رواية زي ماهي حبها الفصل السادس عشر16بقلم بسمة محمد
كنت بالجد مبسوطه والدنيا ماسايعاني حكيت لي مرافي والكل فرح لي وانا وعمر ولافي احلى مننا باقي شهر على الفاينل كنت مكرسه كل وقتي لي القرايه وعمر خفف مكالماتو معاي على اساس اقرى وكدا بس انا كنت حاسه انو في موضوع تاني ماكنت مطمئنه خاااالص رحلت الداخليه علشان اراجع مع البنات وكدا باقي اسبوع بس وانا خلاص ماقادرة من الضغوطات والقرايه كنت زهجاااانه طلعت البلكونه وضربت لي عمر بس مابيرد على كم محاوله مارد على ولا بي رساله خلصت كل دموعي اليوم داك كنت متنشنه بي كلو دخلت الغرفه رقدت كدا ماكان عندي نفس لي القرايه مرافئ قالت لي الراقدة ليها شنو مااتكلمت معاها طلعت خلتني لمت كل الشله وجوني قصب عني قمت راجعنا امتحانات قديمه قالو لي ارح نفطر قلت ليهم ماعاوزة رقدت في سريري هم طلعو خلوني فجاءة تلفوني ضرب لقيتو رقم غريب رديت لقيتو واحد بيقول لي احلام محمد قلت ليهو نعم قال لي عندك طرد تعالي استلميهو في البوابه بتاعه الداخليه لبست عبايتي وطلعت لقيتها قفه فرح وانا شايلاها وداخله بيها كل الناس بتعاين لي 😂😂دخلت لقيت الخبر وصل البنات كلهم جو جارين علي كنت مبسوطه قلت اكيد دا عمر وصلت الغرفه استلمتها شوشو والاء وفتحوها 😂😂كان فيها شوكلت وبوتل وكوت بي اسمي وعطر ومصحف ملون وعلبتين نيسكافيه علشان بحبو بقو بيصرخو وينططو في ورقه مدوها لي شلتها وطلعت بيها بره لقيت مكتوب فيها بالتوفيق ياجميل دي اخر خطوة ليك اجتهدي واقري كويس ومتاكد انك قدها ياعاشقه النسكافيه وتحتو مكتوب خالد انصدمت طبعا كل امالي اتلاشت حتى فرحتي بي الهديه 🥹🥹دخلت قالو لي الا يقرو الورقه ويعرفو عمر كاتب فيها شنو اكتفيت انو قلت ليهو مامن عمر ماصدقوني في الاول بس حسب ملامحي صدقوني ضربت لي خالد وشكرتو واتونسنا كدا سالني عن القرايه وكدا وقفلت اخدت نفس وقلت لي نفسي انا قاريه لي نفسي مالي زول ماحاضيع تعبي كلو اسي قمت شلت لابتوبي ودفاتري وخليت تلفوني في الغرفه وطلعت المكتبه مارجعت الغرفه خااالص الا الساعه 12 بالليل وقت النوم شلت تلفوني لقيت مكالمه من عمر قلت لي نفسي بالله ياداب اتذكرني قفلت التلفون ونمت وعدى الاسبوع كلو وتاني عمر خالص مارجع لي ولا انا رجعت ليهو اول يوم لينا في الفاينل والجرسه والخوف بي دعوات الوالدين ومواقف الاصحاب ودموع وسهر ليالي مرت على خير ومواقف العملي وجرستو وانك تنسى كل الحافظو لمن تتدخل الاستيشن 😂😂😂الحمدلله مرت على خير بس نهائي عمر ماحصل ضرب لي بعديهو كان المناقشه بي يومين كنا بنجهز في البدل والحركات انا وكل الشله كنا كلنا قروب واحد اخترنا لون عنابي وخلاص اخر تكه في الجامعه مابين الفرح مابين الحزن وانو دي اخر حاجه حنعملها كلنا مع بعض اخر ضحكات وونسات لينا ضرب لي عمر فتحت قلت ليهو بالله ياداب اتذكرتني ضارب لي ليه ماتضرب لي خااالص تاني قفلت ليهو الخط اتوقعت يرجع لي بس