رواية الخزلان
الفصل التاسع عشر19
بقلم نوسه حمد
عثمان لمن شافني لمن انخلع بقا اعاين للحاجات الخاتاهم وببيع فيهم وكان محتار قال لي دا شنو قلت ليهو دي لقمه عيش عشان اربي اولادي عاين لي ف عيوني وعيونو اتملت دموع بس حاول اخفي مشاعرو مني قال لي تعالي المكتب وراي وخلي الحاجات دي هنا بقا اكورك للغفير قال ليهو تعال شيل الحاجات دي ختها في غرفتك هناك الغفير عاين لي وقال ليهو لا ي استاذ م بقدر ادخل الغرفه دي فيها………….. وبقا اعاين لي غمزت ليهو عشان م يتكلم قلت النشوف رده فعلو اول عشان لو مضايق مني اشيل اولادي واطلع براحه من غير احراج قدام الناس قال ليهو مالك ي عم احمد م بتقدر تمشي الغرفه شيلن وامشي الله يرضا عليك قال ليهو م ينفع الغرفه فيها اولادك انا بقيت ماسكه اعصابي المنهاره من الانهيار عشان م اقع قال ليهو اولادي الجابهم هنا منو عم احمد عاين لي وقال لي اتكلمي ي استاذه قلت ليهو عثمان خلاص ارح المكتب الطلاب شايفننا بالشباك قال لي هوس م بتكلم معاك وبقا يوجهه ف الاسئله لي عم احمد وبجبر فيهو انو يرد عم احمد قال ليهو انت داير اولادك اترمو ف الشارع يعني مرتك طلعت نسيبه من البيت قال لي شنو وكان منفعل شديد حاولت اهديهو دفرني بكل قوتو وقال لي عم احمد نادي المشرفه والحقوني ف المكتب وانا مشيت وراهو وشكلو كان متوتر وطلع ليهو حبوب من الدرج وبلعن قلت ليهو عثمان انت عيان قال لي م تخصصك قلبي وجعني شديد وروحي طلعت وخلاص فاض بي افتكرتو ح يحن علي بس شكلو عثمان ناوي م يسامحني وبقيت ابكي ودموعي في عيني المشرفه جات ومعاها عم احمد قال ليهم اقفلو الباب قفلوهو وجو داخلين وكلنا نرجف حسيت بالذنب بقا يسال ف المشرفه قال ليها كيف تتصرفي تصرف زي دا من راسك وكيف اولادي تقعديهم في غرفه الغفير رديت عليهو قلت ليهو انا موافقه ي عثمان غلبني اقبل ع وين اولادك صغار قال لي ماف سبب بخليك تطلعي من البيت قلت ليهو مرتك طردتني وعليك الله ارحمني انت انا خلاص قوتي انتهت انا م دايره منك بيت ولا دايراك ترجع لي بس ي عثمان انا امش وين مع الظروف دي انت م بتسال مننا وم بتصرف علي قال لي شنو مصرفك الشهري كان م بصلك قلت ليهو من يوم السمايه م شفت منك قرش طلع التلفون واتصل علي مرتو وبقا يكورك فيها شكلها قالت ليهو بديها قروش قال ليها يعني هي بتكذب قفل الخط قال لي سالت ناس البيت وقالو مصروفك الشهري قاعد اصلك وحلفو انهم بدوك ليهو انتي بتكذبي لي قلت ليهو يعني انا بكذب وهي الصادقه طق لي الطربيزه لمن كلنا انخلعنا قال لي م تحاوريني ولا تجادليني ف الكلام. دايراني اكذبهم هم واصدقك انتي الكذابه انا العبره خنقتني وقلبي بقا مقطوع قال لي مرتي قالت م طردتك من البيت انتي براك طلعتي قعدت اضحك قلت ليهو م ح ابرر ليك لانو ح تقول لي انتي كذابه ع العموم القالو ليك هم الصاح وانا بكذب قال لي بطلي درامات وتمثيليه انا م فاضي ليك قروشك بتصلك والبيت م طردوك منو تطلعي تشيلي اولادك وترجعي بيتكم وم اشوف وشك هنا تاني كفايه حدي هنا وخصم من المشرفه والغفير راتب شهر اترجيتو انو م يظلمهم م عندهم ذنب وقعدت ليهو ف الارض عشان اسامحهم رفض وطردني وقفل المكتب
