رواية الخزلان الفصل الخامس والعشرون25بقلم نوسه حمد

عثمان قال لي نوسه انا اسف بس اعزريني بت خالتك الهي لحمك ودمك جات لي وقالت لي انك بتخونني مع ولدي واني م استاهل وانا كذبتها وطردتها وكنت جاييك حزنان بس قبل اصلك رسلت لي مقطع فيديو انا م اوصف ليك حالي بقت كيف انا  اتمنيت اموت ولا اشوف ولدي اقول ليك بحبك ومافي بالي انو بكون بعرفك قبلي ما انا اتزوجك   افتكرت فعلا انك خونتيني معاهو وعرفتيهو بعد اتزوجتك رغم اني كل يوم بمر علي برجع بي زاكرتي وبتزكرك وبتزكر كل لحظاتي معاك وانك م خونتيني بس بتزكر الفيديو بتراجع وبقيت م فاهم شي من الدنيا وكنت بكره محمد ولدي من جواي لدرجه اني يوم واحد م حاولت اهديهو من الهو فيهو موش هو ولدي بس  الدخلت مني اتجاهو م راحت مني. الا لمن روضه جاتني. وطلبت اني اسامحها واعتزرت وانا كنت م ناقص كلام حاولت م اتفاهم معاها بس ظهر مهند وطلبت مني نسمع ليهو للاخر وكل كلامهم صدمني شديد ودموعي كانت بتزل علي اني م اديتك انتي فرصه تحكي لي وعلي اني ظلمتك وم سالت من اولادي بس اعزريني حتي اولادي كنت مشكك فيهم هل هم اولادي ولا اولاد محمد ولدي كنت بسبب الموضوع دا باخد مهدئات وكنت ما علي بعضي بتعمد اطلع من اي جو عشان انسا كل العلي قلت ليهو عثمان انا عازراك والله ويوم واحد م ختيت عليك اللوم كنت بلوم بت خالتي القصدت انها تدمر بيتي من غير م تسالني  وبقدره ربنا ودعواتي  ربنا نصرني بس ي عثمان ممكن تفهمني كيف محمد اتفق مع روضه كيف عشان يضربو الفي بطني  ويتسببو في اجهاض الجنين الما عندو ذنب قال لي دا الكلام القالتو روضه وانا اتاكدت من محمد 

بخلعه  قلت ليهو شنو قال لي ي نوسه انا واجهت محمد ولدي وحكا لي انو هو ظلمك ووعدك بالزواج وكان راسم عليك وهو خاطب بت خالو وحكا لي بي اي شي  وقال لي انو هو انصدم لمن عرف انك اتزوجتيني انا فهمتو كل الحقيقه انو انتي نزلتي معانا مدرسه وطلبتي انك تبقي معانا استاذه وانا اعجبت بيك 

 فجاه عثمان  اتزكر اني ظهرت ليهو ف الفيس  قال لي صحي ي نوسه انتي عرفتيني من وين انا قعدت اتمتم بس اتزكرت كلام الويه اني لازم اكون قويه واطمنو قلت ليهو انا كنت بفتش لشغل ودخلت قروبات كتيره بتاعت مدارس ولقيتك من ضمن المضافين وعرفت انك استاذ من التعاليق ودخلت ليك خاص وكلو في قسمه اولادي وبحمد عليهم ربنا  قال لي فعلا كل شي قسمه المهم ي نوسه انا واجهت محمد واتكلمت معاهو عديل ووديتو لطبيب نفسي لانو الحاله الفيها هو هسي صعبه واصعب م تتصوري وزي الدخل ف نفسيات بسبب الولاده وللاسف محمد عقيم قلت ليهو شنو شنو قال لي للاسف دي الحقيقه والمشكله م هنا المشكله في زوجتو طلبت الطلاق وقالت انها م بتقدر تعيش معاهو قلت ليهو قليله اصل والله هسي لو كانت هي عقيمه ح تطلب الطلاق  قال لي م مشكله لخير بس هو يبقا كويس وان شاء الله ربنا يشفاهو قلت ليهو امين يارب 🤲 دعواتنا ليهو قال لي اصيله 

قلت ليهو عثمان م حابي تسمع مني الحقيقه قال لي لا ي نوسه خلاص انا عرفت اي شي انتي م عليك لوم اللوم كان علي ولدي وولدي زاتو م واعي كان والحمد لله اني عرفت الحقيقه ورجعت للصواب م عايزه ارجع ورا نهااااااي لاي سبب من الاسباب  والقصه كلها انا عرفتها وهسي انا عايز اعوضك عن اي ظلم عشتي فيهو بسببي قلت ليهو وحياه اولادي ي عثمان انا عمري م زعلت منك وانت عوض ربنا الجميل والحمد لله  علي انك رجعت لي وماف تعويض اجمل من انك تكون جنبي  قال لي اصيله ي نوسه ووعد الله بيني وبينك ي نوسه  اني اسعدك وم اظلمك تاني وقبل كل دا نهاي م ح اسمع فيك كلمه اولادي بي جهه وانتي واولادي وعرضي ف جهه تانيه م بظلمك ولا بظلمهم ان شاء الله وربنا اقدرني واعدل بينكم قلت ليهو قدرها انت وربنا يقدرني واسعدك قال لي امين 🤲 

كنت مبسوطه برجوع عثمان لي امي قالت لي تمشي ترسمي وتجيهي ي بتي قلت ليها اكيد ان شاء الله عثمان قال لي انا جبت بت تنظف ليكم البيت قلت ليهو العفش دا حقي قال لي تمام بشوف ناس ينقلوهو وح نعيش مع ناس ابوك وامك لانهم محتاجين ليك قلت ليهو تمام ح نفصل الصالون ونظبطو ونقعد فيهو واولادي اصلا متعودين ع امي يعني ح يكونو معاها قال لي تمام ي نوسه الشايفاهو اعملي وانا مشغول الايام دي بجهز  لي الكورسات اتزكرت اني شغاله ف المدرسه المنافسه ليهو قلت ليهو عثمان ووظيفتي قال لي نوسه العاوزاهو انتي اعملي وكل شيء بقدر ربنا لو علي انا ارتاحي ي نوسه م عاوزك تشتغلي لا ف مدرستي لا اي مدرسه تانيه اهتمي بنفسك واولادك قلت ليهو خلاص انا م ح اشتغل بس لو احتجتو لي انا حاضره قال لي اصيله ي نوسه بتكلم معاي كده تلفونو اتصل وشكلها دي مرتو الاولي وصوتها كان بتصرخ وتقول ليهو الحقني ي عثمان نحنا خلاص انتهينا …………..تتوقعو المصيبه الجاتهم شنووووو