رواية عبيري
الفصل الثاني2
بقلم ساره محمد
عدينا يومين وتاني خالد م ظهر والشغل ماشي عادي يوم ماما قالت لي حاولي تعالي بدري عشان عندنا مناسبه صاحب بابا ولازم نمشي اتحججتت اني ما امشي بس ماف فايده خلصت من شغلي بدري ورجعت البيت لقيت روبا ملخبطه وشها بالماسك عشان العرس وحلفت الا تعمل لي عملت الماسك ومشيت اكلت لي مكرونه وشربت عصير ونمت ماما صحتني المغرب عشان نجهز مشيت استحميت وكويت شعري ولبست لي فستان لحمي وكنت فاكه شعري وجزمه هيلز بالكبدي ههههههه حالتي قلت ما ماشه طلعنا بعربية عصام وصلنا الصاله ماما وبابا شبكو ادينهم وكأنهم عرسان بقينا نضحك فيهم عندي زد خالتي اسمو عمر هو بحب روبا وكلنا عارفين جا واستأذن من عصام وشبك يدو مع روبا ودخلو
عصام: مافضل غيرنا احنا يا البايره
عبير: باير برااك يلا جيب يدك
اتعلقت في يدو ودخلنا الصاله وطبعا عصام معارفو كتيرر يدي وجعتني من السلام لحدي وم وصلنا تربيزتنا وقعدنا انا روحي مرقت الحفله بدت وانا بطبعي م بحب الجوطه قعدت شويه وقلت لعصام ماشه الحديقه اشم هوا هو عارف طبعي طلعت طوالي مشبت لقيت كراسي قدام نافورة كده ظريفه قعدت جنمبها وطلعت تلفوني بقيت ادردش مع صحبتي اشوف ليك زول وقف قدامي رفعت راسي لقيتو خالد
خالد: كيفك
عبير: اهلييين
خالد: احم ممكن اعرف لي انتي هنا؟؟
عبير: ما بحب الجوطه واصلا جايه مجبورة
خالد: نفس الاحساس والله ممكن اقعد
عبير: اتفضل
خالد: شكرا علي فكرة انا شفتك وانتي وداخله مع عصام البشوفكم يقول عرسان
عبير: ههههههه لي يعني
خالد: مسكة اليد النظرات الضحكات
عبير: وانت مركز شديد
خالد: بصراحه اي
عبير : هههههه عصام ده م اخوي بس ده خبيبي وصحبي وولدي
خالد: يا بختك يا عم عصام تشربي حاجه
عبير: ممكن مويه
خالد: طيب دقائق
خالد مشا وجا شايل مويه وبيبسي
عبير: شكرا بس ما بشرب مشروب غازي
خالد: ف سبب
عبير: شكلك نسيت اني عندي حساسيه منو
خالد: اوووبس والله نسيت
عبير:م مشكله
خالد: طيب انتي كان عندك مشكله ف الكلي صااح
عبير: ممم لكن بابا سفرني بره وعملت زراعة كلي
خالد: الف سلامه وان شاء الله ماف مضاعفات
عبير: والله العمليه ليها سنتين بس من فترة لفترة بتعب
خالد: معاناها اعملي حسابك
عبير: امممم اصلا عصام م مديني فرصه أهمل نفسي
خالد: كويس والله
عبير: انت تبع العروس ولا العريس
خالد: العروس بت خالتي وانتي
عبير: العريس ود صاحب بابا
خالد: ممممم عقبالك
عبير: امين جمعا
خالد: بس انا متزوج
عبير: جد ووينه زوجتك
خالد: ف فرنسا
عبير: م جات معاك السودان يعني
خالد: لا هي رافضه فكرة السودان نهائي
عبير: مممم وعندك بيبي
خالد: اي عندي ليندا
عبير: ربنا يخليها ليك
خالد: تسلمي
تلفوني اتصل ؛؛::؛:؛
عبير: اي حبيبي
عصام: وين انتي
عبير: ف الحديقه بره
عصام: طيب جاي عليك
عبير: اوكي مستنياك
خالد: حبيبك؟؟
عبير: مممم
خالد: طيب انا امشي عشان م اعمل ليك مشكله
عصام : مشكله شنووو
خالد: اوووو عصوم الاخبار
عصام: تمام يا خلدون وانت
خالد: تمام والله كنت بتعرف علي عبير بالجد كبرت وبقت حلاته
عصام: ههههههههه بتشاغل اختي قدامي
خالد: هههههههه عارفني صريح دوووم
عبير: حبيبي اتاخرت 😉
خالد: انتي قصدك عصام حبيبك؟؟
عصام: هههههههه كنت متخيلني زول تاني ولا شنو
خالد: ههههههههه لا بس انسي الموضوع وتاني نتونس
عصام: طيب جلس
عصام قعد جنمبي ومسك يدي وخالد قعد جنبمو وبقو يتونسو وانا مرة أشارك ومرة اسكت بس كنت مصدومه من خالد القال اتزوج يعني م ظاهر عليو
عبير: عصام انا ماشه لماما
عصام: طيب حبيبتي احنا زاتنا داخلين
دخلنا وخالد قال عاوز يعرفنا عبي اهلو مشينا الطربيزه الكان قاعد فيها ابو وامو واختو واخو سلمنا عليهم وعصام وبابا عزموهم عشا وبعد المناسبه خلصت كل واحد ركب عربيتو وعلي بيتهم وصلنا البيت وانا منتهيه ومصدعه بلعت مسك ونمت طوالي