رواية الخزلان
الفصل الواحد والعشرون21
بقلم نوسه حمد
حاولت اتهرب من محمد بس هو عبيط بقا ماش وراي واكورك لي خجلني قدام الناس وقفت ليهو قلت ليهو ي ود الناس عاوز شنو قال لي عاوز اتكلم معاك ممكن قلت ليهو بخصوص شنو قال لي بخصوص البينا قلت ليهو محمد انت مجنون قال لي اسمعي كلامي لاخر مره قلت ليهو طيب دخلت معاهو اقرب مطعم عشان اشوف فهمو شنو قال لي نوسه انتي ليه كسرتي قلبي قلت ليهو الماضي راح وانا م كسرت قلبك انت الكنت بتكذب علي خمسه سنه وواعدني بالزواج وانت خاطب بت خالتك ولا يوم ضميرك م أنبك ولا فكرت تبعد مني قبل تعشمني بالزواج خليتني لا مجنونه لا واعيه اهلي شمتو فيني لاني رفضت كل اولاد العيله كل م واحد اتقدم لي واجي اكلمك تجوط وتقعد تبكي وتقول لي ح اكتل روحي انا ضيعت شباب احسن منك بالف مره عشان انتظرك وانت بتخطط للزواج من واحده تانيه وجاي تقول لي كسرتي قلبي ولو علي ابوك جمعنا القدر وكل شي قسمه وزواجي من ابوك لقسمه اولادي الحمد لله ديل هم الطلعت بيهم من الدنيا انت خصمت مني كتير حتي بيتنا بيعتو ليكم بسبب ابوي مرض من الحاصل علي قال لي انا عاوزك عشان الموضوع دا انا ح اتزوجك وح ارجع ليك البيت باسمك انتي وافقي قعدت اضحك قلت ليهو محمد صحصح ياخ انا مرت ابوك كنت وام اخوانك م بحل ليك ولا انت بعيد من الدين قال لي لا نحنا م ح نتزوج عديل نتزوج عرفي من غير م زول اعرف قلت ليهو انت غبي شنو من غير م زول يعرف انا م بحل ليك قال لي يعني هو الزواج العرفي حلال ما حرام قلت ليهو يعني انت عاوزني اعمل الحرام صاح قال لي غصبا عني وعنك انا حبيتك اتا م قادر اكمل من دونك قلت ليها ياما كتار حبو وم اتزوجو المشكله شنو قصه حب انتهت بالفشل عادي جدا وبعدين انا اقسم بالله بقيت اكرهك موت وحبيت ابوك من جوه قلبي بس انت خربت حياتي م زعلانه انا بس موجوعه وعمري م ح القا راجل احترمني زي ابوك بقيتو سبب حرمتونا من بعض وحرمتو من اولادو وجاي انت تسوقني للحرام مستحيل انا عندي اولادي بالدنيا مستحيل افكر اخونهم وسلام عليكم قال لي لو م وافقتي اقنعي من اولادك قلت ليهو انت مجنون نحنا ف مسلسل هندي ولا تركي اولادي دخلهم شنو ف الموضوع وقسما عظما تقرب منهم اكتلك انا بي يدي انت مفتكرني انا نسيبه الزمان لا انا الدنيا بقتني صايعه نومتا ف الشوراع ونمتا ف المدرسه والجوامع قلبي بقا قوي قوتني الظروف عشان كده م ح اتهدد ليك وان راجل فكر فيني ومن هنا تنسا حاجه اسمها نسيبه مالي الشرف اتكلم مع زيك قال لي ح تندمي قلت ليهو اكتر من الندامه الفيها انا هسي م اظن اندم
طلعت منو دموعي في عيني م خايفه منو ولا خايفه ع اولادي لاني الحمد لله اولادي بستودعهم الله وانا ع يقين بس محمد مصر ادمرني ودي نهايه الحب والكلام الفاضي ي ريتني انتظرت قسمتي بس لحمد لله
وصلت المدرسه قشيت دموعي ودخلت كلي امل وثقه ورحبو بي ناس المدرسه واتعرفت عليهم مدرسه راقيه ونظيفه والطلبه من الطبقات الراقيه مهذبين ومحترمين قدمو لي كل الاحترام وانا م قصرت معاهم كنت مجتهده معاهم شديد وبديهم دروس تقويه نهايه الحصص بدون مقابل علي المرتب ودي اكتر حاجه ميزتني عن باقي الاساتذه لانو همهم كلو القروش انا همي كلو ابقا قدر الثقه الختاها لي صاحب المدرسه ومسكوني الفصول الممتحنين وم كنت بدرس انجليزي بس كنت بدرس معاهو رياضيات ودي كانت عشقي بدرسها بكل حب طلبو مني اني ادرسهم دروس خارجيه بس اعتزرت لاني ملتزمه مع ناس الحله ومعتمدين علي بس وعدتهم اني م اقصر منهم واي حصه فاضيه بدخلها حماسي لفت نظر كل الناس وكانو بشكرو فيني اني انسانه في حالي وعاوزه الشغل الحلال ولقمه العيش الحلال وكل مره بدوني حوافز وغيرت وضعي تماما واعتمدت الويه معاي ماسكه البيت والأولاد مع امي وراتبها بنرسلو لي اهلا واحتياجتها بشتريهن ليها انا وم قصرت معاها وعمري م انسا وقفتها معاي اتمنيت اكون عندي اخ كان عرستو ليها بس الحمد لله
