رواية الخزلان الفصل الثالث والعشرون23بقلم نوسه حمد

مهند قال لي نوسه ممكن طلب وتوافقي عليهو قلت ليهو اتفضل طوالي قال لي نوسه انا طالب يدك ع سنه الله ورسوله قلت ليهو شنو قال لي السمعتيهو وم تردي هسي انا طالع وبتصل عليك بعد كم يوم لغايه م تفكري ولو عاوزه تقولي لي اولادي وغيرو انا والله ي نوسه اولادك اولادي ولو ابوهم موافق ح اجيبهم معاك السعوديه هنا ويلا ف رعايه الله اسيبك تفكري قلت ليهو مهند قال لي م مهند انا م عايز رد هسي ع مهلتك وهسي انا طالع خلي بالك من نفسك وف رعايه الله وحفظه  بقيت مندهشه ومنططه عيوني بين مبسوطه وحزينه مبسوطه اني لسه مرغوبه حتي وعندي اطفال وحزينه لي اولادي اللو فكرت اتزوج ح يتعبو شديد وح يدمرو الويه واقفه وتتكلم معاي م جايبه خبر قالت لي نوسه مالك قلت ليهو الويه  م شفتي مهند طلب مني شنو قالت لي مهند راجل بت خالتك قلت ليها ياهو قالت لي النصيحه لو طلب اي طلب نفذي ليهو م بتقدري تجازيهو قلت ليها كدي انتي اسمعي الطلب وتاني اتكلمي قالت لي اها قال ليك شنو قلت ليها طلب مني الزواج قالت لي ومالو وافقي ي نوسه  عيشي حياتك م ترجعي ورا قلت ليها ياتو حياه وانا عندي اولاد محتاجين ابوهم قالت لي نوسه انتي م جاده والله واسمعي كلامي اياك ترجعي ورا عثمان نساك صحصحي دموعي بقت في عيني اتزكرت عثمان ودلعو لي وحياتي الحلوه معاهو  قلت ليها عارفه ي الويه اقسم بالله عمري م ح احب راجل زي عثمان وحتي لو ظلمني انا مسامحاهو من جوه قلبي مسامحاهو شديد  وهسي لو اولادي ديل كبرو اقسم بالله ي الاء م ح ازكر ابوهم الا بالخير لانو الحمد لله م قصر مني. ومتعني لو الدنيا دي فيها متعه قالت لي هوي يا الغبيانه لو نسيتي انا بزكرك عثمان بسببو انجدعتي ف الشارع نومتي ف الجامع ونومتي ف غرفه الغفير وبتقعدي في شمس الله دي بالساعات عشان  تبيعي وهو ممكن اعيشك ملكه وم يحوجك ولا نسيتي  قلت ليها م نسيت والحصل دا اشهد الله م منو انا وضعت ليهو العزر مرت محمد ومرتو شيطانات بعملن اي شي عشان اخلنو اعما مني نتكلم كده امي جابت لينا القهوه وجات الويه قالت ليها تعالي يا خالتي شوفي بتك دايره تضيع عليها فرصه من ذهب امي قالت لي فرصه شنو سكت م رديت طوالي الويه حكت ليها بمهند امي سكتت ساي الويه بقت مستغربه قالت ليها خالتي مالك ردي وانصحي بتك م تخليها تتشعبطت في حبال الهواء الدايبه امي دمعتا جرت وقالت ليها والله يا الاء انا كنت معترضه ع زواج بتي من عثمان من الاول بس والله لمن اتزوجت وراجلها احترمنا وقدرنا ريدتو من جوه قلبي ولد حلال مأصل  وهسي بتي غيرو هو م بتمنا ليها راجل امي بقت تبكي وانا حاضنه اولادي ويبكو جاتني نفسيات عديل حيلي انهدا والدنيا بقت ضلام. امي قالت لي الله يصبّرك ي بتي وردي لي ولد خالتك قولي ليهو ربنا اديك بت الحلال  وانتي ربنا كريم عليك حسيت امي دايره لي عثمان شديد بس عثمان م حنا علي ولا علي اولادو ولا قال داير يشوفهم ودا اكبر جرح بالنسبه لي بقيت ادعي ربنا يحنن قلبو علي 

رجعت لمهند ورديت ليهو قال لي انا متفهم وضعك وانا والله كان قصدي م اخليك مكسوره ف العمر دا بس ربنا يحنن قلب راجلك ويرجعو ليك ووعد ي نوسه انا اقيف معاك وعاوز منك طلب ممكن تخطبي لي قلت ليهو يعني بترضا بي اختياري قال لي طوالي والله انتي بس جربي اخطبي لي انا م عندي مشكله مع الشكل بس بت تكون محترمه وبتخاف الله ف نفسها والباقي كلو هين انا طوالي اتزكرت الاء وهي كانت جنبي قومتا من جنبها وطلعت قلت ليهو مهند عروسك عندي قال لي لميني فيها وينا قلت ليهو احكي ليك قصتها بت حلال  ابوها مريض وامها كمان جات عشان تشتغل وتأكلهم لقمه حلال واشتغلت معاي والشي الخلاني اخطبها ليك انها بالف راجل انا الدنيا كسرتني ي مهند لو م الويه ماف زول سندني اهلي كلهم شمتانين علي بس الله كريم والحمد لله قال لي نوسه انا موافق والله من غير م اشوف شكلها زاتو اكسب اجر في امها وأبوها ديل بس انتي لميني فيها وم عليك تاني انا علي الطلاق انزل اعمل ليها عرس الحله كلها تحكي بيهو ولا بقول انا معرس قبل كده لاني م حاسي نفسي كنت معرس انا اتزكرت روضه قلت ليهو عارف ي مهند كان نفسي ترجع روضه م عشان بت خالتي بس عشان ابعدها من زوجي قال لي عاوزه لي الخراب روضه دي م بتلزمني وابشرك انا ي نوسه روضه م ح تقرب من زوجك وح ترجعو ووعد ي نوسه قلت ليهو ان شاء الله قال لي يلا ظبطي لي الوضع وشوفي الويه دي رايها شنو وانا موافق عشان لو وافقت انا انزل مع اصحابي واتزوجها قلت ليهو بكره بديك رد قال لي منتظرك 