لا وانا حرفيا يئست بس العارفاهو عمر ماكدا مابيتخلى عندي كدا يوم المناقشه الصباح طلعنا كلنا كنا تاني قروب الخوف والتوتر مرافى وشوشو زادو علينا التوتر القريبه احمد الوحيد الراكز 😂😂مصطفى كان مقلق برضو المهم دخلنا وكانت ولا احلى مناقشه واحلى شله وبعد طلعنا قولو يازغاريد ورقيص وعملنا العمائل وكان في اوت دور تبع التخريج وكانت احلى صور لينا 😍ضرب لينا رقم وكانت برضو قفه فرح لكن المرة دي لي انا والاء من محمد اخوي 😂البنات شغالين لي لينا الله احنا ولا مرة ماجاتنا قفه فرح وناس كل يومين تجيهم واحدة 😂اليوم داك كلو
عديناهو مع بعض والتخريج كان بعد اسبوع طوالي وكلنا كنا عاملين تخريج 🎓اليوم البعدو رجعت ناس خالتو علشان التجهيزات وناس البلد الحيجو وكدا كلو عديتو جري انا ورحيق مع الفستان والتحضيرات وعبدو واحمد كمان ماقصرو وجاء اليوم الموعود اخر تفاصيل حياتنا العلميه....
جاء يوم تخريجنا وكل ناس البلد جو بعد الزفه قعدت اعاين لي الزمن الجرى لي تفاصيل حياتنا عن احلى ايامنا وبدا البرنامج مابين الضحك والدموع كانت احلى لحظات والاحلى انو مصطفى كان محضر مفاجاة لي مرافي خطبها ووصل لي ابوها بعد اخد الموافقه طلب من ابوها انو هو بي ذات نفسو ياخد رايها وطلب يدها قدام الكل في التخريج 🥹🥹وهي بين التوتر وانو قدام اهلها بقت تعاين لي ابوها واخوانها وهم بس قاعدين يضحكو عليها 😂وافقت واحنا ماقصرنا في الكواريك والغناء 😂😂عمر جاء وكان شكلو هزيل طلب مني نتكلم قلت اخر مرة حاديهو فرصه قعدنا مع بعض بس نهائي ماجاب سيرة لي كل الفات كانو ماعمل حاجه بس بعاين لي قال لي انا مشتااااق لي والله بحبك يابت الناس بس اديني وقت وحاوريك كل الحاصل رجعت مع اهلي البلد وخلصت حكايه الجامعه يوم تلفوني ضرب فتحو طلعت سحر اخت عمر بعد سلمت علي قالت لي يااحلام عاوزه اطلب منك طلب هو صعب بس ماف حل غيرك قلت ليها اتفضلي قالت لي الموضوع بيخص عمر قلبي عمل شح سكت قالت لي احلام سمعاني قلت ليها اي قالت لي اكيد حاسه عمر متغير معاك صح بتتذكري عمي الاتوفى من سنتين كدا اتذكرتو قلت ليها نعم قالت لي عمى عندو بت وحيدة ماعندو غيرها كان موصي ابوي فيها وبعد عمر اتخرج ابوي طلب منو يتزوجها علشان يامن عليها بس عمر رفض وابوي غضب عليهو وكل يوم في مشاكل مع ابوي حرفيا كلنا بقينا في حاله توتر واخر مرة ابوي قال لي عمر لو ما اتزوجتها انا غضبان عليك لي يوم القيامه بس انا دموعي جااريه ماعارفه اقول شنو ياربي دا اختبار شنو دا قالت لي يااحلام ماف زول حيقنعو غيرك انا ماعاوزة اشوف ابوي واخوي متخاصمين قلت ليها خير ان شاء الله وقفلت منها دخلت في حاله من الانهيار والبكاء لي درجه دخلت المستشفى بقيت امام خياران احلاهما مر معقوله اتخلى عن عمر عن الزول العلمنى معنى الحياة عن الزول الحببني في تمريض بس انا ماانانيه لازم اقنع عمر واحل المشكله بينو وبين ابوهو حتى لو حاخسرو خالد كان اتقدم