رواية زي ماهي حبها الفصل الخامس عشر15بقلم بسمة محمد

ضحكت قلت ليها ان شاء الله بيقول كلام كويس بس عني 😂قالت لي والله مابتذكرك الا في اللحظات الحلوة اتونسنا انا وهي وماشاء الله ظريفه مبالغه لمن ندهو اسمو عملنا عاميل ومستحيل انسى تفاصيل اليوم دا رجعنا البيت لقيت خالتي مجهزة لي كرتونه فيها مستلزمات رمضان كان داخل علينا احمد قال ماشي يعدي معانا رمضان حنسنا خالتو بعد تعب حتى رضت لينا رحيق زاتها عاوزة تمشي بس قالت بتجي العيد مابتقدر تخلي خالتو في رمضان براها بكره صحينا بدري وكان باقي يوم واحد لي رمضان ضرب لي خالد قال لي طلعو حاجاتكم شلت شنطتي قلت اطلعها بالاول وخالد من امبارح ماعلى طبيعتو لمن طلعت وديت الشنطه وكنت  داخله اجيب باقي الحاجات نده على رجعت ليهو قال لي عاووز اسالك سؤال بس تجاوبي بي صراحة قلت ليهو اتفضل قال لي الولد الاسمو عمر في بينك وبينو شنو انا زي الزول الصبت فيهو مطرة ماعرفت اجاوب بي شنو بس الحمدلله جات رحيق شايله باقي الحاجات انا براحة دخلت 🥹🥹جبت باقي الحاجات وأحمد جاب حاجاتو وطلعو خالتو وعمو عبدالله ودعونا وقلت ليهم العيد لااازم تجو واتحركنا على الشماليه الحبيبه ❤️❤️خالد جنب احمد مابيقدر يسالني على كدا كنت مطمئنه وصلنا العصر كدا 😂لقينا عبدو واصحابو في الشارع بيلعبو في الكرة من شافو احمد جو عليهو قالو ليهو اوووو ود الخرطوم شرفتنا والله 😂دخلنا البيت سلمنا على ناس البيت واتغدينا ودقينا الونسه مع خارجيات عبدو واحمد 😂😂وبدات ليالي رمضان وفي البلد ولا احلى من كدا صينيه الفطرة بتاعه الرجال والحلو مر ولمتنا احنا وبنات خالاتي وخالاتي ونسوان خيلاني وبناتهم زمان كانا عايشين جنب اهل ابوي بس بعد الحادث رحلنا 💔💔ومشيتنا لي صلاة التراويح احلى لحظات بعد اسبوع ظهرت النتيجه وجبت جيد جدا وباقي محافظين على درجاتهم اهم شي عمر خلاص خلص ضرب لي بس كنت بين فرحانه ليهو وزعلانه في نفس الوقت قال لي مالك زعلانه من صوتي بيعرف 🥹قلت ليهو الصراحه تاني ماحالاقيك يومي واشوفك زي ماعاوزة قال لي كلها سنه تخلصي وانا اخلص خدمه واجي اخطفك من ابوك سكت ماعارفه ماكنت حاسه انو انا وعمر حنبقى لي بعض لسه جواي خوف 😱قال لي اها 😂قلت ليهو شنو 😂😂جاء داخل احمد قال لي بتتكلمي مع منو دا عمر (ماتتخلعو رغم انو اصغر مني لكن احمد دا قريب لي شديد وعارف كل تفاصيلي) شال مني التلفون وقال ليهو ابو النسب كيفك ماعارفه بيقولو في شنو 😂😂الا جدع لي التلفون قال لي راجلك الفقري دا ذكرني انو النتيجه بعد 5 يوم كنت ناسيها 😂جاء داخل عبدو قال ليهو راجل منو انا نططت عيوني أحمد طوالي قال ليهو ركزت في راجلك وخليت النتيجه بعد 5 ايام 😂قال ليهو احنا في رمضان والله من الليله حااقيم الليل 😂😂كل واحد يخبص براهو وانا ميته من الضحك قلت ليهم عطشتوني اتخارجو من غرفتي دي دخلت الواتس وكتبت حاله (وقد مرت والايام ولم يتبقى من الحلم الا خطوة لم يكن حلمي في زمن ما اما الان فهو جل حلمي واحلامي ❤️ايام تعرفت فيها على اشخاص سوف يبقو بداخلى مهما بعدت بيننا المسافات الاء شوشو سجى مصطفى احمد واختى رفيقه عمري نصفي الاخر مرافئ قد بدات رحلتنا في الانتهاء الذي طالما كنت ولا زلت اخاف منه 💔💔) كلهم دخلو على انا جد حسيت خلاص النهايه جات بيقولو لي مستحيل نفترق والبقول حال الدنيا من ضمن الناس دخل على خالد قال لي وبالنسبه لي عمر ردت عليهو قلت ليهو مالك معلق انت قال لي منتظر الاجابه قلت ليهو ماف حاجه اجاوبك عليها قال لي طيب تمام 👌زي الليله وبكرة النتيجه أحمد قال لي عبدو ياعمك يوم بكرة دا كيف قال ليهو نمشي الجناين ماف زول بيجيب خبرنا 😂😂قلت ليهم انا قاااعدة احمد قال لينا نقع البحر بس قلت ليهو نعم نعم قال لي يابت الدنيا رمضان نقع البحر علشان حنكون اليوم كلو في الجناين نبرد شويه 😂😂وجاء اليوم المنتظر واحمد وعبدو ماصحو من النوم وانا داخله ومارقه التقول النتيجه حقتي انا ماحقتهم ضرب لي محمد وشال ارقام الجلوس قال لي وين هم قلت ليهو نايمين قال لي دمهم بقري اسي الزول في اليوم دا بنوم 😂😂ضربت لي رحيق برضو بتسال منهم جاوبتها قالت لي صحيهم النايمين ليها شنو وسامعه خالتو تكورك 😂😂رسل لي عمر قال لي كيف حال ابطالنا وكانت الاجابه الصادمه ليهو 😂😂الموتمر بدا ابوي قال لي امشي صحي البهائم ديل مشيت صحيتهم قلت ليهم قومو عبدو قال لي ظهرت ضحكت عليهو قلت ليهم اخجلو نايمين لي اسي قالو لي والله الليل كلو قايمنو ومانمنا الا حوالي 9ص كدا اكان نسمع ابوي يكورك قوم ياولد 🙊الاتنين قامو قعدنا كلنا نحضر في الموتمر بعد خلص ماسامعه صوت نهاااائي ليهم ابوي قال لي رسلتي الارقام يااحلام قلت ليهو اي ياابوي قال لي طيب مالها قلت ليهو ياداب الموتمر خلص الشبكه بس ورحيق تضرب قالت لي اديني الارقام هنا الشبكه احسن قلت ليها محمد كمان شالهم وكل مانسمع زعاريد بيتوترو وانا معاهم 😂صرحت قلت ليهم دا محمد ابوي متوتر اكتر منهم قال لي جيبي التلفون...