني قلت ليهو جدا 😂يوم التخريج مشينا انا ورحيق مع خالد وكنت اشتريت هديه لي عمر ساعه وعطر وتشيرت وعلاقه فيها حروفنا الاتنين وشوشو كمان اشترت هديه لي ماهر قلت ليها انت لسه بتحبيهو رغم انك عارفه مشاعرو قالت لي ماضروري يحبني كفايه انا بحبو الحب عمرو ماكان بالغصب ولا انو لازم الطرف التاني يحبك كان تخريجهم رووووووعه وعمر يعاين لي بي قعر عينو نظام خالد الجابو معاك شنو😂😂ناداني وعرفني على اختو سحر وقال ليها دي احلامي قالت لي واخيرا شفتك دا مكرهني بي سيرتك 😂😂.