رواية احببته ولكن
الفصل الثاني2
بقلم ساره محمد
سامي: شنووو ده متزوج وباولادو
غزل: اها شفت الحاصل علي
سامي: والله كلام غريب وانتي رايك
غزل: رفضته طبعا خصوصا لمن جا معاذ وابو وعرفت انو موافق عشان ابو بياخد قراراتو اتخيل
سامي: ده اسمو ضعف شخصيه
غزل: ايوووا بالضبط
سامي: اها وحاتعملي شنو
غزل: م انا عملت رفضت واسي ابوي هايج ف الموضوع ده
سامي: احم بصراحه عمي اليله صعب ياخ انا سلمت ادوني شكله
غزل: هههههههههههههه سامعه سامعه
سامي: طيب ارح نطلع نفرق شويه
غزل: ياخ م عندي مزاج انا اتصلت ليك لأنك الوحيد القريب لي
سامي: وانا ما بتاخر عليك اكيد يلا قومي بطلي دلع
غزل : طيييييب
قمت لبسته عبايه وسامي مشا استأذن ابوي وطبعا ما برفض ليو طلب لانو عارفني برتاح مع سامي المهم طلعنا مشينا شارع النيل شربنا قهوه واتونسنا الساعه ٩ سامي وصلني البيت ومشا دخلت لقيت ابوي مركبين ليو درب وشكلو تعبان
غزل: أمي ابوي مالو
عبير: ابوك تعب بعد طلعتي وجبنا الدكتور قال الضغط مرتفع
غزل: طيب لي م اتصلتي علي
عبير: قال م يزعجوك
غزل: هو زعلان مني صاح
عبير: ماف حاجه يا بتي خلي يصحي وراضي
مشيت قعدت تحت رأس ابوي وانا زعلانه لأنني السبب ف حالتو بقيت ماسكه يدو لحدي م صحا بست ليو راسو ويدو
غزل: انا اسفه يا ابوي
احمد: انا كويس م تخافي
غزل: لالا م كويس وكلو بسببي
اجمد: اششش أمسحي دموعك دي ممكن
غزل: يا ابوي ان كان موافقتي علي معاذ بتفرحك انا موافقه
احمد: يا بتي انا لو ما ضامن معاذ انو بسعدك وبخلي بالو منك لو حصل لي شي م كنت اخترتو ليك
غزل: بعد الشر عليك يا ابوي خلاص موافقه
احمد: فرحتي قلبي ربنا يسعدك
غزل: امين يا ابوي اخليك ترتاح ماشه غرفتي
مشيت غرفتي وانا زعلانه بس عشان خاطر ابوي اي شي بهون طلعت عبايتي وطوالي نمت
عند معاذ::::::
حنان: معاذ بتفكر في شنو
معاذ: العيال نامو؟؟
حنان: أي نامو
معاذ: طيب انا ماشي انوم
حنان: معاذ ممكن تحكي لي المضايقك
معاذ: انتي عارفه انو ابوي قرر اني اتزوج تاني بس بعد شفت البت واتكلمت معاها حسيت انو شخصيتها قويه ما زي يعني انا من قمت ابوي بقرر عني
حنان: أهلنا ما بعملو الا الفي صالحنا صاح واكيد ابوك عندو وجهة نظر من زواجك التاني من غزل خصوصا هي بت صحبو
معاذ: بس هي رفضت انتي عارفه لمن وقفت قدام ابوها وقالت إنها رافضه انا احترمتها
حنان: بالجد الخلتك تفكر فيها كده تكون فريده من نوعها
تلفون معاذ اتصل::::
معاذ: احم كيف يا حاج
ابو معاز: غزل وافقت علي الزواج جهز نفسك للجمعه الجايه
معاذ: خير يا ابوي
حنان: في شي؟؟
معاذ: غزل وافقت علي الزواج لي تكون غيرت رأيها
حنان: غريبه
معاذ: انا بكره لازم الاقيها يلا ماشي انوم تصبحي علي خير
كل واحد مشا غرفتو لأنهم م متعودين ينومو سوا الا وقت معاذ يكون عندو مزاج ليها
الصباح::::
صحيت استحميت وصليت ولبست مشيت الجامعه بعد المحاضره الاولي جاتني مكالمه من رقم غريب
غزل: ألوو
معاذ: احم كيفك غزل
غزل: الحمد لله منو؟
معاذ: معاك معاذ ممكن الاقيك
غزل: انا ف الجامعه حاخلص الساعه ٢
معاذ: طيب ممكن اجيك الساعه ٢ونص انتظريني جمب البوابه
غزل: طيب
قفلت منو وقلت احسن لاني كنت عاوزه اتفق معاو علي حاجات مشيت تميت محاضراتي والدوام خلص واقفه مع صحباتي جمب البوابه اتصل علي معاذ
عزل: الو وين انت
