رواية عبيري
الفصل الاول1
بقلم ساره محمد
بطلتنا اسمها عبير عمرها ٢١ سمراء وحلوة شديد مرحه وبتحب الضحك خريجة نظم معلومات وشغاله في شركة اتصالات عندها اخ ااكبر منها اسمو عصام عمرو ٢٥ سنه وشغال ف صيدلية واخت أصغر منها عمرها ١٨ اسمها روبا بتقرا ف الجامعه طب ابوها دكتور مخ واعصاب وامها ربة منزل
روبا : بيرو يلا اصحي المنبه بتاعك صحا البيت كلو وانتي لا
عبير: ممممم قايمه
قمت وانا لسه النوم ف عيوني لاني ساهرت وانا بقرا ف روايه مشيت استحميت وصليت وشربت الشاي لسه مواعيد شغلي دخلت اتجهزت لبست اسكيرت اسود وبلوزه بيضاء مورده والاسبورت والفريم والزمام واخر قشره جاني ترحيل الشغل الفيو زميلي مزمل ورؤي
مزمل: العسل ده يوم بشرقنا صباحو
عبير: صباح يا قلب
روؤي: دايما متألقه
عبير: احم لازم لازم
مزمل: اليله عندنا اجتماع مهم والمدير احتمال يظهر
عبير: كل مرة برعبونا كده وما بجي لكن م تخاف جاهزين لأي مفاجأت
وصلنا الشركه والكل كان بجهز بطريقتو الا انا كنت باردة لان اموري ظابطه مشيت الكافتيريا قعدت شربت لي نسكافيه بمزاج بعد ٥ دقائق اتصل مزمل
عبير: يا هلا
مزمل: يا عارض انتي وين
عبير: عارض براك ف الكافتيريا
مزمل: الله يديني برودة أعصابك ارح سمعت انو المدير ف الشركه
عبير: ويعني
مزمل: بيرو تعالي قبل ما اجي ابتلي فيك
عبير: طيب طيب يلا اقفل
قفلت منو كملت النسكافيه بتاعي وشلت حاجاتي اتوجهت للمصعد عاوزه اطلع الباب فتح فجاءة لقيت شاب ثلاثيني اسمراني وطويل وشعرو كتير زي حق الممثلين وكان لابس نظارة شمسيه ف نفسي قلت شنو الوهمي ده ف نظارة بلبسوها ف مكان مغلق ركب الاصانصير وقفل الباب وقبل حتي السلام م قالو م اشتغلت بيو جاتني مكالمه من صحبتي ف فرنسا بقيت ارطن معاها بالفرنسي وسألتني انا وين قلت ليها المصعد ومعاي واحد شايف نفسو قالت لي ك يكون فاهمك قلت ليها لالا شكلو انجليزي م بعرف خلي فرنسي المهم انا بخلص شغلي وارجع ليك لاني عاوزه أسألك من حاجه قالت لي تمام وقفلت قفلت التلفون وختيتو ف الشنطه وفجاءة الولد قال لي
علي فكرة انا قاري سبعه لغات ومن ضمنهم فرنسي وباب المصعد فتح ونزل طوالي انا اصلا بقيت فاتحه خشمي وبدارك ف الموقف رجعت لواقع ومشيت لمزمل ورؤي الكانت بتتجلبط بالروج عشان المدير يعاين ليها م اشتغلت بيها كتير ومشينا غرفة الاجتماع كلنا وهناك كان ف واحد قاعد ف الكرسي ومشينا ضهرو المدير التنفيذي فجاءة وقف وقال لينا اعرفكم علي خالد العامري صاحب اكبر أسهم ف شركتنا واتلفت الكرسي ويا ريت م التفت طلع نفس الولد الكان ف المصعد انا جاني شلل نصفي فجاءة وقف قال
خالد: انا خالد العامري عمري ٣١ سنه درست ف فرنسا وبتكلم سبعه لغات ف الساعه ديك غمز 😉 لي وانا اتجمدته
خالد: انا كنت بحاول اجي كم مرة الشركه بس انا بحب جيتي تكون مفاجءة عشان اعرف طبيعة موظفيني وبصراحه لقيت نموذج جيد جدا يلا كل واحد يعرفني علي نفسو عشان نبدأ الاجتماع
وقف مزمل: انا مزمل عبد الرحمن شغال ف الاي تي
وقفت روؤي: انا رؤي عرفات شغاله ف الحسابات
طبعا جا دوري وقفت وانا كرعيني م شايلاني
عبير: انا عبير عبد الخالق شغاله في قسم الاي تي ومسؤؤله من كمبيوترات الشركه
خالد: طيب انتي بتعرفي الدكتور عبد الخالق أخصائي المخ والأعصاب
عبير: احم اي هو ابوي
خالد: ممممم طيب يلا نبدا الاجتماع
بدينا الاجتماع وطرحنا شغلنا كلنا وهو م طلع فيو عيب والاجتماع انتهي بعد ساعه لمن خلص انا الفيني كملت طلعت من غرفة الاجتماعات مشيت مكتبي وطلبت قهوه لانو مسكني صداع من الحصل شويه كده وجاني مزمل وقال لي المدير عاوزك في نفسي قلت خلاص حاننفصل علي كده عاينت لمزمل وعيوني مدمعه
عبير: مزمل حاشتاق ليك والله
مزمل: هوي العبيطة دي ماشه تجاهدي انتي
عبير: واكتر لا اله الا الله
مزمل: ههههههه محمد رسول الله
مشيت المكتب دقيت الباب جاني صوتو بقول لي خشي دخلت وهو مقبل بكرسي علي الحيطه
