رواية الخزلان
الفصل الثاني والعشرون22
بقلم نوسه حمد
مهند قال لي نوسه انا محتاج ليك قلت ليهو هوي ي مهند انا م بيربطني شي بيك غير انك ود خالتي وح احترمك لانك ود خالتي م عشان معرس بت خالتي واختي الله يسامحها قال لي نوسه م تفهمي غلط اقسم بالله انتي غاليه علي شديد قلت ليهو لا دايره اكون غاليه لا دايره اكون رخيصه بيني وبينك وسلام عليكم وعليكم السلام وربنا يسعدك ويهنيك قال لي اديني فرصه انا مخنوق وم مرتاح وح اجن عديل ف ميه سؤال م لاقي ليهم حل ممكن بس وعشان صله الرحم البينا تصارحيني قلت ليهو اصارحك فشنو انا م فاهمه قال لي روضه قلت ليهو خير مالا قال لي قالت لي كلام انا م قادر اصدقو قلت ليهو ياتو كلام قال لي صحي انتي سبب طلاقك راجلك قبضك مع ولدو قلت ليهو دا القدرت عليهو الله يسامحها هي الكذابه وهي الاتسببت ف طلاقي وحقي م عافياهو ليها قال لي نوسه لا م تظلميها انا ورتني الفيديو قلت ليهو قصدك الفيديو المقصوص قصت الحاجه العاوزاها عشان تشوه سمعتي قال لي كيف قلت ليهو شوف ي مهند انا م ملزمه ابرر لي زول والشايفو انت وغيرك ياهو خاينه اي خاينه تاني فشنو قال لي نوسه انتي اكبر من كده انتي واعيه لي تعملي كده قلت ليهو مهند ح ارد عليك واعترف ليك بس ع شرط قال لي قولي قلت ليهو تشيل تلفون روضه وتعمل تعديل للفيديو بجيك الارجاع للاصل دوس اوكي ورجع الفيديو كامل واحضرو وحولو لي نفسك ورسلو لي والله العظيم انا احكي ليك الحقيقه قال لي تمام ح اعمل القلتي عليهو بس عندي شرط قلت ليهو قول قال لي تكوني صريحه معاي ف كل كلمه قلت ليهو والله العظيم اوريك اي شي قال لي تمام يلا انا راجع البيت ح احذف الرسايل نتتلاقي بكره قلت ليهو منتظراك
قلت لي الاء طبعا راجل روضه ود خالتي دخل علي قالت لي داير شنو قلت ليها روضه قالت ليهو اني خاينه وورتهو الفيديو وهو صدق بس ي الويه دي فرصتي هي عملت اقتصاص للفيديو انا طلبت منو اعمل ارجاع الفيديو للأصل عشان ح يعرف انها كذابه وكذبت عليهو قالت لي والله دي فكره اي شي يحصل لي حكمه قلت ليها م عارفه حاسه انو برائتي ح تكون ع يدو والطلاق البقت لي فيهو سبب ح ابقا سبب في طلاقها من غير قصد لاني وعدتو احكي الحقيقه قالت لي اهم شي الدهب كلمي قولي ليهو مرتك حراميه قلت ليها انا م بقول ليهو بس هو قال عاوز يسالني كم سؤال شكلو من ضمن الاسئلة تعليقي الكتبتو والدهب والله ي الويه انا من نفسي م ح اقول ولا اقطع نصيبها وابقا سبب ف خراب بيتا بس يسالني بوريهو اي شي قالت لي مالك ومال بيتا ان شالله ينخرب م يخصك قلت ليهو م ببقا سبب بس لو سالني بقول الحقيقة م بكذب قالت لي ان شاءالله يسالك ويعرف حقيقتا
مرت الايام ومهند رجع لي قال لي نوسه عاوزك ف مكالمه ممكن قلت ليهو طيب اتصلت عليهو قال لي نوسه انا عملت ارجاع للفيديو و حضرتو من الاول فعلا ف الاول انتي قلت ليهو حب شنو وهو شكلو كان سكران حسب كلامك وحاولتي تبعديهو وهو اتعمد يلمسك وانتي كفتيهو قلت ليهو بسسسسس دي حقيقه الفيديو م الحقيقه انو قال لي بحبك وقرب مني يعني انا مستحيل اقبل بالخيانه وبالذات مع ولدو ممكن ترسل الفيديو عشان وعزه جلال الله أورّيك الحقيقه قال لي تمام رسلو لي طوالي حفظتو وبعد حفظتو رسلتو لي الويه وحفظتو رجعت ليهو قلت ليهو مهند انا ح احكي ليك الحقيقه الماف زول عارفها ولا زوجي م عارفها عشان م اداني فرصه احكي ليهو للاسف صدق كلام روضه وطلقني قال لي روضه دخلها بالموضوع شنو قلت ليهو روضه رسلت لي زوجي الفيديو قال لي لا حول ولا قوه الا بالله آلعلي آلعظيم قلت ليهو م تستغرب المهم النحكي ليك انا ي مهند قبل خمسه سنه اتعرفت ع محمد ووعدني بالزواج وارتبطت بيهو بس للاسف هو كان خاطب بت خالتو واتزوجها وانا انصدمت شهور حتي رجعت طبيعيه ونزلت شغل في مدرسه ابو محمد عثمان واعجب بي واتزوجتو وم كنت عارفه انو هو ابو محمد طبعا م وريتو حقيقه اني كنت عاوزه اتزوجو واحرق قلب محمد عشان دي الحقيقه الوحيده الانا ح اموت بيها وحكيت ليهو الحاصل كلو من طق طرق للسلام