رواية الخزلان الفصل الرابع والعشرون24بقلم نوسه حمد

العربيه وقفت جنبي ونزل منها عثمان وشايل اولادو انا لمن شفتو لمن شهقتا وقلبي طار وبقيت واقفه مندهشه بعاين ليهو فجاه دموعي جرت وم حسيت بنفسي الا وعثمان حاضني عليهو وهو يبكي وانا ابكي غلبني اسكت كنت م مصدقه عيوني وم قدرت انطق كلمه غير عثمان وهو حاول يهديني ويطبطب علي وانا حسيت انو ماف الدنيا في مكان م عارفه هو وين وحالتي بقت صعبه لمن مهند جا سكتني وهو زاتو دموعو عشره عشره اولادي من شافوني خافو واتشعبطو فيني وحلفو م يجو لي ابوهم  م متعودين عليهو وهو روحو تطلع فيهم كانو كان ف عالم تاني  وفجاه صحا   

مهند قال لي هوي سلميني مرتي دي وامشي ابكي مع راجلك في بيتكم بي راحتكم قلت ليهو شنو  عثمان قال لي ولا م عاوزه ترجعي بيتك قعدت اضحك وغلبني البقولو  وخجلت ومشيت واولادي م عاينت ليهم لابسين م لابسين شكلهم كيف م عاينت ليهم 

 دخلت لي الويه لقتني ابكي قالت  لي نوسه مالك فشنو مهند مالو الجاهو شنو قعدت اضحك قلت ليها ياهو دا همك قالت لي من اليوم م عندي هم غيرو   قلت ليها ربنا يسعدك حبيبتي ويخليكم لبعض بس المبكيني حاجه غير قالت لي اتزكرتي عثمان صاح حاولت تطبطب علي  قالت لي نوسه والله ح يرجع ربنا كريم وعالم بالظلم الانتي فيهو م تخربي لي فرحتي انتي عارفه مزاجي مع مزاجك لو زعلتي انا كمان ح ازهج وازعل قلت ليها اصبري النفهمك قالت لي اها قلت ليها عثمان بره قالت لي شنو شنو قلت ليها والله العظيم عثمان بره وشايل اولادو وهو الجاب مهند للكوفير قالت لي ي عويره انتي مفترض تفرحي انو راجلك بره وتقومي تاخديهو بالحضن قلت ليها حصل قالت لي طيب مالك قلت ليها دموع الفرح ي الويه وف نفس الوقت يا الاء خايفه قالت لي شوفي خوف م فينا اياك تخافي لازم تكوني راكزه وراكزه شديد كمان وتحكي لي عثمان بي اي شي عشتيهو من ظلم قعدت اضحك قلت ليها مفتكره انا لو حكيت ليهو ح اكون مرتاحه بالعكس ح اتعب شديد لانو انا الوحيده العانيت وم نفسي ارجع تاني لي ورا ولازم انسي اي شي مع نفسي م احكيهو وانا خايفه من الاكعب من دا قالت لي ماف اكعب من نومك ف الشارع  قلت ليها لا في في حقيقه انا دسيتا من كل الناس قالت لي شنو ي نوسه حتي مني دسيتيها قلت ليها اي وغصبا عني ي الويه الاء بقت متوتره قلت ليها الاء م تخافي ما موضوع خطير بس انا عثمان لو سالني وقال لي قولي الحقيقة م ح اكذب ح اقول اي شي قالت لي ما ياها قصه ولدو زمان كان بحبك وغشاك وخليتو بعض وعرستيهو هو وم كنتي عارفه انو هو ابو محمد قلت ليها الاء انا كنت عارفه انو هو ابو محمد قالت لي كيف حكيت ليها الكلام كلو واني اتعمدت اتزوج ابوهو عشان ادمرو بس قبل ارمي شباكي لي ابوهو ابوهو اعجب بي ودي حقيقه م بكذب فيها كلام م اتكلمت معاهو هو الاعجب بي وطلب يدي بس الغرض كان اني اتزوج ابوهو واغيظو وم فكرت لي انو انا كان ممكن احب ابوهو الويه قالت لي شوفي ي نوسه نتفق انو عثمان دا قسمتك القاسمه ليك ربنا  خليك من الاسباب الاتسببت في زواجك منو  عشان كده حته انو قلتي عاوزه تعرسيهو عشان تدمري ولدو دي نهاي م تزكريها لانو انتي قلتي قول خشم بس هو النفذ قبل انتي تنفذي الفي راسك يعني انتي حدي هنا موقفك سليم ودي م فيها حرمه وهو زاتو ح يستبعد الحاجه دي فما تركزي احكي اي شي الا النقطه دي ماشي قلت ليها ظابط ومهند اشيل واتصل طلعنا عليهو وقعد مع مرتو ورا وانا قعدت مع اولادي وابوهم وكانو مبسوطين وهو شغال اشاغل فيهم وكل دقيقه اسرق النظر واعاين لي لمن وصلنا العرسان نزلو وانا نزلت شلت بتي وعثمان شال ولدو ومدا لي يدو ومسكني ودخلنا معاهم امي لمن شافت عثمان بدل تزغرت لي الويه ومهند شغاله تزغرت لي انا وانا م قادره العبره خنقتني وابوي جا سلم علي عثمان لمن دموعو جرت الناس خلت العرسان بقت فينا نحنا  دموع الفرح عبرت عني واهل امي الشمتو علي كلهم لقيتهم ف وشي جو باركو لي وانا م فاهمه شي اكتشفت انو عثمان رجعني وعقد علي وم كده بس عرفت انو جاب لي شنطه واي شي  بس  المره دي شنطه لي وشنطه لي اولادي رغم الظلم الانظلمتو لحظه بس قدرت تمسح اي حزن عشتو ومن هنا عرفت معلومه مهما كان حجم المعانا الانت عشتها او الظلم الانظلمتو مهما كان حجمو لحظه الانتصار  بتمسح كل شي الحمد لله  وعديت اليوم وانا مبسوطه من جواي وطايره من الفرحه لو م خوفي من الناس ونظرتهم لي من جنب عثمان م ازح  واولادو متشعبطين فيهو شديد رغم انهم اول مره يشوفوهو  بس حسو بحنان الاب ودي اكتر حاجه نستني اي ظلم انظلمتو فرحه اولادي بالدنيا 

