رواية زي ماهي حبها
الفصل الاول1
بقلم بسمة محمد
احلام قومي يابت زمن المحاضرة فاتت انت ناسيه انك راجيك وقفه في صف الحمامات والله نطلع نخليك تمشي براك 😂😂امشو ماماشه اليوم انا زاتي هو بي كيفك يابت قومى يامرافي قلت ليك ماماشه بس الكلبه مصرة تصحيني من 5ص علشان اقوم اكمل معاناتي مع الداخليه والجامعه 🌝
طيب انا اسمى احلام محمد طالبه في كليه تمريض ساكنه داخليه نسبتا لي بعد البلد عند الجامعه صحيت ومشيت وقفت في صف الحمامات وانا مفتحه عين ومقمصه التانيه وبسب لي مرافي لسه بعد تعب وجهد جهيد قدرت اخلص بقت اجري علشان المحاضرة ماتفوتني واحنس في مرافي تسوي لي شاي معاها علبال مااكوي واعمل ميكبي 😂😂طلعنا على الجامعه وانا من الباب شغاله اشاغل في عمو الحرس مرافى ولا عاينت لي جرت خلتني الكلبه شافت الدكتور ماشي على القاعه ومانع انو الطلاب يدخلو وراهو المهم عمو قال لي يابت يااحلام الدكتور دخل شكلك عجبتك حكايه انو تنطردي كل محاضرة 😂😂ياداب استوعيت مرافى ماف جريت ومع وصولي الدكتور الكريه قال لي ياطالبه ارجعي واقفلي معاك الباب بس يادكتور سمعتي انا قلت شنو صح يلا 😂طوالي رجعت مشيت على الكافى حق الجامعه طلبت شاي ودخلت سماعتي وقعدت فجاة اسمع صوتو وهو بيضحك
احلامي كلعادة جيتي متاخرة صح 😂
رفعت راسي وطلعت السماعات لا والله ياعمر ماجيت متاخرة بس اخلي الونسه لي منو انا 😂
لبعني في راسي بي كتاب شايلو في يدو وقال لي الطربقه تخليها لي منو انتى 😂
قلت ليهو الزول مايسلم يعني قعد جنبي وقال لي احلام بطلي حركاتك دي ماتخلي المشاكل وانو مادخلتي المجال العاوزاهو ياثر على مستقبلك ونصيحه منى ليك لو المجال دا ماعاجبك اقصري الطريق من البدايه واكسبي زمنك