معاذ: انا شايفك تعالي العربيه التوسان السلفر
غزل: طيب
ودعت صحباتي ومشيت ركبت العربيه وسلمت علي معاذ قالي لي نمشي أقرب كافي وافقت ومشينا وصلنا وطلب لي عصير وهو طلب قهوه
معاذ: انا خبيت الاقيك عشان اعرف انك ما مضغوطه علي
غزل : بصراحه انا وافقت عشان خاطر ابوي لاني ولأول مره اخس اني بقيف ف وشو وخصوصا ما حصل رفض لي طلب
معاذ: يعني انتي موافقه بس عشان خاطر ابوك
غزل: ابوا وعندي كم شرط
معاذ: طيب قولي
غزل: انا ما عندي مشكله اعيش مع مرتك الاولي بس م تسألني من حقوقك الشرعيه وكمان جامعتي م بخليهاولو اتخرجت بشتغل
معاذ: وانا م عندي مشكله مع قرايتك وشغلك وكمان بوعدك اني م أقرب عليك الا لمن تكوني عاوزه انتي
غزل : تمام
معاذ: ممكن اتصل عليك بعدين اتعرف عليك اكتر
غزل: ما عندي مشكله
معاذ: تمام عايزه اعترف ليك بحاجه انا امبارح لمن اتكلمت معاك حسيت شخصيتك قويه وكمان احترمتك وحكيت لزوجتي عنك
غزل: زوجتك؟ يعني هي موافقه
معاذ: تقدري تقولي هي زي القرار ما بيدها بس عايشين مع بعض
غزل: امممم طيب
معاذ: ممكن تمشي معاي البيت تتعرفي عليها
غزل: بس
معاذ: ما بتتاخري
غزل: طيب
طلعنا من الكافي ومشينا بيتو وكان بيت راقي ونضيف ومرتب دخلنا وجات استقبلتنا مره سمراء وملامحها حلوه
معاذ: غزل دي حنان مرتي حنان دي غزل
حنان: اهلييين بأختي ماشاء الله حلوه
غزل: تسلمي واوعدك اني اكون اختك لاني حبيتك بالجد
حنان: تسلمي حبيبتي
معاذ: حنان الغدا جاهز
حنان: اي جاهز
غزل: بس انا حتاخر كده
معاذ: م تقلقي حاتصل بعمي احمد
حنان: انا حاجهز الغدا
معاذ: اها يا غزل رايك شنو ف حنان
غزل: شكلها ظريفه
معاذ: وأكد ليك انك حاتكوني مبسوطه معاها
غزل: انت عندك اولا د صاح
معاذ: اي عندي علا وعلي
غزل: ماشاء الله ربنا يحفظهم ليك
معاذ: انا حامشي اجيبهم ليك تمام
معاذ مشا شويه كده وجاب اولادو كانو حلوين ومرتبين وطبعا انا بحب الاطفال سلمت عليهم وبقيت اتونس معاهم بالجد عيله حلوه وسبحان الله بقدر اني كنت رافضه فكرة الزواج من راجل متزوج الا بعد قضيت معاهم اليوم حسيت براحه كبيره ودعتهم ومعاذ رجعني البيت ودخلت غرفتي طبعا بتصل علي سامي طوالي حكيت ليو وهو قال لي مدام مرتاحه علي بركة الله عدينا الاسبوع ف الجامعه والجري مع حاحات العرس لحدي ما جا يوم الجمعه قلت لأبوي عاوزه عزومه بسيطه وهو وافق وعقدو واتصل علي معاذ بارك لي وشويه كده وحا ساقني من الكوفير كنت لابسه توب اوف وايت وصلنا البيت التبريكات وغيرت للحرتق وخلصنا معاذ قال لي اجرت شقه شكليا لمدة أسبوع وحنان حاتقعد مع ناس ابوي وافقت ومشينا الشقه وكانت غرفتين وصاله معاذ دخل لي شنطتي وقال لي تخدي راحتك دخلت الحمام غيرت ولبست لي بجامه طويله وشعري كان معرق فكيتو عشان يتهوا وطلعت قلت اكل لاني حعانه لقيت معاذ ف الصاله وماسك تلفونو
غزل: انا جعانه ف شي جاهز
معاذ: اي جبت عشا
غزل: تمام خاجهزو
دخلت المطبخ جهزت العشاء اتعشينا وانا متعوده اشرب قهوه باليل
غزل: انا حاشرب قهوه عايز
معاذ: يا ريت
جهزت القهوه وقعدنا نشرب ونحضر ف التلفزيون للساعه ١٢ م حسيت بنفسي تاني الا الصباح لقيت نفسي ف غرفتي ومتغطيه
قمت استحميت وصليت وطلعت ماشايفه معاذ شكلو نايم دخلت المطبخ سويت الشاي وختيتو ف الصاله وعندي قرايه فتحت الشيت وبقيت اقرا