كنا عاوزين نقعد معاهم بس. عثمان اصر اننا نرجع ورجعنا البيت الكنت مأجراهو  عثمان قال لي ح ترجعو بيتكم الاساسي قلت ليهو يعني مرتك م كسرتو قال لي تكسرو ليه قلت ليهو موش بتك جايه ونازله فيهو قال لي ماف كلام بالشكل دا البيت دا انا كتبتو بي اسم ولدك وح يقعدو فيهو ابوك وامك ونحنا نقعد معاهم قلت ليهو احسن والله انا توبتا تاني م بقعد براي  عثمان بات معانا انا كنت ارجف خايفه من السؤال وكانو في امتحان ومره منو نصف الزمن ومنتظرا الزمن كلو يمرّ وعثمان يسألني بقيت متوتره عثمان قعدت جنبي قال لي نوسه انا اسف اعفي لي انا ظلمتك معاي كتير وانا لمن اموت م ح انسا اني خليتك في اصعب ايام كنتي محتاجاني فيهم وم بنسا اني م استمعت ليك وم بنسا انو انتي كل م تجي تتكلمي انا بسكتك بس انا الشي الدمر نفسياتي انو كيف انتي تخليني اطلع وتخونيني مع ولدي قلت ليهو عثمان وعزه جلال الله انا من عرفتك للحظه دي م ختيت مكانك زول ولا في زول ختا فيني يدو م عشان انا محترمه لا عشان انت م الراجل البخونوك وماف راجل بملي عيني بعدك بس ي عثمان انا فتحت الباب لي ولدك عشان ابعدو من طريقي لاني بقيت متزوجه وحامل قال لي اي انا عارف اي شي  بس بت خالتك م اتوقعتها انها تكون تحفر عشان تخرب بيتك ياخ انا قالت لي كلام مسكت اعصابي بالقوه كلام بجننن ي نوسه وع المقطع الرسلتو لي دا اكدت لي خيانتك بس كل الحاجات دي وضحت لي لمن  مهند جاني ف البيت وهو الاثبت لي برائتك وم عديت يومين الا وظهرت علي روضه واعترفت لي بي اي شي ومحمد ولدي هو الخطط للجيه ليكم مع روضه  عشان يخليني اطلقك وادمر بيتك وهو القل ليها انها تمثل انها مخلوعه وتضربك لمن تنزلي الجنين ومحمد سكران م واعي للبعمل فيهو قلت ليهو شنووووووووووو…