رواية احببته ولكن
الفصل الاول1
بقلم ساره محمد
غزل : يا أمي كيف تجبريني اتزوج راجل مرا
عبير: يا بتي ده قرار ابوك ولا حاترفضي
غزل: لا يعني ما لقيتو غير متزوج يعني اخش علي ضره
عبير: يا بتي معاذ ود صاحب ابوك وابوك من زمان بحبو وقال هو مناسب ليك
غزل: يعني ابوي م عاين لانو متزوج وعايز يدبسني بعدين انا لسه م اتخرجت كيف تعملو كده
احمد: غزل مالك صوتك عالي
غزل: يا ابوي كيف تاخد عني قرار اني اتزوج لا وكمان اخش علي ضرة
احمد: يا بتي معاذ من صغير انا عاجبني وعرفت من ابو انو مقتدر وبفتح بيتين وانا بحسو زي ولدي عشان كده عاوزك تتزوجي
غزل: بس يا ابوي
احمد: ولا كلمه فاهمه القعد الجمعه الجايه واتجهزي هو وابوهو جاين المغرب
طبعا ابوي قال الكلمتين ديل وطلع وامي م عندها حلل بالجد انا مستاءة
اعرفكم بطلة روايتنا ❣️
أسمها غزل 😍بيضاء وقصيره ووزنها مثالي وشعرها ف نص ضهرها 😘
غزل بتقرا طب نساء وتوليد ودي المفروض اخر سنه وابوها مصر يزوجها لمعاذ
معاذ عمرو ٣٢سنه اخدراني طويل ووسيم متزوج وعندو ولد وبنت
دخلت غرفتي وانا زهجانه وم معاي زوا اشكي ليو لاني وحيده امي وابوي بقيت افكر لمن نمت ما صحيت الا بأمي بتقول لي معاذ وابوهو جو قمت غسلت وشي ولبست عبايه ومشيت سلمت عليهم عادي يعني خجل العروسات داك ماف
ابو معاذ: طبعا يا غزل ابوك بكون وراك نحنا جينا لشنو
غزل: اي يا عمو بس ممكن تدونا فرصه نتكلم انا ومعاذ
احمد: اكيد اكيد
طلعو وبقينا قاعدين انا ومعاذ الكان مدنقر راسو ويطقطق ف اصابعو
غزل: احم كيفك
معاذ: تمام وانتي
غزل: بخير الحمدلله
معاذ: اها رايك شنو ف كلام الحاج
غزل: انا بس عايزه أسألك سؤال وتجاوبني بصراحه
معاذ: اكيد اتفضلي
غزل: انت لي عايز تتزوج مره تانيه
معاذ: لا ن ابوي عاوز كده
غزل: كيييف بعني انت ما موافق
معاذ: بصراحه انا من صغير اتعودت ابوي ياخد قراراتي حتي زوجتي الاولي هو الاختارها والان انتي
غزل: امممم طيب وبتحب زوجتك
معاذ: تقدري تقولي متعايشين لكن الحب ما اظن لاني كنت دايما ف حالة سفر ممكن اسالك سؤال
غزل: اتفضل
معاذ: انتي ف زول ف حياتك
غزل: لا اني م بحب العلاقات العابره
معاذ: باين عليك شخصيتك قويه
غزل: ممممم شديد
معاذ: طيب ورايك شنو ف الزواج مني
غزل: بصراحه ما موافقه
معاذ: ممكن اعرف السبب
غزل: اولا دي اخر سنه لي ف الجامعه وتانيا انت متزوج يعني حاكون ضرة
معاذ: طيب اولا انا م بمنعك الدراسه وثانيا دي م بقدر افرضها عليك ومن حقك ترفضي
غزل: طيب كده قررنا صاح
معاذ: انو نرفض
غزل: ايوا
معاذ: تمام
مشينا لأهلنا وقلنا احنا م موافقين علي الزواج او بالاصح انا القلت لان معاذ كان خائف من ابو
ابو معاذ: واضح يا احمد بتك راسه قوي بس م مشكله احنا نستأذن
معاذ وابوهو طلعو وابوي هاج فيني كيف أرفض وكانت جوطه امي هدتو وانا مشيت غرفتي كنت مضايقه اتصلت علي صديق طفولتي سامي
غزل: الو سامي انت وين
سامي: مالك يا غزل ف خاجه
غزل: سامي انا عايزاك اسي
سامي: طيب طيب بجيك
قفلت منو ولسه سامعه ابوي بكورك قفلت بابا الغرفه وبقيت قاعده شويه كده سمعت صوت سامي مع ابوي بره شكلو اخد نصيبو من الشكله وجا دق الباب
غزل: منووو
سامي: عزرائيل
غزل: هههههههه خفه خشى
سامي: غزل مالو عمي زعلان
غزل: عمك جاب لي عريس
سامي: جد طيب حلو
غزل: اتخيل العريس منو
سامي: منووووو
غزل: معاذ ود خالو عبدالله
سامي: شنوووو ده متزوج وبعيالو