حياتي اتغيرت للافضل وبقيت ف حالي واعتزلت العالم لاني اتأذيت منو شديد وماف زول ببقا براهو فقررت بيني وبين نفسي اساعد اي انسان محتاج وم كده وبس اقوي علاقتي معاهم واديهم امل انو اعتمدو ع نفسهم كنت مستعده اقيف مع اي انسان كان عاجز زيي والدنيا كسرتو لغايه م يقيف ويسند روحو كنت بعمل الحاجات دي من غير م اكلم زول علاقتي بقت قويه بنسه ٩٠ف الميه مع ناس حلتنا ودعواتهم كانت بتسبقني والحمد لله بيها وبرضا اهلي مني انا بقيت صاحبه بزنس كنت بشتغل ليل نهار م برتاح الا ساعات وم كنت حاسه بتعب بالعكس كنت حاسه بي راحه من جوه وقدرت اشتري بيت احسن من حقنا وكتبتو بي اسم ابوي وفتحت ليهو دكان ف البيت عشان م يزهج من قعده البيت
طبعا عثمان نهاي م شفتو من اخر مره طردني فيها من المدرسه واولادو م جا شافهم م زعلانه كنت بس خايفه ع مشاعر اولادي اتربو من غير اب 😭😭😭
مرت الايام والشهور وجات الامتحانات وانا كنت معسكره مع الطلاب وقتي كلو بعديهو ف المدرسه كنت مجتهده معاهم شديد كنت بعاملهم زي اولادي بشرح ليهم اي ماده وكنت بسمع ليهم الحفظوهو قدرت احببهم ف القرايه حتي الناس الما شاطرين عملت ليهم قروب براهم تعبت معاهم شديد وكلو كان بهون لمن احس طعم النجاح معاهم ح افرح ليهم اكتر من اسرهم وجات الامتحانات كل امتحان بدخلو بكون متوتره معاهم وشايله همهم لمن يطلعو من الامتحان كانو بفتشو لي عشان يفرحوني ويطمنوني احساس كاني امهم وخلصت الامتحانات وجات وقت أذاعه النتايج كنت ع ثقه انو المدرسه بتاعتي ح تكون الاولي ع المحليه وفعلاا دا الحصل وانا بحضر ف المؤتمر دموعي عشره عشره فرحه النجاح المؤتمر م خلص سمح لقيت ليك كل الطلاب والمشرفين جنب بابنا جايين بي حلاوتهم وكانت فرحتهم ماليه المكان والحله كلها اتلمت في بيتنا وكاني كنت ام طالب ف الحقيقه انا ام كل الطلاب والحمد لله وعثمان عرف بالحاصل زعل واتصل ع المدير واتشاكل معاهو والمدير م كان عارف اني كنت مرتو وبرضو م كلمتو قلت ليهو كل شي قسمه وتواجدي معاكم لقسمه اولادي ديل والحمد لله كرموني وجابو لي كميه من الهدايا وانتهي العام الدراسي والحمد لله
فضيت لي نفسي شويه واولادي
فتحت الفيس كالعاده عشان اعرف الاخبار وفتحت الرسايل ومن طبعي م قاعده ارد ع اي رسايل جذبني حساب مرسل لي اكتر من ٢٠٠رساله فتحت الرسايل لقيتو دا مهند راجل روضه وكان داخل بحساب مستعار قلت تكون دي هي ودايره توقعني اتصلت عليهو فيديو كول ردا علي طوالي عرفتو انو دا هو قفلت المكالمه اتصلت عليهو مكالمه عاديه سلم علي قلت ليهو خير ي راجل روضه قال لي نسيبه انا ولد خالتك وانا م جيتك بصفتي راجل روضه انا جيتك بصفتي اني ود خالتك ممكن تنسي روضه وتعامليني ع كده قلت ليهو اعاملك ع شنو انت داير شنو انا م بربطني بيك غير صله رحم عاوز شنو ي ود الناس قال لي عاوز اتفاهم معاك ممكن تديني فرصه انا محتاج ليك انتي بالتحديد …