لي وابوي خيرني وانا رفضت ابوي قال لي دي حياتك وماحاغصبك على شي خالد قال لي انا عارف انو بتحبي عمر وانا كمان بحبك وماحافرض عليك حاجه وربي يسعدك وقفلنا الموضوع ضربت لي عمر قلت ليهو انا عاوزة اسالك سؤال واحد وجاوبني قال لي اتفضلي انا كلي ليك مهما حصل قلت ليهو صحيح خطبت سكت قلت ليهو رد قال لي لا قلت ليهو ياعمر انا عرفت كل الحاصل والمخليك متغير ياعمر صحيح انا بحبك بس عمرك ماتقيف قدام ابوك جائز دا الخير ليك جاط وقال لي لا انا غيرك مااحتزوج مهما حصل قلت ليهو وتقيف قدام ابوك صدقني لو قسمتك معاي حتصل وافق شكلو قسمتنا مامع بعض هو بقى يبكي وانا ببكي قال لي انا بحل الموضوع دا بس اديني وقت قلت ليهو انا زاتي خطبني خالد ودعمي ووافقت جاط فيني وماخلى حاجه وتاني بقى يبكي زي الطفل قفلت منو وكانت دي اخر مكالمه لينا مع بعض بقيت في حاله انطوائيه مابتكلم مع زول ناس البيت ماعارفين الحاصل على شنو محمد رسل لي زيارة قال لي تغيري جو ونفسيات حبه جهزت نفسي وسافرت وسافرو معاي ناس البيت علشان يوصلوني المطار ومنو يحضرو خطوبه رحيق واحمد دفعتنا عبدو كان هناك مع الجامعه ضربت لي مرافي باركت لي رحيق واحمد وقالت انو حددو العقد بعد شهر علشان مصطفى يسافر ويظبط ليها وضعها هناك قلت ليها معناها نتلاقى هناك بقت تبكي قالت لي يعني اختى واعز صحباتي ماحتحضر عقدي حسيت بي قصه في حلقي قلت ليها خلاص بجي قالت لي اي ماالمطار حق ابوك قلت ليها ماالمطار ياهبله قولي شركه تاركو 😂😂حضرنا الخطوبه بعديها قعدنا كدا مع ناس من دفعتنا وسنايرنا كانو حاضرين الخطوبه فجاءة واحد قال لينا اللمه الجايه عن عمر حاتم انا لمن سمعت الاسم رفعت راسي واحد قال ليهو مش دا سنيرنا قال ليهو نعم عرسو بدايه الشهر ماكملت معاهم القعدة طلعت طوالي ودعتهم وقلت ليهم انو انا على سفر وكدا طيارتي كانت الساعه 3صباحا مانمت خااالص وانا ببكي خربت على رحيق يومها هي الوحيدة العارفه الحاصل كل الناس اقنعتهم انو انا وعمر مااتفقنا ماحبو يضغطو على الساعه 1خلاص جهزنا وطلعنا على المطار وانا بودع فيهم حسيت انو انا ماجايه راجعه بس انا ببكي وهم بيبكو معاي......
بعد مرور تلات سنوات من داخل الولايات المتحدة الامريكيه USA تحديدا واشنطن فتحت عيوني ببط على صوت بقول لي اصحي معقوله النوم يشيلك مني كل دا ماتنسي انو احنا بي يالطيف قدرنا ناخد موعد انو نزور وكاله ناسا اليوم قومي خلاص وحركة طفل بيقول لي ماما اثحي يلا تفاك فتحت عيوني بي بط وانا بحاول استوعب الحاصل اي ياهو عمر ومعاهو ولدو يعني ولدنا 😂😂 الحصل انو بعد سافرت السعوديه مرت سنه وانا اشتغلت هناك ومصطفى ومرافي عرسو وكمان احمد ورحيق ومحمد اخوي كان نازل السودان عريس انا رفضت انزل معاهو قطعت كل علاقاتي في السودان ماعندي غير اهلي وماعارفه الحاصل على اي زول من وانا في المطار اخدت القرار دا حتى الاء الاتضرب لي محمد ويجبرني اتكلم معاها....