عبير: احم قلت عاوزني
خالد: والله م انا العاوزك الزول الشايف نفسو
عبير: انا اسفه بس انا م بحب زول يتجاهلني حتي لو م بعرفو
خالد: ممممممم انتي عارفه انا كنت ناوي افصلك
عبير: احم يعني اخدها من قاصرها والم حاجاتي وامشي صااح
خالد: والله ده المفروض يحصل بس بعد عرفت انك بت عمو عبد الخالق واخت دكتور عصام غيرت رأي
عبير: وانت بتعرف ابوي واخوي من وين
خالد: طيب عم عبد الخالق صديق ابوي وقريبا عمل ليو عمليه ونجاه من الموت انا عصام صحبي من أيام الجامعه
عبير: مممممم اوكي يعني ف النهايه ألم حاجاتي ولا لا
لفه الكرسي وقلع النضارة ختاها ف الطربيزه وقام علي حيلو وبقي جاي علي
خالد : لا بس في عقاب
عبير: عقااب؟؟
خالد: اي ما انا م بفوت شي بالساهل
عبير: طيب والعقاب شنوو؟
خالد: تتغدي معاي
عبير: كيييف
خالد: كده عازمك غدا يعني زي الشاطرة كده تمشي تجيبي شنطتك وانا بعد ٥ دقائق اجي اسوقك من مكتبك
عبير: بس
خالد: قلنا شنووو ما بحب النقاش يلا علي مكتبك
عبير: طيييب
طلعت منو وانا مستغربه ده يكون مالو يا ربي مشيت مكتبي ولقيت مزمل ورؤي حارسني والشما ر حاقهم
مزمل: اها الحصل شنو
روؤي. : اها ف شنو اتكلمي
عبير: ادوني فرصه
مزمل: خلاص يلا قولي
عبير: ولا شي طلع بعرف بابا وعصام وعازمني غدا
رؤي: وااااي بختك سوقيني معاك
مزمل: يا خفيفه
رؤي: ههههه خفيفه خفيفه با زول
فجاءة الباب دقه وكان خالد
خالد: يلا اخرتينا
عبير: طيب جايه
شلت شنطتي ومزمل ورؤي قرصوني وطلعت منهم هو كان ماشي قدامي وانا وراو زي الطالبه وصلنا عربيتو فتح علي الباب يعني متواضع كمان ركبت معاو واتحرك طوالي مشينا مطعمي المفضل طبعا والجرسون من شافوني سلمو علي وهو زاتو شكلو معروف هناك جا مدير المطعم
استاذ خالد والانسه عبير والله زارتنا البركه
خالد: تسلم كتير والله
عبير: شكرا يا عمو
المدير: تختارو خاجه معينه
بصوت واحد انا وخالد قلنا : طبقي المعتاد
المدير بقا يضحك وخالد زاتو ضحك المدير مشا
خالد: شكلك متعوده تجي هنا
عبير: اممم بتغدي هنا طوالي
خالد: غريبه ما حصل شفتك
عبير: ولا انا بصراحه
خالد: امممم طيب ما فات شي فرصه سعيده انسه عبير
عبير: انا الاسعد واسفه علي القلتو ف المصعد
خالد: ماف مشكله والله عادي
تلفوني ضرب وطلع بابا ؛؛؛:
عبير: اي يا بابا كيفك
بابا: تمام وين انتي اجي غاشيك
عبير: انا بتغدي مع مديري استاذ خالد العامري
بابا: يعني اتقابلتو
عبير: انت كنت عارف
بابا: ايوا عرفت بالصدفه انو صاحب الشركه الانتي شغاله فيها وكمان هو عارف اسمك ومجال شغلك
عبير: مممممم اوكي طيب يا بابا انا م حاتاخر
بابا: طيب اتصلي بي لو ف حاجه
عبير: اووكي
قفلت منو وبقيت اعاين لخالد
عبير: بالنسبه انك كنت بتعرفني سلفا
خالد: هههههههههه عمي فضحني يعني اي يا ستي انا بعرفك وشفت ملفك قبل م تجي الشركه
عبير: ولي كنت عامل فيها ما بتعرفني
خالد: ساي كنت عاوز اعرف حاتتعرفي علي ولا لا
عبير: اتعرف عليك كيف وانا اول مرة اشوفك
خالد: بالجد عندك زهايمر تتذكري الشاب الكان بجي يدرس مع عصام ايام الثانوي
عبير: اي كانو بقولو ليو خلدون مالو
خالد: ههههههههه انا خلدون اصحابي كانو بقولو لي كده وكنت دايما معاكم
عبير: بالجد انت خلدون شكلك متغير توتلي
خالد: دراسة برا وكده
عبير: بالجد مشتاقين اختفيت فجاءة
خالد: اي سافرت صعدت دراستي بره وجيت قبل سنه السودان بس انتي م اتغيرتي شديد زدتي حلاوة
عبير : شكرا ليك
خالد: ولسه بتخجلي ووشك بحمر
عبير: خههههههههههه
الاكل جا والصدفه انو طبقنا المعتاد نفس الاكله بقينا نضحك ونتونس وحكا لي بدراستو برة وبقي يسأل فيني كتير بالجد كنت مبسوطه لانو الكراش بتاعي زمان ولمن انقطع مننا زعلت اتغدينا ووصلني البيت ودخل سلم علي ناس بابا وعصام دخلت غرفتي بدلت ملابسي وجيت عملت ليهم شاي وقعدت اتونس معاهم للساعه ٧ هو استأذن وانا دخلت غرفتي بقيت ادردش مع صحباتي نعست قفلت التلفون ونمت