طلعت من المكتب دموعي في عيني وحكيت لي الويه قالت لي معقوله عثمان يبقا كده في شي غريب قلت ليها م عارفه والله وغلبني ابرر اي شي لاني ف نظرو كذابه مهما عملت قالت لي لكن انتي م كذابه مرتو الكذابه قلت ليها دا بالنسبه ليك اما بالنسبه ليهو هو انا خاينه وكذابه عشان كده النحفظ كرامتي واطلع كفايه ظلم حدي هنا الويه قالت لي نمشي وين لكن انا م صدقت امورنا ظبطت نطير وين تاني قلت ليها لا لا يا الويه انا الحا امش م انتي وانتي من هنا بمش اقدمك تركبي وتسافري اهلك وعندي قروش كنت مدخراهم شيليهم اتصرفي بيهم واعفي لي يا الويه وحقك علي قالت لي نوسه عيب منك الكلام دا وميه مره قلت ليك م بخليك ف الظروف دي قلت ليها ظروفي دي ح تكون كده للابد ح تكوني معاي مستحيل يا الاء عشان كده امشي وانا م بنقطع منك بنتكلم بالتلفون قالت لي منو القال ليك ظروفك ح تكون كده للابد لابد الخير ينتصر ع الشر وح تشوفي براك قلت ليها ان شاء الله بس كمان لازم تمشي قالت لي انا بقيت متعلقه بي اولادك وم ماشه مكان ارح هسي ندبر لينا مكان قالت لي نوسه معقوله عثمان يجدعكم ف الشارع قلت ليها لا لا هو م جدعنا مرتو قالت ليهو انا م طردتها واعتبرني بمثل وبعمل ف درامات انا زاتي م عارفه اخلي يصدقني كيف قالت لي نسيبه م مشكله ارح الله كريم قلت ليها النكلم الطلبه واجيك مشيت دخلت الفصول واعتزرت ليهم اني م ح اقدر أدي حصص عصر لاني طالعه من هنا وكتبت ليهم رقمي ف السبوره قلت ليهم العاوز حصه ف البيت انا بجيهو وممكن تعملو قروبات وكل يوم ف بيت واحد وطلعت وبقينا نفتش لبيت ناجرو لقيت لي بيت ف نص الحله اجرتو واشتريت لي لحفات جدعهن ف الارض قلت الله كريم حبه حبه بجهز البيت
مرت الايام وتلفوني م وقف دقيقه أولياء الامور بتصلو علي ونسقت معاهم ف ناس طلبو حصص تقويه براهم وف ناس مجموعات وف ناس بجوني ف البيت بدرسهم وم وقفت ع المقرر بس بدرس اساسيات الانجليزي والمخاطبه حتي طلبه الجامعه بجوني والحمد لله كنت مبسوطه شديد
يوم وانا قاعده جاني اتصال من المشرفه تسال من حالي قلت ليها الحمد لله انا كويسه واموري ماشه كويس الحمد لله قالت لي ي نسيبه م عارفه اقول شنو بس عثمان دا م براهو نهاي والشي المحيرني مرتو زمان وشها م شفناهو ف المدرسه انا شفت ليها صور بس كانت كبيره ومبهدله وهسي بقت صغيره ومميزه واليوم والتاني ف المدرسه م عارفه خايفه اعرس فيها ولا مالا قلت ليها الله يسامحها انا م ازيتا بس هي ازتني وحرمت اولادي من ابوهم والحمد لله قالت لي وكلي امرك لله ونصيحتي ليك اقري سوره البقره يوميا قلت ليها ان شاء الله قالت لي دا م السبب الخلاني اتصل ناس الوزاره جو تاني المدرسه وسالو منك عثمان انخلع وانا بعد فاتو فهمتو انو انتي اديتي الحصه شاكلني بس استحملت ودا برضو م المتصله عشانو هم قالو عاوزنك تزوريهم ف المكتب رايك شنو قلت ليها انا مكتبهم وين م بعرف قالت لي م تشيلي هم انا يوم بغيب وبوديك احتمال تلقي ليك وطيفه م تضيعي الفرصه قلت ليها تمام قالت لي انتظري مني اتصال بس قلت ليها طيب وقفلت الخط
حكيت لي الويه الحاصل قالت لي دي فرصه م تضيعيها قلت ليها جدا وطبعا فرشت البيت كلو باحسن الاطقم وناس امي وابوي جو وابوي بقا تمام ولمن شافوني اعتمدت علي نفسي انبسطو لي شديد والحمد لله
مرت الايام ف اثناء انا م بتجول ف الفيس لاقتني صفحه بت خالتي طبعا شالني الفضول اشوف اخبارا فتحت الصفحه اول صوره لاقتني بتاعت البروفايل خاته يدها ف يدين راجلها والشي اللفت نظري دهبي الما بغباني لابساهو هي