قفلت الخط ومشيت لي الويه اتبسم لقيتا تسرح لي بتي وتلعب فيها وتغني ليها قلت ليها ح افقدك والله ي الويه قالت لي دايره تطرديني ولا شنو قنعتي مني قلت ليها اي والله قنعت منك ودايره اطردك عاينت لي اولادي بنظره حزن كانها صدقت اني  ح اطردها قالت لي نوسه مالك انا غلطت عليك ف حاجه ودموعها جرت  انا قلبي لمن وجعني قلت ليها الويه بسم الله صدقتي انتي ي بت قولي بسم الله قالت لي دا كلامك بس م اتوقعتها منك ي نوسه الغيرك شنو قلت ليها الويه اقسم بالله انا اتغير من العالم كلو الا انتي م ح اتغير منك بس دقيقه خليني اشرح ليك    قلت ليها الويه جاك عريس قعدت تضحك قلت ليها ايوا كده بلاش دموعك ي غاليه قالت لي نوسه دا منو البرضا بي واحده شغاله ف البيوت قلت ليها يخسي عليك م تقولي ع نفسك كده انتي م كده انتي اختي والله ولا ف يوم فكرت في انك شغاله عندي قالت لي فعلا ي نوسه انتي م قصرتي مني بس دا منو القال عاوزني قلت ليها مهند قالت لي راجل روضه قلت ليها ياهو امي جات داخله وريتا قالت لي والله عاد الويه م فيها كلام وود اختي م فيهو كلمه  الويه بقت ساكته قلت ليها الويه ردي ياخ ووافقي قالت لي نوسه انتي متاكده انو هو ح يقبل بي قلت ليها هو منتظر موافقتك انتي بقت تتبسم ودموعها في عينا قالت لي النكلم امي اتصلت علي اهلا وورتهم وقالو ليها طوالي توافقي وتديهو رد  جات حكت لي بي كلام اهلا قلت ليها طيب اها انتي رايك شنو قالت لي انا بستخير وبديهو الرد بكره قلت ليها عين العقل مبدئيا كده انا ح ابشرو ولو انتي وافقتي بكلمو وتتفاهمو مع بعض 

بعد يومين الويه ادتني الموافقه واتصلت ع مهند وريتو واديتو ليها بالتلفون وبقو متواصلين مع بعض وشال رقم اهلا وطلب يدها وكانت مبسوطه وكل يوم تشكر فيني قلت ليها شوفي انا بقيت سبب ف قسمتك بس قالت لي ليك الفضل وبقت اليوم كلو تتونس وانا خففت منها حمل اولادي بقيت اشيلهم منها واخليها تاخد راحتها وم شاء الله  اليوم كلو تتونس قلت ليها زكرتيني عثمان 

مرت الايام والشهور وحبست الويه معاي ومهند نزل واول م نزل جاب اهلو وجونا شاف الويه وتمم الخطوبه وساقنا اشترينا الشنطه واي شي وقال لي خلاص الويه تمش اهلا عشان افرحو بيها قلت ليهو اكيد نحنا زاتو ماشين معاها انا وامي وابوي واولادي شلنا شنطه كبيره ومشينا اهلا رحبو بينا وم شاءالله ناس بسيطين وطيبين شديد شالونا في راسهم وانا كاني ام العروس قومتا بي عرسها كلو وكان عرسها والشنطه والشيله والعقد  ف يوم واحد وتاني مهند بجي يسوقها وانا انحبست معاها وكنت مبسوطه شديد وجا يوم العقد وديتا الكوفير ومشيت معاها كنت متواصله مع مهند انو يجي الكوفير عشان يسوقا وطبعا انا لبست معاها ومهند رجع لي دهبي كلو والويه كانت طايره من الفرحه وسبحان الله بتتمني الخير والسعاده لي الناس عشان كده ربنا جاب ليها السعاده حدي عندها  ودا حصاد نيتها الصافيه  البيضاء الحمد لله  وطلعت رهيبه وهي اصلا جميله جمال م عادي نسيت اوصف ليكم شكلها لونها قمحي وصحتها متوسطه عيونها بنيه تشبه الهنود ملامحها بريئه شديد ومهند طويل لونو اسمر زول رياضي عندو عضلات ووجيه بمعني الكلمه  اتصل علي قال لي نوسه وين انتي قلت ليهو مع الويه قال لي وينا الويه قلت ليهو جنبي قال لي زغرتي واديها التلفون قلت ليهو عقدتو قال لي الحمد لله وانا بقيت ازغرت واديتا التلفون وهي تبكي دموعا عشره عشره بالتحانيس حتي سكتناها مهند قال لي دقايق وجاينك قلت ليهو تمام  م عدينا ربع ساعه واتصل علي قال لي نوسه تعالي بره انا منتظرك عشان تدخليني للعروس قلت ليهو جدا طلعت وبقيت اتكلم معاهو بالتلفون وقال لي اقيفي انا شايفك انا كنت واقفه باتجاه السواق وقفت العربيه جنبي وفتح الباب ونزل عثمان وكان شايل اولادو الاتنين انا لمن شهقتا