رواية الصدفة
الفصل الاول1
بقلم اسيل
اسمي اسيل قصتي مأساوية شويه انا عمري ١٩ سنه سمراء متوسطة الطول والوزن عايشه ف الامارت مع اسرتي المكونه من أخ وأخ وانا اختي اسمها ليندا عمرها ١٥ واخوي اسمو قصي عمرو ٢١ بابا دكتور وعندو صيدليتين ف السودان وعماره وف الإمارات عندو صيدليه وماما ربة منزل قصي ماسك الصيدليه حقت ابوي الفي السودان وانا بقراء صيدليه بتذكر لمن كان عمري ١٠ كان عندي صحبي اسمو جمال متربي معانا ف الحله من صغرو ولمن جينا مسافرين اتجرس شديد واعترف لي انو بحبني كنا شفع بريئين وم عارفين حاجه للحب شاءت الاقدار وافترقنا وتاني م سمعت خبر وانقطعت اخبارنا عنو ونسيت الموضوع وحاليا عمري ١٩ وبقراء ف الجامعه يوم جيت من الجامعه لقيت الناس ملمومه جنب المبني حقنا واتضح انو شقتنا حرقت وأهلي كلهم جوه ماتو ماما وبابا واختي ليندا انا دخلت ف حالة صدمه وبقيت م فاهمه شي بين يوم وليله انا افقد تلاته أشخاص م غالين علي ربهم بس م قدرت اتخطي الصدمه وكنت راقده اسبوع ف المستشفي بنوم بالمهدئات قصي اخوي جا من السودان وكانت حالتو صعبه بس كان لازم يكون قوي عشاني بعد شهر قررت اني أوقف القرايه واوقف حياتي كلو كلو كنت بتمني الموت ف كل ثانيه قصي صفي شغل بابا ف الامارات وقال نرجع السودان وانا م فاهمه اي شي جهز الأوراق ورجعنا السودان قعدت مع قصي ف شقتو واي زول سمع بينا جينا حا عزانا وانا ولا دمعه م نزلت مني لان خلاص دموعي جفت عدت الشهور وقصي أصر اني انزل الجامعه وقدم ورقي وانا كنت رافضه تماما
قصي: اسيل لمتين حاتككوني كدة ابوي وأمي بزعلو منك
اسيل: قصي انا عايزه ماما وبابا انا عايزه اموت
قصي: اسيل عليك الله والله انا م ناقص انا ماسك نفسي بالعافيه
اسيل: لي يا قصي لي يحصل معانا كده
قصي: حاتعترضي علي حكم ربنا
اسيل : استغفر الله العظيم
قصي: اي حبيبتي استغفري واسي قومي صلي ركعتين وانتي حترتاحي وبكره نمشي الجامعه
اسيل: طيب حبيبي
قمت استحميت وصليت وقريت قران ونمت صحيت تاني يوم الفجر قمت استحميت وصليت لقيت قصي صاحي سويت ليو الشاي ولبسنا مشينا الجامعه طبعا كان يوم صعب شديد لان الناس غريبه علي وانا م عندي نفس لحاجه قصي لفة معاي الجامعه كلها وقضي معاي اليوم عشان م اتعب رجعنا البيت وهو مشي الصيدليه وانا دخلت استحميت وصليت وجهزت الغدا جاتني بنوته حلوه اسمها رغد اتعرفت عليها وطلعت ساكنه ق الشقه الجنبناوالصدفه انها بتقرا معاي نفس الجامعه اتونست معاي وقالت اجي عليهم يوم مرقت رقدت نمته للساعه ٥ قصي جا اتغدينا وهو دخل غرفتو وانا رقدت ف غرفتي رسلت لي رغد قالت لي بكره نمرق بدري وحايوصلنا اخوها مشيت كلمت قصي ووافق ورقدت نمت
تاني يوم صحيت استحميت وصليت وجهزت الشاي شربت وجهزت لقصي الشاي حقو اتصلت علي رغد وقالت لي منتظرنك
نزلت وشفت معاها شاب اخدراني وطويل ووسيم رغد عرفتني بيه
رغد: يا اسيل ده اخوي مهند
اسيل: اهلا اتشرفنا
مهند: اهلييين بيك وحمدلله علي السلامه
اسيل: الله يسلمك
مهند: يلا مشينا ؟؟
ركبنا العربيه وطبعا انا طول السكه ساكته ورغد واخوها يتونسو لحدي م وصلنا الجامعه ودخلنا ورغد عرفتنا علي شلتها عبير واحمد وخالد ولينا سلمت عليهم وسكت وطبعا هم ف ونستهم وانا ساكته
خالد: اسيل شنو يعني ساكته
اسيل: ماف حاجه بسمع فيكم
اخمد: شكلك م بتحبي الكلام الكتير
اسيل: م كده بس الحو غريب بالنسبه لي
رغد: اسيل كانت عايشه ف الامارات من صغرها عشان كده م اتعودت علينا
لينا: ف زول بخلي الامارات واحي السودان
اسيل: ظروف
لينا: والله مهما كانت الظروف انتي م عاقله
فجاءة حسيت بالعبره وقلت ليها الامارات لو فقدتي فيها امك وابوك واختك تاني بتنقعد ليك
لينا: انا اسفه والله م قصدي
اسيل: م مشكله انا ماشه الحمام عن اذنكم
مشيت وانا خلاص عيوني اتملت دموع دخلت الحمام بكيت قدرتي وغسلت وشي وطلعت قعدت ف استراحه ف زول قعد جنبي ومدا لي منديل
علي فكره البكا م عيب البكا بريح
اسيل : بالجد بس انا تعبت بالجد تعبت
طيب ابكي طلعي الجواك
تاني بكيييت وبصوت كمان كويس انو الاستراحه م كام فيها غيري وغير الولد مشا جاب لي مويه وقال لي غسلي وشك شلت المويه غسلت وشي وهديت شويه ورفعت راسي يا دوب عاينت للجنمبي لقيتو شاب اصفر وشعرو سبيبي وعندو لحيه كتيره
اسيل: شكرا ليك
الولد: عفوا انتي كويسه اسي
اسيل: الحمدلله
الولد : طيب اطمنت عليك انا بمشي بعد ده
اسيل: ممكن اسالك سؤال
الولد: اتفضلي
اسيل: انت جيت وقلت لي ابكي يعني انا كنت ببكي ف الحمام شفتني كيف
الولد: طيب يا ستي انتي كنتي قاعده مع شله صاح وانا كنت قاعد قريب ليكم وبالصدفه سمعت سؤال البنت قالت ليك السبب البخليك تجي من الإمارات فجاءة شفت وشك اتغير ولمن قلتي انك فقدتي اهلك واستاذتني كنت شايف الدموع بس انتي بتحاولي تمسكيها فعرفتك حاتبكي وتفتشي لمحل فاضي وبدون م أشعر لقيت نفسي معاك هنا
اسيل: بالجد شكرا ليك
الولد : حاتشكريني كتير
اسيل: هههههه لا بس م عارفه اعبر
الولد : علي فكره ضحكتك حلوه
اسيل : شكرا
الولد: تاني شكرا
اسيل: هههههههههه
الولد: انا جمال وانتي
اسيل: وانا اسيل
جمال: اسيل انا عندي بت جيرانا زمان اسمها اسيل
اسيل: اسمها اسيل منو؟؟
جمال: اسيل عبدالله
اسيل: وانت جمال محجوب
جمال: اي وانتي عرفتيني كيف
اسيل: لاني انا اسيل عبدالله
جمال: اسيل انتي جاده
اسيل: اي والله