عليكم قال لي نوسه وكيف انتي تسكتي وم تبرري لي زوجك وليه روضه زاتو توريهو الفيديو ولي تتسبب في طلاقك قلت ليهو مهند للاسف روضه مرتك حسدتني دخلتها بيتي وطعنتني ف ضهري مهند م تخرب بيتك بسببي خراب البيت حار اسالني انا قعد اضحك قال لي سبحان الله الشي الانتي م عارفاهو انو انا طلقتها وم بي سببك والله ولا ليك علاقه ف الموضوع روضه م محترمه ومستهتره ولميضه وانا م عندي اخلاق وح تنزل السودان بعد كم يوم يعني ربنا شال ليك حقك من غير م تكوني سبب في طلاقها قلت ليهو لا حول ولا قوه الا بالله آلعلي آلعظيم قال لي انتي عارفه انا مأخر سفرها عشان انتي تردي علي وافهم نقطه واحده بس قلت ليهو شنو فشنو قال لي تتزكري تعليقك لي روضه قلت ليهو بتزكرو قال لي ممكن تفهميني قاصده شنو قلت ليهو لا خليهو قال لي قولي عشان لو م قلتي انا شبه فهمت قلت ليهو فهمت شنو قال لي روضه سرقت دهبك صاح قلت ليهو لشنو قلت كده قال لي لاني عرفت انو روضه يدها خفيفه قلت ليهو كيف قال لي ودا سبب اساسي ف طلاقها لو بقت ع الفصاحه واللماضه هينه كل النسوان كده والرجال مجبورين عليهم بس للاسف انا م بتحمل واحده يدها خفيفه بس ي نوسه امك ليه توقعني فيها مدام عارفين يدها خفيفه قلت ليهو مهند بالعقل كده نحنا لو عارفين انو يدها خفيفه بنخت قدامها دهبنا اكيد كان حرصنا عليهو بس والله ي مهند وعزه جلال الله لا انا لا امي م عارفين النقطه دي وانا اتفاجات انها شالت دهبي لمن شفت المنشور حقها وامي زاتا اتفأجات بس م افتكرت انها للدرجه دي وانت عرفت كيف قال لي انا من اتزوجت قروشي بقيت م بعرفها فاتت وين لغايه م اكتشفت انها بتسرقني وبترسل لي ابوها وم سالتها سكتا وبقيت م بجيب معاي قروش البيت وبجيب ليها احتياجاتها ودا كلو عشان اخليها تبعد من السرقه وانستر لغايه م حصلت حاجه م متوقعه مشينا مناسبه بتاعت صاحبنا وكل اصحابي جابو زوجاتهم وف الجوطه بتاعت المناسبه روضه سرقت خاتم من واحده وفي واحده شافتها وصورتها وفضحتها وبقينا فرجه وكانو عاوزين اطلبو الشرطه بس اصحابي ادخلو وحلو الموضوع وانا في لحظتها طلقتها وللان م قادر اعاين ف وش واحد في اصحابي وم اكذب عليك ي نوسه انا ممكن استحمل مره نكديه مره مسترجله بس حراميه مستحيل افضل معاها والشي الحلو اني م انجبت منها والحمد لله قلت ليهو عارف ي مهند انا دهبي فقدتو بعد انتو اتزوجتو وبعد ابوي قررو ليهو العلاج بره اتصلت ع زوجي قال لي ما شالو ونهاي م شكيت ف روضه رغم انها مثلت معاي دور م حلو بس انها تسرق دي اخر توقعاتي قال لي بس ي نوسه دي النقطه العاوز اعرفها قبل اسفر المخلوقه دي عشان دهبك ارجعو ليك قلت ليهو طيب هي قالت ليك الدهب جابتو من وين قال لي قالت حق امها قلت ليهو غايتو خالتي لو عارفه الدهب دا وسكتت عليهو تبقا هي زاتا زيها قال لي م عارف والله بس دا القالتو وانا وعد ارجعو ليك وودعني وطلع
حكيت لي امي والويه الحاصل فرحن انو حقي ح يرجع لي والحمد لله الخير انتصر ع الشر
بعد اسبوعين سمعت بي روضه جات الحله وجات بي ورقه طلاقه قلت اللهم لا شماته وف نفس اليوم مهند رجع لي وقال لي انا رجعت ليك دهبك كلو من غير هي زاتا م تعرف انو حقك ح يرجع ليك قلت ليهو كيف قال لي قبل م تسافر قالت ماشه السوق وطلبت مني اسوقها وصلتها السوق وقلت ليها ح انتظرك تخلصي وم انتظرتها رجعت البيت شلت الدهب كلو وختيتو ف مكان الجن م بعرفو وقلبت البيت ع اساس انو البيت جاهو حرامي وانسرق ورجعت كانو م عملت شي لغايه م جات وجينا راجعين البيت ولقينا الشقه فاتحه ومقلبه واتفاجات معاها انو انسرقنا وجا حرامي وبقت تبكي وتفتش لي دهب امها الاصلا هو م دهب امها وكانت تاني يوم طوالي مسافره قلت ليها مال الحلال م بروح انا ببلغ الشرطه وبرجع ليك الدهب ان شالله وسفرتها ولا بلغت ولا ح ابلغ لانو دا حق والحق ح يرجع ليك ان شاءالله زي م وعدتك بس ي نوسه عاوز اطلب منك طلب من غير م تردي هسي وح اخليك تفكري بي راحتك قلت ليهو شنو قال لي نوسه انا عاوز اتزوجك ع سنه الله ورسوله رايك شنو ……